ܣܶܦܪܳܐ ܕܡܰܦܩܳܢܳܐ 17
17
1ܘܡܰܛܥܰܢّܶܗ ܟܽܘܠܰܗ ܗ̄ܺܝ ܟ̥ܢܽܘܫܬܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܽܗ̄ܘ ܡܰܕ̥݄ܒܪܳܐ ܕܣܺܝܢ ܠܰܐܝܟܳܐ ܕܡܳܪܝܳܐ ܐܡ݄ܪ ܠܰܗ ܠّܶܗ ܕ݄ܐܙّ݄ܢ. ܘܝܰܬܺܝܒ̥ܺܝ ܒ݄ܪܦܺܝܕܺܝܢ. ܘܠܰܝ̱ܬ ܗ̄ܘܰܐ ܡܰܝ̈ܶܐ ܕܫܳܬܶܐ ܗ̄ܽܘ ܥܰܡܳܐ. 2ܘܩܰܝ݄ܡ ܗ̄ܽܘ ܥܰܡܳܐ ܥܰܠ ܡܽܘܫܶܐ ܘܐܡ݄ܪّܰܗ ܠܶܗ: ”ܗܰܒ̥ ܠܰܢ ܡܰܝ̈ܶܐ ܕܫܳܬܺܝܢܰܐ.“ ܐܡ݄ܪ ܠܰܗ ܠّܶܗ ܡܽܘܫܶܐ: ”ܡ݄ܢܝܳܐ ܕܟܳܩܰܝܡܺܝܬܽܘ ܐܰܥܠܺܝ؟ ܘܡ݄ܢܝܳܐ ܕܟܳܡܢܰܣܺܝܬܽܘ ܡܳܪܝܳܐ؟“ 3ܘܨܰܗ݄ܢ ܗ̄ܽܘ ܥܰܡܳܐ ܬܰܡܳܐ ܠܰܡّܰܝ̈ܶܐ. ܘ݄ܡܛܰܪܛܰܡّܶܗ ܗ̄ܽܘ ܥܰܡܳܐ ܥܰܠ ܡܽܘܫܶܐ ܘܐܡ݄ܪّܰܗ ܠܶܗ: ”ܠܡ݄ܢ ܡܰܣܠܰܩ ܠܳܟ̥ ܠܰܢ ܡܶܢ̱ ܡܶܨܪܶܝܢ ܕܩܳܛܠܰܬ ܠܰܢ، ܐܶܠܰܢ ܘܠܰܗ̄ܢ ܐܰܒܢ̈ܰܝܕ̥ܰܢ ܘܠܰܚّܰܝ̈ܘܳܬ̥ܰܝܕ̥ܰܢ ܡܽܗ̄ܘ ܨܰܗܘܳܐ؟“ 4ܘ݄ܡܨܰܠܶܐ ܠܶܗ ܡܽܘܫܶܐ ܠܡܳܪܝܳܐ ܘܐܡ݄ܪ ܠܶܗ: ”ܡ݄ܢ ܣܳܝܰܡ ܐ̱ܢܳܐ ܠܽܗ̄ܘ ܥܰܡܰܢܳܐ؟ ܐ݄ܫܡܳܐ ܚܪܶܢܳܐ ܓܪܳܓܡܺܝ ܗ̄ܘܰܝ ܠܺܝ (ܒܰܟّܶܐܦ̈ܶܐ).“ 5ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܥܒܰܪ ܩ݄ܕ̱ܡ ܗ̄ܽܘ ܥܰܡܳܐ، ܘܡܰܘܒ݄ܠ ܐܰܥܡܳܟ̥ ܡܰܢ̱ ܣّܳܒ̥̈ܶܐ ܕܺܐܝܣܪܳܐܶܝܠ. ܘܺܗ̄ܝ ܚܰܛܪܰܝܕ̥ܳܟ̥ ܕ݄ܡܚܶܐ ܠܳܟ̥ ܐܶܒܰܗ ܠܽܗ̄ܘ ܢܰܗܪܳܐ ܡܽܘܕܰܗ ܒܺܐܝܕ̥ܳܟ̥، ܘܙܳܠܳܟ̥. 6ܘܟܰܐܠܺܝ ܟܩܳܝܰܡ ܐ̱ܢܳܐ ܬܰܡܳܐ ܩܽܘܕ̱ܡܳܟ̥ ܥܰܠ ܗ̄ܽܘ ܣܰܠܳܛܳܐ ܒܚܽܘܪܺܝܒ. ܘ݄ܓܡܳܚܰܬ ܠܽܗ̄ܘ ܣܰܠܳܛܳܐ ܘ݄ܓܢܳܦܩܺܝ ܡܶܢܶܗ ܡܰܝ̈ܶܐ، ܘ݄ܓܫܳܬܶܐ ܗ̄ܽܘ ܥܰܡܳܐ.“ ܘܣ݄ܡ ܠܶܗ ܡܽܘܫܶܐ ܗܰܘܟ̥ܰܐ ܠܩܽܒ̥ܠ ܥܰܝܢܶܗ ܕܰܣّܳܒ̥̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ. 7ܘ݄ܩܪܶܐ ܠܶܗ ܐ݄ܫܡܶܗ ܕܽܗ̄ܘ ܐܰܬ̥ܪܰܘܳܐ ”ܢܰܣܳܐ ܘ݄ܡܪܺܝܒܳܐ،“ ܥܰܠ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܢܰܣܰܠّܶܗ ܠܡܳܪܝܳܐ ܘܣ݄ܡّܶܗ ܪܰܘܒܳܐ، ܘܐܡ݄ܪّܶܗ: ”ܐܶܢ ܡܳܪܝܳܐ ܒܰܝܢܳܬ̥ܰܢ ܝܳܐ ܐܰܘ ܠܳܐ؟“
8ܘܰܐܬ̥ܺܝ ܥܡܳܠܺܝܩ ܕܣܳܝ݄ܡ ܩܪܳܒܳܐ ܥܰܡ ܐܺܝܣܪܳܐܶܝܠ ܒ݄ܪܦܺܝܕܺܝܢ. 9ܘܐܡ݄ܪ ܠܶܗ ܡܽܘܫܶܐ ܠܝܶܫܽܘܥ: ”ܓܒܰܝ ܠܳܟ̥ ܓܰܒ̥ܪ̈ܶܐ ܘ݄ܢܦܰܩ ܣܰܝܡܺܝܢܰܐ ܩܪܳܒܳܐ ܥܰܡ ܥܡܳܠܺܝܩ ܪܰܡܚ݄ܠ. ܘܳܐܢܳܐ ܟܰܐܠܺܝ ܟܩܳܝܰܡ ܐ̱ܢܳܐ ܥܰܠ ܪܺܝܫܳܐ ܕܺܗ̄ܝ ܪܳܡܬ̥ܳܐ ܘܺܗ̄ܝ ܚܰܛܪܳܐ ܕܰܐܠܳܗܳܐ ܒܺܐܝܕ̥ܺܝ.“ 10ܘܣ݄ܡ ܠܶܗ ܝܶܫܽܘܥ ܐܟ̥ ܕܐܡ݄ܪ ܠܶܗ ܡܽܘܫܶܐ. ܘܰܐܙّܶܗ ܕܣܳܝ݄ܡ ܩܪܳܒܳܐ ܥܰܡ ܥܡܳܠܺܝܩ. ܘܡܽܘܫܶܐ ܘܰܐܗܪܽܘܢ ܘܚܽܘܪ ܣܰܠܺܝܩܺܝ ܠܪܺܝܫܰܗ ܕܺܗ̄ܝ ܪܳܡܬ̥ܳܐ. 11ܘܺܗ̄ܝ ܢܰܩܠܐ ܕܡܰܥܠܶܐ ܗ̄ܘܰܐ ܡܽܘܫܶܐ ܐܺܝܕ̥̈ܳܬ̥ܶܗ ܡܺܝܚ݄ܨ (ܩܳܘܶܐ) ܗ̄ܘܰܐ ܐܺܝܣܪܳܐܶܝܠ، ܘܺܗ̄ܝ ܢܰܩܠܐ ܕܡܰܬ̥ܢܰܚ ܗ̄ܘܰܐ ܐܺܝܕ̥̈ܳܬ̥ܶܗ ܡܺܝܚܰܨ (ܩܳܘܶܐ) ܗ̄ܘܰܐ ܥܡܳܠܺܝܩ. 12ܘܰܗ̄ܢ ܐܺܝܕ̥̈ܶܐ ܕܡܽܘܫܶܐ ܒܰܛܺܝܠܺܝ. ܘܡ݄ܕّܶܗ ܟܶܐܦܳܐ ܘܡܰܚ݄ܬّܶܗ ܬܰܚܬܶܗ ܘܝܰܬܽܒ̥ ܐܰܥܠܰܗ. ܘܰܐܗܪܽܘܢ ܘܚܽܘܪ ܣܳܡܟ̥ܺܝ ܗ̄ܘܰܘ̱ ܐܺܝܕ̥̈ܳܬ̥ܶܗ، ܚܰܕ̱ ܡܰܗ̄ܪܟܶܐ ܘܚܰܕ̱ ܡܰܗ̄ܪܟܶܐ، ܘܗܰܘ݄ܢ ܐܺܝܕ̥̈ܳܬ̥ܶܗ ܙܒܺܝ̈ܛܶܐ ܗ݄ܠ ܕܛܰܒ̥ܺܝܥܳܐ ܗ̄ܺܝ ܫܶܡܫܳܐ. 13ܘ݄ܬܒ̥݄ܪ ܠܶܗ ܝܶܫܽܘܥ ܠ݄ܥܡܳܠܺܝܩ ܘܠܽܗ̄ܘ ܥܰܡܰܝܕ̥ܶܗ ܒܦܶܡܶܗ ܕܽܗ̄ܘ ܣܰܝܦܳܐ.
14ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܟܬ̥ܰܒ̥ ܗ̄ܽܘ ܕܽܘܟ̥ܪܳܢܰܢܳܐ ܒܽܗ̄ܘ ܟܬ̥ܳܒ̥ܳܐ، ܘܡܰܚܶܬܶܗ ܩ݄ܕ̱ܡ ܝܶܫܽܘܥ ܒܰܪܢܽܘܢ، ܡܺܐܝܕ̥ܶܗ ܕ݄ܠܚܳܝܳܐ ܟܠܳܚܶܐ ܐ̱ܢܳܐ ܗ̄ܽܘ ܕܽܘܟ̥ܪܳܢܳܐ ܕ݄ܥܡܳܠܺܝܩ ܡܶܢ̱ ܬܰܚܬ ܗ̄ܺܝ ܫܡܰܝܳܐ.“ 15ܘ݄ܒܢܶܐ ܠܶܗ ܡܽܘܫܶܐ ܡܰܕ̥݄ܒܚܳܐ، ܘ݄ܩܪܶܐ ܠܶܗ ܐ݄ܫܡܶܗ: ”ܡܳܪܝܳܐ ܢܰܣܺܝ.“ 16ܘܐܡ݄ܪ ܠܶܗ: ”ܟܰܐܠܰܗ ܐܺܝܕ̥ܳܐ ܥܰܠ ܗ̄ܽܘ ܟܽܘܪܣܝܳܐ. ܩܪܳܒܳܐ ܠܡܳܪܝܳܐ ܒ݄ܥܡܳܠܺܝܩ ܡܶܢ̱ ܕܳܪܳܐ ܠܕܳܪܳܐ.“
Právě zvoleno:
ܣܶܦܪܳܐ ܕܡܰܦܩܳܢܳܐ 17: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 17
17
1ܘܡܰܛܥܰܢّܶܗ ܟܽܘܠܰܗ ܗ̄ܺܝ ܟ̥ܢܽܘܫܬܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܽܗ̄ܘ ܡܰܕ̥݄ܒܪܳܐ ܕܣܺܝܢ ܠܰܐܝܟܳܐ ܕܡܳܪܝܳܐ ܐܡ݄ܪ ܠܰܗ ܠّܶܗ ܕ݄ܐܙّ݄ܢ. ܘܝܰܬܺܝܒ̥ܺܝ ܒ݄ܪܦܺܝܕܺܝܢ. ܘܠܰܝ̱ܬ ܗ̄ܘܰܐ ܡܰܝ̈ܶܐ ܕܫܳܬܶܐ ܗ̄ܽܘ ܥܰܡܳܐ. 2ܘܩܰܝ݄ܡ ܗ̄ܽܘ ܥܰܡܳܐ ܥܰܠ ܡܽܘܫܶܐ ܘܐܡ݄ܪّܰܗ ܠܶܗ: ”ܗܰܒ̥ ܠܰܢ ܡܰܝ̈ܶܐ ܕܫܳܬܺܝܢܰܐ.“ ܐܡ݄ܪ ܠܰܗ ܠّܶܗ ܡܽܘܫܶܐ: ”ܡ݄ܢܝܳܐ ܕܟܳܩܰܝܡܺܝܬܽܘ ܐܰܥܠܺܝ؟ ܘܡ݄ܢܝܳܐ ܕܟܳܡܢܰܣܺܝܬܽܘ ܡܳܪܝܳܐ؟“ 3ܘܨܰܗ݄ܢ ܗ̄ܽܘ ܥܰܡܳܐ ܬܰܡܳܐ ܠܰܡّܰܝ̈ܶܐ. ܘ݄ܡܛܰܪܛܰܡّܶܗ ܗ̄ܽܘ ܥܰܡܳܐ ܥܰܠ ܡܽܘܫܶܐ ܘܐܡ݄ܪّܰܗ ܠܶܗ: ”ܠܡ݄ܢ ܡܰܣܠܰܩ ܠܳܟ̥ ܠܰܢ ܡܶܢ̱ ܡܶܨܪܶܝܢ ܕܩܳܛܠܰܬ ܠܰܢ، ܐܶܠܰܢ ܘܠܰܗ̄ܢ ܐܰܒܢ̈ܰܝܕ̥ܰܢ ܘܠܰܚّܰܝ̈ܘܳܬ̥ܰܝܕ̥ܰܢ ܡܽܗ̄ܘ ܨܰܗܘܳܐ؟“ 4ܘ݄ܡܨܰܠܶܐ ܠܶܗ ܡܽܘܫܶܐ ܠܡܳܪܝܳܐ ܘܐܡ݄ܪ ܠܶܗ: ”ܡ݄ܢ ܣܳܝܰܡ ܐ̱ܢܳܐ ܠܽܗ̄ܘ ܥܰܡܰܢܳܐ؟ ܐ݄ܫܡܳܐ ܚܪܶܢܳܐ ܓܪܳܓܡܺܝ ܗ̄ܘܰܝ ܠܺܝ (ܒܰܟّܶܐܦ̈ܶܐ).“ 5ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܥܒܰܪ ܩ݄ܕ̱ܡ ܗ̄ܽܘ ܥܰܡܳܐ، ܘܡܰܘܒ݄ܠ ܐܰܥܡܳܟ̥ ܡܰܢ̱ ܣّܳܒ̥̈ܶܐ ܕܺܐܝܣܪܳܐܶܝܠ. ܘܺܗ̄ܝ ܚܰܛܪܰܝܕ̥ܳܟ̥ ܕ݄ܡܚܶܐ ܠܳܟ̥ ܐܶܒܰܗ ܠܽܗ̄ܘ ܢܰܗܪܳܐ ܡܽܘܕܰܗ ܒܺܐܝܕ̥ܳܟ̥، ܘܙܳܠܳܟ̥. 6ܘܟܰܐܠܺܝ ܟܩܳܝܰܡ ܐ̱ܢܳܐ ܬܰܡܳܐ ܩܽܘܕ̱ܡܳܟ̥ ܥܰܠ ܗ̄ܽܘ ܣܰܠܳܛܳܐ ܒܚܽܘܪܺܝܒ. ܘ݄ܓܡܳܚܰܬ ܠܽܗ̄ܘ ܣܰܠܳܛܳܐ ܘ݄ܓܢܳܦܩܺܝ ܡܶܢܶܗ ܡܰܝ̈ܶܐ، ܘ݄ܓܫܳܬܶܐ ܗ̄ܽܘ ܥܰܡܳܐ.“ ܘܣ݄ܡ ܠܶܗ ܡܽܘܫܶܐ ܗܰܘܟ̥ܰܐ ܠܩܽܒ̥ܠ ܥܰܝܢܶܗ ܕܰܣّܳܒ̥̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ. 7ܘ݄ܩܪܶܐ ܠܶܗ ܐ݄ܫܡܶܗ ܕܽܗ̄ܘ ܐܰܬ̥ܪܰܘܳܐ ”ܢܰܣܳܐ ܘ݄ܡܪܺܝܒܳܐ،“ ܥܰܠ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܢܰܣܰܠّܶܗ ܠܡܳܪܝܳܐ ܘܣ݄ܡّܶܗ ܪܰܘܒܳܐ، ܘܐܡ݄ܪّܶܗ: ”ܐܶܢ ܡܳܪܝܳܐ ܒܰܝܢܳܬ̥ܰܢ ܝܳܐ ܐܰܘ ܠܳܐ؟“
8ܘܰܐܬ̥ܺܝ ܥܡܳܠܺܝܩ ܕܣܳܝ݄ܡ ܩܪܳܒܳܐ ܥܰܡ ܐܺܝܣܪܳܐܶܝܠ ܒ݄ܪܦܺܝܕܺܝܢ. 9ܘܐܡ݄ܪ ܠܶܗ ܡܽܘܫܶܐ ܠܝܶܫܽܘܥ: ”ܓܒܰܝ ܠܳܟ̥ ܓܰܒ̥ܪ̈ܶܐ ܘ݄ܢܦܰܩ ܣܰܝܡܺܝܢܰܐ ܩܪܳܒܳܐ ܥܰܡ ܥܡܳܠܺܝܩ ܪܰܡܚ݄ܠ. ܘܳܐܢܳܐ ܟܰܐܠܺܝ ܟܩܳܝܰܡ ܐ̱ܢܳܐ ܥܰܠ ܪܺܝܫܳܐ ܕܺܗ̄ܝ ܪܳܡܬ̥ܳܐ ܘܺܗ̄ܝ ܚܰܛܪܳܐ ܕܰܐܠܳܗܳܐ ܒܺܐܝܕ̥ܺܝ.“ 10ܘܣ݄ܡ ܠܶܗ ܝܶܫܽܘܥ ܐܟ̥ ܕܐܡ݄ܪ ܠܶܗ ܡܽܘܫܶܐ. ܘܰܐܙّܶܗ ܕܣܳܝ݄ܡ ܩܪܳܒܳܐ ܥܰܡ ܥܡܳܠܺܝܩ. ܘܡܽܘܫܶܐ ܘܰܐܗܪܽܘܢ ܘܚܽܘܪ ܣܰܠܺܝܩܺܝ ܠܪܺܝܫܰܗ ܕܺܗ̄ܝ ܪܳܡܬ̥ܳܐ. 11ܘܺܗ̄ܝ ܢܰܩܠܐ ܕܡܰܥܠܶܐ ܗ̄ܘܰܐ ܡܽܘܫܶܐ ܐܺܝܕ̥̈ܳܬ̥ܶܗ ܡܺܝܚ݄ܨ (ܩܳܘܶܐ) ܗ̄ܘܰܐ ܐܺܝܣܪܳܐܶܝܠ، ܘܺܗ̄ܝ ܢܰܩܠܐ ܕܡܰܬ̥ܢܰܚ ܗ̄ܘܰܐ ܐܺܝܕ̥̈ܳܬ̥ܶܗ ܡܺܝܚܰܨ (ܩܳܘܶܐ) ܗ̄ܘܰܐ ܥܡܳܠܺܝܩ. 12ܘܰܗ̄ܢ ܐܺܝܕ̥̈ܶܐ ܕܡܽܘܫܶܐ ܒܰܛܺܝܠܺܝ. ܘܡ݄ܕّܶܗ ܟܶܐܦܳܐ ܘܡܰܚ݄ܬّܶܗ ܬܰܚܬܶܗ ܘܝܰܬܽܒ̥ ܐܰܥܠܰܗ. ܘܰܐܗܪܽܘܢ ܘܚܽܘܪ ܣܳܡܟ̥ܺܝ ܗ̄ܘܰܘ̱ ܐܺܝܕ̥̈ܳܬ̥ܶܗ، ܚܰܕ̱ ܡܰܗ̄ܪܟܶܐ ܘܚܰܕ̱ ܡܰܗ̄ܪܟܶܐ، ܘܗܰܘ݄ܢ ܐܺܝܕ̥̈ܳܬ̥ܶܗ ܙܒܺܝ̈ܛܶܐ ܗ݄ܠ ܕܛܰܒ̥ܺܝܥܳܐ ܗ̄ܺܝ ܫܶܡܫܳܐ. 13ܘ݄ܬܒ̥݄ܪ ܠܶܗ ܝܶܫܽܘܥ ܠ݄ܥܡܳܠܺܝܩ ܘܠܽܗ̄ܘ ܥܰܡܰܝܕ̥ܶܗ ܒܦܶܡܶܗ ܕܽܗ̄ܘ ܣܰܝܦܳܐ.
14ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܟܬ̥ܰܒ̥ ܗ̄ܽܘ ܕܽܘܟ̥ܪܳܢܰܢܳܐ ܒܽܗ̄ܘ ܟܬ̥ܳܒ̥ܳܐ، ܘܡܰܚܶܬܶܗ ܩ݄ܕ̱ܡ ܝܶܫܽܘܥ ܒܰܪܢܽܘܢ، ܡܺܐܝܕ̥ܶܗ ܕ݄ܠܚܳܝܳܐ ܟܠܳܚܶܐ ܐ̱ܢܳܐ ܗ̄ܽܘ ܕܽܘܟ̥ܪܳܢܳܐ ܕ݄ܥܡܳܠܺܝܩ ܡܶܢ̱ ܬܰܚܬ ܗ̄ܺܝ ܫܡܰܝܳܐ.“ 15ܘ݄ܒܢܶܐ ܠܶܗ ܡܽܘܫܶܐ ܡܰܕ̥݄ܒܚܳܐ، ܘ݄ܩܪܶܐ ܠܶܗ ܐ݄ܫܡܶܗ: ”ܡܳܪܝܳܐ ܢܰܣܺܝ.“ 16ܘܐܡ݄ܪ ܠܶܗ: ”ܟܰܐܠܰܗ ܐܺܝܕ̥ܳܐ ܥܰܠ ܗ̄ܽܘ ܟܽܘܪܣܝܳܐ. ܩܪܳܒܳܐ ܠܡܳܪܝܳܐ ܒ݄ܥܡܳܠܺܝܩ ܡܶܢ̱ ܕܳܪܳܐ ܠܕܳܪܳܐ.“
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation