ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 8
8
ܗ̄ܺܝ ܙܳܟ̥ܽܘܬ̥ܳܐ ܕܝܶܫܽܘܥ ܥܰܠ ܗ̄ܺܝ ܚܛܺܝܬ̥ܳܐ
1ܗܰܢ ܢܰܩܠܐ ܠܰܝܬ ܢܦܳܠܳܐ ܬܰܚܬ ܗ̄ܽܘ ܕܺܝܢܳܐ ܠܰܐܝܢܰܐ ܕܟ݄ܬܢܶܝ ܒܝܶܫܽܘܥ ܡܫܺܝܚܳܐ ܕܠ݄ܐ ܟ݄ܡܗܰܠܟ̥ܺܝ ܒܽܗ̄ܘ ܕܰܪܒܳܐ ܕܽܗ̄ܘ ܦܰܓ̥ܪܳܐ. 2ܥܰܠ ܕܽܗ̄ܘ ܢܳܡܽܘܣܳܐ ܕܺܗ̄ܝ ܪܽܘܚܳܐ ܕܟܳܗ̄ܒܳܐ ܚܰܝ̈ܶܐ ܕ݄ܒܝܶܫܽܘܥ ܡܫܺܝܚܳܐ ܡܚܰܪܰܪ ܠܶܗ ܠܳܟ̥ ܡܽܗ̄ܘ ܢܳܡܽܘܣܳܐ ܕܺܗ̄ܝ ܚܛܺܝܬ̥ܳܐ ܘܕܽܗ̄ܘ ܡܰܘܬܳܐ. 3ܘܥܰܠ ܕܟ݄ܬ ܗ̄ܘܰܐ ܗ̄ܽܘ ܢܳܡܽܘܣܳܐ ܪܰܦܝܳܐ ܒܺܗ̄ܝ ܪܰܦܝܽܘܬ̥ܳܐ ܕܽܗ̄ܘ ܦܰܓ̥ܪܳܐ، ܐܰܠܳܗܳܐ ܡܫܰܕܰܪ ܠܶܗ ܠܽܗ̄ܘ ܐܰܒܪܰܝܕ̥ܶܗ ܒܺܗ̄ܝ ܨܽܘܪܬܳܐ ܕܽܗ̄ܘ ܦܰܓ̥ܪܳܐ ܕܺܗ̄ܝ ܚܛܺܝܬ̥ܳܐ، ܠܰܫܰܢ ܕܒܽܗ̄ܘ ܦܰܓ̥ܪܰܝܕ̥ܶܗ ܡܰܢܦ݄ܠ ܗ̄ܺܝ ܚܛܺܝܬ̥ܳܐ ܬܰܚܬ ܗ̄ܽܘ ܕܺܝܢܳܐ. 4ܕܺܗ̄ܝ ܟܺܐܢܽܘܬ̥ܳܐ ܕܽܗ̄ܘ ܢܳܡܽܘܣܳܐ ܕܡ݄ܡܠܳܝܳܐ ܐܶܒܰܢ، ܥܰܠ ܕܠ݄ܐ ܟ݄ܡܗܰܠܟ̥ܺܝܢܰܐ ܒܽܗ̄ܘ ܕܰܪܒܳܐ ܕܽܗ̄ܘ ܦܰܓ̥ܪܳܐ ܐܶܠܳܐ ܕܺܗ̄ܝ ܪܽܘܚܳܐ. 5ܐܰܝܢܰܐ ܕܟ݄ܬܢܶܝ ܒܽܗ̄ܘ ܕܰܪܒܳܐ ܕܽܗ̄ܘ ܦܰܓ̥ܪܳܐ، ܠܶܒܰܝّܶܗ ܠܽܗ̄ܘ ܦܰܓ̥ܪܳܐ ܟܳܐܒ݄ܥ. ܘܰܐܝܢܰܐ ܕܟ݄ܬܢܶܝ ܒܽܗ̄ܘ ܕܰܪܒܳܐ ܕܺܗ̄ܝ ܪܽܘܚܳܐ، ܠܶܒܰܝّܶܗ ܠܺܗ̄ܝ ܪܽܘܚܳܐ ܟܳܐܒ݄ܥ. 6ܗ̄ܽܘ ܪܶܢܝܳܐ ܕܽܗ̄ܘ ܦܰܓ̥ܪܳܐ ܡܰܘܬܳܐ ܝܳܐ، ܘܽܗ̄ܘ ܪܶܢܝܳܐ ܕܺܗ̄ܝ ܪܽܘܚܳܐ ܚܰܝ̈ܶܐ ܘ݄ܫܠܳܡܳܐ ܢܶܝ. 7ܡܺܐܝܕ̥ܶܗ ܕܽܗ̄ܘ ܪܶܢܝܳܐ ܕܽܗ̄ܘ ܦܰܓ̥ܪܳܐ ܒܥܶܠܕܒܳܒܽܘܬ̥ܳܐ ܝܳܐ ܓܰܒ ܐܰܠܳܗܳܐ، ܘܗܰܢܳܐ (ܗ̄ܽܘ ܪܶܢܝܳܐ) ܠ݄ܐ ܟܥܳܒ̥݄ܕ ܘܠܰܝܒܶܗ ܥܳܒ̥݄ܕ ܠܽܗ̄ܘ ܢܳܡܽܘܣܳܐ ܕܰܐܠܳܗܳܐ. 8ܘܰܐܝܢܰܐ ܕܒܽܗ̄ܘ ܕܰܪܒܳܐ ܕܽܗ̄ܘ ܦܰܓ̥ܪܳܐ ܢܶܝ، ܠܰܒّܶܗ ܡܰܫܦܪܺܝ ܪ̈ܽܘܚܰܝّܶܗ ܩ݄ܕ̱ܡ ܐܰܠܳܗܳܐ. 9ܘܗܰܬܽܘ ܠܰܝ̱ܬ ܗ̄ܰܬܽܘ ܒܽܗ̄ܘ ܕܰܪܒܳܐ ܕܽܗ̄ܘ ܦܰܓ̥ܪܳܐ، ܐܶܠܳܐ ܒܽܗ̄ܘ ܕܰܪܒܳܐ ܕܺܗ̄ܝ ܪܽܘܚܳܐ ܐܶܢ ܒ݄ܫܪܳܪܳܐ ܗ̄ܺܝ ܪܽܘܚܳܐ ܕܰܐܠܳܗܳܐ ܐܰܒܟ̥ܽܘ ܟܥ݄ܡܪܳܐ. ܘܶܐܢ ܢܳܫܳܐ ܠܰܝܬ ܐܶܒܶܗ ܗ̄ܺܝ ܪܽܘܚܳܐ ܕ݄ܡܫܺܝܚܳܐ، ܗܰܢܳܐ ܠܰܝ̱ܬ ܝܳܐ ܕܺܝܕ̥ܶܗ (ܕ݄ܡܫܺܝܚܳܐ). 10ܘܕܳܗ̄ܘܶܐ ܡܫܺܝܚܳܐ ܐܰܒܟ̥ܽܘ، ܗ̄ܽܘ ܦܰܓ̥ܪܳܐ ܟܳܗ̄ܘܶܐ ܡܺܝܬ̥ܳܐ ܠܰܫܰܢ ܗ̄ܺܝ ܚܛܺܝܬ̥ܳܐ، ܘܺܗ̄ܝ ܪܽܘܚܳܐ ܒܰܚّܰܝ̈ܶܐ ܝܳܐ ܠܰܫܰܢ ܗ̄ܺܝ ܟܺܐܢܽܘܬ̥ܳܐ. 11ܘܶܐܢ ܗ̄ܺܝ ܪܽܘܚܳܐ ܕܰܗ̄ܘܳܐ ܕܡܰܩ݄ܡ ܠܶܗ ܠܡܳܪܰܢ ܝܶܫܽܘܥ ܡܫܺܝܚܳܐ ܡܒܰܝܢ ܗ̄ܰܡّܺܝ̈ܬ̥ܶܐ ܟܥ݄ܡܪܳܐ ܐܰܒܟ̥ܽܘ، ܗܰܘܳܐ ܕܡܰܩ݄ܡ ܠܶܗ ܠܝܶܫܽܘܥ ܡܫܺܝܚܳܐ ܡܒܰܝܢ ܗ̄ܰܡّܺܝ̈ܬ̥ܶܐ، ܠܰܦّܰܓ̥ܪ̈ܰܬ̥ܟ̥ܽܘ ܣܬܶܝ ܗ̄ܰܡّܺܝ̈ܬ̥ܶܐ ܓܕܳܗ̄ܒܶܐ ܚܰܝ̈ܶܐ، ܥܰܠ ܕܺܗ̄ܝ ܪܽܘܚܰܝܕ̥ܶܗ ܟܥ݄ܡܪܳܐ ܐܰܒܟ̥ܽܘ.
ܗ̄ܺܝ ܪܽܘܚܳܐ ܕ݄ܟܣܰܝܡܳܐ ܠܰܢ ܐܰܒܢ̈ܶܐ ܠܰܐܠܳܗܳܐ
12ܘܳܐܥܕܳܐ، ܝܰܐ ܐܰܚ̈ܽܘܢܳܢܶܐ، ܕܰܝܢܳܐ ܝܳܐ ܐܰܥܠܰܢ ܠܳܐ ܠܽܗ̄ܘ ܦܰܓ̥ܪܳܐ ܕܒܽܗ̄ܘ ܕܰܪܒܳܐ ܕܽܗ̄ܘ ܦܰܓ̥ܪܳܐ ܡܗܰܠܟ̥ܺܝܢܰܐ: 13ܐܶܢ ܒܽܗ̄ܘ ܦܰܓ̥ܪܳܐ ܟܚܳܝܶܝܬܽܘ، ܓ݄ܕܡܰܝܬ̥ܺܝܬܽܘ. ܘܶܐܢ ܒܺܗ̄ܝ ܪܽܘܚܳܐ ܟܡܰܡܺܝܬ̥ܺܝܬܽܘ ܗ̄ܰܥܒܳܕ̥̈ܶܐ ܕܽܗ̄ܘ ܦܰܓ̥ܪܳܐ، ܓܚܳܝܶܝܬܽܘ. 14ܡܺܐܝܕ̥ܶܗ ܕܰܐܝܢܰܐ ܕܡܺܝܕܰܒܪܺܝ ܡܺܗ̄ܝ ܪܽܘܚܳܐ ܕܰܐܠܳܗܳܐ، ܗܰܢܺܝ ܗ̄ܰܢ ܐܰܒܢ̈ܶܐ ܕܰܐܠܳܗܳܐ ܢܶܝ. 15ܥܰܠ ܕܠܳܐ ܡ݄ܕܟ̥ܽܘ ܗ̄ܺܝ ܪܽܘܚܳܐ ܕܺܗ̄ܝ ܥܰܒܕܽܘܬ̥ܳܐ ܢܰܩܠܐ ܚܪܶܬܳܐ ܠܺܗ̄ܝ ܙܽܘܥܬ̥ܳܐ، ܐܶܠܳܐ ܡ݄ܕܟ̥ܽܘ ܗ̄ܺܝ ܪܽܘܚܳܐ ܕܶܐܒܰܗ ܟܳܗ̄ܘܺܝܬܽܘ ܐܰܒܢ̈ܶܐ ܕܰܐܠܳܗܳܐ ܕܶܐܒܰܗ ܟܩܳܪܶܝܢܰܐ ܠܰܐܠܳܗܳܐ: ”ܐܰܒܰܐ، ܐܰܒܘܿܢ.“
16ܘܺܗ̄ܝ ܪܽܘܚܳܐ ܟܣ݄ܗܕܳܐ ܠܺܗ̄ܝ ܪܽܘܚܰܝܕ̥ܰܢ ܕܟ݄ܬܢܰܐ ܗ̄ܰܢ ܐܰܒܢ̈ܶܐ ܕܰܐܠܳܗܳܐ. 17ܘܶܐܢ ܐܰܒܢ̈ܶܐ ܢܰܐ، ܝܳܪ̈ܬ̥ܶܐ ܣܬܶܝ ܟܳܗ̄ܘܺܝܢܰܐ، ܝܳܪ̈ܬ̥ܶܐ ܕܰܐܠܳܗܳܐ، ܘܝܳܪ̈ܬ̥ܶܐ ܥܰܡ ܡܳܪܰܢ ܝܶܫܽܘܥ ܡܫܺܝܚܳܐ. ܐܶܢ ܐܰܥܡܶܗ ܕܛܳܥܢܺܝܢܰܐ ܚܰܫܳܐ، ܐܰܥܡܶܗ ܣܬܶܝ ܓܡܺܝܫܰܒܚܺܝܢܰܐ.
ܗ̄ܽܘ ܫܽܘܒܚܳܐ ܕ݄ܟܡ݄ܢܛ݄ܪ ܠܰܗ̄ܢ ܐܰܒܢ̈ܶܐ ܕܰܐܠܳܗܳܐ
18ܘܡܰܫ݄ܪ ܐ̱ܢܳܐ ܕܰܟّܶܐܒ̥̈ܶܐ ܕܽܗ̄ܘ ܙܰܒܢܰܢܳܐ ܠܰܝ̱ܬ ܢܶܝ ܡܶܕܶܐ ܩ݄ܕ̱ܡ ܗ̄ܽܘ ܫܽܘܒܚܳܐ ܕ݄ܓܡ݄ܓܠܶܐ ܐܶܒܰܢ. 19ܘ݄ܒܪܺܝܬ̥ܳܐ ܟܽܘܠܰܗ ܟ݄ܬ ܠܰܗ ܣܰܒܪܳܐ ܘ݄ܟܢ݄ܛܪܳܐ ܠܽܗ̄ܘ ܓܶܠܝܳܢܳܐ ܕܰܗ̄ܢ ܐܰܒܢ̈ܶܐ ܕܰܐܠܳܗܳܐ. 20ܘ݄ܒܪܺܝܬ̥ܳܐ ܠܳܐ ܒܽܗ̄ܘ ܨܶܒܝܳܢܰܝܕ̥ܰܗ ܗܰܘܝܳܐ ܓܪܰܥܬܳܐ ܠܺܗ̄ܝ ܒܰܛܺܝܠܽܘܬ̥ܳܐ، ܐܶܠܳܐ ܒܽܗ̄ܘ ܨܶܒܝܳܢܳܐ ܕܰܗ̄ܘܳܐ ܕܣܺܝܡܳܐ ܠܶܗ ܓܪܰܥܬܳܐ ܥܰܠ ܗ̄ܽܘ ܣܰܒܪܳܐ 21ܕܗܺܝّܰܗ ܣܬܶܝ، ܒܪܺܝܬ̥ܳܐ ܗܳܘܝܳܐ ܚܺܐܪܬܳܐ ܡܺܗ̄ܝ ܥܰܒܕܽܘܬ̥ܳܐ ܕܽܗ̄ܘ ܚܪܳܒ̥ܳܐ، ܒܺܗ̄ܝ ܚܺܐܪܽܘܬ̥ܳܐ ܕܽܗ̄ܘ ܫܽܘܒܚܳܐ ܕܰܗ̄ܢ ܐܰܒܢ̈ܶܐ ܕܰܐܠܳܗܳܐ. 22ܥܰܠ ܕܟܳܐܕ̥ܥܺܝܢܰܐ ܕܟܽܘܠّܶܗ ܗ̄ܰܒّܶܪ̈ܝܳܬ̥ܳܐ ܗܳܠ ܠܰܐܕܝܰܘܡܰܐ ܟܡܰܐܢܺܝܢܺܝ ܘ݄ܟܟܳܝܰܒّ̥ܶܗ ܗ̄ܽܘ ܟܶܐܒ̥ܳܐ ܕܽܗ̄ܘ ܛܥܳܢܳܐ، 23ܘܠܳܐ ܗ݄ܢّܶܝ ܠܪ̈ܽܘܚܰܝّܶܗ، ܐܶܠܳܐ ܐܰܚܢܰܐ ܣܬܶܝ ܕܟܺܝܬ ܐܶܒܰܢ ܗ̄ܺܝ ܩܰܕ̱ܡܰܝܬܳܐ ܕܺܗ̄ܝ ܪܽܘܚܳܐ، ܟܟܳܝܰܒ̥ ܠܰܢ ܒܢܰܦܫܰܝ̈ܢܰܐ، ܘ݄ܓܢܳܛܪܺܝܢܰܐ ܡܰܢ̱ ܐܠܳܗܳܐ ܕܣܳܝܰܡ ܠܰܢ ܐܰܒܢ̈ܶܐ ܘܦܳܪ݄ܩ ܗ̄ܰܦّܰܓ̥ܪ̈ܰܝܕ̥ܰܢ. 24ܘܶܐܒܶܗ ܒܽܗ̄ܘ ܣܰܒܪܳܐ ܗܰܘܺܝ ܠܰܢ ܚܰܝ̈ܶܐ. ܘܽܗ̄ܘ ܣܰܒܪܳܐ ܕܡ݄ܚܙܶܐ ܠܰܝ̱ܬ ܝܳܐ ܣܰܒܪܳܐ، ܘܶܐܢ ܚܳܙܺܝܢܰܐ ܠܶܗ ܐܰܝܕܰܪܒܳܐ ܓܢܳܛܪܺܝܢܰܐ ܠܶܗ؟ 25ܘܶܐܢ ܠܽܗ̄ܘ ܡܶܕܶܐ ܕܠ݄ܐ ܟܡ݄ܚܙܶܐ ܟ݄ܬ ܠܰܢ ܣܰܒܪܳܐ، ܗ̄ܺܝ ܢܰܩܠܝܳܐ ܒܺܗ̄ܝ ܡܣܰܝܒܪܳܢܽܘܬ̥ܳܐ ܟܦܰܝܫܺܝܢܰܐ (ܟܢ݄ܛܪܺܝܢܰܐ).
ܗ̄ܺܝ ܛܰܝܒܽܘܬ̥ܳܐ ܕܰܐܠܳܗܳܐ ܕܟ݄ܡܕܰܘܡܪܳܐ
26ܘܗܰܘܟ̥ܰܐ ܣܬܶܝ ܗ̄ܺܝ ܪܽܘܚܳܐ ܟ݄ܡܥܰܕܪܳܐ ܠܺܗ̄ܝ ܪܰܦܝܽܘܬ̥ܰܝܕ̥ܰܢ، ܡܺܐܝܕ̥ܶܗ ܕܠ݄ܐ ܟ݄ܐܕ̥ܥܺܝܢܰܐ ܡ݄ܢ ܡܨܰܠܺܝܢܰܐ ܐܟ̥ ܕܽܗ̄ܘ ܡܶܕܶܐ ܕܟ݄ܬ ܝܳܐ ܫܰܦܺܝܪܳܐ، ܐܶܠܳܐ ܗ̄ܺܝ ܪܽܘܚܳܐ ܟ݄ܡܨܰܠܝܳܐ ܡܶܢ̱ ܚܠܳܦܰܢ ܒܬܶܢܺܝܢܳܐ ܕܠ݄ܐ ܟܡܺܝܬܰܘܡ݄ܪ. 27ܘܗܺܝّܶܗ ܕܟܳܐܕ̥݄ܥ (ܘܒܳܚ݄ܪ) ܗ̄ܰܠّܶܒ̈ܶܐ، ܟܳܐܕ̥݄ܥ ܡ݄ܢ ܟ݄ܐܒܥܳܐ ܗ̄ܺܝ ܪܽܘܚܳܐ، ܘܺܗ̄ܝ ܪܽܘܚܳܐ ܐܟ̥ ܕܽܗ̄ܘ ܨܶܒܝܳܢܳܐ ܕܰܐܠܳܗܳܐ ܟ݄ܡܨܰܠܝܳܐ ܡܶܢ̱ ܚܠܳܦ ܗ̄ܰܩّܰܕ̈ܺܝܫܶܐ. 28ܘܟ݄ܐܕ̥ܥܺܝܢܰܐ ܕܰܐܝܢܰܐ ܕ݄ܟܪܳܚܡܺܝ ܠܰܐܠܳܗܳܐ، ܐܰܠܳܗܳܐ ܟ݄ܡܥܰܕܰܪّܶܗ ܒܟܽܘܠ ܡܶܕܶܐ ܠܺܗ̄ܝ ܛܳܒ̥ܽܘܬ̥ܳܐ، ܠܰܗ̄ܢܺܝ ܕܡܺܗ̄ܝ ܩܰܕ̱ܡܰܝܬܳܐ ܡܥܰܝܢܺܝ ܠܶܗ ܕܳܗ̄ܘ݄ܢ ܩܰܪ̈ܝܶܐ. 29ܘܰܐܕ̥݄ܥّܶܗ ܡܶܢ̱ ܡܶܩ݄ܕ̱ܡ، ܘ݄ܪܫܺܝܡܺܝ ܠܶܗ ܐܟ̥ ܕܽܗ̄ܘ ܨܰܠܡܳܐ ܕܺܗ̄ܝ ܨܽܘܪܬܳܐ ܕܽܗ̄ܘ ܐܰܒܪܰܝܕ̥ܶܗ، ܠܰܫܰܢ ܗܺܝّܶܗ ܗܳܘܶܐ ܗ̄ܽܘ ܒܽܘܟ̥ܪܳܐ (ܗ̄ܽܘ ܐܰܒܪܳܐ ܩܰܕ̱ܡܳܝܳܐ) ܠܰܐܚ̈ܘܿܢܳܢܶܐ ܓ̥ܰܠܰܒܶܐ. 30ܘܠܰܗ̄ܢܺܝ ܕܡܺܗ̄ܝ ܩܰܕ̱ܡܰܝܬܳܐ ܪܫܺܝܡܺܝ ܠܶܗ، ܐܰܠّܶܗ ܩܪܶܐ ܠܶܗ، ܘܠܰܗ̄ܢܺܝ ܕ݄ܩܪܶܐ ܠܶܗ ܡܙܰܕܩܺܝ ܠܶܗ، ܘܠܰܗ̄ܢܺܝ ܕ݄ܡܙܰܕܩܺܝ ܠܶܗ، ܡܫܰܒܚܺܝ ܠܶܗ.
ܗ̄ܽܘ ܬܶܐܣܺܝܪܳܐ ܕܒ݄ܡܫܺܝܚܳܐ ܘܒܺܗ̄ܝ ܚܽܘܒܰܝܕ̥ܶܗ
31ܗܰܢ ܢܰܩܠܐ ܡ݄ܢ ܐ݄ܡّܺܪ̱ܝܢܰܐ ܥܰܠ ܗܰܢܺܝ: ܕܳܗ̄ܘܶܐ ܐܰܠܳܗܳܐ ܡܶܢ̱ ܚܠܳܦܰܢ، ܡܰܢܝܳܐ ܕܩܳܝ݄ܡ ܒܦܳܬ̥ܰܢ؟ 32ܘܶܐܢ ܥܰܠ ܗ̄ܽܘ ܐܰܒܪܰܝܕ̥ܶܗ ܠܳܐ ܡܰܪܚܰܡ ܠܶܗ، ܐܶܠܳܐ ܡܶܢ̱ ܚܠܳܦ ܟܽܘܠܰܢ ܡܰܫܠܰܡ ܠܶܗ (ܠܽܗ̄ܘ ܡܰܘܬܳܐ)، ܐܰܝܕܰܪܒܳܐ ܠܳܐ ܟܽܘܠ ܡܶܕܶܐ ܐܰܥܡܶܗ ܓܕܳܗ̄ܒܶܐ ܠܰܢ؟ 33ܡܰܢܝܳܐ ܕ݄ܓܡܰܫܟܶܐ ܥܰܠ ܗ̄ܰܓّܰܒ̈ܝܶܐ (ܗ̄ܰܡܢܰܩܝ̈ܶܐ) ܕܰܐܠܳܗܳܐ؟ ܐܰܠܳܗܳܐ ܝܳܐ ܕܟ݄ܡܙܰܕ݄ܩ. 34ܘܡܰܢܝܳܐ ܕ݄ܓܕܳܝ݄ܢ؟ ܡܫܺܝܚܳܐ ܝܳܐ ܕܡܰܝ݄ܬ̥ ܘܩܰܝ݄ܡ ܘܝܰܬܽܒ̥ ܡܽܗ̄ܘ ܝܰܡܺܝܢܳܐ ܕܰܐܠܳܗܳܐ، ܘܟ݄ܡܨܰܠܶܐ (ܘܳܐܒ݄ܥ) ܡܶܢ̱ ܚܠܳܦܰܢ. 35ܡܰܢ ܓܦܳܪܰܫ ܠܺܝ ܡܺܗ̄ܝ ܚܽܘܒܳܐ ܕ݄ܡܫܺܝܚܳܐ؟ ܥܺܝܩܽܘܬ̥ܳܐ، ܐܰܘ ܚܒܽܘܫܝܳܐ، ܐܰܘ ܛܪܳܕܳܐ، ܐܰܘ ܟܰܦܢܳܐ، ܐܰܘ ܥܰܪܛܶܠܳܝܽܘܬ̥ܳܐ (ܙܰܠܛܳܐ)، ܐܰܘ ܙܽܘܥܬ̥ܳܐ (ܘܩܶܢܛܳܐ)، ܐܰܘ ܣܰܝܦܳܐ؟ 36ܐܟ̥ ܕ݄ܟܬ̥ܺܝܒ̥: ”ܠܰܫܰܢܳܟ̥ ܟܽܘܠ ܝܰܘܡܳܐ ܟܡܰܝܬ̥ܺܝܢܰܐ، ܘ݄ܐܟ̥ ܕܰܦّܰܪ̈ܶܐ ܠܽܗ̄ܘ ܢܚܳܪܳܐ ܚܫܺܝܒ̥ܺܝܢܰܐ.“
37ܐܶܠܳܐ ܒܰܗ̄ܢܺܝ ܟܽܘܠّܶܗ ܪ̈ܰܒܳܚܶܐ ܢܰܐ ܒܽܗ̄ܘ ܚܰܝܠܳܐ ܕܰܗ̄ܘܳܐ ܕ݄ܪܚ݄ܡ ܠܶܗ ܠܰܢ. 38ܘܟܳܐܕ̥ܰܥ ܐ̱ܢܳܐ (ܘ݄ܟܡܰܫ݄ܪ ܐ̱ܢܳܐ) ܕܠܳܐ ܡܰܘܬܳܐ ܘܠܳܐ ܚܰܝ̈ܶܐ، ܘܠܳܐ ܡܰܠܰܐܟ̥̈ܶܐ ܘܠܳܐ ܫܽܘܠܛܳܢ̈ܶܐ ܘܠܳܐ ܚܰܝ̈ܠܶܐ، ܘܠܳܐ ܗܰܢܺܝ ܕܳܐܥܕܳܐ ܘܠܳܐ ܗܰܢܺܝ ܕ݄ܓܕܳܐܬ̥݄ܢ، 39ܘܠܳܐ ܥܳܠܝܳܐ ܘܠܳܐ ܥܽܘܡܩܳܐ، ܘܠܳܐ ܒܪܺܝܬ̥ܳܐ ܚܪܶܬܳܐ ܟܺܝܒܰܗ ܦ݄ܪܫܳܐ ܠܺܝ ܡܺܗ̄ܝ ܚܽܘܒܳܐ ܕܰܐܠܳܗܳܐ ܕ݄ܒܡܳܪܰܢ ܝܶܫܽܘܥ ܡܫܺܝܚܳܐ.
Právě zvoleno:
ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 8: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 8
8
ܗ̄ܺܝ ܙܳܟ̥ܽܘܬ̥ܳܐ ܕܝܶܫܽܘܥ ܥܰܠ ܗ̄ܺܝ ܚܛܺܝܬ̥ܳܐ
1ܗܰܢ ܢܰܩܠܐ ܠܰܝܬ ܢܦܳܠܳܐ ܬܰܚܬ ܗ̄ܽܘ ܕܺܝܢܳܐ ܠܰܐܝܢܰܐ ܕܟ݄ܬܢܶܝ ܒܝܶܫܽܘܥ ܡܫܺܝܚܳܐ ܕܠ݄ܐ ܟ݄ܡܗܰܠܟ̥ܺܝ ܒܽܗ̄ܘ ܕܰܪܒܳܐ ܕܽܗ̄ܘ ܦܰܓ̥ܪܳܐ. 2ܥܰܠ ܕܽܗ̄ܘ ܢܳܡܽܘܣܳܐ ܕܺܗ̄ܝ ܪܽܘܚܳܐ ܕܟܳܗ̄ܒܳܐ ܚܰܝ̈ܶܐ ܕ݄ܒܝܶܫܽܘܥ ܡܫܺܝܚܳܐ ܡܚܰܪܰܪ ܠܶܗ ܠܳܟ̥ ܡܽܗ̄ܘ ܢܳܡܽܘܣܳܐ ܕܺܗ̄ܝ ܚܛܺܝܬ̥ܳܐ ܘܕܽܗ̄ܘ ܡܰܘܬܳܐ. 3ܘܥܰܠ ܕܟ݄ܬ ܗ̄ܘܰܐ ܗ̄ܽܘ ܢܳܡܽܘܣܳܐ ܪܰܦܝܳܐ ܒܺܗ̄ܝ ܪܰܦܝܽܘܬ̥ܳܐ ܕܽܗ̄ܘ ܦܰܓ̥ܪܳܐ، ܐܰܠܳܗܳܐ ܡܫܰܕܰܪ ܠܶܗ ܠܽܗ̄ܘ ܐܰܒܪܰܝܕ̥ܶܗ ܒܺܗ̄ܝ ܨܽܘܪܬܳܐ ܕܽܗ̄ܘ ܦܰܓ̥ܪܳܐ ܕܺܗ̄ܝ ܚܛܺܝܬ̥ܳܐ، ܠܰܫܰܢ ܕܒܽܗ̄ܘ ܦܰܓ̥ܪܰܝܕ̥ܶܗ ܡܰܢܦ݄ܠ ܗ̄ܺܝ ܚܛܺܝܬ̥ܳܐ ܬܰܚܬ ܗ̄ܽܘ ܕܺܝܢܳܐ. 4ܕܺܗ̄ܝ ܟܺܐܢܽܘܬ̥ܳܐ ܕܽܗ̄ܘ ܢܳܡܽܘܣܳܐ ܕܡ݄ܡܠܳܝܳܐ ܐܶܒܰܢ، ܥܰܠ ܕܠ݄ܐ ܟ݄ܡܗܰܠܟ̥ܺܝܢܰܐ ܒܽܗ̄ܘ ܕܰܪܒܳܐ ܕܽܗ̄ܘ ܦܰܓ̥ܪܳܐ ܐܶܠܳܐ ܕܺܗ̄ܝ ܪܽܘܚܳܐ. 5ܐܰܝܢܰܐ ܕܟ݄ܬܢܶܝ ܒܽܗ̄ܘ ܕܰܪܒܳܐ ܕܽܗ̄ܘ ܦܰܓ̥ܪܳܐ، ܠܶܒܰܝّܶܗ ܠܽܗ̄ܘ ܦܰܓ̥ܪܳܐ ܟܳܐܒ݄ܥ. ܘܰܐܝܢܰܐ ܕܟ݄ܬܢܶܝ ܒܽܗ̄ܘ ܕܰܪܒܳܐ ܕܺܗ̄ܝ ܪܽܘܚܳܐ، ܠܶܒܰܝّܶܗ ܠܺܗ̄ܝ ܪܽܘܚܳܐ ܟܳܐܒ݄ܥ. 6ܗ̄ܽܘ ܪܶܢܝܳܐ ܕܽܗ̄ܘ ܦܰܓ̥ܪܳܐ ܡܰܘܬܳܐ ܝܳܐ، ܘܽܗ̄ܘ ܪܶܢܝܳܐ ܕܺܗ̄ܝ ܪܽܘܚܳܐ ܚܰܝ̈ܶܐ ܘ݄ܫܠܳܡܳܐ ܢܶܝ. 7ܡܺܐܝܕ̥ܶܗ ܕܽܗ̄ܘ ܪܶܢܝܳܐ ܕܽܗ̄ܘ ܦܰܓ̥ܪܳܐ ܒܥܶܠܕܒܳܒܽܘܬ̥ܳܐ ܝܳܐ ܓܰܒ ܐܰܠܳܗܳܐ، ܘܗܰܢܳܐ (ܗ̄ܽܘ ܪܶܢܝܳܐ) ܠ݄ܐ ܟܥܳܒ̥݄ܕ ܘܠܰܝܒܶܗ ܥܳܒ̥݄ܕ ܠܽܗ̄ܘ ܢܳܡܽܘܣܳܐ ܕܰܐܠܳܗܳܐ. 8ܘܰܐܝܢܰܐ ܕܒܽܗ̄ܘ ܕܰܪܒܳܐ ܕܽܗ̄ܘ ܦܰܓ̥ܪܳܐ ܢܶܝ، ܠܰܒّܶܗ ܡܰܫܦܪܺܝ ܪ̈ܽܘܚܰܝّܶܗ ܩ݄ܕ̱ܡ ܐܰܠܳܗܳܐ. 9ܘܗܰܬܽܘ ܠܰܝ̱ܬ ܗ̄ܰܬܽܘ ܒܽܗ̄ܘ ܕܰܪܒܳܐ ܕܽܗ̄ܘ ܦܰܓ̥ܪܳܐ، ܐܶܠܳܐ ܒܽܗ̄ܘ ܕܰܪܒܳܐ ܕܺܗ̄ܝ ܪܽܘܚܳܐ ܐܶܢ ܒ݄ܫܪܳܪܳܐ ܗ̄ܺܝ ܪܽܘܚܳܐ ܕܰܐܠܳܗܳܐ ܐܰܒܟ̥ܽܘ ܟܥ݄ܡܪܳܐ. ܘܶܐܢ ܢܳܫܳܐ ܠܰܝܬ ܐܶܒܶܗ ܗ̄ܺܝ ܪܽܘܚܳܐ ܕ݄ܡܫܺܝܚܳܐ، ܗܰܢܳܐ ܠܰܝ̱ܬ ܝܳܐ ܕܺܝܕ̥ܶܗ (ܕ݄ܡܫܺܝܚܳܐ). 10ܘܕܳܗ̄ܘܶܐ ܡܫܺܝܚܳܐ ܐܰܒܟ̥ܽܘ، ܗ̄ܽܘ ܦܰܓ̥ܪܳܐ ܟܳܗ̄ܘܶܐ ܡܺܝܬ̥ܳܐ ܠܰܫܰܢ ܗ̄ܺܝ ܚܛܺܝܬ̥ܳܐ، ܘܺܗ̄ܝ ܪܽܘܚܳܐ ܒܰܚّܰܝ̈ܶܐ ܝܳܐ ܠܰܫܰܢ ܗ̄ܺܝ ܟܺܐܢܽܘܬ̥ܳܐ. 11ܘܶܐܢ ܗ̄ܺܝ ܪܽܘܚܳܐ ܕܰܗ̄ܘܳܐ ܕܡܰܩ݄ܡ ܠܶܗ ܠܡܳܪܰܢ ܝܶܫܽܘܥ ܡܫܺܝܚܳܐ ܡܒܰܝܢ ܗ̄ܰܡّܺܝ̈ܬ̥ܶܐ ܟܥ݄ܡܪܳܐ ܐܰܒܟ̥ܽܘ، ܗܰܘܳܐ ܕܡܰܩ݄ܡ ܠܶܗ ܠܝܶܫܽܘܥ ܡܫܺܝܚܳܐ ܡܒܰܝܢ ܗ̄ܰܡّܺܝ̈ܬ̥ܶܐ، ܠܰܦّܰܓ̥ܪ̈ܰܬ̥ܟ̥ܽܘ ܣܬܶܝ ܗ̄ܰܡّܺܝ̈ܬ̥ܶܐ ܓܕܳܗ̄ܒܶܐ ܚܰܝ̈ܶܐ، ܥܰܠ ܕܺܗ̄ܝ ܪܽܘܚܰܝܕ̥ܶܗ ܟܥ݄ܡܪܳܐ ܐܰܒܟ̥ܽܘ.
ܗ̄ܺܝ ܪܽܘܚܳܐ ܕ݄ܟܣܰܝܡܳܐ ܠܰܢ ܐܰܒܢ̈ܶܐ ܠܰܐܠܳܗܳܐ
12ܘܳܐܥܕܳܐ، ܝܰܐ ܐܰܚ̈ܽܘܢܳܢܶܐ، ܕܰܝܢܳܐ ܝܳܐ ܐܰܥܠܰܢ ܠܳܐ ܠܽܗ̄ܘ ܦܰܓ̥ܪܳܐ ܕܒܽܗ̄ܘ ܕܰܪܒܳܐ ܕܽܗ̄ܘ ܦܰܓ̥ܪܳܐ ܡܗܰܠܟ̥ܺܝܢܰܐ: 13ܐܶܢ ܒܽܗ̄ܘ ܦܰܓ̥ܪܳܐ ܟܚܳܝܶܝܬܽܘ، ܓ݄ܕܡܰܝܬ̥ܺܝܬܽܘ. ܘܶܐܢ ܒܺܗ̄ܝ ܪܽܘܚܳܐ ܟܡܰܡܺܝܬ̥ܺܝܬܽܘ ܗ̄ܰܥܒܳܕ̥̈ܶܐ ܕܽܗ̄ܘ ܦܰܓ̥ܪܳܐ، ܓܚܳܝܶܝܬܽܘ. 14ܡܺܐܝܕ̥ܶܗ ܕܰܐܝܢܰܐ ܕܡܺܝܕܰܒܪܺܝ ܡܺܗ̄ܝ ܪܽܘܚܳܐ ܕܰܐܠܳܗܳܐ، ܗܰܢܺܝ ܗ̄ܰܢ ܐܰܒܢ̈ܶܐ ܕܰܐܠܳܗܳܐ ܢܶܝ. 15ܥܰܠ ܕܠܳܐ ܡ݄ܕܟ̥ܽܘ ܗ̄ܺܝ ܪܽܘܚܳܐ ܕܺܗ̄ܝ ܥܰܒܕܽܘܬ̥ܳܐ ܢܰܩܠܐ ܚܪܶܬܳܐ ܠܺܗ̄ܝ ܙܽܘܥܬ̥ܳܐ، ܐܶܠܳܐ ܡ݄ܕܟ̥ܽܘ ܗ̄ܺܝ ܪܽܘܚܳܐ ܕܶܐܒܰܗ ܟܳܗ̄ܘܺܝܬܽܘ ܐܰܒܢ̈ܶܐ ܕܰܐܠܳܗܳܐ ܕܶܐܒܰܗ ܟܩܳܪܶܝܢܰܐ ܠܰܐܠܳܗܳܐ: ”ܐܰܒܰܐ، ܐܰܒܘܿܢ.“
16ܘܺܗ̄ܝ ܪܽܘܚܳܐ ܟܣ݄ܗܕܳܐ ܠܺܗ̄ܝ ܪܽܘܚܰܝܕ̥ܰܢ ܕܟ݄ܬܢܰܐ ܗ̄ܰܢ ܐܰܒܢ̈ܶܐ ܕܰܐܠܳܗܳܐ. 17ܘܶܐܢ ܐܰܒܢ̈ܶܐ ܢܰܐ، ܝܳܪ̈ܬ̥ܶܐ ܣܬܶܝ ܟܳܗ̄ܘܺܝܢܰܐ، ܝܳܪ̈ܬ̥ܶܐ ܕܰܐܠܳܗܳܐ، ܘܝܳܪ̈ܬ̥ܶܐ ܥܰܡ ܡܳܪܰܢ ܝܶܫܽܘܥ ܡܫܺܝܚܳܐ. ܐܶܢ ܐܰܥܡܶܗ ܕܛܳܥܢܺܝܢܰܐ ܚܰܫܳܐ، ܐܰܥܡܶܗ ܣܬܶܝ ܓܡܺܝܫܰܒܚܺܝܢܰܐ.
ܗ̄ܽܘ ܫܽܘܒܚܳܐ ܕ݄ܟܡ݄ܢܛ݄ܪ ܠܰܗ̄ܢ ܐܰܒܢ̈ܶܐ ܕܰܐܠܳܗܳܐ
18ܘܡܰܫ݄ܪ ܐ̱ܢܳܐ ܕܰܟّܶܐܒ̥̈ܶܐ ܕܽܗ̄ܘ ܙܰܒܢܰܢܳܐ ܠܰܝ̱ܬ ܢܶܝ ܡܶܕܶܐ ܩ݄ܕ̱ܡ ܗ̄ܽܘ ܫܽܘܒܚܳܐ ܕ݄ܓܡ݄ܓܠܶܐ ܐܶܒܰܢ. 19ܘ݄ܒܪܺܝܬ̥ܳܐ ܟܽܘܠܰܗ ܟ݄ܬ ܠܰܗ ܣܰܒܪܳܐ ܘ݄ܟܢ݄ܛܪܳܐ ܠܽܗ̄ܘ ܓܶܠܝܳܢܳܐ ܕܰܗ̄ܢ ܐܰܒܢ̈ܶܐ ܕܰܐܠܳܗܳܐ. 20ܘ݄ܒܪܺܝܬ̥ܳܐ ܠܳܐ ܒܽܗ̄ܘ ܨܶܒܝܳܢܰܝܕ̥ܰܗ ܗܰܘܝܳܐ ܓܪܰܥܬܳܐ ܠܺܗ̄ܝ ܒܰܛܺܝܠܽܘܬ̥ܳܐ، ܐܶܠܳܐ ܒܽܗ̄ܘ ܨܶܒܝܳܢܳܐ ܕܰܗ̄ܘܳܐ ܕܣܺܝܡܳܐ ܠܶܗ ܓܪܰܥܬܳܐ ܥܰܠ ܗ̄ܽܘ ܣܰܒܪܳܐ 21ܕܗܺܝّܰܗ ܣܬܶܝ، ܒܪܺܝܬ̥ܳܐ ܗܳܘܝܳܐ ܚܺܐܪܬܳܐ ܡܺܗ̄ܝ ܥܰܒܕܽܘܬ̥ܳܐ ܕܽܗ̄ܘ ܚܪܳܒ̥ܳܐ، ܒܺܗ̄ܝ ܚܺܐܪܽܘܬ̥ܳܐ ܕܽܗ̄ܘ ܫܽܘܒܚܳܐ ܕܰܗ̄ܢ ܐܰܒܢ̈ܶܐ ܕܰܐܠܳܗܳܐ. 22ܥܰܠ ܕܟܳܐܕ̥ܥܺܝܢܰܐ ܕܟܽܘܠّܶܗ ܗ̄ܰܒّܶܪ̈ܝܳܬ̥ܳܐ ܗܳܠ ܠܰܐܕܝܰܘܡܰܐ ܟܡܰܐܢܺܝܢܺܝ ܘ݄ܟܟܳܝܰܒّ̥ܶܗ ܗ̄ܽܘ ܟܶܐܒ̥ܳܐ ܕܽܗ̄ܘ ܛܥܳܢܳܐ، 23ܘܠܳܐ ܗ݄ܢّܶܝ ܠܪ̈ܽܘܚܰܝّܶܗ، ܐܶܠܳܐ ܐܰܚܢܰܐ ܣܬܶܝ ܕܟܺܝܬ ܐܶܒܰܢ ܗ̄ܺܝ ܩܰܕ̱ܡܰܝܬܳܐ ܕܺܗ̄ܝ ܪܽܘܚܳܐ، ܟܟܳܝܰܒ̥ ܠܰܢ ܒܢܰܦܫܰܝ̈ܢܰܐ، ܘ݄ܓܢܳܛܪܺܝܢܰܐ ܡܰܢ̱ ܐܠܳܗܳܐ ܕܣܳܝܰܡ ܠܰܢ ܐܰܒܢ̈ܶܐ ܘܦܳܪ݄ܩ ܗ̄ܰܦّܰܓ̥ܪ̈ܰܝܕ̥ܰܢ. 24ܘܶܐܒܶܗ ܒܽܗ̄ܘ ܣܰܒܪܳܐ ܗܰܘܺܝ ܠܰܢ ܚܰܝ̈ܶܐ. ܘܽܗ̄ܘ ܣܰܒܪܳܐ ܕܡ݄ܚܙܶܐ ܠܰܝ̱ܬ ܝܳܐ ܣܰܒܪܳܐ، ܘܶܐܢ ܚܳܙܺܝܢܰܐ ܠܶܗ ܐܰܝܕܰܪܒܳܐ ܓܢܳܛܪܺܝܢܰܐ ܠܶܗ؟ 25ܘܶܐܢ ܠܽܗ̄ܘ ܡܶܕܶܐ ܕܠ݄ܐ ܟܡ݄ܚܙܶܐ ܟ݄ܬ ܠܰܢ ܣܰܒܪܳܐ، ܗ̄ܺܝ ܢܰܩܠܝܳܐ ܒܺܗ̄ܝ ܡܣܰܝܒܪܳܢܽܘܬ̥ܳܐ ܟܦܰܝܫܺܝܢܰܐ (ܟܢ݄ܛܪܺܝܢܰܐ).
ܗ̄ܺܝ ܛܰܝܒܽܘܬ̥ܳܐ ܕܰܐܠܳܗܳܐ ܕܟ݄ܡܕܰܘܡܪܳܐ
26ܘܗܰܘܟ̥ܰܐ ܣܬܶܝ ܗ̄ܺܝ ܪܽܘܚܳܐ ܟ݄ܡܥܰܕܪܳܐ ܠܺܗ̄ܝ ܪܰܦܝܽܘܬ̥ܰܝܕ̥ܰܢ، ܡܺܐܝܕ̥ܶܗ ܕܠ݄ܐ ܟ݄ܐܕ̥ܥܺܝܢܰܐ ܡ݄ܢ ܡܨܰܠܺܝܢܰܐ ܐܟ̥ ܕܽܗ̄ܘ ܡܶܕܶܐ ܕܟ݄ܬ ܝܳܐ ܫܰܦܺܝܪܳܐ، ܐܶܠܳܐ ܗ̄ܺܝ ܪܽܘܚܳܐ ܟ݄ܡܨܰܠܝܳܐ ܡܶܢ̱ ܚܠܳܦܰܢ ܒܬܶܢܺܝܢܳܐ ܕܠ݄ܐ ܟܡܺܝܬܰܘܡ݄ܪ. 27ܘܗܺܝّܶܗ ܕܟܳܐܕ̥݄ܥ (ܘܒܳܚ݄ܪ) ܗ̄ܰܠّܶܒ̈ܶܐ، ܟܳܐܕ̥݄ܥ ܡ݄ܢ ܟ݄ܐܒܥܳܐ ܗ̄ܺܝ ܪܽܘܚܳܐ، ܘܺܗ̄ܝ ܪܽܘܚܳܐ ܐܟ̥ ܕܽܗ̄ܘ ܨܶܒܝܳܢܳܐ ܕܰܐܠܳܗܳܐ ܟ݄ܡܨܰܠܝܳܐ ܡܶܢ̱ ܚܠܳܦ ܗ̄ܰܩّܰܕ̈ܺܝܫܶܐ. 28ܘܟ݄ܐܕ̥ܥܺܝܢܰܐ ܕܰܐܝܢܰܐ ܕ݄ܟܪܳܚܡܺܝ ܠܰܐܠܳܗܳܐ، ܐܰܠܳܗܳܐ ܟ݄ܡܥܰܕܰܪّܶܗ ܒܟܽܘܠ ܡܶܕܶܐ ܠܺܗ̄ܝ ܛܳܒ̥ܽܘܬ̥ܳܐ، ܠܰܗ̄ܢܺܝ ܕܡܺܗ̄ܝ ܩܰܕ̱ܡܰܝܬܳܐ ܡܥܰܝܢܺܝ ܠܶܗ ܕܳܗ̄ܘ݄ܢ ܩܰܪ̈ܝܶܐ. 29ܘܰܐܕ̥݄ܥّܶܗ ܡܶܢ̱ ܡܶܩ݄ܕ̱ܡ، ܘ݄ܪܫܺܝܡܺܝ ܠܶܗ ܐܟ̥ ܕܽܗ̄ܘ ܨܰܠܡܳܐ ܕܺܗ̄ܝ ܨܽܘܪܬܳܐ ܕܽܗ̄ܘ ܐܰܒܪܰܝܕ̥ܶܗ، ܠܰܫܰܢ ܗܺܝّܶܗ ܗܳܘܶܐ ܗ̄ܽܘ ܒܽܘܟ̥ܪܳܐ (ܗ̄ܽܘ ܐܰܒܪܳܐ ܩܰܕ̱ܡܳܝܳܐ) ܠܰܐܚ̈ܘܿܢܳܢܶܐ ܓ̥ܰܠܰܒܶܐ. 30ܘܠܰܗ̄ܢܺܝ ܕܡܺܗ̄ܝ ܩܰܕ̱ܡܰܝܬܳܐ ܪܫܺܝܡܺܝ ܠܶܗ، ܐܰܠّܶܗ ܩܪܶܐ ܠܶܗ، ܘܠܰܗ̄ܢܺܝ ܕ݄ܩܪܶܐ ܠܶܗ ܡܙܰܕܩܺܝ ܠܶܗ، ܘܠܰܗ̄ܢܺܝ ܕ݄ܡܙܰܕܩܺܝ ܠܶܗ، ܡܫܰܒܚܺܝ ܠܶܗ.
ܗ̄ܽܘ ܬܶܐܣܺܝܪܳܐ ܕܒ݄ܡܫܺܝܚܳܐ ܘܒܺܗ̄ܝ ܚܽܘܒܰܝܕ̥ܶܗ
31ܗܰܢ ܢܰܩܠܐ ܡ݄ܢ ܐ݄ܡّܺܪ̱ܝܢܰܐ ܥܰܠ ܗܰܢܺܝ: ܕܳܗ̄ܘܶܐ ܐܰܠܳܗܳܐ ܡܶܢ̱ ܚܠܳܦܰܢ، ܡܰܢܝܳܐ ܕܩܳܝ݄ܡ ܒܦܳܬ̥ܰܢ؟ 32ܘܶܐܢ ܥܰܠ ܗ̄ܽܘ ܐܰܒܪܰܝܕ̥ܶܗ ܠܳܐ ܡܰܪܚܰܡ ܠܶܗ، ܐܶܠܳܐ ܡܶܢ̱ ܚܠܳܦ ܟܽܘܠܰܢ ܡܰܫܠܰܡ ܠܶܗ (ܠܽܗ̄ܘ ܡܰܘܬܳܐ)، ܐܰܝܕܰܪܒܳܐ ܠܳܐ ܟܽܘܠ ܡܶܕܶܐ ܐܰܥܡܶܗ ܓܕܳܗ̄ܒܶܐ ܠܰܢ؟ 33ܡܰܢܝܳܐ ܕ݄ܓܡܰܫܟܶܐ ܥܰܠ ܗ̄ܰܓّܰܒ̈ܝܶܐ (ܗ̄ܰܡܢܰܩܝ̈ܶܐ) ܕܰܐܠܳܗܳܐ؟ ܐܰܠܳܗܳܐ ܝܳܐ ܕܟ݄ܡܙܰܕ݄ܩ. 34ܘܡܰܢܝܳܐ ܕ݄ܓܕܳܝ݄ܢ؟ ܡܫܺܝܚܳܐ ܝܳܐ ܕܡܰܝ݄ܬ̥ ܘܩܰܝ݄ܡ ܘܝܰܬܽܒ̥ ܡܽܗ̄ܘ ܝܰܡܺܝܢܳܐ ܕܰܐܠܳܗܳܐ، ܘܟ݄ܡܨܰܠܶܐ (ܘܳܐܒ݄ܥ) ܡܶܢ̱ ܚܠܳܦܰܢ. 35ܡܰܢ ܓܦܳܪܰܫ ܠܺܝ ܡܺܗ̄ܝ ܚܽܘܒܳܐ ܕ݄ܡܫܺܝܚܳܐ؟ ܥܺܝܩܽܘܬ̥ܳܐ، ܐܰܘ ܚܒܽܘܫܝܳܐ، ܐܰܘ ܛܪܳܕܳܐ، ܐܰܘ ܟܰܦܢܳܐ، ܐܰܘ ܥܰܪܛܶܠܳܝܽܘܬ̥ܳܐ (ܙܰܠܛܳܐ)، ܐܰܘ ܙܽܘܥܬ̥ܳܐ (ܘܩܶܢܛܳܐ)، ܐܰܘ ܣܰܝܦܳܐ؟ 36ܐܟ̥ ܕ݄ܟܬ̥ܺܝܒ̥: ”ܠܰܫܰܢܳܟ̥ ܟܽܘܠ ܝܰܘܡܳܐ ܟܡܰܝܬ̥ܺܝܢܰܐ، ܘ݄ܐܟ̥ ܕܰܦّܰܪ̈ܶܐ ܠܽܗ̄ܘ ܢܚܳܪܳܐ ܚܫܺܝܒ̥ܺܝܢܰܐ.“
37ܐܶܠܳܐ ܒܰܗ̄ܢܺܝ ܟܽܘܠّܶܗ ܪ̈ܰܒܳܚܶܐ ܢܰܐ ܒܽܗ̄ܘ ܚܰܝܠܳܐ ܕܰܗ̄ܘܳܐ ܕ݄ܪܚ݄ܡ ܠܶܗ ܠܰܢ. 38ܘܟܳܐܕ̥ܰܥ ܐ̱ܢܳܐ (ܘ݄ܟܡܰܫ݄ܪ ܐ̱ܢܳܐ) ܕܠܳܐ ܡܰܘܬܳܐ ܘܠܳܐ ܚܰܝ̈ܶܐ، ܘܠܳܐ ܡܰܠܰܐܟ̥̈ܶܐ ܘܠܳܐ ܫܽܘܠܛܳܢ̈ܶܐ ܘܠܳܐ ܚܰܝ̈ܠܶܐ، ܘܠܳܐ ܗܰܢܺܝ ܕܳܐܥܕܳܐ ܘܠܳܐ ܗܰܢܺܝ ܕ݄ܓܕܳܐܬ̥݄ܢ، 39ܘܠܳܐ ܥܳܠܝܳܐ ܘܠܳܐ ܥܽܘܡܩܳܐ، ܘܠܳܐ ܒܪܺܝܬ̥ܳܐ ܚܪܶܬܳܐ ܟܺܝܒܰܗ ܦ݄ܪܫܳܐ ܠܺܝ ܡܺܗ̄ܝ ܚܽܘܒܳܐ ܕܰܐܠܳܗܳܐ ܕ݄ܒܡܳܪܰܢ ܝܶܫܽܘܥ ܡܫܺܝܚܳܐ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation