Mal 4
4
Mosimo we mojeki
(Mat 13.1-9; Luk 8.4-8)
1Yɛsu ǐka aeleja kalɛ itɛnda ja Bɔsɔmwá kuipamba li kyatenge ke Galilaya. Kekumva ke bato kyamɔlɛnga, Mǒbola né waninande mo wǎto ka alikana. Ka bato basɛ babɛja balika né mɔ mɔsɛkɛ mɔkɔ mɔtɛkɛlɛja. 2Ǎla, Yɛsu abaeleja mɛlɔndɔ yabula mo mesimo, ka mo koeleja kwande abasolela : 3«Tɛkɛlɛjani! Kwabɛja moto ɔmɔnji, wayaka kosiǒ yande kojeka boko. 4Mopena yajeka nde, boko bɔmɔnji bwakela Mwǐpamba linjela : nyɔnyi jabaka ka baja. 5Ka likinɛ jakela momawɛ, kosǐ tɛkwabɛja ne mɔsɛkɛ wabula. Boko bwatɔwa mokoba tɛ mɔsɛkɛ tewabɛja wabula. 6Ka aola jǒba jachumba mɛtɔwa mokoba tɛ melǐ teyǐngela mɔmɔsɛkɛ. 7Kiǔnda kekinɛ keboko kyakela mɔmɛkɛlɛ. Mɛkɛlɛ yakola ka yakɔma mɛtɔwa ka yakwa. 8Kekinɛ kyǔnda bwakela mɔmɔsɛkɛ wěnda, kwaoja boko bwakola wǎli bwabota; ka kwabangeka makomi masato ka makomi motoba ka ně mia moboko bɔmɔnji.» 9Ka Yɛsu atɛnda : «Ona olě, né machwe mekǔkwa aukwe wǎlini!»
Mobikě bwaeleja Yɛsu mo mesimo ?
(Mat 13.10-17; Luk 8.9-10)
10Ka abɛjabɔ bukɛli na Yɛsu, abala babɛja baɛmɛkɛla kɔmɔlɛnga ně ngelela* ikomi né babele ba moweja mole ela mesimo. 11Ande Yɛsu abasolela tɛ : «Bine mobangi lɔkɔwa lo kojeba kakongo ke bɔkɔta bwa Bɔsɔmwá, ka abala balese kɔnjɛ baka sololeka ku kɛndɔ kɛsɛ mo mesimo, 12mokoba tɛ,
«Balɔlɛ̌ ka bamɔnǎ.
Baǔkwě ka bajeba.
Imbe bǎloka kwa Bɔsɔmwá,
ka aba kwelela lokwa!»#4.12 Isa 6.9-10
Yɛsu atɔndɔlɛ mosimo we mojeki
(Mat 13.18-23; Luk 8.11-15)
13Ka Yɛsu abasolele kalɛ : «Boni, temwajeba seno ona mosimo ? Ka mesimo ekinɛ ɛsɛ mokamejeba boni ? 14Mojeki ajeka itɛnda ja Bɔsɔmwá. 15Bato bakinɛ balene imbɛ bale mo njela kwajekeka itɛnda ja Bɔsɔmwá. Ka ayɔyɔala kosila koliǔkwa kechwanda aǒlela ka abusola elila itɛnda monda né metema yabɔ. 16Bakinɛ bato bale né imbɛ obola boko bwa jekeka mɔ mɔsɛkɛ we mawɛ, ayɔyɔala imbɛ baliukwi itɛnda ja Bɔsɔmwá, atɛ balǐmenye nɛ̌kɛlɛ. 17Ka elila itɛnda ja Bɔsɔmwá lile né melǐ monda nabɔ, baǐmana ku mo pena ya kɛya, ka imbɛ lopopo lobejě imbɛ tǒbola bikaleka mwǐtɛnda ja Bɔsɔmwá ayɔyɔala atɛ bakeli. 18Ka bato bakinɛ bale né imbɛ obola boko bwajekeka mo mete yɛ mɛkɛlɛ. Ka ona mosimo ole né kwǎbala bato baukwa itɛnda ja Bɔsɔmwá, 19Ka mo bokondani bo kesé ka né bwimɔna ka nebo bikinɛ byɛndɔ bokakeke elila itɛnda ja Bɔsɔmwá monda né metema yabɔ, ka nobola bwǐkijɔ lipeki kobota bimuka. 20Ka bato bakinɛ bale né imbɛ obola byakela mɔ mɔsɛkɛ waěnda. Abala ba wanyanaya né bato baukwa itɛnda ja Bɔsɔmwá, balǐmenya, ka babota bimuka; bakinɛ asambǎ bɔ babota bimuka makomi masatomasato ka bakinɛ makomi motobamotoba ka bakinɛ kama ko kama.»
Mosimo wǐtala
(Luk 8.16-18)
21Ka Yɛsu abasolele kalɛ : «Boni, moto alenge atobola itala ka né koli kukumeka né kepakǎ ? Ka imbɛ tǒbola alenge alibeka kose nǐtale ? Kǒsǐ! Itala balisakola né kwiyolo né lɔbɔ̌ mɔkɔsɔna tɛ bato basɛ bamɔnɛ. 22Mɔkɔsɔna tɛ kɛndɔ kɛsɛ kǐsama kekǐsoleka mobuchu bɔmɔnji, ka kakongo kasɛ kakumeka kakaola kwɛ̌lɔ. 23Ǔkwa wǎlini, imbɛ mole né machwe mekǔkwa, ukwǎni!»
24Yɛsu abasolele kalɛ : «Mɛlɔndɔ ya ǔkwa se bine mebeka wǎli mo metema, mokoba tɛ mwasila kwɛ̌mɛkɛla ko ketela bakinɛ abɔ né bokaketa Bɔsɔmwá mole bine. Ka ande akaketa komwěta bine kalɛ. 25Ka ola olě nɛ kɛndɔ akamwǎ pekela ke kinɛ; ka ola osǐ tale nɛkɛndɔ akabusoleka angɔ̌ ekela kwaibalelande koba nakyɔ.»
Mosimo we boko bwatɔwa
26Yɛsu atɛndi kalɛ : «Bɔkɔta bwa Bɔsɔmwá* bwawanyanya né moto ɔmɔnji waǔsa boko monda ně sio yande. 27Alala ka abiǒka buchu ně jǒba ka boko bwatɔwa neko kola ka ande kǒsǐ tɛ ajeba wakola bɔ. 28Mokoba tɛ mɔsɛkɛ awɔbɛnɛ né watɔwɛjǎ boko né bilɛlɛ ka bimuka kɔmɔngɔ bisɛ ebila mɔ mɔnɛka ɔmɔnji. 29Ka bimuka bichungě, moto atɛ abele né kabao kande kobuka mokoba tɛ kěmo kekoki.»
Mosimo we kamuka kakɛya
(Mat 13.31-32; Luk 13.18-19)
30Yɛsu atɛndi kalɛ : «Bɔkɔta bwa Bɔsɔmwá* tolenge twabosendeka někě ? Ka imbɛ tǒbola tolenge twatɛndɛla mole mosimǒ mokě ? 31Bole né bwa wanyanya né kamuka ke alidali kakɛya kɔtɔta bimuka bisɛ bile mɔ mɔsɛkɛ imbɛ okajeki. 32Ka kasilě kokajeka atɛ kakoli nɛkɔtɔta boko bokinɛ bɔsɛ bo sio. Katɔa byǎpe byande byapamba ka angɔ̌ nyɔnyi jabɛja kwǎleka bilabo byǎbɔ mo kɛlumbɛlumbɛ kyǒla mote.»
33Yɛsu aěleja itɛnda ja Bɔsɔmwa mo mesimo Yabula ekinɛ yawanyanya něla kojangana né bikumva bikinɛ bamǔkwe. 34Tatɛnda nabɔ kǒsǐ mosimo. Ka imbɛ aikě bukɛli ně ngelelǎ* jande, atɛ abalangeje, bisɛ neko tɔndɔlɛla wǎse.
Yɛsu akɔbɛjɛ lopopo
(Mat 8.23-27; Luk 8.22-25)
35Mɔ kyɔla kyobola buchu, Yɛsu atɛndi ně ngelela* jande : «Tobande kɔpɔngɔ ye kyatenge.» 36Kosila, batoka moěkela kekumva ke bato, ngelela* bamotomba Yɛsu baingela mo wǎto kwabɛja nde alikana kalɛ. Ka kwabɛja mǎto makinɛ ǎla. 37Ka lɔla, lopopo lwajowa lwabaka ka nǐtɛmbɔ Jǐngela né mo wǎto ka wǐka kyajala mǎnje. 38Mwěla pena Yɛsu abɛja né kɔmɔngɔ we wǎto alala ka lokongo ko monga. Ngelela* jande jǐka jamobyǒla ka batɛnda : ‟Ě Mwěleji kokwa kwito ko kokete kɛndɔ̌ˮ ? 39Ka Yɛsu abyǒka nde ǎkamokela lopopo atɛndɛla lwalaba : «Lɛka! Kɔbayɛ!» Ka ayɔyɔala lopopo né kyatenge byakɔba yɛ. 40Kosila, Yɛsu abasolela ngelela* jande : «Mwǎtena sebikě ? Bine mona ngimenye kuna ?» 41Ka ngelela* jande amɔnabɔ obola, bakwabɔ̌ba ka abɔbɛnɛ batɛndɛjana : «nani ǒna ǔkunyekǎ né lopopo ka né kyatenge ?»
Právě zvoleno:
Mal 4: sod
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
2025 Forum Communautairre des Traducteurs de la bible et Alphabetisation
