ܣܶܦܪܳܐ ܕܡܰܦܩܳܢܳܐ 21
21
1”ܘܗܰܢܺܝ ܢܶܝ ܗ̄ܰܕّܺܝܢ̈ܶܐ ܕܡܰܚܬܰܬ ܩܽܘܕ̱ܡܰܝّܶܗ: 2ܗ̄ܺܝ ܢܰܩܠܐ ܕܙܳܒ̥ܢܰܬ ܓܪܶܝܥܳܐ ܝܽܘܕ̥ܳܝܳܐ، ܫܶܬ̥ ܐ݄ܫܢ̈ܶܐ ܥܳܒ̥ܰܕ ܠܳܟ̥. ܘ݄ܒܕܰܫܒ̥ܰܥ ܢܳܦ݄ܩ ܚܺܐܪܳܐ ܡܶܢ̱ ܓܰܒܳܟ̥. 3ܘܶܐܢ ܒܶܠܚܽܘܕ̥ܶܗ ܥܳܒ݄ܪ، ܒܶܠܚܽܘܕ̥ܶܗ ܓܢܳܦ݄ܩ. ܘܶܐܢ ܓܰܒ̥ܺܝܪܳܐ ܗܳܘܶܐ ܠܰܐܢ̱ܬ̥ܬܳܐ، ܓܢܳܦܩܳܐ ܗ̄ܺܝ ܐܰܢ̱ܬ̥ܬܰܝܕ̥ܶܗ ܐܰܥܡܶܗ. 4ܘܶܐܢ ܗ̄ܽܘ ܡܳܪܰܝܕ̥ܶܗ ܕܳܗ̄ܒܶܐ ܠܶܗ ܐܰܢ̱ܬ̥ܬܳܐ ܘܡܰܘܠܕܳܐ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ، ܗ̄ܺܝ ܐܰܢ̱ܬ̥ܬܳܐ ܘܰܗ̄ܢ ܐܰܒܢ̈ܰܝܕ̥ܰܗ ܓܕܳܗ̄ܘ݄ܢ ܠܽܗ̄ܘ ܡܳܪܰܝܕ̥ܶܗ. ܘܗܺܝّܶܗ ܓܢܳܦ݄ܩ ܒܶܠܚܽܘܕ̥ܶܗ. 5ܘܶܐܢ ܕܳܐܡ݄ܪ ܗ̄ܽܘ ܓܪܶܝܥܳܐ ܕܟܳܪܳܚܰܡ ܐ̱ܢܳܐ ܗ̄ܽܘ ܡܳܪܰܝܕ̥ܺܝ ܘܺܗ̄ܝ ܐܰܢ̱ܬ̥ܬܰܝܕ̥ܺܝ ܘܰܗ̄ܢ ܐܰܒܢ̈ܰܝܕ̥ܺܝ، ܠܳܐ ܓܢܳܦܰܩ ܐ̱ܢܳܐ ܚܺܐܪܳܐ. 6ܓ݄ܡܩܰܕܰܡ ܠܶܗ ܗ̄ܽܘ ܡܳܪܰܝܕ̥ܶܗ ܠܓܰܒ ܗ̄ܰܕّܰܝܳܢ̈ܶܐ، ܘܓ݄ܡܩܰܪܰܒ̥ ܠܶܗ ܠܓܰܒ ܗ̄ܽܘ ܬܰܪܥܳܐ ܐܰܘ ܓܰܒ ܗ̄ܺܝ ܣܩܰܦܬܳܐ. ܘܽܗ̄ܘ ܡܳܪܰܝܕ̥ܶܗ ܓܢܳܩܽܒ̥ ܐܰܕ̥ܢܶܗ ܒܽܗ̄ܘ ܡܰܢܩܒ̥ܳܐ. ܘ݄ܓܕܳܗ̄ܘܶܐ ܠܶܗ ܓܪܶܝܥܳܐ ܕܥܳܒ̥ܰܕ ܠܶܗ ܠܥܳܠܰܡ. 7ܘܺܗ̄ܝ ܢܰܩܠܐ ܕ݄ܡܙܰܒ݄ܢ ܗ̄ܽܘ ܓܰܒ̥ܪܳܐ ܗ̄ܺܝ ܒܰܪܬ̥ܰܝܕ̥ܶܗ ܐܟ̥ ܓܪܰܥܬܳܐ ܠ݄ܐ ܓܢܳܦܩܳܐ ܐܟ̥ ܕܟܳܢܳܦܩܺܝ ܗ̄ܰܓܪ̈ܶܝܥܶܐ. 8ܐܶܢ ܢܰܦܺܝܩܳܐ ܡܰܢ̱ ܥّܰܝܢ̈ܶܐ ܕܽܗ̄ܘ ܡܳܪܰܝܕ̥ܰܗ ܕܠܳܐ ܡܳܝܰܕ ܠܰܗ، ܛܪܳܐ ܫܳܪܶܐ ܠܰܗ. ܠܰܝ̱ܬ ܝܳܐ ܡܫܰܠܛܳܐ ܕ݄ܡܙܰܒܰܢ ܠܰܗ ܠܥܰܡܳܐ ܢܽܘܟ̥ܪܳܝܳܐ ܥܰܠ ܕ݄ܡܕܰܓ݄ܠ ܠܶܗ ܐܰܥܠܰܗ. 9ܘܶܐܢ ܠܽܗ̄ܘ ܐܰܒܪܰܝܕ̥ܶܗ ܡܳܝܰܕ ܠܰܗ، ܐܟ̥ ܕܽܗ̄ܘ ܢܳܡܽܘܣܳܐ ܕ݄ܟܡܺܝܣ݄ܡ ܠܰܒܢ̈ܳܬ̥ܳܐ ܓܣܳܝܰܡ ܠܰܗ. 10ܘܶܐܢ ܚܪܶܬܳܐ ܡܳܝ݄ܕ، ܗ̄ܽܘ ܡܽܐܘܟܠܰܝܕ̥ܰܗ ܘܽܗ̄ܘ ܠܒܽܘܫܰܝܕ̥ܰܗ ܘܽܗ̄ܘ ܕܡܳܟ̥ܰܝܕ̥ܰܗ ܛܪܳܐ ܠܳܐ ܡܰܢܩ݄ܨ ܐܰܥܠܰܗ. 11ܘܶܐܢ ܗ̄ܰܬܠܳܬ̥ܰܢܺܝ ܠܳܐ ܣܳܝܰܡ ܠܰܗ، ܓܢܳܦܩܳܐ ܡܰܓܳܢ ܕܠܳܐ ܙܽܘܙ̈ܶܐ.
12”ܗ̄ܽܘ ܚܰܕ̱ ܕܡܳܚܶܐ ܠܓܰܒ̥ܪܳܐ ܘܡܳܝ݄ܬ̥، ܩܰܛܠܳܐ ܓܡ݄ܩܛ݄ܠ. 13ܘ݄ܕܠܳܐ ܣܳܝܰܡ ܠܶܗ ܟܡܺܝܢܳܐ، ܘܰܐܠܳܗܳܐ ܗܽܒ̥ ܠܶܗ ܒܺܐܝܕ̥ܶܗ، ܣܘ̇ܡ ܠܳܟ̥ ܕܽܘܟܬ̥ܳܐ ܕܥܳܪ݄ܩ ܠܬܰܡܳܐ. 14ܘܓܰܒ̥ܪܳܐ ܕܣܳܝ݄ܡ ܡܰܪܳܚܽܘܬ̥ܳܐ ܥܰܠ ܚܰܒ̥ܪܶܗ ܘܩܳܛܶܠ ܠܶܗ ܒܢܶܟ̥ܠܳܐ، ܡܶܢ̱ ܓܰܒ ܗ̄ܽܘ ܡܰܕ̥݄ܒܚܰܝܕ̥ܺܝ ܡܽܘܕ̥ܶܗ ܠܽܗ̄ܘ ܩܰܛܠܳܐ. 15ܡܰܢ ܕܡܳܚܶܐ ܠܽܗ̄ܘ ܒܰܒܳܐ ܐܰܘ ܠܺܗ̄ܝ ܐܶܡܳܐ ܩܰܛܠܳܐ ܓܡ݄ܩܛ݄ܠ. 16ܡܰܢ ܕܓܳܢܽܒ̥ ܢܰܦܫܳܐ ܘ݄ܡܙܰܒܰܢ ܠܰܗ، ܘܡ݄ܚܙܳܝܳܐ ܒܺܐܝܕ̥ܶܗ، ܩܰܛܠܳܐ ܓܡ݄ܩܛ݄ܠ. 17ܡܰܢ ܕ݄ܡܨܰܥ݄ܪ ܠܽܗ̄ܘ ܒܰܒܳܐ ܐܰܘ ܠܺܗ̄ܝ ܐܶܡܳܐ ܩܰܛܠܳܐ ܓܡ݄ܩܛ݄ܠ. 18ܘܺܗ̄ܝ ܢܰܩܠܐ ܕ݄ܬܪܶܝ ܓܰܒ̥ܪ̈ܶܐ ܢܳܦܠܺܝ ܒܪ̈ܺܝܫܶܐ ܕ݄ܚܕ̥ܳܕ̥̈ܶܐ، ܘܡܳܚܶܐ ܚܰܕ̱ ܠܽܗ̄ܘ ܚܰܒ̥ܪܳܐ ܒܟܶܐܦܳܐ ܐܰܘ ܒܕܳܟܽܘܡܳܐ، ܘܠܳܐ ܡܳܝ݄ܬ̥، ܐܶܠܳܐ ܒܟܶܐܒ̥ܳܐ ܢܳܦ݄ܠ، 19ܐܶܢ ܕܩܳܝ݄ܡ ܘ݄ܡܗܰܠ݄ܟ̥ ܒܺܗ̄ܝ ܫܽܘܩܳܐ ܥܰܠ ܗ̄ܺܝ ܚܰܛܪܰܝܕ̥ܶܗ، ܓܡܺܝܒܰܪܶܐ ܗ̄ܽܘ ܡܰܚܳܝܰܝܕ̥ܶܗ. ܠܚܽܘܕ̥ܶܗ ܗ̄ܽܘ ܥܶܛܳܠܰܝܕ̥ܶܗ ܘܽܗ̄ܘ ܐܰܓ̥ܪܳܐ ܕܽܗ̄ܘ ܐܳܣܝܳܐ ܓܕܳܗ̄ܒܶܐ ܠܶܗ. 20ܘܺܗ̄ܝ ܢܰܩܠܐ ܕܡܳܚܶܐ ܓܰܒ̥ܪܳܐ ܠܽܗ̄ܘ ܓܪܶܝܥܰܝܕ̥ܶܗ ܐܰܘ ܠܺܗ̄ܝ ܓܪܰܥܬܰܝܕ̥ܶܗ ܒܚܰܛܪܳܐ، ܘܡܳܝ݄ܬ̥ ܬܰܚܬ ܐܺܝܕ̥ܶܗ، ܕܺܝܢܳܐ ܓܡܺܝܕ݄ܢ. 21ܐܶܠܳܐ ܐܶܢ ܦܰܝ݄ܫ ܒܰܚّܰܝ̈ܶܐ ܚܰܕ̱ ܝܰܘܡܳܐ ܐܰܘ ܬܪܶܝ ܠ݄ܐ ܓܡܺܝܕ݄ܢ ܥܰܠ ܕܟ݄ܬ ܝܳܐ ܕܺܝܕ̥ܶܗ. 22ܘܺܗ̄ܝ ܢܰܩܠܐ ܕ݄ܬܪܶܝ ܓܰܒ̥ܪ̈ܶܐ ܢܳܦܠܺܝ ܒܪ̈ܺܝܫܶܐ ܕ݄ܚܕ̥ܳܕ̥̈ܶܐ ܘܡܳܚ݄ܢ ܐܰܢ̱ܬ̥ܬܳܐ ܛܥ݄ܢܬܳܐ ܘܡܰܢܦܠܺܝ ܗ̄ܽܘ ܢܰܥܺܝܡܰܝܕ̥ܰܗ، ܘܠܳܐ ܗ̄ܘܶܐ ܩܶܛܪܳܐ، (ܗ̄ܺܝ ܢܰܩܠܝܳܐ) ܠܳܙ݄ܡ ܗ̄ܳܒܶܐ ܡܶܕܶܐ ܐܟ̥ ܕ݄ܓܡܰܚ݄ܬ ܐܰܥܠܶܗ ܗ̄ܽܘ ܓܰܒ̥ܪܳܐ ܕܺܗ̄ܝ ܐܰܢ̱ܬ̥ܬܳܐ، ܘ݄ܓܕܳܗ̄ܒܶܐ ܐܟ̥ ܕ݄ܓܩܳܛܥܺܝ ܐܰܥܠܶܗ ܗ̄ܰܕّܰܝܳܢ̈ܶܐ. 23ܘܶܐܢ ܗܰܘܺܝ ܩܶܛܪܳܐ ܓܕܳܗ̄ܒܶܐ ܢܰܦܫܳܐ ܡܶܢ̱ ܚܠܳܦ ܕܢܰܦܫܳܐ، 24ܥܰܝܢܳܐ ܡܶܢ̱ ܚܠܳܦ ܕܥܰܝܢܳܐ، ܥܰܪܫܳܐ ܡܶܢ̱ ܚܠܳܦ ܕܥܰܪܫܳܐ، ܐܺܝܕ̥ܳܐ ܡܶܢ̱ ܚܠܳܦ ܕܺܐܝܕ̥ܳܐ، ܪܰܓ̥ܠܳܐ ܡܶܢ̱ ܚܠܳܦ ܕܪܰܓ̥ܠܳܐ. 25ܟܘܳܝܳܐ ܡܶܢ̱ ܚܠܳܦ ܕ݄ܟܘܳܝܳܐ، ܨܠܳܦܳܐ ܡܶܢ̱ ܚܠܳܦ ܕ݄ܨܠܳܦܳܐ، ܫܰܩܡܳܐ ܡܶܢ̱ ܚܠܳܦ ܕܫܰܩܡܳܐ. 26ܘܺܗ̄ܝ ܢܰܩܠܐ ܕܽܗ̄ܘ ܓܰܒ̥ܪܳܐ ܕܡܳܚܶܐ ܠܥܰܝܢܶܗ ܕܽܗ̄ܘ ܓܪܶܝܥܰܝܕ̥ܶܗ ܐܰܘ ܠܥܰܝܢܰܗ ܕܺܗ̄ܝ ܓܪܰܥܬܰܝܕ̥ܶܗ ܘܡܰܚܪܰܒ̥ ܠܰܗ، ܛܪܳܐ ܡܰܪܦܶܐ ܠܶܗ ܚܺܐܪܳܐ ܡܶܢ̱ ܚܠܳܦ ܕܥܰܝܢܶܗ. 27ܘܶܐܢ ܬܒ̥݄ܪ ܠܶܗ ܥܰܪܫܶܗ ܕܽܗ̄ܘ ܓܪܶܝܥܰܝܕ̥ܶܗ ܐܰܘ ܥܰܪܫܰܗ ܕܺܗ̄ܝ ܓܪܰܥܬܰܝܕ̥ܶܗ، ܛܪܳܐ ܡܰܪܦܶܐ ܠܶܗ ܚܺܐܪܳܐ ܡܶܢ̱ ܚܠܳܦ ܕܥܰܪܫܶܗ. 28ܘܺܗ̄ܝ ܢܰܩܠܐ ܕ݄ܡܕܰܩ݄ܪ ܗ̄ܽܘ ܬܰܘܪܳܐ (ܒܪܺܝܫܶܗ) ܠܓܰܒ̥ܪܳܐ ܐܰܘ ܠܰܐܢ̱ܬ̥ܬܳܐ ܘܡܳܝ݄ܬ̥، ܪܓ̥ܳܡܳܐ ܓܡ݄ܪܓ̥݄ܡ ܗ̄ܽܘ ܬܰܘܪܳܐ، ܘܠܳܐ ܓܡ݄ܬܐܟ̥݄ܠ ܗ̄ܽܘ ܒܰܣܪܰܝܕ̥ܶܗ. ܘܽܗ̄ܘ ܡܳܪܳܐ ܕܽܗ̄ܘ ܬܰܘܪܳܐ ܒܰܪܺܝܳܐ ܟܳܗ̄ܘܶܐ. 29ܘܶܐܢ ܗ̄ܽܘ ܬܰܘܪܳܐ ܥܳܓܽܘܫܳܐ (ܡܰܚܳܝܳܐ ܕܩܰܪ̈ܢܶܐ) ܗ̄ܘܰܐ ܡܶܢ̱ ܐܰܬ̥ܡ݄ܠ ܘܡܶܢ̱ ܡܶܩ݄ܕ̱ܡ، ܘܡܰܘܕ̥ܰܥّܶܗ ܠܽܗ̄ܘ ܡܳܪܰܝܕ̥ܶܗ ܘܠܰܐ ܗ̄ܘܺܝ ܠܶܗ ܡܳܪܳܐ. ܘ݄ܕܩܳܛ݄ܠ (ܗ̄ܽܘ ܬܰܘܪܳܐ) ܓܰܒ̥ܪܳܐ ܐܰܘ ܐܰܢ̱ܬ̥ܬܳܐ، ܗ̄ܽܘ ܬܰܘܪܳܐ ܓܡ݄ܪܓ̥݄ܡ ܘܽܗ̄ܘ ܡܳܪܳܐ ܣܬܶܝ ܓܡ݄ܩܛ݄ܠ. 30ܘܶܐܢ ܙܽܘܙ̈ܶܐ ܡܰܚܬܺܝ ܐܰܥܠܶܗ ܓܕܳܗ̄ܒܶܐ ܦܽܘܪܩܳܢܳܐ ܡܶܢ̱ ܚܠܳܦ ܕܢܰܦܫܶܗ ܡ݄ܩܰܐ ܕܳܐܒܥܺܝ ܡܶܢܶܗ. 31ܘܶܐܢ ܠܰܐܒܪܳܐ ܐܰܘ ܠܒܰܪܬ̥ܳܐ ܕܡܳܚܶܐ ܗ̄ܽܘ ܬܰܘܪܳܐ ܐܟ̥ ܕܽܗ̄ܘ ܕܺܝܢܰܢܳܐ ܓܡܺܝܣ݄ܡ ܠܶܗ. 32ܘܶܐܢ ܠ݄ܓܪܶܝܥܳܐ ܐܰܘ ܠ݄ܓܪܰܥܬܳܐ ܡܳܚܶܐ ܗ̄ܽܘ ܬܰܘܪܳܐ ܬܠܶܬ̥ܺܝ ܙܽܘܙ̈ܶܐ ܕܣܶܐܡܳܐ ܓܕܳܗ̄ܒܶܐ ܠܽܗ̄ܘ ܡܳܪܰܝܕ̥ܶܗ، ܘܽܗ̄ܘ ܬܰܘܪܳܐ ܓܡ݄ܪܓ̥݄ܡ. 33ܘܺܗ̄ܝ ܢܰܩܠܐ ܕܦܳܬ݄ܚ ܓܰܒ̥ܪܳܐ ܓܽܘܒܳܐ، ܐܰܘ ܚܳܦ݄ܪ ܒܺܐܪܳܐ ܘܠܳܐ ܡܟܰܣ݄ܠّܶܗ، ܘܢܳܦ݄ܠ ܬܰܡܳܐ ܬܰܘܪܳܐ ܐܰܘ ܚܡܳܪܳܐ، 34ܡܳܪܶܗ ܕܺܗ̄ܝ ܓܽܘܒܳܐ ܕܳܗ̄ܒܶܐ ܟܶܣܦܳܐ ܠܰܡّܳܪ̈ܰܬّ̥ܶܗ، ܘܽܗ̄ܘ ܡܺܝܬ̥ܳܐ ܓܕܳܗ̄ܘܶܐ ܐܶܠܶܗ. 35ܘܺܗ̄ܝ ܢܰܩܠܐ ܕܕܳܩ݄ܪ ܬܰܘܪܳܐ ܕܓܰܒ̥ܪܳܐ ܚܰܕ̱ ܠܬܰܘܪܳܐ ܕܓܰܒ̥ܪܳܐ ܚܪܶܢܳܐ ܚܰܒ̥ܪܶܗ، ܘܡܳܝ݄ܬ̥، ܡܙܰܒܢܺܝ ܗ̄ܽܘ ܬܰܘܪܳܐ ܚܰܝܳܐ ܘܦܳܠܓ̥ܺܝ ܗ̄ܰܙّܽܘܙ̈ܰܝܕ̥ܶܗ، ܘܠܽܗ̄ܘ ܡܺܝܬ̥ܳܐ ܣܬܶܝ ܓܦܳܠܓ̥ܺܝ ܠܶܗ 36ܘܶܐܢ ܕܡܺܝܕ̥݄ܥ ܕܽܗ̄ܘ ܬܰܘܪܳܐ ܥܳܓܽܘܫܳܐ ܗ̄ܘܰܐ (ܡܰܚܳܝܳܐ ܕܩܰܪ̈ܢܶܐ) ܡܶܢ̱ ܐܰܬ̥ܡ݄ܠ ܘܒܽܗ̄ܘ ܝܰܘܡܳܐ ܚܪܶܢܳܐ، ܘܽܗ̄ܘ ܡܳܪܰܝܕ̥ܶܗ ܠܰܐ ܗ̄ܘܺܝ ܠܶܗ ܡܳܪܳܐ، ܕܳܗ̄ܒܶܐ ܬܰܘܪܳܐ ܡܶܢ̱ ܚܠܳܦ ܕܬܰܘܪܳܐ ܘܽܗ̄ܘ ܡܺܝܬ̥ܳܐ ܓܕܳܗ̄ܘܶܐ ܐܶܠܶܗ. 37ܘܺܗ̄ܝ ܢܰܩܠܐ ܕܓܳܢܽܒ̥ ܓܰܒ̥ܪܳܐ ܚܰܕ̱ ܬܰܘܪܳܐ ܐܰܘ ܥܘܳܢܳܐ ܘܢܳܚܰܪّܶܗ ܐܰܘ ܡܙܰܒܰܢّܶܗ، ܚܰܡܫܳܐ ܬܰܘܪ̈ܶܐ ܓܕܳܗ̄ܒܶܐ ܡܕܰܪܒܶܗ ܕܬܰܘܪܳܐ ܘܰܐܪܒܰܥ ܥܘܳܢ̈ܶܐ ܡܶܢ̱ ܚܠܳܦ ܕ݄ܥܘܳܢܳܐ.“
Právě zvoleno:
ܣܶܦܪܳܐ ܕܡܰܦܩܳܢܳܐ 21: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 21
21
1”ܘܗܰܢܺܝ ܢܶܝ ܗ̄ܰܕّܺܝܢ̈ܶܐ ܕܡܰܚܬܰܬ ܩܽܘܕ̱ܡܰܝّܶܗ: 2ܗ̄ܺܝ ܢܰܩܠܐ ܕܙܳܒ̥ܢܰܬ ܓܪܶܝܥܳܐ ܝܽܘܕ̥ܳܝܳܐ، ܫܶܬ̥ ܐ݄ܫܢ̈ܶܐ ܥܳܒ̥ܰܕ ܠܳܟ̥. ܘ݄ܒܕܰܫܒ̥ܰܥ ܢܳܦ݄ܩ ܚܺܐܪܳܐ ܡܶܢ̱ ܓܰܒܳܟ̥. 3ܘܶܐܢ ܒܶܠܚܽܘܕ̥ܶܗ ܥܳܒ݄ܪ، ܒܶܠܚܽܘܕ̥ܶܗ ܓܢܳܦ݄ܩ. ܘܶܐܢ ܓܰܒ̥ܺܝܪܳܐ ܗܳܘܶܐ ܠܰܐܢ̱ܬ̥ܬܳܐ، ܓܢܳܦܩܳܐ ܗ̄ܺܝ ܐܰܢ̱ܬ̥ܬܰܝܕ̥ܶܗ ܐܰܥܡܶܗ. 4ܘܶܐܢ ܗ̄ܽܘ ܡܳܪܰܝܕ̥ܶܗ ܕܳܗ̄ܒܶܐ ܠܶܗ ܐܰܢ̱ܬ̥ܬܳܐ ܘܡܰܘܠܕܳܐ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ، ܗ̄ܺܝ ܐܰܢ̱ܬ̥ܬܳܐ ܘܰܗ̄ܢ ܐܰܒܢ̈ܰܝܕ̥ܰܗ ܓܕܳܗ̄ܘ݄ܢ ܠܽܗ̄ܘ ܡܳܪܰܝܕ̥ܶܗ. ܘܗܺܝّܶܗ ܓܢܳܦ݄ܩ ܒܶܠܚܽܘܕ̥ܶܗ. 5ܘܶܐܢ ܕܳܐܡ݄ܪ ܗ̄ܽܘ ܓܪܶܝܥܳܐ ܕܟܳܪܳܚܰܡ ܐ̱ܢܳܐ ܗ̄ܽܘ ܡܳܪܰܝܕ̥ܺܝ ܘܺܗ̄ܝ ܐܰܢ̱ܬ̥ܬܰܝܕ̥ܺܝ ܘܰܗ̄ܢ ܐܰܒܢ̈ܰܝܕ̥ܺܝ، ܠܳܐ ܓܢܳܦܰܩ ܐ̱ܢܳܐ ܚܺܐܪܳܐ. 6ܓ݄ܡܩܰܕܰܡ ܠܶܗ ܗ̄ܽܘ ܡܳܪܰܝܕ̥ܶܗ ܠܓܰܒ ܗ̄ܰܕّܰܝܳܢ̈ܶܐ، ܘܓ݄ܡܩܰܪܰܒ̥ ܠܶܗ ܠܓܰܒ ܗ̄ܽܘ ܬܰܪܥܳܐ ܐܰܘ ܓܰܒ ܗ̄ܺܝ ܣܩܰܦܬܳܐ. ܘܽܗ̄ܘ ܡܳܪܰܝܕ̥ܶܗ ܓܢܳܩܽܒ̥ ܐܰܕ̥ܢܶܗ ܒܽܗ̄ܘ ܡܰܢܩܒ̥ܳܐ. ܘ݄ܓܕܳܗ̄ܘܶܐ ܠܶܗ ܓܪܶܝܥܳܐ ܕܥܳܒ̥ܰܕ ܠܶܗ ܠܥܳܠܰܡ. 7ܘܺܗ̄ܝ ܢܰܩܠܐ ܕ݄ܡܙܰܒ݄ܢ ܗ̄ܽܘ ܓܰܒ̥ܪܳܐ ܗ̄ܺܝ ܒܰܪܬ̥ܰܝܕ̥ܶܗ ܐܟ̥ ܓܪܰܥܬܳܐ ܠ݄ܐ ܓܢܳܦܩܳܐ ܐܟ̥ ܕܟܳܢܳܦܩܺܝ ܗ̄ܰܓܪ̈ܶܝܥܶܐ. 8ܐܶܢ ܢܰܦܺܝܩܳܐ ܡܰܢ̱ ܥّܰܝܢ̈ܶܐ ܕܽܗ̄ܘ ܡܳܪܰܝܕ̥ܰܗ ܕܠܳܐ ܡܳܝܰܕ ܠܰܗ، ܛܪܳܐ ܫܳܪܶܐ ܠܰܗ. ܠܰܝ̱ܬ ܝܳܐ ܡܫܰܠܛܳܐ ܕ݄ܡܙܰܒܰܢ ܠܰܗ ܠܥܰܡܳܐ ܢܽܘܟ̥ܪܳܝܳܐ ܥܰܠ ܕ݄ܡܕܰܓ݄ܠ ܠܶܗ ܐܰܥܠܰܗ. 9ܘܶܐܢ ܠܽܗ̄ܘ ܐܰܒܪܰܝܕ̥ܶܗ ܡܳܝܰܕ ܠܰܗ، ܐܟ̥ ܕܽܗ̄ܘ ܢܳܡܽܘܣܳܐ ܕ݄ܟܡܺܝܣ݄ܡ ܠܰܒܢ̈ܳܬ̥ܳܐ ܓܣܳܝܰܡ ܠܰܗ. 10ܘܶܐܢ ܚܪܶܬܳܐ ܡܳܝ݄ܕ، ܗ̄ܽܘ ܡܽܐܘܟܠܰܝܕ̥ܰܗ ܘܽܗ̄ܘ ܠܒܽܘܫܰܝܕ̥ܰܗ ܘܽܗ̄ܘ ܕܡܳܟ̥ܰܝܕ̥ܰܗ ܛܪܳܐ ܠܳܐ ܡܰܢܩ݄ܨ ܐܰܥܠܰܗ. 11ܘܶܐܢ ܗ̄ܰܬܠܳܬ̥ܰܢܺܝ ܠܳܐ ܣܳܝܰܡ ܠܰܗ، ܓܢܳܦܩܳܐ ܡܰܓܳܢ ܕܠܳܐ ܙܽܘܙ̈ܶܐ.
12”ܗ̄ܽܘ ܚܰܕ̱ ܕܡܳܚܶܐ ܠܓܰܒ̥ܪܳܐ ܘܡܳܝ݄ܬ̥، ܩܰܛܠܳܐ ܓܡ݄ܩܛ݄ܠ. 13ܘ݄ܕܠܳܐ ܣܳܝܰܡ ܠܶܗ ܟܡܺܝܢܳܐ، ܘܰܐܠܳܗܳܐ ܗܽܒ̥ ܠܶܗ ܒܺܐܝܕ̥ܶܗ، ܣܘ̇ܡ ܠܳܟ̥ ܕܽܘܟܬ̥ܳܐ ܕܥܳܪ݄ܩ ܠܬܰܡܳܐ. 14ܘܓܰܒ̥ܪܳܐ ܕܣܳܝ݄ܡ ܡܰܪܳܚܽܘܬ̥ܳܐ ܥܰܠ ܚܰܒ̥ܪܶܗ ܘܩܳܛܶܠ ܠܶܗ ܒܢܶܟ̥ܠܳܐ، ܡܶܢ̱ ܓܰܒ ܗ̄ܽܘ ܡܰܕ̥݄ܒܚܰܝܕ̥ܺܝ ܡܽܘܕ̥ܶܗ ܠܽܗ̄ܘ ܩܰܛܠܳܐ. 15ܡܰܢ ܕܡܳܚܶܐ ܠܽܗ̄ܘ ܒܰܒܳܐ ܐܰܘ ܠܺܗ̄ܝ ܐܶܡܳܐ ܩܰܛܠܳܐ ܓܡ݄ܩܛ݄ܠ. 16ܡܰܢ ܕܓܳܢܽܒ̥ ܢܰܦܫܳܐ ܘ݄ܡܙܰܒܰܢ ܠܰܗ، ܘܡ݄ܚܙܳܝܳܐ ܒܺܐܝܕ̥ܶܗ، ܩܰܛܠܳܐ ܓܡ݄ܩܛ݄ܠ. 17ܡܰܢ ܕ݄ܡܨܰܥ݄ܪ ܠܽܗ̄ܘ ܒܰܒܳܐ ܐܰܘ ܠܺܗ̄ܝ ܐܶܡܳܐ ܩܰܛܠܳܐ ܓܡ݄ܩܛ݄ܠ. 18ܘܺܗ̄ܝ ܢܰܩܠܐ ܕ݄ܬܪܶܝ ܓܰܒ̥ܪ̈ܶܐ ܢܳܦܠܺܝ ܒܪ̈ܺܝܫܶܐ ܕ݄ܚܕ̥ܳܕ̥̈ܶܐ، ܘܡܳܚܶܐ ܚܰܕ̱ ܠܽܗ̄ܘ ܚܰܒ̥ܪܳܐ ܒܟܶܐܦܳܐ ܐܰܘ ܒܕܳܟܽܘܡܳܐ، ܘܠܳܐ ܡܳܝ݄ܬ̥، ܐܶܠܳܐ ܒܟܶܐܒ̥ܳܐ ܢܳܦ݄ܠ، 19ܐܶܢ ܕܩܳܝ݄ܡ ܘ݄ܡܗܰܠ݄ܟ̥ ܒܺܗ̄ܝ ܫܽܘܩܳܐ ܥܰܠ ܗ̄ܺܝ ܚܰܛܪܰܝܕ̥ܶܗ، ܓܡܺܝܒܰܪܶܐ ܗ̄ܽܘ ܡܰܚܳܝܰܝܕ̥ܶܗ. ܠܚܽܘܕ̥ܶܗ ܗ̄ܽܘ ܥܶܛܳܠܰܝܕ̥ܶܗ ܘܽܗ̄ܘ ܐܰܓ̥ܪܳܐ ܕܽܗ̄ܘ ܐܳܣܝܳܐ ܓܕܳܗ̄ܒܶܐ ܠܶܗ. 20ܘܺܗ̄ܝ ܢܰܩܠܐ ܕܡܳܚܶܐ ܓܰܒ̥ܪܳܐ ܠܽܗ̄ܘ ܓܪܶܝܥܰܝܕ̥ܶܗ ܐܰܘ ܠܺܗ̄ܝ ܓܪܰܥܬܰܝܕ̥ܶܗ ܒܚܰܛܪܳܐ، ܘܡܳܝ݄ܬ̥ ܬܰܚܬ ܐܺܝܕ̥ܶܗ، ܕܺܝܢܳܐ ܓܡܺܝܕ݄ܢ. 21ܐܶܠܳܐ ܐܶܢ ܦܰܝ݄ܫ ܒܰܚّܰܝ̈ܶܐ ܚܰܕ̱ ܝܰܘܡܳܐ ܐܰܘ ܬܪܶܝ ܠ݄ܐ ܓܡܺܝܕ݄ܢ ܥܰܠ ܕܟ݄ܬ ܝܳܐ ܕܺܝܕ̥ܶܗ. 22ܘܺܗ̄ܝ ܢܰܩܠܐ ܕ݄ܬܪܶܝ ܓܰܒ̥ܪ̈ܶܐ ܢܳܦܠܺܝ ܒܪ̈ܺܝܫܶܐ ܕ݄ܚܕ̥ܳܕ̥̈ܶܐ ܘܡܳܚ݄ܢ ܐܰܢ̱ܬ̥ܬܳܐ ܛܥ݄ܢܬܳܐ ܘܡܰܢܦܠܺܝ ܗ̄ܽܘ ܢܰܥܺܝܡܰܝܕ̥ܰܗ، ܘܠܳܐ ܗ̄ܘܶܐ ܩܶܛܪܳܐ، (ܗ̄ܺܝ ܢܰܩܠܝܳܐ) ܠܳܙ݄ܡ ܗ̄ܳܒܶܐ ܡܶܕܶܐ ܐܟ̥ ܕ݄ܓܡܰܚ݄ܬ ܐܰܥܠܶܗ ܗ̄ܽܘ ܓܰܒ̥ܪܳܐ ܕܺܗ̄ܝ ܐܰܢ̱ܬ̥ܬܳܐ، ܘ݄ܓܕܳܗ̄ܒܶܐ ܐܟ̥ ܕ݄ܓܩܳܛܥܺܝ ܐܰܥܠܶܗ ܗ̄ܰܕّܰܝܳܢ̈ܶܐ. 23ܘܶܐܢ ܗܰܘܺܝ ܩܶܛܪܳܐ ܓܕܳܗ̄ܒܶܐ ܢܰܦܫܳܐ ܡܶܢ̱ ܚܠܳܦ ܕܢܰܦܫܳܐ، 24ܥܰܝܢܳܐ ܡܶܢ̱ ܚܠܳܦ ܕܥܰܝܢܳܐ، ܥܰܪܫܳܐ ܡܶܢ̱ ܚܠܳܦ ܕܥܰܪܫܳܐ، ܐܺܝܕ̥ܳܐ ܡܶܢ̱ ܚܠܳܦ ܕܺܐܝܕ̥ܳܐ، ܪܰܓ̥ܠܳܐ ܡܶܢ̱ ܚܠܳܦ ܕܪܰܓ̥ܠܳܐ. 25ܟܘܳܝܳܐ ܡܶܢ̱ ܚܠܳܦ ܕ݄ܟܘܳܝܳܐ، ܨܠܳܦܳܐ ܡܶܢ̱ ܚܠܳܦ ܕ݄ܨܠܳܦܳܐ، ܫܰܩܡܳܐ ܡܶܢ̱ ܚܠܳܦ ܕܫܰܩܡܳܐ. 26ܘܺܗ̄ܝ ܢܰܩܠܐ ܕܽܗ̄ܘ ܓܰܒ̥ܪܳܐ ܕܡܳܚܶܐ ܠܥܰܝܢܶܗ ܕܽܗ̄ܘ ܓܪܶܝܥܰܝܕ̥ܶܗ ܐܰܘ ܠܥܰܝܢܰܗ ܕܺܗ̄ܝ ܓܪܰܥܬܰܝܕ̥ܶܗ ܘܡܰܚܪܰܒ̥ ܠܰܗ، ܛܪܳܐ ܡܰܪܦܶܐ ܠܶܗ ܚܺܐܪܳܐ ܡܶܢ̱ ܚܠܳܦ ܕܥܰܝܢܶܗ. 27ܘܶܐܢ ܬܒ̥݄ܪ ܠܶܗ ܥܰܪܫܶܗ ܕܽܗ̄ܘ ܓܪܶܝܥܰܝܕ̥ܶܗ ܐܰܘ ܥܰܪܫܰܗ ܕܺܗ̄ܝ ܓܪܰܥܬܰܝܕ̥ܶܗ، ܛܪܳܐ ܡܰܪܦܶܐ ܠܶܗ ܚܺܐܪܳܐ ܡܶܢ̱ ܚܠܳܦ ܕܥܰܪܫܶܗ. 28ܘܺܗ̄ܝ ܢܰܩܠܐ ܕ݄ܡܕܰܩ݄ܪ ܗ̄ܽܘ ܬܰܘܪܳܐ (ܒܪܺܝܫܶܗ) ܠܓܰܒ̥ܪܳܐ ܐܰܘ ܠܰܐܢ̱ܬ̥ܬܳܐ ܘܡܳܝ݄ܬ̥، ܪܓ̥ܳܡܳܐ ܓܡ݄ܪܓ̥݄ܡ ܗ̄ܽܘ ܬܰܘܪܳܐ، ܘܠܳܐ ܓܡ݄ܬܐܟ̥݄ܠ ܗ̄ܽܘ ܒܰܣܪܰܝܕ̥ܶܗ. ܘܽܗ̄ܘ ܡܳܪܳܐ ܕܽܗ̄ܘ ܬܰܘܪܳܐ ܒܰܪܺܝܳܐ ܟܳܗ̄ܘܶܐ. 29ܘܶܐܢ ܗ̄ܽܘ ܬܰܘܪܳܐ ܥܳܓܽܘܫܳܐ (ܡܰܚܳܝܳܐ ܕܩܰܪ̈ܢܶܐ) ܗ̄ܘܰܐ ܡܶܢ̱ ܐܰܬ̥ܡ݄ܠ ܘܡܶܢ̱ ܡܶܩ݄ܕ̱ܡ، ܘܡܰܘܕ̥ܰܥّܶܗ ܠܽܗ̄ܘ ܡܳܪܰܝܕ̥ܶܗ ܘܠܰܐ ܗ̄ܘܺܝ ܠܶܗ ܡܳܪܳܐ. ܘ݄ܕܩܳܛ݄ܠ (ܗ̄ܽܘ ܬܰܘܪܳܐ) ܓܰܒ̥ܪܳܐ ܐܰܘ ܐܰܢ̱ܬ̥ܬܳܐ، ܗ̄ܽܘ ܬܰܘܪܳܐ ܓܡ݄ܪܓ̥݄ܡ ܘܽܗ̄ܘ ܡܳܪܳܐ ܣܬܶܝ ܓܡ݄ܩܛ݄ܠ. 30ܘܶܐܢ ܙܽܘܙ̈ܶܐ ܡܰܚܬܺܝ ܐܰܥܠܶܗ ܓܕܳܗ̄ܒܶܐ ܦܽܘܪܩܳܢܳܐ ܡܶܢ̱ ܚܠܳܦ ܕܢܰܦܫܶܗ ܡ݄ܩܰܐ ܕܳܐܒܥܺܝ ܡܶܢܶܗ. 31ܘܶܐܢ ܠܰܐܒܪܳܐ ܐܰܘ ܠܒܰܪܬ̥ܳܐ ܕܡܳܚܶܐ ܗ̄ܽܘ ܬܰܘܪܳܐ ܐܟ̥ ܕܽܗ̄ܘ ܕܺܝܢܰܢܳܐ ܓܡܺܝܣ݄ܡ ܠܶܗ. 32ܘܶܐܢ ܠ݄ܓܪܶܝܥܳܐ ܐܰܘ ܠ݄ܓܪܰܥܬܳܐ ܡܳܚܶܐ ܗ̄ܽܘ ܬܰܘܪܳܐ ܬܠܶܬ̥ܺܝ ܙܽܘܙ̈ܶܐ ܕܣܶܐܡܳܐ ܓܕܳܗ̄ܒܶܐ ܠܽܗ̄ܘ ܡܳܪܰܝܕ̥ܶܗ، ܘܽܗ̄ܘ ܬܰܘܪܳܐ ܓܡ݄ܪܓ̥݄ܡ. 33ܘܺܗ̄ܝ ܢܰܩܠܐ ܕܦܳܬ݄ܚ ܓܰܒ̥ܪܳܐ ܓܽܘܒܳܐ، ܐܰܘ ܚܳܦ݄ܪ ܒܺܐܪܳܐ ܘܠܳܐ ܡܟܰܣ݄ܠّܶܗ، ܘܢܳܦ݄ܠ ܬܰܡܳܐ ܬܰܘܪܳܐ ܐܰܘ ܚܡܳܪܳܐ، 34ܡܳܪܶܗ ܕܺܗ̄ܝ ܓܽܘܒܳܐ ܕܳܗ̄ܒܶܐ ܟܶܣܦܳܐ ܠܰܡّܳܪ̈ܰܬّ̥ܶܗ، ܘܽܗ̄ܘ ܡܺܝܬ̥ܳܐ ܓܕܳܗ̄ܘܶܐ ܐܶܠܶܗ. 35ܘܺܗ̄ܝ ܢܰܩܠܐ ܕܕܳܩ݄ܪ ܬܰܘܪܳܐ ܕܓܰܒ̥ܪܳܐ ܚܰܕ̱ ܠܬܰܘܪܳܐ ܕܓܰܒ̥ܪܳܐ ܚܪܶܢܳܐ ܚܰܒ̥ܪܶܗ، ܘܡܳܝ݄ܬ̥، ܡܙܰܒܢܺܝ ܗ̄ܽܘ ܬܰܘܪܳܐ ܚܰܝܳܐ ܘܦܳܠܓ̥ܺܝ ܗ̄ܰܙّܽܘܙ̈ܰܝܕ̥ܶܗ، ܘܠܽܗ̄ܘ ܡܺܝܬ̥ܳܐ ܣܬܶܝ ܓܦܳܠܓ̥ܺܝ ܠܶܗ 36ܘܶܐܢ ܕܡܺܝܕ̥݄ܥ ܕܽܗ̄ܘ ܬܰܘܪܳܐ ܥܳܓܽܘܫܳܐ ܗ̄ܘܰܐ (ܡܰܚܳܝܳܐ ܕܩܰܪ̈ܢܶܐ) ܡܶܢ̱ ܐܰܬ̥ܡ݄ܠ ܘܒܽܗ̄ܘ ܝܰܘܡܳܐ ܚܪܶܢܳܐ، ܘܽܗ̄ܘ ܡܳܪܰܝܕ̥ܶܗ ܠܰܐ ܗ̄ܘܺܝ ܠܶܗ ܡܳܪܳܐ، ܕܳܗ̄ܒܶܐ ܬܰܘܪܳܐ ܡܶܢ̱ ܚܠܳܦ ܕܬܰܘܪܳܐ ܘܽܗ̄ܘ ܡܺܝܬ̥ܳܐ ܓܕܳܗ̄ܘܶܐ ܐܶܠܶܗ. 37ܘܺܗ̄ܝ ܢܰܩܠܐ ܕܓܳܢܽܒ̥ ܓܰܒ̥ܪܳܐ ܚܰܕ̱ ܬܰܘܪܳܐ ܐܰܘ ܥܘܳܢܳܐ ܘܢܳܚܰܪّܶܗ ܐܰܘ ܡܙܰܒܰܢّܶܗ، ܚܰܡܫܳܐ ܬܰܘܪ̈ܶܐ ܓܕܳܗ̄ܒܶܐ ܡܕܰܪܒܶܗ ܕܬܰܘܪܳܐ ܘܰܐܪܒܰܥ ܥܘܳܢ̈ܶܐ ܡܶܢ̱ ܚܠܳܦ ܕ݄ܥܘܳܢܳܐ.“
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation