ܣܶܦܪܳܐ ܕܡܰܦܩܳܢܳܐ 19
19
1ܘܒܽܗ̄ܘ ܝܰܪܚܳܐ ܕܰܬܠܳܬ̥ܳܐ ܒ݄ܬ̥݄ܪ ܡܽܗ̄ܘ ܢܦܳܩܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܶܢ̱ ܡܶܨܪܶܝܢ، ܒܽܗ̄ܘ ܝܰܘܡܰܢܳܐ ܐܰܬ̥݄ܢ ܠܽܗ̄ܘ ܡܰܕ̥݄ܒܪܳܐ ܕܣܺܝܢ. 2ܘܡܰܛܥܰܢّܶܗ ܡܶܢ̱ ܪܦܺܝܕܺܝܢ، ܘܰܐܬ̥݄ܢ ܠܽܗ̄ܘ ܡܰܕ̥݄ܒܪܳܐ ܕܣܺܝܢܰܝ، ܘܝܰܬܺܝܒ̥ܺܝ ܒܽܗ̄ܘ ܡܰܕ̥݄ܒܪܳܐ. ܘܝܰܬܽܒ̥ ܬܰܡܳܐ ܐܺܝܣܪܳܐܶܝܠ ܡܩܰܒ݄ܠ ܕܽܗ̄ܘ ܛܽܘܪܳܐ. 3ܘܡܽܘܫܶܐ ܣܰܠ݄ܩ ܠܓܰܒ ܐܰܠܳܗܳܐ. ܘ݄ܩܪܶܐ ܠܶܗ ܠܶܗ ܐܰܠܳܗܳܐ ܡܽܗ̄ܘ ܛܽܘܪܳܐ ܘܐܡ݄ܪ ܠܶܗ: ”ܗܰܘܟ̥ܰܐ ܓܕ݄ܐܡّܰܪ̱ܬ ܠܒܶܝ ܝܰܥܩܽܘܒ، ܘ݄ܓܡܰܘܕ̥ܥܰܬ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ. 4ܗܰܬܽܘ ܚܙܰܠܟ̥ܽܘ ܗ̄ܽܘ ܡܶܕܶܐ ܕܣ݄ܡ ܠܺܝ ܒܰܡّܶܨܪ̈ܳܝܶܐ. ܘ݄ܛܥ݄ܢ ܠܺܝ ܠܟ̥ܽܘ ܐܟ̥ ܕܥܰܠ ܓܶܦ̈ܶܐ ܕܽܗ̄ܘ ܢܶܫܪܳܐ ܘܡܰܝܬܶܐ ܠܺܝ ܠܟ̥ܽܘ ܠܣܺܝܕܺܝ. 5ܘܳܐܥܕܳܐ ܐܶܢ ܫܡܳܥܳܐ ܫܳܡܥܺܝܬܽܘ ܗ̄ܽܘ ܡܰܐܡܪܰܝܕ̥ܺܝ ܘܢܳܛܪܺܝܬܽܘ ܗ̄ܽܘ ܩܝܳܡܰܝܕ̥ܺܝ، ܓܕܳܗ̄ܘܺܝܬܽܘ ܠܺܝ ܚܰܒܺܝܒ̈ܶܐ ܡܒܰܝܢ ܟܽܘܠّܶܗ ܗ̄ܰܥّܰܡ̈ܶܐ ܕܺܗ̄ܝ ܐܰܪܥܳܐ، ܡܺܐܝܕ̥ܶܗ ܕܕܺܝܕ̥ܺܝ ܝܳܐ ܗ̄ܺܝ ܐܰܪܥܳܐ. 6ܘܗܰܬܽܘ ܓܕܳܗ̄ܘܺܝܬܽܘ ܠܺܝ ܡܰܠܟܽܘܬ̥ܳܐ ܘܟܳܗ̈ܢܶܐ ܘܥܰܡܳܐ ܩܰܕܺܝܫܳܐ. ܗ̄ܰܡّܰܐܡܪ̈ܰܢܺܝ ܓܕ݄ܐܡّܰܪ̱ܬ ܠܒܶܝ ܐܺܝܣܪܳܐܶܝܠ.“
7ܘܰܐܬ̥ܺܝ ܡܽܘܫܶܐ ܘ݄ܩܪܶܐ ܠܶܗ ܠܰܣّܳܒ̥̈ܶܐ ܕܽܗ̄ܘ ܥܰܡܳܐ، ܘܐܡ݄ܪ ܠܶܗ ܩܽܘܕ̱ܡܰܝّܶܗ ܗ̄ܰܡّܰܐܡܪ̈ܰܢܺܝ ܟܽܘܠّܶܗ ܕ݄ܡܦܰܩܰܕ ܠܶܗ ܠܶܗ ܡܳܪܝܳܐ. 8ܘܡܰܕܥܰܪ ܠܶܗ ܗ̄ܽܘ ܥܰܡܳܐ ܟܽܘܠܶܗ ܥܰܡ ܚܕ̥ܳܕ̥̈ܶܐ ܘܐܡ݄ܪّܶܗ: ”ܟܘ̇ܠ ܡܶܕܶܐ ܕܳܐܡ݄ܪ ܡܳܪܝܳܐ ܓܣܰܝܡܺܝܢܰܐ.“ ܘܡܰܕܥܰܪ ܠܶܗ ܡܽܘܫܶܐ ܗ̄ܽܘ ܦܽܘܢܳܝܳܐ ܕܽܗ̄ܘ ܥܰܡܳܐ ܠܡܳܪܝܳܐ.
9ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܟܰܐܠܺܝ ܐܰܬ̥ܳܝܳܐ ܐ̱ܢܳܐ ܠܓܰܒܳܟ̥ ܒܽܗ̄ܘ ܥܰܡܛܳܢܳܐ ܕܽܗ̄ܘ ܥܰܝܡܳܐ ܠܰܫܰܢ ܕܫܳܡ݄ܥ ܗ̄ܽܘ ܥܰܡܳܐ ܗ̄ܺܝ ܢܰܩܠܐ ܕܡ݄ܫܓ̥ܰܠ ܐ̱ܢܳܐ ܐܰܥܡܳܟ̥، ܘܶܐܠܳܟ̥ ܣܬܶܝ ܓ݄ܡܗܰܝܡܢܺܝ ܠܥܳܠܰܡ.“ ܘܡܰܚܘܶܐ ܠܶܗ ܡܽܘܫܶܐ ܗ̄ܰܡّܰܐܡܪ̈ܶܐ ܕܽܗ̄ܘ ܥܰܡܳܐ ܩ݄ܕ̱ܡ ܡܳܪܝܳܐ. 10ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܙܳܠܳܟ̥ ܠܓܰܒ ܗ̄ܽܘ ܥܰܡܳܐ ܘ݄ܡܩܰܕܶܫ݄ܢ ܐܰܕܝܰܘܡܰܐ ܘܪܰܡܚ݄ܠ. ܘ݄ܛܪܳܐ ܡܰܚܽܘܪܺܝ ܗ̄ܰܠܒܽܘܫ̈ܰܬّ̥ܶܗ. 11ܘܗܳܘ݄ܢ ܡܛܰܝܒ̈ܶܐ ܠܽܗ̄ܘ ܝܰܘܡܳܐ ܕܰܬܠܳܬ̥ܳܐ. ܡܺܐܝܕ̥ܶܗ ܕܒܽܗ̄ܘ ܝܰܘܡܳܐ ܕܰܬܠܳܬ̥ܳܐ ܓܢܳܚ݄ܬ ܡܳܪܝܳܐ ܠܩܽܒ̥ܠ ܥܰܝܢܶܗ ܕܽܗ̄ܘ ܥܰܡܳܐ ܟܽܘܠܶܗ ܥܰܠ ܗ̄ܽܘ ܛܽܘܪܳܐ ܕܣܺܝܢܰܝ. 12ܘܡܰܢܚ݄ܬ ܣܳܗܕܽܘܬ̥ܳܐ ܒܽܗ̄ܘ ܥܰܡܳܐ، ܘܐܡܰܪ ܐܰܠّܶܗ: ܚܙܰܝܽܘ، ܠܳܐ ܣܳܠܩܺܝܬܽܘ ܠܽܗ̄ܘ ܛܽܘܪܳܐ ܘܠܳܐ ܩܳܪܒ̥ܺܝܬܽܘ ܠܰܫܦ̊ܽܘ̈ܠܰܝܕ̥ܶܗ. ܘܟܘ̇ܠ ܡܰܢ ܕ݄ܡܩܰܪܽܒ̥ ܠܽܗ̄ܘ ܛܽܘܪܳܐ ܓܡ݄ܩܛ݄ܠ. 13ܘܺܐܝܕ̥ܳܐ ܛܪܳܐ ܠܳܐ ܓܰܝܫܳܐ ܠܶܗ، ܐܶܠܳܐ ܪܓ̥ܳܡܳܐ (ܒܰܟّܶܐܦ̈ܶܐ) ܓܡ݄ܪܓ̥݄ܡ، ܘܚܶܠܳܩܳܐ ܓܡܺܝܚܰܠ݄ܩ. ܐܶܢ ܚܰܝܽܘܬ̥ܳܐ ܝܳܐ ܐܰܘ ܢܳܫܳܐ ܛܪܳܐ ܠܳܐ ܦܳܝ݄ܫ ܒܰܚّܰܝ̈ܶܐ. ܘܡ݄ܐ ܕܟܰܠܝܳܐ ܗ̄ܺܝ ܩܰܪܢܳܐ ܟܳܗ̄ܘܶܐ ܕܣܳܠܩܺܝܬܽܘ ܠܽܗ̄ܘ ܛܽܘܪܳܐ.“
14ܘܢܰܚ݄ܬ ܡܽܘܫܶܐ ܡܽܗ̄ܘ ܛܽܘܪܳܐ ܠܓܰܒ ܗ̄ܽܘ ܥܰܡܳܐ ܘ݄ܡܩܰܕܰܫ ܠܶܗ ܠܽܗ̄ܘ ܥܰܡܳܐ. ܘܡܰܚܘܰܪّܶܗ ܗ̄ܰܠܒܽܘܫ̈ܰܬّ̥ܶܗ. 15ܘܐܡ݄ܪ ܠܶܗ ܡܽܘܫܶܐ ܠܽܗ̄ܘ ܥܰܡܳܐ: ”ܗܘܰܝܽܘ ܡܛܰܝܒ̈ܶܐ ܠܽܗ̄ܘ ܝܰܘܡܳܐ ܕܰܬܠܳܬ̥ܳܐ ܘܠܳܐ ܡܩܰܪܒ̥ܺܝܬܽܘ ܠܰܐܢ̱ܬ̥ܬܳܐ.“ 16ܘܗܰܘܺܝ ܒܽܗ̄ܘ ܝܰܘܡܳܐ ܕܰܬܠܳܬ̥ܳܐ، ܒܨܰܦܪܳܐ ܥܰܡܽܘܩܳܐ ܗܰܘܺܝ ܩ̈ܳܠܶܐ ܘܒܰܪ̈ܩܶܐ، ܘܥܰܝܡܳܐ ܪܰܒܳܐ ܗܰܘܺܝ ܥܰܠ ܗ̄ܽܘ ܛܽܘܪܳܐ. ܘܽܗ̄ܘ ܩܳܠܳܐ ܕܺܗ̄ܝ ܩܰܪܢܳܐ ܚܺܝܨܳܐ ܗ̄ܘܰܐ ܓ̥ܰܠܰܒܶܐ. ܘܙܰܝ݄ܥ ܟܽܘܠܶܗ ܗ̄ܽܘ ܥܰܡܳܐ ܕܟܺܝܬ ܒܺܗ̄ܝ ܡܰܫܪܺܝܬ̥ܳܐ. 17ܘܡܰܘܦܰܩ ܠܶܗ ܡܽܘܫܶܐ ܗ̄ܽܘ ܥܰܡܳܐ ܠܩܰܕ̱ܡܽܘܬ̥ܶܗ ܕܰܐܠܳܗܳܐ ܡܺܗ̄ܝ ܡܰܫܪܺܝܬ̥ܳܐ، ܘܩܰܝܺܝܡܺܝ ܒܰܫܦܽܘ̈ܠܶܐ ܕܽܗ̄ܘ ܛܽܘܪܳܐ. 18ܘܽܗ̄ܘ ܛܽܘܪܳܐ ܕܣܺܝܢܰܝ ܟܽܘܠܶܗ ܡܰܘܦܰܩ ܗ̄ܘܰܐ ܬܶܢܳܢܳܐ، ܥܰܠ ܕܢܰܚ݄ܬ ܗ̄ܘܰܐ ܐܰܥܠܶܗ ܡܳܪܝܳܐ ܒܺܗ̄ܝ ܢܽܘܪܳܐ. ܘܣܰܠ݄ܩ ܗ̄ܽܘ ܬܶܢܳܢܰܝܕ̥ܶܗ ܐܟ̥ ܕܽܗ̄ܘ ܬܶܢܳܢܳܐ ܕܽܗ̄ܘ ܐܰܬܽܘܢܳܐ. ܘܗܺܝܙ ܗ̄ܽܘ ܛܽܘܪܳܐ ܟܽܘܠܶܗ ܓ̥ܰܠܰܒܶܐ. 19ܘܽܗ̄ܘ ܩܳܠܳܐ ܕܺܗ̄ܝ ܩܰܪܢܳܐ ܥܳܠܶܐ ܗ̄ܘܰܐ ܘܡܺܝܚ݄ܨ ܗ̄ܘܰܐ ܓ̥ܰܠܰܒܶܐ، ܘܡܽܘܫܶܐ ܡ݄ܫܓ̥ܰܠ ܗ̄ܘܰܐ، ܘܰܐܠܳܗܳܐ ܡܰܕܥ݄ܪ ܗ̄ܘܰܐ ܐܰܥܠܶܗ ܒܩܳܠܳܐ.
20ܘܢܰܚ݄ܬ ܡܳܪܝܳܐ ܠܽܗ̄ܘ ܛܽܘܪܳܐ ܕܣܺܝܢܰܝ، ܠܪܺܝܫܶܗ ܕܽܗ̄ܘ ܛܽܘܪܳܐ. ܘ݄ܩܪܶܐ ܠܶܗ ܡܳܪܝܳܐ ܠܡܽܘܫܶܐ ܠܪܺܝܫܶܗ ܕܽܗ̄ܘ ܛܽܘܪܳܐ. ܘܣܰܠ݄ܩ ܡܽܘܫܶܐ. 21ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܢܚܰܬ ܡܣܰܗܰܕ ܒܽܗ̄ܘ ܥܰܡܳܐ ܕܠܳܐ ܪܳܚܩܺܝ (ܡܩܰܪܒ̥ܺܝ) ܩ݄ܕ̱ܡ ܡܳܪܝܳܐ ܕܚܳܙ݄ܢ ܘ݄ܕܠܳܐ ܢܳܦ݄ܠ ܡ݄ܢّܶܗ ܓ̥ܰܠܰܒܶܐ. 22ܘܰܟّܳܗܢ̈ܶܐ ܣܬܶܝ ܕܟ݄ܬܢܶܝ ܩܰܪ̈ܺܝܒ̥ܶܐ ܡܶܢ̱ ܡܳܪܝܳܐ ܛܪܳܐ ܡܺܝܩܰܕܫܺܝ ܕܠܳܐ ܡܺܝܫܰܠ݄ܛ ܐܰܒّܶܗ ܡܳܪܝܳܐ.“ 23ܘܐܡ݄ܪ ܠܶܗ ܡܽܘܫܶܐ ܠܡܳܪܝܳܐ: ”ܗ̄ܽܘ ܥܰܡܳܐ ܠܰܝܒܶܗ ܕܣܳܠ݄ܩ ܠܽܗ̄ܘ ܛܽܘܪܳܐ ܕܣܺܝܢܰܝ، ܡܺܐܝܕ̥ܶܗ ܕܗܰܬ ܡܣܰܗܰܕ ܠܳܟ̥ ܐܶܒܰܢ، ܘܐܡ݄ܪ ܠܳܟ̥ ܠܺܝ ܣܘ̇ܡ ܬܚܽܘܡܳܐ ܠܽܗ̄ܘ ܛܽܘܪܳܐ ܘ݄ܡܩܰܕܶܫܶܗ.“ 24ܘܐܡ݄ܪ ܠܶܗ ܡܳܪܝܳܐ: ”ܙܳܟ̥ ܢܚܰܬ، ܘ݄ܣܠܰܩ ܗܰܬ ܘܰܐܗܪܽܘܢ ܐܰܚܽܘܢܳܟ̥ ܐܰܥܡܳܟ̥. ܘ݄ܛܪܳܐ ܗ̄ܰܟّܳܗ̈ܢܶܐ ܘܽܗ̄ܘ ܥܰܡܳܐ ܠܳܐ ܪܳܚܩܺܝ (ܡܩܰܪܒ̥ܺܝ) ܕܣܳܠܩܺܝ ܩ݄ܕ̱ܡ ܡܳܪܝܳܐ ܕܠܳܐ ܩܳܛ݄ܠ ܢܳܫܳܐ ܡ݄ܢّܶܗ.“ 25ܘܢܰܚ݄ܬ ܡܽܘܫܶܐ ܠܓܰܒ ܗ̄ܽܘ ܥܰܡܳܐ ܘܐܡ݄ܪ ܠܰܗ ܠّܶܗ.
Právě zvoleno:
ܣܶܦܪܳܐ ܕܡܰܦܩܳܢܳܐ 19: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 19
19
1ܘܒܽܗ̄ܘ ܝܰܪܚܳܐ ܕܰܬܠܳܬ̥ܳܐ ܒ݄ܬ̥݄ܪ ܡܽܗ̄ܘ ܢܦܳܩܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܶܢ̱ ܡܶܨܪܶܝܢ، ܒܽܗ̄ܘ ܝܰܘܡܰܢܳܐ ܐܰܬ̥݄ܢ ܠܽܗ̄ܘ ܡܰܕ̥݄ܒܪܳܐ ܕܣܺܝܢ. 2ܘܡܰܛܥܰܢّܶܗ ܡܶܢ̱ ܪܦܺܝܕܺܝܢ، ܘܰܐܬ̥݄ܢ ܠܽܗ̄ܘ ܡܰܕ̥݄ܒܪܳܐ ܕܣܺܝܢܰܝ، ܘܝܰܬܺܝܒ̥ܺܝ ܒܽܗ̄ܘ ܡܰܕ̥݄ܒܪܳܐ. ܘܝܰܬܽܒ̥ ܬܰܡܳܐ ܐܺܝܣܪܳܐܶܝܠ ܡܩܰܒ݄ܠ ܕܽܗ̄ܘ ܛܽܘܪܳܐ. 3ܘܡܽܘܫܶܐ ܣܰܠ݄ܩ ܠܓܰܒ ܐܰܠܳܗܳܐ. ܘ݄ܩܪܶܐ ܠܶܗ ܠܶܗ ܐܰܠܳܗܳܐ ܡܽܗ̄ܘ ܛܽܘܪܳܐ ܘܐܡ݄ܪ ܠܶܗ: ”ܗܰܘܟ̥ܰܐ ܓܕ݄ܐܡّܰܪ̱ܬ ܠܒܶܝ ܝܰܥܩܽܘܒ، ܘ݄ܓܡܰܘܕ̥ܥܰܬ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ. 4ܗܰܬܽܘ ܚܙܰܠܟ̥ܽܘ ܗ̄ܽܘ ܡܶܕܶܐ ܕܣ݄ܡ ܠܺܝ ܒܰܡّܶܨܪ̈ܳܝܶܐ. ܘ݄ܛܥ݄ܢ ܠܺܝ ܠܟ̥ܽܘ ܐܟ̥ ܕܥܰܠ ܓܶܦ̈ܶܐ ܕܽܗ̄ܘ ܢܶܫܪܳܐ ܘܡܰܝܬܶܐ ܠܺܝ ܠܟ̥ܽܘ ܠܣܺܝܕܺܝ. 5ܘܳܐܥܕܳܐ ܐܶܢ ܫܡܳܥܳܐ ܫܳܡܥܺܝܬܽܘ ܗ̄ܽܘ ܡܰܐܡܪܰܝܕ̥ܺܝ ܘܢܳܛܪܺܝܬܽܘ ܗ̄ܽܘ ܩܝܳܡܰܝܕ̥ܺܝ، ܓܕܳܗ̄ܘܺܝܬܽܘ ܠܺܝ ܚܰܒܺܝܒ̈ܶܐ ܡܒܰܝܢ ܟܽܘܠّܶܗ ܗ̄ܰܥّܰܡ̈ܶܐ ܕܺܗ̄ܝ ܐܰܪܥܳܐ، ܡܺܐܝܕ̥ܶܗ ܕܕܺܝܕ̥ܺܝ ܝܳܐ ܗ̄ܺܝ ܐܰܪܥܳܐ. 6ܘܗܰܬܽܘ ܓܕܳܗ̄ܘܺܝܬܽܘ ܠܺܝ ܡܰܠܟܽܘܬ̥ܳܐ ܘܟܳܗ̈ܢܶܐ ܘܥܰܡܳܐ ܩܰܕܺܝܫܳܐ. ܗ̄ܰܡّܰܐܡܪ̈ܰܢܺܝ ܓܕ݄ܐܡّܰܪ̱ܬ ܠܒܶܝ ܐܺܝܣܪܳܐܶܝܠ.“
7ܘܰܐܬ̥ܺܝ ܡܽܘܫܶܐ ܘ݄ܩܪܶܐ ܠܶܗ ܠܰܣّܳܒ̥̈ܶܐ ܕܽܗ̄ܘ ܥܰܡܳܐ، ܘܐܡ݄ܪ ܠܶܗ ܩܽܘܕ̱ܡܰܝّܶܗ ܗ̄ܰܡّܰܐܡܪ̈ܰܢܺܝ ܟܽܘܠّܶܗ ܕ݄ܡܦܰܩܰܕ ܠܶܗ ܠܶܗ ܡܳܪܝܳܐ. 8ܘܡܰܕܥܰܪ ܠܶܗ ܗ̄ܽܘ ܥܰܡܳܐ ܟܽܘܠܶܗ ܥܰܡ ܚܕ̥ܳܕ̥̈ܶܐ ܘܐܡ݄ܪّܶܗ: ”ܟܘ̇ܠ ܡܶܕܶܐ ܕܳܐܡ݄ܪ ܡܳܪܝܳܐ ܓܣܰܝܡܺܝܢܰܐ.“ ܘܡܰܕܥܰܪ ܠܶܗ ܡܽܘܫܶܐ ܗ̄ܽܘ ܦܽܘܢܳܝܳܐ ܕܽܗ̄ܘ ܥܰܡܳܐ ܠܡܳܪܝܳܐ.
9ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܟܰܐܠܺܝ ܐܰܬ̥ܳܝܳܐ ܐ̱ܢܳܐ ܠܓܰܒܳܟ̥ ܒܽܗ̄ܘ ܥܰܡܛܳܢܳܐ ܕܽܗ̄ܘ ܥܰܝܡܳܐ ܠܰܫܰܢ ܕܫܳܡ݄ܥ ܗ̄ܽܘ ܥܰܡܳܐ ܗ̄ܺܝ ܢܰܩܠܐ ܕܡ݄ܫܓ̥ܰܠ ܐ̱ܢܳܐ ܐܰܥܡܳܟ̥، ܘܶܐܠܳܟ̥ ܣܬܶܝ ܓ݄ܡܗܰܝܡܢܺܝ ܠܥܳܠܰܡ.“ ܘܡܰܚܘܶܐ ܠܶܗ ܡܽܘܫܶܐ ܗ̄ܰܡّܰܐܡܪ̈ܶܐ ܕܽܗ̄ܘ ܥܰܡܳܐ ܩ݄ܕ̱ܡ ܡܳܪܝܳܐ. 10ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܙܳܠܳܟ̥ ܠܓܰܒ ܗ̄ܽܘ ܥܰܡܳܐ ܘ݄ܡܩܰܕܶܫ݄ܢ ܐܰܕܝܰܘܡܰܐ ܘܪܰܡܚ݄ܠ. ܘ݄ܛܪܳܐ ܡܰܚܽܘܪܺܝ ܗ̄ܰܠܒܽܘܫ̈ܰܬّ̥ܶܗ. 11ܘܗܳܘ݄ܢ ܡܛܰܝܒ̈ܶܐ ܠܽܗ̄ܘ ܝܰܘܡܳܐ ܕܰܬܠܳܬ̥ܳܐ. ܡܺܐܝܕ̥ܶܗ ܕܒܽܗ̄ܘ ܝܰܘܡܳܐ ܕܰܬܠܳܬ̥ܳܐ ܓܢܳܚ݄ܬ ܡܳܪܝܳܐ ܠܩܽܒ̥ܠ ܥܰܝܢܶܗ ܕܽܗ̄ܘ ܥܰܡܳܐ ܟܽܘܠܶܗ ܥܰܠ ܗ̄ܽܘ ܛܽܘܪܳܐ ܕܣܺܝܢܰܝ. 12ܘܡܰܢܚ݄ܬ ܣܳܗܕܽܘܬ̥ܳܐ ܒܽܗ̄ܘ ܥܰܡܳܐ، ܘܐܡܰܪ ܐܰܠّܶܗ: ܚܙܰܝܽܘ، ܠܳܐ ܣܳܠܩܺܝܬܽܘ ܠܽܗ̄ܘ ܛܽܘܪܳܐ ܘܠܳܐ ܩܳܪܒ̥ܺܝܬܽܘ ܠܰܫܦ̊ܽܘ̈ܠܰܝܕ̥ܶܗ. ܘܟܘ̇ܠ ܡܰܢ ܕ݄ܡܩܰܪܽܒ̥ ܠܽܗ̄ܘ ܛܽܘܪܳܐ ܓܡ݄ܩܛ݄ܠ. 13ܘܺܐܝܕ̥ܳܐ ܛܪܳܐ ܠܳܐ ܓܰܝܫܳܐ ܠܶܗ، ܐܶܠܳܐ ܪܓ̥ܳܡܳܐ (ܒܰܟّܶܐܦ̈ܶܐ) ܓܡ݄ܪܓ̥݄ܡ، ܘܚܶܠܳܩܳܐ ܓܡܺܝܚܰܠ݄ܩ. ܐܶܢ ܚܰܝܽܘܬ̥ܳܐ ܝܳܐ ܐܰܘ ܢܳܫܳܐ ܛܪܳܐ ܠܳܐ ܦܳܝ݄ܫ ܒܰܚّܰܝ̈ܶܐ. ܘܡ݄ܐ ܕܟܰܠܝܳܐ ܗ̄ܺܝ ܩܰܪܢܳܐ ܟܳܗ̄ܘܶܐ ܕܣܳܠܩܺܝܬܽܘ ܠܽܗ̄ܘ ܛܽܘܪܳܐ.“
14ܘܢܰܚ݄ܬ ܡܽܘܫܶܐ ܡܽܗ̄ܘ ܛܽܘܪܳܐ ܠܓܰܒ ܗ̄ܽܘ ܥܰܡܳܐ ܘ݄ܡܩܰܕܰܫ ܠܶܗ ܠܽܗ̄ܘ ܥܰܡܳܐ. ܘܡܰܚܘܰܪّܶܗ ܗ̄ܰܠܒܽܘܫ̈ܰܬّ̥ܶܗ. 15ܘܐܡ݄ܪ ܠܶܗ ܡܽܘܫܶܐ ܠܽܗ̄ܘ ܥܰܡܳܐ: ”ܗܘܰܝܽܘ ܡܛܰܝܒ̈ܶܐ ܠܽܗ̄ܘ ܝܰܘܡܳܐ ܕܰܬܠܳܬ̥ܳܐ ܘܠܳܐ ܡܩܰܪܒ̥ܺܝܬܽܘ ܠܰܐܢ̱ܬ̥ܬܳܐ.“ 16ܘܗܰܘܺܝ ܒܽܗ̄ܘ ܝܰܘܡܳܐ ܕܰܬܠܳܬ̥ܳܐ، ܒܨܰܦܪܳܐ ܥܰܡܽܘܩܳܐ ܗܰܘܺܝ ܩ̈ܳܠܶܐ ܘܒܰܪ̈ܩܶܐ، ܘܥܰܝܡܳܐ ܪܰܒܳܐ ܗܰܘܺܝ ܥܰܠ ܗ̄ܽܘ ܛܽܘܪܳܐ. ܘܽܗ̄ܘ ܩܳܠܳܐ ܕܺܗ̄ܝ ܩܰܪܢܳܐ ܚܺܝܨܳܐ ܗ̄ܘܰܐ ܓ̥ܰܠܰܒܶܐ. ܘܙܰܝ݄ܥ ܟܽܘܠܶܗ ܗ̄ܽܘ ܥܰܡܳܐ ܕܟܺܝܬ ܒܺܗ̄ܝ ܡܰܫܪܺܝܬ̥ܳܐ. 17ܘܡܰܘܦܰܩ ܠܶܗ ܡܽܘܫܶܐ ܗ̄ܽܘ ܥܰܡܳܐ ܠܩܰܕ̱ܡܽܘܬ̥ܶܗ ܕܰܐܠܳܗܳܐ ܡܺܗ̄ܝ ܡܰܫܪܺܝܬ̥ܳܐ، ܘܩܰܝܺܝܡܺܝ ܒܰܫܦܽܘ̈ܠܶܐ ܕܽܗ̄ܘ ܛܽܘܪܳܐ. 18ܘܽܗ̄ܘ ܛܽܘܪܳܐ ܕܣܺܝܢܰܝ ܟܽܘܠܶܗ ܡܰܘܦܰܩ ܗ̄ܘܰܐ ܬܶܢܳܢܳܐ، ܥܰܠ ܕܢܰܚ݄ܬ ܗ̄ܘܰܐ ܐܰܥܠܶܗ ܡܳܪܝܳܐ ܒܺܗ̄ܝ ܢܽܘܪܳܐ. ܘܣܰܠ݄ܩ ܗ̄ܽܘ ܬܶܢܳܢܰܝܕ̥ܶܗ ܐܟ̥ ܕܽܗ̄ܘ ܬܶܢܳܢܳܐ ܕܽܗ̄ܘ ܐܰܬܽܘܢܳܐ. ܘܗܺܝܙ ܗ̄ܽܘ ܛܽܘܪܳܐ ܟܽܘܠܶܗ ܓ̥ܰܠܰܒܶܐ. 19ܘܽܗ̄ܘ ܩܳܠܳܐ ܕܺܗ̄ܝ ܩܰܪܢܳܐ ܥܳܠܶܐ ܗ̄ܘܰܐ ܘܡܺܝܚ݄ܨ ܗ̄ܘܰܐ ܓ̥ܰܠܰܒܶܐ، ܘܡܽܘܫܶܐ ܡ݄ܫܓ̥ܰܠ ܗ̄ܘܰܐ، ܘܰܐܠܳܗܳܐ ܡܰܕܥ݄ܪ ܗ̄ܘܰܐ ܐܰܥܠܶܗ ܒܩܳܠܳܐ.
20ܘܢܰܚ݄ܬ ܡܳܪܝܳܐ ܠܽܗ̄ܘ ܛܽܘܪܳܐ ܕܣܺܝܢܰܝ، ܠܪܺܝܫܶܗ ܕܽܗ̄ܘ ܛܽܘܪܳܐ. ܘ݄ܩܪܶܐ ܠܶܗ ܡܳܪܝܳܐ ܠܡܽܘܫܶܐ ܠܪܺܝܫܶܗ ܕܽܗ̄ܘ ܛܽܘܪܳܐ. ܘܣܰܠ݄ܩ ܡܽܘܫܶܐ. 21ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܢܚܰܬ ܡܣܰܗܰܕ ܒܽܗ̄ܘ ܥܰܡܳܐ ܕܠܳܐ ܪܳܚܩܺܝ (ܡܩܰܪܒ̥ܺܝ) ܩ݄ܕ̱ܡ ܡܳܪܝܳܐ ܕܚܳܙ݄ܢ ܘ݄ܕܠܳܐ ܢܳܦ݄ܠ ܡ݄ܢّܶܗ ܓ̥ܰܠܰܒܶܐ. 22ܘܰܟّܳܗܢ̈ܶܐ ܣܬܶܝ ܕܟ݄ܬܢܶܝ ܩܰܪ̈ܺܝܒ̥ܶܐ ܡܶܢ̱ ܡܳܪܝܳܐ ܛܪܳܐ ܡܺܝܩܰܕܫܺܝ ܕܠܳܐ ܡܺܝܫܰܠ݄ܛ ܐܰܒّܶܗ ܡܳܪܝܳܐ.“ 23ܘܐܡ݄ܪ ܠܶܗ ܡܽܘܫܶܐ ܠܡܳܪܝܳܐ: ”ܗ̄ܽܘ ܥܰܡܳܐ ܠܰܝܒܶܗ ܕܣܳܠ݄ܩ ܠܽܗ̄ܘ ܛܽܘܪܳܐ ܕܣܺܝܢܰܝ، ܡܺܐܝܕ̥ܶܗ ܕܗܰܬ ܡܣܰܗܰܕ ܠܳܟ̥ ܐܶܒܰܢ، ܘܐܡ݄ܪ ܠܳܟ̥ ܠܺܝ ܣܘ̇ܡ ܬܚܽܘܡܳܐ ܠܽܗ̄ܘ ܛܽܘܪܳܐ ܘ݄ܡܩܰܕܶܫܶܗ.“ 24ܘܐܡ݄ܪ ܠܶܗ ܡܳܪܝܳܐ: ”ܙܳܟ̥ ܢܚܰܬ، ܘ݄ܣܠܰܩ ܗܰܬ ܘܰܐܗܪܽܘܢ ܐܰܚܽܘܢܳܟ̥ ܐܰܥܡܳܟ̥. ܘ݄ܛܪܳܐ ܗ̄ܰܟّܳܗ̈ܢܶܐ ܘܽܗ̄ܘ ܥܰܡܳܐ ܠܳܐ ܪܳܚܩܺܝ (ܡܩܰܪܒ̥ܺܝ) ܕܣܳܠܩܺܝ ܩ݄ܕ̱ܡ ܡܳܪܝܳܐ ܕܠܳܐ ܩܳܛ݄ܠ ܢܳܫܳܐ ܡ݄ܢّܶܗ.“ 25ܘܢܰܚ݄ܬ ܡܽܘܫܶܐ ܠܓܰܒ ܗ̄ܽܘ ܥܰܡܳܐ ܘܐܡ݄ܪ ܠܰܗ ܠّܶܗ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation