ܡܓܰܠܝܘܢ ܕܝܘܚܢܢ 1
1
ܗ̄ܺܝ ܡܶܠܬ̥ܳܐ ܒܽܗ̄ܘ ܪܺܝܫܳܐ ܝܳܐ
1ܒܽܗ̄ܘ ܪܺܝܫܳܐ ܗ̄ܽܘ ܡܶܠܬ̥ܳܐ ܗ̄ܘܰܐ، ܘܽܗ̄ܘ ܡܶܠܬ̥ܳܐ ܓܰܒ ܐܰܠܳܗܳܐ ܗ̄ܘܰܐ، ܘܰܐܠܳܗܳܐ ܗ̄ܘܰܐ ܗ̄ܽܘ ܡܶܠܬ̥ܳܐ. 2ܗܰܢܳܐ ܒܽܗ̄ܘ ܪܺܝܫܳܐ ܓܰܒ ܐܰܠܳܗܳܐ ܗ̄ܘܰܐ، 3ܘܟܽܘܠ (ܡܶܕܶܐ) ܒܺܐܝܕ̥ܶܗ ܗܰܘܺܝ، ܘ݄ܕܠܳܐ ܡܶܢܶܗ ܘܠܳܐ ܚܰܕ̱ ܡܶܕܶܐ ܗܰܘܺܝ ܡܽܗ̄ܘ ܡܶܕܶܐ ܕܗܰܘܺܝ. 4ܗ̄ܰܚّܰܝ̈ܶܐ ܐܶܒܶܗ ܗܰܘ݄ܢ، ܘܰܚّܰܝ̈ܶܐ ܢܽܘܗܪܳܐ ܢܶܝ ܠܰܗ̄ܢ ܢܳܫ̈ܶܐ. 5ܘܽܗ̄ܘ ܢܽܘܗܪܳܐ ܒܽܗ̄ܘ ܥܰܡܛܳܢܳܐ ܟܡܰܢܗ݄ܪ، ܘܽܗ̄ܘ ܥܰܡܛܳܢܳܐ ܠܳܐ ܕܪ݄ܟ̥ ܠܶܗ.
ܗ̄ܽܘ ܥܳܠܡܳܐ ܠܰܐ ܐܕ̥݄ܥ ܠܶܗ
6ܟ݄ܬ ܗ̄ܘܰܐ ܚܰܕ̱ ܢܳܫܳܐ ܕ݄ܡܫܰܕ݄ܪ ܡܰܢ̱ ܐܠܳܗܳܐ، ܐ݄ܫܡܶܗ ܝܽܘܚܰܢܳܢ. 7ܗܰܢܳܐ ܐܰܬ̥ܺܝ ܠܺܗ̄ܝ ܣܳܗܕܽܘܬ̥ܳܐ ܕܣܳܗ݄ܕ ܥܰܠ ܗ̄ܽܘ ܢܽܘܗܪܳܐ ܠܰܫܰܢ ܟܽܘܠ ܢܳܫܳܐ ܡܗܰܝܡ݄ܢ ܒܺܐܝܕ̥ܶܗ. 8ܠܰܝ̱ܬ ܗ̄ܘܰܐ ܗܺܝّܶܗ ܗ̄ܽܘ ܢܽܘܗܪܳܐ. ܐܶܠܳܐ (ܐܰܬ̥ܺܝ) ܕܣܳܗ݄ܕ ܥܰܠ ܗ̄ܽܘ ܢܽܘܗܪܳܐ. 9ܡܺܐܝܕ̥ܶܗ ܗ̄ܽܘ ܢܽܘܗܪܳܐ ܕܽܗ̄ܘ ܫܪܳܪܳܐ ܗ̄ܘܰܐ ܗܰܢܳܐ ܕ݄ܟܡܰܢܗ݄ܪ ܠܟܽܘܠ ܢܳܫܳܐ ܕܳܐܬ̥ܶܐ ܠܽܗ̄ܘ ܥܳܠܡܳܐ. 10ܒܽܗ̄ܘ ܥܳܠܡܳܐ ܗ̄ܘܰܐ، ܘܽܗ̄ܘ ܥܳܠܡܳܐ ܒܺܐܝܕ̥ܶܗ ܗܰܘܺܝ، ܘܽܗ̄ܘ ܥܳܠܡܳܐ ܠܰܐ ܐܕ̥݄ܥ ܠܶܗ. 11ܠܕܺܝܕ̥ܶܗ ܐܰܬ̥ܺܝ، ܘܕܺܝܕ̥ܶܗ ܠܳܐ ܡܰܩܒܰܠّܶܗ.
ܗ̄ܽܘ ܫܽܘܠܛܳܢܳܐ ܕܰܗ̄ܢܺܝ ܕܡܰܩܒܰܠّܶܗ
12ܘܰܐܝܢܰܐ ܕܡܰܩܒܰܠّܶܗ، ܗܽܒ̥ ܠܰܗ ܠّܶܗ ܫܽܘܠܛܳܢܳܐ ܕܳܗ̄ܘ݄ܢ ܐܰܒܢ̈ܶܐ ܕܰܐܠܳܗܳܐ، ܠܰܗ̄ܢܺܝ ܕܟܳܡܗܰܝܡܢܺܝ ܒ݄ܐܫܡܶܗ، 13ܐܰܝܢܰܐ ܕܠܳܐ ܡܶܢ̱ ܐܰܕܡܳܐ، ܘܠܳܐ ܡܶܢ̱ ܨܶܒܝܳܢܳܐ ܕܒܰܣܪܳܐ، ܘܠܳܐ ܡܶܢ̱ ܨܶܒܝܳܢܳܐ ܕܓܰܒ̥ܪܳܐ، ܐܶܠܳܐ ܡܰܢ̱ ܐܠܳܗܳܐ ܡܰܘܠܕܺܝ.
14ܘܽܗ̄ܘ ܡܶܠܬ̥ܳܐ ܗܰܘܺܝ ܢܳܫܳܐ، ܘܢܰܚ݄ܬ ܒܰܝܢܳܬ̥ܰܢ، ܘ݄ܚܙܶܐ ܠܰܢ ܗ̄ܽܘ ܫܽܘܒܚܰܝܕ̥ܶܗ، ܗ̄ܽܘ ܫܽܘܒܚܳܐ ܕܽܗ̄ܘ (ܐܰܒܪܳܐ) ܝܺܚܺܝܕ̥ܳܝܳܐ ܕܡܽܗ̄ܘ ܐܰܒܳܐ ܕܡܰܠܝܳܐ ܛܰܝܒܽܘܬ̥ܳܐ ܘ݄ܫܪܳܪܳܐ. 15ܝܽܘܚܰܢܳܢ ܣܗ݄ܕ ܠܶܗ ܐܰܥܠܶܗ ܘܡܰܙܥܰܩ ܠܶܗ ܘܐܡ݄ܪ ܠܶܗ: ”ܗܰܢܳܐ ܝܳܐ ܕܐܡ݄ܪ ܠܺܝ ܐܰܥܠܶܗ ܕܒ݄ܬ̥ܪܺܝ ܟܳܐܬ̥ܶܐ، ܘܡܶܩ݄ܕ̱ܡ ܡܶܢܺܝ ܝܳܐ، ܥܰܠ ܕܟ݄ܬ ܠܶܗ ܩܰܕ̱ܡܳܝܽܘܬ̥ܳܐ ܐܰܥܠܺܝ.“ 16ܘܡܺܗ̄ܝ ܡܰܠܝܽܘܬ̥ܰܝܕ̥ܶܗ، ܐܰܚܢܰܐ ܟܽܘܠܰܢ ܡ݄ܕ ܠܰܢ، ܘܛܰܝܒܽܘܬ̥ܳܐ ܡ݄ܚܠܳܦ ܛܰܝܒܽܘܬ̥ܳܐ. 17ܡܺܐܝܕ̥ܶܗ ܕܽܗ̄ܘ ܢܳܡܽܘܣܳܐ ܒܺܐܝܕ̥ܶܗ ܕܡܽܘܫܶܐ ܗܺܝܒ̥، ܐܶܠܳܐ ܗ̄ܽܘ ܫܪܳܪܳܐ ܘܺܗ̄ܝ ܛܰܝܒܽܘܬ̥ܳܐ ܒܺܐܝܕ̥ܶܗ ܕܝܶܫܽܘܥ ܡܫܺܝܚܳܐ ܗܰܘܺܝ. 18ܢܳܫܳܐ، ܟܘ̇ܠ ܟܽܘܠܶܗ، ܠܳܐ ܚܙܶܐ ܠܶܗ ܐܰܠܳܗܳܐ. ܗ̄ܽܘ ܝܺܚܺܝܕ̥ܳܝܳܐ ܕܰܐܠܳܗܳܐ ܕܟ݄ܬ ܝܳܐ ܒܥܶܒܶܗ ܕܽܗ̄ܘ ܒܰܒܳܐ، ܗܺܝّܶܗ ܡܰܘܕ̥ܰܥ ܠܶܗ.
ܝܽܘܚܰܢܳܢ ܟܢܳܦܩ ܠܺܗ̄ܝ ܚܳܠܳܐ
ܗ̄ܺܝ ܣܳܗܕܽܘܬ̥ܳܐ ܩܰܕ̱ܡܰܝܬܳܐ ܕܝܽܘܚܰܢܳܢ: ܟܰܐܠܶܗ ܩܺܝܡܳܐ ܒܰܝܢܳܬ̥ܰܝܟ̥ܽܘ
ܡܬܝ 3:1‐12؛ ܡܪܩܘܣ 1:2‐8؛ ܠܘܩܐ 3:15‐17
19ܘܗܰܬ̥ܶܐ ܝܳܐ ܗ̄ܺܝ ܣܳܗܕܽܘܬ̥ܳܐ ܕܝܽܘܚܰܢܳܢ، ܗ̄ܺܝ ܢܰܩܠܐ ܕܰܝّܽܘܕ̥̈ܳܝܶܐ ܡܫܰܕܰܪّܶܗ ܠܣܺܝܕ̥ܶܗ ܡܶܢ̱ ܐܽܘܪܶܫܠܶܡ ܟܳܗ̈ܢܶܐ ܘܠܶܘܳܝ̈ܶܐ ܕ݄ܡܫܰܐܠܺܝ ܠܶܗ: ”ܗܰܬ ܡܰܢ ܗܰܬ؟“ 20ܘܡܰܘܕܶܐ ܠܶܗ ܘܠܳܐ ܟܰܦ݄ܪ، ܡܰܘܕܶܐ ܠܶܗ: ”ܠܰܝ̱ܬ ܐ̱ܢܳܐ ܐܳܢܳܐ ܡܫܺܝܚܳܐ.“ 21ܘ݄ܡܫܰܐܰܠّܶܗ ܢܰܩܠܐ ܚܪܶܬܳܐ: ”ܡܰܢ ܗܰܬ؟ ܐܶܠܺܝܳܐ ܗܰܬ؟“ ܘܐܡ݄ܪ ܠܶܗ: ”ܠܳܐ! ܠܰܝ̱ܬ ܐ̱ܢܳܐ.“ (ܘܐܡ݄ܪّܰܗ ܠܶܗ): ”ܗ̄ܽܘ ܢܒܺܝܳܐ ܗܰܬ؟“ ܘܐܡ݄ܪ ܠܶܗ: ”ܠܳܐ!“ 22ܘܐܡ݄ܪّܰܗ ܠܶܗ: ”ܡܰܢ ܗܰܬ، ܠܰܫܰܢ ܕܳܗ̄ܒܺܝܢܰܐ ܦܽܘܢܳܝܳܐ ܠܰܐܝܢܰܐ ܕ݄ܡܫܰܕܰܪّܰܗ ܠܰܢ. ܡ݄ܢ ܟ݄ܐܡّܰܪ̱ܬ ܥܰܠ ܢܰܦܫܳܟ̥؟“ 23ܐܡ݄ܪ ܠܶܗ: ”ܐܳܢܳܐ ܩܳܠܳܐ ܐ̱ܢܳܐ ܕܟܳܩܳܪܶܐ ܒܽܗ̄ܘ ܡܰܕ̥ܒܪܳܐ: ܡܫܰܘܶܝܽܘ (ܡܣܰܘܶܝܽܘ) ܗ̄ܽܘ ܕܰܪܒܳܐ ܕܡܳܪܝܳܐ، ܐܟ̥ ܕܐܡ݄ܪ ܠܶܗ ܐܶܫܰܥܝܳܐ ܗ̄ܽܘ ܢܒܺܝܳܐ.“ 24ܘܗܰܢ݄ܟ ܕ݄ܡܫܰܕܪܺܝ ܡܰܢ̱ ܦܪ̈ܺܝܫܶܐ ܗ̄ܘܰܝܢܶܝ. 25ܘ݄ܡܫܰܐܰܠّܰܗ ܠܶܗ ܘܐܡ݄ܪّܰܗ ܠܶܗ: ”ܡ݄ܢܝܳܐ ܕܗܰܘܟ̥ܰܐ ܟܳܡܰܥܡܕ̥ܰܬ ܐܶܢ ܠܰܝ̱ܬ ܗ̄ܰܬ ܡܫܺܝܚܳܐ ܘܠܳܐ ܐܶܠܺܝܳܐ ܘܠܳܐ ܗ̄ܽܘ ܢܒܺܝܳܐ؟“ 26ܡܰܕܥܰܪ ܠܶܗ ܝܽܘܚܰܢܳܢ ܘܐܡ݄ܪ ܠܰܗ ܠّܶܗ: ”ܐܳܢܳܐ ܟܡܰܥܡܰܕ̥ ܐ̱ܢܳܐ ܒܰܡّܰܝ̈ܶܐ، ܐܶܠܳܐ ܒܰܝܢܳܬ̥ܰܝܟ̥ܽܘ ܟܩܳܝ݄ܡ ܗܰܘܳܐ ܕܗܰܬܽܘ ܠ݄ܐ ܟ݄ܐܕ̥ܥܺܝܬܽܘ ܠܶܗ، 27ܗܰܢܳܐ ܝܳܐ ܗܰܘܳܐ ܕܒ݄ܬ̥ܪܺܝ ܟܳܐܬ̥ܶܐ، ܘܗܰܘܺܝ ܡܶܢ̱ ܩ݄ܕ̱ܡ ܡܶܢܺܝ، ܗܰܘܳܐ ܕܳܐܢܳܐ ܠ݄ܐ ܟܫܳܘܶܐ ܐ̱ܢܳܐ ܕܫܳܪܶܐ ܐ̱ܢܳܐ ܗ̄ܰܫّܽܘܒܰܩ̈ܶܐ ܕܰܣܥܽܘ̈ܢܰܝܕ̥ܶܗ.“ 28ܗܰܢܺܝ ܒܒܶܝܬ̥ ܥܰܢܝܳܐ ܗܰܘ݄ܢ، ܒܽܗ̄ܘ ܓܰܒܳܐ ܚܪܶܢܳܐ ܕܝܽܘܪܕܢܳܢ، ܐܰܝܟܳܐ ܕܡܰܥܡܰܕ̥ ܗ̄ܘܰܐ ܝܽܘܚܰܢܳܢ.
ܗ̄ܺܝ ܣܳܗܕܽܘܬ̥ܳܐ ܕܰܬّܰܪܬܶܝ ܕܝܽܘܚܰܢܳܢ: ܟܰܐܠܶܗ ܗ̄ܽܘ ܦܰܪܳܐ ܕܰܐܠܳܗܳܐ
29ܘܠܽܗ̄ܘ ܝܰܘܡܳܐ ܕܒ݄ܬ̥ܪܶܗ، ܝܽܘܚܰܢܳܢ ܚܙܶܐ ܠܶܗ ܝܶܫܽܘܥ ܐܰܬ̥ܳܝܳܐ ܠܣܺܝܕ̥ܶܗ، ܘܐܡ݄ܪ ܠܶܗ: ”ܟܰܐܠܶܗ ܗ̄ܽܘ ܦܰܪܳܐ ܕܰܐܠܳܗܳܐ ܗܰܘܳܐ ܕ݄ܟܫܳܩ݄ܠ ܗ̄ܺܝ ܚܛܺܝܬ̥ܳܐ ܕܽܗ̄ܘ ܥܳܠܡܳܐ. 30ܗܰܢܳܐ ܝܳܐ ܕܳܐܢܳܐ ܐܡ݄ܪ ܠܺܝ ܐܰܥܠܶܗ ܕܒ݄ܬ̥ܪܺܝ ܟܳܐܬ̥ܶܐ ܓܰܒ̥ܪܳܐ، ܘܡܶܩ݄ܕ̱ܡ ܡܶܢܺܝ ܝܳܐ، ܥܰܠ ܕܟ݄ܬ ܠܶܗ ܩܰܕ̱ܡܳܝܽܘܬ̥ܳܐ ܐܰܥܠܺܝ. 31ܘܳܐܢܳܐ ܠܳܐ ܐܕ̥ܰܥ ܗ̄ܘܰܝ ܐ̱ܢܳܐ ܠܶܗ، ܐܶܠܳܐ ܕܡܺܝܕ̥݄ܥ ܠܺܐܝܣܪܳܐܶܝܠ، ܡܰܗ̄ܘܟ̥ܰܐ ܐܳܢܳܐ ܐܰܬ̥ܺܝ ܐ̱ܢܳܐ ܕܡܰܥܡܰܕ̥ ܐ̱ܢܳܐ ܒܰܡّܰܝ̈ܶܐ.“ 32ܘ݄ܣܗ݄ܕ ܠܶܗ ܝܽܘܚܰܢܳܢ ܘܐܡ݄ܪ ܠܶܗ: ”ܚܙܶܐ ܠܺܝ ܗ̄ܺܝ ܪܽܘܚܳܐ ܕܟܳܢܳܚܬܳܐ ܡܺܗ̄ܝ ܫܡܰܝܳܐ ܐܟ̥ ܕܝܰܘܢܳܐ ܘܡܰܚܰܬ ܠܰܗ ܐܰܥܠܶܗ. 33ܘܳܐܢܳܐ ܠܳܐ ܐܕ̥ܰܥ ܗ̄ܘܰܝ ܐ̱ܢܳܐ ܠܶܗ، ܐܶܠܳܐ ܡܰܢ ܕ݄ܡܫܰܕܰܪ ܠܶܗ ܠܺܝ ܕܡܰܥܡܰܕ̥ ܐ̱ܢܳܐ ܒܰܡّܰܝ̈ܶܐ، ܗܺܝّܶܗ ܐܡ݄ܪ ܠܶܗ ܠܺܝ: ܐܰܝܢܰܐ ܕܚܳܙܰܬ ܕܟܳܢܳܚܬܳܐ ܗ̄ܺܝ ܪܽܘܚܳܐ ܘܡܰܚܬܳܐ ܐܰܥܠܶܗ، ܗܺܝّܶܗ ܟܡܰܥܡ݄ܕ̥ ܒܪܽܘܚܳܐ ܕܩܽܘܕܫܳܐ. 34ܘܳܐܢܳܐ ܚܙܶܐ ܠܺܝ ܘ݄ܣܗ݄ܕ ܠܺܝ ܕܰܗ̄ܢܳܐ ܝܳܐ ܗ̄ܽܘ ܐܰܒܪܳܐ ܕܰܐܠܳܗܳܐ.“
ܗ̄ܰܬّܰܠܡܺܝܕ̥̈ܶܐ ܩܰܕ̱ܡܳܝ̈ܶܐ ܕܝܶܫܽܘܥ
35ܘܠܽܗ̄ܘ ܝܰܘܡܳܐ ܚܪܶܢܳܐ، ܩܳܝܰܡ ܗ̄ܘܰܐ ܝܽܘܚܰܢܳܢ ܘ݄ܬܪܶܝ ܡܰܢ̱ ܬّܰܠܡܺܝܕ̥̈ܰܝܕ̥ܶܗ. 36ܘܚ݄ܪ ܠܶܗ ܒܝܶܫܽܘܥ، ܘܗܺܝّܶܗ ܟ݄ܡܗܰܠ݄ܟ̥، ܘܐܡ݄ܪ ܠܶܗ: ”ܟܰܐܠܶܗ ܗ̄ܽܘ ܦܰܪܳܐ ܕܰܐܠܳܗܳܐ.“ 37ܘܫܰܡܺܝܥܺܝ ܗ̄ܰܬܪܶܝ ܬܰܠܡܺܝܕ̥̈ܰܝܕ̥ܶܗ ܗ̄ܺܝ ܢܰܩܠܐ ܕܐܡ݄ܪ ܠܶܗ، ܘܰܐܙّ݄ܢ ܒ݄ܬ̥ܪܶܗ ܕܝܶܫܽܘܥ. 38ܘܕܰܥ݄ܪ ܝܶܫܽܘܥ ܘ݄ܚܙܰܠّܶܗ ܐܰܬ̥ܳܝ̈ܶܐ ܒ݄ܬ̥ܪܶܗ. ܘܐܡ݄ܪ ܠܰܗ ܠّܶܗ: ”ܡ݄ܢ ܟ݄ܐܒܥܺܝܬܽܘ؟“ ܟ݄ܐܡّܺܪ̱ܝ ܠܶܗ: ”ܪܰܒܰܢ، ܐܰܝܟܳܐ ܟܳܗ̄ܘܰܬ؟“ 39ܟܳܐܡܰܪّܶܗ: ”ܬܳܟ̥ܽܘ ܘܓ݄ܕܚܳܙܺܝܬܽܘ.“ ܘܗ݄ܢّܶܝ ܐܰܬ̥݄ܢ ܘ݄ܚܙܰܠّܶܗ ܐܰܝܟܳܐ ܕܗܳܘܶܐ. ܘܦܰܝܺܝܫܺܝ ܓܰܒܶܗ ܗ̄ܽܘ ܝܰܘܡܰܘܳܐ، ܘܺܗ̄ܝ ܫܳܥܬ̥ܳܐ ܐܟ̥ ܥܣܰܪ (ܐܰܪܒܰܥ ܒ݄ܬ̥݄ܪ ܦܰܠܓܶܗ ܕܝܰܘܡܳܐ) ܗ̄ܘܰܐ. 40ܘܚܰܕ̱ ܡܰܗ̄ܢ݄ܟ ܕܫܰܡܺܝܥܺܝ ܡܶܢ̱ ܝܽܘܚܰܢܳܢ ܘܰܐܙّ݄ܢ ܒ݄ܬ̥ܪܶܗ ܕܝܶܫܽܘܥ ܐܰܢܕܪܶܐܘܳܣ ܗ̄ܽܘ ܐܰܚܽܘܢܳܐ ܕܫܶܡܥܽܘܢ ܗ̄ܘܰܐ. 41ܗܰܢܳܐ ܚܙܶܐ ܠܶܗ ܒܺܗ̄ܝ ܩܰܕ̱ܡܰܝܬܳܐ ܠܫܶܡܥܽܘܢ ܗ̄ܽܘ ܐܰܚܽܘܢܳܐ، ܘܐܡ݄ܪ ܠܶܗ ܠܶܗ: ”ܚܙܶܐ ܠܰܢ ܡܫܺܝܚܳܐ!“ 42ܘܡܰܝܬܶܐ ܠܶܗ ܓܰܒ ܝܶܫܽܘܥ. ܘܚ݄ܪ ܠܶܗ ܐܶܒܶܗ ܝܶܫܽܘܥ ܘܐܡ݄ܪ ܠܶܗ: ”ܗܰܬ ܗ̄ܰܬ ܫܶܡܥܽܘܢ، ܗ̄ܽܘ ܐܰܒܪܳܐ ܕܝܰܘܢܳܐ، ܗܰܬ ܓ݄ܕܡ݄ܩܪܰܬ ܟܶܐܦܳܐ.“
ܝܶܫܽܘܥ ܟܩܳܪܶܐ ܠܦܺܝܠܺܝܦܳܘܣ ܘ݄ܠܢܰܬ̥ܰܢܰܝܺܐܝܠ
43ܘܠܽܗ̄ܘ ܝܰܘܡܳܐ ܚܪܶܢܳܐ، ܐܰܒ݄ܥ ܝܶܫܽܘܥ ܕܢܳܦ݄ܩ ܠܽܗ̄ܘ ܓܠܺܝܠܳܐ، ܘ݄ܚܙܶܐ ܠܶܗ ܦܺܝܠܺܝܦܳܘܣ ܘܐܡ݄ܪ ܠܶܗ ܠܶܗ: ”ܬܳܟ̥ ܒ݄ܬ̥ܪܺܝ!“ 44ܘܗܺܝّܶܗ ܦܺܝܠܺܝܦܳܘܣ ܡܶܢ̱ ܒܶܝܬ̥ ܨܰܝܳܕ̥ܳܐ ܗ̄ܘܰܐ، ܡܺܗ̄ܝ ܡܕ̥ܺܝܢ̱ܬܳܐ ܕܰܐܢܕܪܶܐܘܳܣ ܘ݄ܕܫܶܡܥܽܘܢ. 45ܘܦܺܝܠܺܝܦܳܘܣ ܚܙܶܐ ܠܶܗ ܠܢܰܬ̥ܰܢܰܝܺܐܝܠ ܘܐܡ݄ܪ ܠܶܗ ܠܶܗ: ”ܗܰܘܳܐ ܕ݄ܟܬ̥ܽܒ̥ ܠܶܗ ܐܰܥܠܶܗ ܡܽܘܫܶܐ ܒܽܗ̄ܘ ܢܳܡܽܘܣܳܐ ܘܒܰܗ̄ܢ ܢܒܺܝ̈ܶܐ، ܚܙܶܐ ܠܰܢ: ܝܶܫܽܘܥ ܝܳܐ ܗ̄ܽܘ ܐܰܒܪܳܐ ܕܝܰܘܣܶܦ، ܡܶܢ̱ ܢܳܨܪܰܬ̥.“ 46ܐܡ݄ܪ ܠܶܗ ܠܶܗ ܢܰܬ̥ܰܢܰܝܺܐܝܠ: ”ܡܶܢ̱ ܢܳܨܪܰܬ̥! ܘܟܺܝܬ ܕܳܗ̄ܘܶܐ ܡܶܕܶܐ ܛܳܒ̥ܳܐ؟“ ܐܡ݄ܪ ܠܶܗ ܠܶܗ ܦܺܝܠܺܝܦܳܘܣ: ”ܬܳܟ̥ ܘܓ݄ܕܚܳܙܰܬ.“ 47ܘܝܶܫܽܘܥ ܚܙܶܐ ܠܶܗ ܢܰܬ̥ܰܢܰܝܺܐܝܠ ܐܰܬ̥ܳܝܳܐ ܠܓܰܒܶܗ، ܘܐܡ݄ܪ ܠܶܗ ܐܰܥܠܶܗ: ”ܟܰܐܠܶܗ ܒ݄ܫܪܳܪܳܐ ܐܺܝܣܰܪܠܳܝܳܐ ܕܠܰܝܒܶܗ ܢܶܟ̥ܠܳܐ.“ 48ܟܳܐܡܰܪ ܠܶܗ ܢܰܬ̥ܰܢܰܝܺܐܝܠ: ”ܡܰܐܝܟܳܐ ܟ݄ܐܕ̥ܥܰܬ ܠܺܝ؟“ ܟܳܐܡܰܪ ܠܶܗ ܝܶܫܽܘܥ: ”ܗܶܫ ܡܶܩ݄ܕ̱ܡ ܕܩܳܪܶܐ ܠܳܟ̥ ܦܺܝܠܺܝܦܳܘܣ، ܗ̄ܺܝ ܢܰܩܠܐ ܕܟ݄ܬ ܗ̄ܘܰܝܬ ܬܰܚܬ ܗ̄ܺܝ ܬܶܐܢܳܐ، ܚܙܶܐ ܠܺܝ ܠܳܟ̥.“ 49ܡܰܕܥܰܪ ܠܶܗ ܢܰܬ̥ܰܢܰܝܺܐܝܠ ܘܐܡ݄ܪ ܠܶܗ ܠܶܗ: ”ܪܰܒܺܝ، ܗܰܬ ܗ̄ܰܬ ܗ̄ܽܘ ܐܰܒܪܳܐ ܕܰܐܠܳܗܳܐ، ܗܰܬ ܗ̄ܰܬ ܗ̄ܽܘ ܡܰܠܟܳܐ ܕܺܐܝܣܪܳܐܶܝܠ.“ 50ܟܳܐܡܰܪ ܠܶܗ ܝܶܫܽܘܥ: ”ܥܰܠ ܕܐܡ݄ܪ ܠܺܝ ܠܳܟ̥: ’ܚܙܶܐ ܠܺܝ ܠܳܟ̥ ܬܰܚܬ ܗ̄ܺܝ ܬܶܐܢܳܐ،‘ ܟ݄ܡܗܰܝܡܢܰܬ، ܕܪܰܒ ܡܰܗ̄ܢܺܝ ܓ݄ܕܚܳܙܰܬ.“ 51ܟܳܐܡܰܪ ܠܶܗ: ”ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܡܳܐܥܕܳܐ ܓ݄ܕܚܳܙܺܝܬܽܘ ܗ̄ܰܫܡܰܝ̈ܶܐ ܦܬܺܝܚ̈ܶܐ ܘܰܡّܰܠܰܐܟ̥̈ܶܐ ܕܰܐܠܳܗܳܐ ܟܣܳܠܩܺܝ ܘܢܳܚܬܺܝ ܓܰܒ ܐܰܒܪܶܗ ܕܢܳܫܳܐ.“
Právě zvoleno:
ܡܓܰܠܝܘܢ ܕܝܘܚܢܢ 1: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܡܓܰܠܝܘܢ ܕܝܘܚܢܢ 1
1
ܗ̄ܺܝ ܡܶܠܬ̥ܳܐ ܒܽܗ̄ܘ ܪܺܝܫܳܐ ܝܳܐ
1ܒܽܗ̄ܘ ܪܺܝܫܳܐ ܗ̄ܽܘ ܡܶܠܬ̥ܳܐ ܗ̄ܘܰܐ، ܘܽܗ̄ܘ ܡܶܠܬ̥ܳܐ ܓܰܒ ܐܰܠܳܗܳܐ ܗ̄ܘܰܐ، ܘܰܐܠܳܗܳܐ ܗ̄ܘܰܐ ܗ̄ܽܘ ܡܶܠܬ̥ܳܐ. 2ܗܰܢܳܐ ܒܽܗ̄ܘ ܪܺܝܫܳܐ ܓܰܒ ܐܰܠܳܗܳܐ ܗ̄ܘܰܐ، 3ܘܟܽܘܠ (ܡܶܕܶܐ) ܒܺܐܝܕ̥ܶܗ ܗܰܘܺܝ، ܘ݄ܕܠܳܐ ܡܶܢܶܗ ܘܠܳܐ ܚܰܕ̱ ܡܶܕܶܐ ܗܰܘܺܝ ܡܽܗ̄ܘ ܡܶܕܶܐ ܕܗܰܘܺܝ. 4ܗ̄ܰܚّܰܝ̈ܶܐ ܐܶܒܶܗ ܗܰܘ݄ܢ، ܘܰܚّܰܝ̈ܶܐ ܢܽܘܗܪܳܐ ܢܶܝ ܠܰܗ̄ܢ ܢܳܫ̈ܶܐ. 5ܘܽܗ̄ܘ ܢܽܘܗܪܳܐ ܒܽܗ̄ܘ ܥܰܡܛܳܢܳܐ ܟܡܰܢܗ݄ܪ، ܘܽܗ̄ܘ ܥܰܡܛܳܢܳܐ ܠܳܐ ܕܪ݄ܟ̥ ܠܶܗ.
ܗ̄ܽܘ ܥܳܠܡܳܐ ܠܰܐ ܐܕ̥݄ܥ ܠܶܗ
6ܟ݄ܬ ܗ̄ܘܰܐ ܚܰܕ̱ ܢܳܫܳܐ ܕ݄ܡܫܰܕ݄ܪ ܡܰܢ̱ ܐܠܳܗܳܐ، ܐ݄ܫܡܶܗ ܝܽܘܚܰܢܳܢ. 7ܗܰܢܳܐ ܐܰܬ̥ܺܝ ܠܺܗ̄ܝ ܣܳܗܕܽܘܬ̥ܳܐ ܕܣܳܗ݄ܕ ܥܰܠ ܗ̄ܽܘ ܢܽܘܗܪܳܐ ܠܰܫܰܢ ܟܽܘܠ ܢܳܫܳܐ ܡܗܰܝܡ݄ܢ ܒܺܐܝܕ̥ܶܗ. 8ܠܰܝ̱ܬ ܗ̄ܘܰܐ ܗܺܝّܶܗ ܗ̄ܽܘ ܢܽܘܗܪܳܐ. ܐܶܠܳܐ (ܐܰܬ̥ܺܝ) ܕܣܳܗ݄ܕ ܥܰܠ ܗ̄ܽܘ ܢܽܘܗܪܳܐ. 9ܡܺܐܝܕ̥ܶܗ ܗ̄ܽܘ ܢܽܘܗܪܳܐ ܕܽܗ̄ܘ ܫܪܳܪܳܐ ܗ̄ܘܰܐ ܗܰܢܳܐ ܕ݄ܟܡܰܢܗ݄ܪ ܠܟܽܘܠ ܢܳܫܳܐ ܕܳܐܬ̥ܶܐ ܠܽܗ̄ܘ ܥܳܠܡܳܐ. 10ܒܽܗ̄ܘ ܥܳܠܡܳܐ ܗ̄ܘܰܐ، ܘܽܗ̄ܘ ܥܳܠܡܳܐ ܒܺܐܝܕ̥ܶܗ ܗܰܘܺܝ، ܘܽܗ̄ܘ ܥܳܠܡܳܐ ܠܰܐ ܐܕ̥݄ܥ ܠܶܗ. 11ܠܕܺܝܕ̥ܶܗ ܐܰܬ̥ܺܝ، ܘܕܺܝܕ̥ܶܗ ܠܳܐ ܡܰܩܒܰܠّܶܗ.
ܗ̄ܽܘ ܫܽܘܠܛܳܢܳܐ ܕܰܗ̄ܢܺܝ ܕܡܰܩܒܰܠّܶܗ
12ܘܰܐܝܢܰܐ ܕܡܰܩܒܰܠّܶܗ، ܗܽܒ̥ ܠܰܗ ܠّܶܗ ܫܽܘܠܛܳܢܳܐ ܕܳܗ̄ܘ݄ܢ ܐܰܒܢ̈ܶܐ ܕܰܐܠܳܗܳܐ، ܠܰܗ̄ܢܺܝ ܕܟܳܡܗܰܝܡܢܺܝ ܒ݄ܐܫܡܶܗ، 13ܐܰܝܢܰܐ ܕܠܳܐ ܡܶܢ̱ ܐܰܕܡܳܐ، ܘܠܳܐ ܡܶܢ̱ ܨܶܒܝܳܢܳܐ ܕܒܰܣܪܳܐ، ܘܠܳܐ ܡܶܢ̱ ܨܶܒܝܳܢܳܐ ܕܓܰܒ̥ܪܳܐ، ܐܶܠܳܐ ܡܰܢ̱ ܐܠܳܗܳܐ ܡܰܘܠܕܺܝ.
14ܘܽܗ̄ܘ ܡܶܠܬ̥ܳܐ ܗܰܘܺܝ ܢܳܫܳܐ، ܘܢܰܚ݄ܬ ܒܰܝܢܳܬ̥ܰܢ، ܘ݄ܚܙܶܐ ܠܰܢ ܗ̄ܽܘ ܫܽܘܒܚܰܝܕ̥ܶܗ، ܗ̄ܽܘ ܫܽܘܒܚܳܐ ܕܽܗ̄ܘ (ܐܰܒܪܳܐ) ܝܺܚܺܝܕ̥ܳܝܳܐ ܕܡܽܗ̄ܘ ܐܰܒܳܐ ܕܡܰܠܝܳܐ ܛܰܝܒܽܘܬ̥ܳܐ ܘ݄ܫܪܳܪܳܐ. 15ܝܽܘܚܰܢܳܢ ܣܗ݄ܕ ܠܶܗ ܐܰܥܠܶܗ ܘܡܰܙܥܰܩ ܠܶܗ ܘܐܡ݄ܪ ܠܶܗ: ”ܗܰܢܳܐ ܝܳܐ ܕܐܡ݄ܪ ܠܺܝ ܐܰܥܠܶܗ ܕܒ݄ܬ̥ܪܺܝ ܟܳܐܬ̥ܶܐ، ܘܡܶܩ݄ܕ̱ܡ ܡܶܢܺܝ ܝܳܐ، ܥܰܠ ܕܟ݄ܬ ܠܶܗ ܩܰܕ̱ܡܳܝܽܘܬ̥ܳܐ ܐܰܥܠܺܝ.“ 16ܘܡܺܗ̄ܝ ܡܰܠܝܽܘܬ̥ܰܝܕ̥ܶܗ، ܐܰܚܢܰܐ ܟܽܘܠܰܢ ܡ݄ܕ ܠܰܢ، ܘܛܰܝܒܽܘܬ̥ܳܐ ܡ݄ܚܠܳܦ ܛܰܝܒܽܘܬ̥ܳܐ. 17ܡܺܐܝܕ̥ܶܗ ܕܽܗ̄ܘ ܢܳܡܽܘܣܳܐ ܒܺܐܝܕ̥ܶܗ ܕܡܽܘܫܶܐ ܗܺܝܒ̥، ܐܶܠܳܐ ܗ̄ܽܘ ܫܪܳܪܳܐ ܘܺܗ̄ܝ ܛܰܝܒܽܘܬ̥ܳܐ ܒܺܐܝܕ̥ܶܗ ܕܝܶܫܽܘܥ ܡܫܺܝܚܳܐ ܗܰܘܺܝ. 18ܢܳܫܳܐ، ܟܘ̇ܠ ܟܽܘܠܶܗ، ܠܳܐ ܚܙܶܐ ܠܶܗ ܐܰܠܳܗܳܐ. ܗ̄ܽܘ ܝܺܚܺܝܕ̥ܳܝܳܐ ܕܰܐܠܳܗܳܐ ܕܟ݄ܬ ܝܳܐ ܒܥܶܒܶܗ ܕܽܗ̄ܘ ܒܰܒܳܐ، ܗܺܝّܶܗ ܡܰܘܕ̥ܰܥ ܠܶܗ.
ܝܽܘܚܰܢܳܢ ܟܢܳܦܩ ܠܺܗ̄ܝ ܚܳܠܳܐ
ܗ̄ܺܝ ܣܳܗܕܽܘܬ̥ܳܐ ܩܰܕ̱ܡܰܝܬܳܐ ܕܝܽܘܚܰܢܳܢ: ܟܰܐܠܶܗ ܩܺܝܡܳܐ ܒܰܝܢܳܬ̥ܰܝܟ̥ܽܘ
ܡܬܝ 3:1‐12؛ ܡܪܩܘܣ 1:2‐8؛ ܠܘܩܐ 3:15‐17
19ܘܗܰܬ̥ܶܐ ܝܳܐ ܗ̄ܺܝ ܣܳܗܕܽܘܬ̥ܳܐ ܕܝܽܘܚܰܢܳܢ، ܗ̄ܺܝ ܢܰܩܠܐ ܕܰܝّܽܘܕ̥̈ܳܝܶܐ ܡܫܰܕܰܪّܶܗ ܠܣܺܝܕ̥ܶܗ ܡܶܢ̱ ܐܽܘܪܶܫܠܶܡ ܟܳܗ̈ܢܶܐ ܘܠܶܘܳܝ̈ܶܐ ܕ݄ܡܫܰܐܠܺܝ ܠܶܗ: ”ܗܰܬ ܡܰܢ ܗܰܬ؟“ 20ܘܡܰܘܕܶܐ ܠܶܗ ܘܠܳܐ ܟܰܦ݄ܪ، ܡܰܘܕܶܐ ܠܶܗ: ”ܠܰܝ̱ܬ ܐ̱ܢܳܐ ܐܳܢܳܐ ܡܫܺܝܚܳܐ.“ 21ܘ݄ܡܫܰܐܰܠّܶܗ ܢܰܩܠܐ ܚܪܶܬܳܐ: ”ܡܰܢ ܗܰܬ؟ ܐܶܠܺܝܳܐ ܗܰܬ؟“ ܘܐܡ݄ܪ ܠܶܗ: ”ܠܳܐ! ܠܰܝ̱ܬ ܐ̱ܢܳܐ.“ (ܘܐܡ݄ܪّܰܗ ܠܶܗ): ”ܗ̄ܽܘ ܢܒܺܝܳܐ ܗܰܬ؟“ ܘܐܡ݄ܪ ܠܶܗ: ”ܠܳܐ!“ 22ܘܐܡ݄ܪّܰܗ ܠܶܗ: ”ܡܰܢ ܗܰܬ، ܠܰܫܰܢ ܕܳܗ̄ܒܺܝܢܰܐ ܦܽܘܢܳܝܳܐ ܠܰܐܝܢܰܐ ܕ݄ܡܫܰܕܰܪّܰܗ ܠܰܢ. ܡ݄ܢ ܟ݄ܐܡّܰܪ̱ܬ ܥܰܠ ܢܰܦܫܳܟ̥؟“ 23ܐܡ݄ܪ ܠܶܗ: ”ܐܳܢܳܐ ܩܳܠܳܐ ܐ̱ܢܳܐ ܕܟܳܩܳܪܶܐ ܒܽܗ̄ܘ ܡܰܕ̥ܒܪܳܐ: ܡܫܰܘܶܝܽܘ (ܡܣܰܘܶܝܽܘ) ܗ̄ܽܘ ܕܰܪܒܳܐ ܕܡܳܪܝܳܐ، ܐܟ̥ ܕܐܡ݄ܪ ܠܶܗ ܐܶܫܰܥܝܳܐ ܗ̄ܽܘ ܢܒܺܝܳܐ.“ 24ܘܗܰܢ݄ܟ ܕ݄ܡܫܰܕܪܺܝ ܡܰܢ̱ ܦܪ̈ܺܝܫܶܐ ܗ̄ܘܰܝܢܶܝ. 25ܘ݄ܡܫܰܐܰܠّܰܗ ܠܶܗ ܘܐܡ݄ܪّܰܗ ܠܶܗ: ”ܡ݄ܢܝܳܐ ܕܗܰܘܟ̥ܰܐ ܟܳܡܰܥܡܕ̥ܰܬ ܐܶܢ ܠܰܝ̱ܬ ܗ̄ܰܬ ܡܫܺܝܚܳܐ ܘܠܳܐ ܐܶܠܺܝܳܐ ܘܠܳܐ ܗ̄ܽܘ ܢܒܺܝܳܐ؟“ 26ܡܰܕܥܰܪ ܠܶܗ ܝܽܘܚܰܢܳܢ ܘܐܡ݄ܪ ܠܰܗ ܠّܶܗ: ”ܐܳܢܳܐ ܟܡܰܥܡܰܕ̥ ܐ̱ܢܳܐ ܒܰܡّܰܝ̈ܶܐ، ܐܶܠܳܐ ܒܰܝܢܳܬ̥ܰܝܟ̥ܽܘ ܟܩܳܝ݄ܡ ܗܰܘܳܐ ܕܗܰܬܽܘ ܠ݄ܐ ܟ݄ܐܕ̥ܥܺܝܬܽܘ ܠܶܗ، 27ܗܰܢܳܐ ܝܳܐ ܗܰܘܳܐ ܕܒ݄ܬ̥ܪܺܝ ܟܳܐܬ̥ܶܐ، ܘܗܰܘܺܝ ܡܶܢ̱ ܩ݄ܕ̱ܡ ܡܶܢܺܝ، ܗܰܘܳܐ ܕܳܐܢܳܐ ܠ݄ܐ ܟܫܳܘܶܐ ܐ̱ܢܳܐ ܕܫܳܪܶܐ ܐ̱ܢܳܐ ܗ̄ܰܫّܽܘܒܰܩ̈ܶܐ ܕܰܣܥܽܘ̈ܢܰܝܕ̥ܶܗ.“ 28ܗܰܢܺܝ ܒܒܶܝܬ̥ ܥܰܢܝܳܐ ܗܰܘ݄ܢ، ܒܽܗ̄ܘ ܓܰܒܳܐ ܚܪܶܢܳܐ ܕܝܽܘܪܕܢܳܢ، ܐܰܝܟܳܐ ܕܡܰܥܡܰܕ̥ ܗ̄ܘܰܐ ܝܽܘܚܰܢܳܢ.
ܗ̄ܺܝ ܣܳܗܕܽܘܬ̥ܳܐ ܕܰܬّܰܪܬܶܝ ܕܝܽܘܚܰܢܳܢ: ܟܰܐܠܶܗ ܗ̄ܽܘ ܦܰܪܳܐ ܕܰܐܠܳܗܳܐ
29ܘܠܽܗ̄ܘ ܝܰܘܡܳܐ ܕܒ݄ܬ̥ܪܶܗ، ܝܽܘܚܰܢܳܢ ܚܙܶܐ ܠܶܗ ܝܶܫܽܘܥ ܐܰܬ̥ܳܝܳܐ ܠܣܺܝܕ̥ܶܗ، ܘܐܡ݄ܪ ܠܶܗ: ”ܟܰܐܠܶܗ ܗ̄ܽܘ ܦܰܪܳܐ ܕܰܐܠܳܗܳܐ ܗܰܘܳܐ ܕ݄ܟܫܳܩ݄ܠ ܗ̄ܺܝ ܚܛܺܝܬ̥ܳܐ ܕܽܗ̄ܘ ܥܳܠܡܳܐ. 30ܗܰܢܳܐ ܝܳܐ ܕܳܐܢܳܐ ܐܡ݄ܪ ܠܺܝ ܐܰܥܠܶܗ ܕܒ݄ܬ̥ܪܺܝ ܟܳܐܬ̥ܶܐ ܓܰܒ̥ܪܳܐ، ܘܡܶܩ݄ܕ̱ܡ ܡܶܢܺܝ ܝܳܐ، ܥܰܠ ܕܟ݄ܬ ܠܶܗ ܩܰܕ̱ܡܳܝܽܘܬ̥ܳܐ ܐܰܥܠܺܝ. 31ܘܳܐܢܳܐ ܠܳܐ ܐܕ̥ܰܥ ܗ̄ܘܰܝ ܐ̱ܢܳܐ ܠܶܗ، ܐܶܠܳܐ ܕܡܺܝܕ̥݄ܥ ܠܺܐܝܣܪܳܐܶܝܠ، ܡܰܗ̄ܘܟ̥ܰܐ ܐܳܢܳܐ ܐܰܬ̥ܺܝ ܐ̱ܢܳܐ ܕܡܰܥܡܰܕ̥ ܐ̱ܢܳܐ ܒܰܡّܰܝ̈ܶܐ.“ 32ܘ݄ܣܗ݄ܕ ܠܶܗ ܝܽܘܚܰܢܳܢ ܘܐܡ݄ܪ ܠܶܗ: ”ܚܙܶܐ ܠܺܝ ܗ̄ܺܝ ܪܽܘܚܳܐ ܕܟܳܢܳܚܬܳܐ ܡܺܗ̄ܝ ܫܡܰܝܳܐ ܐܟ̥ ܕܝܰܘܢܳܐ ܘܡܰܚܰܬ ܠܰܗ ܐܰܥܠܶܗ. 33ܘܳܐܢܳܐ ܠܳܐ ܐܕ̥ܰܥ ܗ̄ܘܰܝ ܐ̱ܢܳܐ ܠܶܗ، ܐܶܠܳܐ ܡܰܢ ܕ݄ܡܫܰܕܰܪ ܠܶܗ ܠܺܝ ܕܡܰܥܡܰܕ̥ ܐ̱ܢܳܐ ܒܰܡّܰܝ̈ܶܐ، ܗܺܝّܶܗ ܐܡ݄ܪ ܠܶܗ ܠܺܝ: ܐܰܝܢܰܐ ܕܚܳܙܰܬ ܕܟܳܢܳܚܬܳܐ ܗ̄ܺܝ ܪܽܘܚܳܐ ܘܡܰܚܬܳܐ ܐܰܥܠܶܗ، ܗܺܝّܶܗ ܟܡܰܥܡ݄ܕ̥ ܒܪܽܘܚܳܐ ܕܩܽܘܕܫܳܐ. 34ܘܳܐܢܳܐ ܚܙܶܐ ܠܺܝ ܘ݄ܣܗ݄ܕ ܠܺܝ ܕܰܗ̄ܢܳܐ ܝܳܐ ܗ̄ܽܘ ܐܰܒܪܳܐ ܕܰܐܠܳܗܳܐ.“
ܗ̄ܰܬّܰܠܡܺܝܕ̥̈ܶܐ ܩܰܕ̱ܡܳܝ̈ܶܐ ܕܝܶܫܽܘܥ
35ܘܠܽܗ̄ܘ ܝܰܘܡܳܐ ܚܪܶܢܳܐ، ܩܳܝܰܡ ܗ̄ܘܰܐ ܝܽܘܚܰܢܳܢ ܘ݄ܬܪܶܝ ܡܰܢ̱ ܬّܰܠܡܺܝܕ̥̈ܰܝܕ̥ܶܗ. 36ܘܚ݄ܪ ܠܶܗ ܒܝܶܫܽܘܥ، ܘܗܺܝّܶܗ ܟ݄ܡܗܰܠ݄ܟ̥، ܘܐܡ݄ܪ ܠܶܗ: ”ܟܰܐܠܶܗ ܗ̄ܽܘ ܦܰܪܳܐ ܕܰܐܠܳܗܳܐ.“ 37ܘܫܰܡܺܝܥܺܝ ܗ̄ܰܬܪܶܝ ܬܰܠܡܺܝܕ̥̈ܰܝܕ̥ܶܗ ܗ̄ܺܝ ܢܰܩܠܐ ܕܐܡ݄ܪ ܠܶܗ، ܘܰܐܙّ݄ܢ ܒ݄ܬ̥ܪܶܗ ܕܝܶܫܽܘܥ. 38ܘܕܰܥ݄ܪ ܝܶܫܽܘܥ ܘ݄ܚܙܰܠّܶܗ ܐܰܬ̥ܳܝ̈ܶܐ ܒ݄ܬ̥ܪܶܗ. ܘܐܡ݄ܪ ܠܰܗ ܠّܶܗ: ”ܡ݄ܢ ܟ݄ܐܒܥܺܝܬܽܘ؟“ ܟ݄ܐܡّܺܪ̱ܝ ܠܶܗ: ”ܪܰܒܰܢ، ܐܰܝܟܳܐ ܟܳܗ̄ܘܰܬ؟“ 39ܟܳܐܡܰܪّܶܗ: ”ܬܳܟ̥ܽܘ ܘܓ݄ܕܚܳܙܺܝܬܽܘ.“ ܘܗ݄ܢّܶܝ ܐܰܬ̥݄ܢ ܘ݄ܚܙܰܠّܶܗ ܐܰܝܟܳܐ ܕܗܳܘܶܐ. ܘܦܰܝܺܝܫܺܝ ܓܰܒܶܗ ܗ̄ܽܘ ܝܰܘܡܰܘܳܐ، ܘܺܗ̄ܝ ܫܳܥܬ̥ܳܐ ܐܟ̥ ܥܣܰܪ (ܐܰܪܒܰܥ ܒ݄ܬ̥݄ܪ ܦܰܠܓܶܗ ܕܝܰܘܡܳܐ) ܗ̄ܘܰܐ. 40ܘܚܰܕ̱ ܡܰܗ̄ܢ݄ܟ ܕܫܰܡܺܝܥܺܝ ܡܶܢ̱ ܝܽܘܚܰܢܳܢ ܘܰܐܙّ݄ܢ ܒ݄ܬ̥ܪܶܗ ܕܝܶܫܽܘܥ ܐܰܢܕܪܶܐܘܳܣ ܗ̄ܽܘ ܐܰܚܽܘܢܳܐ ܕܫܶܡܥܽܘܢ ܗ̄ܘܰܐ. 41ܗܰܢܳܐ ܚܙܶܐ ܠܶܗ ܒܺܗ̄ܝ ܩܰܕ̱ܡܰܝܬܳܐ ܠܫܶܡܥܽܘܢ ܗ̄ܽܘ ܐܰܚܽܘܢܳܐ، ܘܐܡ݄ܪ ܠܶܗ ܠܶܗ: ”ܚܙܶܐ ܠܰܢ ܡܫܺܝܚܳܐ!“ 42ܘܡܰܝܬܶܐ ܠܶܗ ܓܰܒ ܝܶܫܽܘܥ. ܘܚ݄ܪ ܠܶܗ ܐܶܒܶܗ ܝܶܫܽܘܥ ܘܐܡ݄ܪ ܠܶܗ: ”ܗܰܬ ܗ̄ܰܬ ܫܶܡܥܽܘܢ، ܗ̄ܽܘ ܐܰܒܪܳܐ ܕܝܰܘܢܳܐ، ܗܰܬ ܓ݄ܕܡ݄ܩܪܰܬ ܟܶܐܦܳܐ.“
ܝܶܫܽܘܥ ܟܩܳܪܶܐ ܠܦܺܝܠܺܝܦܳܘܣ ܘ݄ܠܢܰܬ̥ܰܢܰܝܺܐܝܠ
43ܘܠܽܗ̄ܘ ܝܰܘܡܳܐ ܚܪܶܢܳܐ، ܐܰܒ݄ܥ ܝܶܫܽܘܥ ܕܢܳܦ݄ܩ ܠܽܗ̄ܘ ܓܠܺܝܠܳܐ، ܘ݄ܚܙܶܐ ܠܶܗ ܦܺܝܠܺܝܦܳܘܣ ܘܐܡ݄ܪ ܠܶܗ ܠܶܗ: ”ܬܳܟ̥ ܒ݄ܬ̥ܪܺܝ!“ 44ܘܗܺܝّܶܗ ܦܺܝܠܺܝܦܳܘܣ ܡܶܢ̱ ܒܶܝܬ̥ ܨܰܝܳܕ̥ܳܐ ܗ̄ܘܰܐ، ܡܺܗ̄ܝ ܡܕ̥ܺܝܢ̱ܬܳܐ ܕܰܐܢܕܪܶܐܘܳܣ ܘ݄ܕܫܶܡܥܽܘܢ. 45ܘܦܺܝܠܺܝܦܳܘܣ ܚܙܶܐ ܠܶܗ ܠܢܰܬ̥ܰܢܰܝܺܐܝܠ ܘܐܡ݄ܪ ܠܶܗ ܠܶܗ: ”ܗܰܘܳܐ ܕ݄ܟܬ̥ܽܒ̥ ܠܶܗ ܐܰܥܠܶܗ ܡܽܘܫܶܐ ܒܽܗ̄ܘ ܢܳܡܽܘܣܳܐ ܘܒܰܗ̄ܢ ܢܒܺܝ̈ܶܐ، ܚܙܶܐ ܠܰܢ: ܝܶܫܽܘܥ ܝܳܐ ܗ̄ܽܘ ܐܰܒܪܳܐ ܕܝܰܘܣܶܦ، ܡܶܢ̱ ܢܳܨܪܰܬ̥.“ 46ܐܡ݄ܪ ܠܶܗ ܠܶܗ ܢܰܬ̥ܰܢܰܝܺܐܝܠ: ”ܡܶܢ̱ ܢܳܨܪܰܬ̥! ܘܟܺܝܬ ܕܳܗ̄ܘܶܐ ܡܶܕܶܐ ܛܳܒ̥ܳܐ؟“ ܐܡ݄ܪ ܠܶܗ ܠܶܗ ܦܺܝܠܺܝܦܳܘܣ: ”ܬܳܟ̥ ܘܓ݄ܕܚܳܙܰܬ.“ 47ܘܝܶܫܽܘܥ ܚܙܶܐ ܠܶܗ ܢܰܬ̥ܰܢܰܝܺܐܝܠ ܐܰܬ̥ܳܝܳܐ ܠܓܰܒܶܗ، ܘܐܡ݄ܪ ܠܶܗ ܐܰܥܠܶܗ: ”ܟܰܐܠܶܗ ܒ݄ܫܪܳܪܳܐ ܐܺܝܣܰܪܠܳܝܳܐ ܕܠܰܝܒܶܗ ܢܶܟ̥ܠܳܐ.“ 48ܟܳܐܡܰܪ ܠܶܗ ܢܰܬ̥ܰܢܰܝܺܐܝܠ: ”ܡܰܐܝܟܳܐ ܟ݄ܐܕ̥ܥܰܬ ܠܺܝ؟“ ܟܳܐܡܰܪ ܠܶܗ ܝܶܫܽܘܥ: ”ܗܶܫ ܡܶܩ݄ܕ̱ܡ ܕܩܳܪܶܐ ܠܳܟ̥ ܦܺܝܠܺܝܦܳܘܣ، ܗ̄ܺܝ ܢܰܩܠܐ ܕܟ݄ܬ ܗ̄ܘܰܝܬ ܬܰܚܬ ܗ̄ܺܝ ܬܶܐܢܳܐ، ܚܙܶܐ ܠܺܝ ܠܳܟ̥.“ 49ܡܰܕܥܰܪ ܠܶܗ ܢܰܬ̥ܰܢܰܝܺܐܝܠ ܘܐܡ݄ܪ ܠܶܗ ܠܶܗ: ”ܪܰܒܺܝ، ܗܰܬ ܗ̄ܰܬ ܗ̄ܽܘ ܐܰܒܪܳܐ ܕܰܐܠܳܗܳܐ، ܗܰܬ ܗ̄ܰܬ ܗ̄ܽܘ ܡܰܠܟܳܐ ܕܺܐܝܣܪܳܐܶܝܠ.“ 50ܟܳܐܡܰܪ ܠܶܗ ܝܶܫܽܘܥ: ”ܥܰܠ ܕܐܡ݄ܪ ܠܺܝ ܠܳܟ̥: ’ܚܙܶܐ ܠܺܝ ܠܳܟ̥ ܬܰܚܬ ܗ̄ܺܝ ܬܶܐܢܳܐ،‘ ܟ݄ܡܗܰܝܡܢܰܬ، ܕܪܰܒ ܡܰܗ̄ܢܺܝ ܓ݄ܕܚܳܙܰܬ.“ 51ܟܳܐܡܰܪ ܠܶܗ: ”ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܡܳܐܥܕܳܐ ܓ݄ܕܚܳܙܺܝܬܽܘ ܗ̄ܰܫܡܰܝ̈ܶܐ ܦܬܺܝܚ̈ܶܐ ܘܰܡّܰܠܰܐܟ̥̈ܶܐ ܕܰܐܠܳܗܳܐ ܟܣܳܠܩܺܝ ܘܢܳܚܬܺܝ ܓܰܒ ܐܰܒܪܶܗ ܕܢܳܫܳܐ.“
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation