ܣܶܦܪܳܐ ܕܡܰܦܩܳܢܳܐ 30
30
1”ܘܣܘ̇ܡ ܡܰܕ̥݄ܒܚܳܐ ܕܡܰܥܛ݄ܪ ܥܶܛܪܳܐ (ܪܶܝܚܳܐ ܒܰܣܺܝܡܳܐ) ܡܽܗ̄ܘ ܩܰܝܣܳܐ ܕܶܐܫܟܳܪܥܳܐ ܓ݄ܕܣܰܝܡܰܬ ܠܶܗ. 2ܕܪܳܥܳܐ ܗ̄ܽܘ ܝܽܘܪܟ̥ܰܝܕ̥ܶܗ ܘ݄ܕܪܳܥܳܐ ܗ̄ܽܘ ܦܶܬ̥ܘܰܝܕ̥ܶܗ، ܡܪܰܒܥܳܐ ܛܪܳܐ ܗܳܘܶܐ، ܘ݄ܬܪܶܝ ܕܪ̈ܳܥܶܐ ܗ̄ܽܘ ܥ݄ܠܝܰܝܕ̥ܶܗ، ܡܶܢܶܗ ܛܪܳܐ ܗ̄ܘ݄ܢ ܗ̄ܰܩّ݄ܪ̈ܢܰܘܳܬ̥ܰܝܕ̥ܶܗ. 3ܘܡܰܠܒ̥ܶܫܶܗ ܕܰܗܒ̥ܳܐ ܫܰܦܝܳܐ: ܗ̄ܺܝ ܐܓܳܪܰܝܕ̥ܶܗ ܘܰܫّܽܘܪ̈ܳܢܰܝܕ̥ܶܗ ܠܚܶܕ̥ܳܪܶܗ ܘܰܩّ݄ܪ̈ܢܰܘܳܬ̥ܰܝܕ̥ܶܗ. ܘܣܘ̇ܡ ܠܶܗ ܟܠܺܝܠܳܐ ܕܕܰܗܒ̥ܳܐ ܚܶܕ̥ܳܪܶܗ. 4ܘܬܰܪܬܶܝ ܚܰܠܰܩ̈ܝܳܬ̥ܳܐ ܕܕܰܗܒ̥ܳܐ ܓܣܰܝܡܰܬ ܠܶܗ ܠܰܠܬܰܚ ܡܽܗ̄ܘ ܟܠܺܝܠܰܝܕ̥ܶܗ ܥܰܠ ܗ̄ܰܬّܰܪܬܶܝ ܩ݄ܪ̈ܢܰܘܳܬ̥ܳܐ، ܥܰܠ ܗ̄ܰܬܪܶܝ ܓܰܒ̈ܰܝܕ̥ܶܗ ܓܣܰܝܡܰܬ، ܘܕܳܗ̄ܘ݄ܢ ܕܽܘܟܬ̥ܳܐ ܠܰܪّܰܘ̈ܛܶܐ ܕܡ݄ܛܥܳܢܺܝ ܐܰܒّܶܗ. 5ܘܣܘ̇ܡ ܪ̈ܰܘܛܶܐ ܡܽܗ̄ܘ ܩܰܝܣܳܐ ܕܶܐܫܟܳܪܥܳܐ، ܘܡܰܠܒ̥ܶܫ݄ܢ ܕܰܗܒ̥ܳܐ. 6ܘܡܰܚܶܬܶܗ ܩ݄ܕ̱ܡ ܗ̄ܽܘ ܦܪܳܣܳܐ ܕܥܰܠ ܗ̄ܺܝ ܩܺܝܒܽܘܬ̥ܳܐ ܕܺܗ̄ܝ ܣܳܗܕܽܘܬ̥ܳܐ ܩ݄ܕ̱ܡ ܗ̄ܽܘ ܚܽܘܣܳܝܳܐ ܕܥܰܠ ܗ̄ܺܝ ܣܳܗܕܽܘܬ̥ܳܐ. ܘܓ݄ܕܚܳܙܶܢܳܟ̥ ܬܰܡܳܐ 7ܘ݄ܛܪܳܐ ܐܰܗܪܽܘܢ ܡܰܥܛ݄ܪ ܐܰܥܠܶܗ ܗ̄ܽܘ ܥܶܛܪܳܐ ܕܰܒّܰܣܡ̈ܶܐ ܡܶܢ̱ ܨܰܦܪܳܐ ܠܨܰܦܪܳܐ. ܘܺܗ̄ܝ ܢܰܩܠܐ ܕ݄ܡܛܰܝ݄ܒ ܗ̄ܰܫܪ̈ܳܓ̥ܶܐ ܛܪܳܐ ܡܥܰܛܰܪّܶܗ. 8ܘܺܗ̄ܝ ܢܰܩܠܐ ܕܡܰܕܠ݄ܩ ܐܰܗܪܽܘܢ ܗ̄ܰܫܪ̈ܳܓ̥ܶܐ ܒܒܶܝܬ̥ ܫܶܡ̈ܫܶܐ ܛܪܳܐ ܡܰܥܛܰܪ ܠܶܗ ܟܘ̇ܠ ܢܰܩܠܐ ܩ݄ܕ̱ܡ ܡܳܪܝܳܐ ܠܰܕّܳܪ̈ܰܬ̥ܟ̥ܽܘ. 9ܠܳܐ ܡܰܣ݄ܠܩܺܝܬܽܘ ܐܰܥܠܶܗ ܥܶܛܪܳܐ ܢܽܘܟ̥ܪܳܝܳܐ. ܘ݄ܥܠܳܬ̥ܳܐ ܘܩܽܘܪܒܳܢܳܐ ܘܬܶܪܺܝܣܳܐ (ܕܚܰܡܪܳܐ) ܠܳܐ ܡܰܪܺܝܣܺܝܬܽܘ ܐܰܥܠܶܗ. 10ܘ݄ܡܚܰܣܶܐ ܐܰܗܪܽܘܢ ܥܰܠ ܗ̄ܰܩّܰܪ̈ܢܳܬ̥ܳܐ ܕܽܗ̄ܘ ܡܰܕ̥݄ܒܚܳܐ ܢܰܩܠܐ ܚܕ̥ܳܐ ܒܺܗ̄ܝ ܫܰܢ̱ܬܳܐ ܡܽܗ̄ܘ ܐܰܕܡܳܐ ܕܺܗ̄ܝ ܚܛܺܝܬ̥ܳܐ (ܕܽܗ̄ܘ ܕܶܒܚܳܐ) ܕܽܗ̄ܘ ܚܽܘܣܳܝܳܐ. ܢܰܩܠܐ ܚܕ̥ܳܐ ܒܺܗ̄ܝ ܫܰܢ̱ܬܳܐ ܓ݄ܡܚܰܣܶܐ ܐܰܥܠܶܗ ܠܰܕّܳܪ̈ܰܬ̥ܟ̥ܽܘ. ܩܕܽܘܫ ܩܽܘܕ̈ܫܺܝܢ ܝܳܐ ܠܡܳܪܝܳܐ.“
11ܘܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܘܐܡ݄ܪ ܠܶܗ ܠܶܗ: 12”ܗ̄ܺܝ ܢܰܩܠܐ ܕܒܳܢܰܬ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܟܘ̇ܠ ܚܰܕ̱ ܛܪܳܐ ܗ̄ܒܶܐ ܩܽܘܪܒܳܢܳܐ ܥܰܠ ܗ̄ܺܝ ܢܰܦܫܰܝܕ̥ܶܗ ܗ̄ܺܝ ܢܰܩܠܐ ܕܒܳܢܰܬّܶܗ، ܕܠܳܐ ܗܳܘܶܐ ܡܰܘܬܳܐ ܐܰܒّܶܗ ܗ̄ܺܝ ܢܰܩܠܐ ܕܒܳܢܰܬّܶܗ. 13ܗܰܘܟ̥ܰܐ ܛܪܳܐ ܗ̄ܳܒܶܐ ܟܘ̇ܠ ܚܰܕ̱ ܕܡ݄ܒܢܶܐ: ܦܰܠܓܶܗ ܕܟܰܝܠܳܐ ܕܰܟّܰܝ̈ܠܶܐ ܕܽܗ̄ܘ ܩܽܘܕܫܳܐ، ܥ݄ܣܪܺܝ ܙܽܘܙ̈ܶܐ ܗ̄ܽܘ ܟܰܝܠܳܐ. ܦܰܠܓܶܗ ܕܽܗ̄ܘ ܟܰܝܠܳܐ ܡ݄ܦܪ݄ܫ ܠܡܳܪܝܳܐ. 14ܟܘ̇ܠ ܚܰܕ̱ ܕܥܳܒ݄ܪ ܒܽܗ̄ܘ ܡܶܢܝܳܢܳܐ ܡܶܢ̱ ܐܰܒܪܶܗ ܕܥ݄ܣܪܺܝ ܐ݄ܫܢ̈ܶܐ ܘܠܰܠܥ݄ܠ ܕܳܗ̄ܒܶܐ ܦܽܘܪܫܳܢܳܐ ܠܡܳܪܝܳܐ. 15ܗ̄ܽܘ ܥܰܬܺܝܪܳܐ ܠܳܐ ܡܰܙ݄ܕ، ܘܽܗ̄ܘ ܡ݄ܣܟܶܢܳܐ ܠܳܐ ܡܰܢܩ݄ܨ ܡܶܢ̱ ܦܰܠܓܶܗ ܕܽܗ̄ܘ ܟܰܝܠܳܐ ܕܳܗ̄ܒܶܐ ܠܶܗ ܦܽܘܪܫܳܢܳܐ ܠܡܳܪܝܳܐ ܕ݄ܡܚܰܣ݄ܢ ܥܰܠ ܗ̄ܰܢ ܢܰܦܫ̈ܳܬ̥ܰܬ̥ܟ̥ܽܘ. 16ܘܡܰܝܕܰܬ ܗ̄ܰܙّܽܘ̈ܙܶܐ ܕܽܗ̄ܘ ܚܽܘܣܳܝܳܐ ܡܰܢ̱ ܐܰܒܢ̈ܶܐ ܕܺܐܝܣܪܳܐܶܝܠ ܘܳܗ̄ܒܰܬ ܠܽܗ̄ܘ ܦܽܘܠܚܳܢܳܐ ܕܽܗ̄ܘ ܡܰܫܟܰܢܙܰܒܢܳܐ. ܘܕܳܗ̄ܘܝܳܐ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܕܽܘܟ̥ܪܳܢܳܐ ܩ݄ܕ̱ܡ ܡܳܪܝܳܐ ܕ݄ܡܚܰܣ݄ܢ ܥܰܠ ܗ̄ܰܢ ܢܰܦ̈ܫܳܬܰܬّ̥ܶܗ.“
17ܘܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܘܐܡ݄ܪ ܠܶܗ ܠܶܗ: 18”ܣܘ̇ܡ ܠܰܩܢܳܐ ܡܽܗ̄ܘ ܢܚܳܫܳܐ ܗ̄ܺܝ ܐܰܪܥܰܝܕ̥ܶܗ ܡܽܗ̄ܘ ܢܚܳܫܳܐ ܠܽܗ̄ܘ ܬܶܫܺܝܓ̥ܳܐ، ܘܡܰܚܶܬܶܗ ܒܰܝܢܶܗ ܠܽܗ̄ܘ ܡܰܫܟܰܢܙܰܒܢܳܐ ܘܠܽܗ̄ܘ ܡܰܕ̥݄ܒܚܳܐ، ܘܡܰܚ݄ܬ ܬܰܡܳܐ ܡܰܝ̈ܶܐ. 19ܘܰܐܗܪܽܘܢ ܘܰܗ̄ܢ ܐܰܒܢ̈ܰܝܕ̥ܶܗ ܡܰܫܺܝܓ̥ܺܝ ܡܶܢܶܗ ܐܺܝܕ̥̈ܳܬ̥ܰܝّܶܗ ܘܪ̈ܰܓ̥ܠܳܬ̥ܰܝّܶܗ. 20ܘܺܗ̄ܝ ܢܰܩܠܐ ܕܥܳܒܪܺܝ ܠܽܗ̄ܘ ܡܰܫܟܰܢܙܰܒܢܳܐ ܛܪܳܐ ܡܰܫܺܝܓ̥ܺܝ ܒܡܰܝ̈ܶܐ ܕܠܳܐ ܡܰܝܬ̥ܺܝ، ܘܺܗ̄ܝ ܢܰܩܠܐ ܕ݄ܡܩܰܪܒ̥ܺܝ ܠܽܗ̄ܘ ܡܰܕ̥݄ܒܚܳܐ ܕ݄ܡܫܰܡܫܺܝ ܘܡܰܥܛܪܺܝ ܩܽܘܪܒܳܢܳܐ ܠܡܳܪܝܳܐ. 21ܛܪܳܐ ܡܰܫܺܝܓ̥ܺܝ ܐܺܝܕ̥̈ܰܝّܶܗ ܘܪ̈ܰܓ̥ܠܳܬ̥ܰܝّܶܗ ܕܠܳܐ ܡܰܝܬ̥ܺܝ. ܘܗܳܘܝܳܐ ܐܰܠّܶܗ ܩܝܳܡܳܐ ܠܥܳܠܰܡ، ܐܶܠܶܗ ܘܠܽܗ̄ܘ ܙܰܪܥܰܝܕ̥ܶܗ ܠܰܕّܳܪ̈ܰܬّ̥ܶܗ.“
22ܘܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܘܐܡ݄ܪ ܠܶܗ ܠܶܗ: 23”ܗܰܬ ܡܘ̇ܕ ܠܳܟ̥ ܒܰܣܡܳܐ ܛܳܒ̥ܳܐ: ܡܽܘܪܳܐ ܫܰܦܝܳܐ ܚܰܡّ݄ܫܡܳܐܐ، ܘܩܽܘܢܽܘܡܽܘܢ ܒܰܣܡܳܐ، ܦܰܠܓܶܗ، ܡܰܐܬ̥ܶܝ ܘܚܰܡܫܺܝ، ܘܩܰܢܝܳܐ ܕܒܰܣܡܳܐ، ܡܰܐܬ̥ܶܝ ܘܚܰܡܫܺܝ. 24ܘܩܰܣܝܳܐ ܚܰܡّ݄ܫܡܳܐܐ ܒܽܗ̄ܘ ܟܰܝܠܳܐ ܕܽܗ̄ܘ ܩܽܘܕܫܳܐ، ܘܙܰܝܬܳܐ ܕܰܙّܰܝܬܽܘܢ̈ܶܐ ܟܰܝܠܳܐ. 25ܘܣܽܘܡܶܗ ܡ݄ܫܚܳܐ ܠܽܗ̄ܘ ܡܫܳܚܳܐ ܕܩܽܘܕܫܳܐ، ܒܰܣܡܳܐ ܡܒܰܣ݄ܡ ܡ݄ܫܚܳܐ ܕܽܗ̄ܘ ܡܫܳܚܳܐ ܕܩܽܘܕܳܫܳܐ ܕܳܗ̄ܘܶܐ. 26ܘܡܳܫܚܰܬ ܐܶܒܶܗ ܗ̄ܽܘ ܡܰܫܟܰܢܙܰܒܢܳܐ ܘܺܗ̄ܝ ܩܺܝܒܽܘܬ̥ܳܐ ܕܺܗ̄ܝ ܣܳܗܕܽܘܬ̥ܳܐ، 27ܘܽܗ̄ܘ ܦܳܬܽܘܪܳܐ ܘܟܽܘܠّܶܗ ܗ̄ܰܣّܶܦܳܩ̈ܰܝܕ̥ܶܗ ܘܠܺܗ̄ܝ ܡܢܳܪܬܳܐ ܘܰܣّܶܦܳܩ̈ܰܝܕ̥ܰܗ ܘܠܽܗ̄ܘ ܡܰܕ̥݄ܒܚܳܐ ܕܽܗ̄ܘ ܥܶܛܪܳܐ، 28ܘܠܽܗ̄ܘ ܡܰܕ̥݄ܒܚܳܐ ܕܺܗ̄ܝ ܥܠܳܬ̥ܳܐ ܘ݄ܠܟܽܘܠّܶܗ ܗ̄ܰܣّܶܦܳܩ̈ܰܝܕ̥ܶܗ، ܘܠܽܗ̄ܘ ܠܰܩܢܳܐ ܘܠܺܗ̄ܝ ܐܰܪܥܰܝܕ̥ܶܗ. 29ܘ݄ܡܩܰܕܶܫ݄ܢ ܘܕܳܗ̄ܘ݄ܢ ܩܕܽܘܫ ܩܽܘܕ̈ܫܺܝܢ، ܘܟܘ̇ܠ ܕܩܳܪܰܒّ̥ܶܗ ܓܡܺܝܩܰܕ݄ܫ. 30ܘܠܰܐܗܪܽܘܢ ܘܠܰܗ̄ܢ ܐܰܒܢ̈ܰܝܕ̥ܶܗ ܡܫܰܚ ܘ݄ܡܩܰܕܶܫ݄ܢ ܕܳܗ̄ܘ݄ܢ ܟܳܗܢ̈ܶܐ ܐܶܠܺܝ. 31ܘܥܰܡ ܕܒܶܝܬ̥ ܐܺܝܣܪܳܐܶܝܠ ܡ݄ܫܓ̥݄ܠ ܘܐܡܰܪ: ܗ̄ܽܘ ܡ݄ܫܚܳܐ ܕܽܗ̄ܘ ܡܫܳܚܳܐ ܓܕܳܗ̄ܘܶܐ ܐܶܠܺܝ ܠܰܕّܳܪ̈ܰܬ̥ܟ̥ܽܘ. 32ܥܰܠ ܒܰܣܪܳܐ ܕܢܳܫܳܐ ܠܳܐ ܡ݄ܡܫ݄ܚ، ܘܐܟ̥ܳܬ̥ܶܗ ܠܳܐ ܣܰܝܡܺܝܬܽܘ ܥܰܠ ܕܟ݄ܬ ܝܳܐ ܩܽܘܕܫܳܐ، ܘܩܽܘܕܫܳܐ ܓܕܳܗ̄ܘܶܐ ܠܟ̥ܽܘ. 33ܘܽܗ̄ܘ ܚܰܕ̱ ܕܣܳܝ݄ܡ ܒܰܣܡܳܐ ܐܟ̥ܳܬ̥ܶܗ، ܘܕܳܗ̄ܒܶܐ ܡܶܢܶܗ ܠܢܽܘܟ̥ܪܳܝܳܐ، ܓܡܺܝܣܰܟ݄ܪ ܡܽܗ̄ܘ ܥܰܡܰܝܕ̥ܶܗ.“
34ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܡܘ̇ܕ ܠܳܟ̥ ܒܰܣܡܳܐ: ܢܛܳܦܬܳܐ ܘܛܶܦܪܳܐ ܘܚܳܠܒܳܢܺܝܬܳܐ ܘܒܰܣܡܳܐ ܘ݄ܠܒܽܘܢܬܳܐ ܨܦܺܝܬ̥ܳܐ، ܟܰܝܠܳܐ ܟܰܝܠܳܐ ܕܳܗ̄ܘ݄ܢ. 35ܘܣܽܘܡܶܗ ܥܶܛܪܳܐ ܕܒܰܣܡܳܐ، ܥܒ̥ܳܕܳܐ ܡܒܰܣܡܳܐ، ܠܺܝܫ̈ܶܐ ܨܰܦܝ̈ܶܐ ܠܽܗ̄ܘ ܩܽܘܕܫܳܐ. 36ܘ݄ܛܚܰܢ ܡܶܢܶܗ ܘܡܰܢܥܶܡܶܗ. ܘܗܰܒ̥ ܡܶܢܶܗ ܩ݄ܕ̱ܡ ܗ̄ܺܝ ܣܳܗܕܽܘܬ̥ܳܐ ܒܽܗ̄ܘ ܡܰܫܟܰܢܙܰܒܢܳܐ ܒܺܗ̄ܝ ܕܽܘܟܬ̥ܳܐ ܕ݄ܡܘܰܥܰܕ ܠܶܗ ܠܳܟ̥، ܬܰܡܳܐ ܗ̄ܽܘ ܩܕܽܘܫ ܩܽܘܕ̈ܫܺܝܢ ܕܳܗ̄ܘܰܠܟ̥ܽܘ. 37ܘܽܗ̄ܘ ܥܶܛܪܳܐ ܕܣܰܝܡܺܝܬܽܘ ܠܶܗ ܠܳܐ ܣܰܝܡܺܝܬܽܘ ܐܟ̥ܳܬ̥ܶܗ ܠܪܽܘܚܰܝܟ̥ܽܘ، ܩܽܘܕܫܳܐ ܠܡܳܪܝܳܐ ܕܳܗ̄ܘܶܐ ܠܳܟ̥. 38ܘܽܗ̄ܘ ܚܰܕ̱ ܕܣܳܝ݄ܡ ܐܟ̥ܳܬ̥ܶܗ ܕܢܳܩܰܚ ܠܶܗ، ܓܡܺܝܣܰܟ݄ܪ ܡܽܗ̄ܘ ܥܰܡܰܝܕ̥ܶܗ.“
Právě zvoleno:
ܣܶܦܪܳܐ ܕܡܰܦܩܳܢܳܐ 30: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 30
30
1”ܘܣܘ̇ܡ ܡܰܕ̥݄ܒܚܳܐ ܕܡܰܥܛ݄ܪ ܥܶܛܪܳܐ (ܪܶܝܚܳܐ ܒܰܣܺܝܡܳܐ) ܡܽܗ̄ܘ ܩܰܝܣܳܐ ܕܶܐܫܟܳܪܥܳܐ ܓ݄ܕܣܰܝܡܰܬ ܠܶܗ. 2ܕܪܳܥܳܐ ܗ̄ܽܘ ܝܽܘܪܟ̥ܰܝܕ̥ܶܗ ܘ݄ܕܪܳܥܳܐ ܗ̄ܽܘ ܦܶܬ̥ܘܰܝܕ̥ܶܗ، ܡܪܰܒܥܳܐ ܛܪܳܐ ܗܳܘܶܐ، ܘ݄ܬܪܶܝ ܕܪ̈ܳܥܶܐ ܗ̄ܽܘ ܥ݄ܠܝܰܝܕ̥ܶܗ، ܡܶܢܶܗ ܛܪܳܐ ܗ̄ܘ݄ܢ ܗ̄ܰܩّ݄ܪ̈ܢܰܘܳܬ̥ܰܝܕ̥ܶܗ. 3ܘܡܰܠܒ̥ܶܫܶܗ ܕܰܗܒ̥ܳܐ ܫܰܦܝܳܐ: ܗ̄ܺܝ ܐܓܳܪܰܝܕ̥ܶܗ ܘܰܫّܽܘܪ̈ܳܢܰܝܕ̥ܶܗ ܠܚܶܕ̥ܳܪܶܗ ܘܰܩّ݄ܪ̈ܢܰܘܳܬ̥ܰܝܕ̥ܶܗ. ܘܣܘ̇ܡ ܠܶܗ ܟܠܺܝܠܳܐ ܕܕܰܗܒ̥ܳܐ ܚܶܕ̥ܳܪܶܗ. 4ܘܬܰܪܬܶܝ ܚܰܠܰܩ̈ܝܳܬ̥ܳܐ ܕܕܰܗܒ̥ܳܐ ܓܣܰܝܡܰܬ ܠܶܗ ܠܰܠܬܰܚ ܡܽܗ̄ܘ ܟܠܺܝܠܰܝܕ̥ܶܗ ܥܰܠ ܗ̄ܰܬّܰܪܬܶܝ ܩ݄ܪ̈ܢܰܘܳܬ̥ܳܐ، ܥܰܠ ܗ̄ܰܬܪܶܝ ܓܰܒ̈ܰܝܕ̥ܶܗ ܓܣܰܝܡܰܬ، ܘܕܳܗ̄ܘ݄ܢ ܕܽܘܟܬ̥ܳܐ ܠܰܪّܰܘ̈ܛܶܐ ܕܡ݄ܛܥܳܢܺܝ ܐܰܒّܶܗ. 5ܘܣܘ̇ܡ ܪ̈ܰܘܛܶܐ ܡܽܗ̄ܘ ܩܰܝܣܳܐ ܕܶܐܫܟܳܪܥܳܐ، ܘܡܰܠܒ̥ܶܫ݄ܢ ܕܰܗܒ̥ܳܐ. 6ܘܡܰܚܶܬܶܗ ܩ݄ܕ̱ܡ ܗ̄ܽܘ ܦܪܳܣܳܐ ܕܥܰܠ ܗ̄ܺܝ ܩܺܝܒܽܘܬ̥ܳܐ ܕܺܗ̄ܝ ܣܳܗܕܽܘܬ̥ܳܐ ܩ݄ܕ̱ܡ ܗ̄ܽܘ ܚܽܘܣܳܝܳܐ ܕܥܰܠ ܗ̄ܺܝ ܣܳܗܕܽܘܬ̥ܳܐ. ܘܓ݄ܕܚܳܙܶܢܳܟ̥ ܬܰܡܳܐ 7ܘ݄ܛܪܳܐ ܐܰܗܪܽܘܢ ܡܰܥܛ݄ܪ ܐܰܥܠܶܗ ܗ̄ܽܘ ܥܶܛܪܳܐ ܕܰܒّܰܣܡ̈ܶܐ ܡܶܢ̱ ܨܰܦܪܳܐ ܠܨܰܦܪܳܐ. ܘܺܗ̄ܝ ܢܰܩܠܐ ܕ݄ܡܛܰܝ݄ܒ ܗ̄ܰܫܪ̈ܳܓ̥ܶܐ ܛܪܳܐ ܡܥܰܛܰܪّܶܗ. 8ܘܺܗ̄ܝ ܢܰܩܠܐ ܕܡܰܕܠ݄ܩ ܐܰܗܪܽܘܢ ܗ̄ܰܫܪ̈ܳܓ̥ܶܐ ܒܒܶܝܬ̥ ܫܶܡ̈ܫܶܐ ܛܪܳܐ ܡܰܥܛܰܪ ܠܶܗ ܟܘ̇ܠ ܢܰܩܠܐ ܩ݄ܕ̱ܡ ܡܳܪܝܳܐ ܠܰܕّܳܪ̈ܰܬ̥ܟ̥ܽܘ. 9ܠܳܐ ܡܰܣ݄ܠܩܺܝܬܽܘ ܐܰܥܠܶܗ ܥܶܛܪܳܐ ܢܽܘܟ̥ܪܳܝܳܐ. ܘ݄ܥܠܳܬ̥ܳܐ ܘܩܽܘܪܒܳܢܳܐ ܘܬܶܪܺܝܣܳܐ (ܕܚܰܡܪܳܐ) ܠܳܐ ܡܰܪܺܝܣܺܝܬܽܘ ܐܰܥܠܶܗ. 10ܘ݄ܡܚܰܣܶܐ ܐܰܗܪܽܘܢ ܥܰܠ ܗ̄ܰܩّܰܪ̈ܢܳܬ̥ܳܐ ܕܽܗ̄ܘ ܡܰܕ̥݄ܒܚܳܐ ܢܰܩܠܐ ܚܕ̥ܳܐ ܒܺܗ̄ܝ ܫܰܢ̱ܬܳܐ ܡܽܗ̄ܘ ܐܰܕܡܳܐ ܕܺܗ̄ܝ ܚܛܺܝܬ̥ܳܐ (ܕܽܗ̄ܘ ܕܶܒܚܳܐ) ܕܽܗ̄ܘ ܚܽܘܣܳܝܳܐ. ܢܰܩܠܐ ܚܕ̥ܳܐ ܒܺܗ̄ܝ ܫܰܢ̱ܬܳܐ ܓ݄ܡܚܰܣܶܐ ܐܰܥܠܶܗ ܠܰܕّܳܪ̈ܰܬ̥ܟ̥ܽܘ. ܩܕܽܘܫ ܩܽܘܕ̈ܫܺܝܢ ܝܳܐ ܠܡܳܪܝܳܐ.“
11ܘܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܘܐܡ݄ܪ ܠܶܗ ܠܶܗ: 12”ܗ̄ܺܝ ܢܰܩܠܐ ܕܒܳܢܰܬ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܟܘ̇ܠ ܚܰܕ̱ ܛܪܳܐ ܗ̄ܒܶܐ ܩܽܘܪܒܳܢܳܐ ܥܰܠ ܗ̄ܺܝ ܢܰܦܫܰܝܕ̥ܶܗ ܗ̄ܺܝ ܢܰܩܠܐ ܕܒܳܢܰܬّܶܗ، ܕܠܳܐ ܗܳܘܶܐ ܡܰܘܬܳܐ ܐܰܒّܶܗ ܗ̄ܺܝ ܢܰܩܠܐ ܕܒܳܢܰܬّܶܗ. 13ܗܰܘܟ̥ܰܐ ܛܪܳܐ ܗ̄ܳܒܶܐ ܟܘ̇ܠ ܚܰܕ̱ ܕܡ݄ܒܢܶܐ: ܦܰܠܓܶܗ ܕܟܰܝܠܳܐ ܕܰܟّܰܝ̈ܠܶܐ ܕܽܗ̄ܘ ܩܽܘܕܫܳܐ، ܥ݄ܣܪܺܝ ܙܽܘܙ̈ܶܐ ܗ̄ܽܘ ܟܰܝܠܳܐ. ܦܰܠܓܶܗ ܕܽܗ̄ܘ ܟܰܝܠܳܐ ܡ݄ܦܪ݄ܫ ܠܡܳܪܝܳܐ. 14ܟܘ̇ܠ ܚܰܕ̱ ܕܥܳܒ݄ܪ ܒܽܗ̄ܘ ܡܶܢܝܳܢܳܐ ܡܶܢ̱ ܐܰܒܪܶܗ ܕܥ݄ܣܪܺܝ ܐ݄ܫܢ̈ܶܐ ܘܠܰܠܥ݄ܠ ܕܳܗ̄ܒܶܐ ܦܽܘܪܫܳܢܳܐ ܠܡܳܪܝܳܐ. 15ܗ̄ܽܘ ܥܰܬܺܝܪܳܐ ܠܳܐ ܡܰܙ݄ܕ، ܘܽܗ̄ܘ ܡ݄ܣܟܶܢܳܐ ܠܳܐ ܡܰܢܩ݄ܨ ܡܶܢ̱ ܦܰܠܓܶܗ ܕܽܗ̄ܘ ܟܰܝܠܳܐ ܕܳܗ̄ܒܶܐ ܠܶܗ ܦܽܘܪܫܳܢܳܐ ܠܡܳܪܝܳܐ ܕ݄ܡܚܰܣ݄ܢ ܥܰܠ ܗ̄ܰܢ ܢܰܦܫ̈ܳܬ̥ܰܬ̥ܟ̥ܽܘ. 16ܘܡܰܝܕܰܬ ܗ̄ܰܙّܽܘ̈ܙܶܐ ܕܽܗ̄ܘ ܚܽܘܣܳܝܳܐ ܡܰܢ̱ ܐܰܒܢ̈ܶܐ ܕܺܐܝܣܪܳܐܶܝܠ ܘܳܗ̄ܒܰܬ ܠܽܗ̄ܘ ܦܽܘܠܚܳܢܳܐ ܕܽܗ̄ܘ ܡܰܫܟܰܢܙܰܒܢܳܐ. ܘܕܳܗ̄ܘܝܳܐ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܕܽܘܟ̥ܪܳܢܳܐ ܩ݄ܕ̱ܡ ܡܳܪܝܳܐ ܕ݄ܡܚܰܣ݄ܢ ܥܰܠ ܗ̄ܰܢ ܢܰܦ̈ܫܳܬܰܬّ̥ܶܗ.“
17ܘܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܘܐܡ݄ܪ ܠܶܗ ܠܶܗ: 18”ܣܘ̇ܡ ܠܰܩܢܳܐ ܡܽܗ̄ܘ ܢܚܳܫܳܐ ܗ̄ܺܝ ܐܰܪܥܰܝܕ̥ܶܗ ܡܽܗ̄ܘ ܢܚܳܫܳܐ ܠܽܗ̄ܘ ܬܶܫܺܝܓ̥ܳܐ، ܘܡܰܚܶܬܶܗ ܒܰܝܢܶܗ ܠܽܗ̄ܘ ܡܰܫܟܰܢܙܰܒܢܳܐ ܘܠܽܗ̄ܘ ܡܰܕ̥݄ܒܚܳܐ، ܘܡܰܚ݄ܬ ܬܰܡܳܐ ܡܰܝ̈ܶܐ. 19ܘܰܐܗܪܽܘܢ ܘܰܗ̄ܢ ܐܰܒܢ̈ܰܝܕ̥ܶܗ ܡܰܫܺܝܓ̥ܺܝ ܡܶܢܶܗ ܐܺܝܕ̥̈ܳܬ̥ܰܝّܶܗ ܘܪ̈ܰܓ̥ܠܳܬ̥ܰܝّܶܗ. 20ܘܺܗ̄ܝ ܢܰܩܠܐ ܕܥܳܒܪܺܝ ܠܽܗ̄ܘ ܡܰܫܟܰܢܙܰܒܢܳܐ ܛܪܳܐ ܡܰܫܺܝܓ̥ܺܝ ܒܡܰܝ̈ܶܐ ܕܠܳܐ ܡܰܝܬ̥ܺܝ، ܘܺܗ̄ܝ ܢܰܩܠܐ ܕ݄ܡܩܰܪܒ̥ܺܝ ܠܽܗ̄ܘ ܡܰܕ̥݄ܒܚܳܐ ܕ݄ܡܫܰܡܫܺܝ ܘܡܰܥܛܪܺܝ ܩܽܘܪܒܳܢܳܐ ܠܡܳܪܝܳܐ. 21ܛܪܳܐ ܡܰܫܺܝܓ̥ܺܝ ܐܺܝܕ̥̈ܰܝّܶܗ ܘܪ̈ܰܓ̥ܠܳܬ̥ܰܝّܶܗ ܕܠܳܐ ܡܰܝܬ̥ܺܝ. ܘܗܳܘܝܳܐ ܐܰܠّܶܗ ܩܝܳܡܳܐ ܠܥܳܠܰܡ، ܐܶܠܶܗ ܘܠܽܗ̄ܘ ܙܰܪܥܰܝܕ̥ܶܗ ܠܰܕّܳܪ̈ܰܬّ̥ܶܗ.“
22ܘܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܘܐܡ݄ܪ ܠܶܗ ܠܶܗ: 23”ܗܰܬ ܡܘ̇ܕ ܠܳܟ̥ ܒܰܣܡܳܐ ܛܳܒ̥ܳܐ: ܡܽܘܪܳܐ ܫܰܦܝܳܐ ܚܰܡّ݄ܫܡܳܐܐ، ܘܩܽܘܢܽܘܡܽܘܢ ܒܰܣܡܳܐ، ܦܰܠܓܶܗ، ܡܰܐܬ̥ܶܝ ܘܚܰܡܫܺܝ، ܘܩܰܢܝܳܐ ܕܒܰܣܡܳܐ، ܡܰܐܬ̥ܶܝ ܘܚܰܡܫܺܝ. 24ܘܩܰܣܝܳܐ ܚܰܡّ݄ܫܡܳܐܐ ܒܽܗ̄ܘ ܟܰܝܠܳܐ ܕܽܗ̄ܘ ܩܽܘܕܫܳܐ، ܘܙܰܝܬܳܐ ܕܰܙّܰܝܬܽܘܢ̈ܶܐ ܟܰܝܠܳܐ. 25ܘܣܽܘܡܶܗ ܡ݄ܫܚܳܐ ܠܽܗ̄ܘ ܡܫܳܚܳܐ ܕܩܽܘܕܫܳܐ، ܒܰܣܡܳܐ ܡܒܰܣ݄ܡ ܡ݄ܫܚܳܐ ܕܽܗ̄ܘ ܡܫܳܚܳܐ ܕܩܽܘܕܳܫܳܐ ܕܳܗ̄ܘܶܐ. 26ܘܡܳܫܚܰܬ ܐܶܒܶܗ ܗ̄ܽܘ ܡܰܫܟܰܢܙܰܒܢܳܐ ܘܺܗ̄ܝ ܩܺܝܒܽܘܬ̥ܳܐ ܕܺܗ̄ܝ ܣܳܗܕܽܘܬ̥ܳܐ، 27ܘܽܗ̄ܘ ܦܳܬܽܘܪܳܐ ܘܟܽܘܠّܶܗ ܗ̄ܰܣّܶܦܳܩ̈ܰܝܕ̥ܶܗ ܘܠܺܗ̄ܝ ܡܢܳܪܬܳܐ ܘܰܣّܶܦܳܩ̈ܰܝܕ̥ܰܗ ܘܠܽܗ̄ܘ ܡܰܕ̥݄ܒܚܳܐ ܕܽܗ̄ܘ ܥܶܛܪܳܐ، 28ܘܠܽܗ̄ܘ ܡܰܕ̥݄ܒܚܳܐ ܕܺܗ̄ܝ ܥܠܳܬ̥ܳܐ ܘ݄ܠܟܽܘܠّܶܗ ܗ̄ܰܣّܶܦܳܩ̈ܰܝܕ̥ܶܗ، ܘܠܽܗ̄ܘ ܠܰܩܢܳܐ ܘܠܺܗ̄ܝ ܐܰܪܥܰܝܕ̥ܶܗ. 29ܘ݄ܡܩܰܕܶܫ݄ܢ ܘܕܳܗ̄ܘ݄ܢ ܩܕܽܘܫ ܩܽܘܕ̈ܫܺܝܢ، ܘܟܘ̇ܠ ܕܩܳܪܰܒّ̥ܶܗ ܓܡܺܝܩܰܕ݄ܫ. 30ܘܠܰܐܗܪܽܘܢ ܘܠܰܗ̄ܢ ܐܰܒܢ̈ܰܝܕ̥ܶܗ ܡܫܰܚ ܘ݄ܡܩܰܕܶܫ݄ܢ ܕܳܗ̄ܘ݄ܢ ܟܳܗܢ̈ܶܐ ܐܶܠܺܝ. 31ܘܥܰܡ ܕܒܶܝܬ̥ ܐܺܝܣܪܳܐܶܝܠ ܡ݄ܫܓ̥݄ܠ ܘܐܡܰܪ: ܗ̄ܽܘ ܡ݄ܫܚܳܐ ܕܽܗ̄ܘ ܡܫܳܚܳܐ ܓܕܳܗ̄ܘܶܐ ܐܶܠܺܝ ܠܰܕّܳܪ̈ܰܬ̥ܟ̥ܽܘ. 32ܥܰܠ ܒܰܣܪܳܐ ܕܢܳܫܳܐ ܠܳܐ ܡ݄ܡܫ݄ܚ، ܘܐܟ̥ܳܬ̥ܶܗ ܠܳܐ ܣܰܝܡܺܝܬܽܘ ܥܰܠ ܕܟ݄ܬ ܝܳܐ ܩܽܘܕܫܳܐ، ܘܩܽܘܕܫܳܐ ܓܕܳܗ̄ܘܶܐ ܠܟ̥ܽܘ. 33ܘܽܗ̄ܘ ܚܰܕ̱ ܕܣܳܝ݄ܡ ܒܰܣܡܳܐ ܐܟ̥ܳܬ̥ܶܗ، ܘܕܳܗ̄ܒܶܐ ܡܶܢܶܗ ܠܢܽܘܟ̥ܪܳܝܳܐ، ܓܡܺܝܣܰܟ݄ܪ ܡܽܗ̄ܘ ܥܰܡܰܝܕ̥ܶܗ.“
34ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܡܘ̇ܕ ܠܳܟ̥ ܒܰܣܡܳܐ: ܢܛܳܦܬܳܐ ܘܛܶܦܪܳܐ ܘܚܳܠܒܳܢܺܝܬܳܐ ܘܒܰܣܡܳܐ ܘ݄ܠܒܽܘܢܬܳܐ ܨܦܺܝܬ̥ܳܐ، ܟܰܝܠܳܐ ܟܰܝܠܳܐ ܕܳܗ̄ܘ݄ܢ. 35ܘܣܽܘܡܶܗ ܥܶܛܪܳܐ ܕܒܰܣܡܳܐ، ܥܒ̥ܳܕܳܐ ܡܒܰܣܡܳܐ، ܠܺܝܫ̈ܶܐ ܨܰܦܝ̈ܶܐ ܠܽܗ̄ܘ ܩܽܘܕܫܳܐ. 36ܘ݄ܛܚܰܢ ܡܶܢܶܗ ܘܡܰܢܥܶܡܶܗ. ܘܗܰܒ̥ ܡܶܢܶܗ ܩ݄ܕ̱ܡ ܗ̄ܺܝ ܣܳܗܕܽܘܬ̥ܳܐ ܒܽܗ̄ܘ ܡܰܫܟܰܢܙܰܒܢܳܐ ܒܺܗ̄ܝ ܕܽܘܟܬ̥ܳܐ ܕ݄ܡܘܰܥܰܕ ܠܶܗ ܠܳܟ̥، ܬܰܡܳܐ ܗ̄ܽܘ ܩܕܽܘܫ ܩܽܘܕ̈ܫܺܝܢ ܕܳܗ̄ܘܰܠܟ̥ܽܘ. 37ܘܽܗ̄ܘ ܥܶܛܪܳܐ ܕܣܰܝܡܺܝܬܽܘ ܠܶܗ ܠܳܐ ܣܰܝܡܺܝܬܽܘ ܐܟ̥ܳܬ̥ܶܗ ܠܪܽܘܚܰܝܟ̥ܽܘ، ܩܽܘܕܫܳܐ ܠܡܳܪܝܳܐ ܕܳܗ̄ܘܶܐ ܠܳܟ̥. 38ܘܽܗ̄ܘ ܚܰܕ̱ ܕܣܳܝ݄ܡ ܐܟ̥ܳܬ̥ܶܗ ܕܢܳܩܰܚ ܠܶܗ، ܓܡܺܝܣܰܟ݄ܪ ܡܽܗ̄ܘ ܥܰܡܰܝܕ̥ܶܗ.“
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation