ܣܶܦܪܳܐ ܕܡܰܦܩܳܢܳܐ 23
23
1”ܠܳܐ ܡܰܫܪܰܬ ܗ̄ܽܘ ܡܰܐܡܪܳܐ ܕܰܕّܽܘܓ̈ܠܶܐ، ܘܠܳܐ ܡܰܚܬܰܬ ܐܺܝܕ̥ܳܟ̥ ܥܰܡ ܗ̄ܽܘ ܒܺܝܫܳܐ ܘܗܳܘܰܬ ܠܶܗ ܣܳܗܕܳܐ ܡܕܰܓܠܳܢܳܐ. 2ܠ݄ܐ ܐܙّܳܟ̥ ܒ݄ܬ̥ܪܶܗ ܕܓ̥ܰܠܰܒܶܐ ܠܺܗ̄ܝ ܚܰܪܒܽܘܬ̥ܳܐ. ܘܠܳܐ ܡ݄ܫܓ̥ܳܠܰܬ ܥܰܠ ܕܺܝܢܳܐ ܘܪܳܚܩܰܬ (ܡܽܗ̄ܘ ܫܪܳܪܳܐ) ܥܰܡ ܓ̥ܰܠܰܒܶܐ ܕܪܰܚܺܝܩܺܝ. 3ܘܠܽܗ̄ܘ ܡ݄ܣܟܶܢܳܐ ܠܳܐ ܡܥܰܕܪܰܬ ܒܽܗ̄ܘ ܕܺܝܢܰܝܕ̥ܶܗ. 4ܘܺܗ̄ܝ ܢܰܩܠܐ ܕܚܳܙܰܬ ܗ̄ܽܘ ܬܰܘܪܳܐ ܕܽܗ̄ܘ ܒܥܶܠܕܒܳܒܰܝܕ̥ܳܟ̥ ܐܰܘ ܗ̄ܽܘ ܚܡܳܪܰܝܕ̥ܶܗ ܡܣܰܟܪ̈ܶܐ، ܬܶܕܥܺܝܪܳܐ ܡܰܕܥܶܪ݄ܢ ܐܶܠܶܗ. 5ܘܺܗ̄ܝ ܢܰܩܠܐ ܕܚܳܙܰܬ ܗ̄ܽܘ ܚܡܳܪܳܐ ܕܽܗ̄ܘ ܒܥܶܠܕܒܳܒܰܝܕ̥ܳܟ̥ ܪܰܒ̥ܺܝܥܳܐ ܬܰܚܬ ܗ̄ܽܘ ܛܰܥܢܰܝܕ̥ܶܗ، ܘܗܰܬ ܠ݄ܐ ܟ݄ܐܒܥܰܬ ܕܛܳܥܢܰܬ ܐܰܥܡܶܗ، ܐܶܠܳܐ ܛܥܳܢܳܐ ܛܥܰܢ ܐܰܥܡܶܗ. 6ܠܳܐ ܦ݄ܬܠܰܬ ܗ̄ܽܘ ܕܺܝܢܳܐ ܕܽܗ̄ܘ ܡ݄ܣܟܶܢܳܐ ܒܽܗ̄ܘ ܕܺܝܢܰܝܕ̥ܶܗ. 7ܘܡܽܗ̄ܘ ܡܰܐܡܪܳܐ ܕܰܕّܽܘܓ̈ܠܶܐ ܪܚܰܩ. ܘܒܰܪܺܝܳܐ ܘܙܰܕܺܝܩܳܐ ܠܳܐ ܩܳܛܠܰܬ ܡܺܐܝܕ̥ܶܗ ܕܠ݄ܐ ܓ݄ܡܒܰܪܶܐ ܐ̱ܢܳܐ ܠܽܗ̄ܘ ܚܰܛܳܝܳܐ. 8ܫܽܘܚܕܳܐ ܠܳܐ ܡܰܝܕܰܬ، ܡܺܐܝܕ̥ܶܗ ܕܽܗ̄ܘ ܫܽܘܚܕܳܐ ܟܡܰܣܡܶܐ ܥܰܝܢ̈ܶܗ ܕܰܚّܰܟܺܝܡ̈ܶܐ ܒܽܗ̄ܘ ܕܺܝܢܳܐ ܘܟ݄ܡܦܰܬ݄ܠ ܗ̄ܰܡّܰܐܡܪ̈ܶܐ ܕܰܗ̄ܢ ܢܳܫ̈ܶܐ ܛܳܒ̥̈ܶܐ (ܙܰܟܳܝ̈ܶܐ). 9ܘܠܰܗ̄ܢ ܢܽܘܟ̥ܪ̈ܳܝܶܐ (ܕ݄ܟܝ݄ܬܒ̥ܺܝ ܐܰܥܡܰܝܟ̥ܽܘ) ܠܳܐ ܡܰܥܺܝܩܺܝܬܽܘ، ܥܰܠ ܕܗܰܬܽܘ ܟܳܐܕ̥ܥܺܝܬܽܘ ܗ̄ܺܝ ܢܰܦܫܳܐ ܕܰܗ̄ܢ ܢܽܘܟ̥ܪ̈ܳܝܶܐ، ܡܺܐܝܕ̥ܶܗ ܕܢܽܘܟ̥ܪ̈ܳܝܶܐ ܗ̄ܘܰܝܬܽܘ ܒܺܗ̄ܝ ܐܰܪܥܳܐ ܕܡܶܨܪܶܝܢ.
10”ܫܶܬ̥ ܐ݄ܫܢ̈ܶܐ ܓܙܳܪܥܰܬ ܗ̄ܺܝ ܐܰܪܥܰܝܕ̥ܳܟ̥، ܘܡܰܠܬܡܰܬ ܗ̄ܰܦّܺܐܪ̈ܰܝܕ̥ܰܗ. 11ܘܒܺܗ̄ܝ ܫܰܢ̱ܬܳܐ ܕܰܫܒ̥ܰܥ ܓܟܳܪܒ̥ܰܬ ܠܰܗ ܘܛܳܪܰܬ ܠܰܗ. ܘܰܡّܶܣܟܺܢ̈ܶܐ ܕܽܗ̄ܘ ܥܰܡܰܝܕ̥ܳܟ̥ ܓܕܳܐܟ̥ܠܺܝ ܡܶܢܰܗ. ܘܽܗ̄ܘ ܡܶܕܶܐ ܕܦܳܝ݄ܫ ܓܕܳܐܟ̥ܠܳܐ ܠܶܗ ܗ̄ܺܝ ܚܰܝܽܘܬ̥ܳܐ ܕܽܗ̄ܘ ܡܰܕ̥݄ܒܪܳܐ. ܘܗܰܘܟ̥ܰܐ ܓܣܰܝܡܰܬ ܒܰܟّܰܪ̈ܡܰܝܕ̥ܳܟ̥ ܘܒܰܙّܰܝܬܽܘܢ̈ܰܝܕ̥ܳܟ̥. 12ܐ݄ܫܬܳܐ ܝܰܘܡ̈ܶܐ ܓܥܳܒ̥ܕܰܬ ܗ̄ܽܘ ܥܒ̥ܳܕܰܝܕ̥ܳܟ̥، ܘܒܽܗ̄ܘ ܝܰܘܡܳܐ ܕܰܫّܰܒ̥ܥܳܐ ܓܡ݄ܬ̥ܢܳܚܰܬ، ܠܰܫܰܢ ܕܡ݄ܬ̥ܢ݄ܚ ܗ̄ܽܘ ܬܰܘܪܰܝܕ̥ܳܟ̥ ܘܽܗ̄ܘ ܚܡܳܪܰܝܕ̥ܳܟ̥، ܘܡ݄ܬ̥ܢ݄ܚ ܗ̄ܽܘ ܐܰܒܪܳܐ ܕܺܗ̄ܝ ܓܪܰܥܬܰܝܕ̥ܳܟ̥ ܘܽܗ̄ܘ ܢܽܘܟ̥ܪܳܝܳܐ ܕܒܰܡܕ̥ܺܝܢ̈ܳܬ̥ܰܝܕ̥ܳܟ̥. 13ܘܟܘ̇ܠ ܡܶܕܶܐ ܕܐܡ݄ܪ ܠܺܝ ܠܟ̥ܽܘ ܗܰܒ̥ܽܘ ܠܶܗ ܒܳܠܳܐ. ܘ݄ܐܫܡܳܐ ܕܰܐܠܳܗ̈ܶܐ ܚܪ̈ܶܢܶܐ ܠܳܐ ܡܰܝܬܺܝܬܽܘ ܠܽܗ̄ܘ ܒܳܠܳܐ، ܘܠܳܐ ܣܳܠܩܺܝ ܥܰܠ ܠܶܒܰܝܟ̥ܽܘ. 14ܬܠ݄ܬ̥ ܟܳܪ̈ܶܐ ܣܽܘܡܽܘ ܠܺܝ ܥܶܐܕ̥ܳܐ ܒܺܗ̄ܝ ܫܰܢ̱ܬܳܐ. 15ܗ̄ܽܘ ܥܶܐܕ̥ܳܐ ܕܰܦّܰܛܺܝܪ̈ܶܐ ܢܛܰܪ. ܫܰܒ̥ܥܳܐ ܝܰܘܡ̈ܶܐ ܦܰܛܺܝܪܳܐ ܓܕܳܐܟ̥ܠܰܬ ܐܟ̥ ܕܽܗ̄ܘ ܦܽܘܩܕܳܢܳܐ ܕܗܽܒ̥ ܠܺܝ ܠܳܟ̥ ܒܽܗ̄ܘ ܝܰܪܚܳܐ ܕܰܗّܰܒܳܒ̈ܶܐ، ܡܺܐܝܕ̥ܶܗ ܕܒܽܗ̄ܘ ܝܰܪܚܳܐ ܕܰܗّܰܒܳܒ̈ܶܐ ܢܰܦܺܝܩܺܝܬܽܘ ܡܶܢ̱ ܡܶܨܪܶܝܢ ܘܠܳܐ ܡܰܚܘܺܝܬܽܘ ܩܽܘܕ̱ܡܺܝ ܣܦܺܝܩ̈ܶܐ. 16ܘܽܗ̄ܘ ܥܶܐܕ̥ܳܐ ܕܽܗ̄ܘ ܚܨܳܕܳܐ ܗ̄ܺܝ ܒܰܟ̥ܪܽܘܬ̥ܳܐ ܕܰܚّܶܛ̈ܰܬ̥ܟ̥ܽܘ ܙܳܪܥܺܝܬܽܘ ܒܺܗ̄ܝ ܚܰܩܠܳܐ، ܘܽܗ̄ܘ ܥܶܐܕ̥ܳܐ ܕܽܗ̄ܘ ܚܡܳܠܳܐ (ܒܺܗ̄ܝ ܐܰܕܪܳܐ) ܒܽܗ̄ܘ ܢܦܳܩܳܐ ܕܺܗ̄ܝ ܫܰܢ̱ܬܳܐ ܗ̄ܺܝ ܢܰܩܠܐ ܕܡܰܠܬܡܰܬ ܗ̄ܰܦّܺܐܪ̈ܰܝܕ̥ܳܟ̥ ܡܺܗ̄ܝ ܚܰܩܠܳܐ. 17ܬܠ݄ܬ̥ ܟܳܪ̈ܶܐ ܒܺܗ̄ܝ ܫܰܢ̱ܬܳܐ ܓܡ݄ܚܙܶܐ ܟܽܘܠܶܗ ܗ̄ܽܘ ܕܽܘܟ̥ܪܳܢܰܝܕ̥ܳܟ̥ ܩ݄ܕ̱ܡ ܡܳܪܝܳܐ ܐܰܠܳܗܰܝܕ̥ܳܟ̥̥. 18ܠܳܐ ܕ݄ܒܚܰܬ ܥܰܠ ܗ̄ܽܘ ܚܰܡܺܝܥܳܐ ܐܰܕܡܳܐ ܕܺܗ̄ܝ ܕܶܒܚܬ̥ܳܐ، ܘܠܳܐ ܦܳܝ݄ܫ ܗ̄ܽܘ ܬܰܪܒܳܐ ܕܽܗ̄ܘ ܥܶܐܕ̥ܳܐ ܗ݄ܠ ܨܰܦܪܳܐ. 19ܗ̄ܺܝ ܒܰܟ̥ܪܽܘܬ̥ܳܐ ܕܰܦّܺܐܪ̈ܶܐ ܕܺܗ̄ܝ ܐܰܪܥܰܝܕ̥ܳܟ̥ ܓܡܰܡܛܰܬ ܠܽܗ̄ܘ ܒܰܝܬܳܐ ܕܡܳܪܝܳܐ ܐܰܠܳܗܰܝܕ̥ܳܟ̥̥. ܠܳܐ ܡܒܰܫܠܰܬ ܗ̄ܽܘ ܨܰܦܽܘܪܳܐ ܒܽܗ̄ܘ ܚܰܠܒ̥ܳܐ ܕܺܗ̄ܝ ܐܶܡܳܐ.
20”ܟܰܐܠܺܝ ܟܳܡܫܰܕܰܪ ܐ̱ܢܳܐ ܡܰܠܰܐܟ̥ܳܐ ܩܰܕ̱ܡܽܘܬ̥ܳܟ̥ ܕܢܳܛ݄ܪ ܠܳܟ̥ ܒܽܗ̄ܘ ܕܰܪܒܳܐ ܘ݄ܕܡܰܥܒܰܪ ܠܳܟ̥ ܠܺܗ̄ܝ ܐܰܪܥܳܐ ܕ݄ܡܛܰܝܰܒ ܠܺܝ. 21ܗܘܰܝ ܙܗܺܝܪܳܐ ܡܶܢܶܗ ܘ݄ܫܡܰܥ ܠܩܳܠܶܗ، ܘܠܳܐ ܥܳܨܰܬ ܡܩܰܒ݄ܠ ܕܺܝܕ̥ܶܗ ܕܠ݄ܐ ܐܙّܶܗ ܠܳܐ ܫܳܒ݄ܩ ܗ̄ܰܚܛܳܗ̈ܰܬ̥ܟ̥ܽܘ ܥܰܠ ܕ݄ܐܫܡܺܝ ܐܰܥܠܶܗ ܝܳܐ. 22ܘܶܐܢ ܫܡܳܥܳܐ ܕܫܳܡܥܰܬ ܠܩܳܠܶܗ، ܘܣܰܝܡܰܬ ܒܟܘ̇ܠ ܡܶܕܶܐ ܕܳܐܡܰܪ ܠܳܟ̥ ܟ݄ܡܥܰܢܰܬ ܐ̱ܢܳܐ ܡܰܢ̱ ܡܥܰܢ̈ܬܳܢܰܝܕ̥ܳܟ̥، ܘ݄ܓܡܰܥ݄ܩ ܐ̱ܢܳܐ ܠܰܒܥܶܠܕܒܳܒܰܝܕ̥̈ܳܟ̥. 23ܡܺܐܝܕ̥ܶܗ ܕܽܗ̄ܘ ܡܰܠܰܐܟ̥ܰܝܕ̥ܺܝ ܓܕ݄ܐܙّܶܗ ܩܽܘܕ̱ܡܳܟ̥ ܘܡܰܥܒܰܪ ܠܳܟ̥ ܥܰܠ ܗ̄ܰܢ ܐܳܡܽܘܪ̈ܳܝܶܐ ܘܰܚّܺܝܬ̥ܳܝ̈ܶܐ ܘܰܦّܰܪ̈ܙܳܝܶܐ ܘܰܟܢܰܥܢܳܝ̈ܶܐ ܘܰܚّܰܘܳܝ̈ܶܐ ܘܰܝّܳܒܽܘܣܳܝ̈ܶܐ ܘ݄ܓܩܳܛܰܠܢܰܢّܶܗ. 24ܠܳܐ ܣܳܓ̥ܕܰܬ ܠܰܗ̄ܢ ܐܰܠܳܗ̈ܰܬّ̥ܶܗ ܘܠܳܐ ܥܳܒܕܰܬّܶܗ، ܘܠܳܐ ܣܰܝܡܰܬ ܐܟ̥ ܕܰܥܒܳܕ̈ܰܬّ̥ܶܗ. ܐܶܠܳܐ ܕܪܳܝܳܐ ܕܪܰܝ݄ܢ ܘ݄ܬܒ̥ܳܪܳܐ ܡܬܰܒܰܪ ܗ̄ܰܨّܰܠܡ̈ܰܬّ̥ܶܗ. 25ܘ݄ܓܥܳܒܕܺܝܬܽܘ ܠܡܳܪܝܳܐ ܐܰܠܳܗܰܬ̥ܟ̥ܽܘ، ܘܓ݄ܡܒܰܪ݄ܟ̥ ܗ̄ܽܘ ܠܰܚܡܰܬ̥ܟ̥ܽܘ ܘܰܡّܰܝ̈ܰܬ̥ܟ̥ܽܘ، ܘ݄ܓܡܰܥܒ݄ܪ ܗ̄ܰܡܚ̈ܰܝܬܳܬ̥ܳܐ ܡܰܢ̱ ܒّܳܬ̈ܰܬ̥ܟ̥ܽܘ. 26ܘܠܳܐ ܗ̄ܘܶܐ ܥܩܰܪܬ̥ܳܐ ܘ݄ܚܕ̥ܳܐ ܕܠ݄ܐ ܟܡ݄ܛܥܳܢܳܐ ܒܺܗ̄ܝ ܐܰܪܥܰܬ̥ܟ̥ܽܘ. ܘܽܗ̄ܘ ܡܶܢܝܳܢܳܐ ܕܰܝّܰܘܡ̈ܰܬ̥ܟ̥ܽܘ ܓ݄ܡܟܰܡܰܠ ܐ̱ܢܳܐ. 27ܘܺܗ̄ܝ ܙܽܘܥܬ̥ܰܝܕ̥ܺܝ ܓ݄ܡܫܰܕܰܪ ܐ̱ܢܳܐ ܩܽܘܕ̱ܡܳܟ̥ ܘܓ݄ܡܚܰܪܰܒ ܐ̱ܢܳܐ ܠܟܽܘܠّܶܗ ܗ̄ܰܥّܰܡ̈ܶܐ ܕܓ݄ܐܙّܳܟ̥ ܐܰܥܠܰܝّܶܗ، ܘ݄ܓܛܳܪܶܐ ܐ̱ܢܳܐ ܗ̄ܰܒܥܶܠܕ̈ܒܳܒܰܝܕ̥ܳܟ̥ ܕܟܰܝܦܺܝ ܩܕ̥ܳܠܰܝّܶܗ ܩܽܘܕ̱ܡܳܟ̥. 28ܘܓ݄ܡܫܰܕܰܪ ܐ̱ܢܳܐ ܕܶܒܽܘܪ̈ܶܐ ܩܽܘܕ̱ܡܳܟ̥، ܘ݄ܡܚܰܪܰܒ̥ ܐ̱ܢܳܐ ܠܰܟܢܰܥܢܳܝ̈ܶܐ ܘܠܰܚّܺܝܬ̥ܳܝ̈ܶܐ ܡܶܢ̱ ܩܽܘܕ̱ܡܳܟ̥. 29ܠ݄ܐ ܓ݄ܡܚܰܪܰܒܢܰܢّܶܗ ܡܶܢ̱ ܩܽܘܕ̱ܡܳܟ̥ ܒܫܰܢ̱ܬܳܐ ܚܕ̥ܳܐ ܕܠܳܐ ܚܳܪܒ̥ܳܐ ܗ̄ܺܝ ܐܰܪܥܳܐ، ܘ݄ܓܙܰܝܕܺܝ ܐܰܥܠܳܟ̥ ܗ̄ܰܚّܰܝ̈ܘܳܬ̥ܳܐ ܕܽܗ̄ܘ ܡܰܕ̥݄ܒܪܳܐ. 30ܐ݄ܫܡܳܐ ܐ݄ܫܡܳܐ ܓܬܳܠܶܢܰܢّܶܗ ܡܶܢ̱ ܩܽܘܕ̱ܡܳܟ̥ ܗ݄ܠ ܕܡܺܝܚܳܨܰܬ ܘܝܳܪܬ̥ܰܬ ܗ̄ܺܝ ܐܰܪܥܳܐ. 31ܘ݄ܓܣܳܝܰܡ ܐ̱ܢܳܐ ܗ̄ܽܘ ܬܚܽܘܡܰܝܕ̥ܳܟ̥ ܡܽܗ̄ܘ ܝܰܡܳܐ ܕܣܽܘܦ ܘܗ݄ܠ ܠܽܗ̄ܘ ܝܰܡܳܐ ܕܰܦܠܶܫܬܳܝ̈ܶܐ، ܘܡܽܗ̄ܘ ܡܰܕ̥݄ܒܪܳܐ ܘܗ݄ܠ ܠܽܗ̄ܘ ܢܰܗܪܳܐ، ܡܺܐܝܕ̥ܶܗ ܕ݄ܓܕܳܗ̄ܒܶܐ ܐ̱ܢܳܐ ܒܺܐܝܕ̥̈ܰܝܟ̥ܽܘ ܗ̄ܰܝّܰܬܺܝܒ̥̈ܶܐ ܕܺܗ̄ܝ ܐܰܪܥܳܐ، ܘܩܳܛܠܺܝܬܽܘܢّܶܗ. 32ܘܠܳܐ ܡܰܩܺܝܡܰܬ ܩܝܳܡܳܐ ܐܰܠّܶܗ ܘܠܰܗ̄ܢ ܐܰܠܳܗ̈ܰܬّ̥ܶܗ. 33ܘܠܳܐ ܝܳܬܒ̥ܺܝ ܒܺܗ̄ܝ ܐܰܪܥܰܝܕ̥ܳܟ̥ ܕܠܳܐ ܡܰܚܛ݄ܢ ܠܳܟ̥ ܩܽܘܕ̱ܡܺܝ. ܘܠܳܐ ܥܳܒܕܰܬ ܠܰܗ̄ܢ ܐܰܠܳܗ̈ܰܬّ̥ܶܗ ܕܠܳܐ ܗܳܘ݄ܢ ܠܳܟ̥ ܛܰܪܒܰܠܬܳܐ.“
Právě zvoleno:
ܣܶܦܪܳܐ ܕܡܰܦܩܳܢܳܐ 23: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 23
23
1”ܠܳܐ ܡܰܫܪܰܬ ܗ̄ܽܘ ܡܰܐܡܪܳܐ ܕܰܕّܽܘܓ̈ܠܶܐ، ܘܠܳܐ ܡܰܚܬܰܬ ܐܺܝܕ̥ܳܟ̥ ܥܰܡ ܗ̄ܽܘ ܒܺܝܫܳܐ ܘܗܳܘܰܬ ܠܶܗ ܣܳܗܕܳܐ ܡܕܰܓܠܳܢܳܐ. 2ܠ݄ܐ ܐܙّܳܟ̥ ܒ݄ܬ̥ܪܶܗ ܕܓ̥ܰܠܰܒܶܐ ܠܺܗ̄ܝ ܚܰܪܒܽܘܬ̥ܳܐ. ܘܠܳܐ ܡ݄ܫܓ̥ܳܠܰܬ ܥܰܠ ܕܺܝܢܳܐ ܘܪܳܚܩܰܬ (ܡܽܗ̄ܘ ܫܪܳܪܳܐ) ܥܰܡ ܓ̥ܰܠܰܒܶܐ ܕܪܰܚܺܝܩܺܝ. 3ܘܠܽܗ̄ܘ ܡ݄ܣܟܶܢܳܐ ܠܳܐ ܡܥܰܕܪܰܬ ܒܽܗ̄ܘ ܕܺܝܢܰܝܕ̥ܶܗ. 4ܘܺܗ̄ܝ ܢܰܩܠܐ ܕܚܳܙܰܬ ܗ̄ܽܘ ܬܰܘܪܳܐ ܕܽܗ̄ܘ ܒܥܶܠܕܒܳܒܰܝܕ̥ܳܟ̥ ܐܰܘ ܗ̄ܽܘ ܚܡܳܪܰܝܕ̥ܶܗ ܡܣܰܟܪ̈ܶܐ، ܬܶܕܥܺܝܪܳܐ ܡܰܕܥܶܪ݄ܢ ܐܶܠܶܗ. 5ܘܺܗ̄ܝ ܢܰܩܠܐ ܕܚܳܙܰܬ ܗ̄ܽܘ ܚܡܳܪܳܐ ܕܽܗ̄ܘ ܒܥܶܠܕܒܳܒܰܝܕ̥ܳܟ̥ ܪܰܒ̥ܺܝܥܳܐ ܬܰܚܬ ܗ̄ܽܘ ܛܰܥܢܰܝܕ̥ܶܗ، ܘܗܰܬ ܠ݄ܐ ܟ݄ܐܒܥܰܬ ܕܛܳܥܢܰܬ ܐܰܥܡܶܗ، ܐܶܠܳܐ ܛܥܳܢܳܐ ܛܥܰܢ ܐܰܥܡܶܗ. 6ܠܳܐ ܦ݄ܬܠܰܬ ܗ̄ܽܘ ܕܺܝܢܳܐ ܕܽܗ̄ܘ ܡ݄ܣܟܶܢܳܐ ܒܽܗ̄ܘ ܕܺܝܢܰܝܕ̥ܶܗ. 7ܘܡܽܗ̄ܘ ܡܰܐܡܪܳܐ ܕܰܕّܽܘܓ̈ܠܶܐ ܪܚܰܩ. ܘܒܰܪܺܝܳܐ ܘܙܰܕܺܝܩܳܐ ܠܳܐ ܩܳܛܠܰܬ ܡܺܐܝܕ̥ܶܗ ܕܠ݄ܐ ܓ݄ܡܒܰܪܶܐ ܐ̱ܢܳܐ ܠܽܗ̄ܘ ܚܰܛܳܝܳܐ. 8ܫܽܘܚܕܳܐ ܠܳܐ ܡܰܝܕܰܬ، ܡܺܐܝܕ̥ܶܗ ܕܽܗ̄ܘ ܫܽܘܚܕܳܐ ܟܡܰܣܡܶܐ ܥܰܝܢ̈ܶܗ ܕܰܚّܰܟܺܝܡ̈ܶܐ ܒܽܗ̄ܘ ܕܺܝܢܳܐ ܘܟ݄ܡܦܰܬ݄ܠ ܗ̄ܰܡّܰܐܡܪ̈ܶܐ ܕܰܗ̄ܢ ܢܳܫ̈ܶܐ ܛܳܒ̥̈ܶܐ (ܙܰܟܳܝ̈ܶܐ). 9ܘܠܰܗ̄ܢ ܢܽܘܟ̥ܪ̈ܳܝܶܐ (ܕ݄ܟܝ݄ܬܒ̥ܺܝ ܐܰܥܡܰܝܟ̥ܽܘ) ܠܳܐ ܡܰܥܺܝܩܺܝܬܽܘ، ܥܰܠ ܕܗܰܬܽܘ ܟܳܐܕ̥ܥܺܝܬܽܘ ܗ̄ܺܝ ܢܰܦܫܳܐ ܕܰܗ̄ܢ ܢܽܘܟ̥ܪ̈ܳܝܶܐ، ܡܺܐܝܕ̥ܶܗ ܕܢܽܘܟ̥ܪ̈ܳܝܶܐ ܗ̄ܘܰܝܬܽܘ ܒܺܗ̄ܝ ܐܰܪܥܳܐ ܕܡܶܨܪܶܝܢ.
10”ܫܶܬ̥ ܐ݄ܫܢ̈ܶܐ ܓܙܳܪܥܰܬ ܗ̄ܺܝ ܐܰܪܥܰܝܕ̥ܳܟ̥، ܘܡܰܠܬܡܰܬ ܗ̄ܰܦّܺܐܪ̈ܰܝܕ̥ܰܗ. 11ܘܒܺܗ̄ܝ ܫܰܢ̱ܬܳܐ ܕܰܫܒ̥ܰܥ ܓܟܳܪܒ̥ܰܬ ܠܰܗ ܘܛܳܪܰܬ ܠܰܗ. ܘܰܡّܶܣܟܺܢ̈ܶܐ ܕܽܗ̄ܘ ܥܰܡܰܝܕ̥ܳܟ̥ ܓܕܳܐܟ̥ܠܺܝ ܡܶܢܰܗ. ܘܽܗ̄ܘ ܡܶܕܶܐ ܕܦܳܝ݄ܫ ܓܕܳܐܟ̥ܠܳܐ ܠܶܗ ܗ̄ܺܝ ܚܰܝܽܘܬ̥ܳܐ ܕܽܗ̄ܘ ܡܰܕ̥݄ܒܪܳܐ. ܘܗܰܘܟ̥ܰܐ ܓܣܰܝܡܰܬ ܒܰܟّܰܪ̈ܡܰܝܕ̥ܳܟ̥ ܘܒܰܙّܰܝܬܽܘܢ̈ܰܝܕ̥ܳܟ̥. 12ܐ݄ܫܬܳܐ ܝܰܘܡ̈ܶܐ ܓܥܳܒ̥ܕܰܬ ܗ̄ܽܘ ܥܒ̥ܳܕܰܝܕ̥ܳܟ̥، ܘܒܽܗ̄ܘ ܝܰܘܡܳܐ ܕܰܫّܰܒ̥ܥܳܐ ܓܡ݄ܬ̥ܢܳܚܰܬ، ܠܰܫܰܢ ܕܡ݄ܬ̥ܢ݄ܚ ܗ̄ܽܘ ܬܰܘܪܰܝܕ̥ܳܟ̥ ܘܽܗ̄ܘ ܚܡܳܪܰܝܕ̥ܳܟ̥، ܘܡ݄ܬ̥ܢ݄ܚ ܗ̄ܽܘ ܐܰܒܪܳܐ ܕܺܗ̄ܝ ܓܪܰܥܬܰܝܕ̥ܳܟ̥ ܘܽܗ̄ܘ ܢܽܘܟ̥ܪܳܝܳܐ ܕܒܰܡܕ̥ܺܝܢ̈ܳܬ̥ܰܝܕ̥ܳܟ̥. 13ܘܟܘ̇ܠ ܡܶܕܶܐ ܕܐܡ݄ܪ ܠܺܝ ܠܟ̥ܽܘ ܗܰܒ̥ܽܘ ܠܶܗ ܒܳܠܳܐ. ܘ݄ܐܫܡܳܐ ܕܰܐܠܳܗ̈ܶܐ ܚܪ̈ܶܢܶܐ ܠܳܐ ܡܰܝܬܺܝܬܽܘ ܠܽܗ̄ܘ ܒܳܠܳܐ، ܘܠܳܐ ܣܳܠܩܺܝ ܥܰܠ ܠܶܒܰܝܟ̥ܽܘ. 14ܬܠ݄ܬ̥ ܟܳܪ̈ܶܐ ܣܽܘܡܽܘ ܠܺܝ ܥܶܐܕ̥ܳܐ ܒܺܗ̄ܝ ܫܰܢ̱ܬܳܐ. 15ܗ̄ܽܘ ܥܶܐܕ̥ܳܐ ܕܰܦّܰܛܺܝܪ̈ܶܐ ܢܛܰܪ. ܫܰܒ̥ܥܳܐ ܝܰܘܡ̈ܶܐ ܦܰܛܺܝܪܳܐ ܓܕܳܐܟ̥ܠܰܬ ܐܟ̥ ܕܽܗ̄ܘ ܦܽܘܩܕܳܢܳܐ ܕܗܽܒ̥ ܠܺܝ ܠܳܟ̥ ܒܽܗ̄ܘ ܝܰܪܚܳܐ ܕܰܗّܰܒܳܒ̈ܶܐ، ܡܺܐܝܕ̥ܶܗ ܕܒܽܗ̄ܘ ܝܰܪܚܳܐ ܕܰܗّܰܒܳܒ̈ܶܐ ܢܰܦܺܝܩܺܝܬܽܘ ܡܶܢ̱ ܡܶܨܪܶܝܢ ܘܠܳܐ ܡܰܚܘܺܝܬܽܘ ܩܽܘܕ̱ܡܺܝ ܣܦܺܝܩ̈ܶܐ. 16ܘܽܗ̄ܘ ܥܶܐܕ̥ܳܐ ܕܽܗ̄ܘ ܚܨܳܕܳܐ ܗ̄ܺܝ ܒܰܟ̥ܪܽܘܬ̥ܳܐ ܕܰܚّܶܛ̈ܰܬ̥ܟ̥ܽܘ ܙܳܪܥܺܝܬܽܘ ܒܺܗ̄ܝ ܚܰܩܠܳܐ، ܘܽܗ̄ܘ ܥܶܐܕ̥ܳܐ ܕܽܗ̄ܘ ܚܡܳܠܳܐ (ܒܺܗ̄ܝ ܐܰܕܪܳܐ) ܒܽܗ̄ܘ ܢܦܳܩܳܐ ܕܺܗ̄ܝ ܫܰܢ̱ܬܳܐ ܗ̄ܺܝ ܢܰܩܠܐ ܕܡܰܠܬܡܰܬ ܗ̄ܰܦّܺܐܪ̈ܰܝܕ̥ܳܟ̥ ܡܺܗ̄ܝ ܚܰܩܠܳܐ. 17ܬܠ݄ܬ̥ ܟܳܪ̈ܶܐ ܒܺܗ̄ܝ ܫܰܢ̱ܬܳܐ ܓܡ݄ܚܙܶܐ ܟܽܘܠܶܗ ܗ̄ܽܘ ܕܽܘܟ̥ܪܳܢܰܝܕ̥ܳܟ̥ ܩ݄ܕ̱ܡ ܡܳܪܝܳܐ ܐܰܠܳܗܰܝܕ̥ܳܟ̥̥. 18ܠܳܐ ܕ݄ܒܚܰܬ ܥܰܠ ܗ̄ܽܘ ܚܰܡܺܝܥܳܐ ܐܰܕܡܳܐ ܕܺܗ̄ܝ ܕܶܒܚܬ̥ܳܐ، ܘܠܳܐ ܦܳܝ݄ܫ ܗ̄ܽܘ ܬܰܪܒܳܐ ܕܽܗ̄ܘ ܥܶܐܕ̥ܳܐ ܗ݄ܠ ܨܰܦܪܳܐ. 19ܗ̄ܺܝ ܒܰܟ̥ܪܽܘܬ̥ܳܐ ܕܰܦّܺܐܪ̈ܶܐ ܕܺܗ̄ܝ ܐܰܪܥܰܝܕ̥ܳܟ̥ ܓܡܰܡܛܰܬ ܠܽܗ̄ܘ ܒܰܝܬܳܐ ܕܡܳܪܝܳܐ ܐܰܠܳܗܰܝܕ̥ܳܟ̥̥. ܠܳܐ ܡܒܰܫܠܰܬ ܗ̄ܽܘ ܨܰܦܽܘܪܳܐ ܒܽܗ̄ܘ ܚܰܠܒ̥ܳܐ ܕܺܗ̄ܝ ܐܶܡܳܐ.
20”ܟܰܐܠܺܝ ܟܳܡܫܰܕܰܪ ܐ̱ܢܳܐ ܡܰܠܰܐܟ̥ܳܐ ܩܰܕ̱ܡܽܘܬ̥ܳܟ̥ ܕܢܳܛ݄ܪ ܠܳܟ̥ ܒܽܗ̄ܘ ܕܰܪܒܳܐ ܘ݄ܕܡܰܥܒܰܪ ܠܳܟ̥ ܠܺܗ̄ܝ ܐܰܪܥܳܐ ܕ݄ܡܛܰܝܰܒ ܠܺܝ. 21ܗܘܰܝ ܙܗܺܝܪܳܐ ܡܶܢܶܗ ܘ݄ܫܡܰܥ ܠܩܳܠܶܗ، ܘܠܳܐ ܥܳܨܰܬ ܡܩܰܒ݄ܠ ܕܺܝܕ̥ܶܗ ܕܠ݄ܐ ܐܙّܶܗ ܠܳܐ ܫܳܒ݄ܩ ܗ̄ܰܚܛܳܗ̈ܰܬ̥ܟ̥ܽܘ ܥܰܠ ܕ݄ܐܫܡܺܝ ܐܰܥܠܶܗ ܝܳܐ. 22ܘܶܐܢ ܫܡܳܥܳܐ ܕܫܳܡܥܰܬ ܠܩܳܠܶܗ، ܘܣܰܝܡܰܬ ܒܟܘ̇ܠ ܡܶܕܶܐ ܕܳܐܡܰܪ ܠܳܟ̥ ܟ݄ܡܥܰܢܰܬ ܐ̱ܢܳܐ ܡܰܢ̱ ܡܥܰܢ̈ܬܳܢܰܝܕ̥ܳܟ̥، ܘ݄ܓܡܰܥ݄ܩ ܐ̱ܢܳܐ ܠܰܒܥܶܠܕܒܳܒܰܝܕ̥̈ܳܟ̥. 23ܡܺܐܝܕ̥ܶܗ ܕܽܗ̄ܘ ܡܰܠܰܐܟ̥ܰܝܕ̥ܺܝ ܓܕ݄ܐܙّܶܗ ܩܽܘܕ̱ܡܳܟ̥ ܘܡܰܥܒܰܪ ܠܳܟ̥ ܥܰܠ ܗ̄ܰܢ ܐܳܡܽܘܪ̈ܳܝܶܐ ܘܰܚّܺܝܬ̥ܳܝ̈ܶܐ ܘܰܦّܰܪ̈ܙܳܝܶܐ ܘܰܟܢܰܥܢܳܝ̈ܶܐ ܘܰܚّܰܘܳܝ̈ܶܐ ܘܰܝّܳܒܽܘܣܳܝ̈ܶܐ ܘ݄ܓܩܳܛܰܠܢܰܢّܶܗ. 24ܠܳܐ ܣܳܓ̥ܕܰܬ ܠܰܗ̄ܢ ܐܰܠܳܗ̈ܰܬّ̥ܶܗ ܘܠܳܐ ܥܳܒܕܰܬّܶܗ، ܘܠܳܐ ܣܰܝܡܰܬ ܐܟ̥ ܕܰܥܒܳܕ̈ܰܬّ̥ܶܗ. ܐܶܠܳܐ ܕܪܳܝܳܐ ܕܪܰܝ݄ܢ ܘ݄ܬܒ̥ܳܪܳܐ ܡܬܰܒܰܪ ܗ̄ܰܨّܰܠܡ̈ܰܬّ̥ܶܗ. 25ܘ݄ܓܥܳܒܕܺܝܬܽܘ ܠܡܳܪܝܳܐ ܐܰܠܳܗܰܬ̥ܟ̥ܽܘ، ܘܓ݄ܡܒܰܪ݄ܟ̥ ܗ̄ܽܘ ܠܰܚܡܰܬ̥ܟ̥ܽܘ ܘܰܡّܰܝ̈ܰܬ̥ܟ̥ܽܘ، ܘ݄ܓܡܰܥܒ݄ܪ ܗ̄ܰܡܚ̈ܰܝܬܳܬ̥ܳܐ ܡܰܢ̱ ܒّܳܬ̈ܰܬ̥ܟ̥ܽܘ. 26ܘܠܳܐ ܗ̄ܘܶܐ ܥܩܰܪܬ̥ܳܐ ܘ݄ܚܕ̥ܳܐ ܕܠ݄ܐ ܟܡ݄ܛܥܳܢܳܐ ܒܺܗ̄ܝ ܐܰܪܥܰܬ̥ܟ̥ܽܘ. ܘܽܗ̄ܘ ܡܶܢܝܳܢܳܐ ܕܰܝّܰܘܡ̈ܰܬ̥ܟ̥ܽܘ ܓ݄ܡܟܰܡܰܠ ܐ̱ܢܳܐ. 27ܘܺܗ̄ܝ ܙܽܘܥܬ̥ܰܝܕ̥ܺܝ ܓ݄ܡܫܰܕܰܪ ܐ̱ܢܳܐ ܩܽܘܕ̱ܡܳܟ̥ ܘܓ݄ܡܚܰܪܰܒ ܐ̱ܢܳܐ ܠܟܽܘܠّܶܗ ܗ̄ܰܥّܰܡ̈ܶܐ ܕܓ݄ܐܙّܳܟ̥ ܐܰܥܠܰܝّܶܗ، ܘ݄ܓܛܳܪܶܐ ܐ̱ܢܳܐ ܗ̄ܰܒܥܶܠܕ̈ܒܳܒܰܝܕ̥ܳܟ̥ ܕܟܰܝܦܺܝ ܩܕ̥ܳܠܰܝّܶܗ ܩܽܘܕ̱ܡܳܟ̥. 28ܘܓ݄ܡܫܰܕܰܪ ܐ̱ܢܳܐ ܕܶܒܽܘܪ̈ܶܐ ܩܽܘܕ̱ܡܳܟ̥، ܘ݄ܡܚܰܪܰܒ̥ ܐ̱ܢܳܐ ܠܰܟܢܰܥܢܳܝ̈ܶܐ ܘܠܰܚّܺܝܬ̥ܳܝ̈ܶܐ ܡܶܢ̱ ܩܽܘܕ̱ܡܳܟ̥. 29ܠ݄ܐ ܓ݄ܡܚܰܪܰܒܢܰܢّܶܗ ܡܶܢ̱ ܩܽܘܕ̱ܡܳܟ̥ ܒܫܰܢ̱ܬܳܐ ܚܕ̥ܳܐ ܕܠܳܐ ܚܳܪܒ̥ܳܐ ܗ̄ܺܝ ܐܰܪܥܳܐ، ܘ݄ܓܙܰܝܕܺܝ ܐܰܥܠܳܟ̥ ܗ̄ܰܚّܰܝ̈ܘܳܬ̥ܳܐ ܕܽܗ̄ܘ ܡܰܕ̥݄ܒܪܳܐ. 30ܐ݄ܫܡܳܐ ܐ݄ܫܡܳܐ ܓܬܳܠܶܢܰܢّܶܗ ܡܶܢ̱ ܩܽܘܕ̱ܡܳܟ̥ ܗ݄ܠ ܕܡܺܝܚܳܨܰܬ ܘܝܳܪܬ̥ܰܬ ܗ̄ܺܝ ܐܰܪܥܳܐ. 31ܘ݄ܓܣܳܝܰܡ ܐ̱ܢܳܐ ܗ̄ܽܘ ܬܚܽܘܡܰܝܕ̥ܳܟ̥ ܡܽܗ̄ܘ ܝܰܡܳܐ ܕܣܽܘܦ ܘܗ݄ܠ ܠܽܗ̄ܘ ܝܰܡܳܐ ܕܰܦܠܶܫܬܳܝ̈ܶܐ، ܘܡܽܗ̄ܘ ܡܰܕ̥݄ܒܪܳܐ ܘܗ݄ܠ ܠܽܗ̄ܘ ܢܰܗܪܳܐ، ܡܺܐܝܕ̥ܶܗ ܕ݄ܓܕܳܗ̄ܒܶܐ ܐ̱ܢܳܐ ܒܺܐܝܕ̥̈ܰܝܟ̥ܽܘ ܗ̄ܰܝّܰܬܺܝܒ̥̈ܶܐ ܕܺܗ̄ܝ ܐܰܪܥܳܐ، ܘܩܳܛܠܺܝܬܽܘܢّܶܗ. 32ܘܠܳܐ ܡܰܩܺܝܡܰܬ ܩܝܳܡܳܐ ܐܰܠّܶܗ ܘܠܰܗ̄ܢ ܐܰܠܳܗ̈ܰܬّ̥ܶܗ. 33ܘܠܳܐ ܝܳܬܒ̥ܺܝ ܒܺܗ̄ܝ ܐܰܪܥܰܝܕ̥ܳܟ̥ ܕܠܳܐ ܡܰܚܛ݄ܢ ܠܳܟ̥ ܩܽܘܕ̱ܡܺܝ. ܘܠܳܐ ܥܳܒܕܰܬ ܠܰܗ̄ܢ ܐܰܠܳܗ̈ܰܬّ̥ܶܗ ܕܠܳܐ ܗܳܘ݄ܢ ܠܳܟ̥ ܛܰܪܒܰܠܬܳܐ.“
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation