ܣܶܦܪܳܐ ܕܡܰܦܩܳܢܳܐ 9
9
1ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܙܳܟ̥ ܓܰܒ ܦܶܪܥܽܘܢ ܘܐܡܰܪ ܠܶܗ: ܗܰܘܟ̥ܰܐ ܟܳܐܡ݄ܪ ܡܳܪܝܳܐ ܐܰܠܳܗܳܐ ܕܰܥّܶܒܪ̈ܳܝܶܐ: ܡܫܰܕ݄ܪ ܠܽܗ̄ܘ ܥܰܡܰܝܕ̥ܺܝ ܕܥܳܒܰܕ ܠܺܝ. 2ܘ݄ܕܠ݄ܐ ܐܒܥܰܬ ܕ݄ܡܫܰܕܪܰܬ، ܘܗ݄ܠ ܐܳܥܕܳܐ ܟܳܙܳܒܛܰܬّܶܗ، 3ܟܰܐܠܰܗ ܐܺܝܕ̥ܶܗ ܕܡܳܪܝܳܐ ܓܕܽܗ̄ܘܝܳܐ ܥܰܠ ܗ̄ܰܩّܶܢܝܳܢ̈ܰܝܕ̥ܳܟ̥ ܕܒܽܗ̄ܘ ܡܰܕ̥݄ܒܪܳܐ. ܘܟܶܐܒ̥ܳܐ ܓ̥ܰܠܰܒܶܐ ܝܰܩܽܘܪܳܐ ܓܕܳܗ̄ܘܶܐ ܒܰܣّܘ̇ܣ̈ܝܶܐ ܘܒܰܚܡܳܪ̈ܶܐ ܘܒܰܓّܰܡ̈ܠܶܐ ܘܒܰܬّܰܘܪ̈ܶܐ ܘܒܰܥܘܳܢ̈ܶܐ. 4ܘܓ݄ܕܦܳܪ݄ܫ ܡܳܪܝܳܐ ܒܰܝܢ ܗ̄ܰܚّܰܝ̈ܘܳܬ̥ܳܐ ܕܺܐܝܣܪܳܐܶܝܠ ܘܒܰܝܢ ܗ̄ܰܚّܰܝ̈ܘܳܬ̥ܳܐ ܕܰܡّܶܨܪ̈ܳܝܶܐ. ܘܚܰܕ̱ ܡܰܢ̱ ܚّܰܝ̈ܘܳܬ̥ܳܐ ܕܒܶܝܬ̥ ܐܺܝܣܪܳܐܶܝܠ ܠ݄ܐ ܓܡܳܝ݄ܬ̥.“ 5ܘܡܳܪܝܳܐ ܗܽܒ̥ ܠܶܗ ܙܰܒܢܳܐ ܗ݄ܠ ܪܰܡܚ݄ܠ ܠܰܫܰܢ ܕܣܳܝ݄ܡ ܗ̄ܽܘ ܡܰܐܡܪܰܢܳܐ ܒܺܗ̄ܝ ܐܰܪܥܳܐ. 6ܘܣ݄ܡ ܠܶܗ ܡܳܪܝܳܐ ܗ̄ܽܘ ܡܰܐܡܪܰܢܳܐ ܒܽܗ̄ܘ ܝܰܘܡܳܐ ܕܒ݄ܬ̥ܪܶܗ. ܘܡܰܝܺܝܬ̥ܺܝ ܟܽܘܠّܶܗ ܗ̄ܰܚّܰܝ̈ܘܳܬ̥ܳܐ ܕܰܡّܶܨܪ̈ܳܝܶܐ، ܐܶܠܳܐ ܘܠܳܐ ܚܰܕ̱ ܡܰܝ݄ܬ̥ ܡܰܢ̱ ܚّܰܝ̈ܘܳܬ̥ܳܐ ܕܒܶܝܬ̥ ܐܺܝܣܪܳܐܶܝܠ. 7ܘ݄ܡܫܰܕܰܪ ܠܶܗ ܦܶܪܥܽܘܢ ܘ݄ܚܙܶܐ ܠܶܗ ܕܠܳܐ ܡܰܝ݄ܬ̥ ܡܰܢ̱ ܚّܰܝ̈ܘܳܬ̥ܳܐ ܕܒܶܝܬ̥ ܐܺܝܣܪܳܐܶܝܠ ܘܠܳܐ ܚܰܕ̱. ܘܩܰܫܺܝ ܠܶܒܶܗ ܕܦܶܪܥܽܘܢ، ܘܠܳܐ ܡܫܰܕܰܪ ܠܶܗ ܠܽܗ̄ܘ ܥܰܡܳܐ.
8ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ ܘܠܰܐܗܪܽܘܢ: ”ܡܽܘܕܽܘ ܒܺܐܝܕ̥̈ܶܐ ܡܰܠܝ̈ܶܐ ܩܰܛܡܳܐ ܕܽܗ̄ܘ ܐܰܬܽܘܢܳܐ، ܘ݄ܛܪܳܐ ܡܽܘܫܶܐ ܡܕܰܪܶܐ ܠܶܗ ܠܰܐܦ ܗ̄ܺܝ ܫܡܰܝܳܐ ܩ݄ܕ̱ܡ ܥܰܝܢ̈ܶܗ ܕܦܶܪܥܽܘܢ. 9ܘ݄ܓܕܳܗ̄ܘܶܐ ܥܰܦܪܳܐ ܢܰܥܺܝܡܳܐ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ. ܘ݄ܓܕܳܐܬ̥ܶܐ ܥܰܠ ܗ̄ܰܢ ܢܳܫ̈ܶܐ ܘܥܰܠ ܗ̄ܰܚّܰܝ̈ܘܳܬ̥ܳܐ ܟܶܐܒ̥ܳܐ ܕܓܰܠܕܳܐ، ܕܙܰܝ݄ܕ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ.“ 10ܘܡ݄ܕّܶܗ ܗ̄ܽܘ ܩܰܛܡܳܐ ܕܽܗ̄ܘ ܐܰܬܽܘܢܳܐ ܘܩܰܝܺܝܡܺܝ ܩ݄ܕ̱ܡ ܦܶܪܥܽܘܢ. ܘ݄ܡܕܰܪܶܐ ܠܶܗ ܡܽܘܫܶܐ ܠܰܐܦ ܗ̄ܺܝ ܫܡܰܝܳܐ ܩ݄ܕ̱ܡ ܥܰܝܢ̈ܶܗ ܕܦܶܪܥܽܘܢ. ܘܗܰܘܺܝ ܟܶܐܒ̥ܳܐ ܕܓܰܠܕܳܐ، ܘܦܰܝ݄ܪ ܒܰܗ̄ܢ ܢܳܫ̈ܶܐ ܘܒܰܚّܰܝ̈ܘܳܬ̥ܳܐ. 11ܘܠܳܐ ܡܰܛܝܳܐ ܒܺܐܝܕ̥ܶܗ ܕܰܚّܰܪ̈ܳܫܶܐ ܕܩܰܝܡܺܝ ܩ݄ܕ̱ܡ ܡܽܘܫܶܐ، ܡܺܐܝܕ̥ܶܗ ܕܽܗ̄ܘ ܟܶܐܒ̥ܳܐ ܙܰܝ݄ܕ ܒܰܚّܰܪ̈ܳܫܶܐ ܘ݄ܒܟܽܘܠܰܗ ܡܶܨܪܶܝܢ. 12ܘܡܰܩܫܶܐ ܠܶܗ ܡܳܪܝܳܐ ܠܶܒܶܗ ܕܦܶܪܥܽܘܢ، ܘܠܳܐ ܫܰܡ݄ܥّܶܗ ܐܟ̥ ܕܐܡ݄ܪ ܠܶܗ ܡܳܪܝܳܐ ܠܡܽܘܫܶܐ. 13ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܩܘ̇ܡ ܩܶܕܰܡܬܳܐ ܒܨܰܦܪܳܐ، ܘܩܘ̇ܡ ܩ݄ܕ̱ܡ ܦܶܪܥܽܘܢ، ܘܐܡܰܪ ܠܶܗ: ܗܰܘܟ̥ܰܐ ܟܳܐܡ݄ܪ ܡܳܪܝܳܐ ܐܰܠܳܗܳܐ ܕܰܥّܶܒܪ̈ܳܝܶܐ: ܡܫܰܕ݄ܪ ܠܽܗ̄ܘ ܥܰܡܰܝܕ̥ܺܝ ܕܥܳܒܰܕ ܠܺܝ. 14ܡܺܐܝܕ̥ܶܗ ܕܒܽܗ̄ܘ ܙܰܒܢܰܢܳܐ ܓ݄ܡܫܰܕܰܪ ܐ̱ܢܳܐ ܗ̄ܺܝ ܡܚܰܝܬܰܝܕ̥ܺܝ ܥܰܠ ܠܶܒܳܟ̥، ܘܥܰܠ ܗ̄ܰܓܪ̈ܶܝܥܰܝܕ̥ܳܟ̥ ܘܥܰܠ ܗ̄ܽܘ ܥܰܡܰܝܕ̥ܳܟ̥ ܠܰܫܰܢ ܕ݄ܐܕ̥ܥܰܬ ܕܠܰܝܬ ܐܟ̥ܳܬ̥ܺܝ ܒܟܽܘܠܰܗ ܗ̄ܺܝ ܐܰܪܥܳܐ. 15ܡܺܐܝܕ̥ܶܗ ܕ݄ܐܥܕܳܐ ܓܡܰܘܫܰܛ ܐ̱ܢܳܐ ܐܺܝܕ̥ܺܝ، ܘ݄ܓܡܳܚܶܢܳܟ̥ ܘܠܽܗ̄ܘ ܥܰܡܰܝܕ̥ܳܟ̥ ܒܟܶܐܒ̥ܳܐ ܕܽܗ̄ܘ ܡܰܘܬܳܐ، ܘ݄ܓܡܺܝܣܰܟܪܰܬ ܡܺܗ̄ܝ ܐܰܪܥܳܐ. 16ܐܶܠܳܐ ܠܰܫܰܢ ܗܰܬ̥ܶܐ ܡܰܩ݄ܡ ܠܺܝ ܠܳܟ̥، ܠܰܫܰܢ ܕܡܰܚܘܶܢܳܟ̥ ܗ̄ܽܘ ܚܰܝܠܰܝܕ̥ܺܝ، ܘܠܰܫܰܢ ܕܡ݄ܟܪ݄ܙ ܐ݄ܫܡܺܝ ܒܟܽܘܠܰܗ ܗ̄ܺܝ ܐܰܪܥܳܐ. 17ܘܗ݄ܠ ܐܳܥܕܳܐ ܟܳܙܳܒܛܰܬ ܗ̄ܽܘ ܥܰܡܳܐ، ܘܠ݄ܐ ܟ݄ܐܒܥܰܬ ܕ݄ܡܫܰܕܪܰܬ ܠܶܗ. 18ܪܰܡܚ݄ܠ، ܐܟ̥ ܕ݄ܐܥܕܳܐ، ܓܡܰܝܬܶܐ ܐ̱ܢܳܐ ܒܰܪܕܳܐ ܚܺܝܨܳܐ ܓ̥ܰܠܰܒܶܐ ܕܠܰܐ ܗ̄ܘܺܝ ܐܟ̥ܳܬ̥ܶܗ ܒܡܶܨܪܶܝܢ ܡܽܗ̄ܘ ܝܰܘܡܳܐ ܕܒܰܢܝܳܐ ܘܗ݄ܠ ܐܳܥܕܳܐ. 19ܘܳܐܥܕܳܐ ܡܫܰܕ݄ܪ ܡܰܠܬ݄ܡ ܗ̄ܰܚّܰܝ̈ܘܳܬ̥ܰܝܕ̥ܳܟ̥ ܘܟܘ̇ܠ ܡܶܕܶܐ ܕܟ݄ܬ ܠܳܟ̥ ܒܽܗ̄ܘ ܡܰܕ̥݄ܒܪܳܐ. ܟܘ̇ܠ ܢܳܫܳܐ ܐܰܘ ܚܰܝܽܘܬ̥ܳܐ ܕܦܳܝ݄ܫ ܠܰܪܒ̥ܰܠ ܒܽܗ̄ܘ ܡܰܕ̥݄ܒܪܳܐ ܘܠܳܐ ܠܳܬ݄ܡ ܥܳܒ݄ܪ ܠܽܗ̄ܘ ܒܰܝܬܳܐ، ܓܢܳܚ݄ܬ ܐܰܥܠܰܝّܶܗ ܒܰܪܕܳܐ، ܘ݄ܓܡܰܝܬ̥ܺܝ.“ 20ܐܰܝܢܰܐ ܕܙܰܝ݄ܥ ܡܽܗ̄ܘ ܡܰܐܡܪܳܐ ܕܡܳܪܝܳܐ، ܡܰܢ̱ ܓܪ̈ܶܝܥܶܐ ܕܦܶܪܥܽܘܢ، ܡܰܠܬܰܡ ܠܶܗ ܗ̄ܰܓܪ̈ܶܝܥܰܝܕ̥ܶܗ ܘܰܚّܰܝ̈ܘܳܬ̥ܰܝܕ̥ܶܗ ܘܥܰܒܺܝܪܺܝ ܒܽܗ̄ܘ ܒܰܝܬܳܐ. 21ܘܽܗ̄ܘ ܚܰܕ̱ ܕܠܳܐ ܡܰܝܬܶܐ ܠܶܗ ܗ̄ܽܘ ܡܰܐܡܪܳܐ ܕܡܳܪܝܳܐ ܥܰܠ ܒܳܠܶܗ، ܛܪܶܐ ܠܶܗ ܗ̄ܰܓܪ̈ܶܝܥܰܝܕ̥ܶܗ ܘܰܚّܰܝ̈ܘܳܬ̥ܰܝܕ̥ܶܗ ܒܺܗ̄ܝ ܚܰܩܠܳܐ. 22ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܡܰܥܠܰܝ ܐܺܝܕ̥ܳܟ̥ ܠܰܐܦ ܗ̄ܺܝ ܫܡܰܝܳܐ، ܘ݄ܓܕܳܗ̄ܘܶܐ ܒܰܪܕܳܐ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ، ܥܰܠ ܗ̄ܰܢ ܢܳܫ̈ܶܐ ܘܥܰܠ ܗ̄ܰܚّܰܝ̈ܘܳܬ̥ܳܐ ܘܥܰܠ ܗ̄ܽܘ ܓܶܠܳܐ ܕܽܗ̄ܘ ܡܰܕ̥݄ܒܪܳܐ ܕܒܺܗ̄ܝ ܐܰܪܥܳܐ ܕܡܶܨܪܶܝܢ.“ 23ܘܡܰܥܠܶܐ ܠܶܗ ܡܽܘܫܶܐ ܗ̄ܺܝ ܚܰܛܪܰܝܕ̥ܶܗ ܠܰܐܦ ܗ̄ܺܝ ܫܡܰܝܳܐ، ܘܡܳܪܝܳܐ ܗܽܒ̥ ܠܶܗ ܩ̈ܳܠܶܐ ܘܒܰܪܕܳܐ، ܘ݄ܡܗܰܠܟ̥ܳܐ ܗ̄ܘܰܐ ܢܽܘܪܳܐ ܥܰܠ ܗ̄ܺܝ ܐܰܪܥܳܐ. ܘܡܰܢܚܰܬ ܠܶܗ ܡܳܪܝܳܐ ܒܰܪܕܳܐ ܥܰܠ ܗ̄ܺܝ ܐܰܪܥܳܐ ܕܡܶܨܪܶܝܢ. 24ܘܢܳܚܰܬ ܗ̄ܘܰܐ ܒܰܪܕܳܐ، ܘܺܗ̄ܝ ܢܽܘܪܳܐ ܡܺܝܫܰܠܗܒܳܐ ܗ̄ܘܰܐ ܒܰܝܢ ܗ̄ܽܘ ܒܰܪܕܳܐ. ܘܓ̥ܰܠܰܒܶܐ ܚܺܝܨܳܐ ܗ̄ܘܰܐ ܕܠܰܐ ܗ̄ܘܺܝ ܐܟ̥ܳܬ̥ܰܗ ܒܺܗ̄ܝ ܐܰܪܥܳܐ ܕܡܶܨܪܶܝܢ، ܡܽܗ̄ܘ ܝܰܘܡܳܐ ܕܗܰܘܝܳܐ ܠܥܰܡܳܐ. 25ܘ݄ܡܚܶܐ ܠܶܗ ܗ̄ܽܘ ܒܰܪܕܳܐ ܠܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ، ܠܟܘ̇ܠ ܕܟܺܝܬ ܠܰܪܒ̥ܰܠ ܒܽܗ̄ܘ ܡܰܕ̥݄ܒܪܳܐ، ܡܰܗ̄ܢ ܢܳܫ̈ܶܐ ܗ݄ܠ ܠܰܚّܰܝ̈ܘܳܬ̥ܳܐ، ܘܡܰܚܪܰܒ̥ ܠܶܗ ܗ̄ܽܘ ܒܰܪܕܳܐ ܟܽܘܠܶܗ ܗ̄ܽܘ ܓܶܠܳܐ ܕܺܗ̄ܝ ܚܰܩܠܳܐ، ܘܟܽܘܠّܶܗ ܗ̄ܰܢ ܐܺܝܠܳܢ̈ܶܐ ܕܺܗ̄ܝ ܚܰܩܠܳܐ ܬܒ̥ܺܝܪܺܝ ܠܶܗ. 26ܒܺܗ̄ܝ ܐܰܪܥܳܐ ܕܓܶܫܳܢ ܒܶܠܚܽܘܕ̥ܰܗ، ܕܝܳܬܒ̥ܺܝ ܗ̄ܘܰܘ̱ ܐܶܒܰܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ، ܠܳܐ ܢܰܚ݄ܬ ܒܰܪܕܳܐ.
27ܘ݄ܡܫܰܕܰܪ ܠܶܗ ܦܶܪܥܽܘܢ ܘ݄ܩܪܶܐ ܠܶܗ ܠܡܽܘܫܶܐ ܘܠܰܐܗܪܽܘܢ ܘܐܡ݄ܪ ܠܰܗ ܠّܶܗ: ”ܚܰܛܺܝ ܐ̱ܢܳܐ ܗܰܢ ܢܰܩܠܐ، ܡܳܪܝܳܐ ܙܰܕܺܝܩܳܐ ܝܳܐ، ܘܳܐܢܳܐ ܘܽܗ̄ܘ ܥܰܡܰܝܕ̥ܺܝ ܚܰܛܳܝ̈ܶܐ ܢܰܐ. 28ܡܨܰܠܶܝܽܘ ܩ݄ܕ̱ܡ ܡܳܪܝܳܐ، ܘܟ݄ܬ ܠܶܗ ܙܰܒܢܳܐ ܓ̥ܰܠܰܒܶܐ ܩܽܘܕ̱ܡܶܗ ܕܠܳܐ ܗܳܘ݄ܢ ܗ̄ܰܩّܳܠ̈ܶܐ ܕܰܐܠܳܗܳܐ ܘܽܗ̄ܘ ܒܰܪܕܳܐ. ܘܓ݄ܡܫܰܕܰܪܢܳܢܟ̥ܽܘ، ܘܠ݄ܐ ܓܝܳܪ݄ܟ̥ ܗ̄ܽܘ ܦܝܳܫܰܬ̥ܟ̥ܽܘ.“ 29ܘܐܡ݄ܪ ܠܶܗ ܡܽܘܫܶܐ ܠܦܶܪܥܽܘܢ: ”ܡ݄ܐ ܕܢܰܦ݄ܩ ܐ̱ܢܳܐ ܡܺܗ̄ܝ ܡܕ̥ܺܝܢ̱ܬܳܐ، ܓܡܰܘܫܰܛ ܐ̱ܢܳܐ ܐܺܝܕ̥̈ܳܬ̥ܺܝ ܠܡܳܪܝܳܐ، ܗ̄ܰܩّܳܠ̈ܶܐ ܓܕ݄ܐܙّ݄ܢ، ܘܽܗ̄ܘ ܒܰܪܕܳܐ ܟܟܳܠܶܐ ܘܠ݄ܐ ܓܢܳܚ݄ܬ، ܠܰܫܰܢ ܕ݄ܐܕ̥ܥܰܬ ܕܺܗ̄ܝ ܐܰܪܥܳܐ ܠܡܳܪܝܳܐ ܝܳܐ. 30ܘܟܳܐܕ̥ܰܥ ܐ̱ܢܳܐ ܕܗܰܬ ܘܰܓܪ̈ܶܝܥܰܝܕ̥ܳܟ̥ ܗ݄ܠ ܐܳܥܕܳܐ ܠܳܐ ܙܰܝܺܝܥܺܝܬܽܘ ܡܶܢ̱ ܡܳܪܝܳܐ ܐܰܠܳܗܳܐ.“ 31ܘܽܗ̄ܘ ܟܶܬܳܢܳܐ ܘܰܣܥܳܪ̈ܶܐ ܡܚ݄ܢ، ܥܰܠ ܕܰܣܥܳܪ̈ܶܐ ܝܰܪܺܝܒ̥ܺܝ ܘܽܗ̄ܘ ܟܶܬܳܢܳܐ ܩܰܛ݄ܪ. 32ܐܶܠܳܐ ܗ̄ܰܚّܶܛ̈ܶܐ ܘܰܟّܽܘܢ̈ܳܬ̥ܳܐ ܠܳܐ ܡܚ݄ܢ، ܥܰܠ ܕܟ݄ܬ ܗ̄ܘܰܝܢܶܝ ܡܥܰܘܩ̈ܶܐ (ܡܺܐܝܕ̥ܶܗ ܕܽܗ̄ܘ ܓܶܠܰܬّ̥ܶܗ ܗܶܫ ܢܰܥܺܝܡܳܐ ܗ̄ܘܰܐ).
33ܘܢܰܦ݄ܩ ܡܽܘܫܶܐ ܡܺܗ̄ܝ ܡܕ̥ܺܝܢ̱ܬܳܐ ܡܶܢ̱ ܓܰܒ ܦܶܪܥܽܘܢ، ܘܡܰܘܫܰܛ ܠܶܗ ܐܺܝܕ̥̈ܳܬ̥ܶܗ ܠܺܗ̄ܝ ܫܡܰܝܳܐ ܠܰܐܦ ܡܳܪܝܳܐ، ܘܰܐܙّ݄ܢ ܗ̄ܰܩّܳܠ̈ܶܐ ܘܽܗ̄ܘ ܒܰܪܕܳܐ. ܘܽܗ̄ܘ ܡܰܛܪܳܐ ܠܳܐ ܢܰܚ݄ܬ ܠܺܗ̄ܝ ܐܰܪܥܳܐ. 34ܘ݄ܚܙܶܐ ܠܶܗ ܦܶܪܥܽܘܢ ܕܰܐܙّܶܗ ܗ̄ܽܘ ܡܰܛܪܳܐ ܘܽܗ̄ܘ ܒܰܪܕܳܐ ܘܰܩّܳܠ̈ܶܐ، ܘܕܰܥ݄ܪ ܕܚܳܛܶܐ. ܘܩܰܫܺܝ ܠܶܒܶܗ ܕܦܶܪܥܽܘܢ ܘܕܰܓܪ̈ܶܝܥܰܝܕ̥ܶܗ. 35ܘܣܰܡܺܝ ܠܶܒܶܗ ܕܦܶܪܥܽܘܢ، ܘܠܳܐ ܡܫܰܕܰܪ ܠܶܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܐܟ̥ ܕܽܗ̄ܘ ܦܽܘܩܕܳܢܳܐ ܕܡܳܪܝܳܐ ܒܺܐܝܕ̥ܶܗ ܕܡܽܘܫܶܐ.
Právě zvoleno:
ܣܶܦܪܳܐ ܕܡܰܦܩܳܢܳܐ 9: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 9
9
1ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܙܳܟ̥ ܓܰܒ ܦܶܪܥܽܘܢ ܘܐܡܰܪ ܠܶܗ: ܗܰܘܟ̥ܰܐ ܟܳܐܡ݄ܪ ܡܳܪܝܳܐ ܐܰܠܳܗܳܐ ܕܰܥّܶܒܪ̈ܳܝܶܐ: ܡܫܰܕ݄ܪ ܠܽܗ̄ܘ ܥܰܡܰܝܕ̥ܺܝ ܕܥܳܒܰܕ ܠܺܝ. 2ܘ݄ܕܠ݄ܐ ܐܒܥܰܬ ܕ݄ܡܫܰܕܪܰܬ، ܘܗ݄ܠ ܐܳܥܕܳܐ ܟܳܙܳܒܛܰܬّܶܗ، 3ܟܰܐܠܰܗ ܐܺܝܕ̥ܶܗ ܕܡܳܪܝܳܐ ܓܕܽܗ̄ܘܝܳܐ ܥܰܠ ܗ̄ܰܩّܶܢܝܳܢ̈ܰܝܕ̥ܳܟ̥ ܕܒܽܗ̄ܘ ܡܰܕ̥݄ܒܪܳܐ. ܘܟܶܐܒ̥ܳܐ ܓ̥ܰܠܰܒܶܐ ܝܰܩܽܘܪܳܐ ܓܕܳܗ̄ܘܶܐ ܒܰܣّܘ̇ܣ̈ܝܶܐ ܘܒܰܚܡܳܪ̈ܶܐ ܘܒܰܓّܰܡ̈ܠܶܐ ܘܒܰܬّܰܘܪ̈ܶܐ ܘܒܰܥܘܳܢ̈ܶܐ. 4ܘܓ݄ܕܦܳܪ݄ܫ ܡܳܪܝܳܐ ܒܰܝܢ ܗ̄ܰܚّܰܝ̈ܘܳܬ̥ܳܐ ܕܺܐܝܣܪܳܐܶܝܠ ܘܒܰܝܢ ܗ̄ܰܚّܰܝ̈ܘܳܬ̥ܳܐ ܕܰܡّܶܨܪ̈ܳܝܶܐ. ܘܚܰܕ̱ ܡܰܢ̱ ܚّܰܝ̈ܘܳܬ̥ܳܐ ܕܒܶܝܬ̥ ܐܺܝܣܪܳܐܶܝܠ ܠ݄ܐ ܓܡܳܝ݄ܬ̥.“ 5ܘܡܳܪܝܳܐ ܗܽܒ̥ ܠܶܗ ܙܰܒܢܳܐ ܗ݄ܠ ܪܰܡܚ݄ܠ ܠܰܫܰܢ ܕܣܳܝ݄ܡ ܗ̄ܽܘ ܡܰܐܡܪܰܢܳܐ ܒܺܗ̄ܝ ܐܰܪܥܳܐ. 6ܘܣ݄ܡ ܠܶܗ ܡܳܪܝܳܐ ܗ̄ܽܘ ܡܰܐܡܪܰܢܳܐ ܒܽܗ̄ܘ ܝܰܘܡܳܐ ܕܒ݄ܬ̥ܪܶܗ. ܘܡܰܝܺܝܬ̥ܺܝ ܟܽܘܠّܶܗ ܗ̄ܰܚّܰܝ̈ܘܳܬ̥ܳܐ ܕܰܡّܶܨܪ̈ܳܝܶܐ، ܐܶܠܳܐ ܘܠܳܐ ܚܰܕ̱ ܡܰܝ݄ܬ̥ ܡܰܢ̱ ܚّܰܝ̈ܘܳܬ̥ܳܐ ܕܒܶܝܬ̥ ܐܺܝܣܪܳܐܶܝܠ. 7ܘ݄ܡܫܰܕܰܪ ܠܶܗ ܦܶܪܥܽܘܢ ܘ݄ܚܙܶܐ ܠܶܗ ܕܠܳܐ ܡܰܝ݄ܬ̥ ܡܰܢ̱ ܚّܰܝ̈ܘܳܬ̥ܳܐ ܕܒܶܝܬ̥ ܐܺܝܣܪܳܐܶܝܠ ܘܠܳܐ ܚܰܕ̱. ܘܩܰܫܺܝ ܠܶܒܶܗ ܕܦܶܪܥܽܘܢ، ܘܠܳܐ ܡܫܰܕܰܪ ܠܶܗ ܠܽܗ̄ܘ ܥܰܡܳܐ.
8ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ ܘܠܰܐܗܪܽܘܢ: ”ܡܽܘܕܽܘ ܒܺܐܝܕ̥̈ܶܐ ܡܰܠܝ̈ܶܐ ܩܰܛܡܳܐ ܕܽܗ̄ܘ ܐܰܬܽܘܢܳܐ، ܘ݄ܛܪܳܐ ܡܽܘܫܶܐ ܡܕܰܪܶܐ ܠܶܗ ܠܰܐܦ ܗ̄ܺܝ ܫܡܰܝܳܐ ܩ݄ܕ̱ܡ ܥܰܝܢ̈ܶܗ ܕܦܶܪܥܽܘܢ. 9ܘ݄ܓܕܳܗ̄ܘܶܐ ܥܰܦܪܳܐ ܢܰܥܺܝܡܳܐ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ. ܘ݄ܓܕܳܐܬ̥ܶܐ ܥܰܠ ܗ̄ܰܢ ܢܳܫ̈ܶܐ ܘܥܰܠ ܗ̄ܰܚّܰܝ̈ܘܳܬ̥ܳܐ ܟܶܐܒ̥ܳܐ ܕܓܰܠܕܳܐ، ܕܙܰܝ݄ܕ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ.“ 10ܘܡ݄ܕّܶܗ ܗ̄ܽܘ ܩܰܛܡܳܐ ܕܽܗ̄ܘ ܐܰܬܽܘܢܳܐ ܘܩܰܝܺܝܡܺܝ ܩ݄ܕ̱ܡ ܦܶܪܥܽܘܢ. ܘ݄ܡܕܰܪܶܐ ܠܶܗ ܡܽܘܫܶܐ ܠܰܐܦ ܗ̄ܺܝ ܫܡܰܝܳܐ ܩ݄ܕ̱ܡ ܥܰܝܢ̈ܶܗ ܕܦܶܪܥܽܘܢ. ܘܗܰܘܺܝ ܟܶܐܒ̥ܳܐ ܕܓܰܠܕܳܐ، ܘܦܰܝ݄ܪ ܒܰܗ̄ܢ ܢܳܫ̈ܶܐ ܘܒܰܚّܰܝ̈ܘܳܬ̥ܳܐ. 11ܘܠܳܐ ܡܰܛܝܳܐ ܒܺܐܝܕ̥ܶܗ ܕܰܚّܰܪ̈ܳܫܶܐ ܕܩܰܝܡܺܝ ܩ݄ܕ̱ܡ ܡܽܘܫܶܐ، ܡܺܐܝܕ̥ܶܗ ܕܽܗ̄ܘ ܟܶܐܒ̥ܳܐ ܙܰܝ݄ܕ ܒܰܚّܰܪ̈ܳܫܶܐ ܘ݄ܒܟܽܘܠܰܗ ܡܶܨܪܶܝܢ. 12ܘܡܰܩܫܶܐ ܠܶܗ ܡܳܪܝܳܐ ܠܶܒܶܗ ܕܦܶܪܥܽܘܢ، ܘܠܳܐ ܫܰܡ݄ܥّܶܗ ܐܟ̥ ܕܐܡ݄ܪ ܠܶܗ ܡܳܪܝܳܐ ܠܡܽܘܫܶܐ. 13ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܩܘ̇ܡ ܩܶܕܰܡܬܳܐ ܒܨܰܦܪܳܐ، ܘܩܘ̇ܡ ܩ݄ܕ̱ܡ ܦܶܪܥܽܘܢ، ܘܐܡܰܪ ܠܶܗ: ܗܰܘܟ̥ܰܐ ܟܳܐܡ݄ܪ ܡܳܪܝܳܐ ܐܰܠܳܗܳܐ ܕܰܥّܶܒܪ̈ܳܝܶܐ: ܡܫܰܕ݄ܪ ܠܽܗ̄ܘ ܥܰܡܰܝܕ̥ܺܝ ܕܥܳܒܰܕ ܠܺܝ. 14ܡܺܐܝܕ̥ܶܗ ܕܒܽܗ̄ܘ ܙܰܒܢܰܢܳܐ ܓ݄ܡܫܰܕܰܪ ܐ̱ܢܳܐ ܗ̄ܺܝ ܡܚܰܝܬܰܝܕ̥ܺܝ ܥܰܠ ܠܶܒܳܟ̥، ܘܥܰܠ ܗ̄ܰܓܪ̈ܶܝܥܰܝܕ̥ܳܟ̥ ܘܥܰܠ ܗ̄ܽܘ ܥܰܡܰܝܕ̥ܳܟ̥ ܠܰܫܰܢ ܕ݄ܐܕ̥ܥܰܬ ܕܠܰܝܬ ܐܟ̥ܳܬ̥ܺܝ ܒܟܽܘܠܰܗ ܗ̄ܺܝ ܐܰܪܥܳܐ. 15ܡܺܐܝܕ̥ܶܗ ܕ݄ܐܥܕܳܐ ܓܡܰܘܫܰܛ ܐ̱ܢܳܐ ܐܺܝܕ̥ܺܝ، ܘ݄ܓܡܳܚܶܢܳܟ̥ ܘܠܽܗ̄ܘ ܥܰܡܰܝܕ̥ܳܟ̥ ܒܟܶܐܒ̥ܳܐ ܕܽܗ̄ܘ ܡܰܘܬܳܐ، ܘ݄ܓܡܺܝܣܰܟܪܰܬ ܡܺܗ̄ܝ ܐܰܪܥܳܐ. 16ܐܶܠܳܐ ܠܰܫܰܢ ܗܰܬ̥ܶܐ ܡܰܩ݄ܡ ܠܺܝ ܠܳܟ̥، ܠܰܫܰܢ ܕܡܰܚܘܶܢܳܟ̥ ܗ̄ܽܘ ܚܰܝܠܰܝܕ̥ܺܝ، ܘܠܰܫܰܢ ܕܡ݄ܟܪ݄ܙ ܐ݄ܫܡܺܝ ܒܟܽܘܠܰܗ ܗ̄ܺܝ ܐܰܪܥܳܐ. 17ܘܗ݄ܠ ܐܳܥܕܳܐ ܟܳܙܳܒܛܰܬ ܗ̄ܽܘ ܥܰܡܳܐ، ܘܠ݄ܐ ܟ݄ܐܒܥܰܬ ܕ݄ܡܫܰܕܪܰܬ ܠܶܗ. 18ܪܰܡܚ݄ܠ، ܐܟ̥ ܕ݄ܐܥܕܳܐ، ܓܡܰܝܬܶܐ ܐ̱ܢܳܐ ܒܰܪܕܳܐ ܚܺܝܨܳܐ ܓ̥ܰܠܰܒܶܐ ܕܠܰܐ ܗ̄ܘܺܝ ܐܟ̥ܳܬ̥ܶܗ ܒܡܶܨܪܶܝܢ ܡܽܗ̄ܘ ܝܰܘܡܳܐ ܕܒܰܢܝܳܐ ܘܗ݄ܠ ܐܳܥܕܳܐ. 19ܘܳܐܥܕܳܐ ܡܫܰܕ݄ܪ ܡܰܠܬ݄ܡ ܗ̄ܰܚّܰܝ̈ܘܳܬ̥ܰܝܕ̥ܳܟ̥ ܘܟܘ̇ܠ ܡܶܕܶܐ ܕܟ݄ܬ ܠܳܟ̥ ܒܽܗ̄ܘ ܡܰܕ̥݄ܒܪܳܐ. ܟܘ̇ܠ ܢܳܫܳܐ ܐܰܘ ܚܰܝܽܘܬ̥ܳܐ ܕܦܳܝ݄ܫ ܠܰܪܒ̥ܰܠ ܒܽܗ̄ܘ ܡܰܕ̥݄ܒܪܳܐ ܘܠܳܐ ܠܳܬ݄ܡ ܥܳܒ݄ܪ ܠܽܗ̄ܘ ܒܰܝܬܳܐ، ܓܢܳܚ݄ܬ ܐܰܥܠܰܝّܶܗ ܒܰܪܕܳܐ، ܘ݄ܓܡܰܝܬ̥ܺܝ.“ 20ܐܰܝܢܰܐ ܕܙܰܝ݄ܥ ܡܽܗ̄ܘ ܡܰܐܡܪܳܐ ܕܡܳܪܝܳܐ، ܡܰܢ̱ ܓܪ̈ܶܝܥܶܐ ܕܦܶܪܥܽܘܢ، ܡܰܠܬܰܡ ܠܶܗ ܗ̄ܰܓܪ̈ܶܝܥܰܝܕ̥ܶܗ ܘܰܚّܰܝ̈ܘܳܬ̥ܰܝܕ̥ܶܗ ܘܥܰܒܺܝܪܺܝ ܒܽܗ̄ܘ ܒܰܝܬܳܐ. 21ܘܽܗ̄ܘ ܚܰܕ̱ ܕܠܳܐ ܡܰܝܬܶܐ ܠܶܗ ܗ̄ܽܘ ܡܰܐܡܪܳܐ ܕܡܳܪܝܳܐ ܥܰܠ ܒܳܠܶܗ، ܛܪܶܐ ܠܶܗ ܗ̄ܰܓܪ̈ܶܝܥܰܝܕ̥ܶܗ ܘܰܚّܰܝ̈ܘܳܬ̥ܰܝܕ̥ܶܗ ܒܺܗ̄ܝ ܚܰܩܠܳܐ. 22ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܡܰܥܠܰܝ ܐܺܝܕ̥ܳܟ̥ ܠܰܐܦ ܗ̄ܺܝ ܫܡܰܝܳܐ، ܘ݄ܓܕܳܗ̄ܘܶܐ ܒܰܪܕܳܐ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ، ܥܰܠ ܗ̄ܰܢ ܢܳܫ̈ܶܐ ܘܥܰܠ ܗ̄ܰܚّܰܝ̈ܘܳܬ̥ܳܐ ܘܥܰܠ ܗ̄ܽܘ ܓܶܠܳܐ ܕܽܗ̄ܘ ܡܰܕ̥݄ܒܪܳܐ ܕܒܺܗ̄ܝ ܐܰܪܥܳܐ ܕܡܶܨܪܶܝܢ.“ 23ܘܡܰܥܠܶܐ ܠܶܗ ܡܽܘܫܶܐ ܗ̄ܺܝ ܚܰܛܪܰܝܕ̥ܶܗ ܠܰܐܦ ܗ̄ܺܝ ܫܡܰܝܳܐ، ܘܡܳܪܝܳܐ ܗܽܒ̥ ܠܶܗ ܩ̈ܳܠܶܐ ܘܒܰܪܕܳܐ، ܘ݄ܡܗܰܠܟ̥ܳܐ ܗ̄ܘܰܐ ܢܽܘܪܳܐ ܥܰܠ ܗ̄ܺܝ ܐܰܪܥܳܐ. ܘܡܰܢܚܰܬ ܠܶܗ ܡܳܪܝܳܐ ܒܰܪܕܳܐ ܥܰܠ ܗ̄ܺܝ ܐܰܪܥܳܐ ܕܡܶܨܪܶܝܢ. 24ܘܢܳܚܰܬ ܗ̄ܘܰܐ ܒܰܪܕܳܐ، ܘܺܗ̄ܝ ܢܽܘܪܳܐ ܡܺܝܫܰܠܗܒܳܐ ܗ̄ܘܰܐ ܒܰܝܢ ܗ̄ܽܘ ܒܰܪܕܳܐ. ܘܓ̥ܰܠܰܒܶܐ ܚܺܝܨܳܐ ܗ̄ܘܰܐ ܕܠܰܐ ܗ̄ܘܺܝ ܐܟ̥ܳܬ̥ܰܗ ܒܺܗ̄ܝ ܐܰܪܥܳܐ ܕܡܶܨܪܶܝܢ، ܡܽܗ̄ܘ ܝܰܘܡܳܐ ܕܗܰܘܝܳܐ ܠܥܰܡܳܐ. 25ܘ݄ܡܚܶܐ ܠܶܗ ܗ̄ܽܘ ܒܰܪܕܳܐ ܠܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ، ܠܟܘ̇ܠ ܕܟܺܝܬ ܠܰܪܒ̥ܰܠ ܒܽܗ̄ܘ ܡܰܕ̥݄ܒܪܳܐ، ܡܰܗ̄ܢ ܢܳܫ̈ܶܐ ܗ݄ܠ ܠܰܚّܰܝ̈ܘܳܬ̥ܳܐ، ܘܡܰܚܪܰܒ̥ ܠܶܗ ܗ̄ܽܘ ܒܰܪܕܳܐ ܟܽܘܠܶܗ ܗ̄ܽܘ ܓܶܠܳܐ ܕܺܗ̄ܝ ܚܰܩܠܳܐ، ܘܟܽܘܠّܶܗ ܗ̄ܰܢ ܐܺܝܠܳܢ̈ܶܐ ܕܺܗ̄ܝ ܚܰܩܠܳܐ ܬܒ̥ܺܝܪܺܝ ܠܶܗ. 26ܒܺܗ̄ܝ ܐܰܪܥܳܐ ܕܓܶܫܳܢ ܒܶܠܚܽܘܕ̥ܰܗ، ܕܝܳܬܒ̥ܺܝ ܗ̄ܘܰܘ̱ ܐܶܒܰܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ، ܠܳܐ ܢܰܚ݄ܬ ܒܰܪܕܳܐ.
27ܘ݄ܡܫܰܕܰܪ ܠܶܗ ܦܶܪܥܽܘܢ ܘ݄ܩܪܶܐ ܠܶܗ ܠܡܽܘܫܶܐ ܘܠܰܐܗܪܽܘܢ ܘܐܡ݄ܪ ܠܰܗ ܠّܶܗ: ”ܚܰܛܺܝ ܐ̱ܢܳܐ ܗܰܢ ܢܰܩܠܐ، ܡܳܪܝܳܐ ܙܰܕܺܝܩܳܐ ܝܳܐ، ܘܳܐܢܳܐ ܘܽܗ̄ܘ ܥܰܡܰܝܕ̥ܺܝ ܚܰܛܳܝ̈ܶܐ ܢܰܐ. 28ܡܨܰܠܶܝܽܘ ܩ݄ܕ̱ܡ ܡܳܪܝܳܐ، ܘܟ݄ܬ ܠܶܗ ܙܰܒܢܳܐ ܓ̥ܰܠܰܒܶܐ ܩܽܘܕ̱ܡܶܗ ܕܠܳܐ ܗܳܘ݄ܢ ܗ̄ܰܩّܳܠ̈ܶܐ ܕܰܐܠܳܗܳܐ ܘܽܗ̄ܘ ܒܰܪܕܳܐ. ܘܓ݄ܡܫܰܕܰܪܢܳܢܟ̥ܽܘ، ܘܠ݄ܐ ܓܝܳܪ݄ܟ̥ ܗ̄ܽܘ ܦܝܳܫܰܬ̥ܟ̥ܽܘ.“ 29ܘܐܡ݄ܪ ܠܶܗ ܡܽܘܫܶܐ ܠܦܶܪܥܽܘܢ: ”ܡ݄ܐ ܕܢܰܦ݄ܩ ܐ̱ܢܳܐ ܡܺܗ̄ܝ ܡܕ̥ܺܝܢ̱ܬܳܐ، ܓܡܰܘܫܰܛ ܐ̱ܢܳܐ ܐܺܝܕ̥̈ܳܬ̥ܺܝ ܠܡܳܪܝܳܐ، ܗ̄ܰܩّܳܠ̈ܶܐ ܓܕ݄ܐܙّ݄ܢ، ܘܽܗ̄ܘ ܒܰܪܕܳܐ ܟܟܳܠܶܐ ܘܠ݄ܐ ܓܢܳܚ݄ܬ، ܠܰܫܰܢ ܕ݄ܐܕ̥ܥܰܬ ܕܺܗ̄ܝ ܐܰܪܥܳܐ ܠܡܳܪܝܳܐ ܝܳܐ. 30ܘܟܳܐܕ̥ܰܥ ܐ̱ܢܳܐ ܕܗܰܬ ܘܰܓܪ̈ܶܝܥܰܝܕ̥ܳܟ̥ ܗ݄ܠ ܐܳܥܕܳܐ ܠܳܐ ܙܰܝܺܝܥܺܝܬܽܘ ܡܶܢ̱ ܡܳܪܝܳܐ ܐܰܠܳܗܳܐ.“ 31ܘܽܗ̄ܘ ܟܶܬܳܢܳܐ ܘܰܣܥܳܪ̈ܶܐ ܡܚ݄ܢ، ܥܰܠ ܕܰܣܥܳܪ̈ܶܐ ܝܰܪܺܝܒ̥ܺܝ ܘܽܗ̄ܘ ܟܶܬܳܢܳܐ ܩܰܛ݄ܪ. 32ܐܶܠܳܐ ܗ̄ܰܚّܶܛ̈ܶܐ ܘܰܟّܽܘܢ̈ܳܬ̥ܳܐ ܠܳܐ ܡܚ݄ܢ، ܥܰܠ ܕܟ݄ܬ ܗ̄ܘܰܝܢܶܝ ܡܥܰܘܩ̈ܶܐ (ܡܺܐܝܕ̥ܶܗ ܕܽܗ̄ܘ ܓܶܠܰܬّ̥ܶܗ ܗܶܫ ܢܰܥܺܝܡܳܐ ܗ̄ܘܰܐ).
33ܘܢܰܦ݄ܩ ܡܽܘܫܶܐ ܡܺܗ̄ܝ ܡܕ̥ܺܝܢ̱ܬܳܐ ܡܶܢ̱ ܓܰܒ ܦܶܪܥܽܘܢ، ܘܡܰܘܫܰܛ ܠܶܗ ܐܺܝܕ̥̈ܳܬ̥ܶܗ ܠܺܗ̄ܝ ܫܡܰܝܳܐ ܠܰܐܦ ܡܳܪܝܳܐ، ܘܰܐܙّ݄ܢ ܗ̄ܰܩّܳܠ̈ܶܐ ܘܽܗ̄ܘ ܒܰܪܕܳܐ. ܘܽܗ̄ܘ ܡܰܛܪܳܐ ܠܳܐ ܢܰܚ݄ܬ ܠܺܗ̄ܝ ܐܰܪܥܳܐ. 34ܘ݄ܚܙܶܐ ܠܶܗ ܦܶܪܥܽܘܢ ܕܰܐܙّܶܗ ܗ̄ܽܘ ܡܰܛܪܳܐ ܘܽܗ̄ܘ ܒܰܪܕܳܐ ܘܰܩّܳܠ̈ܶܐ، ܘܕܰܥ݄ܪ ܕܚܳܛܶܐ. ܘܩܰܫܺܝ ܠܶܒܶܗ ܕܦܶܪܥܽܘܢ ܘܕܰܓܪ̈ܶܝܥܰܝܕ̥ܶܗ. 35ܘܣܰܡܺܝ ܠܶܒܶܗ ܕܦܶܪܥܽܘܢ، ܘܠܳܐ ܡܫܰܕܰܪ ܠܶܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܐܟ̥ ܕܽܗ̄ܘ ܦܽܘܩܕܳܢܳܐ ܕܡܳܪܝܳܐ ܒܺܐܝܕ̥ܶܗ ܕܡܽܘܫܶܐ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation