ܣܶܦܪܳܐ ܕ݄ܒܪܺܝܬ̥ܳܐ 23
23
1ܘܗܰܘ݄ܢ ܗ̄ܰܚّܰܝ̈ܶܐ ܕܣܰܪܳܐ ܡܳܐܐ ܘ݄ܫܒ̥ܰܥ ܘܥ݄ܣܪܺܝ ܐ݄ܫܢ̈ܶܐ، ܗ̄ܰܢ ܐ݄ܫܢ̈ܶܐ ܕܗܰܘܝܳܐ ܣܰܪܳܐ ܒܰܚّܰܝ̈ܶܐ. 2ܘܡܰܝܺܝܬ̥ܳܐ ܣܰܪܳܐ ܒܺܗ̄ܝ ܩܪܺܝܬ̥ܳܐ ܕܰܓّܰܒܳܪ̈ܶܐ ܕܟ݄ܬ ܝܳܐ ܚܶܒܪܽܘܢ ܒܺܗ̄ܝ ܐܰܪܥܳܐ ܕ݄ܟܢܰܥܢ. ܘܰܐܬ̥ܺܝ ܐܰܒܪܳܗܳܡ ܕ݄ܡܩܰܘ݄ܠ ܘܒܳܟ̥ܶܐ ܥܰܠ ܣܰܪܳܐ. 3ܘܩܰܝ݄ܡ ܐܰܒܪܳܗܳܡ ܡܶܢ̱ ܩܽܘܕ̱ܡܰܗ ܕܺܗ̄ܝ ܡܺܝܬ̥ܬܰܝܕ̥ܶܗ، ܘ݄ܫܓ̥ܺܝܠ ܥܰܡ ܗ̄ܰܢ ܐܰܒܢ̈ܶܐ ܕܚܺܝܬ̥ ܘܐܡ݄ܪ ܠܰܗ ܠّܶܗ: 4”ܥܳܡܽܘܪܳܐ ܘܢܽܘܟ̥ܪܳܝܳܐ ܐ̱ܢܳܐ ܒܰܝܢܳܬ̥ܰܝܟ̥ܽܘ، ܗܰܒ̥ܽܘ ܠܺܝ ܐܰܪܥܳܐ ܝܳܪܬܽܘܬ̥ܳܐ ܕܩܰܒ̥ܪܳܐ ܐܰܥܡܰܝܟ̥ܽܘ، ܘܓ݄ܕܩܳܒ̥ܰܪ ܐ̱ܢܳܐ ܗ̄ܺܝ ܡܺܝܬ̥ܬܰܝܕ̥ܺܝ ܡܶܢ̱ ܩܽܘܕ̱ܡܺܝ.“ 5ܘܡܰܕܥܰܪّܶܗ ܗ̄ܰܢ ܐܰܒܢ̈ܶܐ ܕܚܺܝܬ̥ ܘܐܡ݄ܪّܶܗ ܠܰܐܒܪܳܗܳܡ: 6”ܫܡܰܥ ܠܰܢ ܝܰܐ ܡܳܪܰܝܕ̥ܰܢ، ܪܰܒܳܐ ܗܰܬ ܕܰܐܠܳܗܳܐ ܒܰܝܢܳܬ̥ܰܢ. ܒܰܩّܰܒ̥ܪ̈ܰܝܕ̥ܰܢ ܗ̄ܰܛّܰܒ̥̈ܶܐ ܩܒ̥ܰܪ ܗ̄ܺܝ ܡܺܝܬ̥ܬܰܝܕ̥ܳܟ̥. ܢܳܫܳܐ ܡܶܢܰܢ ܠ݄ܐ ܓܡܰܟܠܶܐ ܗ̄ܽܘ ܩܰܒ̥ܪܰܝܕ̥ܶܗ ܡܶܢܳܟ̥ ܕܩܰܒ̥ܪܰܬ ܗ̄ܺܝ ܡܺܝܬ̥ܬܰܝܕ̥ܳܟ̥.“ 7ܘܩܰܝ݄ܡ ܐܰܒܪܳܗܳܡ ܘ݄ܣܓ̥݄ܕ ܠܶܗ ܠܽܗ̄ܘ ܥܰܡܳܐ ܕܺܗ̄ܝ ܐܰܪܥܳܐ، ܠܰܗ̄ܢ ܐܰܒܢ̈ܶܐ ܕܚܺܝܬ̥. 8ܘ݄ܫܓ̥ܺܝܠ ܐܰܥܡܰܝّܶܗ ܘܐܡ݄ܪ ܠܰܗ ܠّܶܗ: ”ܐܶܢ ܕܳܐܒܥܺܝ ܡܶܢ̱ ܟܽܘܠܶܗ ܠܶܒܰܝܟ̥ܽܘ ܕܩܳܒ̥ܰܪ ܐ̱ܢܳܐ ܗ̄ܺܝ ܡܺܝܬ̥ܬܰܝܕ̥ܺܝ ܡܶܢ̱ ܩܽܘܕ̱ܡܺܝ، ܫܡܰܥܽܘ ܠܺܝ ܘܺܝܒܰܥܽܘ ܠܺܝ ܡܶܢ̱ ܥܶܦܪܽܘܢ ܗ̄ܽܘ ܐܰܒܪܳܐ ܕܨܳܚܳܪ، 9ܛܪܳܐ ܗ̄ܒܶܐ ܠܺܝ ܗ̄ܺܝ ܡܥܰܪܬ̥ܳܐ ܐܰܥ݄ܦܬܳܐ (ܕܰܬّܰܪܬܶܝ ܡܥܰܪ̈ܶܐ) ܕܺܝܕ̥ܶܗ ܒܽܗ̄ܘ ܓܰܒܳܐ ܕܺܗ̄ܝ ܚܰܩܠܰܝܕ̥ܶܗ. ܒܛܺܝܡܳܐ ܟܰܡܺܝܠܳܐ ܛܪܳܐ ܗ̄ܒܶܐ ܠܺܝ ܝܳܐ ܒܰܝܢܳܬ̥ܰܝܟ̥ܽܘ ܕܽܘܟܬ̥ܳܐ ܝܽܘܪܬ̥ܳܢܳܐ ܕܽܗ̄ܘ ܩܰܒ̥ܪܳܐ.“
10ܘܥܶܦܪܽܘܢ ܝܳܬܽܒ̥ ܗ̄ܘܰܐ ܒܰܝܢ ܗ̄ܰܢ ܐܰܒܢ̈ܶܐ ܕܚܺܝܬ̥. ܘܡܰܕܥܰܪ ܠܶܗ ܥܶܦܪܽܘܢ ܗ̄ܽܘ ܚܺܝܬ̥ܳܝܳܐ ܘܐܡ݄ܪ ܠܶܗ ܠܰܐܒܪܳܗܳܡ ܩ݄ܕ̱ܡ ܗ̄ܰܢ ܐܰܒܢ̈ܶܐ ܕܚܺܝܬ̥ ܘܩ݄ܕ̱ܡ ܕܟܽܘܠّܶܗ ܗ̄ܰܥّܰܒܳܪ̈ܶܐ ܒܽܗ̄ܘ ܬܰܪܥܳܐ ܕܺܗ̄ܝ ܡܕ̥ܺܝܢ̱ܬܰܝܕ̥ܶܗ، ܘܐܡ݄ܪ ܠܶܗ: 11”ܠܳܐ ܝܰܐ ܗ̄ܽܘ ܡܳܪܰܝܕ̥ܺܝ، ܫܡܰܥ ܠܺܝ: ܗ̄ܺܝ ܚܰܩܠܳܐ ܗܽܒ̥ ܠܺܝ ܠܳܟ̥ ܝܳܐ، ܘܺܗ̄ܝ ܡܥܰܪܬ̥ܳܐ ܕܟ݄ܬ ܝܳܐ ܐܶܒܰܗ ܐܶܠܳܟ̥ ܗܺܝܒ̥ܳܐ ܠܺܝ ܩ݄ܕ̱ܡ ܗ̄ܰܢ ܐܰܒܢ̈ܶܐ ܕܽܗ̄ܘ ܥܰܡܰܝܕ̥ܺܝ ܗܽܒ̥ ܠܺܝ ܠܳܟ̥ ܝܳܐ. ܩܒ̥ܰܪ ܗ̄ܺܝ ܡܺܝܬ̥ܬܰܝܕ̥ܳܟ̥.“ 12ܘ݄ܣܓ̥݄ܕ ܠܶܗ ܐܰܒܪܳܗܳܡ ܩ݄ܕ̱ܡ ܗ̄ܽܘ ܥܰܡܳܐ ܕܺܗ̄ܝ ܐܰܪܥܳܐ. 13ܘܐܡ݄ܪ ܠܶܗ ܠܥܶܦܪܽܘܢ ܩ݄ܕ̱ܡ ܗ̄ܽܘ ܥܰܡܳܐ ܕܺܗ̄ܝ ܐܰܪܥܳܐ: ”ܐܶܢ ܕܳܐܒܥܰܬ ܫܡܰܥ ܠܺܝ: ܓܕܳܗ̄ܒܶܐ ܐ̱ܢܳܐ ܠܳܟ̥ ܣܶܐܡܳܐ ܛܺܝܡܳܐ ܕܺܗ̄ܝ ܚܰܩܠܳܐ. ܡܘ̇ܕ ܡܶܢܺܝ. ܘ݄ܓܩܳܒ̥ܰܪ ܐ̱ܢܳܐ ܗ̄ܺܝ ܡܺܝܬ̥ܬܰܝܕ̥ܺܝ ܬܰܡܳܐ.“ 14ܘܡܰܕܥܰܪ ܠܶܗ ܥܶܦܪܽܘܢ ܘܐܡ݄ܪ ܠܶܗ ܠܰܐܒܪܳܗܳܡ: 15”ܡܳܪܝ̱ ܫܡܰܥ ܠܺܝ: ܗ̄ܺܝ ܐܰܪܥܳܐ ܒܰܐܪܒܰܥܡܳܐܐ ܬܶܩ̈ܠܶܐ ܕܣܶܐܡܳܐ. ܒܰܝܢ ܐܶܠܺܝ ܘܶܐܠܳܟ̥ ܡ݄ܢܝܳܐ؟ ܩܒ̥ܰܪ ܗ̄ܺܝ ܡܺܝܬ̥ܬܰܝܕ̥ܳܟ̥.“ 16ܘܫܰܡ݄ܥ ܐܰܒܪܳܗܳܡ ܠܥܶܦܪܽܘܢ. ܘ݄ܬܩܺܝܠ ܠܶܗ ܐܰܒܪܳܗܳܡ ܠܥܶܦܪܽܘܢ ܗ̄ܽܘ ܣܶܐܡܳܐ ܕܐܡ݄ܪ ܠܶܗ ܩ݄ܕ̱ܡ ܗ̄ܰܢ ܐܰܒܢ̈ܶܐ ܕܚܺܝܬ̥، ܐܰܪܒܰܥܡܳܐܐ ܬܶܩ̈ܠܶܐ ܕܣܶܐܡܳܐ ܕܽܗ̄ܘ ܟܰܝܠܳܐ ܕܽܗ̄ܘ ܬܰܓܳܪܳܐ.
17ܘܗܰܘܝܳܐ ܗ̄ܺܝ ܚܰܩܠܳܐ ܕܥܶܦܪܽܘܢ ܕܟ݄ܬ ܝܳܐ ܕܒܰܐܥ݄ܦܬܳܐ ܕܩ݄ܕ̱ܡ ܡܰܡܪܶܐ، ܗ̄ܺܝ ܚܰܩܠܳܐ ܕܺܗ̄ܝ ܡܥܰܪܬ̥ܳܐ ܘܺܗ̄ܝ ܡܥܰܪܬ̥ܳܐ ܕܶܐܒܰܗ، ܘܟܽܘܠّܶܗ ܗ̄ܰܢ ܐܺܝܠܳܢ̈ܶܐ ܕܒܺܗ̄ܝ ܚܰܩܠܳܐ ܒܟܽܘܠܶܗ ܗ̄ܽܘ ܬܚܽܘܡܳܐ ܕܚܶܕ̥ܳܪܰܗ، 18ܠܰܐܒܪܳܗܳܡ ܙܒ̥ܺܝܢܺܝ ܩ݄ܕ̱ܡ ܗ̄ܰܢ ܐܰܒܢ̈ܶܐ ܕܚܺܝܬ̥ ܘܩ݄ܕ̱ܡ ܟܽܘܠّܶܗ ܗ̄ܰܥّܰܒܳܪ̈ܶܐ ܕܽܗ̄ܘ ܬܰܪܥܳܐ ܕܺܗ̄ܝ ܡܕ̥ܺܝܢ̱ܬܰܝܕ̥ܶܗ. 19ܘܒ݄ܬ̥݄ܪ، ܩܒ̥݄ܪ ܠܶܗ ܐܰܒܪܳܗܳܡ ܠܣܰܪܳܐ ܗ̄ܺܝ ܐܰܢ̱ܬ̥ܬܳܐ ܒܺܗ̄ܝ ܡܥܰܪܬ̥ܳܐ ܐܰܥ݄ܦܬܳܐ ܕܟ݄ܬ ܝܳܐ ܒܺܗ̄ܝ ܚܰܩܠܳܐ ܕܩ݄ܕ̱ܡ ܡܰܡܪܶܐ ܕܟ݄ܬ ܝܳܐ ܚܶܒܪܽܘܢ ܒܺܗ̄ܝ ܐܰܪܥܳܐ ܕ݄ܟܢܰܥܢ. 20ܘܗܰܘܝܳܐ ܗ̄ܺܝ ܚܰܩܠܳܐ ܕܺܗ̄ܝ ܡܥܰܪܬ̥ܳܐ ܘܺܗ̄ܝ ܡܥܰܪܬ̥ܳܐ ܕܶܐܒܰܗ ܠܰܐܒܪܳܗܳܡ، ܠܺܗ̄ܝ ܝܽܘܪܬ̥ܳܢܳܐ ܕܽܗ̄ܘ ܩܰܒ̥ܪܳܐ، ܡܶܢ̱ ܓܰܒ ܗ̄ܰܢ ܐܰܒܢ̈ܶܐ ܕܚܺܝܬ̥.
Právě zvoleno:
ܣܶܦܪܳܐ ܕ݄ܒܪܺܝܬ̥ܳܐ 23: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 23
23
1ܘܗܰܘ݄ܢ ܗ̄ܰܚّܰܝ̈ܶܐ ܕܣܰܪܳܐ ܡܳܐܐ ܘ݄ܫܒ̥ܰܥ ܘܥ݄ܣܪܺܝ ܐ݄ܫܢ̈ܶܐ، ܗ̄ܰܢ ܐ݄ܫܢ̈ܶܐ ܕܗܰܘܝܳܐ ܣܰܪܳܐ ܒܰܚّܰܝ̈ܶܐ. 2ܘܡܰܝܺܝܬ̥ܳܐ ܣܰܪܳܐ ܒܺܗ̄ܝ ܩܪܺܝܬ̥ܳܐ ܕܰܓّܰܒܳܪ̈ܶܐ ܕܟ݄ܬ ܝܳܐ ܚܶܒܪܽܘܢ ܒܺܗ̄ܝ ܐܰܪܥܳܐ ܕ݄ܟܢܰܥܢ. ܘܰܐܬ̥ܺܝ ܐܰܒܪܳܗܳܡ ܕ݄ܡܩܰܘ݄ܠ ܘܒܳܟ̥ܶܐ ܥܰܠ ܣܰܪܳܐ. 3ܘܩܰܝ݄ܡ ܐܰܒܪܳܗܳܡ ܡܶܢ̱ ܩܽܘܕ̱ܡܰܗ ܕܺܗ̄ܝ ܡܺܝܬ̥ܬܰܝܕ̥ܶܗ، ܘ݄ܫܓ̥ܺܝܠ ܥܰܡ ܗ̄ܰܢ ܐܰܒܢ̈ܶܐ ܕܚܺܝܬ̥ ܘܐܡ݄ܪ ܠܰܗ ܠّܶܗ: 4”ܥܳܡܽܘܪܳܐ ܘܢܽܘܟ̥ܪܳܝܳܐ ܐ̱ܢܳܐ ܒܰܝܢܳܬ̥ܰܝܟ̥ܽܘ، ܗܰܒ̥ܽܘ ܠܺܝ ܐܰܪܥܳܐ ܝܳܪܬܽܘܬ̥ܳܐ ܕܩܰܒ̥ܪܳܐ ܐܰܥܡܰܝܟ̥ܽܘ، ܘܓ݄ܕܩܳܒ̥ܰܪ ܐ̱ܢܳܐ ܗ̄ܺܝ ܡܺܝܬ̥ܬܰܝܕ̥ܺܝ ܡܶܢ̱ ܩܽܘܕ̱ܡܺܝ.“ 5ܘܡܰܕܥܰܪّܶܗ ܗ̄ܰܢ ܐܰܒܢ̈ܶܐ ܕܚܺܝܬ̥ ܘܐܡ݄ܪّܶܗ ܠܰܐܒܪܳܗܳܡ: 6”ܫܡܰܥ ܠܰܢ ܝܰܐ ܡܳܪܰܝܕ̥ܰܢ، ܪܰܒܳܐ ܗܰܬ ܕܰܐܠܳܗܳܐ ܒܰܝܢܳܬ̥ܰܢ. ܒܰܩّܰܒ̥ܪ̈ܰܝܕ̥ܰܢ ܗ̄ܰܛّܰܒ̥̈ܶܐ ܩܒ̥ܰܪ ܗ̄ܺܝ ܡܺܝܬ̥ܬܰܝܕ̥ܳܟ̥. ܢܳܫܳܐ ܡܶܢܰܢ ܠ݄ܐ ܓܡܰܟܠܶܐ ܗ̄ܽܘ ܩܰܒ̥ܪܰܝܕ̥ܶܗ ܡܶܢܳܟ̥ ܕܩܰܒ̥ܪܰܬ ܗ̄ܺܝ ܡܺܝܬ̥ܬܰܝܕ̥ܳܟ̥.“ 7ܘܩܰܝ݄ܡ ܐܰܒܪܳܗܳܡ ܘ݄ܣܓ̥݄ܕ ܠܶܗ ܠܽܗ̄ܘ ܥܰܡܳܐ ܕܺܗ̄ܝ ܐܰܪܥܳܐ، ܠܰܗ̄ܢ ܐܰܒܢ̈ܶܐ ܕܚܺܝܬ̥. 8ܘ݄ܫܓ̥ܺܝܠ ܐܰܥܡܰܝّܶܗ ܘܐܡ݄ܪ ܠܰܗ ܠّܶܗ: ”ܐܶܢ ܕܳܐܒܥܺܝ ܡܶܢ̱ ܟܽܘܠܶܗ ܠܶܒܰܝܟ̥ܽܘ ܕܩܳܒ̥ܰܪ ܐ̱ܢܳܐ ܗ̄ܺܝ ܡܺܝܬ̥ܬܰܝܕ̥ܺܝ ܡܶܢ̱ ܩܽܘܕ̱ܡܺܝ، ܫܡܰܥܽܘ ܠܺܝ ܘܺܝܒܰܥܽܘ ܠܺܝ ܡܶܢ̱ ܥܶܦܪܽܘܢ ܗ̄ܽܘ ܐܰܒܪܳܐ ܕܨܳܚܳܪ، 9ܛܪܳܐ ܗ̄ܒܶܐ ܠܺܝ ܗ̄ܺܝ ܡܥܰܪܬ̥ܳܐ ܐܰܥ݄ܦܬܳܐ (ܕܰܬّܰܪܬܶܝ ܡܥܰܪ̈ܶܐ) ܕܺܝܕ̥ܶܗ ܒܽܗ̄ܘ ܓܰܒܳܐ ܕܺܗ̄ܝ ܚܰܩܠܰܝܕ̥ܶܗ. ܒܛܺܝܡܳܐ ܟܰܡܺܝܠܳܐ ܛܪܳܐ ܗ̄ܒܶܐ ܠܺܝ ܝܳܐ ܒܰܝܢܳܬ̥ܰܝܟ̥ܽܘ ܕܽܘܟܬ̥ܳܐ ܝܽܘܪܬ̥ܳܢܳܐ ܕܽܗ̄ܘ ܩܰܒ̥ܪܳܐ.“
10ܘܥܶܦܪܽܘܢ ܝܳܬܽܒ̥ ܗ̄ܘܰܐ ܒܰܝܢ ܗ̄ܰܢ ܐܰܒܢ̈ܶܐ ܕܚܺܝܬ̥. ܘܡܰܕܥܰܪ ܠܶܗ ܥܶܦܪܽܘܢ ܗ̄ܽܘ ܚܺܝܬ̥ܳܝܳܐ ܘܐܡ݄ܪ ܠܶܗ ܠܰܐܒܪܳܗܳܡ ܩ݄ܕ̱ܡ ܗ̄ܰܢ ܐܰܒܢ̈ܶܐ ܕܚܺܝܬ̥ ܘܩ݄ܕ̱ܡ ܕܟܽܘܠّܶܗ ܗ̄ܰܥّܰܒܳܪ̈ܶܐ ܒܽܗ̄ܘ ܬܰܪܥܳܐ ܕܺܗ̄ܝ ܡܕ̥ܺܝܢ̱ܬܰܝܕ̥ܶܗ، ܘܐܡ݄ܪ ܠܶܗ: 11”ܠܳܐ ܝܰܐ ܗ̄ܽܘ ܡܳܪܰܝܕ̥ܺܝ، ܫܡܰܥ ܠܺܝ: ܗ̄ܺܝ ܚܰܩܠܳܐ ܗܽܒ̥ ܠܺܝ ܠܳܟ̥ ܝܳܐ، ܘܺܗ̄ܝ ܡܥܰܪܬ̥ܳܐ ܕܟ݄ܬ ܝܳܐ ܐܶܒܰܗ ܐܶܠܳܟ̥ ܗܺܝܒ̥ܳܐ ܠܺܝ ܩ݄ܕ̱ܡ ܗ̄ܰܢ ܐܰܒܢ̈ܶܐ ܕܽܗ̄ܘ ܥܰܡܰܝܕ̥ܺܝ ܗܽܒ̥ ܠܺܝ ܠܳܟ̥ ܝܳܐ. ܩܒ̥ܰܪ ܗ̄ܺܝ ܡܺܝܬ̥ܬܰܝܕ̥ܳܟ̥.“ 12ܘ݄ܣܓ̥݄ܕ ܠܶܗ ܐܰܒܪܳܗܳܡ ܩ݄ܕ̱ܡ ܗ̄ܽܘ ܥܰܡܳܐ ܕܺܗ̄ܝ ܐܰܪܥܳܐ. 13ܘܐܡ݄ܪ ܠܶܗ ܠܥܶܦܪܽܘܢ ܩ݄ܕ̱ܡ ܗ̄ܽܘ ܥܰܡܳܐ ܕܺܗ̄ܝ ܐܰܪܥܳܐ: ”ܐܶܢ ܕܳܐܒܥܰܬ ܫܡܰܥ ܠܺܝ: ܓܕܳܗ̄ܒܶܐ ܐ̱ܢܳܐ ܠܳܟ̥ ܣܶܐܡܳܐ ܛܺܝܡܳܐ ܕܺܗ̄ܝ ܚܰܩܠܳܐ. ܡܘ̇ܕ ܡܶܢܺܝ. ܘ݄ܓܩܳܒ̥ܰܪ ܐ̱ܢܳܐ ܗ̄ܺܝ ܡܺܝܬ̥ܬܰܝܕ̥ܺܝ ܬܰܡܳܐ.“ 14ܘܡܰܕܥܰܪ ܠܶܗ ܥܶܦܪܽܘܢ ܘܐܡ݄ܪ ܠܶܗ ܠܰܐܒܪܳܗܳܡ: 15”ܡܳܪܝ̱ ܫܡܰܥ ܠܺܝ: ܗ̄ܺܝ ܐܰܪܥܳܐ ܒܰܐܪܒܰܥܡܳܐܐ ܬܶܩ̈ܠܶܐ ܕܣܶܐܡܳܐ. ܒܰܝܢ ܐܶܠܺܝ ܘܶܐܠܳܟ̥ ܡ݄ܢܝܳܐ؟ ܩܒ̥ܰܪ ܗ̄ܺܝ ܡܺܝܬ̥ܬܰܝܕ̥ܳܟ̥.“ 16ܘܫܰܡ݄ܥ ܐܰܒܪܳܗܳܡ ܠܥܶܦܪܽܘܢ. ܘ݄ܬܩܺܝܠ ܠܶܗ ܐܰܒܪܳܗܳܡ ܠܥܶܦܪܽܘܢ ܗ̄ܽܘ ܣܶܐܡܳܐ ܕܐܡ݄ܪ ܠܶܗ ܩ݄ܕ̱ܡ ܗ̄ܰܢ ܐܰܒܢ̈ܶܐ ܕܚܺܝܬ̥، ܐܰܪܒܰܥܡܳܐܐ ܬܶܩ̈ܠܶܐ ܕܣܶܐܡܳܐ ܕܽܗ̄ܘ ܟܰܝܠܳܐ ܕܽܗ̄ܘ ܬܰܓܳܪܳܐ.
17ܘܗܰܘܝܳܐ ܗ̄ܺܝ ܚܰܩܠܳܐ ܕܥܶܦܪܽܘܢ ܕܟ݄ܬ ܝܳܐ ܕܒܰܐܥ݄ܦܬܳܐ ܕܩ݄ܕ̱ܡ ܡܰܡܪܶܐ، ܗ̄ܺܝ ܚܰܩܠܳܐ ܕܺܗ̄ܝ ܡܥܰܪܬ̥ܳܐ ܘܺܗ̄ܝ ܡܥܰܪܬ̥ܳܐ ܕܶܐܒܰܗ، ܘܟܽܘܠّܶܗ ܗ̄ܰܢ ܐܺܝܠܳܢ̈ܶܐ ܕܒܺܗ̄ܝ ܚܰܩܠܳܐ ܒܟܽܘܠܶܗ ܗ̄ܽܘ ܬܚܽܘܡܳܐ ܕܚܶܕ̥ܳܪܰܗ، 18ܠܰܐܒܪܳܗܳܡ ܙܒ̥ܺܝܢܺܝ ܩ݄ܕ̱ܡ ܗ̄ܰܢ ܐܰܒܢ̈ܶܐ ܕܚܺܝܬ̥ ܘܩ݄ܕ̱ܡ ܟܽܘܠّܶܗ ܗ̄ܰܥّܰܒܳܪ̈ܶܐ ܕܽܗ̄ܘ ܬܰܪܥܳܐ ܕܺܗ̄ܝ ܡܕ̥ܺܝܢ̱ܬܰܝܕ̥ܶܗ. 19ܘܒ݄ܬ̥݄ܪ، ܩܒ̥݄ܪ ܠܶܗ ܐܰܒܪܳܗܳܡ ܠܣܰܪܳܐ ܗ̄ܺܝ ܐܰܢ̱ܬ̥ܬܳܐ ܒܺܗ̄ܝ ܡܥܰܪܬ̥ܳܐ ܐܰܥ݄ܦܬܳܐ ܕܟ݄ܬ ܝܳܐ ܒܺܗ̄ܝ ܚܰܩܠܳܐ ܕܩ݄ܕ̱ܡ ܡܰܡܪܶܐ ܕܟ݄ܬ ܝܳܐ ܚܶܒܪܽܘܢ ܒܺܗ̄ܝ ܐܰܪܥܳܐ ܕ݄ܟܢܰܥܢ. 20ܘܗܰܘܝܳܐ ܗ̄ܺܝ ܚܰܩܠܳܐ ܕܺܗ̄ܝ ܡܥܰܪܬ̥ܳܐ ܘܺܗ̄ܝ ܡܥܰܪܬ̥ܳܐ ܕܶܐܒܰܗ ܠܰܐܒܪܳܗܳܡ، ܠܺܗ̄ܝ ܝܽܘܪܬ̥ܳܢܳܐ ܕܽܗ̄ܘ ܩܰܒ̥ܪܳܐ، ܡܶܢ̱ ܓܰܒ ܗ̄ܰܢ ܐܰܒܢ̈ܶܐ ܕܚܺܝܬ̥.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation