ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 10
10
1ܝܰܐ ܐܰܚ̈ܽܘܢܳܢܶܐ: ܡܶܢ̱ ܟܽܘܠܶܗ ܠܶܒܺܝ ܟܳܐܒܰܥ ܐ̱ܢܳܐ ܘ݄ܡܨܰܠܶܐ ܐ̱ܢܳܐ ܠܰܐܠܳܗܳܐ ܠܰܫܰܢܰܝّܶܗ ܕܳܗ̄ܘܰܠّܶܗ ܚܰܝ̈ܶܐ. 2ܘ݄ܟܣܳܗܰܕ ܐ̱ܢܳܐ ܐܰܥܠܰܝّܶܗ ܕ݄ܛܢܳܢܳܐ ܕܰܐܠܳܗܳܐ ܟܺܝܬ ܐܰܒّܶܗ ܐܶܠܳܐ ܠܰܝ̱ܬ ܝܳܐ ܒܺܝܕ̥ܰܥܬܳܐ. 3ܡܺܐܝܕ̥ܶܗ ܕܠܰܐ ܐܕ̥ܺܝܥܺܝ ܗ̄ܺܝ ܟܺܐܢܽܘܬ̥ܳܐ ܕܰܐܠܳܗܳܐ، ܐܶܠܳܐ ܐܰܒܺܝܥܺܝ ܕܡܰܩܺܝܡܺܝ ܗ̄ܺܝ ܟܺܐܢܽܘܬ̥ܳܐ ܕܢܰܦܫ̈ܰܝّܶܗ، ܡܰܗ̄ܘܟ̥ܰܐ ܠܺܗ̄ܝ ܟܺܐܢܽܘܬ̥ܳܐ ܕܰܐܠܳܗܳܐ ܠܳܐ ܡܰܢܚܰܬّܶܗ ܪܽܘܚܰܝّܶܗ. 4ܗ̄ܽܘ ܢܺܝܫܳܐ (ܗ̄ܺܝ ܚܰܪܰܝܬܳܐ) ܕܽܗ̄ܘ ܢܳܡܽܘܣܳܐ ܡܫܺܝܚܳܐ ܝܳܐ، ܠܺܗ̄ܝ ܟܺܐܢܽܘܬ̥ܳܐ ܠܟܽܘܠ ܕ݄ܡܗܰܝܡ݄ܢ ܐܶܒܶܗ.
ܗ̄ܽܘ ܦܽܘܪܩܳܢܳܐ ܕܟ݄ܬ ܝܳܐ ܠܟܽܘܠ ܚܰܕ̱
5ܘܡܽܘܫܶܐ ܗܰܘܟ̥ܰܐ ܟܬ̥ܽܒ̥ ܠܶܗ ܥܰܠ ܗ̄ܺܝ ܟܺܐܢܽܘܬ̥ܳܐ ܕܒܽܗ̄ܘ ܢܳܡܽܘܣܳܐ: ”ܡܰܢ ܕܣܳܝ݄ܡ ܗܰܢܺܝ، ܒܰܗ̄ܢܺܝ ܓܚܳܝܶܐ.“ 6ܘܺܗ̄ܝ ܟܺܐܢܽܘܬ̥ܳܐ ܕܒܺܗ̄ܝ ܗܰܝܡܳܢܽܘܬ̥ܳܐ ܗܰܘܟ̥ܰܐ ܟ݄ܐܡّܳܪ̱ܐ: ܠ݄ܐ ܐܡّܰܪ̱ܬ ܒܠܶܒܳܟ̥ ܕܡܰܢ ܣܰܠ݄ܩ ܠܺܗ̄ܝ ܫܡܰܝܳܐ ܘܡܰܢܚܰܬ ܠܶܗ ܠ݄ܡܫܺܝܚܳܐ. 7ܘܡܰܢ ܢܰܚ݄ܬ ܠܽܗ̄ܘ ܥܽܘܡܩܳܐ (ܕܺܗ̄ܝ ܐܰܪܥܳܐ) ܕ݄ܫܝܽܘܠ ܘܡܰܣܠܰܩ ܠܶܗ ܠ݄ܡܫܺܝܚܳܐ ܡܒܰܝܢ ܗ̄ܰܡّܺܝ̈ܬ̥ܶܐ. 8ܐܶܠܳܐ ܡ݄ܢ ܐܡ݄ܪ ܠܶܗ: ”ܩܰܪܽܒ̥ܬܳܐ ܝܳܐ ܐܶܠܳܟ̥ ܗ̄ܺܝ ܡܶܠܬ̥ܳܐ، ܠܦܶܡܳܟ̥ ܘ݄ܠܠܶܒܳܟ̥.“ ܘܗܰܬ̥ܶܐ ܝܳܐ ܗ̄ܺܝ ܡܶܠܬ̥ܳܐ ܕܺܗ̄ܝ ܗܰܝܡܳܢܽܘܬ̥ܳܐ ܕܟܳܟ݄ܪܙܺܝܢܰܐ. 9ܘܶܐܢ ܕܡܰܘܕܰܬ ܒܦܶܡܳܟ̥ ܒܡܳܪܰܢ ܝܶܫܽܘܥ ܘ݄ܡܗܰܝܡܢܰܬ ܒܠܶܒܳܟ̥ ܕܰܐܠܳܗܳܐ ܡܰܩ݄ܡ ܠܶܗ ܡܒܰܝܢ ܗ̄ܰܡّܺܝ̈ܬ̥ܶܐ ܓܕܳܗ̄ܘ݄ܢ ܠܳܟ̥ ܚܰܝ̈ܶܐ. 10ܗ̄ܽܘ ܠܶܒܳܐ ܕ݄ܡܗܰܝܡ݄ܢ ܐܶܒܶܗ ܟܳܗ̄ܘܶܐ ܙܰܕܺܝܩܳܐ، ܘܽܗ̄ܘ ܦܶܡܳܐ ܕܡܰܘܕܶܐ ܐܶܒܶܗ ܓܕܳܗ̄ܘܶܐ ܠܶܗ ܚܰܝ̈ܶܐ. 11ܡܺܐܝܕ̥ܶܗ ܕܽܗ̄ܘ ܟܬ̥ܳܒ̥ܳܐ ܟܳܐܡ݄ܪ: ”ܟܽܘܠ ܚܰܕ̱ ܕ݄ܡܗܰܝܡ݄ܢ ܐܶܒܶܗ ܠ݄ܐ ܓܡܺܝܢܰܟ݄ܦ.“ 12ܘܒܰܗ̄ܬ̥ܶܐ ܠܳܐ ܦܪ݄ܫ ܠܶܗ ܒܰܝܢ ܗ̄ܰܝّܽܘܕ̥̈ܳܝܶܐ ܘܒܰܝܢ ܗ̄ܰܢ ܐܰܪ̈ܡܳܝܶܐ، ܡܺܐܝܕ̥ܶܗ ܕܚܰܕ̱ ܝܳܐ ܡܳܪܝܳܐ ܕܟܽܘܠّܶܗ، ܘܥܰܬܺܝܪܳܐ (ܘ݄ܡܪܰܚܡܳܢܳܐ) ܥܰܠ ܟܽܘܠ ܚܰܕ̱ ܕܩܳܪܶܐ ܠܶܗ. 13”ܡܺܐܝܕ̥ܶܗ ܕܟܽܘܠ ܚܰܕ̱ ܕܩܳܪܶܐ ܐ݄ܫܡܶܗ ܕܡܳܪܝܳܐ ܟܳܗ̄ܘ݄ܢ ܠܶܗ ܚܰܝ̈ܶܐ.“
ܗ̄ܺܝ ܥܶܠܬ̥ܳܐ ܕܰܝّܽܘܕ̥̈ܳܝܶܐ ܕܠܳܐ ܡܗܰܝܡܰܢّܶܗ
14ܗܰܢ ܢܰܩܠܐ ܐܰܝܕܰܪܒܳܐ ܓܩܳܪ݄ܢ ܠܰܗ̄ܘܳܐ ܕܠܳܐ ܡܗܰܝܡܰܢّܶܗ ܐܶܒܶܗ؟ ܐܰܘ ܐܰܝܕܰܪܒܳܐ ܕ݄ܡܗܰܝܡܢܺܝ ܠܰܗ̄ܘܳܐ ܕܠܳܐ ܫܰܡܺܝܥܺܝ ܠܶܗ؟ ܐܰܘ ܐܰܝܕܰܪܒܳܐ ܓܫ݄ܡܥܺܝ ܕܠܳܐ ܟܳܪܽܘܙܳܐ؟ 15ܐܰܘ ܐܰܝܕܰܪܒܳܐ ܟܟ݄ܪܙܺܝ ܐܶܢ ܕܠܳܐ ܡܺܝܫܰܕܪܺܝ؟ ܘ݄ܐܟ̥ ܕ݄ܟܬ̥ܺܝܒ̥: ”ܡ݄ܢ ܫܰܦܺܝܪܳܐ ܝܳܐ ܗ̄ܽܘ ܡܰܐܬ̥ܝܳܐ ܕܰܡܣܰܒܪ̈ܳܢܶܐ ܕܽܗ̄ܘ ܫܠܳܡܳܐ ܘܕܰܡܣܰܒܪ̈ܳܢܶܐ ܕܰܛّܳܒ̥̈ܳܬ̥ܳܐ.“ 16ܐܶܠܳܐ ܠܳܐ ܟܽܘܠّܶܗ ܫܰܡܺܝܥܺܝ ܗ̄ܺܝ ܣܒܰܪܬ̥ܳܐ ܕܽܗ̄ܘ ܡܓܰܠܝܘ̇ܢ. ܡܺܐܝܕ̥ܶܗ ܕܶܐܫܰܥܝܳܐ ܐܡ݄ܪ ܠܶܗ: ”ܝܳܐ ܡܳܪܝܳܐ، ܡܰܢܝܳܐ ܕܡܰܫܰܪ ܠܶܗ ܠܽܗ̄ܘ ܡܰܐܡܪܰܝܕ̥ܰܢ؟“ 17ܗܰܢ ܢܰܩܠܐ ܗ̄ܺܝ ܗܰܝܡܳܢܽܘܬ̥ܳܐ ܡܽܗ̄ܘ ܫܡܳܥܳܐ ܕܺܗ̄ܝ ܐܰܕ̥ܢܳܐ ܝܳܐ، ܘܽܗ̄ܘ ܫܡܳܥܳܐ ܕܺܗ̄ܝ ܐܰܕ̥ܢܳܐ ܡܺܗ̄ܝ ܡܶܠܬ̥ܳܐ ܕܰܐܠܳܗܳܐ. 18ܐܶܠܳܐ ܟܳܐܡܰܪ ܐ̱ܢܳܐ: ܩܰܝ ܠܳܐ ܫܰܡܺܝܥܺܝ؟ ”ܘܟܰܐܠܶܗ ܒܺܗ̄ܝ ܐܰܪܥܳܐ ܟܽܘܠܰܗ ܢܰܦ݄ܩ ܗ̄ܽܘ ܩܳܠܰܬّ̥ܶܗ، ܘܠܺܗ̄ܝ ܚܰܪܰܝܬܳܐ ܕ݄ܒܪܺܝܬ̥ܳܐ ܡܰܛܺܝ ܗ̄ܽܘ ܡܰܐܡܪܰܬّ̥ܶܗ.“ 19ܐܶܠܳܐ ܟܳܐܡܰܪ ܐ̱ܢܳܐ: ܩܰܝ ܠܰܐ ܐܕ̥݄ܥ ܐܺܝܣܪܳܐܶܝܠ؟ ܒܺܗ̄ܝ ܩܰܕ̱ܡܰܝܬܳܐ ܡܽܘܫܶܐ ܗܰܘܟ̥ܰܐ ܐܡ݄ܪ ܠܶܗ: ”ܓܡܰܪܡܰܫ ܐ̱ܢܳܐ ܗ̄ܽܘ ܛܢܳܢܰܬ̥ܟ̥ܽܘ ܒܥܰܡܳܐ ܕܠܰܝ̱ܬ ܝܳܐ ܥܰܡܳܐ، ܘ݄ܒܥܰܡܳܐ ܛܰܥܝܳܐ ܓ݄ܕܡܰܪܓ̥ܰܙ ܐ̱ܢܳܐ ܠܟ̥ܽܘ.“ 20ܘܶܐܫܰܥܝܳܐ ܡܰܩܘܶܐ ܠܶܗ ܦܳܬ̥ܶܗ ܘܐܡ݄ܪ ܠܶܗ: ”ܡܰܚܘܶܐ ܠܺܝ ܪܽܘܚܺܝ ܠܰܗ̄ܢܺܝ ܕܠܰܐ ܐܒܺܝܥܺܝ ܠܺܝ، ܘ݄ܚܙܶܐ ܐ̱ܢܳܐ ܠܰܗ̄ܢܺܝ ܕܠܳܐ ܡܫܰܐܰܠّܶܗ ܐܰܥܠܺܝ.“ 21ܘܥܰܠ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܟܳܐܡ݄ܪ: ”ܦܫ݄ܛ ܠܺܝ ܐܺܝܕ̥̈ܳܬ̥ܺܝ ܗ̄ܽܘ ܝܰܘܡܳܐ ܟܽܘܠܶܗ ܠܰܐܦ ܥܰܡܳܐ ܥܰܨܝܳܐ ܘܥܰܢܳܬܳܐ.“
Právě zvoleno:
ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 10: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 10
10
1ܝܰܐ ܐܰܚ̈ܽܘܢܳܢܶܐ: ܡܶܢ̱ ܟܽܘܠܶܗ ܠܶܒܺܝ ܟܳܐܒܰܥ ܐ̱ܢܳܐ ܘ݄ܡܨܰܠܶܐ ܐ̱ܢܳܐ ܠܰܐܠܳܗܳܐ ܠܰܫܰܢܰܝّܶܗ ܕܳܗ̄ܘܰܠّܶܗ ܚܰܝ̈ܶܐ. 2ܘ݄ܟܣܳܗܰܕ ܐ̱ܢܳܐ ܐܰܥܠܰܝّܶܗ ܕ݄ܛܢܳܢܳܐ ܕܰܐܠܳܗܳܐ ܟܺܝܬ ܐܰܒّܶܗ ܐܶܠܳܐ ܠܰܝ̱ܬ ܝܳܐ ܒܺܝܕ̥ܰܥܬܳܐ. 3ܡܺܐܝܕ̥ܶܗ ܕܠܰܐ ܐܕ̥ܺܝܥܺܝ ܗ̄ܺܝ ܟܺܐܢܽܘܬ̥ܳܐ ܕܰܐܠܳܗܳܐ، ܐܶܠܳܐ ܐܰܒܺܝܥܺܝ ܕܡܰܩܺܝܡܺܝ ܗ̄ܺܝ ܟܺܐܢܽܘܬ̥ܳܐ ܕܢܰܦܫ̈ܰܝّܶܗ، ܡܰܗ̄ܘܟ̥ܰܐ ܠܺܗ̄ܝ ܟܺܐܢܽܘܬ̥ܳܐ ܕܰܐܠܳܗܳܐ ܠܳܐ ܡܰܢܚܰܬّܶܗ ܪܽܘܚܰܝّܶܗ. 4ܗ̄ܽܘ ܢܺܝܫܳܐ (ܗ̄ܺܝ ܚܰܪܰܝܬܳܐ) ܕܽܗ̄ܘ ܢܳܡܽܘܣܳܐ ܡܫܺܝܚܳܐ ܝܳܐ، ܠܺܗ̄ܝ ܟܺܐܢܽܘܬ̥ܳܐ ܠܟܽܘܠ ܕ݄ܡܗܰܝܡ݄ܢ ܐܶܒܶܗ.
ܗ̄ܽܘ ܦܽܘܪܩܳܢܳܐ ܕܟ݄ܬ ܝܳܐ ܠܟܽܘܠ ܚܰܕ̱
5ܘܡܽܘܫܶܐ ܗܰܘܟ̥ܰܐ ܟܬ̥ܽܒ̥ ܠܶܗ ܥܰܠ ܗ̄ܺܝ ܟܺܐܢܽܘܬ̥ܳܐ ܕܒܽܗ̄ܘ ܢܳܡܽܘܣܳܐ: ”ܡܰܢ ܕܣܳܝ݄ܡ ܗܰܢܺܝ، ܒܰܗ̄ܢܺܝ ܓܚܳܝܶܐ.“ 6ܘܺܗ̄ܝ ܟܺܐܢܽܘܬ̥ܳܐ ܕܒܺܗ̄ܝ ܗܰܝܡܳܢܽܘܬ̥ܳܐ ܗܰܘܟ̥ܰܐ ܟ݄ܐܡّܳܪ̱ܐ: ܠ݄ܐ ܐܡّܰܪ̱ܬ ܒܠܶܒܳܟ̥ ܕܡܰܢ ܣܰܠ݄ܩ ܠܺܗ̄ܝ ܫܡܰܝܳܐ ܘܡܰܢܚܰܬ ܠܶܗ ܠ݄ܡܫܺܝܚܳܐ. 7ܘܡܰܢ ܢܰܚ݄ܬ ܠܽܗ̄ܘ ܥܽܘܡܩܳܐ (ܕܺܗ̄ܝ ܐܰܪܥܳܐ) ܕ݄ܫܝܽܘܠ ܘܡܰܣܠܰܩ ܠܶܗ ܠ݄ܡܫܺܝܚܳܐ ܡܒܰܝܢ ܗ̄ܰܡّܺܝ̈ܬ̥ܶܐ. 8ܐܶܠܳܐ ܡ݄ܢ ܐܡ݄ܪ ܠܶܗ: ”ܩܰܪܽܒ̥ܬܳܐ ܝܳܐ ܐܶܠܳܟ̥ ܗ̄ܺܝ ܡܶܠܬ̥ܳܐ، ܠܦܶܡܳܟ̥ ܘ݄ܠܠܶܒܳܟ̥.“ ܘܗܰܬ̥ܶܐ ܝܳܐ ܗ̄ܺܝ ܡܶܠܬ̥ܳܐ ܕܺܗ̄ܝ ܗܰܝܡܳܢܽܘܬ̥ܳܐ ܕܟܳܟ݄ܪܙܺܝܢܰܐ. 9ܘܶܐܢ ܕܡܰܘܕܰܬ ܒܦܶܡܳܟ̥ ܒܡܳܪܰܢ ܝܶܫܽܘܥ ܘ݄ܡܗܰܝܡܢܰܬ ܒܠܶܒܳܟ̥ ܕܰܐܠܳܗܳܐ ܡܰܩ݄ܡ ܠܶܗ ܡܒܰܝܢ ܗ̄ܰܡّܺܝ̈ܬ̥ܶܐ ܓܕܳܗ̄ܘ݄ܢ ܠܳܟ̥ ܚܰܝ̈ܶܐ. 10ܗ̄ܽܘ ܠܶܒܳܐ ܕ݄ܡܗܰܝܡ݄ܢ ܐܶܒܶܗ ܟܳܗ̄ܘܶܐ ܙܰܕܺܝܩܳܐ، ܘܽܗ̄ܘ ܦܶܡܳܐ ܕܡܰܘܕܶܐ ܐܶܒܶܗ ܓܕܳܗ̄ܘܶܐ ܠܶܗ ܚܰܝ̈ܶܐ. 11ܡܺܐܝܕ̥ܶܗ ܕܽܗ̄ܘ ܟܬ̥ܳܒ̥ܳܐ ܟܳܐܡ݄ܪ: ”ܟܽܘܠ ܚܰܕ̱ ܕ݄ܡܗܰܝܡ݄ܢ ܐܶܒܶܗ ܠ݄ܐ ܓܡܺܝܢܰܟ݄ܦ.“ 12ܘܒܰܗ̄ܬ̥ܶܐ ܠܳܐ ܦܪ݄ܫ ܠܶܗ ܒܰܝܢ ܗ̄ܰܝّܽܘܕ̥̈ܳܝܶܐ ܘܒܰܝܢ ܗ̄ܰܢ ܐܰܪ̈ܡܳܝܶܐ، ܡܺܐܝܕ̥ܶܗ ܕܚܰܕ̱ ܝܳܐ ܡܳܪܝܳܐ ܕܟܽܘܠّܶܗ، ܘܥܰܬܺܝܪܳܐ (ܘ݄ܡܪܰܚܡܳܢܳܐ) ܥܰܠ ܟܽܘܠ ܚܰܕ̱ ܕܩܳܪܶܐ ܠܶܗ. 13”ܡܺܐܝܕ̥ܶܗ ܕܟܽܘܠ ܚܰܕ̱ ܕܩܳܪܶܐ ܐ݄ܫܡܶܗ ܕܡܳܪܝܳܐ ܟܳܗ̄ܘ݄ܢ ܠܶܗ ܚܰܝ̈ܶܐ.“
ܗ̄ܺܝ ܥܶܠܬ̥ܳܐ ܕܰܝّܽܘܕ̥̈ܳܝܶܐ ܕܠܳܐ ܡܗܰܝܡܰܢّܶܗ
14ܗܰܢ ܢܰܩܠܐ ܐܰܝܕܰܪܒܳܐ ܓܩܳܪ݄ܢ ܠܰܗ̄ܘܳܐ ܕܠܳܐ ܡܗܰܝܡܰܢّܶܗ ܐܶܒܶܗ؟ ܐܰܘ ܐܰܝܕܰܪܒܳܐ ܕ݄ܡܗܰܝܡܢܺܝ ܠܰܗ̄ܘܳܐ ܕܠܳܐ ܫܰܡܺܝܥܺܝ ܠܶܗ؟ ܐܰܘ ܐܰܝܕܰܪܒܳܐ ܓܫ݄ܡܥܺܝ ܕܠܳܐ ܟܳܪܽܘܙܳܐ؟ 15ܐܰܘ ܐܰܝܕܰܪܒܳܐ ܟܟ݄ܪܙܺܝ ܐܶܢ ܕܠܳܐ ܡܺܝܫܰܕܪܺܝ؟ ܘ݄ܐܟ̥ ܕ݄ܟܬ̥ܺܝܒ̥: ”ܡ݄ܢ ܫܰܦܺܝܪܳܐ ܝܳܐ ܗ̄ܽܘ ܡܰܐܬ̥ܝܳܐ ܕܰܡܣܰܒܪ̈ܳܢܶܐ ܕܽܗ̄ܘ ܫܠܳܡܳܐ ܘܕܰܡܣܰܒܪ̈ܳܢܶܐ ܕܰܛّܳܒ̥̈ܳܬ̥ܳܐ.“ 16ܐܶܠܳܐ ܠܳܐ ܟܽܘܠّܶܗ ܫܰܡܺܝܥܺܝ ܗ̄ܺܝ ܣܒܰܪܬ̥ܳܐ ܕܽܗ̄ܘ ܡܓܰܠܝܘ̇ܢ. ܡܺܐܝܕ̥ܶܗ ܕܶܐܫܰܥܝܳܐ ܐܡ݄ܪ ܠܶܗ: ”ܝܳܐ ܡܳܪܝܳܐ، ܡܰܢܝܳܐ ܕܡܰܫܰܪ ܠܶܗ ܠܽܗ̄ܘ ܡܰܐܡܪܰܝܕ̥ܰܢ؟“ 17ܗܰܢ ܢܰܩܠܐ ܗ̄ܺܝ ܗܰܝܡܳܢܽܘܬ̥ܳܐ ܡܽܗ̄ܘ ܫܡܳܥܳܐ ܕܺܗ̄ܝ ܐܰܕ̥ܢܳܐ ܝܳܐ، ܘܽܗ̄ܘ ܫܡܳܥܳܐ ܕܺܗ̄ܝ ܐܰܕ̥ܢܳܐ ܡܺܗ̄ܝ ܡܶܠܬ̥ܳܐ ܕܰܐܠܳܗܳܐ. 18ܐܶܠܳܐ ܟܳܐܡܰܪ ܐ̱ܢܳܐ: ܩܰܝ ܠܳܐ ܫܰܡܺܝܥܺܝ؟ ”ܘܟܰܐܠܶܗ ܒܺܗ̄ܝ ܐܰܪܥܳܐ ܟܽܘܠܰܗ ܢܰܦ݄ܩ ܗ̄ܽܘ ܩܳܠܰܬّ̥ܶܗ، ܘܠܺܗ̄ܝ ܚܰܪܰܝܬܳܐ ܕ݄ܒܪܺܝܬ̥ܳܐ ܡܰܛܺܝ ܗ̄ܽܘ ܡܰܐܡܪܰܬّ̥ܶܗ.“ 19ܐܶܠܳܐ ܟܳܐܡܰܪ ܐ̱ܢܳܐ: ܩܰܝ ܠܰܐ ܐܕ̥݄ܥ ܐܺܝܣܪܳܐܶܝܠ؟ ܒܺܗ̄ܝ ܩܰܕ̱ܡܰܝܬܳܐ ܡܽܘܫܶܐ ܗܰܘܟ̥ܰܐ ܐܡ݄ܪ ܠܶܗ: ”ܓܡܰܪܡܰܫ ܐ̱ܢܳܐ ܗ̄ܽܘ ܛܢܳܢܰܬ̥ܟ̥ܽܘ ܒܥܰܡܳܐ ܕܠܰܝ̱ܬ ܝܳܐ ܥܰܡܳܐ، ܘ݄ܒܥܰܡܳܐ ܛܰܥܝܳܐ ܓ݄ܕܡܰܪܓ̥ܰܙ ܐ̱ܢܳܐ ܠܟ̥ܽܘ.“ 20ܘܶܐܫܰܥܝܳܐ ܡܰܩܘܶܐ ܠܶܗ ܦܳܬ̥ܶܗ ܘܐܡ݄ܪ ܠܶܗ: ”ܡܰܚܘܶܐ ܠܺܝ ܪܽܘܚܺܝ ܠܰܗ̄ܢܺܝ ܕܠܰܐ ܐܒܺܝܥܺܝ ܠܺܝ، ܘ݄ܚܙܶܐ ܐ̱ܢܳܐ ܠܰܗ̄ܢܺܝ ܕܠܳܐ ܡܫܰܐܰܠّܶܗ ܐܰܥܠܺܝ.“ 21ܘܥܰܠ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܟܳܐܡ݄ܪ: ”ܦܫ݄ܛ ܠܺܝ ܐܺܝܕ̥̈ܳܬ̥ܺܝ ܗ̄ܽܘ ܝܰܘܡܳܐ ܟܽܘܠܶܗ ܠܰܐܦ ܥܰܡܳܐ ܥܰܨܝܳܐ ܘܥܰܢܳܬܳܐ.“
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation