ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 4
4
ܗ̄ܺܝ ܙܰܕܺܝܩܽܘܬ̥ܳܐ ܕܰܐܒܪܳܗܳܡ
1ܗܰܢ ܢܰܩܠܐ ܡ݄ܢ ܐ݄ܡّܺܪ̱ܝܢܰܐ ܥܰܠ ܐܰܒܪܳܗܳܡ ܗ̄ܽܘ ܪܺܝܫܳܐ ܕܰܗ̄ܢ ܐܰܒܳܗ̈ܶܐ؟ ܡ݄ܢ ܚܙܶܐ ܠܶܗ ܒܽܗ̄ܘ ܦܰܓ̥ܪܳܐ؟ 2ܘܶܐܢ ܐܰܒܪܳܗܳܡ ܡܰܢ̱ ܥܒܳܕ̥̈ܶܐ ܡܺܝܙܰܕܰܩ ܗ̄ܘܰܐ، ܓܕܳܗ̄ܘܶܐ ܗ̄ܘܰܝ ܠܶܗ ܫܽܘܒܗܳܪܳܐ ܒܪܽܘܚܶܗ، ܐܶܠܳܐ ܠܳܐ ܓܰܒ ܐܰܠܳܗܳܐ. 3ܘܡ݄ܢ ܐܡ݄ܪ ܠܶܗ ܗ̄ܽܘ ܟܬ̥ܳܒ̥ܳܐ: ”ܡܗܰܝܡܰܢ ܠܶܗ ܐܰܒܪܳܗܳܡ ܒܰܐܠܳܗܳܐ، ܘ݄ܚܫܺܝܒ̥ܳܐ ܐܶܠܶܗ ܙܰܕܺܝܩܽܘܬ̥ܳܐ.“
4ܡܰܢ ܕܥܳܒ̥݄ܕ، ܗ̄ܽܘ ܐܰܓ̥ܪܰܝܕ̥ܶܗ ܠ݄ܐ ܟܡ݄ܚܫܽܒ̥ ܛܰܝܒܽܘܬ̥ܳܐ، ܐܶܠܳܐ ܐܟ̥ ܕܟ݄ܬ ܝܳܐ ܗ̄ܽܘ ܐܰܓ̥ܪܰܝܕ̥ܶܗ. 5ܘܠܰܗ̄ܘܳܐ ܕܠܳܐ ܥܒ̥݄ܕ ܠܶܗ، ܐܶܠܳܐ ܒܶܠܚܽܘܕ̥ ܡܗܰܝܡܰܢ ܠܶܗ ܒܰܗ̄ܢܳܐ ܕܟܳܣܳܝ݄ܡ ܗ̄ܰܚّܰܛܳܝ̈ܶܐ ܙܰܕ̈ܺܝܩܶܐ، ܗ̄ܺܝ ܗܰܝܡܳܢܽܘܬ̥ܰܝܕ̥ܶܗ ܟܡ݄ܚܫܳܒ̥ܳܐ ܠܶܗ ܟܺܐܢܽܘܬ̥ܳܐ. 6ܘ݄ܐܟ̥ ܕܐܡ݄ܪ ܠܶܗ ܕܰܘܺܝܕ̥ ܥܰܠ ܗ̄ܽܘ ܛܽܘܒܳܐ ܕܽܗ̄ܘ ܢܳܫܳܐ ܗܰܘܳܐ ܕܰܐܠܳܗܳܐ ܟܚܳܫܰܒ̥ ܠܶܗ ܝܳܐ ܟܺܐܢܽܘܬ̥ܳܐ ܕܠܳܐ ܥܒܳܕ̥̈ܶܐ، ܘܟܳܐܡ݄ܪ: 7”ܛܽܘܒܳܐ ܠܰܗ̄ܢܺܝ ܕ݄ܡܚܰܣ݄ܢ ܗ̄ܰܒّܺܝܫ̈ܳܬ̥ܰܬّ̥ܶܗ، ܘ݄ܡܟܰܣ݄ܢ ܗ̄ܰܚ̈ܛܳܗܰܬّ̥ܶܗ. 8ܛܽܘܒܳܐ ܠܽܗ̄ܘ ܓܰܒ̥ܪܳܐ ܕܠ݄ܐ ܟܚܳܫܰܒ̥ ܠܶܗ ܐܰܠܳܗܳܐ ܗ̄ܺܝ ܚܛܺܝܬ̥ܰܝܕ̥ܶܗ.“
9ܗܰܢ ܢܰܩܠܐ ܗ̄ܽܘ ܛܽܘܒܰܢܳܐ ܥܰܠ ܗ̄ܺܝ ܓܙܽܘܪܬܳܐ ܝܳܐ ܐܰܘ ܥܰܠ ܗ̄ܺܝ ܠܳܐ ܓܙܽܘܪܬܳܐ؟ ܥܰܠ ܕܟ݄ܐܡّܺܪ̱ܝܢܰܐ ܕ݄ܚܫܺܝܒ̥ܳܐ ܠܰܐܒܪܳܗܳܡ ܗ̄ܺܝ ܗܰܝܡܳܢܽܘܬ̥ܰܝܕ̥ܶܗ ܟܺܐܢܽܘܬ̥ܳܐ؟ 10ܘܰܐܝܕܰܪܒܳܐ ܚܫܺܝܒ̥ܳܐ ܐܶܠܶܗ؟ ܗܺܝّܶܗ ܒܺܗ̄ܝ ܓܙܽܘܪܬܳܐ ܐܰܘ ܠܳܐ ܒܺܗ̄ܝ ܓܙܽܘܪܬܳܐ؟ ܠܳܐ ܒܺܗ̄ܝ ܓܙܽܘܪܬܳܐ، ܐܶܠܳܐ ܒܺܗ̄ܝ ܠܳܐ ܓܙܽܘܪܬܳܐ. 11ܘܺܗ̄ܝ ܓܙܽܘܪܬܳܐ ܡܺܝܕܳܐ ܠܶܗ ܐܳܬ̥ܳܐ، ܘܽܗ̄ܘ ܛܰܒܥܳܐ ܕܺܗ̄ܝ ܟܺܐܢܽܘܬ̥ܳܐ ܕܺܗ̄ܝ ܗܰܝܡܳܢܽܘܬ̥ܳܐ ܘܗܺܝّܶܗ ܠܳܐ ܒܺܗ̄ܝ ܓܙܽܘܪܬܳܐ، ܕܳܗ̄ܘܶܐ ܒܰܒܳܐ ܠܟܘ̇ܠّܶܗ ܐܰܝܢܰܐ ܕ݄ܡܗܰܝܡܢܺܝ ܗܰܢܺܝ ܕܠܰܝ̱ܬ ܢܶܝ ܡܺܗ̄ܝ ܓܙܽܘܪܬܳܐ، ܕܡ݄ܚܫܳܒ̥ܳܐ ܐܰܠّܶܗ ܣܬܶܝ ܟܺܐܢܽܘܬ̥ܳܐ. 12ܘܗܰܘܺܝ ܒܰܒܳܐ ܠܰܗ̄ܢܺܝ ܕܡܺܗ̄ܝ ܓܙܽܘܪܬܳܐ، ܠܳܐ ܥܰܠ ܕܟ݄ܬܢܶܝ ܡܺܗ̄ܝ ܓܙܽܘܪܬܳܐ ܒܶܠܚܽܘܕ̥ܶܗ، ܐܶܠܳܐ ܥܰܠ ܕܟ݄ܡܗܰܠܟ̥ܺܝ ܣܬܶܝ ܒܽܗ̄ܘ ܕܰܪܒܳܐ ܕܺܗ̄ܝ ܗܰܝܡܳܢܽܘܬ̥ܳܐ ܕܒܰܒܰܢ ܐܰܒܪܳܗܳܡ ܘܗܶܫ ܗܺܝّܶܗ ܠܳܐ ܒܺܗ̄ܝ ܓܙܽܘܪܬܳܐ.
ܒܺܗ̄ܝ ܗܰܝܡܳܢܽܘܬ̥ܳܐ ܗܰܘܺܝ ܗ̄ܽܘ ܘܰܥܕܳܐ
13ܘܽܗ̄ܘ ܘܰܥܕܳܐ (ܕ݄ܡܘܰܥܰܕ ܠܶܗ ܐܰܠܳܗܳܐ) ܠܰܐܒܪܳܗܳܡ ܘܠܽܗ̄ܘ ܙܰܪܥܰܝܕ̥ܶܗ ܕܳܗ̄ܘܶܐ ܝܳܪܬ̥ܳܐ ܠܽܗ̄ܘ ܥܳܠܡܳܐ ܠܰܐ ܗ̄ܘܺܝ ܒܽܗ̄ܘ ܢܳܡܽܘܣܳܐ، ܐܶܠܳܐ ܒܺܗ̄ܝ ܟܺܐܢܽܘܬ̥ܳܐ ܕܺܗ̄ܝ ܗܰܝܡܳܢܽܘܬ̥ܰܝܕ̥ܶܗ. 14ܘܕܳܗ̄ܘ݄ܢ ܗ̄ܘܰܘ̱ ܗܰܢܺܝ ܕܡܽܗ̄ܘ ܢܳܡܽܘܣܳܐ (ܗ̄ܰܝّܽܘܕ̥̈ܳܝܶܐ) ܝܳܪ̈ܬ̥ܶܐ، ܗ̄ܺܝ ܗܰܝܡܳܢܽܘܬ̥ܳܐ ܒܰܛ݄ܠܬܳܐ ܕܳܗ̄ܘܝܳܐ ܗ̄ܘܰܐ، ܘܽܗ̄ܘ ܘܰܥܕܳܐ ܒܰܛܺܝܠܳܐ ܓܕܳܗ̄ܘܶܐ ܗ̄ܘܰܐ. 15ܡܺܐܝܕ̥ܶܗ ܕܽܗ̄ܘ ܢܳܡܽܘܣܳܐ ܟܡܰܝܬܶܐ ܗ̄ܽܘ ܪܽܘܓ̥ܙܳܐ (ܕܰܐܠܳܗܳܐ)، ܘܰܐܝܟܳܐ ܕܠܰܝܬ ܢܳܡܽܘܣܳܐ، ܠܰܝܬ ܬܒ̥ܳܪܳܐ ܕܽܗ̄ܘ ܢܳܡܽܘܣܳܐ. 16ܡܰܗ̄ܘܟ̥ܰܐ، ܒܺܗ̄ܝ ܗܰܝܡܳܢܽܘܬ̥ܳܐ ܕܒܺܗ̄ܝ ܛܰܝܒܽܘܬ̥ܳܐ ܟܳܗ̄ܘܺܝܢܰܐ ܙܰܕ̈ܺܝܩܶܐ، ܕܳܗ̄ܘܶܐ ܗ̄ܽܘ ܘܰܥܕܳܐ ܫܰܪܺܝܪܳܐ ܠܟܽܘܠܶܗ ܗ̄ܽܘ ܙܰܪܥܰܝܕ̥ܶܗ. ܠܳܐ ܠܰܐܝܢܰܐ ܕܟ݄ܬܢܶܝ ܡܽܗ̄ܘ ܢܳܡܽܘܣܳܐ ܒܶܠܚܽܘܕ̥ܶܗ، ܐܶܠܳܐ ܠܰܐܝܢܰܐ ܕܟ݄ܬܢܶܝ ܡܺܗ̄ܝ ܗܰܝܡܳܢܽܘܬ̥ܳܐ ܕܰܐܒܪܳܗܳܡ ܣܬܺܝ، ܕܟ݄ܬ ܝܳܐ ܗ̄ܽܘ ܒܰܒܳܐ ܕܟܽܘܠܰܢ. 17ܐܟ̥ ܕ݄ܟܬ̥ܺܝܒ̥: ”ܡܥܰܝܰܢ ܠܺܝ ܠܳܟ̥ ܒܰܒܳܐ ܠܥܰܡ̈ܶܐ ܓ̥ܰܠܰܒܶܐ،“ ܩ݄ܕ̱ܡ ܐܰܠܳܗܳܐ ܕ݄ܡܗܰܝܡܰܢ ܠܳܟ̥ ܐܶܒܶܗ، ܕ݄ܟܡܰܩ݄ܡ ܗ̄ܰܡّܺܝ̈ܬ̥ܶܐ، ܘ݄ܟܩܳܪܶܐ ܠܰܗ̄ܢܺܝ ܕܠܰܝ̱ܬ ܢܶܝ (ܒܰܚّܰܝ̈ܶܐ) ܐܟ̥ ܕܟ݄ܬܢܶܝ (ܒܰܚّܰܝ̈ܶܐ). 18ܘܠܰܗ̄ܢܳܐ (ܐܰܒܪܳܗܳܡ) ܕܠܰܝ̱ܬ ܗ̄ܘܰܝ ܠܶܗ ܣܰܒܪܳܐ ܡܗܰܝܡܰܢ ܠܶܗ ܒܽܗ̄ܘ ܣܰܒܪܳܐ ܕܳܗ̄ܘܶܐ ܒܰܒܳܐ ܠܥܰܡ̈ܶܐ ܓ̥ܰܠܰܒܶܐ، ܐܟ̥ ܕ݄ܟܬ̥ܺܝܒ̥: ”ܗܰܘܟ̥ܰܐ ܓܕܳܗ̄ܘܶܐ ܗ̄ܽܘ ܙܰܪܥܰܝܕ̥ܳܟ̥.“
19ܘܺܗ̄ܝ ܗܰܝܡܳܢܽܘܬ̥ܰܝܕ̥ܶܗ ܠܳܐ ܪܰܦܝܳܐ، ܗ̄ܺܝ ܢܰܩܠܐ ܕܚ݄ܪ ܠܶܗ ܒܽܗ̄ܘ ܦܰܓ̥ܪܰܝܕ̥ܶܗ ܗ̄ܽܘ ܡܺܝܬ̥ܳܐ ܕܗܰܘܺܝ ܐܰܒܪܶܗ ܕܡܳܐܐ ܐ݄ܫܢ̈ܶܐ، ܘܒܽܗ̄ܘ ܟܰܪܣܳܐ ܡܺܝܬ̥ܳܐ ܕܣܰܪܳܐ. 20ܘܠܳܐ ܦܠܺܝܓ̥ ܥܰܠ ܗ̄ܽܘ ܘܰܥܕܳܐ ܕܰܐܠܳܗܳܐ ܐܟ̥ ܕܢܳܫܳܐ ܠܳܐ ܡܗܰܝܡܢܳܐ، ܐܶܠܳܐ ܗܰܘܺܝ ܠܶܗ ܚܰܝܠܳܐ ܒܺܗ̄ܝ ܗܰܝܡܳܢܽܘܬ̥ܳܐ، ܘܗܽܒ̥ ܠܶܗ ܫܽܘܒܚܳܐ ܠܰܐܠܳܗܳܐ. 21ܘܡܰܫ݄ܪ ܠܶܗ ܕܰܐܠܳܗܳܐ ܟܺܝܒܶܗ ܣܳܝ݄ܡ ܗ̄ܽܘ ܡܶܕܶܐ ܕ݄ܡܘܰܥܰܕ ܠܶܗ. 22ܡܰܗ̄ܘܟ̥ܰܐ ܚܫܺܝܒ̥ܳܐ ܐܶܠܶܗ ܟܺܐܢܽܘܬ̥ܳܐ. 23ܘܠܳܐ ܐܰܥܠܶܗ ܒܶܠܚܽܘܕ̥ܶܗ ܟܬ̥ܺܝܒ̥ܳܐ ܗܰܬ̥ܶܐ ”ܕ݄ܚܫܺܝܒ̥ܳܐ ܗ̄ܺܝ ܗܰܝܡܳܢܽܘܬ̥ܰܝܕ̥ܶܗ ܟܺܐܢܽܘܬ̥ܳܐ.“
24ܐܶܠܳܐ ܠܰܫܰܢܰܢ ܣܬܶܝ، ܕܶܐܠܰܢ ܣܬܶܝ (ܐܰܠܳܗܳܐ) ܓ݄ܕܚܳܫܽܒ̥، ܐܰܚܢܰܐ ܕ݄ܡܗܰܝܡܰܢ ܠܰܢ ܒܰܐܠܳܗܳܐ ܕܡܰܩ݄ܡ ܠܶܗ ܡܳܪܰܢ ܝܶܫܽܘܥ ܡܫܺܝܚܳܐ ܡܒܰܝܢ ܗ̄ܰܡّܺܝ̈ܬ̥ܶܐ، 25ܕܗܺܝّܶܗ ܗܽܒ̥ ܠܶܗ ܪܽܘܚܶܗ ܠܰܫܰܢ ܗ̄ܰܚ̈ܛܳܗܰܝܕ̥ܰܢ، ܘܩܰܝ݄ܡ ܠܰܫܰܢ ܕܣܳܝܰܡ ܠܰܢ ܙܰܕ̈ܺܝܩܶܐ.
Právě zvoleno:
ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 4: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 4
4
ܗ̄ܺܝ ܙܰܕܺܝܩܽܘܬ̥ܳܐ ܕܰܐܒܪܳܗܳܡ
1ܗܰܢ ܢܰܩܠܐ ܡ݄ܢ ܐ݄ܡّܺܪ̱ܝܢܰܐ ܥܰܠ ܐܰܒܪܳܗܳܡ ܗ̄ܽܘ ܪܺܝܫܳܐ ܕܰܗ̄ܢ ܐܰܒܳܗ̈ܶܐ؟ ܡ݄ܢ ܚܙܶܐ ܠܶܗ ܒܽܗ̄ܘ ܦܰܓ̥ܪܳܐ؟ 2ܘܶܐܢ ܐܰܒܪܳܗܳܡ ܡܰܢ̱ ܥܒܳܕ̥̈ܶܐ ܡܺܝܙܰܕܰܩ ܗ̄ܘܰܐ، ܓܕܳܗ̄ܘܶܐ ܗ̄ܘܰܝ ܠܶܗ ܫܽܘܒܗܳܪܳܐ ܒܪܽܘܚܶܗ، ܐܶܠܳܐ ܠܳܐ ܓܰܒ ܐܰܠܳܗܳܐ. 3ܘܡ݄ܢ ܐܡ݄ܪ ܠܶܗ ܗ̄ܽܘ ܟܬ̥ܳܒ̥ܳܐ: ”ܡܗܰܝܡܰܢ ܠܶܗ ܐܰܒܪܳܗܳܡ ܒܰܐܠܳܗܳܐ، ܘ݄ܚܫܺܝܒ̥ܳܐ ܐܶܠܶܗ ܙܰܕܺܝܩܽܘܬ̥ܳܐ.“
4ܡܰܢ ܕܥܳܒ̥݄ܕ، ܗ̄ܽܘ ܐܰܓ̥ܪܰܝܕ̥ܶܗ ܠ݄ܐ ܟܡ݄ܚܫܽܒ̥ ܛܰܝܒܽܘܬ̥ܳܐ، ܐܶܠܳܐ ܐܟ̥ ܕܟ݄ܬ ܝܳܐ ܗ̄ܽܘ ܐܰܓ̥ܪܰܝܕ̥ܶܗ. 5ܘܠܰܗ̄ܘܳܐ ܕܠܳܐ ܥܒ̥݄ܕ ܠܶܗ، ܐܶܠܳܐ ܒܶܠܚܽܘܕ̥ ܡܗܰܝܡܰܢ ܠܶܗ ܒܰܗ̄ܢܳܐ ܕܟܳܣܳܝ݄ܡ ܗ̄ܰܚّܰܛܳܝ̈ܶܐ ܙܰܕ̈ܺܝܩܶܐ، ܗ̄ܺܝ ܗܰܝܡܳܢܽܘܬ̥ܰܝܕ̥ܶܗ ܟܡ݄ܚܫܳܒ̥ܳܐ ܠܶܗ ܟܺܐܢܽܘܬ̥ܳܐ. 6ܘ݄ܐܟ̥ ܕܐܡ݄ܪ ܠܶܗ ܕܰܘܺܝܕ̥ ܥܰܠ ܗ̄ܽܘ ܛܽܘܒܳܐ ܕܽܗ̄ܘ ܢܳܫܳܐ ܗܰܘܳܐ ܕܰܐܠܳܗܳܐ ܟܚܳܫܰܒ̥ ܠܶܗ ܝܳܐ ܟܺܐܢܽܘܬ̥ܳܐ ܕܠܳܐ ܥܒܳܕ̥̈ܶܐ، ܘܟܳܐܡ݄ܪ: 7”ܛܽܘܒܳܐ ܠܰܗ̄ܢܺܝ ܕ݄ܡܚܰܣ݄ܢ ܗ̄ܰܒّܺܝܫ̈ܳܬ̥ܰܬّ̥ܶܗ، ܘ݄ܡܟܰܣ݄ܢ ܗ̄ܰܚ̈ܛܳܗܰܬّ̥ܶܗ. 8ܛܽܘܒܳܐ ܠܽܗ̄ܘ ܓܰܒ̥ܪܳܐ ܕܠ݄ܐ ܟܚܳܫܰܒ̥ ܠܶܗ ܐܰܠܳܗܳܐ ܗ̄ܺܝ ܚܛܺܝܬ̥ܰܝܕ̥ܶܗ.“
9ܗܰܢ ܢܰܩܠܐ ܗ̄ܽܘ ܛܽܘܒܰܢܳܐ ܥܰܠ ܗ̄ܺܝ ܓܙܽܘܪܬܳܐ ܝܳܐ ܐܰܘ ܥܰܠ ܗ̄ܺܝ ܠܳܐ ܓܙܽܘܪܬܳܐ؟ ܥܰܠ ܕܟ݄ܐܡّܺܪ̱ܝܢܰܐ ܕ݄ܚܫܺܝܒ̥ܳܐ ܠܰܐܒܪܳܗܳܡ ܗ̄ܺܝ ܗܰܝܡܳܢܽܘܬ̥ܰܝܕ̥ܶܗ ܟܺܐܢܽܘܬ̥ܳܐ؟ 10ܘܰܐܝܕܰܪܒܳܐ ܚܫܺܝܒ̥ܳܐ ܐܶܠܶܗ؟ ܗܺܝّܶܗ ܒܺܗ̄ܝ ܓܙܽܘܪܬܳܐ ܐܰܘ ܠܳܐ ܒܺܗ̄ܝ ܓܙܽܘܪܬܳܐ؟ ܠܳܐ ܒܺܗ̄ܝ ܓܙܽܘܪܬܳܐ، ܐܶܠܳܐ ܒܺܗ̄ܝ ܠܳܐ ܓܙܽܘܪܬܳܐ. 11ܘܺܗ̄ܝ ܓܙܽܘܪܬܳܐ ܡܺܝܕܳܐ ܠܶܗ ܐܳܬ̥ܳܐ، ܘܽܗ̄ܘ ܛܰܒܥܳܐ ܕܺܗ̄ܝ ܟܺܐܢܽܘܬ̥ܳܐ ܕܺܗ̄ܝ ܗܰܝܡܳܢܽܘܬ̥ܳܐ ܘܗܺܝّܶܗ ܠܳܐ ܒܺܗ̄ܝ ܓܙܽܘܪܬܳܐ، ܕܳܗ̄ܘܶܐ ܒܰܒܳܐ ܠܟܘ̇ܠّܶܗ ܐܰܝܢܰܐ ܕ݄ܡܗܰܝܡܢܺܝ ܗܰܢܺܝ ܕܠܰܝ̱ܬ ܢܶܝ ܡܺܗ̄ܝ ܓܙܽܘܪܬܳܐ، ܕܡ݄ܚܫܳܒ̥ܳܐ ܐܰܠّܶܗ ܣܬܶܝ ܟܺܐܢܽܘܬ̥ܳܐ. 12ܘܗܰܘܺܝ ܒܰܒܳܐ ܠܰܗ̄ܢܺܝ ܕܡܺܗ̄ܝ ܓܙܽܘܪܬܳܐ، ܠܳܐ ܥܰܠ ܕܟ݄ܬܢܶܝ ܡܺܗ̄ܝ ܓܙܽܘܪܬܳܐ ܒܶܠܚܽܘܕ̥ܶܗ، ܐܶܠܳܐ ܥܰܠ ܕܟ݄ܡܗܰܠܟ̥ܺܝ ܣܬܶܝ ܒܽܗ̄ܘ ܕܰܪܒܳܐ ܕܺܗ̄ܝ ܗܰܝܡܳܢܽܘܬ̥ܳܐ ܕܒܰܒܰܢ ܐܰܒܪܳܗܳܡ ܘܗܶܫ ܗܺܝّܶܗ ܠܳܐ ܒܺܗ̄ܝ ܓܙܽܘܪܬܳܐ.
ܒܺܗ̄ܝ ܗܰܝܡܳܢܽܘܬ̥ܳܐ ܗܰܘܺܝ ܗ̄ܽܘ ܘܰܥܕܳܐ
13ܘܽܗ̄ܘ ܘܰܥܕܳܐ (ܕ݄ܡܘܰܥܰܕ ܠܶܗ ܐܰܠܳܗܳܐ) ܠܰܐܒܪܳܗܳܡ ܘܠܽܗ̄ܘ ܙܰܪܥܰܝܕ̥ܶܗ ܕܳܗ̄ܘܶܐ ܝܳܪܬ̥ܳܐ ܠܽܗ̄ܘ ܥܳܠܡܳܐ ܠܰܐ ܗ̄ܘܺܝ ܒܽܗ̄ܘ ܢܳܡܽܘܣܳܐ، ܐܶܠܳܐ ܒܺܗ̄ܝ ܟܺܐܢܽܘܬ̥ܳܐ ܕܺܗ̄ܝ ܗܰܝܡܳܢܽܘܬ̥ܰܝܕ̥ܶܗ. 14ܘܕܳܗ̄ܘ݄ܢ ܗ̄ܘܰܘ̱ ܗܰܢܺܝ ܕܡܽܗ̄ܘ ܢܳܡܽܘܣܳܐ (ܗ̄ܰܝّܽܘܕ̥̈ܳܝܶܐ) ܝܳܪ̈ܬ̥ܶܐ، ܗ̄ܺܝ ܗܰܝܡܳܢܽܘܬ̥ܳܐ ܒܰܛ݄ܠܬܳܐ ܕܳܗ̄ܘܝܳܐ ܗ̄ܘܰܐ، ܘܽܗ̄ܘ ܘܰܥܕܳܐ ܒܰܛܺܝܠܳܐ ܓܕܳܗ̄ܘܶܐ ܗ̄ܘܰܐ. 15ܡܺܐܝܕ̥ܶܗ ܕܽܗ̄ܘ ܢܳܡܽܘܣܳܐ ܟܡܰܝܬܶܐ ܗ̄ܽܘ ܪܽܘܓ̥ܙܳܐ (ܕܰܐܠܳܗܳܐ)، ܘܰܐܝܟܳܐ ܕܠܰܝܬ ܢܳܡܽܘܣܳܐ، ܠܰܝܬ ܬܒ̥ܳܪܳܐ ܕܽܗ̄ܘ ܢܳܡܽܘܣܳܐ. 16ܡܰܗ̄ܘܟ̥ܰܐ، ܒܺܗ̄ܝ ܗܰܝܡܳܢܽܘܬ̥ܳܐ ܕܒܺܗ̄ܝ ܛܰܝܒܽܘܬ̥ܳܐ ܟܳܗ̄ܘܺܝܢܰܐ ܙܰܕ̈ܺܝܩܶܐ، ܕܳܗ̄ܘܶܐ ܗ̄ܽܘ ܘܰܥܕܳܐ ܫܰܪܺܝܪܳܐ ܠܟܽܘܠܶܗ ܗ̄ܽܘ ܙܰܪܥܰܝܕ̥ܶܗ. ܠܳܐ ܠܰܐܝܢܰܐ ܕܟ݄ܬܢܶܝ ܡܽܗ̄ܘ ܢܳܡܽܘܣܳܐ ܒܶܠܚܽܘܕ̥ܶܗ، ܐܶܠܳܐ ܠܰܐܝܢܰܐ ܕܟ݄ܬܢܶܝ ܡܺܗ̄ܝ ܗܰܝܡܳܢܽܘܬ̥ܳܐ ܕܰܐܒܪܳܗܳܡ ܣܬܺܝ، ܕܟ݄ܬ ܝܳܐ ܗ̄ܽܘ ܒܰܒܳܐ ܕܟܽܘܠܰܢ. 17ܐܟ̥ ܕ݄ܟܬ̥ܺܝܒ̥: ”ܡܥܰܝܰܢ ܠܺܝ ܠܳܟ̥ ܒܰܒܳܐ ܠܥܰܡ̈ܶܐ ܓ̥ܰܠܰܒܶܐ،“ ܩ݄ܕ̱ܡ ܐܰܠܳܗܳܐ ܕ݄ܡܗܰܝܡܰܢ ܠܳܟ̥ ܐܶܒܶܗ، ܕ݄ܟܡܰܩ݄ܡ ܗ̄ܰܡّܺܝ̈ܬ̥ܶܐ، ܘ݄ܟܩܳܪܶܐ ܠܰܗ̄ܢܺܝ ܕܠܰܝ̱ܬ ܢܶܝ (ܒܰܚّܰܝ̈ܶܐ) ܐܟ̥ ܕܟ݄ܬܢܶܝ (ܒܰܚّܰܝ̈ܶܐ). 18ܘܠܰܗ̄ܢܳܐ (ܐܰܒܪܳܗܳܡ) ܕܠܰܝ̱ܬ ܗ̄ܘܰܝ ܠܶܗ ܣܰܒܪܳܐ ܡܗܰܝܡܰܢ ܠܶܗ ܒܽܗ̄ܘ ܣܰܒܪܳܐ ܕܳܗ̄ܘܶܐ ܒܰܒܳܐ ܠܥܰܡ̈ܶܐ ܓ̥ܰܠܰܒܶܐ، ܐܟ̥ ܕ݄ܟܬ̥ܺܝܒ̥: ”ܗܰܘܟ̥ܰܐ ܓܕܳܗ̄ܘܶܐ ܗ̄ܽܘ ܙܰܪܥܰܝܕ̥ܳܟ̥.“
19ܘܺܗ̄ܝ ܗܰܝܡܳܢܽܘܬ̥ܰܝܕ̥ܶܗ ܠܳܐ ܪܰܦܝܳܐ، ܗ̄ܺܝ ܢܰܩܠܐ ܕܚ݄ܪ ܠܶܗ ܒܽܗ̄ܘ ܦܰܓ̥ܪܰܝܕ̥ܶܗ ܗ̄ܽܘ ܡܺܝܬ̥ܳܐ ܕܗܰܘܺܝ ܐܰܒܪܶܗ ܕܡܳܐܐ ܐ݄ܫܢ̈ܶܐ، ܘܒܽܗ̄ܘ ܟܰܪܣܳܐ ܡܺܝܬ̥ܳܐ ܕܣܰܪܳܐ. 20ܘܠܳܐ ܦܠܺܝܓ̥ ܥܰܠ ܗ̄ܽܘ ܘܰܥܕܳܐ ܕܰܐܠܳܗܳܐ ܐܟ̥ ܕܢܳܫܳܐ ܠܳܐ ܡܗܰܝܡܢܳܐ، ܐܶܠܳܐ ܗܰܘܺܝ ܠܶܗ ܚܰܝܠܳܐ ܒܺܗ̄ܝ ܗܰܝܡܳܢܽܘܬ̥ܳܐ، ܘܗܽܒ̥ ܠܶܗ ܫܽܘܒܚܳܐ ܠܰܐܠܳܗܳܐ. 21ܘܡܰܫ݄ܪ ܠܶܗ ܕܰܐܠܳܗܳܐ ܟܺܝܒܶܗ ܣܳܝ݄ܡ ܗ̄ܽܘ ܡܶܕܶܐ ܕ݄ܡܘܰܥܰܕ ܠܶܗ. 22ܡܰܗ̄ܘܟ̥ܰܐ ܚܫܺܝܒ̥ܳܐ ܐܶܠܶܗ ܟܺܐܢܽܘܬ̥ܳܐ. 23ܘܠܳܐ ܐܰܥܠܶܗ ܒܶܠܚܽܘܕ̥ܶܗ ܟܬ̥ܺܝܒ̥ܳܐ ܗܰܬ̥ܶܐ ”ܕ݄ܚܫܺܝܒ̥ܳܐ ܗ̄ܺܝ ܗܰܝܡܳܢܽܘܬ̥ܰܝܕ̥ܶܗ ܟܺܐܢܽܘܬ̥ܳܐ.“
24ܐܶܠܳܐ ܠܰܫܰܢܰܢ ܣܬܶܝ، ܕܶܐܠܰܢ ܣܬܶܝ (ܐܰܠܳܗܳܐ) ܓ݄ܕܚܳܫܽܒ̥، ܐܰܚܢܰܐ ܕ݄ܡܗܰܝܡܰܢ ܠܰܢ ܒܰܐܠܳܗܳܐ ܕܡܰܩ݄ܡ ܠܶܗ ܡܳܪܰܢ ܝܶܫܽܘܥ ܡܫܺܝܚܳܐ ܡܒܰܝܢ ܗ̄ܰܡّܺܝ̈ܬ̥ܶܐ، 25ܕܗܺܝّܶܗ ܗܽܒ̥ ܠܶܗ ܪܽܘܚܶܗ ܠܰܫܰܢ ܗ̄ܰܚ̈ܛܳܗܰܝܕ̥ܰܢ، ܘܩܰܝ݄ܡ ܠܰܫܰܢ ܕܣܳܝܰܡ ܠܰܢ ܙܰܕ̈ܺܝܩܶܐ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation