ܥܒܳܕ̥̈ܶܐ ܕܰܫܠܺܝܚ̈ܶܐ 25
25
ܦܰܘܠܳܘܣ ܟܩܳܝ݄ܡ ܩ݄ܕ̱ܡ ܗ̄ܽܘ ܫܰܠܺܝܛܳܐ ܦܺܗܣܛܳܘܣ
1ܘܺܗ̄ܝ ܢܰܩܠܐ ܕܰܐܬ̥ܺܝ ܦܺܗܣܛܳܘܣ ܠܩܶܣܰܪܺܝܰܐ، ܒ݄ܬ̥݄ܪ ܬܠܳܬ̥ܳܐ ܝܰܘܡ̈ܶܐ ܣܰܠ݄ܩ ܠܽܐܘܪܶܫܠܶܡ. 2ܘܡܰܘܕ̥ܰܥّܶܗ ܗ̄ܰܪّܰܒ̈ܶܐ ܕܰܟّܳܗ̈ܢܶܐ ܘܰܪّܺܝܫܳܢ̈ܶܐ ܕܰܝّܽܘܕ̥̈ܳܝܶܐ ܥܰܠ ܦܰܘܠܳܘܣ، ܘ݄ܐܒܥܺܝ ܗ̄ܘܰܘ̱ ܡܶܢܶܗ 3ܘܗ݄ܢّܶܝ ܟ݄ܡܫܰܐܺܠܺܝ ܡܶܢܶܗ ܗ̄ܺܝ ܛܳܒ̥ܽܘܬ̥ܰܬ̥ܶܗ: ܕ݄ܡܫܰܕ݄ܪ ܡܰܝܬܶܐ ܠܶܗ ܠܽܐܘܪܶܫܠܶܡ. ܘܗ݄ܢّܶܝ ܣܰܝܡܺܝ ܗ̄ܘܰܘ̱ ܟܡܺܐܢ̈ܶܐ ܒܽܗ̄ܘ ܕܰܪܒܳܐ ܕܩܳܛܠܺܝ ܠܶܗ. 4ܐܶܠܳܐ ܦܺܗܣܛܳܘܣ ܡܰܕܥܰܪ ܠܶܗ ܐܡ݄ܪ ܠܶܗ: ”ܦܰܘܠܳܘܣ ܓܡ݄ܢܛ݄ܪ ܒܩܶܣܰܪܺܝܰܐ، ܘܳܐܢܳܐ ܡܰܠܺܝܙܳܐ ܓܕܳܥܰܪ ܐ̱ܢܳܐ. 5ܗܰܢ ܢܰܩܠܐ ܐܰܝܢܰܐ ܕܡ݄ܢܟ̥ܽܘ ܕܡܳܛܝܳܐ ܒܺܐܝܕ̥ܶܗ ܛܪܳܐ ܢ݄ܚܬܺܝ ܐܰܥܡܰܢ، ܘܥܰܠ ܟܽܘܠ ܚܰܪܒܳܐ ܕܟܺܝܬ ܒܽܗ̄ܘ ܓܰܒ̥ܪܳܐ ܛܪܳܐ ܡܰܫܟ݄ܢ.“
6ܘܒ݄ܬ̥݄ܪ ܕܦܰܝ݄ܫ ܬܰܡܳܐ ܬܡܰܢܝܳܐ ܐܰܘ ܥܰܣܪܳܐ ܝܰܘܡ̈ܶܐ ܢܰܚ݄ܬ ܠܩܶܣܰܪܺܝܰܐ. ܘܒܽܗ̄ܘ ܝܰܘܡܳܐ ܚܪܶܢܳܐ ܝܰܬܽܒ̥ ܥܰܠ ܗ̄ܽܘ ܟܽܘܪܣܝܳܐ ܕܽܗ̄ܘ ܕܺܝܢܳܐ ܘܗܽܒ̥ ܠܶܗ ܦܽܘܩܕܳܢܳܐ ܕܡܰܝܬ݄ܢ ܠܦܰܘܠܳܘܣ. 7ܘܺܗ̄ܝ ܢܰܩܠܐ ܕܰܐܬ̥ܺܝ، ܠܰܬܺܝܡܺܝ ܚܶܕ̥ܳܪܶܗ ܗ̄ܰܝّܽܘܕ̥̈ܳܝܶܐ ܕܢܰܚܺܝܬܺܝ ܡܶܢ̱ ܐܽܘܪܶܫܠܶܡ، ܘ݄ܫܟܳܝ̈ܶܐ ܓ̥ܰܠܰܒܶܐ ܘܕܺܝܢ̈ܶܐ ܩܰܫܝ̈ܶܐ ܡܰܡܛ݄ܢ ܗ̄ܘܰܘ̱ ܐܰܥܠܶܗ ܐܰܝܢܰܐ ܕܠܳܐ ܐܬ̥ܶܐ ܗ̄ܘܰܐ ܒܺܐܝܕ̥̈ܳܬ̥ܰܝّܶܗ ܕܡܰܚܘ݄ܢ (ܗ̄ܽܘ ܫܪܳܪܰܬّ̥ܶܗ). 8ܘܺܗ̄ܝ ܢܰܩܠܐ ܕܦܰܘܠܳܘܣ ܣܳܝܰܡ ܗ̄ܘܰܐ ܡܰܦܬܰܚ ܦܶܡܳܐ ܕܠܳܐ ܣ݄ܡ ܠܶܗ ܚܰܪܒܽܘܬ̥ܳܐ، ܠܳܐ ܒܽܗ̄ܘ ܢܳܡܽܘܣܳܐ ܕܰܝّܽܘܕ̥̈ܳܝܶܐ ܘܠܳܐ ܒܽܗ̄ܘ ܗܰܝܟܠܳܐ ܘܠܳܐ ܒܩܶܣܰܪ، 9ܘܦܺܗܣܛܳܘܣ ܥܰܠ ܕܳܐܒܰܥ ܗ̄ܘܰܐ ܕ݄ܡܒܰܣܰܡ ܠܰܗ ܥܰܡ ܗ̄ܰܝّܽܘܕ̥̈ܳܝܶܐ، ܐܡ݄ܪ ܠܶܗ ܠܦܰܘܠܳܘܣ: ”ܟ݄ܐܒܥܰܬ ܕܣܳܠܩܰܬ ܠܽܐܘܪܶܫܠܶܡ، ܘܬܰܡܳܐ ܥܰܠ ܗܰܢܺܝ ܓܕܳܗ̄ܘܶܐ ܠܳܟ̥ ܕܺܝܢܳܐ ܩܽܘܕ̱ܡܺܝ؟“
10ܡܰܕܥܰܪ ܠܶܗ ܦܰܘܠܳܘܣ ܘܐܡ݄ܪ ܠܶܗ: ”ܩ݄ܕ̱ܡ ܗ̄ܽܘ ܟܽܘܪܣܝܳܐ ܕܽܗ̄ܘ ܕܺܝܢܳܐ ܕܩܶܣܰܪ ܟܩܳܝܰܡ ܐ̱ܢܳܐ. ܗܰܪܟܶܐ ܟܠܳܙ݄ܡ ܗܳܘܶܐ ܠܺܝ ܕܺܝܢܳܐ. ܠܳܐ ܚܰܛܺܝ ܐ̱ܢܳܐ ܒܡܶܕܶܐ ܠܰܝّܽܘܕ̥̈ܳܝܶܐ، ܘܗܰܬ ܣܬܶܝ ܟ݄ܐܕ̥ܥܰܬ. 11ܘܶܐܢ ܚܰܪܒܽܘܬ̥ܳܐ ܣ݄ܡ ܠܺܝ ܐܰܘ ܡܶܕܶܐ ܕܫܳܘܶܐ ܠܽܗ̄ܘ ܡܰܘܬܳܐ، ܠ݄ܐ ܟܥܳܪܰܩ ܐ̱ܢܳܐ ܡܽܗ̄ܘ ܡܰܘܬܳܐ. ܘܶܐܢ ܠܰܝܬ ܡܶܕܶܐ ܐܰܥܠܺܝ ܡܰܗ̄ܢܺܝ ܕܟܳܡܰܫܟ݄ܢ ܐܰܥܠܺܝ، ܠ݄ܐ ܟܳܗ̄ܘܶܐ ܢܳܫܳܐ ܕܡܰܫܠܰܡ ܠܺܝ ܐܰܠّܶܗ ܐܰܟ̥ ܡܰܘܗܰܒܬܳܐ. ܠܽܗ̄ܘ ܣܽܘܬܳܪܳܐ ܕܩܶܣܰܪ ܟܳܩܳܪܶܐ ܐ̱ܢܳܐ.“
12ܗ̄ܺܝ ܢܰܩܠܝܳܐ، ܦܺܗܣܛܳܘܣ ܫܓ̥ܺܝܠ ܥܰܡ ܗ̄ܰܡܥܰܕܪ̈ܳܢܰܝܕ̥ܶܗ ܘܐܡ݄ܪ ܠܶܗ: ”ܠܽܗ̄ܘ ܣܽܘܬܳܪܳܐ ܕܩܶܣܰܪ ܩܪܶܐ ܠܳܟ̥، ܠܓܰܒ ܩܶܣܰܪ ܓܕ݄ܐܙّܳܟ̥.“
ܦܰܘܠܳܘܣ ܩ݄ܕ̱ܡ ܐܰܓ̥ܪܺܦܰܘܳܣ ܘܒܶܪܢܺܝܩܺܝ
13ܘܺܗ̄ܝ ܢܰܩܠܐ ܕܗܰܘܺܝ ܗ̄ܽܘ ܙܰܒܢܳܐ، ܐܰܬ̥ܺܝ ܐܰܓ̥ܪܺܦܰܘܳܣ ܗ̄ܽܘ ܡܰܠܟܳܐ ܘܒܶܪܢܺܝܩܺܝ ܠܩܶܣܰܪܺܝܰܐ ܕ݄ܡܫܰܐܺܠܺܝ ܒܽܗ̄ܘ ܫܠܳܡܳܐ ܕܦܺܗܣܛܳܘܣ. 14ܘܒ݄ܬ̥݄ܪ ܕܗܰܘ݄ܢ ܓܰܒܶܗ ܝܰܘܡ̈ܶܐ، ܦܺܗܣܛܳܘܣ ܫܓ̥ܺܝܠ ܠܽܗ̄ܘ ܡܰܠܟܳܐ ܥܰܠ ܗ̄ܽܘ ܕܺܝܢܳܐ ܕܦܰܘܠܳܘܣ ܘܐܡ݄ܪ ܠܶܗ: ”ܟܺܝܬ ܓܰܒ̥ܪܳܐ ܚܰܕ̱ ܝܰܣܺܝܪܳܐ ܕܦܰܝ݄ܫ ܡܰܗ̄ܢ ܐܺܝܕ̥̈ܳܬ̥ܳܐ ܕܦܺܝܠܺܟܣ. 15ܘܺܗ̄ܝ ܢܰܩܠܐ ܕܟ݄ܬ ܗ̄ܘܰܝ ܐ̱ܢܳܐ ܒܽܐܘܪܶܫܠܶܡ، ܡܰܘܕ̥ܰܥّܰܗ ܠܺܝ ܐܰܥܠܶܗ ܗ̄ܰܪّܰܒ̈ܶܐ ܕܰܟّܳܗ̈ܢܶܐ ܘܰܩّܰܫ̈ܶܐ ܕܰܝّܽܘܕ̥̈ܳܝܶܐ، ܘܰܐܒܺܝܥܺܝ ܕܕܳܝܰܢ ܐ̱ܢܳܐ ܠܶܗ. 16ܘܐܡ݄ܪ ܠܺܝ ܐܰܠّܶܗ: ܠܰܝܬ ܒܽܗ̄ܘ ܥܝܳܕ̥ܳܐ ܕܰܪّܽܘܡܳܝ̈ܶܐ ܕܳܗ̄ܒ݄ܢ ܢܳܫܳܐ ܠܽܗ̄ܘ ܩܰܛܠܳܐ ܐܟ̥ ܕܡܰܘܗܰܒܬܳܐ ܗܳܠ ܕܳܐܬ̥ܶܐ ܗ̄ܽܘ ܡܰܫܟܝܳܢܰܝܕ̥ܶܗ، ܘܡܰܫܟܶܐ ܐܰܥܠܶܗ ܦܳܬ̥ܳܐ ܒܺܗ̄ܝ ܦܳܬ̥ܳܐ، ܘ݄ܓܡܺܝܬܰܗܒ̥ܶܐ ܠܶܗ ܐܰܬ̥ܪܳܐ ܕܣܳܝ݄ܡ ܡܰܦܬܰܚ ܦܶܡܳܐ ܡܶܚܠܳܦ ܪܽܘܚܶܗ ܥܰܠ ܗ̄ܽܘ ܡܶܕܶܐ ܕܡܰܫܟܰܠّܶܗ ܐܰܥܠܶܗ. 17ܘܺܗ̄ܝ ܢܰܩܠܐ ܕܰܐܬ̥ܺܝ ܐ̱ܢܳܐ ܠܰܗ̄ܪܟܶܐ، ܡܶܚܕ̥ܳܐ ܠܽܗ̄ܘ ܝܰܘܡܳܐ ܚܪܶܢܳܐ ܝܰܬܽܒ̥ ܐ̱ܢܳܐ ܥܰܠ ܗ̄ܽܘ ܟܽܘܪܣܝܳܐ ܕܽܗ̄ܘ ܒܶܝܬ̥ ܕܺܝܢܳܐ ܘܗܽܒ̥ ܠܺܝ ܦܽܘܩܕܳܢܳܐ ܕܡܰܝܬ݄ܢ ܠܺܝ ܗ̄ܽܘ ܓܰܒ̥ܪܳܐ. 18ܘܩܰܝܺܝܡܺܝ ܐܰܥܡܶܗ ܗ̄ܰܡّܰܫܟܝܳܢ̈ܰܝܕ̥ܶܗ، ܐܶܠܳܐ ܠܰܐ ܐܬ̥ܺܝ ܡ݄ܢّܶܗ ܕܡܰܚܘ݄ܢ ܐܰܥܠܶܗ ܡܶܕܶܐ ܒܺܝܫܳܐ ܐܟ̥ ܕܚܳܫܰܒ̥ ܗ̄ܘܰܝ ܐ̱ܢܳܐ. 19ܘܡܰܐܡܪܳܐ ܘܬܶܢܳܝܳܐ ܥܰܠ ܡܶܕ̈ܳܢܶܐ ܕܺܗ̄ܝ ܬܰܘܕܺܝܬ̥ܰܬّ̥ܶܗ ܟ݄ܬ ܗ̄ܘܰܐ ܠّܶܗ ܐܰܥܠܶܗ، ܘܥܰܠ ܝܶܫܽܘܥ ܢܳܫܳܐ ܕܡܰܝ݄ܬ̥، ܗܰܘܳܐ ܕܦܰܘܠܳܘܣ ܐܳܡܰܪ ܗ̄ܘܰܐ: ’ܚܰܝܳܐ ܝܳܐ.‘ 20ܘܡܺܐܝܕ̥ܶܗ ܕܠܳܐ ܩܰܝ݄ܡ ܐ̱ܢܳܐ ܥܰܠ ܫ̈ܽܘܐܳܠܶܐ ܕ݄ܐܟ̥ ܕܰܗ̄ܢܺܝ، ܐܡ݄ܪ ܗ̄ܘܰܝ ܠܺܝ ܠܦܰܘܠܳܘܣ ܕܶܐܢ ܟ݄ܐܒܥܰܬ ܕ݄ܐܙّܳܟ̥ ܠܽܐܘܪܶܫܠܶܡ، ܘܬܰܡܳܐ ܓܕܳܗ̄ܘܶܐ ܠܳܟ̥ ܕܺܝܢܳܐ ܥܰܠ ܗܰܢܺܝ. 21ܐܶܠܳܐ ܗܺܝّܶܗ ܐܰܒ݄ܥ ܕܡ݄ܢܛ݄ܪ ܠܽܗ̄ܘ ܕܺܝܢܳܐ ܕܩܶܣܰܪ. ܘܗܽܒ̥ ܠܺܝ ܦܽܘܩܕܳܢܳܐ ܕܡ݄ܢܛ݄ܪ ܗܳܠ ܕ݄ܡܫܰܕܰܪ ܐ̱ܢܳܐ ܠܶܗ ܠܓܰܒ ܩܶܣܰܪ.“
22ܘܐܡ݄ܪ ܠܶܗ ܐܰܓ̥ܪܺܦܰܘܳܣ: ”ܐܳܒܰܥ ܗ̄ܘܰܝ ܐ̱ܢܳܐ ܕܫܳܡܰܥܢܶܗ ܠܽܗ̄ܘ ܓܰܒ̥ܪܰܢܳܐ.“ ܘܦܺܗܣܛܳܘܣ ܐܡ݄ܪ ܠܶܗ: ”ܪܰܡܚ݄ܠ ܓܫܳܡܥܰܬ ܠܶܗ.“
23ܘܒܽܗ̄ܘ ܝܰܘܡܳܐ ܚܪܶܢܳܐ ܐܰܬ̥ܺܝ ܐܰܓ̥ܪܺܦܰܘܳܣ ܘܒܶܪܢܺܝܩܺܝ ܒܙܰܘܚܳܐ ܪܰܒܳܐ ܘܥܰܒ݄ܪ ܠܽܗ̄ܘ ܒܶܝܬ̥ ܕܺܝܢܳܐ ܥܰܡ ܗ̄ܰܪّܺܝܫܳܢ̈ܶܐ ܕܰܗ̄ܢ ܐܰܠܦ̈ܶܐ ܘܰܪّܺܝܫܳܢ̈ܶܐ ܕܺܗ̄ܝ ܡܕ̥ܺܝܢ̱ܬܳܐ. ܘܦܺܗܣܛܳܘܣ ܗܽܒ̥ ܠܶܗ ܦܽܘܩܕܳܢܳܐ، ܘܰܐܬ̥ܺܝ ܦܰܘܠܳܘܣ. 24ܘܐܡ݄ܪ ܠܶܗ ܦܺܗܣܛܳܘܣ: ”ܝܰܐ ܡܰܠܟܳܐ ܐܰܓ̥ܪܺܦܶܐ، ܘܟܽܘ̇ܠܟ̥ܽܘ ܝܰܐ ܓܰܒܪ̈ܶܐ ܕܟ݄ܬ ܗ̄ܰܬܽܘ ܐܰܥܡܰܢ، ܥܰܠ ܗ̄ܽܘ ܓܰܒ̥ܪܰܢܳܐ ܕ݄ܟܚܳܙܺܝܬܽܘ، ܟܽܘܠܶܗ ܗ̄ܽܘ ܥܰܡܳܐ ܕܰܝّܽܘܕ̥̈ܳܝܶܐ ܡܰܫܟܰܠّܶܗ ܐܰܥܠܶܗ ܒܽܐܘܪܶܫܠܶܡ ܘܗܰܪܟܶܐ ܘܗ݄ܢّܶܝ ܟܡܰܙܥܩܺܝ ܕܠܳܐ ܟܳܗ̄ܘܶܐ ܠܰܗ̄ܢܳܐ ܕܦܳܝ݄ܫ ܒܰܚّܰܝ̈ܶܐ. 25ܘܳܐܢܳܐ ܐܰܕ̥݄ܥ ܐ̱ܢܳܐ ܕܡܶܕܶܐ ܕ݄ܟܫܳܘܶܐ ܠܽܗ̄ܘ ܡܰܘܬܳܐ ܠܳܐ ܣ݄ܡ ܠܶܗ. ܘܥܰܠ ܕܗܺܝّܶܗ ܐܰܒ݄ܥ ܕܡ݄ܢܛ݄ܪ ܠܽܗ̄ܘ ܕܺܝܢܳܐ ܕܩܶܣܰܪ، ܗܽܒ̥ ܠܺܝ ܦܽܘܩܕܳܢܳܐ ܕܡܺܝܫܰܕ݄ܪ. 26ܘܠ݄ܐ ܟܳܐܕ̥ܰܥ ܐ̱ܢܳܐ ܡ݄ܢ ܓܟܳܬ̥ܰܒ̥ ܐ̱ܢܳܐ ܐܰܥܠܶܗ ܠܩܶܣܰܪ. ܡܰܗ̄ܘܟ̥ܰܐ ܐܰܒ݄ܥ ܐ̱ܢܳܐ ܕܡܰܝܬܶܐ ܐ̱ܢܳܐ ܠܶܗ ܠܩܽܘܕ̱ܡܰܝܟ̥ܽܘ، ܘܙ݄ܕ ܡܶܕܶܐ ܠܩܽܘܕ̱ܡܳܟ̥ ܝܰܐ ܡܰܠܟܳܐ ܐܰܓ̥ܪܺܦܶܐ، ܕܺܗ̄ܝ ܢܰܩܠܐ ܕܡܺܝܚ݄ܪ ܘܡ݄ܚܙܶܐ ܒܽܗ̄ܘ ܫܽܘܐܳܠܰܝܕ̥ܶܗ، ܓܚܳܙܶܐ ܐ̱ܢܳܐ ܡ݄ܢ ܓܟܳܬ̥ܰܒ̥ ܐ̱ܢܳܐ. 27ܡܺܐܝܕ̥ܶܗ ܕܠ݄ܐ ܟܳܗ̄ܘܶܐ ܕܺܗ̄ܝ ܢܰܩܠܐ ܕ݄ܡܫܰܕܪܺܝܢܰܐ ܓܰܒ̥ܪܳܐ ܝܰܣܺܝܪܳܐ ܕܠܳܐ ܟ݄ܬ̥ܒ̥ܺܝܢܰܐ ܗ̄ܺܝ ܚܰܪܒܽܘܬ̥ܰܝܕ̥ܶܗ.“
Právě zvoleno:
ܥܒܳܕ̥̈ܶܐ ܕܰܫܠܺܝܚ̈ܶܐ 25: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܥܒܳܕ̥̈ܶܐ ܕܰܫܠܺܝܚ̈ܶܐ 25
25
ܦܰܘܠܳܘܣ ܟܩܳܝ݄ܡ ܩ݄ܕ̱ܡ ܗ̄ܽܘ ܫܰܠܺܝܛܳܐ ܦܺܗܣܛܳܘܣ
1ܘܺܗ̄ܝ ܢܰܩܠܐ ܕܰܐܬ̥ܺܝ ܦܺܗܣܛܳܘܣ ܠܩܶܣܰܪܺܝܰܐ، ܒ݄ܬ̥݄ܪ ܬܠܳܬ̥ܳܐ ܝܰܘܡ̈ܶܐ ܣܰܠ݄ܩ ܠܽܐܘܪܶܫܠܶܡ. 2ܘܡܰܘܕ̥ܰܥّܶܗ ܗ̄ܰܪّܰܒ̈ܶܐ ܕܰܟّܳܗ̈ܢܶܐ ܘܰܪّܺܝܫܳܢ̈ܶܐ ܕܰܝّܽܘܕ̥̈ܳܝܶܐ ܥܰܠ ܦܰܘܠܳܘܣ، ܘ݄ܐܒܥܺܝ ܗ̄ܘܰܘ̱ ܡܶܢܶܗ 3ܘܗ݄ܢّܶܝ ܟ݄ܡܫܰܐܺܠܺܝ ܡܶܢܶܗ ܗ̄ܺܝ ܛܳܒ̥ܽܘܬ̥ܰܬ̥ܶܗ: ܕ݄ܡܫܰܕ݄ܪ ܡܰܝܬܶܐ ܠܶܗ ܠܽܐܘܪܶܫܠܶܡ. ܘܗ݄ܢّܶܝ ܣܰܝܡܺܝ ܗ̄ܘܰܘ̱ ܟܡܺܐܢ̈ܶܐ ܒܽܗ̄ܘ ܕܰܪܒܳܐ ܕܩܳܛܠܺܝ ܠܶܗ. 4ܐܶܠܳܐ ܦܺܗܣܛܳܘܣ ܡܰܕܥܰܪ ܠܶܗ ܐܡ݄ܪ ܠܶܗ: ”ܦܰܘܠܳܘܣ ܓܡ݄ܢܛ݄ܪ ܒܩܶܣܰܪܺܝܰܐ، ܘܳܐܢܳܐ ܡܰܠܺܝܙܳܐ ܓܕܳܥܰܪ ܐ̱ܢܳܐ. 5ܗܰܢ ܢܰܩܠܐ ܐܰܝܢܰܐ ܕܡ݄ܢܟ̥ܽܘ ܕܡܳܛܝܳܐ ܒܺܐܝܕ̥ܶܗ ܛܪܳܐ ܢ݄ܚܬܺܝ ܐܰܥܡܰܢ، ܘܥܰܠ ܟܽܘܠ ܚܰܪܒܳܐ ܕܟܺܝܬ ܒܽܗ̄ܘ ܓܰܒ̥ܪܳܐ ܛܪܳܐ ܡܰܫܟ݄ܢ.“
6ܘܒ݄ܬ̥݄ܪ ܕܦܰܝ݄ܫ ܬܰܡܳܐ ܬܡܰܢܝܳܐ ܐܰܘ ܥܰܣܪܳܐ ܝܰܘܡ̈ܶܐ ܢܰܚ݄ܬ ܠܩܶܣܰܪܺܝܰܐ. ܘܒܽܗ̄ܘ ܝܰܘܡܳܐ ܚܪܶܢܳܐ ܝܰܬܽܒ̥ ܥܰܠ ܗ̄ܽܘ ܟܽܘܪܣܝܳܐ ܕܽܗ̄ܘ ܕܺܝܢܳܐ ܘܗܽܒ̥ ܠܶܗ ܦܽܘܩܕܳܢܳܐ ܕܡܰܝܬ݄ܢ ܠܦܰܘܠܳܘܣ. 7ܘܺܗ̄ܝ ܢܰܩܠܐ ܕܰܐܬ̥ܺܝ، ܠܰܬܺܝܡܺܝ ܚܶܕ̥ܳܪܶܗ ܗ̄ܰܝّܽܘܕ̥̈ܳܝܶܐ ܕܢܰܚܺܝܬܺܝ ܡܶܢ̱ ܐܽܘܪܶܫܠܶܡ، ܘ݄ܫܟܳܝ̈ܶܐ ܓ̥ܰܠܰܒܶܐ ܘܕܺܝܢ̈ܶܐ ܩܰܫܝ̈ܶܐ ܡܰܡܛ݄ܢ ܗ̄ܘܰܘ̱ ܐܰܥܠܶܗ ܐܰܝܢܰܐ ܕܠܳܐ ܐܬ̥ܶܐ ܗ̄ܘܰܐ ܒܺܐܝܕ̥̈ܳܬ̥ܰܝّܶܗ ܕܡܰܚܘ݄ܢ (ܗ̄ܽܘ ܫܪܳܪܰܬّ̥ܶܗ). 8ܘܺܗ̄ܝ ܢܰܩܠܐ ܕܦܰܘܠܳܘܣ ܣܳܝܰܡ ܗ̄ܘܰܐ ܡܰܦܬܰܚ ܦܶܡܳܐ ܕܠܳܐ ܣ݄ܡ ܠܶܗ ܚܰܪܒܽܘܬ̥ܳܐ، ܠܳܐ ܒܽܗ̄ܘ ܢܳܡܽܘܣܳܐ ܕܰܝّܽܘܕ̥̈ܳܝܶܐ ܘܠܳܐ ܒܽܗ̄ܘ ܗܰܝܟܠܳܐ ܘܠܳܐ ܒܩܶܣܰܪ، 9ܘܦܺܗܣܛܳܘܣ ܥܰܠ ܕܳܐܒܰܥ ܗ̄ܘܰܐ ܕ݄ܡܒܰܣܰܡ ܠܰܗ ܥܰܡ ܗ̄ܰܝّܽܘܕ̥̈ܳܝܶܐ، ܐܡ݄ܪ ܠܶܗ ܠܦܰܘܠܳܘܣ: ”ܟ݄ܐܒܥܰܬ ܕܣܳܠܩܰܬ ܠܽܐܘܪܶܫܠܶܡ، ܘܬܰܡܳܐ ܥܰܠ ܗܰܢܺܝ ܓܕܳܗ̄ܘܶܐ ܠܳܟ̥ ܕܺܝܢܳܐ ܩܽܘܕ̱ܡܺܝ؟“
10ܡܰܕܥܰܪ ܠܶܗ ܦܰܘܠܳܘܣ ܘܐܡ݄ܪ ܠܶܗ: ”ܩ݄ܕ̱ܡ ܗ̄ܽܘ ܟܽܘܪܣܝܳܐ ܕܽܗ̄ܘ ܕܺܝܢܳܐ ܕܩܶܣܰܪ ܟܩܳܝܰܡ ܐ̱ܢܳܐ. ܗܰܪܟܶܐ ܟܠܳܙ݄ܡ ܗܳܘܶܐ ܠܺܝ ܕܺܝܢܳܐ. ܠܳܐ ܚܰܛܺܝ ܐ̱ܢܳܐ ܒܡܶܕܶܐ ܠܰܝّܽܘܕ̥̈ܳܝܶܐ، ܘܗܰܬ ܣܬܶܝ ܟ݄ܐܕ̥ܥܰܬ. 11ܘܶܐܢ ܚܰܪܒܽܘܬ̥ܳܐ ܣ݄ܡ ܠܺܝ ܐܰܘ ܡܶܕܶܐ ܕܫܳܘܶܐ ܠܽܗ̄ܘ ܡܰܘܬܳܐ، ܠ݄ܐ ܟܥܳܪܰܩ ܐ̱ܢܳܐ ܡܽܗ̄ܘ ܡܰܘܬܳܐ. ܘܶܐܢ ܠܰܝܬ ܡܶܕܶܐ ܐܰܥܠܺܝ ܡܰܗ̄ܢܺܝ ܕܟܳܡܰܫܟ݄ܢ ܐܰܥܠܺܝ، ܠ݄ܐ ܟܳܗ̄ܘܶܐ ܢܳܫܳܐ ܕܡܰܫܠܰܡ ܠܺܝ ܐܰܠّܶܗ ܐܰܟ̥ ܡܰܘܗܰܒܬܳܐ. ܠܽܗ̄ܘ ܣܽܘܬܳܪܳܐ ܕܩܶܣܰܪ ܟܳܩܳܪܶܐ ܐ̱ܢܳܐ.“
12ܗ̄ܺܝ ܢܰܩܠܝܳܐ، ܦܺܗܣܛܳܘܣ ܫܓ̥ܺܝܠ ܥܰܡ ܗ̄ܰܡܥܰܕܪ̈ܳܢܰܝܕ̥ܶܗ ܘܐܡ݄ܪ ܠܶܗ: ”ܠܽܗ̄ܘ ܣܽܘܬܳܪܳܐ ܕܩܶܣܰܪ ܩܪܶܐ ܠܳܟ̥، ܠܓܰܒ ܩܶܣܰܪ ܓܕ݄ܐܙّܳܟ̥.“
ܦܰܘܠܳܘܣ ܩ݄ܕ̱ܡ ܐܰܓ̥ܪܺܦܰܘܳܣ ܘܒܶܪܢܺܝܩܺܝ
13ܘܺܗ̄ܝ ܢܰܩܠܐ ܕܗܰܘܺܝ ܗ̄ܽܘ ܙܰܒܢܳܐ، ܐܰܬ̥ܺܝ ܐܰܓ̥ܪܺܦܰܘܳܣ ܗ̄ܽܘ ܡܰܠܟܳܐ ܘܒܶܪܢܺܝܩܺܝ ܠܩܶܣܰܪܺܝܰܐ ܕ݄ܡܫܰܐܺܠܺܝ ܒܽܗ̄ܘ ܫܠܳܡܳܐ ܕܦܺܗܣܛܳܘܣ. 14ܘܒ݄ܬ̥݄ܪ ܕܗܰܘ݄ܢ ܓܰܒܶܗ ܝܰܘܡ̈ܶܐ، ܦܺܗܣܛܳܘܣ ܫܓ̥ܺܝܠ ܠܽܗ̄ܘ ܡܰܠܟܳܐ ܥܰܠ ܗ̄ܽܘ ܕܺܝܢܳܐ ܕܦܰܘܠܳܘܣ ܘܐܡ݄ܪ ܠܶܗ: ”ܟܺܝܬ ܓܰܒ̥ܪܳܐ ܚܰܕ̱ ܝܰܣܺܝܪܳܐ ܕܦܰܝ݄ܫ ܡܰܗ̄ܢ ܐܺܝܕ̥̈ܳܬ̥ܳܐ ܕܦܺܝܠܺܟܣ. 15ܘܺܗ̄ܝ ܢܰܩܠܐ ܕܟ݄ܬ ܗ̄ܘܰܝ ܐ̱ܢܳܐ ܒܽܐܘܪܶܫܠܶܡ، ܡܰܘܕ̥ܰܥّܰܗ ܠܺܝ ܐܰܥܠܶܗ ܗ̄ܰܪّܰܒ̈ܶܐ ܕܰܟّܳܗ̈ܢܶܐ ܘܰܩّܰܫ̈ܶܐ ܕܰܝّܽܘܕ̥̈ܳܝܶܐ، ܘܰܐܒܺܝܥܺܝ ܕܕܳܝܰܢ ܐ̱ܢܳܐ ܠܶܗ. 16ܘܐܡ݄ܪ ܠܺܝ ܐܰܠّܶܗ: ܠܰܝܬ ܒܽܗ̄ܘ ܥܝܳܕ̥ܳܐ ܕܰܪّܽܘܡܳܝ̈ܶܐ ܕܳܗ̄ܒ݄ܢ ܢܳܫܳܐ ܠܽܗ̄ܘ ܩܰܛܠܳܐ ܐܟ̥ ܕܡܰܘܗܰܒܬܳܐ ܗܳܠ ܕܳܐܬ̥ܶܐ ܗ̄ܽܘ ܡܰܫܟܝܳܢܰܝܕ̥ܶܗ، ܘܡܰܫܟܶܐ ܐܰܥܠܶܗ ܦܳܬ̥ܳܐ ܒܺܗ̄ܝ ܦܳܬ̥ܳܐ، ܘ݄ܓܡܺܝܬܰܗܒ̥ܶܐ ܠܶܗ ܐܰܬ̥ܪܳܐ ܕܣܳܝ݄ܡ ܡܰܦܬܰܚ ܦܶܡܳܐ ܡܶܚܠܳܦ ܪܽܘܚܶܗ ܥܰܠ ܗ̄ܽܘ ܡܶܕܶܐ ܕܡܰܫܟܰܠّܶܗ ܐܰܥܠܶܗ. 17ܘܺܗ̄ܝ ܢܰܩܠܐ ܕܰܐܬ̥ܺܝ ܐ̱ܢܳܐ ܠܰܗ̄ܪܟܶܐ، ܡܶܚܕ̥ܳܐ ܠܽܗ̄ܘ ܝܰܘܡܳܐ ܚܪܶܢܳܐ ܝܰܬܽܒ̥ ܐ̱ܢܳܐ ܥܰܠ ܗ̄ܽܘ ܟܽܘܪܣܝܳܐ ܕܽܗ̄ܘ ܒܶܝܬ̥ ܕܺܝܢܳܐ ܘܗܽܒ̥ ܠܺܝ ܦܽܘܩܕܳܢܳܐ ܕܡܰܝܬ݄ܢ ܠܺܝ ܗ̄ܽܘ ܓܰܒ̥ܪܳܐ. 18ܘܩܰܝܺܝܡܺܝ ܐܰܥܡܶܗ ܗ̄ܰܡّܰܫܟܝܳܢ̈ܰܝܕ̥ܶܗ، ܐܶܠܳܐ ܠܰܐ ܐܬ̥ܺܝ ܡ݄ܢّܶܗ ܕܡܰܚܘ݄ܢ ܐܰܥܠܶܗ ܡܶܕܶܐ ܒܺܝܫܳܐ ܐܟ̥ ܕܚܳܫܰܒ̥ ܗ̄ܘܰܝ ܐ̱ܢܳܐ. 19ܘܡܰܐܡܪܳܐ ܘܬܶܢܳܝܳܐ ܥܰܠ ܡܶܕ̈ܳܢܶܐ ܕܺܗ̄ܝ ܬܰܘܕܺܝܬ̥ܰܬّ̥ܶܗ ܟ݄ܬ ܗ̄ܘܰܐ ܠّܶܗ ܐܰܥܠܶܗ، ܘܥܰܠ ܝܶܫܽܘܥ ܢܳܫܳܐ ܕܡܰܝ݄ܬ̥، ܗܰܘܳܐ ܕܦܰܘܠܳܘܣ ܐܳܡܰܪ ܗ̄ܘܰܐ: ’ܚܰܝܳܐ ܝܳܐ.‘ 20ܘܡܺܐܝܕ̥ܶܗ ܕܠܳܐ ܩܰܝ݄ܡ ܐ̱ܢܳܐ ܥܰܠ ܫ̈ܽܘܐܳܠܶܐ ܕ݄ܐܟ̥ ܕܰܗ̄ܢܺܝ، ܐܡ݄ܪ ܗ̄ܘܰܝ ܠܺܝ ܠܦܰܘܠܳܘܣ ܕܶܐܢ ܟ݄ܐܒܥܰܬ ܕ݄ܐܙّܳܟ̥ ܠܽܐܘܪܶܫܠܶܡ، ܘܬܰܡܳܐ ܓܕܳܗ̄ܘܶܐ ܠܳܟ̥ ܕܺܝܢܳܐ ܥܰܠ ܗܰܢܺܝ. 21ܐܶܠܳܐ ܗܺܝّܶܗ ܐܰܒ݄ܥ ܕܡ݄ܢܛ݄ܪ ܠܽܗ̄ܘ ܕܺܝܢܳܐ ܕܩܶܣܰܪ. ܘܗܽܒ̥ ܠܺܝ ܦܽܘܩܕܳܢܳܐ ܕܡ݄ܢܛ݄ܪ ܗܳܠ ܕ݄ܡܫܰܕܰܪ ܐ̱ܢܳܐ ܠܶܗ ܠܓܰܒ ܩܶܣܰܪ.“
22ܘܐܡ݄ܪ ܠܶܗ ܐܰܓ̥ܪܺܦܰܘܳܣ: ”ܐܳܒܰܥ ܗ̄ܘܰܝ ܐ̱ܢܳܐ ܕܫܳܡܰܥܢܶܗ ܠܽܗ̄ܘ ܓܰܒ̥ܪܰܢܳܐ.“ ܘܦܺܗܣܛܳܘܣ ܐܡ݄ܪ ܠܶܗ: ”ܪܰܡܚ݄ܠ ܓܫܳܡܥܰܬ ܠܶܗ.“
23ܘܒܽܗ̄ܘ ܝܰܘܡܳܐ ܚܪܶܢܳܐ ܐܰܬ̥ܺܝ ܐܰܓ̥ܪܺܦܰܘܳܣ ܘܒܶܪܢܺܝܩܺܝ ܒܙܰܘܚܳܐ ܪܰܒܳܐ ܘܥܰܒ݄ܪ ܠܽܗ̄ܘ ܒܶܝܬ̥ ܕܺܝܢܳܐ ܥܰܡ ܗ̄ܰܪّܺܝܫܳܢ̈ܶܐ ܕܰܗ̄ܢ ܐܰܠܦ̈ܶܐ ܘܰܪّܺܝܫܳܢ̈ܶܐ ܕܺܗ̄ܝ ܡܕ̥ܺܝܢ̱ܬܳܐ. ܘܦܺܗܣܛܳܘܣ ܗܽܒ̥ ܠܶܗ ܦܽܘܩܕܳܢܳܐ، ܘܰܐܬ̥ܺܝ ܦܰܘܠܳܘܣ. 24ܘܐܡ݄ܪ ܠܶܗ ܦܺܗܣܛܳܘܣ: ”ܝܰܐ ܡܰܠܟܳܐ ܐܰܓ̥ܪܺܦܶܐ، ܘܟܽܘ̇ܠܟ̥ܽܘ ܝܰܐ ܓܰܒܪ̈ܶܐ ܕܟ݄ܬ ܗ̄ܰܬܽܘ ܐܰܥܡܰܢ، ܥܰܠ ܗ̄ܽܘ ܓܰܒ̥ܪܰܢܳܐ ܕ݄ܟܚܳܙܺܝܬܽܘ، ܟܽܘܠܶܗ ܗ̄ܽܘ ܥܰܡܳܐ ܕܰܝّܽܘܕ̥̈ܳܝܶܐ ܡܰܫܟܰܠّܶܗ ܐܰܥܠܶܗ ܒܽܐܘܪܶܫܠܶܡ ܘܗܰܪܟܶܐ ܘܗ݄ܢّܶܝ ܟܡܰܙܥܩܺܝ ܕܠܳܐ ܟܳܗ̄ܘܶܐ ܠܰܗ̄ܢܳܐ ܕܦܳܝ݄ܫ ܒܰܚّܰܝ̈ܶܐ. 25ܘܳܐܢܳܐ ܐܰܕ̥݄ܥ ܐ̱ܢܳܐ ܕܡܶܕܶܐ ܕ݄ܟܫܳܘܶܐ ܠܽܗ̄ܘ ܡܰܘܬܳܐ ܠܳܐ ܣ݄ܡ ܠܶܗ. ܘܥܰܠ ܕܗܺܝّܶܗ ܐܰܒ݄ܥ ܕܡ݄ܢܛ݄ܪ ܠܽܗ̄ܘ ܕܺܝܢܳܐ ܕܩܶܣܰܪ، ܗܽܒ̥ ܠܺܝ ܦܽܘܩܕܳܢܳܐ ܕܡܺܝܫܰܕ݄ܪ. 26ܘܠ݄ܐ ܟܳܐܕ̥ܰܥ ܐ̱ܢܳܐ ܡ݄ܢ ܓܟܳܬ̥ܰܒ̥ ܐ̱ܢܳܐ ܐܰܥܠܶܗ ܠܩܶܣܰܪ. ܡܰܗ̄ܘܟ̥ܰܐ ܐܰܒ݄ܥ ܐ̱ܢܳܐ ܕܡܰܝܬܶܐ ܐ̱ܢܳܐ ܠܶܗ ܠܩܽܘܕ̱ܡܰܝܟ̥ܽܘ، ܘܙ݄ܕ ܡܶܕܶܐ ܠܩܽܘܕ̱ܡܳܟ̥ ܝܰܐ ܡܰܠܟܳܐ ܐܰܓ̥ܪܺܦܶܐ، ܕܺܗ̄ܝ ܢܰܩܠܐ ܕܡܺܝܚ݄ܪ ܘܡ݄ܚܙܶܐ ܒܽܗ̄ܘ ܫܽܘܐܳܠܰܝܕ̥ܶܗ، ܓܚܳܙܶܐ ܐ̱ܢܳܐ ܡ݄ܢ ܓܟܳܬ̥ܰܒ̥ ܐ̱ܢܳܐ. 27ܡܺܐܝܕ̥ܶܗ ܕܠ݄ܐ ܟܳܗ̄ܘܶܐ ܕܺܗ̄ܝ ܢܰܩܠܐ ܕ݄ܡܫܰܕܪܺܝܢܰܐ ܓܰܒ̥ܪܳܐ ܝܰܣܺܝܪܳܐ ܕܠܳܐ ܟ݄ܬ̥ܒ̥ܺܝܢܰܐ ܗ̄ܺܝ ܚܰܪܒܽܘܬ̥ܰܝܕ̥ܶܗ.“
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation