ܡܓܰܠܝܘܢ ܕܠܘܩܐ 16
16
ܗ̄ܺܝ ܚܶܟ̥ܡܬ̥ܳܐ ܕܽܗ̄ܘ ܪܰܒܒܰܝܬܳܐ (ܘܰܟܺܝܠܳܐ) ܕܺܗ̄ܝ ܚܛܺܝܬ̥ܳܐ
1ܘܐܡ݄ܪ ܠܶܗ ܡܰܬ̥ܠܳܐ ܠܰܬّܰܠܡܺܝܕ̥̈ܰܝܕ̥ܶܗ: ”ܟ݄ܬ ܗ̄ܘܰܐ ܚܰܕ̱ ܓܰܒ̥ܪܳܐ ܥܰܬܺܝܪܳܐ، ܘܟ݄ܬ ܗ̄ܘܰܝ ܠܶܗ ܪܰܒܒܰܝܬܳܐ (ܘܰܟܺܝܠܳܐ)، ܘܰܐܬ̥ܺܝ ܫܟܳܝܳܐ ܐܰܥܠܶܗ ܕܟ݄ܡܒܰܪܒ݄ܙ ܗ̄ܽܘ ܡܳܠܰܝܕ̥ܶܗ. 2ܘܽܗ̄ܘ ܡܳܪܰܝܕ̥ܶܗ ܩܪܶܐ ܠܶܗ ܠܶܗ ܘܐܡ݄ܪ ܠܶܗ ܠܶܗ: ’ܡ݄ܢܝܳܐ ܗܰܢܳܐ ܕ݄ܟܫܳܡܰܥ ܐ̱ܢܳܐ ܐܰܥܠܳܟ̥؟ ܗܰܒ̥ ܠܺܝ ܗ̄ܽܘ ܚܫܳܒ̥ܳܐ ܕܺܗ̄ܝ ܪܰܒܒܰܝܬܽܘܬ̥ܰܝܕܳܟ̥، ܡܺܐܝܕ̥ܶܗ ܕܠܰܝܒܳܟ̥ ܕܳܗ̄ܘܰܬ ܠܺܝ ܪܰܒܒܰܝܬܳܐ.‘ 3ܗ̄ܽܘ ܪܰܒܒܰܝܬܰܘܳܐ ܐܡ݄ܪ ܠܶܗ ܠܪܽܘܚܶܗ: ’ܡ݄ܢ ܣܳܝܰܡ ܐ̱ܢܳܐ؟ ܕܽܗ̄ܘ ܡܳܪܰܝܕ̥ܺܝ ܓܫܳܩ݄ܠ ܡܶܢܺܝ ܗ̄ܺܝ ܪܰܒܒܰܝܬܽܘܬ̥ܳܐ، ܕܚܳܦܰܪ ܐ̱ܢܳܐ ܠܰܝܒܺܝ، ܘ݄ܕܓܳܒ̥ܶܐ ܐ̱ܢܳܐ ܟܡܺܝܢܰܟܰܦ ܐ̱ܢܳܐ. 4ܐܰܕ̥݄ܥ ܐ̱ܢܳܐ ܡ݄ܢ ܣܳܝܰܡ ܐ̱ܢܳܐ، ܡ݄ܐ ܕܢܰܦ݄ܩ ܐ̱ܢܳܐ ܡܺܗ̄ܝ ܪܰܒܒܰܝܬܽܘܬ̥ܳܐ، ܓܡܰܩܒܠܺܝ ܠܺܝ ܒܰܒّܳܬ̈ܰܬّ̥ܶܗ.‘ 5ܘ݄ܩܪܶܐ ܠܶܗ ܠܚܰܕ̱ ܒܚܰܕ̱ ܡܰܢ̱ ܡܕܰܝܢ̈ܶܐ ܕܽܗ̄ܘ ܡܳܪܰܝܕ̥ܶܗ، ܘܐܡ݄ܪ ܠܶܗ ܠܽܗ̄ܘ ܩܰܕ̱ܡܳܝܳܐ: ’ܡ݄ܩܰܐ ܕܰܝܢܳܐ ܟܺܝܬ ܠܽܗ̄ܘ ܡܳܪܰܝܕ̥ܺܝ ܐܰܥܠܳܟ̥؟‘ 6ܐܡ݄ܪ ܠܶܗ ܠܶܗ: ’ܡܳܐܐ ܟܰܝ̈ܠܶܐ ܡܶܫܚܳܐ.‘ ܘܐܡ݄ܪ ܠܶܗ ܠܶܗ: ’ܡܘ̇ܕ ܗ̄ܽܘ ܟܬ̥ܳܒ̥ܰܝܕ̥ܳܟ̥ ܘܺܝܬܰܒ̥ ܡܰܠܺܝܙܳܐ ܟܬ̥ܰܒ̥ ܚܰܡܫܺܝ ܟܰܝ̈ܠܶܐ.‘ 7ܘܐܡ݄ܪ ܠܶܗ ܠܽܗ̄ܘ ܚܪܶܢܳܐ: ’ܘܗܰܬ ܡ݄ܩܰܐ ܕܰܝܢܳܐ ܟܺܝܬ ܠܽܗ̄ܘ ܡܳܪܰܝܕ̥ܺܝ ܐܰܥܠܳܟ̥؟‘ ܐܡ݄ܪ ܠܶܗ ܠܶܗ: ’ܡܳܐܐ ܟܺܝ̈ܣܶܐ ܕܚ̈ܶܛܶܐ.‘ ܘܐܡ݄ܪ ܠܶܗ ܠܶܗ: ’ܡܘ̇ܕ ܗ̄ܽܘ ܟܬ̥ܳܒ̥ܰܝܕ̥ܳܟ̥ ܘܺܝܬܰܒ̥ ܟܬ̥ܰܒ̥ ܬܡܳܢܺܝ ܟܺܝ̈ܣܶܐ.‘ 8ܘܽܗ̄ܘ ܡܳܪܳܐ ܡܫܰܒܰܚ ܠܶܗ ܠܽܗ̄ܘ ܪܰܒܒܰܝܬܳܐ ܕܺܗ̄ܝ ܚܛܺܝܬ̥ܳܐ، ܥܰܠ ܕܣ݄ܡ ܠܶܗ ܒܚܶܟ̥ܡܬ̥ܳܐ، ܡܺܐܝܕ̥ܶܗ ܕܰܗ̄ܢ ܐܰܒܢ̈ܶܐ ܕܽܗ̄ܘ ܥܳܠܡܰܢܳܐ ܙ݄ܕ ܚܰܟܺܝܡ̈ܶܐ ܢܶܝ ܡܰܗ̄ܢ ܐܰܒܢ̈ܶܐ ܕܽܗ̄ܘ ܢܽܘܗܪܳܐ ܒܽܗ̄ܘ ܕܳܪܰܢܳܐ ܕ݄ܬّ̥ܶܗ.
ܣܽܘܡܽܘܢܟ̥ܽܘ ܚܰܒ̥ܪ̈ܳܢܶܐ ܡܽܗ̄ܘ ܡܳܠܳܐ ܕܺܗ̄ܝ ܚܛܺܝܬ̥ܳܐ
9”ܘܳܐܢܳܐ ܣܬܶܝ ܟܳܐܡܰܪ ܐ̱ܢܳܐ ܠܟ̥ܽܘ: ܣܽܘܡܽܘܢܟ̥ܽܘ ܪ̈ܳܚܡܶܐ ܡܽܗ̄ܘ ܡܳܠܰܢܳܐ ܕܺܗ̄ܝ ܚܛܺܝܬ̥ܳܐ، ܡ݄ܐ ܕܬܰܝ݄ܡ ܓܡܰܩܒܠ݄ܢܟ̥ܽܘ ܒܰܒّܳܬ̈ܰܬّ̥ܶܗ ܕ݄ܠܥܳܠܰܡ. 10ܡܰܢ ܕܟ݄ܬ ܝܳܐ ܡܗܰܝܡܢܳܐ ܥܰܠ ܐ݄ܫܡ݄ܢܬܳܐ، ܥܰܠ ܓ̥ܰܠܰܒܶܐ ܣܬܶܝ ܡܗܰܝܡܢܳܐ ܝܳܐ. ܘܡܰܢ ܕܠܰܝ̱ܬ ܝܳܐ ܡܗܰܝܡܢܳܐ ܥܰܠ ܐ݄ܫܡ݄ܢܬܳܐ، ܥܰܠ ܓ̥ܰܠܰܒܶܐ ܣܬܶܝ ܠܰܝ̱ܬ ܝܳܐ ܡܗܰܝܡܢܳܐ. 11ܗܰܢ ܢܰܩܠܐ ܕܶܐܢ ܒܡܳܠܳܐ ܕܺܗ̄ܝ ܚܛܺܝܬ̥ܳܐ ܠܰܐ ܗ̄ܘܺܝܬܽܘ ܡܗܰܝܡܢ̈ܶܐ، ܥܰܠ ܗ̄ܽܘ ܫܪܳܪܳܐ ܡܰܢ ܓ݄ܡܗܰܝܡܰܢܟ̥ܽܘ؟ 12ܘܶܐܢ ܒܰܗ̄ܢܳܐ ܕܠܰܝ̱ܬ ܝܳܐ ܐܰܠܟ̥ܽܘ ܠܳܐ ܢܰܦܺܝܩܺܝܬܽܘ ܡܗܰܝܡܢ̈ܶܐ، ܕܟ݄ܬ ܝܳܐ ܐܰܠܟ̥ܽܘ ܡܰܢ ܓܕܳܗ̄ܒܰܠܟ̥ܽܘ. 13ܠܰܝܬ ܓܪܶܝܥܳܐ ܕܟܺܝܒܶܗ ܥܳܒ̥݄ܕ ܠܰܬܪܶܝ ܡܳܪ̈ܶܐ، ܐܰܘ ܠܚܰܕ̱ ܣܳܢܶܐ ܘܠܽܗ̄ܘ ܚܪܶܢܳܐ ܪܳܚ݄ܡ، ܐܰܘ ܠܚܰܕ̱ ܡܝܰܩ݄ܪ ܘܠܽܗ̄ܘ ܚܪܶܢܳܐ ܡܚܰܩ݄ܪ. ܠܰܒܟ̥ܽܘ ܥܳܒܕܺܝܬܽܘ ܠܰܐܠܳܗܳܐ ܘܠܽܗ̄ܘ ܡܳܠܳܐ.“
ܗ̄ܽܘ ܢܳܡܽܘܣܳܐ ܘܺܗ̄ܝ ܡܰܠܟܽܘܬ̥ܳܐ ܕܰܐܠܳܗܳܐ
ܡܬܝ 11:12‐13
14ܘܰܦܪ̈ܺܝܫܶܐ، ܗ̄ܺܝ ܢܰܩܠܐ ܕܫܰܡܺܝܥܺܝ ܗܰܢܺܝ ܟܽܘܠّܶܗ، ܘܥܰܠ ܕܪܳܚܡܺܝ ܗ̄ܘܰܘ̱ ܗ̄ܰܙّܽܘܙ̈ܶܐ، ܦܰܝ݄ܫ ܡܒܰܙܚܺܝ ܗ̄ܘܰܘ ܐܶܒܶܗ. 15ܘܝܶܫܽܘܥ ܐܡ݄ܪ ܠܰܗ ܠّܶܗ: ”ܗܰܬܽܘ ܗ̄ܬܽܘ ܕ݄ܟܣܰܝܡܺܝܬܽܘ ܪܽܘܚܰܝܟ̥ܽܘ ܙܰܕ̈ܺܝܩܶܐ ܩ݄ܕ̱ܡ ܗ̄ܰܢ ܢܳܫ̈ܶܐ، ܐܶܠܳܐ ܐܰܠܳܗܳܐ ܟܳܐܕ̥݄ܥ ܠܶܒ̈ܰܝܟ̥ܽܘ. ܘܽܗ̄ܘ ܡܶܕܶܐ ܡܝܰܩܪܳܐ ܒܰܝܢ ܕܰܗ̄ܢ ܢܳܫ̈ܶܐ، ܩ݄ܕ̱ܡ ܐܰܠܳܗܳܐ ܡܚܰܩܪܳܐ ܝܳܐ. 16ܗ̄ܽܘ ܢܳܡܽܘܣܳܐ ܘܰܗ̄ܢ ܢܒܺܝ̈ܶܐ (ܡ݄ܟܪܳܙܺܝ ܗ̄ܘܰܘ̱) ܗܳܠ ܕܰܐܬ̥ܺܝ ܝܽܘܚܰܢܳܢ؛ ܘܡܰܗ̄ܪܟܶܐ ܘܒ݄ܬ̥݄ܪ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ ܟܡ݄ܟܪܳܙܳܐ، ܘܟܽܘܠ ܚܰܕ̱ ܟܙܳܚ݄ܡ ܕܥܳܒ݄ܪ ܠܰܗ. 17ܘ݄ܦܫܺܝܛܳܐ ܝܳܐ ܕܺܗ̄ܝ ܫܡܰܝܳܐ ܘܺܗ̄ܝ ܐܰܪܥܳܐ ܫ݄ܦ̊ܥܺܝ ܡܶܢ̱ ܕܫ݄ܦ̊ܥܳܐ ܐܳܬ̥ܽܘܬ̥ܳܐ ܚܕ̥ܳܐ ܡܽܗ̄ܘ ܢܳܡܽܘܣܳܐ. 18ܟܽܘܠ ܡܰܢ ܕܡܰܪܦܶܐ ܗ̄ܺܝ ܐܰܢ̱ܬ̥ܬܰܝܕ̥ܶܗ ܘܡܳܝ݄ܕ ܚܪܶܬܳܐ ܟܓܳܝ݄ܪ. ܘܟܽܘܠ ܡܰܢ ܕܡܳܝ݄ܕ ܡܰܪܦܰܝܬܳܐ ܟܓܳܝ݄ܪ.“
ܗ̄ܽܘ ܥܰܬܺܝܪܳܐ ܘܠܳܥܳܙܰܪ
19”ܟ݄ܬ ܗ̄ܘܰܐ ܚܰܕ̱ ܓܰܒ̥ܪܳܐ ܥܰܬܺܝܪܳܐ، ܘܠܳܒ̥ܰܫ ܗ̄ܘܰܐ ܒܽܘܨܳܐ ܘܰܐܪܓܘܳܢܳܐ (ܠܒܽܘܫ̈ܶܐ ܕܰܡّܰܠܟ̈ܶܐ)، ܘܟܽܘܠ ܝܰܘܡܳܐ ܡ݄ܦܨ݄ܚ ܗ̄ܘܰܐ ܒܗܶܢܝܳܢܳܐ. 20ܘܟ݄ܬ ܗ̄ܘܰܐ ܚܰܕ̱ ܦܰܩܺܝܪܳܐ ܐ݄ܫܡܶܗ ܠܳܥܳܙܰܪ، ܡܚܰܠܩܳܐ ܗ̄ܘܰܐ ܓܰܒ ܗ̄ܽܘ ܬܰܪܥܳܐ ܕܽܗ̄ܘ ܥܰܬܺܝܪܰܘܳܐ، ܘܡܰܚܝܳܐ ܒܰܫّܽܘܚܢ̈ܶܐ (ܩܽܘܪ̈ܚܶܐ). 21ܘܪܳܝܰܓ ܗ̄ܘܰܐ ܕܡܳܠܶܐ ܓܰܘܶܗ ܡܰܢ̱ ܦّܰܪ̈ܕܽܘܢܶܐ ܕܢܳܦܠܺܝ ܗ̄ܘܰܘ̱ ܡܽܗ̄ܘ ܦܳܬܽܘܪܳܐ ܕܽܗ̄ܘ ܥܰܬܺܝܪܰܘܳܐ. ܘܰܟّܰܠܒ̈ܶܐ ܣܬܶܝ ܐܳܬ̥݄ܢ ܗ̄ܘܰܘ̱ ܠܳܛܥܺܝ ܗ̄ܘܰܘ̱ ܗ̄ܰܫّܽܘܚ̈ܢܰܝܕ̥ܶܗ (ܩܽܘܪ̈ܚܰܝܕ̥ܶܗ). 22ܘܗܰܘܺܝ ܘܡܰܝ݄ܬ̥ ܗ̄ܽܘ ܡܶܣܟܶܢܰܘܳܐ، ܘܰܡّܰܠܰܐܟ̥̈ܶܐ ܡܰܘܒܰܠّܶܗ ܠܣܶܦܶܗ ܕܰܐܒܪܳܗܳܡ. ܘܽܗ̄ܘ ܥܰܬܺܝܪܰܘܳܐ ܣܬܶܝ ܡܰܝ݄ܬ̥ ܘ݄ܩܒ̥ܺܝܪ. 23ܘܗܺܝّܶܗ ܟܡܺܝܫܰܢ݄ܩ ܒ݄ܫܝܽܘܠ، ܚ݄ܪ ܠܶܗ ܡܶܢ̱ ܪܰܚܽܘܩܳܐ ܘ݄ܚܙܶܐ ܠܶܗ ܐܰܒܪܳܗܳܡ ܘܠܳܥܳܙܰܪ ܒܣܶܦܶܗ. 24ܘ݄ܩܪܶܐ ܠܶܗ ܒܩܳܠܳܐ ܥܶܠܳܝܳܐ ܘܐܡ݄ܪ ܠܶܗ: ܒܰܒܺܝ ܐܰܒܪܳܗܳܡ، ܡܰܪܚ݄ܡ ܐܰܥܠܺܝ، ܘ݄ܡܫܰܕ݄ܪ ܠܳܥܳܙܰܪ ܕܡܰܬܪܶܐ ܪܺܝܫܳܐ ܕܨܰܒ̥ܥܶܗ ܒܰܡّܰܝ̈ܶܐ ܘܳܐܬ̥ܶܐ ܡܰܬܪܶܐ ܠܶܫܳܢܺܝ، ܕܟܰܐܠܺܝ ܟܡܺܝܫܰܢܰܩ ܐ̱ܢܳܐ ܒܽܗ̄ܘ ܠܰܗܒܰܢܳܐ. 25ܘܰܐܒܪܳܗܳܡ ܐܡ݄ܪ ܠܶܗ ܠܶܗ: ܐܰܒܪܺܝ، ܡܰܝܬܰܝ ܠܒܳܠܳܟ̥ ܕܡ݄ܕ ܠܳܟ̥ ܗ̄ܰܛّܳܒ̥̈ܳܬ̥ܰܝܕ̥ܳܟ̥ ܒܰܚّܰܝ̈ܰܝܕ̥ܳܟ̥، ܘܠܳܥܳܙܰܪ ܗ̄ܰܒّܺܝܫ̈ܳܬ̥ܰܝܕ̥ܶܗ. ܘܳܐܥܕܳܐ ܟܰܐܠܶܗ ܗܺܝّܶܗ ܟܡ݄ܬ̥ܢ݄ܚ ܗܰܪܟܶܐ ܘܗܰܬ ܟܡܺܝܫܰܢܩܰܬ. 26ܘܥܰܡ ܗܰܢܺܝ ܟܽܘܠّܶܗ، ܗܰܘܬ̥ܳܐ ܪܰܒܬ̥ܳܐ ܡܰܚܬܳܐ ܒܰܝܢ ܐܶܠܰܢ ܘܰܐܠܟ̥ܽܘ؛ ܗܰܢܺܝ ܕܟ݄ܐܒܥܺܝ ܡܰܗ̄ܪܟܶܐ ܕܫܳܦ̊ܥܺܝ ܠܣܺܝܕ̥ܰܝܟ̥ܽܘ ܠ݄ܐ ܟܩ݄ܕܪܺܝ، ܘܠܳܐ ܡܶܢ̱ ܬܰܡܳܐ ܕܫܳܦ̊ܥܺܝ ܠܣܺܝܕ̥ܰܢ. 27ܐܡ݄ܪ ܠܶܗ ܠܶܗ: ܒܰܒܺܝ، ܗܰܢ ܢܰܩܠܐ ܟܳܐܒܰܥ ܐ̱ܢܳܐ ܡܶܢܳܟ̥ ܕ݄ܡܫܰܕܪܰܬ ܠܶܗ ܠܽܗ̄ܘ ܒܰܝܬܳܐ ܕܒܰܒܺܝ، 28ܥܰܠ ܕܟ݄ܬ ܠܺܝ ܚܰܡܫܳܐ ܐܰܚ̈ܽܘܢܳܢܶܐ، ܛܪܳܐ ܐܙّܶܗ ܣܳܗ݄ܕ ܩܘܕ̱ܡܰܝّܶܗ ܕܠܳܐ ܗ݄ܢّܶܝ ܣܬܶܝ ܐܳܬ̥݄ܢ ܠܺܗ̄ܝ ܕܽܘܟܬ̥ܰܬ̥ܶܐ ܕܽܗ̄ܘ ܫܽܘܢܳܩܳܐ. 29ܐܰܒܪܳܗܳܡ ܐܡ݄ܪ ܠܶܗ ܠܶܗ: ܟ݄ܬّܶܗ ܡܽܘܫܶܐ ܘܰܗ̄ܢ ܢܒܺܝ̈ܶܐ، ܛܪܳܐ ܫ݄ܡܥ݄ܢّܶܗ. 30ܘܗܺܝّܶܗ ܐܡ݄ܪ ܠܶܗ ܠܶܗ: ܠܳܐ ܝܰܐ ܒܰܒܺܝ ܐܰܒܪܳܗܳܡ، ܐܶܠܳܐ ܕܚܰܕ̱ ܡܰܢ̱ ܡّܺܝ̈ܬ̥ܶܐ ܕ݄ܐܙّܶܗ ܠܓܰܒܰܝّܶܗ ܓܬܰܝܒܺܝ. 31ܐܰܒܪܳܗܳܡ ܐܡ݄ܪ ܠܶܗ ܠܶܗ: ܐܶܢ ܕܠܳܐ ܫ݄ܡܥܺܝ ܠܡܽܘܫܶܐ ܘܠܰܢܒܺܝ̈ܶܐ، ܕܩܳܝ݄ܡ ܚܰܕ̱ ܡܰܢ̱ ܡّܺܝ̈ܬ̥ܶܐ ܣܬܶܝ ܠ݄ܐ ܓܫ݄ܡܥܺܝ ܠܶܗ ܘ݄ܡܗܰܝܡܢܺܝ ܠܶܗ.“
Právě zvoleno:
ܡܓܰܠܝܘܢ ܕܠܘܩܐ 16: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܡܓܰܠܝܘܢ ܕܠܘܩܐ 16
16
ܗ̄ܺܝ ܚܶܟ̥ܡܬ̥ܳܐ ܕܽܗ̄ܘ ܪܰܒܒܰܝܬܳܐ (ܘܰܟܺܝܠܳܐ) ܕܺܗ̄ܝ ܚܛܺܝܬ̥ܳܐ
1ܘܐܡ݄ܪ ܠܶܗ ܡܰܬ̥ܠܳܐ ܠܰܬّܰܠܡܺܝܕ̥̈ܰܝܕ̥ܶܗ: ”ܟ݄ܬ ܗ̄ܘܰܐ ܚܰܕ̱ ܓܰܒ̥ܪܳܐ ܥܰܬܺܝܪܳܐ، ܘܟ݄ܬ ܗ̄ܘܰܝ ܠܶܗ ܪܰܒܒܰܝܬܳܐ (ܘܰܟܺܝܠܳܐ)، ܘܰܐܬ̥ܺܝ ܫܟܳܝܳܐ ܐܰܥܠܶܗ ܕܟ݄ܡܒܰܪܒ݄ܙ ܗ̄ܽܘ ܡܳܠܰܝܕ̥ܶܗ. 2ܘܽܗ̄ܘ ܡܳܪܰܝܕ̥ܶܗ ܩܪܶܐ ܠܶܗ ܠܶܗ ܘܐܡ݄ܪ ܠܶܗ ܠܶܗ: ’ܡ݄ܢܝܳܐ ܗܰܢܳܐ ܕ݄ܟܫܳܡܰܥ ܐ̱ܢܳܐ ܐܰܥܠܳܟ̥؟ ܗܰܒ̥ ܠܺܝ ܗ̄ܽܘ ܚܫܳܒ̥ܳܐ ܕܺܗ̄ܝ ܪܰܒܒܰܝܬܽܘܬ̥ܰܝܕܳܟ̥، ܡܺܐܝܕ̥ܶܗ ܕܠܰܝܒܳܟ̥ ܕܳܗ̄ܘܰܬ ܠܺܝ ܪܰܒܒܰܝܬܳܐ.‘ 3ܗ̄ܽܘ ܪܰܒܒܰܝܬܰܘܳܐ ܐܡ݄ܪ ܠܶܗ ܠܪܽܘܚܶܗ: ’ܡ݄ܢ ܣܳܝܰܡ ܐ̱ܢܳܐ؟ ܕܽܗ̄ܘ ܡܳܪܰܝܕ̥ܺܝ ܓܫܳܩ݄ܠ ܡܶܢܺܝ ܗ̄ܺܝ ܪܰܒܒܰܝܬܽܘܬ̥ܳܐ، ܕܚܳܦܰܪ ܐ̱ܢܳܐ ܠܰܝܒܺܝ، ܘ݄ܕܓܳܒ̥ܶܐ ܐ̱ܢܳܐ ܟܡܺܝܢܰܟܰܦ ܐ̱ܢܳܐ. 4ܐܰܕ̥݄ܥ ܐ̱ܢܳܐ ܡ݄ܢ ܣܳܝܰܡ ܐ̱ܢܳܐ، ܡ݄ܐ ܕܢܰܦ݄ܩ ܐ̱ܢܳܐ ܡܺܗ̄ܝ ܪܰܒܒܰܝܬܽܘܬ̥ܳܐ، ܓܡܰܩܒܠܺܝ ܠܺܝ ܒܰܒّܳܬ̈ܰܬّ̥ܶܗ.‘ 5ܘ݄ܩܪܶܐ ܠܶܗ ܠܚܰܕ̱ ܒܚܰܕ̱ ܡܰܢ̱ ܡܕܰܝܢ̈ܶܐ ܕܽܗ̄ܘ ܡܳܪܰܝܕ̥ܶܗ، ܘܐܡ݄ܪ ܠܶܗ ܠܽܗ̄ܘ ܩܰܕ̱ܡܳܝܳܐ: ’ܡ݄ܩܰܐ ܕܰܝܢܳܐ ܟܺܝܬ ܠܽܗ̄ܘ ܡܳܪܰܝܕ̥ܺܝ ܐܰܥܠܳܟ̥؟‘ 6ܐܡ݄ܪ ܠܶܗ ܠܶܗ: ’ܡܳܐܐ ܟܰܝ̈ܠܶܐ ܡܶܫܚܳܐ.‘ ܘܐܡ݄ܪ ܠܶܗ ܠܶܗ: ’ܡܘ̇ܕ ܗ̄ܽܘ ܟܬ̥ܳܒ̥ܰܝܕ̥ܳܟ̥ ܘܺܝܬܰܒ̥ ܡܰܠܺܝܙܳܐ ܟܬ̥ܰܒ̥ ܚܰܡܫܺܝ ܟܰܝ̈ܠܶܐ.‘ 7ܘܐܡ݄ܪ ܠܶܗ ܠܽܗ̄ܘ ܚܪܶܢܳܐ: ’ܘܗܰܬ ܡ݄ܩܰܐ ܕܰܝܢܳܐ ܟܺܝܬ ܠܽܗ̄ܘ ܡܳܪܰܝܕ̥ܺܝ ܐܰܥܠܳܟ̥؟‘ ܐܡ݄ܪ ܠܶܗ ܠܶܗ: ’ܡܳܐܐ ܟܺܝ̈ܣܶܐ ܕܚ̈ܶܛܶܐ.‘ ܘܐܡ݄ܪ ܠܶܗ ܠܶܗ: ’ܡܘ̇ܕ ܗ̄ܽܘ ܟܬ̥ܳܒ̥ܰܝܕ̥ܳܟ̥ ܘܺܝܬܰܒ̥ ܟܬ̥ܰܒ̥ ܬܡܳܢܺܝ ܟܺܝ̈ܣܶܐ.‘ 8ܘܽܗ̄ܘ ܡܳܪܳܐ ܡܫܰܒܰܚ ܠܶܗ ܠܽܗ̄ܘ ܪܰܒܒܰܝܬܳܐ ܕܺܗ̄ܝ ܚܛܺܝܬ̥ܳܐ، ܥܰܠ ܕܣ݄ܡ ܠܶܗ ܒܚܶܟ̥ܡܬ̥ܳܐ، ܡܺܐܝܕ̥ܶܗ ܕܰܗ̄ܢ ܐܰܒܢ̈ܶܐ ܕܽܗ̄ܘ ܥܳܠܡܰܢܳܐ ܙ݄ܕ ܚܰܟܺܝܡ̈ܶܐ ܢܶܝ ܡܰܗ̄ܢ ܐܰܒܢ̈ܶܐ ܕܽܗ̄ܘ ܢܽܘܗܪܳܐ ܒܽܗ̄ܘ ܕܳܪܰܢܳܐ ܕ݄ܬّ̥ܶܗ.
ܣܽܘܡܽܘܢܟ̥ܽܘ ܚܰܒ̥ܪ̈ܳܢܶܐ ܡܽܗ̄ܘ ܡܳܠܳܐ ܕܺܗ̄ܝ ܚܛܺܝܬ̥ܳܐ
9”ܘܳܐܢܳܐ ܣܬܶܝ ܟܳܐܡܰܪ ܐ̱ܢܳܐ ܠܟ̥ܽܘ: ܣܽܘܡܽܘܢܟ̥ܽܘ ܪ̈ܳܚܡܶܐ ܡܽܗ̄ܘ ܡܳܠܰܢܳܐ ܕܺܗ̄ܝ ܚܛܺܝܬ̥ܳܐ، ܡ݄ܐ ܕܬܰܝ݄ܡ ܓܡܰܩܒܠ݄ܢܟ̥ܽܘ ܒܰܒّܳܬ̈ܰܬّ̥ܶܗ ܕ݄ܠܥܳܠܰܡ. 10ܡܰܢ ܕܟ݄ܬ ܝܳܐ ܡܗܰܝܡܢܳܐ ܥܰܠ ܐ݄ܫܡ݄ܢܬܳܐ، ܥܰܠ ܓ̥ܰܠܰܒܶܐ ܣܬܶܝ ܡܗܰܝܡܢܳܐ ܝܳܐ. ܘܡܰܢ ܕܠܰܝ̱ܬ ܝܳܐ ܡܗܰܝܡܢܳܐ ܥܰܠ ܐ݄ܫܡ݄ܢܬܳܐ، ܥܰܠ ܓ̥ܰܠܰܒܶܐ ܣܬܶܝ ܠܰܝ̱ܬ ܝܳܐ ܡܗܰܝܡܢܳܐ. 11ܗܰܢ ܢܰܩܠܐ ܕܶܐܢ ܒܡܳܠܳܐ ܕܺܗ̄ܝ ܚܛܺܝܬ̥ܳܐ ܠܰܐ ܗ̄ܘܺܝܬܽܘ ܡܗܰܝܡܢ̈ܶܐ، ܥܰܠ ܗ̄ܽܘ ܫܪܳܪܳܐ ܡܰܢ ܓ݄ܡܗܰܝܡܰܢܟ̥ܽܘ؟ 12ܘܶܐܢ ܒܰܗ̄ܢܳܐ ܕܠܰܝ̱ܬ ܝܳܐ ܐܰܠܟ̥ܽܘ ܠܳܐ ܢܰܦܺܝܩܺܝܬܽܘ ܡܗܰܝܡܢ̈ܶܐ، ܕܟ݄ܬ ܝܳܐ ܐܰܠܟ̥ܽܘ ܡܰܢ ܓܕܳܗ̄ܒܰܠܟ̥ܽܘ. 13ܠܰܝܬ ܓܪܶܝܥܳܐ ܕܟܺܝܒܶܗ ܥܳܒ̥݄ܕ ܠܰܬܪܶܝ ܡܳܪ̈ܶܐ، ܐܰܘ ܠܚܰܕ̱ ܣܳܢܶܐ ܘܠܽܗ̄ܘ ܚܪܶܢܳܐ ܪܳܚ݄ܡ، ܐܰܘ ܠܚܰܕ̱ ܡܝܰܩ݄ܪ ܘܠܽܗ̄ܘ ܚܪܶܢܳܐ ܡܚܰܩ݄ܪ. ܠܰܒܟ̥ܽܘ ܥܳܒܕܺܝܬܽܘ ܠܰܐܠܳܗܳܐ ܘܠܽܗ̄ܘ ܡܳܠܳܐ.“
ܗ̄ܽܘ ܢܳܡܽܘܣܳܐ ܘܺܗ̄ܝ ܡܰܠܟܽܘܬ̥ܳܐ ܕܰܐܠܳܗܳܐ
ܡܬܝ 11:12‐13
14ܘܰܦܪ̈ܺܝܫܶܐ، ܗ̄ܺܝ ܢܰܩܠܐ ܕܫܰܡܺܝܥܺܝ ܗܰܢܺܝ ܟܽܘܠّܶܗ، ܘܥܰܠ ܕܪܳܚܡܺܝ ܗ̄ܘܰܘ̱ ܗ̄ܰܙّܽܘܙ̈ܶܐ، ܦܰܝ݄ܫ ܡܒܰܙܚܺܝ ܗ̄ܘܰܘ ܐܶܒܶܗ. 15ܘܝܶܫܽܘܥ ܐܡ݄ܪ ܠܰܗ ܠّܶܗ: ”ܗܰܬܽܘ ܗ̄ܬܽܘ ܕ݄ܟܣܰܝܡܺܝܬܽܘ ܪܽܘܚܰܝܟ̥ܽܘ ܙܰܕ̈ܺܝܩܶܐ ܩ݄ܕ̱ܡ ܗ̄ܰܢ ܢܳܫ̈ܶܐ، ܐܶܠܳܐ ܐܰܠܳܗܳܐ ܟܳܐܕ̥݄ܥ ܠܶܒ̈ܰܝܟ̥ܽܘ. ܘܽܗ̄ܘ ܡܶܕܶܐ ܡܝܰܩܪܳܐ ܒܰܝܢ ܕܰܗ̄ܢ ܢܳܫ̈ܶܐ، ܩ݄ܕ̱ܡ ܐܰܠܳܗܳܐ ܡܚܰܩܪܳܐ ܝܳܐ. 16ܗ̄ܽܘ ܢܳܡܽܘܣܳܐ ܘܰܗ̄ܢ ܢܒܺܝ̈ܶܐ (ܡ݄ܟܪܳܙܺܝ ܗ̄ܘܰܘ̱) ܗܳܠ ܕܰܐܬ̥ܺܝ ܝܽܘܚܰܢܳܢ؛ ܘܡܰܗ̄ܪܟܶܐ ܘܒ݄ܬ̥݄ܪ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ ܟܡ݄ܟܪܳܙܳܐ، ܘܟܽܘܠ ܚܰܕ̱ ܟܙܳܚ݄ܡ ܕܥܳܒ݄ܪ ܠܰܗ. 17ܘ݄ܦܫܺܝܛܳܐ ܝܳܐ ܕܺܗ̄ܝ ܫܡܰܝܳܐ ܘܺܗ̄ܝ ܐܰܪܥܳܐ ܫ݄ܦ̊ܥܺܝ ܡܶܢ̱ ܕܫ݄ܦ̊ܥܳܐ ܐܳܬ̥ܽܘܬ̥ܳܐ ܚܕ̥ܳܐ ܡܽܗ̄ܘ ܢܳܡܽܘܣܳܐ. 18ܟܽܘܠ ܡܰܢ ܕܡܰܪܦܶܐ ܗ̄ܺܝ ܐܰܢ̱ܬ̥ܬܰܝܕ̥ܶܗ ܘܡܳܝ݄ܕ ܚܪܶܬܳܐ ܟܓܳܝ݄ܪ. ܘܟܽܘܠ ܡܰܢ ܕܡܳܝ݄ܕ ܡܰܪܦܰܝܬܳܐ ܟܓܳܝ݄ܪ.“
ܗ̄ܽܘ ܥܰܬܺܝܪܳܐ ܘܠܳܥܳܙܰܪ
19”ܟ݄ܬ ܗ̄ܘܰܐ ܚܰܕ̱ ܓܰܒ̥ܪܳܐ ܥܰܬܺܝܪܳܐ، ܘܠܳܒ̥ܰܫ ܗ̄ܘܰܐ ܒܽܘܨܳܐ ܘܰܐܪܓܘܳܢܳܐ (ܠܒܽܘܫ̈ܶܐ ܕܰܡّܰܠܟ̈ܶܐ)، ܘܟܽܘܠ ܝܰܘܡܳܐ ܡ݄ܦܨ݄ܚ ܗ̄ܘܰܐ ܒܗܶܢܝܳܢܳܐ. 20ܘܟ݄ܬ ܗ̄ܘܰܐ ܚܰܕ̱ ܦܰܩܺܝܪܳܐ ܐ݄ܫܡܶܗ ܠܳܥܳܙܰܪ، ܡܚܰܠܩܳܐ ܗ̄ܘܰܐ ܓܰܒ ܗ̄ܽܘ ܬܰܪܥܳܐ ܕܽܗ̄ܘ ܥܰܬܺܝܪܰܘܳܐ، ܘܡܰܚܝܳܐ ܒܰܫّܽܘܚܢ̈ܶܐ (ܩܽܘܪ̈ܚܶܐ). 21ܘܪܳܝܰܓ ܗ̄ܘܰܐ ܕܡܳܠܶܐ ܓܰܘܶܗ ܡܰܢ̱ ܦّܰܪ̈ܕܽܘܢܶܐ ܕܢܳܦܠܺܝ ܗ̄ܘܰܘ̱ ܡܽܗ̄ܘ ܦܳܬܽܘܪܳܐ ܕܽܗ̄ܘ ܥܰܬܺܝܪܰܘܳܐ. ܘܰܟّܰܠܒ̈ܶܐ ܣܬܶܝ ܐܳܬ̥݄ܢ ܗ̄ܘܰܘ̱ ܠܳܛܥܺܝ ܗ̄ܘܰܘ̱ ܗ̄ܰܫّܽܘܚ̈ܢܰܝܕ̥ܶܗ (ܩܽܘܪ̈ܚܰܝܕ̥ܶܗ). 22ܘܗܰܘܺܝ ܘܡܰܝ݄ܬ̥ ܗ̄ܽܘ ܡܶܣܟܶܢܰܘܳܐ، ܘܰܡّܰܠܰܐܟ̥̈ܶܐ ܡܰܘܒܰܠّܶܗ ܠܣܶܦܶܗ ܕܰܐܒܪܳܗܳܡ. ܘܽܗ̄ܘ ܥܰܬܺܝܪܰܘܳܐ ܣܬܶܝ ܡܰܝ݄ܬ̥ ܘ݄ܩܒ̥ܺܝܪ. 23ܘܗܺܝّܶܗ ܟܡܺܝܫܰܢ݄ܩ ܒ݄ܫܝܽܘܠ، ܚ݄ܪ ܠܶܗ ܡܶܢ̱ ܪܰܚܽܘܩܳܐ ܘ݄ܚܙܶܐ ܠܶܗ ܐܰܒܪܳܗܳܡ ܘܠܳܥܳܙܰܪ ܒܣܶܦܶܗ. 24ܘ݄ܩܪܶܐ ܠܶܗ ܒܩܳܠܳܐ ܥܶܠܳܝܳܐ ܘܐܡ݄ܪ ܠܶܗ: ܒܰܒܺܝ ܐܰܒܪܳܗܳܡ، ܡܰܪܚ݄ܡ ܐܰܥܠܺܝ، ܘ݄ܡܫܰܕ݄ܪ ܠܳܥܳܙܰܪ ܕܡܰܬܪܶܐ ܪܺܝܫܳܐ ܕܨܰܒ̥ܥܶܗ ܒܰܡّܰܝ̈ܶܐ ܘܳܐܬ̥ܶܐ ܡܰܬܪܶܐ ܠܶܫܳܢܺܝ، ܕܟܰܐܠܺܝ ܟܡܺܝܫܰܢܰܩ ܐ̱ܢܳܐ ܒܽܗ̄ܘ ܠܰܗܒܰܢܳܐ. 25ܘܰܐܒܪܳܗܳܡ ܐܡ݄ܪ ܠܶܗ ܠܶܗ: ܐܰܒܪܺܝ، ܡܰܝܬܰܝ ܠܒܳܠܳܟ̥ ܕܡ݄ܕ ܠܳܟ̥ ܗ̄ܰܛّܳܒ̥̈ܳܬ̥ܰܝܕ̥ܳܟ̥ ܒܰܚّܰܝ̈ܰܝܕ̥ܳܟ̥، ܘܠܳܥܳܙܰܪ ܗ̄ܰܒّܺܝܫ̈ܳܬ̥ܰܝܕ̥ܶܗ. ܘܳܐܥܕܳܐ ܟܰܐܠܶܗ ܗܺܝّܶܗ ܟܡ݄ܬ̥ܢ݄ܚ ܗܰܪܟܶܐ ܘܗܰܬ ܟܡܺܝܫܰܢܩܰܬ. 26ܘܥܰܡ ܗܰܢܺܝ ܟܽܘܠّܶܗ، ܗܰܘܬ̥ܳܐ ܪܰܒܬ̥ܳܐ ܡܰܚܬܳܐ ܒܰܝܢ ܐܶܠܰܢ ܘܰܐܠܟ̥ܽܘ؛ ܗܰܢܺܝ ܕܟ݄ܐܒܥܺܝ ܡܰܗ̄ܪܟܶܐ ܕܫܳܦ̊ܥܺܝ ܠܣܺܝܕ̥ܰܝܟ̥ܽܘ ܠ݄ܐ ܟܩ݄ܕܪܺܝ، ܘܠܳܐ ܡܶܢ̱ ܬܰܡܳܐ ܕܫܳܦ̊ܥܺܝ ܠܣܺܝܕ̥ܰܢ. 27ܐܡ݄ܪ ܠܶܗ ܠܶܗ: ܒܰܒܺܝ، ܗܰܢ ܢܰܩܠܐ ܟܳܐܒܰܥ ܐ̱ܢܳܐ ܡܶܢܳܟ̥ ܕ݄ܡܫܰܕܪܰܬ ܠܶܗ ܠܽܗ̄ܘ ܒܰܝܬܳܐ ܕܒܰܒܺܝ، 28ܥܰܠ ܕܟ݄ܬ ܠܺܝ ܚܰܡܫܳܐ ܐܰܚ̈ܽܘܢܳܢܶܐ، ܛܪܳܐ ܐܙّܶܗ ܣܳܗ݄ܕ ܩܘܕ̱ܡܰܝّܶܗ ܕܠܳܐ ܗ݄ܢّܶܝ ܣܬܶܝ ܐܳܬ̥݄ܢ ܠܺܗ̄ܝ ܕܽܘܟܬ̥ܰܬ̥ܶܐ ܕܽܗ̄ܘ ܫܽܘܢܳܩܳܐ. 29ܐܰܒܪܳܗܳܡ ܐܡ݄ܪ ܠܶܗ ܠܶܗ: ܟ݄ܬّܶܗ ܡܽܘܫܶܐ ܘܰܗ̄ܢ ܢܒܺܝ̈ܶܐ، ܛܪܳܐ ܫ݄ܡܥ݄ܢّܶܗ. 30ܘܗܺܝّܶܗ ܐܡ݄ܪ ܠܶܗ ܠܶܗ: ܠܳܐ ܝܰܐ ܒܰܒܺܝ ܐܰܒܪܳܗܳܡ، ܐܶܠܳܐ ܕܚܰܕ̱ ܡܰܢ̱ ܡّܺܝ̈ܬ̥ܶܐ ܕ݄ܐܙّܶܗ ܠܓܰܒܰܝّܶܗ ܓܬܰܝܒܺܝ. 31ܐܰܒܪܳܗܳܡ ܐܡ݄ܪ ܠܶܗ ܠܶܗ: ܐܶܢ ܕܠܳܐ ܫ݄ܡܥܺܝ ܠܡܽܘܫܶܐ ܘܠܰܢܒܺܝ̈ܶܐ، ܕܩܳܝ݄ܡ ܚܰܕ̱ ܡܰܢ̱ ܡّܺܝ̈ܬ̥ܶܐ ܣܬܶܝ ܠ݄ܐ ܓܫ݄ܡܥܺܝ ܠܶܗ ܘ݄ܡܗܰܝܡܢܺܝ ܠܶܗ.“
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation