ܥܒܳܕ̥̈ܶܐ ܕܰܫܠܺܝܚ̈ܶܐ 23
23
1ܘܺܗ̄ܝ ܢܰܩܠܐ ܕܚ݄ܪ ܠܶܗ ܦܰܘܠܳܘܣ ܒܽܗ̄ܘ ܟܢܽܘܫܝܰܬّ̥ܶܗ ܐܡ݄ܪ ܠܶܗ: ”ܝܰܐ ܓܰܒ̥ܪ̈ܶܐ ܐܰܚ̈ܽܘܢܳܢܶܐ، ܐܳܢܳܐ ܒܠܶܒܳܐ ܫܰܦܝܳܐ ܚܰܝܺܝ ܐ̱ܢܳܐ ܩ݄ܕ̱ܡ ܐܰܠܳܗܳܐ ܗܳܠ ܠܰܐܕܝܰܘܡܰܐ.“
2ܘܚܰܢܰܢܝܳܐ، ܗ̄ܽܘ ܟܳܗܢܳܐ، ܗܽܒ̥ ܠܶܗ ܦܽܘܩܕܳܢܳܐ ܠܰܗ̄ܢ݄ܟ ܕܩܰܝܡܺܝ ܗ̄ܘܰܘ̱ ܥܰܡ ܓܰܒܶܗ ܕܡܳܚ݄ܢ ܠܦܰܘܠܳܘܣ ܥܰܠ ܦܶܡܶܗ. 3ܘܦܰܘܠܳܘܣ ܐܡ݄ܪ ܠܶܗ ܠܶܗ: ”ܐܰܠܳܗܳܐ ܓ݄ܕܡܳܚܶܐ ܠܳܟ̥ ܝܰܐ ܫܽܘܪܳܐ ܚܶܘܳܪܳܐ (ܡܟܰܠܫܳܐ)! ܘܗܰܬ ܟܳܝ݄ܬܒ̥ܰܬ ܕܰܝܢܰܬ ܠܺܝ ܒܽܗ̄ܘ ܢܳܡܽܘܣܳܐ، ܘ݄ܟܬܰܒ̥ܪܰܬ ܗ̄ܽܘ ܢܳܡܽܘܣܳܐ، ܘܟܳܗ̄ܒܰܬ ܦܽܘܩܕܳܢܳܐ ܕܡܳܚ݄ܢ ܠܺܝ؟“
4ܘܗܰܢܺܝ ܕܩܰܝܡܺܝ ܗ̄ܘܰܘ̱ ܬܰܡܳܐ ܐܡ݄ܪّܰܗ ܠܶܗ: ”ܠܽܗ̄ܘ ܟܳܗܢܳܐ ܕܰܐܠܳܗܳܐ ܟ݄ܡܨܰܥܪܰܬ؟“
5ܦܰܘܠܳܘܣ ܐܡ݄ܪ ܠܰܗ ܠّܶܗ: ”ܠܳܐ ܐܕ̥ܰܥ ܗ̄ܘܰܝ ܐ̱ܢܳܐ ܕܟ݄ܬ ܝܳܐ ܟܳܗܢܳܐ، ܝܳܐ ܐܰܚ̈ܽܘܢܳܢܶܐ، ܡܺܐܝܕ̥ܶܗ ܕܟ݄ܬ ܝܳܐ ܟܬ̥ܺܝܒ̥ܳܐ: ’ܠܽܗ̄ܘ ܪܺܝܫܳܐ ܕܽܗ̄ܘ ܥܰܡܰܝܕ̥ܳܟ̥ ܠܳܐ ܠܰܝܛܰܬ.‘“
6ܘܺܗ̄ܝ ܢܰܩܠܐ ܕܰܐܕ̥݄ܥ ܦܰܘܠܳܘܣ ܕܗ݄ܢ ܡܽܗ̄ܘ ܥܰܡܳܐ ܙܰܕ̈ܽܘܩܳܝܶܐ ܢܶܝ ܘܗ݄ܢ ܦܪ̈ܺܝܫܶܐ، ܡܰܥܠܶܐ ܠܶܗ ܩܳܠܶܗ ܒܽܗ̄ܘ ܟܢܽܘܫܝܳܐ: ”ܝܰܐ ܓܰܒܪ̈ܶܐ ܐܰܚ̈ܽܘܢܳܢܶܐ، ܐܳܢܳܐ ܦܪܺܝܫܳܐ ܐ̱ܢܳܐ ܐܰܒܪܶܗ ܕ݄ܦܪܺܝܫܳܐ، ܘܥܰܠ ܗ̄ܽܘ ܣܰܒܪܳܐ ܕܺܗ̄ܝ ܩܝܰܡܬܳܐ ܕܰܡّܺܝ̈ܬ̥ܶܐ ܟܡܺܝܕܰܢ ܐ̱ܢܳܐ.“
7ܘܺܗ̄ܝ ܢܰܩܠܐ ܕܗܰܬ̥ܶܐ ܐܡܺܝܪܳܐ ܠܶܗ، ܢܰܦܺܝܠܺܝ ܚܰܕ̱ ܒܚܰܕ̱ ܗ̄ܰܦܪ̈ܺܝܫܶܐ ܘܰܙّܰܕ̈ܽܘܩܳܝܶܐ، ܘ݄ܦܠܺܝܓ̥ ܗ̄ܽܘ ܥܰܡܳܐ. 8ܡܺܐܝܕ̥ܶܗ ܕܰܙّܰܕ̈ܽܘܩܳܝܶܐ ܟ݄ܐܡّܺܪ̱ܝ: ܕܠܰܝܬ ܩܝܰܡܬܳܐ ܘܠܳܐ ܡܰܠܰܐܟ̥̈ܶܐ ܘܠܳܐ ܪܽܘܚܳܐ. ܐܶܠܳܐ ܗ̄ܰܦܪ̈ܺܝܫܶܐ ܟ݄ܡܗܰܝܡܢܺܝ ܒܰܗ̄ܢܺܝ ܟܽܘܠّܶܗ. 9ܘܗܰܘܺܝ ܩܳܠܳܐ ܪܰܒܳܐ، ܘܩܰܝܺܝܡܺܝ ܢܳܫ̈ܶܐ ܣܳܦܪ̈ܶܐ ܡܽܗ̄ܘ ܓܰܒܳܐ ܕܰܦܪ̈ܺܝܫܶܐ ܘܕܳܪܫܺܝ ܗ̄ܘܰܘ̱ ܐܰܥܡܰܝّܶܗ ܘ݄ܐܡّܺܪ̱ܝ ܗ̄ܘܰܘ̱: ”ܠ݄ܐ ܟܚܳܙܺܝܢܰܐ ܡܶܕܶܐ ܒܺܝܫܳܐ ܒܽܗ̄ܘ ܓܰܒ̥ܪܰܢܳܐ. ܘܶܐܢ ܪܽܘܚܳܐ ܐܰܘ ܡܰܠܰܐܟ̥ܳܐ ܫܓ̥ܺܝܠ ܐܰܥܡܶܗ، ܡ݄ܢ ܟܺܝܬ ܐܶܒܰܗ ܗܰܬ̥ܶܐ؟“
10ܘܺܗ̄ܝ ܢܰܩܠܐ ܕܗܰܘܺܝ ܫܓ̥ܽܘܫܝܳܐ ܪܰܒܳܐ ܒܰܝܢܳܬ̥ܰܝّܶܗ، ܗ̄ܽܘ ܪܺܝܫܳܐ ܕܰܗ̄ܢ ܐܰܠܦܳܐ ܙܰܝ݄ܥ ܕܠ݄ܐ ܐܙّ݄ܢ ܕܰܝܫܺܝ ܠܶܗ ܠܦܰܘܠܳܘܣ ܘ݄ܡܦ̊ܰܪܦ̊ܣܺܝ ܠܶܗ. ܘ݄ܡܫܰܕܰܪ ܠܶܗ ܠܰܪّܽܘܡܳܝ̈ܶܐ ܕܳܐܬ̥݄ܢ ܢ݄ܬܫܺܝ ܠܶܗ ܡܶܢ̱ ܒܰܝܢܳܬ̥ܰܝّܶܗ ܘܡܰܥܒܪܺܝ ܠܶܗ ܠܺܗ̄ܝ ܡܰܫܪܺܝܬ̥ܳܐ. 11ܘܺܗ̄ܝ ܢܰܩܠܐ ܕܗܰܘܺܝ ܠܰܠܝܳܐ، ܚܙܶܐ ܡܳܪܰܢ ܠܦܰܘܠܳܘܣ ܘܐܡ݄ܪ ܠܶܗ ܠܶܗ: ”ܚܘܿܨ ܪܽܘܚܳܟ̥، ܡܺܐܝܕ̥ܶܗ ܕ݄ܐܟ̥ ܕ݄ܣܗ݄ܕ ܠܳܟ̥ ܐܰܥܠܺܝ ܒܽܐܘܪܶܫܠܶܡ، ܗܰܘܟ̥ܰܐ ܣܬܶܝ ܒܪܽܘܡܺܝ ܓܣ݄ܗܕܰܬ.“
ܕܽܘܒܳܪܳܐ ܕܰܝّܽܘܕ̥̈ܳܝܶܐ ܥܰܠ ܦܰܘܠܳܘܣ
12ܘ݄ܒܩܶܕܰܡܬܳܐ، ܠܰܬܺܝܡܺܝ ܗ̄ܘܰܘ̱ ܢܳܫ̈ܶܐ ܡܰܢ̱ ܝّܽܘܕ̥̈ܳܝܶܐ ܘܡܰܚܪܰܡّܶܗ ܥܰܠ ܪ̈ܽܘܚܰܝّܶܗ ܕܠܳܐ ܐ݄ܟ̥ܠܺܝ ܘܠܳܐ ܫܳܬ݄ܢ ܗܳܠ ܕܩܳܛܠܺܝ ܠܦܰܘܠܳܘܣ. 13ܘܗܳܘ݄ܢ ܗ̄ܘܰܘ̱ ܗܰܢ݄ܟ ܕܺܝܡܰܠّܶܗ ܘܡܰܩ݄ܡّܶܗ ܗ̄ܽܘ ܩܝܳܡܰܢܳܐ ܙ݄ܕ ܡܶܢ̱ ܐܰܪܒܥܺܝ ܓܰܒܪ̈ܶܐ. 14ܘ݄ܡܩܰܪܰܒّ̥ܶܗ ܠܓܰܒ ܗ̄ܰܟّܳܗ̈ܢܶܐ ܘܰܩّܰܫ̈ܶܐ ܘܐܡ݄ܪّܰܢّܶܗ: ”ܕܚܶܪܡܳܐ ܡܰܚܪܰܡ ܠܰܢ ܥܰܠ ܪܽܘܚܰܢ ܕܡܶܕܶܐ ܠܳܐ ܛܳܥܡܺܝܢܰܐ ܗܳܠ ܕܩܳܛܠܺܝܢܰܐ ܠܦܰܘܠܳܘܣ. 15ܘܳܐܥܕܳܐ ܝܺܒܰܥܽܘ ܗܰܬܽܘ ܘܰܪّܺܝܫܳܢ̈ܶܐ ܕܽܗ̄ܘ ܟܢܽܘܫܝܳܐ ܡܽܗ̄ܘ ܪܺܝܫܳܐ ܕܰܗ̄ܢ ܐܰܠܦܳܐ ܕܡܰܝܬܶܐ ܠܶܗ ܠܣܺܝܕ̥ܰܝܟ̥ܽܘ ܐܟ̥ ܕܟ݄ܐܒܥܺܝܬܽܘ ܕܚܳܙܺܝܬܽܘ ܕܒ݄ܫܪܳܪܳܐ ܡ݄ܢ ܣ݄ܡ ܠܶܗ، ܘܰܐܚܢܰܐ ܓܕܳܗ̄ܘܺܝܢܰܐ ܡܛܰܝܒ̈ܶܐ ܕܩܳܛܠܺܝܢܰܐ ܠܶܗ ܡܶܩ݄ܕ̱ܡ ܕܡܳܛܶܐ ܠܣܺܝܕ̥ܰܝܟ̥ܽܘ.“
16ܘܫܰܡ݄ܥ ܗ̄ܘܰܐ ܗ̄ܽܘ ܐܰܒܪܳܐ ܕܺܗ̄ܝ ܚܳܬ̥ܳܐ ܕܦܰܘܠܳܘܣ ܗ̄ܺܝ ܢܟ̥ܺܝܠܽܘܬ̥ܰܬ̥ܶܐ، ܘܰܐܙّܶܗ ܥܰܒ݄ܪ ܠܺܗ̄ܝ ܡܰܫܪܺܝܬ̥ܳܐ ܘܡܰܘܕ̥ܰܥ ܠܶܗ ܠܦܰܘܠܳܘܣ. 17ܘܦܰܘܠܳܘܣ ܡܫܰܕܰܪ ܠܶܗ ܩܪܶܐ ܠܶܗ ܠܚܰܕ̱ ܡܰܢ̱ ܩّܶܢܛܪ̈ܽܘܢܶܐ ܘܐܡ݄ܪ ܠܶܗ ܠܶܗ: ”ܡܰܘܒ݄ܠ ܗ̄ܽܘ ܥܠܰܝܡܰܢܳܐ ܓܰܒ ܗ̄ܽܘ ܪܺܝܫܳܐ ܕܰܗ̄ܢ ܐܰܠܦܳܐ ܥܰܠ ܕܟ݄ܬ ܠܶܗ ܡܶܕܶܐ ܕܳܐܡܰܪ ܠܶܗ.“
18ܘܽܗ̄ܘ ܩܶܢܛܪܽܘܢܳܐ ܡܰܘܒܶܠ ܠܶܗ ܗ̄ܽܘ ܥܠܰܝܡܳܐ ܘܡܰܥܒܰܪ ܠܶܗ ܠܓܰܒ ܗ̄ܽܘ ܪܺܝܫܳܐ ܕܰܗ̄ܢ ܐܰܠܦܳܐ ܘܐܡ݄ܪ ܠܶܗ: ”ܦܰܘܠܳܘܣ، ܗ̄ܽܘ ܝܰܣܺܝܪܳܐ، ܩܪܶܐ ܠܶܗ ܠܺܝ ܘܰܐܒ݄ܥ ܡܶܢܺܝ ܕܡܰܝܬܶܐ ܐ̱ܢܳܐ ܗ̄ܽܘ ܥܠܰܝܡܰܢܳܐ ܠܣܺܝܕ̥ܳܟ̥ ܥܰܠ ܕܟ݄ܬ ܠܶܗ ܡܶܕܶܐ ܕܳܐܡܰܪ ܠܳܟ̥.“
19ܘܽܗ̄ܘ ܪܺܝܫܳܐ ܕܰܗ̄ܢ ܐܰܠܦܳܐ ܙܒ݄ܛ ܠܶܗ ܒܺܐܝܕ̥ܶܗ ܕܽܗ̄ܘ ܥܠܰܝܡܳܐ ܘ݄ܓܪ݄ܫ ܠܶܗ ܠܓܰܒܳܐ ܘ݄ܡܫܰܐܶܠ ܠܶܗ ܠܶܗ: ”ܡ݄ܢ ܟ݄ܬ ܠܳܟ̥ ܕ݄ܐܡّܰܪ̱ܬ ܠܺܝ؟“
20ܘܐܡ݄ܪ ܠܶܗ ܗ̄ܽܘ ܥܠܰܝܡܳܐ: ”ܗ̄ܰܝّܽܘܕ̥̈ܳܝܶܐ ܡܬܰܕܒܰܪّܶܗ ܕܳܐܒܥܺܝ ܡܶܢܳܟ̥ ܕܡܰܢܚܬܰܬ ܠܦܰܘܠܳܘܣ ܪܰܡܚ݄ܠ ܓܰܒ ܗ̄ܰܢ ܢܳܫ̈ܰܬّ̥ܶܘ، ܐܰܟ̥ ܕܟ݄ܐܒܥܺܝ ܙ݄ܕ ܝ݄ܠܦܺܝ ܡܶܢܶܗ. 21ܐܶܠܳܐ ܗܰܬ ܠܳܐ ܡܰܨܺܝܬ̥ܰܬ ܐܰܥܠܰܝّܶܗ ܡܺܐܝܕ̥ܶܗ ܕܟܰܐܠܶܗ ܙ݄ܕ ܡܶܢ̱ ܐܰܪܒܥܺܝ ܓܰܒܪ̈ܶܐ ܟܢ݄ܛܪܺܝ ܠܶܗ ܒܦܰܚܳܐ؛ ܘܡܰܚܪܰܡّܶܗ ܥܰܠ ܪ̈ܽܘܚܰܝّܶܗ ܕܠܳܐ ܐ݄ܟ̥ܠܺܝ ܘܠܳܐ ܫܳܬ݄ܢ ܗܳܠ ܕܩܳܛܠܺܝ ܠܶܗ. ܘܟܰܐܠܶܗ ܐܳܥܕܳܐ ܡܛܰܝܒ̈ܶܐ ܢܶܝ ܘ݄ܟܢܳܛܪܺܝ ܠܽܗ̄ܘ ܘܰܥܕܰܝܕ̥ܳܟ̥.“
ܦܰܘܠܳܘܣ ܟܡܺܝܫܰܕ݄ܪ ܠܩܶܣܰܪܺܝܰܐ
22ܘܡܰܪܦܶܐ ܠܶܗ ܗ̄ܽܘ ܪܺܝܫܳܐ ܕܰܗ̄ܢ ܐܰܠܦܳܐ ܠܽܗ̄ܘ ܥܠܰܝܡܳܐ ܘܗܽܒ̥ ܠܶܗ ܠܶܗ ܦܽܘܩܕܳܢܳܐ ܕܢܳܫܳܐ ܠܳܐ ܐܕ̥݄ܥ ܕܗܰܢܺܝ ܡܰܚܘܶܐ ܠܳܟ̥ ܠܺܝ.
23ܘ݄ܩܪܶܐ ܠܶܗ ܠܰܬܪܶܝ ܩܶܢܛܪ̈ܽܘܢܶܐ ܘܐܡ݄ܪ ܠܰܗ ܠّܶܗ: ”ܙܳܟ̥ܽܘ ܡܛܰܝܶܒܽܘ ܪ̈ܽܘܡܳܝܶܐ ܡܰܐܬ̥ܶܝ ܠܰܫܰܢ ܐ݄ܙّ݄ܢ ܠܩܶܣܰܪܺܝܰܐ، ܘܦܰܪ̈ܳܫܶܐ ܫܰܒ̥ܥܺܝ، ܘܡܰܚܳܝ̈ܶܐ ܕܽܗ̄ܘ ܪܽܘܡܚܳܐ ܡܰܐܬ̥ܶܝ، ܕܢܳܦܩܺܝ ܡܺܗ̄ܝ ܫܳܥܬ̥ܳܐ ܬܠ݄ܬ̥ ܒܠܰܠܝܳܐ. 24ܘ݄ܡܛܰܝܶܒܽܘ ܣܬܶܝ ܒܥܺܝܪܳܐ ܠܰܫܰܢ ܕܡܰܪ݄ܒ̥ܟ̥ܺܝ ܠܦܰܘܠܳܘܣ ܘܡܰܥܪܩܺܝ ܠܶܗ ܠܓܰܒ ܦܺܝܠܺܟܣ ܗ̄ܽܘ ܫܰܠܺܝܛܳܐ.“
25ܘ݄ܟܬ̥ܽܒ̥ ܠܶܗ ܐܶܓܰܪܬ̥ܳܐ ܘܗܺܝܒ̥ܳܐ ܠܶܗ ܐܰܠّܶܗ ܕܟ݄ܬ ܗ̄ܘܰܐ ܐܶܒܰܗ ܗܰܘܟ̥ܰܐ: 26(ܡܶܢ̱) ܩܠܰܘܕܺܝܳܘܣ ܠܽܘܣܺܝܳܘܣ ܠܦܺܝܠܺܟܣ ܗ̄ܽܘ ܫܰܠܺܝܛܳܐ ܢܰܨܺܝܚܳܐ، ܫܠܳܡܳܐ: 27ܠܽܗ̄ܘ ܓܰܒ̥ܪܰܢܳܐ ܗ̄ܰܝّܽܘܕ̥̈ܳܝܶܐ ܙܒ݄ܛّܶܗ ܕܩܳܛܠܺܝ ܠܶܗ. ܘܩܰܝ݄ܡ ܐ̱ܢܳܐ ܐܳܢܳܐ ܥܰܡ ܪ̈ܽܘܡܳܝܶܐ ܘ݄ܡܦܰܨܶܐ ܠܺܝ (ܡܰܟ̥ܠܰܨ ܠܺܝ) ܗ̄ܺܝ ܢܰܩܠܐ ܕܰܐܕ̥݄ܥ ܐ̱ܢܳܐ ܕܪܽܘܡܳܝܳܐ ܝܳܐ. 28ܘܺܗ̄ܝ ܢܰܩܠܐ ܕܰܐܒ݄ܥ ܐ̱ܢܳܐ ܕܳܐܕ̥ܰܥ ܐ̱ܢܳܐ ܠܡ݄ܢ ܩܰܝܺܝܡܺܝ ܐܰܥܠܶܗ، ܡܰܢܚܰܬ ܠܺܝ ܠܽܗ̄ܘ ܟܢܽܘܫܝܰܬّ̥ܶܗ. 29ܘ݄ܚܙܶܐ ܠܺܝ ܕܥܰܠ ܫܽܘ̈ܐܳܠܶܐ ܕܽܗ̄ܘ ܢܳܡܽܘܣܰܬّ̥ܶܗ ܡܰܫܟ݄ܢ ܗ̄ܘܰܘ̱ ܐܰܥܠܶܗ. ܘܥܶܠܬ̥ܳܐ ܕܫܳܘܝܳܐ ܠܽܗ̄ܘ ܚܒܽܘܫܝܳܐ ܐܰܘ ܠܽܗ̄ܘ ܡܰܘܬܳܐ ܠܰܝ̱ܬ ܗ̄ܘܰܐ ܐܰܥܠܶܗ. 30ܘܺܗ̄ܝ ܢܰܩܠܐ ܕܫܰܡ݄ܥ ܐ̱ܢܳܐ ܗ̄ܽܘ ܢܶܟ̥ܠܳܐ ܒܽܗ̄ܘ ܦܰܚܳܐ ܕܣ݄ܡّܶܗ ܐܰܥܠܶܗ ܗ̄ܰܝّܽܘܕ̥̈ܳܝܶܐ، ܡܶܚܕ̥ܳܐ ܡܫܰܕܰܪ ܠܺܝ ܠܣܺܝܕ̥ܳܟ̥. ܘܗܽܒ̥ ܠܺܝ ܦܽܘܩܕܳܢܳܐ ܠܰܡّܰܫܟܝܳܢ̈ܶܐ ܕܰܐܥܠܶܗ ܕܳܐܬ̥݄ܢ ܘܕܰܝܢܺܝ ܠܶܗ ܩܽܘܕ̱ܡܳܟ̥. ܦܘܿܫ ܒ݄ܫܠܳܡܳܐ.
ܦܰܘܠܳܘܣ ܟܩܳܝ݄ܡ ܩ݄ܕ̱ܡ ܦܺܝܠܺܟܣ ܗ̄ܽܘ ܫܰܠܺܝܛܳܐ ܕܩܶܣܰܪܺܝܰܐ
31ܗ̄ܺܝ ܢܰܩܠܝܳܐ، ܗ̄ܰܪّܽܘܡܳܝ̈ܶܐ، ܐܟ̥ ܕܽܗ̄ܘ ܦܽܘܩܕܳܢܳܐ ܕܡ݄ܕّܶܗ، ܡܰܘܒܰܠّܶܗ ܠܦܰܘܠܳܘܣ ܒܠܰܠܝܳܐ ܘܡܰܝܬܰܠّܶܗ ܠܺܗ̄ܝ ܡܕ̥ܺܝܢ̱ܬܳܐ ܕܰܐܢܛܺܝܦܰܛܪܳܣ. 32ܘܒܽܗ̄ܘ ܝܰܘܡܳܐ ܚܪܶܢܳܐ، ܗ̄ܰܦّܰܪ̈ܳܫܶܐ ܛܪܰܠّܶܗ ܗ̄ܰܡܗܰܠܟ̥ܳܢ̈ܶܐ ܗ̄ܰܚّܰܒ̥ܪ̈ܳܢܰܬّ̥ܶܗ ܕܕܳܥܪܺܝ ܠܺܗ̄ܝ ܡܰܫܪܺܝܬ̥ܳܐ. 33ܘܡܰܝܬܰܠّܶܗ ܠܩܶܣܰܪܺܝܰܐ، ܘܗܽܒّ̥ܶܗ ܗ̄ܺܝ ܐܶܓܰܪܬ̥ܳܐ ܠܽܗ̄ܘ ܫܰܠܺܝܛܳܐ، ܘܡܰܩ݄ܡّܶܗ ܠܦܰܘܠܳܘܣ ܩܽܘܕ̱ܡܶܗ. 34ܘܺܗ̄ܝ ܢܰܩܠܐ ܕ݄ܩܪܶܐ ܠܶܗ ܠܺܗ̄ܝ ܐܶܓܰܪܬ̥ܳܐ ܡܫܰܐܶܠ ܗܘܰܝ ܠܶܗ ܕܡܰܐܝܢܰܐ ܐܰܬ̥ܪܳܐ ܝܳܐ. ܘܺܗ̄ܝ ܢܰܩܠܐ ܕܰܐܕ̥݄ܥ ܡܶܢ̱ ܩܺܝܠܺܝܩܺܝܰܐ ܝܳܐ، 35ܐܡ݄ܪ ܠܶܗ ܠܶܗ: ”ܓܫܳܡܰܥ ܐ̱ܢܳܐ ܠܳܟ̥ ܗ̄ܺܝ ܢܰܩܠܐ ܕܳܐܬ̥݄ܢ ܗ̄ܰܡّܰܫܟܝܳܢ̈ܶܐ ܕܰܐܥܠܳܟ̥.“ ܘܗܽܒ̥ ܠܶܗ ܦܽܘܩܕܳܢܳܐ ܕܢܳܛܪܺܝ ܠܶܗ ܒܽܗ̄ܘ ܩܽܘܨܪܳܐ ܕܗܶܪܳܘܕ̥ܶܣ.
Právě zvoleno:
ܥܒܳܕ̥̈ܶܐ ܕܰܫܠܺܝܚ̈ܶܐ 23: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܥܒܳܕ̥̈ܶܐ ܕܰܫܠܺܝܚ̈ܶܐ 23
23
1ܘܺܗ̄ܝ ܢܰܩܠܐ ܕܚ݄ܪ ܠܶܗ ܦܰܘܠܳܘܣ ܒܽܗ̄ܘ ܟܢܽܘܫܝܰܬّ̥ܶܗ ܐܡ݄ܪ ܠܶܗ: ”ܝܰܐ ܓܰܒ̥ܪ̈ܶܐ ܐܰܚ̈ܽܘܢܳܢܶܐ، ܐܳܢܳܐ ܒܠܶܒܳܐ ܫܰܦܝܳܐ ܚܰܝܺܝ ܐ̱ܢܳܐ ܩ݄ܕ̱ܡ ܐܰܠܳܗܳܐ ܗܳܠ ܠܰܐܕܝܰܘܡܰܐ.“
2ܘܚܰܢܰܢܝܳܐ، ܗ̄ܽܘ ܟܳܗܢܳܐ، ܗܽܒ̥ ܠܶܗ ܦܽܘܩܕܳܢܳܐ ܠܰܗ̄ܢ݄ܟ ܕܩܰܝܡܺܝ ܗ̄ܘܰܘ̱ ܥܰܡ ܓܰܒܶܗ ܕܡܳܚ݄ܢ ܠܦܰܘܠܳܘܣ ܥܰܠ ܦܶܡܶܗ. 3ܘܦܰܘܠܳܘܣ ܐܡ݄ܪ ܠܶܗ ܠܶܗ: ”ܐܰܠܳܗܳܐ ܓ݄ܕܡܳܚܶܐ ܠܳܟ̥ ܝܰܐ ܫܽܘܪܳܐ ܚܶܘܳܪܳܐ (ܡܟܰܠܫܳܐ)! ܘܗܰܬ ܟܳܝ݄ܬܒ̥ܰܬ ܕܰܝܢܰܬ ܠܺܝ ܒܽܗ̄ܘ ܢܳܡܽܘܣܳܐ، ܘ݄ܟܬܰܒ̥ܪܰܬ ܗ̄ܽܘ ܢܳܡܽܘܣܳܐ، ܘܟܳܗ̄ܒܰܬ ܦܽܘܩܕܳܢܳܐ ܕܡܳܚ݄ܢ ܠܺܝ؟“
4ܘܗܰܢܺܝ ܕܩܰܝܡܺܝ ܗ̄ܘܰܘ̱ ܬܰܡܳܐ ܐܡ݄ܪّܰܗ ܠܶܗ: ”ܠܽܗ̄ܘ ܟܳܗܢܳܐ ܕܰܐܠܳܗܳܐ ܟ݄ܡܨܰܥܪܰܬ؟“
5ܦܰܘܠܳܘܣ ܐܡ݄ܪ ܠܰܗ ܠّܶܗ: ”ܠܳܐ ܐܕ̥ܰܥ ܗ̄ܘܰܝ ܐ̱ܢܳܐ ܕܟ݄ܬ ܝܳܐ ܟܳܗܢܳܐ، ܝܳܐ ܐܰܚ̈ܽܘܢܳܢܶܐ، ܡܺܐܝܕ̥ܶܗ ܕܟ݄ܬ ܝܳܐ ܟܬ̥ܺܝܒ̥ܳܐ: ’ܠܽܗ̄ܘ ܪܺܝܫܳܐ ܕܽܗ̄ܘ ܥܰܡܰܝܕ̥ܳܟ̥ ܠܳܐ ܠܰܝܛܰܬ.‘“
6ܘܺܗ̄ܝ ܢܰܩܠܐ ܕܰܐܕ̥݄ܥ ܦܰܘܠܳܘܣ ܕܗ݄ܢ ܡܽܗ̄ܘ ܥܰܡܳܐ ܙܰܕ̈ܽܘܩܳܝܶܐ ܢܶܝ ܘܗ݄ܢ ܦܪ̈ܺܝܫܶܐ، ܡܰܥܠܶܐ ܠܶܗ ܩܳܠܶܗ ܒܽܗ̄ܘ ܟܢܽܘܫܝܳܐ: ”ܝܰܐ ܓܰܒܪ̈ܶܐ ܐܰܚ̈ܽܘܢܳܢܶܐ، ܐܳܢܳܐ ܦܪܺܝܫܳܐ ܐ̱ܢܳܐ ܐܰܒܪܶܗ ܕ݄ܦܪܺܝܫܳܐ، ܘܥܰܠ ܗ̄ܽܘ ܣܰܒܪܳܐ ܕܺܗ̄ܝ ܩܝܰܡܬܳܐ ܕܰܡّܺܝ̈ܬ̥ܶܐ ܟܡܺܝܕܰܢ ܐ̱ܢܳܐ.“
7ܘܺܗ̄ܝ ܢܰܩܠܐ ܕܗܰܬ̥ܶܐ ܐܡܺܝܪܳܐ ܠܶܗ، ܢܰܦܺܝܠܺܝ ܚܰܕ̱ ܒܚܰܕ̱ ܗ̄ܰܦܪ̈ܺܝܫܶܐ ܘܰܙّܰܕ̈ܽܘܩܳܝܶܐ، ܘ݄ܦܠܺܝܓ̥ ܗ̄ܽܘ ܥܰܡܳܐ. 8ܡܺܐܝܕ̥ܶܗ ܕܰܙّܰܕ̈ܽܘܩܳܝܶܐ ܟ݄ܐܡّܺܪ̱ܝ: ܕܠܰܝܬ ܩܝܰܡܬܳܐ ܘܠܳܐ ܡܰܠܰܐܟ̥̈ܶܐ ܘܠܳܐ ܪܽܘܚܳܐ. ܐܶܠܳܐ ܗ̄ܰܦܪ̈ܺܝܫܶܐ ܟ݄ܡܗܰܝܡܢܺܝ ܒܰܗ̄ܢܺܝ ܟܽܘܠّܶܗ. 9ܘܗܰܘܺܝ ܩܳܠܳܐ ܪܰܒܳܐ، ܘܩܰܝܺܝܡܺܝ ܢܳܫ̈ܶܐ ܣܳܦܪ̈ܶܐ ܡܽܗ̄ܘ ܓܰܒܳܐ ܕܰܦܪ̈ܺܝܫܶܐ ܘܕܳܪܫܺܝ ܗ̄ܘܰܘ̱ ܐܰܥܡܰܝّܶܗ ܘ݄ܐܡّܺܪ̱ܝ ܗ̄ܘܰܘ̱: ”ܠ݄ܐ ܟܚܳܙܺܝܢܰܐ ܡܶܕܶܐ ܒܺܝܫܳܐ ܒܽܗ̄ܘ ܓܰܒ̥ܪܰܢܳܐ. ܘܶܐܢ ܪܽܘܚܳܐ ܐܰܘ ܡܰܠܰܐܟ̥ܳܐ ܫܓ̥ܺܝܠ ܐܰܥܡܶܗ، ܡ݄ܢ ܟܺܝܬ ܐܶܒܰܗ ܗܰܬ̥ܶܐ؟“
10ܘܺܗ̄ܝ ܢܰܩܠܐ ܕܗܰܘܺܝ ܫܓ̥ܽܘܫܝܳܐ ܪܰܒܳܐ ܒܰܝܢܳܬ̥ܰܝّܶܗ، ܗ̄ܽܘ ܪܺܝܫܳܐ ܕܰܗ̄ܢ ܐܰܠܦܳܐ ܙܰܝ݄ܥ ܕܠ݄ܐ ܐܙّ݄ܢ ܕܰܝܫܺܝ ܠܶܗ ܠܦܰܘܠܳܘܣ ܘ݄ܡܦ̊ܰܪܦ̊ܣܺܝ ܠܶܗ. ܘ݄ܡܫܰܕܰܪ ܠܶܗ ܠܰܪّܽܘܡܳܝ̈ܶܐ ܕܳܐܬ̥݄ܢ ܢ݄ܬܫܺܝ ܠܶܗ ܡܶܢ̱ ܒܰܝܢܳܬ̥ܰܝّܶܗ ܘܡܰܥܒܪܺܝ ܠܶܗ ܠܺܗ̄ܝ ܡܰܫܪܺܝܬ̥ܳܐ. 11ܘܺܗ̄ܝ ܢܰܩܠܐ ܕܗܰܘܺܝ ܠܰܠܝܳܐ، ܚܙܶܐ ܡܳܪܰܢ ܠܦܰܘܠܳܘܣ ܘܐܡ݄ܪ ܠܶܗ ܠܶܗ: ”ܚܘܿܨ ܪܽܘܚܳܟ̥، ܡܺܐܝܕ̥ܶܗ ܕ݄ܐܟ̥ ܕ݄ܣܗ݄ܕ ܠܳܟ̥ ܐܰܥܠܺܝ ܒܽܐܘܪܶܫܠܶܡ، ܗܰܘܟ̥ܰܐ ܣܬܶܝ ܒܪܽܘܡܺܝ ܓܣ݄ܗܕܰܬ.“
ܕܽܘܒܳܪܳܐ ܕܰܝّܽܘܕ̥̈ܳܝܶܐ ܥܰܠ ܦܰܘܠܳܘܣ
12ܘ݄ܒܩܶܕܰܡܬܳܐ، ܠܰܬܺܝܡܺܝ ܗ̄ܘܰܘ̱ ܢܳܫ̈ܶܐ ܡܰܢ̱ ܝّܽܘܕ̥̈ܳܝܶܐ ܘܡܰܚܪܰܡّܶܗ ܥܰܠ ܪ̈ܽܘܚܰܝّܶܗ ܕܠܳܐ ܐ݄ܟ̥ܠܺܝ ܘܠܳܐ ܫܳܬ݄ܢ ܗܳܠ ܕܩܳܛܠܺܝ ܠܦܰܘܠܳܘܣ. 13ܘܗܳܘ݄ܢ ܗ̄ܘܰܘ̱ ܗܰܢ݄ܟ ܕܺܝܡܰܠّܶܗ ܘܡܰܩ݄ܡّܶܗ ܗ̄ܽܘ ܩܝܳܡܰܢܳܐ ܙ݄ܕ ܡܶܢ̱ ܐܰܪܒܥܺܝ ܓܰܒܪ̈ܶܐ. 14ܘ݄ܡܩܰܪܰܒّ̥ܶܗ ܠܓܰܒ ܗ̄ܰܟّܳܗ̈ܢܶܐ ܘܰܩّܰܫ̈ܶܐ ܘܐܡ݄ܪّܰܢّܶܗ: ”ܕܚܶܪܡܳܐ ܡܰܚܪܰܡ ܠܰܢ ܥܰܠ ܪܽܘܚܰܢ ܕܡܶܕܶܐ ܠܳܐ ܛܳܥܡܺܝܢܰܐ ܗܳܠ ܕܩܳܛܠܺܝܢܰܐ ܠܦܰܘܠܳܘܣ. 15ܘܳܐܥܕܳܐ ܝܺܒܰܥܽܘ ܗܰܬܽܘ ܘܰܪّܺܝܫܳܢ̈ܶܐ ܕܽܗ̄ܘ ܟܢܽܘܫܝܳܐ ܡܽܗ̄ܘ ܪܺܝܫܳܐ ܕܰܗ̄ܢ ܐܰܠܦܳܐ ܕܡܰܝܬܶܐ ܠܶܗ ܠܣܺܝܕ̥ܰܝܟ̥ܽܘ ܐܟ̥ ܕܟ݄ܐܒܥܺܝܬܽܘ ܕܚܳܙܺܝܬܽܘ ܕܒ݄ܫܪܳܪܳܐ ܡ݄ܢ ܣ݄ܡ ܠܶܗ، ܘܰܐܚܢܰܐ ܓܕܳܗ̄ܘܺܝܢܰܐ ܡܛܰܝܒ̈ܶܐ ܕܩܳܛܠܺܝܢܰܐ ܠܶܗ ܡܶܩ݄ܕ̱ܡ ܕܡܳܛܶܐ ܠܣܺܝܕ̥ܰܝܟ̥ܽܘ.“
16ܘܫܰܡ݄ܥ ܗ̄ܘܰܐ ܗ̄ܽܘ ܐܰܒܪܳܐ ܕܺܗ̄ܝ ܚܳܬ̥ܳܐ ܕܦܰܘܠܳܘܣ ܗ̄ܺܝ ܢܟ̥ܺܝܠܽܘܬ̥ܰܬ̥ܶܐ، ܘܰܐܙّܶܗ ܥܰܒ݄ܪ ܠܺܗ̄ܝ ܡܰܫܪܺܝܬ̥ܳܐ ܘܡܰܘܕ̥ܰܥ ܠܶܗ ܠܦܰܘܠܳܘܣ. 17ܘܦܰܘܠܳܘܣ ܡܫܰܕܰܪ ܠܶܗ ܩܪܶܐ ܠܶܗ ܠܚܰܕ̱ ܡܰܢ̱ ܩّܶܢܛܪ̈ܽܘܢܶܐ ܘܐܡ݄ܪ ܠܶܗ ܠܶܗ: ”ܡܰܘܒ݄ܠ ܗ̄ܽܘ ܥܠܰܝܡܰܢܳܐ ܓܰܒ ܗ̄ܽܘ ܪܺܝܫܳܐ ܕܰܗ̄ܢ ܐܰܠܦܳܐ ܥܰܠ ܕܟ݄ܬ ܠܶܗ ܡܶܕܶܐ ܕܳܐܡܰܪ ܠܶܗ.“
18ܘܽܗ̄ܘ ܩܶܢܛܪܽܘܢܳܐ ܡܰܘܒܶܠ ܠܶܗ ܗ̄ܽܘ ܥܠܰܝܡܳܐ ܘܡܰܥܒܰܪ ܠܶܗ ܠܓܰܒ ܗ̄ܽܘ ܪܺܝܫܳܐ ܕܰܗ̄ܢ ܐܰܠܦܳܐ ܘܐܡ݄ܪ ܠܶܗ: ”ܦܰܘܠܳܘܣ، ܗ̄ܽܘ ܝܰܣܺܝܪܳܐ، ܩܪܶܐ ܠܶܗ ܠܺܝ ܘܰܐܒ݄ܥ ܡܶܢܺܝ ܕܡܰܝܬܶܐ ܐ̱ܢܳܐ ܗ̄ܽܘ ܥܠܰܝܡܰܢܳܐ ܠܣܺܝܕ̥ܳܟ̥ ܥܰܠ ܕܟ݄ܬ ܠܶܗ ܡܶܕܶܐ ܕܳܐܡܰܪ ܠܳܟ̥.“
19ܘܽܗ̄ܘ ܪܺܝܫܳܐ ܕܰܗ̄ܢ ܐܰܠܦܳܐ ܙܒ݄ܛ ܠܶܗ ܒܺܐܝܕ̥ܶܗ ܕܽܗ̄ܘ ܥܠܰܝܡܳܐ ܘ݄ܓܪ݄ܫ ܠܶܗ ܠܓܰܒܳܐ ܘ݄ܡܫܰܐܶܠ ܠܶܗ ܠܶܗ: ”ܡ݄ܢ ܟ݄ܬ ܠܳܟ̥ ܕ݄ܐܡّܰܪ̱ܬ ܠܺܝ؟“
20ܘܐܡ݄ܪ ܠܶܗ ܗ̄ܽܘ ܥܠܰܝܡܳܐ: ”ܗ̄ܰܝّܽܘܕ̥̈ܳܝܶܐ ܡܬܰܕܒܰܪّܶܗ ܕܳܐܒܥܺܝ ܡܶܢܳܟ̥ ܕܡܰܢܚܬܰܬ ܠܦܰܘܠܳܘܣ ܪܰܡܚ݄ܠ ܓܰܒ ܗ̄ܰܢ ܢܳܫ̈ܰܬّ̥ܶܘ، ܐܰܟ̥ ܕܟ݄ܐܒܥܺܝ ܙ݄ܕ ܝ݄ܠܦܺܝ ܡܶܢܶܗ. 21ܐܶܠܳܐ ܗܰܬ ܠܳܐ ܡܰܨܺܝܬ̥ܰܬ ܐܰܥܠܰܝّܶܗ ܡܺܐܝܕ̥ܶܗ ܕܟܰܐܠܶܗ ܙ݄ܕ ܡܶܢ̱ ܐܰܪܒܥܺܝ ܓܰܒܪ̈ܶܐ ܟܢ݄ܛܪܺܝ ܠܶܗ ܒܦܰܚܳܐ؛ ܘܡܰܚܪܰܡّܶܗ ܥܰܠ ܪ̈ܽܘܚܰܝّܶܗ ܕܠܳܐ ܐ݄ܟ̥ܠܺܝ ܘܠܳܐ ܫܳܬ݄ܢ ܗܳܠ ܕܩܳܛܠܺܝ ܠܶܗ. ܘܟܰܐܠܶܗ ܐܳܥܕܳܐ ܡܛܰܝܒ̈ܶܐ ܢܶܝ ܘ݄ܟܢܳܛܪܺܝ ܠܽܗ̄ܘ ܘܰܥܕܰܝܕ̥ܳܟ̥.“
ܦܰܘܠܳܘܣ ܟܡܺܝܫܰܕ݄ܪ ܠܩܶܣܰܪܺܝܰܐ
22ܘܡܰܪܦܶܐ ܠܶܗ ܗ̄ܽܘ ܪܺܝܫܳܐ ܕܰܗ̄ܢ ܐܰܠܦܳܐ ܠܽܗ̄ܘ ܥܠܰܝܡܳܐ ܘܗܽܒ̥ ܠܶܗ ܠܶܗ ܦܽܘܩܕܳܢܳܐ ܕܢܳܫܳܐ ܠܳܐ ܐܕ̥݄ܥ ܕܗܰܢܺܝ ܡܰܚܘܶܐ ܠܳܟ̥ ܠܺܝ.
23ܘ݄ܩܪܶܐ ܠܶܗ ܠܰܬܪܶܝ ܩܶܢܛܪ̈ܽܘܢܶܐ ܘܐܡ݄ܪ ܠܰܗ ܠّܶܗ: ”ܙܳܟ̥ܽܘ ܡܛܰܝܶܒܽܘ ܪ̈ܽܘܡܳܝܶܐ ܡܰܐܬ̥ܶܝ ܠܰܫܰܢ ܐ݄ܙّ݄ܢ ܠܩܶܣܰܪܺܝܰܐ، ܘܦܰܪ̈ܳܫܶܐ ܫܰܒ̥ܥܺܝ، ܘܡܰܚܳܝ̈ܶܐ ܕܽܗ̄ܘ ܪܽܘܡܚܳܐ ܡܰܐܬ̥ܶܝ، ܕܢܳܦܩܺܝ ܡܺܗ̄ܝ ܫܳܥܬ̥ܳܐ ܬܠ݄ܬ̥ ܒܠܰܠܝܳܐ. 24ܘ݄ܡܛܰܝܶܒܽܘ ܣܬܶܝ ܒܥܺܝܪܳܐ ܠܰܫܰܢ ܕܡܰܪ݄ܒ̥ܟ̥ܺܝ ܠܦܰܘܠܳܘܣ ܘܡܰܥܪܩܺܝ ܠܶܗ ܠܓܰܒ ܦܺܝܠܺܟܣ ܗ̄ܽܘ ܫܰܠܺܝܛܳܐ.“
25ܘ݄ܟܬ̥ܽܒ̥ ܠܶܗ ܐܶܓܰܪܬ̥ܳܐ ܘܗܺܝܒ̥ܳܐ ܠܶܗ ܐܰܠّܶܗ ܕܟ݄ܬ ܗ̄ܘܰܐ ܐܶܒܰܗ ܗܰܘܟ̥ܰܐ: 26(ܡܶܢ̱) ܩܠܰܘܕܺܝܳܘܣ ܠܽܘܣܺܝܳܘܣ ܠܦܺܝܠܺܟܣ ܗ̄ܽܘ ܫܰܠܺܝܛܳܐ ܢܰܨܺܝܚܳܐ، ܫܠܳܡܳܐ: 27ܠܽܗ̄ܘ ܓܰܒ̥ܪܰܢܳܐ ܗ̄ܰܝّܽܘܕ̥̈ܳܝܶܐ ܙܒ݄ܛّܶܗ ܕܩܳܛܠܺܝ ܠܶܗ. ܘܩܰܝ݄ܡ ܐ̱ܢܳܐ ܐܳܢܳܐ ܥܰܡ ܪ̈ܽܘܡܳܝܶܐ ܘ݄ܡܦܰܨܶܐ ܠܺܝ (ܡܰܟ̥ܠܰܨ ܠܺܝ) ܗ̄ܺܝ ܢܰܩܠܐ ܕܰܐܕ̥݄ܥ ܐ̱ܢܳܐ ܕܪܽܘܡܳܝܳܐ ܝܳܐ. 28ܘܺܗ̄ܝ ܢܰܩܠܐ ܕܰܐܒ݄ܥ ܐ̱ܢܳܐ ܕܳܐܕ̥ܰܥ ܐ̱ܢܳܐ ܠܡ݄ܢ ܩܰܝܺܝܡܺܝ ܐܰܥܠܶܗ، ܡܰܢܚܰܬ ܠܺܝ ܠܽܗ̄ܘ ܟܢܽܘܫܝܰܬّ̥ܶܗ. 29ܘ݄ܚܙܶܐ ܠܺܝ ܕܥܰܠ ܫܽܘ̈ܐܳܠܶܐ ܕܽܗ̄ܘ ܢܳܡܽܘܣܰܬّ̥ܶܗ ܡܰܫܟ݄ܢ ܗ̄ܘܰܘ̱ ܐܰܥܠܶܗ. ܘܥܶܠܬ̥ܳܐ ܕܫܳܘܝܳܐ ܠܽܗ̄ܘ ܚܒܽܘܫܝܳܐ ܐܰܘ ܠܽܗ̄ܘ ܡܰܘܬܳܐ ܠܰܝ̱ܬ ܗ̄ܘܰܐ ܐܰܥܠܶܗ. 30ܘܺܗ̄ܝ ܢܰܩܠܐ ܕܫܰܡ݄ܥ ܐ̱ܢܳܐ ܗ̄ܽܘ ܢܶܟ̥ܠܳܐ ܒܽܗ̄ܘ ܦܰܚܳܐ ܕܣ݄ܡّܶܗ ܐܰܥܠܶܗ ܗ̄ܰܝّܽܘܕ̥̈ܳܝܶܐ، ܡܶܚܕ̥ܳܐ ܡܫܰܕܰܪ ܠܺܝ ܠܣܺܝܕ̥ܳܟ̥. ܘܗܽܒ̥ ܠܺܝ ܦܽܘܩܕܳܢܳܐ ܠܰܡّܰܫܟܝܳܢ̈ܶܐ ܕܰܐܥܠܶܗ ܕܳܐܬ̥݄ܢ ܘܕܰܝܢܺܝ ܠܶܗ ܩܽܘܕ̱ܡܳܟ̥. ܦܘܿܫ ܒ݄ܫܠܳܡܳܐ.
ܦܰܘܠܳܘܣ ܟܩܳܝ݄ܡ ܩ݄ܕ̱ܡ ܦܺܝܠܺܟܣ ܗ̄ܽܘ ܫܰܠܺܝܛܳܐ ܕܩܶܣܰܪܺܝܰܐ
31ܗ̄ܺܝ ܢܰܩܠܝܳܐ، ܗ̄ܰܪّܽܘܡܳܝ̈ܶܐ، ܐܟ̥ ܕܽܗ̄ܘ ܦܽܘܩܕܳܢܳܐ ܕܡ݄ܕّܶܗ، ܡܰܘܒܰܠّܶܗ ܠܦܰܘܠܳܘܣ ܒܠܰܠܝܳܐ ܘܡܰܝܬܰܠّܶܗ ܠܺܗ̄ܝ ܡܕ̥ܺܝܢ̱ܬܳܐ ܕܰܐܢܛܺܝܦܰܛܪܳܣ. 32ܘܒܽܗ̄ܘ ܝܰܘܡܳܐ ܚܪܶܢܳܐ، ܗ̄ܰܦّܰܪ̈ܳܫܶܐ ܛܪܰܠّܶܗ ܗ̄ܰܡܗܰܠܟ̥ܳܢ̈ܶܐ ܗ̄ܰܚّܰܒ̥ܪ̈ܳܢܰܬّ̥ܶܗ ܕܕܳܥܪܺܝ ܠܺܗ̄ܝ ܡܰܫܪܺܝܬ̥ܳܐ. 33ܘܡܰܝܬܰܠّܶܗ ܠܩܶܣܰܪܺܝܰܐ، ܘܗܽܒّ̥ܶܗ ܗ̄ܺܝ ܐܶܓܰܪܬ̥ܳܐ ܠܽܗ̄ܘ ܫܰܠܺܝܛܳܐ، ܘܡܰܩ݄ܡّܶܗ ܠܦܰܘܠܳܘܣ ܩܽܘܕ̱ܡܶܗ. 34ܘܺܗ̄ܝ ܢܰܩܠܐ ܕ݄ܩܪܶܐ ܠܶܗ ܠܺܗ̄ܝ ܐܶܓܰܪܬ̥ܳܐ ܡܫܰܐܶܠ ܗܘܰܝ ܠܶܗ ܕܡܰܐܝܢܰܐ ܐܰܬ̥ܪܳܐ ܝܳܐ. ܘܺܗ̄ܝ ܢܰܩܠܐ ܕܰܐܕ̥݄ܥ ܡܶܢ̱ ܩܺܝܠܺܝܩܺܝܰܐ ܝܳܐ، 35ܐܡ݄ܪ ܠܶܗ ܠܶܗ: ”ܓܫܳܡܰܥ ܐ̱ܢܳܐ ܠܳܟ̥ ܗ̄ܺܝ ܢܰܩܠܐ ܕܳܐܬ̥݄ܢ ܗ̄ܰܡّܰܫܟܝܳܢ̈ܶܐ ܕܰܐܥܠܳܟ̥.“ ܘܗܽܒ̥ ܠܶܗ ܦܽܘܩܕܳܢܳܐ ܕܢܳܛܪܺܝ ܠܶܗ ܒܽܗ̄ܘ ܩܽܘܨܪܳܐ ܕܗܶܪܳܘܕ̥ܶܣ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation