ܣܶܦܪܳܐ ܕܡܰܦܩܳܢܳܐ 25
25
1ܘܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܘܐܡ݄ܪ ܠܶܗ ܠܶܗ: 2”ܐܰܡܰܪ ܠܒܶܝ ܐܺܝܣܪܳܐܶܝܠ: ܛܪܳܐ ܡܩܰܪܒ̥ܺܝ ܠܺܝ ܩܽܘܪܒܳܢܳܐ. ܡܶܢ̱ ܟܘ̇ܠ ܓܰܒ̥ܪܳܐ ܕܡܰܚ݄ܬ ܠܶܗ ܒܠܶܒܶܗ ܓܡܰܝܕܺܝܬܽܘ ܩܽܘܪܒܳܢܳܐ. 3ܘܽܗ̄ܘ ܩܽܘܪܒܳܢܰܢܳܐ ܕܡܰܝܕܺܝܬܽܘ ܡ݄ܢّܶܗ: ܕܰܗܒ̥ܳܐ ܘܣܶܐܡܳܐ ܘ݄ܢܚܳܫܳܐ، 4ܘܬܶܟ݄ܠܬܳܐ ܘܰܐܪܓܘܳܢܳܐ ܘ݄ܙܚܽܘܪܺܝܬ̥ܳܐ ܘܒܽܘܨܳܐ ܘܣܰܥܪܳܐ ܕܥܶܙ̈ܶܐ. 5ܘܓܰܠܕܳܐ ܕܟܰܒܫ̈ܶܐ ܕܓܰܘܢܳܐ ܣܶܡܳܩܳܐ، ܘܓܰܠܕܳܐ ܕܣܳܣܓܰܘܢܳܐ، ܘܩܰܝܣ̈ܶܐ ܕܶܐܫܟܳܪܥܳܐ. 6ܘܡ݄ܫܚܳܐ ܠܽܗ̄ܘ ܬ݄ܢܗܺܝܪܳܐ، ܘܒܰܣܡ̈ܶܐ ܠܽܗ̄ܘ ܡ݄ܫܚܳܐ ܕܽܗ̄ܘ ܡܫܳܚܳܐ، ܘܠܽܗ̄ܘ ܥܶܛܪܳܐ ܕܰܒّܰܣܡ̈ܶܐ. 7ܘܟܶܐܦ̈ܶܐ ܕܒܶܪ̈ܽܘܠܶܐ، ܘܟܶܐܦ̈ܶܐ ܛܳܒ̈ܳܬ̥ܳܐ ܘܠܽܗ̄ܘ ܠܒܽܘܫܳܐ ܕܰܟّܳܗܢ̈ܶܐ. 8ܘܣܰܝܡܺܝ ܠܺܝ ܡܰܩܕܫܳܐ ܕܫܳܪܶܐ ܐ̱ܢܳܐ ܒܰܝܢܳܬ̥ܰܝّܶܗ. 9ܟܘ̇ܠ ܡܶܕܶܐ ܕܡܰܚܘܶܐ ܐ̱ܢܳܐ ܠܳܟ̥ ܗ̄ܺܝ ܨܽܘܪܬܳܐ (ܕܡܽܘܬ̥ܳܐ) ܕܽܗ̄ܘ ܡܰܫܟܢܳܐ ܘ݄ܕܟܽܘܠّܶܗ ܗ̄ܰܣّܶܦܳܩ̈ܰܝܕ̥ܶܗ ܗܰܘܟ̥ܰܐ ܓܣܰܝܡܺܝܬܽܘ.
10”ܘ݄ܓܣܰܝܡܺܝ ܩܺܝܒܽܘܬ̥ܳܐ ܡܽܗ̄ܘ ܩܰܝܣܳܐ ܕܶܐܫܟܳܪܥܳܐ، ܗ̄ܽܘ ܝܽܘܪܟ̥ܰܝܕ̥ܰܗ ܬܪܶܝ ܕܪ̈ܳܥܶܐ ܘܦܰܠܓܶܗ. ܘܽܗ̄ܘ ܦܶܬ̥ܘܰܝܕ̥ܰܗ ܕܪܳܥܳܐ ܘܦܰܠܓܶܗ، ܘܽܗ̄ܘ ܥ݄ܠܝܰܝܕ̥ܰܗ ܕܪܳܥܳܐ ܘܦܰܠܓܶܗ. 11ܘܡܰܠܒ̥ܶܫܰܗ ܒܽܗ̄ܘ ܕܰܗܒ̥ܳܐ ܫܰܦܝܳܐ ܡܶܢ̱ ܠܰܪܒ̥ܰܠ ܘܡܶܢ̱ ܠܰܘܓ̥݄ܠ ܓܡܰܠܒ̥ܫܰܬ ܠܰܗ، ܘܣܰܝܡܰܬ ܟܠܺܝܠܳܐ ܕܕܰܗܒ̥ܳܐ ܚܶܕ̥ܳܪܰܗ. 12ܘܚܳܫܠܰܬ ܐܰܠܰܗ ܐܰܪܒܰܥ ܙܰܩ݄ܙ̈ܩܳܬ̥ܳܐ ܕܕܰܗܒ̥ܳܐ، ܘܡܰܚܬܰܬّܶܗ ܒܰܗ̄ܢ ܐܰܪܒܰܥ ܩ݄ܪ̈ܢܰܘܳܬ̥ܰܝܕ̥ܰܗ، ܬܰܪܬܶܝ ܙܰܩ݄ܙ̈ܩܳܬ̥ܳܐ ܒܚܰܕ̱ ܓܰܒܳܐ، ܘܬܰܪܬܶܝ ܙܰܩ݄ܙ̈ܩܳܬ̥ܳܐ ܒܽܗ̄ܘ ܓܰܒܳܐ ܚܪܶܢܳܐ. 13ܘܣܰܝܡܰܬ ܪ̈ܰܘܛܶܐ ܡܽܗ̄ܘ ܩܰܝܣܳܐ ܕܽܗ̄ܘ ܕܶܐܫܟܳܪܥܳܐ، ܘܡܰܠܒ̥ܫܰܬّܶܗ ܕܰܗܒ̥ܳܐ. 14ܘܡܰܥ݄ܒܪܰܬ ܗ̄ܰܪّܰܘ̈ܛܶܐ ܒܰܚّܰܠܰܩ̈ܝܳܬ̥ܳܐ ܒܰܓّܰܒ̈ܶܐ ܕܺܗ̄ܝ ܩܺܝܒܽܘܬ̥ܳܐ ܠܰܫܰܢ ܡ݄ܛܥܳܢܳܐ ܐܰܒّܶܗ ܗ̄ܺܝ ܩܺܝܒܽܘܬ̥ܳܐ. 15ܒܰܚّܰܠܰܩ̈ܝܳܬ̥ܳܐ ܕܺܗ̄ܝ ܩܺܝܒܽܘܬ̥ܳܐ ܓܕܳܗ̄ܘ݄ܢ ܗ̄ܰܪّܰܘ̈ܛܶܐ، ܘܠܳܐ ܡ݄ܢܩܳܠܺܝ ܡ݄ܢّܶܗ. 16ܘ݄ܓܡܰܚܬܰܬ ܒܺܗ̄ܝ ܩܺܝܒܽܘܬ̥ܳܐ ܗ̄ܺܝ ܣܳܗܕܽܘܬ̥ܳܐ ܕ݄ܓܕܳܗ̄ܒܶܢܳܟ̥. 17ܘܣܘ̇ܡ ܚܽܘܣܳܝܳܐ ܕܕܰܗܒ̥ܳܐ ܨܰܦܝܳܐ، ܬܪܶܝ ܕܪ̈ܳܥܶܐ ܘܦܰܠܓܶܗ ܗ̄ܽܘ ܝܽܘܪܟ̥ܰܝܕ̥ܶܗ ܘ݄ܕܪܳܥܳܐ ܘܦܰܠܓܳܐ ܗ̄ܽܘ ܦܶܬ̥ܘܰܝܕ̥ܶܗ. 18ܘܣܘ̇ܡ ܬܪܶܝ ܟܪ̈ܽܘܒܶܐ ܕܕܰܗܒ̥ܳܐ. ܢܶܣܶܟ̥ܬܳܐ ܣܽܘܡ݄ܢ ܡܰܢ ܬܪܶܝ ܓܰܒ̈ܶܐ ܕܽܗ̄ܘ ܚܽܘܣܳܝܳܐ. 19ܘܣܘ̇ܡ ܚܰܕ̱ ܟܪܽܘܒܳܐ ܡܽܗ̄ܘ ܓܰܒܰܝܕ̥ܶܗ ܡܰܗ̄ܪܟܶܐ، ܘܚܰܕ̱ ܟܪܽܘܒܳܐ ܡܽܗ̄ܘ ܓܰܒܳܐ ܚܪܶܢܳܐ ܕܽܗ̄ܘ ܚܽܘܣܳܝܳܐ. ܘܣܰܝܡܰܬ ܬܪܶܝ ܟܪ̈ܽܘܒܶܐ ܥܰܠ ܗ̄ܰܬܪܶܝ ܓܰܒ̈ܰܝܕ̥ܶܗ. 20ܘܕܳܗ̄ܘ݄ܢ ܗ̄ܰܓّܶܦ̈ܶܐ ܕܰܟܪ̈ܽܘܒܶܐ ܦܪ̈ܺܝܣܶܐ ܠܰܠܥ݄ܠ ܘ݄ܡܟܰܣ݄ܢ ܒܰܟّܶܢ̈ܦܰܬّ̥ܶܗ ܥܰܠ ܗ̄ܽܘ ܚܽܘܣܳܝܳܐ. ܘܦܳܬ̥ܰܝّܶܗ ܚܰܕ̱ ܡܩܰܒ݄ܠ ܕܚܰܕ̱، ܠܰܠܥ݄ܠ ܡܽܗ̄ܘ ܚܽܘܣܳܝܳܐ ܓܕܳܗ̄ܘ݄ܢ ܦ̈ܳܬ̥ܶܐ ܕܰܟܪ̈ܽܘܒܶܐ. 21ܘܡܰܚܬܰܬ ܗ̄ܽܘ ܚܽܘܣܳܝܳܐ ܥܰܠ ܗ̄ܺܝ ܩܺܝܒܽܘܬ̥ܳܐ ܡܶܢ̱ ܠܰܠܥ݄ܠ. ܘ݄ܓܡܰܚܬܰܬ ܒܺܗ̄ܝ ܩܺܝܒܽܘܬ̥ܳܐ ܗ̄ܺܝ ܣܳܗܕܽܘܬ̥ܳܐ ܕ݄ܓܕܳܗ̄ܒܶܢܳܟ̥. 22ܘ݄ܓܕܳܗ̄ܘܶܐ ܗ̄ܽܘ ܘܰܥܕܰܝܕ̥ܺܝ ܐܰܥܡܳܟ̥ ܬܰܡܳܐ. ܘܓ݄ܕܡ݄ܫܓ̥ܰܠ ܐ̱ܢܳܐ ܐܰܥܡܳܟ̥ ܡܶܢ̱ ܠܰܠܥ݄ܠ ܡܽܗ̄ܘ ܚܽܘܣܳܝܳܐ ܡܒܰܝܢ ܗ̄ܰܬܪܶܝ ܟܪ̈ܽܘܒܶܐ ܕܟܺܝܬ ܠܰܠܥ݄ܠ ܡܺܗ̄ܝ ܩܺܝܒܽܘܬ̥ܳܐ ܕܺܗ̄ܝ ܣܳܗܕܽܘܬ̥ܳܐ ܒܟܘ̇ܠ ܦܽܘܩܕܳܢܳܐ ܕ݄ܓܕܳܗ̄ܒܶܢܳܟ̥ ܥܰܠ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ.
23”ܘܣܘ̇ܡ ܦܳܬܽܘܪܳܐ ܡܽܗ̄ܘ ܩܰܝܣܳܐ ܕܽܗ̄ܘ ܕܶܐܫܟܳܪܥܳܐ، ܬܪܶܝ ܕܪ̈ܳܥܶܐ ܗ̄ܽܘ ܝܽܘܪܟ̥ܰܝܕ̥ܶܗ ܘ݄ܕܪܳܥܳܐ ܗ̄ܽܘ ܦܶܬ̥ܘܰܝܕ̥ܶܗ ܘ݄ܕܪܳܥܳܐ ܘܦܰܠܓܶܗ ܗ̄ܽܘ ܥ݄ܠܝܰܝܕ̥ܶܗ. 24ܘܡܰܠܒ̥ܶܫܶܗ ܕܰܗܒ̥ܳܐ ܨܰܦܝܳܐ، ܘܣܘ̇ܡ ܠܶܗ ܟܠܺܝܠܳܐ ܕܕܰܗܒ̥ܳܐ ܚܶܕ̥ܳܪܶܗ. 25ܘܣܘ̇ܡ ܠܶܗ ܣܰܦ̊ܬ̥ܳܐ ܒܥ݄ܠܝܳܐ ܕܚܰܕ̱ ܣܺܝܛܳܐ ܠܚܶܕ̥ܳܪܶܗ، ܘܣܘ̇ܡ ܟܠܺܝܠܳܐ ܕܕܰܗܒ̥ܳܐ ܥܰܠ ܣܰܦ̊ܬ̥ܶܗ ܚܶܕ̥ܳܪܶܗ. 26ܘܣܘ̇ܡ ܐܶܠܶܗ ܐܰܪܒܰܥ ܚܰܠܰܩ̈ܝܳܬ̥ܳܐ ܕܕܰܗܒ̥ܳܐ، ܘܣܰܝܡܰܬ ܗ̄ܰܢ ܐܰܪܒܰܥ ܙܰܩ݄ܙ̈ܩܳܬ̥ܳܐ ܕܽܗ̄ܘ ܕܰܗܒ̥ܳܐ ܥܰܠ ܗ̄ܰܢ ܐܰܪܒܰܥ ܩ݄ܪ̈ܢܰܘܳܬ̥ܰܝܕ̥ܶܗ، ܠܰܠܥ݄ܠ ܡܰܗ̄ܢ ܐܰܪܒܰܥ ܪ̈ܰܓ̥ܠܳܬ̥ܰܝܕ̥ܶܗ. 27ܡܩܰܒ݄ܠ ܕܺܗ̄ܝ ܣܰܦ̊ܬܰܝܕ̥ܶܗ ܓܕܳܗ̄ܘ݄ܢ ܙܰܩ݄ܙ̈ܩܳܬ̥ܳܐ ܕܽܘܟܬ̥ܳܐ ܠܪ̈ܰܘܛܶܐ ܠܽܗ̄ܘ ܛܥܳܢܳܐ ܕܽܗ̄ܘ ܦܳܬܽܘܪܳܐ. 28ܘܣܘ̇ܡ ܪ̈ܰܘܛܶܐ ܕܩܰܝܣܳܐ ܕܶܐܫܟܳܪܥܳܐ، ܘܡܰܠܒ̥ܶܫ݄ܢ ܕܰܗܒ̥ܳܐ ܠܰܫܰܢ ܛܳܥܢܺܝ ܐܰܒّܶܗ ܗ̄ܽܘ ܦܳܬܽܘܪܳܐ. 29ܘܣܘ̇ܡ ܟܳܣ̈ܶܐ ܘܠܰܩܢܳܐ ܘܙܳܒܽܘܪ̈ܶܐ (ܥܳܠܒ̈ܶܐ ܕܒܰܣܡܳܐ). ܘܣܶܦܳܩ̈ܶܐ ܕܡܺܝܢܰܩ݄ܢ ܐܰܒّܶܗ، ܒܕܰܗܒ̥ܳܐ ܨܰܦܝܳܐ ܣܽܘܡ݄ܢ. 30ܘܡܰܚܬܰܬ ܥܰܠ ܗ̄ܽܘ ܦܳܬܽܘܪܳܐ ܛܰܠܡ̈ܶܐ ܕܠܰܚܡܳܐ (ܕܦ̈ܳܬ̥ܳܬ̥ܳܐ) ܩܽܘܕ̱ܡܺܝ ܒܰܐܡܺܝܢܽܘܬ̥ܳܐ.
31”ܘܣܘ̇ܡ ܡܢܳܪܬܳܐ ܕܕܰܗܒ̥ܳܐ ܫܰܦܝܳܐ ܢܶܣܶܟ̥ܬܳܐ ܓܣܰܝܡܰܬ ܠܺܗ̄ܝ ܡܢܳܪܬܳܐ. ܗ̄ܺܝ ܫܶܬܶܐܣܬܰܝܕ̥ܰܗ ܘܰܦّܶܪ̈ܥܰܝܕ̥ܰܗ ܘܰܟّܳܣ̈ܰܝܕ̥ܰܗ ܘܰܚّܰܒܽܘܫ̈ܰܝܕ̥ܰܗ ܘܰܫّܽܘܫܰܢ̈ܰܝܕ̥ܰܗ ܡܶܢܰܗ ܕܳܗ̄ܘ݄ܢ. 32ܘ݄ܐܫܬܳܐ ܦܶܪ̈ܥܶܐ ܕܢܳܦܩܺܝ ܡܰܢ̱ ܓّܰܒ̈ܰܝܕ̥ܰܗ، ܬܠܳܬ̥ܳܐ ܦܶܪ̈ܥܶܐ ܡܶܢ̱ ܚܰܕ̱ ܓܰܒܳܐ ܕܺܗ̄ܝ ܡܢܳܪܬܳܐ، ܘ݄ܬܠܳܬ̥ܳܐ ܦܶܪ̈ܥܶܐ ܡܽܗ̄ܘ ܓܰܒܰܝܕ̥ܰܗ ܗ̄ܽܘ ܚܪܶܢܳܐ. 33ܬܠܳܬ̥ܳܐ ܟܳܣ̈ܶܐ ܡܰܐܣܪ̈ܶܐ ܒܚܰܕ̱ ܦܶܪܥܳܐ ܘܚܰܒܽܘܫ̈ܶܐ ܘܫܽܘܫܰܢ̈ܶܐ. ܘ݄ܬܠܳܬ̥ܳܐ ܟܳܣ̈ܶܐ ܡܰܐܣܪ̈ܶܐ ܒܚܰܕ̱ ܦܶܪܥܳܐ ܘܚܰܒܽܘܫ̈ܶܐ ܘܫܽܘܫܰܢ̈ܶܐ. ܗܰܘܟ̥ܰܐ ܒܰܗ̄ܢ ܐ݄ܫܬܳܐ ܦܶܪ̈ܥܶܐ ܕܟܳܢܳܦܩܺܝ ܡܺܗ̄ܝ ܡܢܳܪܬܳܐ. 34ܘܒܺܗ̄ܝ ܡܢܳܪܬܳܐ ܓܕܳܗ̄ܘ݄ܢ ܐܰܪܒܥܳܐ ܟܳܣ̈ܶܐ ܘܚܰܒܽܘܫ̈ܶܐ ܘܫܽܘܫܰܢ̈ܶܐ. 35ܚܰܒܽܘܫܳܐ ܬܰܚܬ ܕ݄ܬܪܶܝ ܦܶܪ̈ܥܶܐ ܕܡܶܢܰܗ. ܚܰܒܽܘܫܳܐ ܬܰܚܬ ܕ݄ܬܪܶܝ ܦܶܪ̈ܥܶܐ ܚܪ̈ܶܢܶܐ ܕܡܶܢܰܗ. ܚܰܒܽܘܫܳܐ ܬܰܚܬ ܕ݄ܬܪܶܝ ܦܶܪ̈ܥܶܐ ܚܪ̈ܶܢܶܐ ܕܡܶܢܰܗ. ܗܰܘܟ̥ܰܐ ܒܰܗ̄ܢ ܐ݄ܫܬܳܐ ܦܶܪ̈ܥܶܐ ܕܟܳܢܳܦܩܺܝ ܡܺܗ̄ܝ ܡܢܳܪܬܳܐ. 36ܘܰܚّܰܒܽܘܫ̈ܰܝܕ̥ܰܗ ܘܰܦّܶܪ̈ܥܰܝܕ̥ܰܗ ܡܶܢܰܗ ܓܕܳܗ̄ܘ݄ܢ ܟܽܘܠܰܗ ܚܕ̥ܳܐ ܢܶܣܶܟ̥ܬܳܐ ܕܕܰܗܒ̥ܳܐ ܫܰܦܝܳܐ. 37ܘܣܘ̇ܡ ܠܰܗ ܫܒ̥ܰܥ ܫܪ̈ܳܓ̥ܶܐ، ܘܡܰܢܗ݄ܪ ܗ̄ܰܫܪ̈ܳܓ̥ܰܝܕ̥ܰܗ ܕܳܗ̄ܘ݄ܢ ܡܰܢ݄ܗܪܺܝ ܡܩܰܒ݄ܠ ܕܦܳܬ̥ܰܗ. 38ܘܣܘ̇ܡ ܗ̄ܰܡّܰܠܩ̈ܛܰܝܕ̥ܰܗ ܘܰܣّܶܦܳܩ̈ܰܝܕ̥ܰܗ ܡܽܗ̄ܘ ܕܰܗܒ̥ܳܐ ܨܰܦܝܳܐ. 39ܡܽܗ̄ܘ ܟܰܝܠܳܐ ܕܽܗ̄ܘ ܕܰܗܒ̥ܳܐ ܫܰܦܝܳܐ ܓܣܰܝܡܰܬ ܠܰܗ ܘܟܽܘܠّܶܗ ܗ̄ܰܣّܶܦܳܩ̈ܰܢܺܝ. 40ܘ݄ܚܙܰܝ ܘܣܘ̇ܡ ܒܺܗ̄ܝ ܨܽܘܪܬܳܐ (ܒܽܗ̄ܘ ܕܽܘܡܝܳܐ) ܕܡܰܚܘܶܐ ܐ̱ܢܳܐ ܠܳܟ̥ ܒܽܗ̄ܘ ܛܽܘܪܳܐ.“
Právě zvoleno:
ܣܶܦܪܳܐ ܕܡܰܦܩܳܢܳܐ 25: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 25
25
1ܘܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܘܐܡ݄ܪ ܠܶܗ ܠܶܗ: 2”ܐܰܡܰܪ ܠܒܶܝ ܐܺܝܣܪܳܐܶܝܠ: ܛܪܳܐ ܡܩܰܪܒ̥ܺܝ ܠܺܝ ܩܽܘܪܒܳܢܳܐ. ܡܶܢ̱ ܟܘ̇ܠ ܓܰܒ̥ܪܳܐ ܕܡܰܚ݄ܬ ܠܶܗ ܒܠܶܒܶܗ ܓܡܰܝܕܺܝܬܽܘ ܩܽܘܪܒܳܢܳܐ. 3ܘܽܗ̄ܘ ܩܽܘܪܒܳܢܰܢܳܐ ܕܡܰܝܕܺܝܬܽܘ ܡ݄ܢّܶܗ: ܕܰܗܒ̥ܳܐ ܘܣܶܐܡܳܐ ܘ݄ܢܚܳܫܳܐ، 4ܘܬܶܟ݄ܠܬܳܐ ܘܰܐܪܓܘܳܢܳܐ ܘ݄ܙܚܽܘܪܺܝܬ̥ܳܐ ܘܒܽܘܨܳܐ ܘܣܰܥܪܳܐ ܕܥܶܙ̈ܶܐ. 5ܘܓܰܠܕܳܐ ܕܟܰܒܫ̈ܶܐ ܕܓܰܘܢܳܐ ܣܶܡܳܩܳܐ، ܘܓܰܠܕܳܐ ܕܣܳܣܓܰܘܢܳܐ، ܘܩܰܝܣ̈ܶܐ ܕܶܐܫܟܳܪܥܳܐ. 6ܘܡ݄ܫܚܳܐ ܠܽܗ̄ܘ ܬ݄ܢܗܺܝܪܳܐ، ܘܒܰܣܡ̈ܶܐ ܠܽܗ̄ܘ ܡ݄ܫܚܳܐ ܕܽܗ̄ܘ ܡܫܳܚܳܐ، ܘܠܽܗ̄ܘ ܥܶܛܪܳܐ ܕܰܒّܰܣܡ̈ܶܐ. 7ܘܟܶܐܦ̈ܶܐ ܕܒܶܪ̈ܽܘܠܶܐ، ܘܟܶܐܦ̈ܶܐ ܛܳܒ̈ܳܬ̥ܳܐ ܘܠܽܗ̄ܘ ܠܒܽܘܫܳܐ ܕܰܟّܳܗܢ̈ܶܐ. 8ܘܣܰܝܡܺܝ ܠܺܝ ܡܰܩܕܫܳܐ ܕܫܳܪܶܐ ܐ̱ܢܳܐ ܒܰܝܢܳܬ̥ܰܝّܶܗ. 9ܟܘ̇ܠ ܡܶܕܶܐ ܕܡܰܚܘܶܐ ܐ̱ܢܳܐ ܠܳܟ̥ ܗ̄ܺܝ ܨܽܘܪܬܳܐ (ܕܡܽܘܬ̥ܳܐ) ܕܽܗ̄ܘ ܡܰܫܟܢܳܐ ܘ݄ܕܟܽܘܠّܶܗ ܗ̄ܰܣّܶܦܳܩ̈ܰܝܕ̥ܶܗ ܗܰܘܟ̥ܰܐ ܓܣܰܝܡܺܝܬܽܘ.
10”ܘ݄ܓܣܰܝܡܺܝ ܩܺܝܒܽܘܬ̥ܳܐ ܡܽܗ̄ܘ ܩܰܝܣܳܐ ܕܶܐܫܟܳܪܥܳܐ، ܗ̄ܽܘ ܝܽܘܪܟ̥ܰܝܕ̥ܰܗ ܬܪܶܝ ܕܪ̈ܳܥܶܐ ܘܦܰܠܓܶܗ. ܘܽܗ̄ܘ ܦܶܬ̥ܘܰܝܕ̥ܰܗ ܕܪܳܥܳܐ ܘܦܰܠܓܶܗ، ܘܽܗ̄ܘ ܥ݄ܠܝܰܝܕ̥ܰܗ ܕܪܳܥܳܐ ܘܦܰܠܓܶܗ. 11ܘܡܰܠܒ̥ܶܫܰܗ ܒܽܗ̄ܘ ܕܰܗܒ̥ܳܐ ܫܰܦܝܳܐ ܡܶܢ̱ ܠܰܪܒ̥ܰܠ ܘܡܶܢ̱ ܠܰܘܓ̥݄ܠ ܓܡܰܠܒ̥ܫܰܬ ܠܰܗ، ܘܣܰܝܡܰܬ ܟܠܺܝܠܳܐ ܕܕܰܗܒ̥ܳܐ ܚܶܕ̥ܳܪܰܗ. 12ܘܚܳܫܠܰܬ ܐܰܠܰܗ ܐܰܪܒܰܥ ܙܰܩ݄ܙ̈ܩܳܬ̥ܳܐ ܕܕܰܗܒ̥ܳܐ، ܘܡܰܚܬܰܬّܶܗ ܒܰܗ̄ܢ ܐܰܪܒܰܥ ܩ݄ܪ̈ܢܰܘܳܬ̥ܰܝܕ̥ܰܗ، ܬܰܪܬܶܝ ܙܰܩ݄ܙ̈ܩܳܬ̥ܳܐ ܒܚܰܕ̱ ܓܰܒܳܐ، ܘܬܰܪܬܶܝ ܙܰܩ݄ܙ̈ܩܳܬ̥ܳܐ ܒܽܗ̄ܘ ܓܰܒܳܐ ܚܪܶܢܳܐ. 13ܘܣܰܝܡܰܬ ܪ̈ܰܘܛܶܐ ܡܽܗ̄ܘ ܩܰܝܣܳܐ ܕܽܗ̄ܘ ܕܶܐܫܟܳܪܥܳܐ، ܘܡܰܠܒ̥ܫܰܬّܶܗ ܕܰܗܒ̥ܳܐ. 14ܘܡܰܥ݄ܒܪܰܬ ܗ̄ܰܪّܰܘ̈ܛܶܐ ܒܰܚّܰܠܰܩ̈ܝܳܬ̥ܳܐ ܒܰܓّܰܒ̈ܶܐ ܕܺܗ̄ܝ ܩܺܝܒܽܘܬ̥ܳܐ ܠܰܫܰܢ ܡ݄ܛܥܳܢܳܐ ܐܰܒّܶܗ ܗ̄ܺܝ ܩܺܝܒܽܘܬ̥ܳܐ. 15ܒܰܚّܰܠܰܩ̈ܝܳܬ̥ܳܐ ܕܺܗ̄ܝ ܩܺܝܒܽܘܬ̥ܳܐ ܓܕܳܗ̄ܘ݄ܢ ܗ̄ܰܪّܰܘ̈ܛܶܐ، ܘܠܳܐ ܡ݄ܢܩܳܠܺܝ ܡ݄ܢّܶܗ. 16ܘ݄ܓܡܰܚܬܰܬ ܒܺܗ̄ܝ ܩܺܝܒܽܘܬ̥ܳܐ ܗ̄ܺܝ ܣܳܗܕܽܘܬ̥ܳܐ ܕ݄ܓܕܳܗ̄ܒܶܢܳܟ̥. 17ܘܣܘ̇ܡ ܚܽܘܣܳܝܳܐ ܕܕܰܗܒ̥ܳܐ ܨܰܦܝܳܐ، ܬܪܶܝ ܕܪ̈ܳܥܶܐ ܘܦܰܠܓܶܗ ܗ̄ܽܘ ܝܽܘܪܟ̥ܰܝܕ̥ܶܗ ܘ݄ܕܪܳܥܳܐ ܘܦܰܠܓܳܐ ܗ̄ܽܘ ܦܶܬ̥ܘܰܝܕ̥ܶܗ. 18ܘܣܘ̇ܡ ܬܪܶܝ ܟܪ̈ܽܘܒܶܐ ܕܕܰܗܒ̥ܳܐ. ܢܶܣܶܟ̥ܬܳܐ ܣܽܘܡ݄ܢ ܡܰܢ ܬܪܶܝ ܓܰܒ̈ܶܐ ܕܽܗ̄ܘ ܚܽܘܣܳܝܳܐ. 19ܘܣܘ̇ܡ ܚܰܕ̱ ܟܪܽܘܒܳܐ ܡܽܗ̄ܘ ܓܰܒܰܝܕ̥ܶܗ ܡܰܗ̄ܪܟܶܐ، ܘܚܰܕ̱ ܟܪܽܘܒܳܐ ܡܽܗ̄ܘ ܓܰܒܳܐ ܚܪܶܢܳܐ ܕܽܗ̄ܘ ܚܽܘܣܳܝܳܐ. ܘܣܰܝܡܰܬ ܬܪܶܝ ܟܪ̈ܽܘܒܶܐ ܥܰܠ ܗ̄ܰܬܪܶܝ ܓܰܒ̈ܰܝܕ̥ܶܗ. 20ܘܕܳܗ̄ܘ݄ܢ ܗ̄ܰܓّܶܦ̈ܶܐ ܕܰܟܪ̈ܽܘܒܶܐ ܦܪ̈ܺܝܣܶܐ ܠܰܠܥ݄ܠ ܘ݄ܡܟܰܣ݄ܢ ܒܰܟّܶܢ̈ܦܰܬّ̥ܶܗ ܥܰܠ ܗ̄ܽܘ ܚܽܘܣܳܝܳܐ. ܘܦܳܬ̥ܰܝّܶܗ ܚܰܕ̱ ܡܩܰܒ݄ܠ ܕܚܰܕ̱، ܠܰܠܥ݄ܠ ܡܽܗ̄ܘ ܚܽܘܣܳܝܳܐ ܓܕܳܗ̄ܘ݄ܢ ܦ̈ܳܬ̥ܶܐ ܕܰܟܪ̈ܽܘܒܶܐ. 21ܘܡܰܚܬܰܬ ܗ̄ܽܘ ܚܽܘܣܳܝܳܐ ܥܰܠ ܗ̄ܺܝ ܩܺܝܒܽܘܬ̥ܳܐ ܡܶܢ̱ ܠܰܠܥ݄ܠ. ܘ݄ܓܡܰܚܬܰܬ ܒܺܗ̄ܝ ܩܺܝܒܽܘܬ̥ܳܐ ܗ̄ܺܝ ܣܳܗܕܽܘܬ̥ܳܐ ܕ݄ܓܕܳܗ̄ܒܶܢܳܟ̥. 22ܘ݄ܓܕܳܗ̄ܘܶܐ ܗ̄ܽܘ ܘܰܥܕܰܝܕ̥ܺܝ ܐܰܥܡܳܟ̥ ܬܰܡܳܐ. ܘܓ݄ܕܡ݄ܫܓ̥ܰܠ ܐ̱ܢܳܐ ܐܰܥܡܳܟ̥ ܡܶܢ̱ ܠܰܠܥ݄ܠ ܡܽܗ̄ܘ ܚܽܘܣܳܝܳܐ ܡܒܰܝܢ ܗ̄ܰܬܪܶܝ ܟܪ̈ܽܘܒܶܐ ܕܟܺܝܬ ܠܰܠܥ݄ܠ ܡܺܗ̄ܝ ܩܺܝܒܽܘܬ̥ܳܐ ܕܺܗ̄ܝ ܣܳܗܕܽܘܬ̥ܳܐ ܒܟܘ̇ܠ ܦܽܘܩܕܳܢܳܐ ܕ݄ܓܕܳܗ̄ܒܶܢܳܟ̥ ܥܰܠ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ.
23”ܘܣܘ̇ܡ ܦܳܬܽܘܪܳܐ ܡܽܗ̄ܘ ܩܰܝܣܳܐ ܕܽܗ̄ܘ ܕܶܐܫܟܳܪܥܳܐ، ܬܪܶܝ ܕܪ̈ܳܥܶܐ ܗ̄ܽܘ ܝܽܘܪܟ̥ܰܝܕ̥ܶܗ ܘ݄ܕܪܳܥܳܐ ܗ̄ܽܘ ܦܶܬ̥ܘܰܝܕ̥ܶܗ ܘ݄ܕܪܳܥܳܐ ܘܦܰܠܓܶܗ ܗ̄ܽܘ ܥ݄ܠܝܰܝܕ̥ܶܗ. 24ܘܡܰܠܒ̥ܶܫܶܗ ܕܰܗܒ̥ܳܐ ܨܰܦܝܳܐ، ܘܣܘ̇ܡ ܠܶܗ ܟܠܺܝܠܳܐ ܕܕܰܗܒ̥ܳܐ ܚܶܕ̥ܳܪܶܗ. 25ܘܣܘ̇ܡ ܠܶܗ ܣܰܦ̊ܬ̥ܳܐ ܒܥ݄ܠܝܳܐ ܕܚܰܕ̱ ܣܺܝܛܳܐ ܠܚܶܕ̥ܳܪܶܗ، ܘܣܘ̇ܡ ܟܠܺܝܠܳܐ ܕܕܰܗܒ̥ܳܐ ܥܰܠ ܣܰܦ̊ܬ̥ܶܗ ܚܶܕ̥ܳܪܶܗ. 26ܘܣܘ̇ܡ ܐܶܠܶܗ ܐܰܪܒܰܥ ܚܰܠܰܩ̈ܝܳܬ̥ܳܐ ܕܕܰܗܒ̥ܳܐ، ܘܣܰܝܡܰܬ ܗ̄ܰܢ ܐܰܪܒܰܥ ܙܰܩ݄ܙ̈ܩܳܬ̥ܳܐ ܕܽܗ̄ܘ ܕܰܗܒ̥ܳܐ ܥܰܠ ܗ̄ܰܢ ܐܰܪܒܰܥ ܩ݄ܪ̈ܢܰܘܳܬ̥ܰܝܕ̥ܶܗ، ܠܰܠܥ݄ܠ ܡܰܗ̄ܢ ܐܰܪܒܰܥ ܪ̈ܰܓ̥ܠܳܬ̥ܰܝܕ̥ܶܗ. 27ܡܩܰܒ݄ܠ ܕܺܗ̄ܝ ܣܰܦ̊ܬܰܝܕ̥ܶܗ ܓܕܳܗ̄ܘ݄ܢ ܙܰܩ݄ܙ̈ܩܳܬ̥ܳܐ ܕܽܘܟܬ̥ܳܐ ܠܪ̈ܰܘܛܶܐ ܠܽܗ̄ܘ ܛܥܳܢܳܐ ܕܽܗ̄ܘ ܦܳܬܽܘܪܳܐ. 28ܘܣܘ̇ܡ ܪ̈ܰܘܛܶܐ ܕܩܰܝܣܳܐ ܕܶܐܫܟܳܪܥܳܐ، ܘܡܰܠܒ̥ܶܫ݄ܢ ܕܰܗܒ̥ܳܐ ܠܰܫܰܢ ܛܳܥܢܺܝ ܐܰܒّܶܗ ܗ̄ܽܘ ܦܳܬܽܘܪܳܐ. 29ܘܣܘ̇ܡ ܟܳܣ̈ܶܐ ܘܠܰܩܢܳܐ ܘܙܳܒܽܘܪ̈ܶܐ (ܥܳܠܒ̈ܶܐ ܕܒܰܣܡܳܐ). ܘܣܶܦܳܩ̈ܶܐ ܕܡܺܝܢܰܩ݄ܢ ܐܰܒّܶܗ، ܒܕܰܗܒ̥ܳܐ ܨܰܦܝܳܐ ܣܽܘܡ݄ܢ. 30ܘܡܰܚܬܰܬ ܥܰܠ ܗ̄ܽܘ ܦܳܬܽܘܪܳܐ ܛܰܠܡ̈ܶܐ ܕܠܰܚܡܳܐ (ܕܦ̈ܳܬ̥ܳܬ̥ܳܐ) ܩܽܘܕ̱ܡܺܝ ܒܰܐܡܺܝܢܽܘܬ̥ܳܐ.
31”ܘܣܘ̇ܡ ܡܢܳܪܬܳܐ ܕܕܰܗܒ̥ܳܐ ܫܰܦܝܳܐ ܢܶܣܶܟ̥ܬܳܐ ܓܣܰܝܡܰܬ ܠܺܗ̄ܝ ܡܢܳܪܬܳܐ. ܗ̄ܺܝ ܫܶܬܶܐܣܬܰܝܕ̥ܰܗ ܘܰܦّܶܪ̈ܥܰܝܕ̥ܰܗ ܘܰܟّܳܣ̈ܰܝܕ̥ܰܗ ܘܰܚّܰܒܽܘܫ̈ܰܝܕ̥ܰܗ ܘܰܫّܽܘܫܰܢ̈ܰܝܕ̥ܰܗ ܡܶܢܰܗ ܕܳܗ̄ܘ݄ܢ. 32ܘ݄ܐܫܬܳܐ ܦܶܪ̈ܥܶܐ ܕܢܳܦܩܺܝ ܡܰܢ̱ ܓّܰܒ̈ܰܝܕ̥ܰܗ، ܬܠܳܬ̥ܳܐ ܦܶܪ̈ܥܶܐ ܡܶܢ̱ ܚܰܕ̱ ܓܰܒܳܐ ܕܺܗ̄ܝ ܡܢܳܪܬܳܐ، ܘ݄ܬܠܳܬ̥ܳܐ ܦܶܪ̈ܥܶܐ ܡܽܗ̄ܘ ܓܰܒܰܝܕ̥ܰܗ ܗ̄ܽܘ ܚܪܶܢܳܐ. 33ܬܠܳܬ̥ܳܐ ܟܳܣ̈ܶܐ ܡܰܐܣܪ̈ܶܐ ܒܚܰܕ̱ ܦܶܪܥܳܐ ܘܚܰܒܽܘܫ̈ܶܐ ܘܫܽܘܫܰܢ̈ܶܐ. ܘ݄ܬܠܳܬ̥ܳܐ ܟܳܣ̈ܶܐ ܡܰܐܣܪ̈ܶܐ ܒܚܰܕ̱ ܦܶܪܥܳܐ ܘܚܰܒܽܘܫ̈ܶܐ ܘܫܽܘܫܰܢ̈ܶܐ. ܗܰܘܟ̥ܰܐ ܒܰܗ̄ܢ ܐ݄ܫܬܳܐ ܦܶܪ̈ܥܶܐ ܕܟܳܢܳܦܩܺܝ ܡܺܗ̄ܝ ܡܢܳܪܬܳܐ. 34ܘܒܺܗ̄ܝ ܡܢܳܪܬܳܐ ܓܕܳܗ̄ܘ݄ܢ ܐܰܪܒܥܳܐ ܟܳܣ̈ܶܐ ܘܚܰܒܽܘܫ̈ܶܐ ܘܫܽܘܫܰܢ̈ܶܐ. 35ܚܰܒܽܘܫܳܐ ܬܰܚܬ ܕ݄ܬܪܶܝ ܦܶܪ̈ܥܶܐ ܕܡܶܢܰܗ. ܚܰܒܽܘܫܳܐ ܬܰܚܬ ܕ݄ܬܪܶܝ ܦܶܪ̈ܥܶܐ ܚܪ̈ܶܢܶܐ ܕܡܶܢܰܗ. ܚܰܒܽܘܫܳܐ ܬܰܚܬ ܕ݄ܬܪܶܝ ܦܶܪ̈ܥܶܐ ܚܪ̈ܶܢܶܐ ܕܡܶܢܰܗ. ܗܰܘܟ̥ܰܐ ܒܰܗ̄ܢ ܐ݄ܫܬܳܐ ܦܶܪ̈ܥܶܐ ܕܟܳܢܳܦܩܺܝ ܡܺܗ̄ܝ ܡܢܳܪܬܳܐ. 36ܘܰܚّܰܒܽܘܫ̈ܰܝܕ̥ܰܗ ܘܰܦّܶܪ̈ܥܰܝܕ̥ܰܗ ܡܶܢܰܗ ܓܕܳܗ̄ܘ݄ܢ ܟܽܘܠܰܗ ܚܕ̥ܳܐ ܢܶܣܶܟ̥ܬܳܐ ܕܕܰܗܒ̥ܳܐ ܫܰܦܝܳܐ. 37ܘܣܘ̇ܡ ܠܰܗ ܫܒ̥ܰܥ ܫܪ̈ܳܓ̥ܶܐ، ܘܡܰܢܗ݄ܪ ܗ̄ܰܫܪ̈ܳܓ̥ܰܝܕ̥ܰܗ ܕܳܗ̄ܘ݄ܢ ܡܰܢ݄ܗܪܺܝ ܡܩܰܒ݄ܠ ܕܦܳܬ̥ܰܗ. 38ܘܣܘ̇ܡ ܗ̄ܰܡّܰܠܩ̈ܛܰܝܕ̥ܰܗ ܘܰܣّܶܦܳܩ̈ܰܝܕ̥ܰܗ ܡܽܗ̄ܘ ܕܰܗܒ̥ܳܐ ܨܰܦܝܳܐ. 39ܡܽܗ̄ܘ ܟܰܝܠܳܐ ܕܽܗ̄ܘ ܕܰܗܒ̥ܳܐ ܫܰܦܝܳܐ ܓܣܰܝܡܰܬ ܠܰܗ ܘܟܽܘܠّܶܗ ܗ̄ܰܣّܶܦܳܩ̈ܰܢܺܝ. 40ܘ݄ܚܙܰܝ ܘܣܘ̇ܡ ܒܺܗ̄ܝ ܨܽܘܪܬܳܐ (ܒܽܗ̄ܘ ܕܽܘܡܝܳܐ) ܕܡܰܚܘܶܐ ܐ̱ܢܳܐ ܠܳܟ̥ ܒܽܗ̄ܘ ܛܽܘܪܳܐ.“
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation