ܥܒܳܕ̥̈ܶܐ ܕܰܫܠܺܝܚ̈ܶܐ 19
19
ܦܰܘܠܳܘܣ ܒܶܐܦܶܣܳܘܣ
1ܘܺܗ̄ܝ ܢܰܩܠܐ ܕܟ݄ܬ ܗ̄ܘܰܐ ܐܰܦ̊ܳܠܳܘ ܒܩܳܘܪܺܢܬ̥ܳܘܣ، ܦܰܘܠܳܘܣ ܟܳܪܰܟ̥ ܗ̄ܘܰܐ ܒܰܗ̄ܢ ܐܰܬ̥ܪ̈ܰܘܳܬ̥ܳܐ ܥܶܠܳܝ̈ܶܐ ܘܰܐܬ̥ܺܝ ܠܶܐܦܶܣܳܘܣ. ܘ݄ܡܫܰܐܰܠ ܗ̄ܘܰܐ ܠܰܬّܰܠܡܺܝܕ̥̈ܶܐ ܕ݄ܚܙܶܐ ܠܶܗ ܬܰܡܳܐ: 2”ܐܶܢ ܡܰܩܒܰܠܟ̥ܽܘ ܪܽܘܚܳܐ ܕܩܽܘܕܫܳܐ ܡܺܗ̄ܝ ܢܰܩܠܐ ܕ݄ܡܗܰܝܡܰܢܟ̥ܽܘ؟“ ܡܰܕܥܰܪّܶܗ ܘܐܡ݄ܪّܰܗ ܠّܶܗ: ”ܘܠܳܐ ܫܰܡܺܝܥܺܝܢܰܐ ܕܟܺܝܬ ܪܽܘܚܳܐ ܕܩܽܘܕܫܳܐ.“ 3ܘܐܡ݄ܪ ܠܰܗ ܠّܶܗ: ”ܘ݄ܒܡ݄ܢ ܥܰܡܺܝܕ̥ܺܝܬܽܘ؟“ ܐܡ݄ܪّܶܗ: ”ܒܺܗ̄ܝ ܡܰܥܡܽܘܕ̥ܺܝܬ̥ܳܐ ܕܝܽܘܚܰܢܳܢ.“ 4ܐܡ݄ܪ ܠܰܗ ܠّܶܗ ܦܰܘܠܳܘܣ: ”ܝܽܘܚܰܢܳܢ ܡܰܥܡܰܕ̥ ܠܶܗ ܠܽܗ̄ܘ ܥܰܡܳܐ ܡܰܥܡܽܘܕ̥ܺܝܬ̥ܳܐ ܕܺܗ̄ܝ ܬܝܳܒܽܘܬ̥ܳܐ، ܘܳܐܡܰܪ ܗ̄ܘܰܐ (ܠܰܗ̄ܢ ܢܳܫ̈ܶܐ) ܕ݄ܡܗܰܝܡܢܺܝ ܒܰܗ̄ܢܳܐ ܕܳܐܬ̥ܶܐ ܒ݄ܬ̥ܪܶܗ ܕܟ݄ܬ ܝܳܐ ܝܶܫܽܘܥ ܡܫܺܝܚܳܐ.“ 5ܘܺܗ̄ܝ ܢܰܩܠܐ ܕܗܰܢܺܝ ܫܰܡܺܝܥܺܝ، ܥܰܡܺܝܕ̥ܺܝ ܒ݄ܐܫܡܶܗ ܕܡܳܪܰܢ ܝܶܫܽܘܥ ܡܫܺܝܚܳܐ. 6ܘܦܰܘܠܳܘܣ ܡܰܚܰܬ ܠܶܗ ܐܰܥܠܰܝّܶܗ ܐܺܝܕ̥ܳܐ، ܘܰܐܬ̥ܺܝ ܪܽܘܚܳܐ ܕܩܽܘܕܫܳܐ ܐܰܥܠܰܝّܶܗ، ܘܡ݄ܫܓ̥ܳܠܺܝ ܗ̄ܘܰܘ̱ ܒܠܶܫܳܢܳܐ ܠܶܫܳܢܳܐ ܘܡ݄ܬܢܰܒ݄ܢ ܗ̄ܘܰܘ̱. 7ܘܗܳܘ݄ܢ ܗ̄ܘܰܘ̱ ܟܽܘܠّܶܗ ܬܪܰܥܣܰܪ ܢܳܫ̈ܶܐ.
ܦܰܘܠܳܘܣ ܟܡܰܘܠ݄ܦ ܒܶܐܦܶܣܳܘܣ
8ܘܥܰܒ݄ܪ ܗ̄ܘܰܐ ܦܰܘܠܳܘܣ ܠܺܗ̄ܝ ܟ̥ܢܽܘܫܬܳܐ، ܘܡ݄ܫܓ̥ܰܠ ܗ̄ܘܰܐ ܒܓܰܠܝܳܐ ܬܠܳܬ̥ܳܐ ܝܰܪ̈ܚܶܐ، ܘܡܰܘܕ̥ܰܥ ܗ̄ܘܰܐ ܠّܶܗ ܥܰܠ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ. 9ܘܗ݄ܢ ܡ݄ܢّܶܗ ܗܳܘ݄ܢ ܗ̄ܘܰܘ̱ ܩܰܫܝ̈ܶܐ ܐܰܥܠܶܗ ܘ݄ܡܥܰܢܬܺܝ ܗ̄ܘܰܘ̱ ܘ݄ܡܨܰܥܪܺܝ ܗ̄ܘܰܘ̱ ܠܽܗ̄ܘ ܕܰܪܒܳܐ ܕܰܐܠܳܗܳܐ ܩ݄ܕ̱ܡ ܗ̄ܰܢ ܢܳܫ̈ܶܐ ܕܰܥّܰܡ̈ܶܐ. ܗ̄ܺܝ ܢܰܩܠܝܳܐ، ܪܰܚ݄ܩ ܦܰܘܠܳܘܣ ܘ݄ܦܪ݄ܫ ܠܶܗ ܡ݄ܢّܶܗ ܠܰܬّܰܠܡܺܝܕ̥̈ܶܐ، ܘܟܽܘܠ ܝܰܘܡܳܐ ܡ݄ܫܓ̥ܰܠ ܗ̄ܘܰܐ ܐܰܥܡܰܝّܶܗ ܒܺܗ̄ܝ ܡܰܕܪܰܫܬܳܐ ܕܚܰܕ̱ ܓܰܒ̥ܪܳܐ ܐ݄ܫܡܶܗ ܛܽܘܪܰܢܳܘܣ. 10ܘܗܰܬ̥ܶܐ ܗܰܘܝܳܐ ܠܬܰܪܬܶܝ ܐ݄ܫܢ̈ܶܐ ܗܳܠ ܕܫܰܡܺܝܥܺܝ ܠܺܗ̄ܝ ܡܶܠܬ̥ܳܐ ܕܡܳܪܝܳܐ ܟܽܘܠّܶܗ ܕܟܳܥܳܡܪܺܝ ܒܰܐܣܺܝܰܐ: ܝܽܘܕ̥̈ܳܝܶܐ ܘܰܐܪ̈ܡܳܝܶܐ.
11ܘܰܐܠܳܗܳܐ ܣܳܝܰܡ ܗ̄ܘܰܐ ܚ̈ܰܝܠܶܐ ܪ̈ܰܒܶܐ ܒܺܐܝܕ̥ܶܗ ܕܦܰܘܠܳܘܣ. 12ܘܗܰܘܟ̥ܰܐ ܗܳܠ ܕܡܰܢ̱ ܠܒܽܘܫ̈ܶܐ ܕܥܰܠ ܓܽܘܫܡܶܗ، ܡܰܢܕ̈ܺܝܠܶܐ ܐܰܘ ܪ̈ܽܘܩܥܶܐ، ܡܰܝܬ݄ܢ ܗ̄ܘܰܘ̱ ܘܡܰܚܬܺܝ ܗ̄ܘܰܘ̱ ܥܰܠ ܗ̄ܰܟّܰܐܺܝܒ̥̈ܶܐ، ܘ݄ܐܙّ݄ܢ ܗ̄ܘܰܘ̱ ܗ̄ܰܟّܶܐܒ̥̈ܶܐ ܡ݄ܢّܶܗ، ܘܰܫّܺܐܕ̈ܶܐ ܣܬܶܝ ܢܳܦܩܺܝ ܗ̄ܘܰܘ̱.
ܣܩܶܘܰܐ ܘܰܗ̄ܢ ܐܰܒܢ̈ܰܝܕ̥ܶܗ ܗ̄ܰܫّܰܒ̥ܥܳܐ ܚܰܪ̈ܳܫܶܐ
13ܘܗ݄ܢ ܡܰܢ̱ ܝّܽܘܕ̥̈ܳܝܶܐ ܕܟܳܪܟ̥ܺܝ ܗ̄ܘܰܘ̱ ܘܡܰܘܡ݄ܢ ܗ̄ܘܰܘ̱ ܥܰܠ ܗ̄ܰܫّܺܐܕ̈ܶܐ (ܠܰܫܰܢ ܕܢܳܦܩܺܝ)، ܗ݄ܢّܶܝ ܣܬܶܝ ܐܰܒܺܝܥܺܝ ܕܡܰܘܡ݄ܢ ܒ݄ܐܫܡܶܗ ܕܡܳܪܰܢ ܝܶܫܽܘܥ ܥܰܠ ܗܰܢܺܝ ܕܟ݄ܬ ܗ̄ܘܰܘ̱ ܠّܶܗ ܪ̈ܽܘܚܶܐ ܒܺܝܫ̈ܳܬ̥ܳܐ، ܘ݄ܐܡّܺܪ̱ܝ ܗ̄ܘܰܘ̱: ”ܟܡܰܘܡܺܝܢܰܢܟ̥ܽܘ ܒ݄ܐܫܡܶܗ ܕܝܶܫܽܘܥ ܗܰܢܳܐ ܕ݄ܟܟܳܪ݄ܙ ܦܰܘܠܳܘܣ.“ 14ܘܟ݄ܬ ܗ̄ܘܰܐ ܫܰܒ̥ܥܳܐ ܐܰܒܢ̈ܶܐ ܕܚܰܕ̱ ܓܰܒ̥ܪܳܐ ܝܽܘܕ̥ܳܝܳܐ، ܪܰܒܳܐ ܕܰܟّܳܗ̈ܢܶܐ ܕ݄ܐܫܡܶܗ ܣܩܶܘܰܐ، ܣܰܝܡܺܝ ܗ̄ܘܰܘ̱ ܗܰܬ̥ܶܐ. 15ܘܡܰܕܥܰܪ ܠܶܗ ܗ̄ܽܘ ܫܺܐܕܰܘܳܐ ܗ̄ܽܘ ܒܺܝܫܳܐ ܘܐܡ݄ܪ ܠܰܗ ܠّܶܗ: ”ܟܳܐܕ̥ܰܥ ܐ̱ܢܳܐ ܠܶܗ ܠܝܶܫܽܘܥ، ܘܟܳܐܕ̥ܰܥ ܐ̱ܢܳܐ ܣܬܶܝ ܠܦܰܘܠܳܘܣ، ܐܶܠܳܐ ܗܰܬܽܘ ܡܰܢ ܗܰܬܽܘ!“ 16ܘܩܰܙ݄ܦ ܐܰܥܠܰܝّܶܗ ܗ̄ܽܘ ܓܰܒ̥ܪܰܘܳܐ ܕܟ݄ܬ ܗ̄ܘܰܐ ܐܶܒܶܗ ܪܽܘܚܳܐ ܒܺܝܫܬܳܐ ܘܩܰܕ݄ܪ ܐܰܥܠܰܝّܶܗ، ܘ݄ܬܒ̥ܺܝܪܺܝ ܠܶܗ، ܘܥܰܪܺܝܩܺܝ ܡܽܗ̄ܘ ܒܰܝܬܰܘܳܐ ܡܰܚܝ̈ܶܐ ܘܥܰܪ̈ܝܶܐ (ܕܠܳܐ ܠܒܽܘܫ̈ܶܐ). 17ܘܗܰܬ̥ܶܐ ܗܰܘܝܳܐ ܝܕ̥ܺܝܥܬܳܐ ܠܟܘ̇ܠّܶܗ ܗ̄ܰܝّܽܘܕ̥̈ܳܝܶܐ ܘܰܗ̄ܢ ܐܰܪ̈ܡܳܝܶܐ ܕܳܗ̄ܘ݄ܢ ܗ̄ܘܰܘ̱ ܒܶܐܦܶܣܳܘܣ، ܘܢܰܦܺܝܠܳܐ ܙܽܘܥܬ̥ܳܐ ܥܰܠ ܟܽܘܠّܶܗ. ܘܡܺܝܪܰܡܪܰܡ ܗ̄ܘܰܐ ܐ݄ܫܡܶܗ ܕܡܳܪܰܢ ܝܶܫܽܘܥ ܡܫܺܝܚܳܐ. 18ܘܓ̥ܰܠܰܒܶܐ ܡܰܗ̄ܢܺܝ ܕ݄ܡܗܰܝܡܰܢّܶܗ، ܐܳܬ̥݄ܢ ܗ̄ܘܰܘ̱ ܘ݄ܐܡّܺܪ̱ܝ ܗ̄ܘܰܘ̱ ܗ̄ܰܚ̈ܛܳܗܰܬّ̥ܶܗ ܘܡܰܘܕ݄ܢ ܗ̄ܘܰܘ̱ ܒܽܗ̄ܘ ܡܶܕܶܐ ܕܣܰܝܡܺܝ ܗ̄ܘܰܘ̱. 19ܘܓ̥ܰܠܰܒܶܐ ܚܰܪ̈ܳܫܶܐ ܡܰܠܬܰܡّܶܗ ܗ̄ܰܟܬ̥ܳܒ̥̈ܰܬّ̥ܶܗ ܘܡܰܝܬܰܢّܶܗ ܘܡܰܘܩܕ̥݄ܢّܶܗ ܩ݄ܕ̱ܡ ܟܽܘܠ ܢܳܫܳܐ. ܘ݄ܚܫܽܒّ̥ܶܗ ܗ̄ܽܘ ܛܺܝܡܰܬّ̥ܶܗ ܘܣܰܠ݄ܩ ܗܳܠ ܚܰܡܫܺܝ ܐܰܠܦܳܐ ܙܽܘܙ̈ܶܐ. 20ܘܗܰܘܟ̥ܰܐ، ܒܚܰܝܠܳܐ ܪܰܒܳܐ ܡܺܝܚܰܝܠܳܐ ܗ̄ܘܰܐ ܘܝܳܪܒ̥ܳܐ ܗ̄ܘܰܐ ܗ̄ܺܝ ܗܰܝܡܳܢܽܘܬ̥ܳܐ ܕܰܐܠܳܗܳܐ.
ܫܓ̥ܽܘܫܝܳܐ ܕܰܥّܰܒ̥ܳܕ̈ܶܐ ܕܰܨّܰܠܡ̈ܶܐ
21ܘܺܗ̄ܝ ܢܰܩܠܐ ܕܟܰܡܺܝܠܺܝ ܗܰܢܺܝ، ܦܰܘܠܳܘܣ ܡܰܚܰܬ ܠܶܗ ܒܠܶܒܶܗ ܕܟܳܪ݄ܟ̥ ܒܟܽܘܠܰܗ ܡܰܩܶܕܳܘܢܺܝܰܐ ܘܒܰܐܟ̥ܰܐܝܰܐ ܘܕ݄ܐܙّܶܗ ܠܽܐܘܪܶܫܠܶܡ، ܘܐܡ݄ܪ ܠܶܗ: ”ܡ݄ܐ ܕܰܐܙّܺܝ ܐ̱ܢܳܐ ܠܬܰܡܳܐ، ܟܳܐܒܰܥ ܠܺܝ ܕܪܽܗ̄ܘܡܺܝ ܣܬܶܝ ܚܳܙܶܐ ܐ̱ܢܳܐ.“ 22ܘ݄ܡܫܰܕܰܪ ܠܶܗ ܬܪܶܝ ܡܰܢ̱ ܡܫܰܡܫܳܢ̈ܰܝܕ̥ܶܗ ܠܡܰܩܶܕܳܘܢܺܝܰܐ، ܛܺܝܡܳܬ̥ܶܐܳܘܣ ܘܶܐܪܰܣܛܳܘܣ، ܘܗܺܝّܶܗ ܦܰܝ݄ܫ ܙܰܒܢܳܐ ܒܰܐܣܺܝܰܐ. 23ܘܒܽܗ̄ܘ ܙܰܒܢܰܘܳܐ، ܗܰܘܺܝ ܗ̄ܘܰܐ ܫܓ̥ܽܘܫܝܳܐ ܪܰܒܳܐ ܥܰܠ ܗ̄ܽܘ ܕܰܪܒܳܐ ܕܰܐܠܳܗܳܐ. 24ܘܟ݄ܬ ܗ̄ܘܰܐ ܬܰܡܳܐ ܚܰܕ̱ ܣܰܝܳܡܳܐ ܕܣܶܐܡܳܐ ܐ݄ܫܡܶܗ ܕܺܡܺܝܛܪܺܝܳܘܣ ܗ̄ܘܰܐ ܕܣܳܝܰܡ ܗ̄ܘܰܐ ܗܰܝܟ̈ܠܶܐ ܡܽܗ̄ܘ ܣܶܐܡܳܐ ܠܰܐܪܛܶܡܺܝܣ (ܐܰܠܳܗܬܳܐ)، ܘܪܳܒܰܚ ܗ̄ܘܰܐ ܠܰܥّܰܒ̥ܳܕ̈ܰܝܕ̥ܶܗ ܕܒܽܗ̄ܘ ܥܒ̥ܳܕܰܢܳܐ ܪܒܳܚܳܐ ܪܰܒܳܐ. 25ܗܰܢܳܐ ܡܰܠܬܰܡ ܠܶܗ ܗ̄ܰܥّܰܒ̥ܳܕ̥̈ܰܝܕ̥ܶܗ ܟܽܘܠّܶܗ ܘܠܰܐܝܢܰܐ ܕܥܳܒ̥ܕܺܝ ܗ̄ܘܰܘ̱ ܐܰܥܡܰܝّܶܗ، ܘܐܡ݄ܪ ܠܰܗ ܠّܶܗ: ”ܓܰܒܪ̈ܶܐ، ܟ݄ܐܕ̥ܥܺܝܬܽܘ ܕܺܗ̄ܝ ܬܶܓܽܘܪܬܰܝܕ̥ܰܢ ܟܽܘܠܰܗ ܡܽܗ̄ܘ ܥܒ̥ܳܕܰܢܳܐ ܝܳܐ، 26ܘܗܰܬܽܘ ܣܬܶܝ ܟܫ݄ܡܥܺܝܬܽܘ ܘܚܳܙܺܝܬܽܘ ܠܳܐ ܒܶܐܦܶܣܳܘܣ ܠܚܽܘܕ̥ܰܗ ܐܶܠܳܐ ܒܕ̈ܽܘܟܳܬ̥ܳܐ ܓ̥ܰܠܰܒܶܐ ܕܒܰܐܣܺܝܰܐ ܟܽܘܠܰܗ ܦܰܘܠܳܘܣ ܗܰܢܳܐ ܡܰܘܠܰܦ ܠܶܗ ܘܡܰܕܥܰܪ ܠܶܗ ܘܟܳܐܡ݄ܪ: ܠܰܝ̱ܬ ܢܶܝ ܐܰܠܳܗ̈ܶܐ ܗܰܢܺܝ ܕܡܺܝܣܳܡܺܝ ܒܰܗ̄ܢ ܐܺܝܕ̥̈ܳܬ̥ܶܐ ܕܰܗ̄ܢ ܢܳܫ̈ܶܐ. 27ܘܠܳܐ ܗ̄ܽܘ ܡܶܕܰܢܳܐ ܒܶܠܚܽܘܕ̥ܶܗ ܟܡ݄ܓܠܶܐ ܘܒܳܛ݄ܠ، ܐܶܠܳܐ ܗ̄ܽܘ ܗܰܝܟܠܳܐ ܕܰܐܠܳܗܬܳܐ ܪܰܒܬ̥ܳܐ ܐܰܪܛܶܡܺܝܣ ܣܬܶܝ ܓܡ݄ܚܫܳܒ̥ܳܐ ܐܟ̥ ܕܠܰܝ̱ܬ ܝܳܐ ܡܶܕܶܐ. ܘܗܺܝّܰܗ ܣܬܶܝ ܐܰܠܳܗܬܳܐ ܕܰܐܣܺܝܰܐ ܟܽܘܠܰܗ ܝܳܐ، ܘܟܽܘܠّܶܗ ܗ̄ܰܥّܰܡ̈ܶܐ ܟܣ݄ܓ̥ܕܺܝ ܠܰܗ، ܓܡܺܝܚܰܩܪܳܐ.“
28ܘܺܗ̄ܝ ܢܰܩܠܐ ܕܫܰܡܺܝܥܺܝ ܗܰܢܺܝ، ܡܠ݄ܢ ܪܽܘܓ̥ܙܳܐ، ܘܡܰܙܥܩܺܝ ܗ̄ܘܰܘ̱ ܘ݄ܐܡّܺܪ̱ܝ ܗ̄ܘܰܘ̱: ”ܪܰܒܬ̥ܳܐ ܝܳܐ ܐܰܪܛܶܡܺܝܣ ܕܰܗ̄ܢ ܐܶܦܶܣܳܝ̈ܶܐ!“ 29ܘ݄ܫܓ̥ܺܝܫܳܐ ܗ̄ܺܝ ܡܕ̥ܺܝܢ̱ܬܳܐ ܟܽܘܠܰܗ، ܘܟܽܘܠّܶܗ ܐܰܙّ݄ܢ ܪܰܗܺܝܛܺܝ ܠܽܗ̄ܘ ܒܶܝܬ̥ ܫܶܥܝܳܐ ܘ݄ܢܬ݄ܫّܶܗ ܡܰܘܒܰܠّܶܗ ܐܰܥܡܰܝّܶܗ ܗ̄ܰܚّܰܒ̥ܪ̈ܳܢܶܐ ܕܦܰܘܠܳܘܣ، ܓܰܐܝܳܘܣ ܘܰܐܪܺܣܛܰܪܟ̥ܳܘܣ، ܕܟ݄ܬ ܗ̄ܘܰܝܢܶܝ ܓܰܒܪ̈ܶܐ ܡܰܩܶܕܳܘܢܳܝ̈ܶܐ. 30ܘܳܐܒܰܥ ܗ̄ܘܰܐ ܦܰܘܠܳܘܣ ܕܥܳܒ݄ܪ ܠܽܗ̄ܘ ܒܶܝܬ̥ ܫܶܥܝܳܐ، ܐܶܠܳܐ ܗ̄ܰܬّܰܠܡܺܝܕ̥̈ܶܐ ܡܰܟܠܰܠّܶܗ. 31ܗܳܠ ܠܰܪّܺܝܫܳܢ̈ܶܐ ܕܰܐܣܺܝܰܐ، ܡܺܐܝܕ̥ܶܗ ܕܟ݄ܬ ܗ̄ܘܰܝܢܶܝ ܗ̄ܰܪّܳܚ̈ܡܰܝܕ̥ܶܗ، ܡܫܰܕܰܪّܶܗ ܐܰܒܺܝܥܺܝ ܡܶܢܶܗ ܕܠ݄ܐ ܐܙّܶܗ ܥܳܒ݄ܪ ܠܽܗ̄ܘ ܒܶܝܬ̥ ܫܶܥܝܳܐ. 32ܘܰܗ̄ܢ ܢܳܫ̈ܶܐ ܕܠܰܬܺܝܡܺܝ ܒܽܗ̄ܘ ܒܶܝܬ̥ ܫܶܥܝܳܐ ܓ̥ܰܠܰܒܶܐ ܫܓ̥ܺܝܫ̈ܶܐ ܗ̄ܘܰܝܢܶܝ: ܗ݄ܢ ܐ݄ܡّܺܪ̱ܝ ܗ̄ܘܰܘ̱ ܡܶܕܶܐ، ܘܗ݄ܢ ܡܰܙܥܩܺܝ ܗ̄ܘܰܘ̱ ܡܶܕܶܐ ܚܪܶܢܳܐ، ܡܺܐܝܕ̥ܶܗ ܕܓ̥ܰܠܰܒܶܐ ܡ݄ܢّܶܗ ܠ݄ܐ ܐܕ̥ܥܺܝ ܗ̄ܘܰܘ̱ ܠܡ݄ܢ ܠܰܬܺܝܡܺܝ. 33ܘܽܗ̄ܘ ܥܰܡܳܐ ܝܽܘܕ̥ܳܝܳܐ ܕܟ݄ܬ ܗ̄ܘܰܐ ܬܰܡܳܐ ܡܰܩ݄ܡّܶܗ ܠܚܰܕ̱ ܡ݄ܢّܶܗ ܓܰܒ̥ܪܳܐ ܝܽܘܕ̥ܳܝܳܐ ܕ݄ܐܫܡܶܗ ܐܰܠܶܟܣܰܢܕܪܳܘܣ. ܘܩܰܝ݄ܡ ܪܡ݄ܙ ܠܶܗ ܒܺܐܝܕ̥ܶܗ ܘܰܐܒ݄ܥ ܕܣܳܝ݄ܡ ܡܰܦܬܰܚ ܦܶܡܳܐ ܩ݄ܕ̱ܡ ܗ̄ܽܘ ܥܰܡܳܐ. 34ܘܺܗ̄ܝ ܢܰܩܠܐ ܕܰܐܕ̥ܺܝܥܺܝ ܕܟ݄ܬ ܝܳܐ ܝܽܘܕ̥ܳܝܳܐ، ܡܰܙܥܰܩّܶܗ ܟܽܘܠّܶܗ ܒܚܰܕ̱ ܩܳܠܳܐ ܗܳܠ ܠܬܰܪܬܶܝ ܫܳܥ̈ܶܐ: ”ܪܰܒܬ̥ܳܐ ܝܳܐ ܐܰܪܛܶܡܺܝܣ ܕܰܗ̄ܢ ܐܶܦܶܣܳܝ̈ܶܐ.“ 35ܘܽܗ̄ܘ ܪܺܝܫܳܐ ܕܺܗ̄ܝ ܡܕ̥ܺܝܢ̱ܬܳܐ ܡܰܟܠܺܝ ܠܶܗ ܘܐܡ݄ܪ ܠܶܗ: ”ܝܰܐ ܓܰܒܪ̈ܶܐ ܐܶܦܶܣܳܝ̈ܶܐ، ܡܰܢܝܳܐ ܡܰܗ̄ܢ ܢܳܫ̈ܶܐ ܕܠ݄ܐ ܟܳܐܕ̥݄ܥ ܠܺܗ̄ܝ ܡܕ̥ܺܝܢ̱ܬܳܐ ܕܰܗ̄ܢ ܐܶܦܶܣܳܝ̈ܶܐ ܢܳܛܽܘܪܬܳܐ ܝܳܐ ܠܽܗ̄ܘ ܗܰܝܟܠܳܐ ܕܰܐܪܛܶܡܺܝܣ ܪܰܒܬ̥ܳܐ ܘܠܽܗ̄ܘ ܨܰܠܡܰܝܕ̥ܰܗ ܕܢܰܚ݄ܬ ܡܺܗ̄ܝ ܫܡܰܝܳܐ. 36ܡܰܗ̄ܘܟ̥ܰܐ، ܡܩܰܒ݄ܠ ܕܰܗ̄ܬ̥ܶܐ ܢܳܫܳܐ ܠܰܝܒܶܗ ܡ݄ܫܓ̥݄ܠ. ܘ݄ܟܠܳܙ݄ܡ ܕܫܳܠܺܝܬܽܘ ܘܠܳܐ ܣܰܝܡܺܝܬܽܘ ܡܶܕܶܐ ܒܣܽܘܪܗܳܒܳܐ. 37ܥܰܠ ܕܡܰܡܛܰܠܟ̥ܽܘ ܗ̄ܰܓّܰܒ̥ܪ̈ܰܢܺܝ، ܠܳܐ ܗܰܝܟ̈ܠܶܐ ܓܢܽܒّ̥ܶܗ ܘܠܳܐ ܡܨܰܥܰܪّܶܗ ܠܺܗ̄ܝ ܐܰܠܳܗܬܰܝܕ̥ܰܢ. 38ܘܶܐܢ ܗܰܢܳܐ ܕܺܡܺܝܛܪܺܝܳܘܣ ܘܰܚّܰܒ̥ܪ̈ܳܢܶܐ ܕܽܗ̄ܘ ܥܒ̥ܳܕܰܝܕ̥ܶܗ ܟ݄ܬّܶܗ ܕܺܝܢܳܐ ܥܰܡ ܢܳܫܳܐ، ܟܰܐܠܶܗ ܗ̄ܽܘ ܫܰܠܺܝܛܳܐ ܒܺܗ̄ܝ ܡܕ̥ܺܝܢ̱ܬܳܐ، ܘܡܳܪ̈ܶܐ ܕܫܽܘܓ̥ܠܳܢ̈ܶܐ ܢܶܝ، ܛܪܳܐ ܡܩܰܕܡܺܝ ܘܕܰܝܢܺܝ ܚܰܕ̱ ܥܰܡ ܚܰܕ̱. 39ܘܶܐܢ ܡܶܕܶܐ ܚܪܶܢܳܐ ܟ݄ܐܒܥܺܝܬܽܘ، ܒܺܗ̄ܝ ܕܽܘܟܬ̥ܳܐ ܕܗܺܝܒ̥ܳܐ ܡܽܗ̄ܘ ܢܳܡܽܘܣܳܐ ܠ݄ܟܢܽܘܫܝܳܐ ܓܡ݄ܫܪܶܐ. 40ܥܰܠ ܕܳܐܥܕܳܐ ܣܬܶܝ ܒܩܶܢܛܳܐ (ܙܽܘܥܬ̥ܳܐ) ܟܩܰܝܡܺܝܢܰܐ، ܓܕ݄ܐܡّܺܪ̱ܝ ܐܰܥܠܰܢ ܕܣ݄ܡ ܠܰܢ ܫܓ̥ܽܘܫܝܳܐ، ܘܠ݄ܐ ܟܳܗ̄ܘܶܐ ܠܰܢ ܡܰܦܬܰܚ ܦܶܡܳܐ ܕ݄ܠܡ݄ܢ ܠܰܬܺܝܡܺܝܢܰܐ ܐܰܕܝܰܘܡܰܐ ܥܰܠ ܡܶܕܶܐ ܒܰܛܺܝܠܳܐ ܘܣ݄ܡ ܠܰܢ ܫܓ̥ܽܘܫܝܳܐ ܕܠܳܐ ܥܶܠܬ̥ܳܐ.“ 41ܘܒ݄ܬ̥݄ܪ ܕܐܡ݄ܪ ܠܶܗ ܗܰܢܺܝ، ܫܪܶܐ ܠܶܗ ܠܽܗ̄ܘ ܟܶܢܫܳܐ.
Právě zvoleno:
ܥܒܳܕ̥̈ܶܐ ܕܰܫܠܺܝܚ̈ܶܐ 19: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܥܒܳܕ̥̈ܶܐ ܕܰܫܠܺܝܚ̈ܶܐ 19
19
ܦܰܘܠܳܘܣ ܒܶܐܦܶܣܳܘܣ
1ܘܺܗ̄ܝ ܢܰܩܠܐ ܕܟ݄ܬ ܗ̄ܘܰܐ ܐܰܦ̊ܳܠܳܘ ܒܩܳܘܪܺܢܬ̥ܳܘܣ، ܦܰܘܠܳܘܣ ܟܳܪܰܟ̥ ܗ̄ܘܰܐ ܒܰܗ̄ܢ ܐܰܬ̥ܪ̈ܰܘܳܬ̥ܳܐ ܥܶܠܳܝ̈ܶܐ ܘܰܐܬ̥ܺܝ ܠܶܐܦܶܣܳܘܣ. ܘ݄ܡܫܰܐܰܠ ܗ̄ܘܰܐ ܠܰܬّܰܠܡܺܝܕ̥̈ܶܐ ܕ݄ܚܙܶܐ ܠܶܗ ܬܰܡܳܐ: 2”ܐܶܢ ܡܰܩܒܰܠܟ̥ܽܘ ܪܽܘܚܳܐ ܕܩܽܘܕܫܳܐ ܡܺܗ̄ܝ ܢܰܩܠܐ ܕ݄ܡܗܰܝܡܰܢܟ̥ܽܘ؟“ ܡܰܕܥܰܪّܶܗ ܘܐܡ݄ܪّܰܗ ܠّܶܗ: ”ܘܠܳܐ ܫܰܡܺܝܥܺܝܢܰܐ ܕܟܺܝܬ ܪܽܘܚܳܐ ܕܩܽܘܕܫܳܐ.“ 3ܘܐܡ݄ܪ ܠܰܗ ܠّܶܗ: ”ܘ݄ܒܡ݄ܢ ܥܰܡܺܝܕ̥ܺܝܬܽܘ؟“ ܐܡ݄ܪّܶܗ: ”ܒܺܗ̄ܝ ܡܰܥܡܽܘܕ̥ܺܝܬ̥ܳܐ ܕܝܽܘܚܰܢܳܢ.“ 4ܐܡ݄ܪ ܠܰܗ ܠّܶܗ ܦܰܘܠܳܘܣ: ”ܝܽܘܚܰܢܳܢ ܡܰܥܡܰܕ̥ ܠܶܗ ܠܽܗ̄ܘ ܥܰܡܳܐ ܡܰܥܡܽܘܕ̥ܺܝܬ̥ܳܐ ܕܺܗ̄ܝ ܬܝܳܒܽܘܬ̥ܳܐ، ܘܳܐܡܰܪ ܗ̄ܘܰܐ (ܠܰܗ̄ܢ ܢܳܫ̈ܶܐ) ܕ݄ܡܗܰܝܡܢܺܝ ܒܰܗ̄ܢܳܐ ܕܳܐܬ̥ܶܐ ܒ݄ܬ̥ܪܶܗ ܕܟ݄ܬ ܝܳܐ ܝܶܫܽܘܥ ܡܫܺܝܚܳܐ.“ 5ܘܺܗ̄ܝ ܢܰܩܠܐ ܕܗܰܢܺܝ ܫܰܡܺܝܥܺܝ، ܥܰܡܺܝܕ̥ܺܝ ܒ݄ܐܫܡܶܗ ܕܡܳܪܰܢ ܝܶܫܽܘܥ ܡܫܺܝܚܳܐ. 6ܘܦܰܘܠܳܘܣ ܡܰܚܰܬ ܠܶܗ ܐܰܥܠܰܝّܶܗ ܐܺܝܕ̥ܳܐ، ܘܰܐܬ̥ܺܝ ܪܽܘܚܳܐ ܕܩܽܘܕܫܳܐ ܐܰܥܠܰܝّܶܗ، ܘܡ݄ܫܓ̥ܳܠܺܝ ܗ̄ܘܰܘ̱ ܒܠܶܫܳܢܳܐ ܠܶܫܳܢܳܐ ܘܡ݄ܬܢܰܒ݄ܢ ܗ̄ܘܰܘ̱. 7ܘܗܳܘ݄ܢ ܗ̄ܘܰܘ̱ ܟܽܘܠّܶܗ ܬܪܰܥܣܰܪ ܢܳܫ̈ܶܐ.
ܦܰܘܠܳܘܣ ܟܡܰܘܠ݄ܦ ܒܶܐܦܶܣܳܘܣ
8ܘܥܰܒ݄ܪ ܗ̄ܘܰܐ ܦܰܘܠܳܘܣ ܠܺܗ̄ܝ ܟ̥ܢܽܘܫܬܳܐ، ܘܡ݄ܫܓ̥ܰܠ ܗ̄ܘܰܐ ܒܓܰܠܝܳܐ ܬܠܳܬ̥ܳܐ ܝܰܪ̈ܚܶܐ، ܘܡܰܘܕ̥ܰܥ ܗ̄ܘܰܐ ܠّܶܗ ܥܰܠ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ. 9ܘܗ݄ܢ ܡ݄ܢّܶܗ ܗܳܘ݄ܢ ܗ̄ܘܰܘ̱ ܩܰܫܝ̈ܶܐ ܐܰܥܠܶܗ ܘ݄ܡܥܰܢܬܺܝ ܗ̄ܘܰܘ̱ ܘ݄ܡܨܰܥܪܺܝ ܗ̄ܘܰܘ̱ ܠܽܗ̄ܘ ܕܰܪܒܳܐ ܕܰܐܠܳܗܳܐ ܩ݄ܕ̱ܡ ܗ̄ܰܢ ܢܳܫ̈ܶܐ ܕܰܥّܰܡ̈ܶܐ. ܗ̄ܺܝ ܢܰܩܠܝܳܐ، ܪܰܚ݄ܩ ܦܰܘܠܳܘܣ ܘ݄ܦܪ݄ܫ ܠܶܗ ܡ݄ܢّܶܗ ܠܰܬّܰܠܡܺܝܕ̥̈ܶܐ، ܘܟܽܘܠ ܝܰܘܡܳܐ ܡ݄ܫܓ̥ܰܠ ܗ̄ܘܰܐ ܐܰܥܡܰܝّܶܗ ܒܺܗ̄ܝ ܡܰܕܪܰܫܬܳܐ ܕܚܰܕ̱ ܓܰܒ̥ܪܳܐ ܐ݄ܫܡܶܗ ܛܽܘܪܰܢܳܘܣ. 10ܘܗܰܬ̥ܶܐ ܗܰܘܝܳܐ ܠܬܰܪܬܶܝ ܐ݄ܫܢ̈ܶܐ ܗܳܠ ܕܫܰܡܺܝܥܺܝ ܠܺܗ̄ܝ ܡܶܠܬ̥ܳܐ ܕܡܳܪܝܳܐ ܟܽܘܠّܶܗ ܕܟܳܥܳܡܪܺܝ ܒܰܐܣܺܝܰܐ: ܝܽܘܕ̥̈ܳܝܶܐ ܘܰܐܪ̈ܡܳܝܶܐ.
11ܘܰܐܠܳܗܳܐ ܣܳܝܰܡ ܗ̄ܘܰܐ ܚ̈ܰܝܠܶܐ ܪ̈ܰܒܶܐ ܒܺܐܝܕ̥ܶܗ ܕܦܰܘܠܳܘܣ. 12ܘܗܰܘܟ̥ܰܐ ܗܳܠ ܕܡܰܢ̱ ܠܒܽܘܫ̈ܶܐ ܕܥܰܠ ܓܽܘܫܡܶܗ، ܡܰܢܕ̈ܺܝܠܶܐ ܐܰܘ ܪ̈ܽܘܩܥܶܐ، ܡܰܝܬ݄ܢ ܗ̄ܘܰܘ̱ ܘܡܰܚܬܺܝ ܗ̄ܘܰܘ̱ ܥܰܠ ܗ̄ܰܟّܰܐܺܝܒ̥̈ܶܐ، ܘ݄ܐܙّ݄ܢ ܗ̄ܘܰܘ̱ ܗ̄ܰܟّܶܐܒ̥̈ܶܐ ܡ݄ܢّܶܗ، ܘܰܫّܺܐܕ̈ܶܐ ܣܬܶܝ ܢܳܦܩܺܝ ܗ̄ܘܰܘ̱.
ܣܩܶܘܰܐ ܘܰܗ̄ܢ ܐܰܒܢ̈ܰܝܕ̥ܶܗ ܗ̄ܰܫّܰܒ̥ܥܳܐ ܚܰܪ̈ܳܫܶܐ
13ܘܗ݄ܢ ܡܰܢ̱ ܝّܽܘܕ̥̈ܳܝܶܐ ܕܟܳܪܟ̥ܺܝ ܗ̄ܘܰܘ̱ ܘܡܰܘܡ݄ܢ ܗ̄ܘܰܘ̱ ܥܰܠ ܗ̄ܰܫّܺܐܕ̈ܶܐ (ܠܰܫܰܢ ܕܢܳܦܩܺܝ)، ܗ݄ܢّܶܝ ܣܬܶܝ ܐܰܒܺܝܥܺܝ ܕܡܰܘܡ݄ܢ ܒ݄ܐܫܡܶܗ ܕܡܳܪܰܢ ܝܶܫܽܘܥ ܥܰܠ ܗܰܢܺܝ ܕܟ݄ܬ ܗ̄ܘܰܘ̱ ܠّܶܗ ܪ̈ܽܘܚܶܐ ܒܺܝܫ̈ܳܬ̥ܳܐ، ܘ݄ܐܡّܺܪ̱ܝ ܗ̄ܘܰܘ̱: ”ܟܡܰܘܡܺܝܢܰܢܟ̥ܽܘ ܒ݄ܐܫܡܶܗ ܕܝܶܫܽܘܥ ܗܰܢܳܐ ܕ݄ܟܟܳܪ݄ܙ ܦܰܘܠܳܘܣ.“ 14ܘܟ݄ܬ ܗ̄ܘܰܐ ܫܰܒ̥ܥܳܐ ܐܰܒܢ̈ܶܐ ܕܚܰܕ̱ ܓܰܒ̥ܪܳܐ ܝܽܘܕ̥ܳܝܳܐ، ܪܰܒܳܐ ܕܰܟّܳܗ̈ܢܶܐ ܕ݄ܐܫܡܶܗ ܣܩܶܘܰܐ، ܣܰܝܡܺܝ ܗ̄ܘܰܘ̱ ܗܰܬ̥ܶܐ. 15ܘܡܰܕܥܰܪ ܠܶܗ ܗ̄ܽܘ ܫܺܐܕܰܘܳܐ ܗ̄ܽܘ ܒܺܝܫܳܐ ܘܐܡ݄ܪ ܠܰܗ ܠّܶܗ: ”ܟܳܐܕ̥ܰܥ ܐ̱ܢܳܐ ܠܶܗ ܠܝܶܫܽܘܥ، ܘܟܳܐܕ̥ܰܥ ܐ̱ܢܳܐ ܣܬܶܝ ܠܦܰܘܠܳܘܣ، ܐܶܠܳܐ ܗܰܬܽܘ ܡܰܢ ܗܰܬܽܘ!“ 16ܘܩܰܙ݄ܦ ܐܰܥܠܰܝّܶܗ ܗ̄ܽܘ ܓܰܒ̥ܪܰܘܳܐ ܕܟ݄ܬ ܗ̄ܘܰܐ ܐܶܒܶܗ ܪܽܘܚܳܐ ܒܺܝܫܬܳܐ ܘܩܰܕ݄ܪ ܐܰܥܠܰܝّܶܗ، ܘ݄ܬܒ̥ܺܝܪܺܝ ܠܶܗ، ܘܥܰܪܺܝܩܺܝ ܡܽܗ̄ܘ ܒܰܝܬܰܘܳܐ ܡܰܚܝ̈ܶܐ ܘܥܰܪ̈ܝܶܐ (ܕܠܳܐ ܠܒܽܘܫ̈ܶܐ). 17ܘܗܰܬ̥ܶܐ ܗܰܘܝܳܐ ܝܕ̥ܺܝܥܬܳܐ ܠܟܘ̇ܠّܶܗ ܗ̄ܰܝّܽܘܕ̥̈ܳܝܶܐ ܘܰܗ̄ܢ ܐܰܪ̈ܡܳܝܶܐ ܕܳܗ̄ܘ݄ܢ ܗ̄ܘܰܘ̱ ܒܶܐܦܶܣܳܘܣ، ܘܢܰܦܺܝܠܳܐ ܙܽܘܥܬ̥ܳܐ ܥܰܠ ܟܽܘܠّܶܗ. ܘܡܺܝܪܰܡܪܰܡ ܗ̄ܘܰܐ ܐ݄ܫܡܶܗ ܕܡܳܪܰܢ ܝܶܫܽܘܥ ܡܫܺܝܚܳܐ. 18ܘܓ̥ܰܠܰܒܶܐ ܡܰܗ̄ܢܺܝ ܕ݄ܡܗܰܝܡܰܢّܶܗ، ܐܳܬ̥݄ܢ ܗ̄ܘܰܘ̱ ܘ݄ܐܡّܺܪ̱ܝ ܗ̄ܘܰܘ̱ ܗ̄ܰܚ̈ܛܳܗܰܬّ̥ܶܗ ܘܡܰܘܕ݄ܢ ܗ̄ܘܰܘ̱ ܒܽܗ̄ܘ ܡܶܕܶܐ ܕܣܰܝܡܺܝ ܗ̄ܘܰܘ̱. 19ܘܓ̥ܰܠܰܒܶܐ ܚܰܪ̈ܳܫܶܐ ܡܰܠܬܰܡّܶܗ ܗ̄ܰܟܬ̥ܳܒ̥̈ܰܬّ̥ܶܗ ܘܡܰܝܬܰܢّܶܗ ܘܡܰܘܩܕ̥݄ܢّܶܗ ܩ݄ܕ̱ܡ ܟܽܘܠ ܢܳܫܳܐ. ܘ݄ܚܫܽܒّ̥ܶܗ ܗ̄ܽܘ ܛܺܝܡܰܬّ̥ܶܗ ܘܣܰܠ݄ܩ ܗܳܠ ܚܰܡܫܺܝ ܐܰܠܦܳܐ ܙܽܘܙ̈ܶܐ. 20ܘܗܰܘܟ̥ܰܐ، ܒܚܰܝܠܳܐ ܪܰܒܳܐ ܡܺܝܚܰܝܠܳܐ ܗ̄ܘܰܐ ܘܝܳܪܒ̥ܳܐ ܗ̄ܘܰܐ ܗ̄ܺܝ ܗܰܝܡܳܢܽܘܬ̥ܳܐ ܕܰܐܠܳܗܳܐ.
ܫܓ̥ܽܘܫܝܳܐ ܕܰܥّܰܒ̥ܳܕ̈ܶܐ ܕܰܨّܰܠܡ̈ܶܐ
21ܘܺܗ̄ܝ ܢܰܩܠܐ ܕܟܰܡܺܝܠܺܝ ܗܰܢܺܝ، ܦܰܘܠܳܘܣ ܡܰܚܰܬ ܠܶܗ ܒܠܶܒܶܗ ܕܟܳܪ݄ܟ̥ ܒܟܽܘܠܰܗ ܡܰܩܶܕܳܘܢܺܝܰܐ ܘܒܰܐܟ̥ܰܐܝܰܐ ܘܕ݄ܐܙّܶܗ ܠܽܐܘܪܶܫܠܶܡ، ܘܐܡ݄ܪ ܠܶܗ: ”ܡ݄ܐ ܕܰܐܙّܺܝ ܐ̱ܢܳܐ ܠܬܰܡܳܐ، ܟܳܐܒܰܥ ܠܺܝ ܕܪܽܗ̄ܘܡܺܝ ܣܬܶܝ ܚܳܙܶܐ ܐ̱ܢܳܐ.“ 22ܘ݄ܡܫܰܕܰܪ ܠܶܗ ܬܪܶܝ ܡܰܢ̱ ܡܫܰܡܫܳܢ̈ܰܝܕ̥ܶܗ ܠܡܰܩܶܕܳܘܢܺܝܰܐ، ܛܺܝܡܳܬ̥ܶܐܳܘܣ ܘܶܐܪܰܣܛܳܘܣ، ܘܗܺܝّܶܗ ܦܰܝ݄ܫ ܙܰܒܢܳܐ ܒܰܐܣܺܝܰܐ. 23ܘܒܽܗ̄ܘ ܙܰܒܢܰܘܳܐ، ܗܰܘܺܝ ܗ̄ܘܰܐ ܫܓ̥ܽܘܫܝܳܐ ܪܰܒܳܐ ܥܰܠ ܗ̄ܽܘ ܕܰܪܒܳܐ ܕܰܐܠܳܗܳܐ. 24ܘܟ݄ܬ ܗ̄ܘܰܐ ܬܰܡܳܐ ܚܰܕ̱ ܣܰܝܳܡܳܐ ܕܣܶܐܡܳܐ ܐ݄ܫܡܶܗ ܕܺܡܺܝܛܪܺܝܳܘܣ ܗ̄ܘܰܐ ܕܣܳܝܰܡ ܗ̄ܘܰܐ ܗܰܝܟ̈ܠܶܐ ܡܽܗ̄ܘ ܣܶܐܡܳܐ ܠܰܐܪܛܶܡܺܝܣ (ܐܰܠܳܗܬܳܐ)، ܘܪܳܒܰܚ ܗ̄ܘܰܐ ܠܰܥّܰܒ̥ܳܕ̈ܰܝܕ̥ܶܗ ܕܒܽܗ̄ܘ ܥܒ̥ܳܕܰܢܳܐ ܪܒܳܚܳܐ ܪܰܒܳܐ. 25ܗܰܢܳܐ ܡܰܠܬܰܡ ܠܶܗ ܗ̄ܰܥّܰܒ̥ܳܕ̥̈ܰܝܕ̥ܶܗ ܟܽܘܠّܶܗ ܘܠܰܐܝܢܰܐ ܕܥܳܒ̥ܕܺܝ ܗ̄ܘܰܘ̱ ܐܰܥܡܰܝّܶܗ، ܘܐܡ݄ܪ ܠܰܗ ܠّܶܗ: ”ܓܰܒܪ̈ܶܐ، ܟ݄ܐܕ̥ܥܺܝܬܽܘ ܕܺܗ̄ܝ ܬܶܓܽܘܪܬܰܝܕ̥ܰܢ ܟܽܘܠܰܗ ܡܽܗ̄ܘ ܥܒ̥ܳܕܰܢܳܐ ܝܳܐ، 26ܘܗܰܬܽܘ ܣܬܶܝ ܟܫ݄ܡܥܺܝܬܽܘ ܘܚܳܙܺܝܬܽܘ ܠܳܐ ܒܶܐܦܶܣܳܘܣ ܠܚܽܘܕ̥ܰܗ ܐܶܠܳܐ ܒܕ̈ܽܘܟܳܬ̥ܳܐ ܓ̥ܰܠܰܒܶܐ ܕܒܰܐܣܺܝܰܐ ܟܽܘܠܰܗ ܦܰܘܠܳܘܣ ܗܰܢܳܐ ܡܰܘܠܰܦ ܠܶܗ ܘܡܰܕܥܰܪ ܠܶܗ ܘܟܳܐܡ݄ܪ: ܠܰܝ̱ܬ ܢܶܝ ܐܰܠܳܗ̈ܶܐ ܗܰܢܺܝ ܕܡܺܝܣܳܡܺܝ ܒܰܗ̄ܢ ܐܺܝܕ̥̈ܳܬ̥ܶܐ ܕܰܗ̄ܢ ܢܳܫ̈ܶܐ. 27ܘܠܳܐ ܗ̄ܽܘ ܡܶܕܰܢܳܐ ܒܶܠܚܽܘܕ̥ܶܗ ܟܡ݄ܓܠܶܐ ܘܒܳܛ݄ܠ، ܐܶܠܳܐ ܗ̄ܽܘ ܗܰܝܟܠܳܐ ܕܰܐܠܳܗܬܳܐ ܪܰܒܬ̥ܳܐ ܐܰܪܛܶܡܺܝܣ ܣܬܶܝ ܓܡ݄ܚܫܳܒ̥ܳܐ ܐܟ̥ ܕܠܰܝ̱ܬ ܝܳܐ ܡܶܕܶܐ. ܘܗܺܝّܰܗ ܣܬܶܝ ܐܰܠܳܗܬܳܐ ܕܰܐܣܺܝܰܐ ܟܽܘܠܰܗ ܝܳܐ، ܘܟܽܘܠّܶܗ ܗ̄ܰܥّܰܡ̈ܶܐ ܟܣ݄ܓ̥ܕܺܝ ܠܰܗ، ܓܡܺܝܚܰܩܪܳܐ.“
28ܘܺܗ̄ܝ ܢܰܩܠܐ ܕܫܰܡܺܝܥܺܝ ܗܰܢܺܝ، ܡܠ݄ܢ ܪܽܘܓ̥ܙܳܐ، ܘܡܰܙܥܩܺܝ ܗ̄ܘܰܘ̱ ܘ݄ܐܡّܺܪ̱ܝ ܗ̄ܘܰܘ̱: ”ܪܰܒܬ̥ܳܐ ܝܳܐ ܐܰܪܛܶܡܺܝܣ ܕܰܗ̄ܢ ܐܶܦܶܣܳܝ̈ܶܐ!“ 29ܘ݄ܫܓ̥ܺܝܫܳܐ ܗ̄ܺܝ ܡܕ̥ܺܝܢ̱ܬܳܐ ܟܽܘܠܰܗ، ܘܟܽܘܠّܶܗ ܐܰܙّ݄ܢ ܪܰܗܺܝܛܺܝ ܠܽܗ̄ܘ ܒܶܝܬ̥ ܫܶܥܝܳܐ ܘ݄ܢܬ݄ܫّܶܗ ܡܰܘܒܰܠّܶܗ ܐܰܥܡܰܝّܶܗ ܗ̄ܰܚّܰܒ̥ܪ̈ܳܢܶܐ ܕܦܰܘܠܳܘܣ، ܓܰܐܝܳܘܣ ܘܰܐܪܺܣܛܰܪܟ̥ܳܘܣ، ܕܟ݄ܬ ܗ̄ܘܰܝܢܶܝ ܓܰܒܪ̈ܶܐ ܡܰܩܶܕܳܘܢܳܝ̈ܶܐ. 30ܘܳܐܒܰܥ ܗ̄ܘܰܐ ܦܰܘܠܳܘܣ ܕܥܳܒ݄ܪ ܠܽܗ̄ܘ ܒܶܝܬ̥ ܫܶܥܝܳܐ، ܐܶܠܳܐ ܗ̄ܰܬّܰܠܡܺܝܕ̥̈ܶܐ ܡܰܟܠܰܠّܶܗ. 31ܗܳܠ ܠܰܪّܺܝܫܳܢ̈ܶܐ ܕܰܐܣܺܝܰܐ، ܡܺܐܝܕ̥ܶܗ ܕܟ݄ܬ ܗ̄ܘܰܝܢܶܝ ܗ̄ܰܪّܳܚ̈ܡܰܝܕ̥ܶܗ، ܡܫܰܕܰܪّܶܗ ܐܰܒܺܝܥܺܝ ܡܶܢܶܗ ܕܠ݄ܐ ܐܙّܶܗ ܥܳܒ݄ܪ ܠܽܗ̄ܘ ܒܶܝܬ̥ ܫܶܥܝܳܐ. 32ܘܰܗ̄ܢ ܢܳܫ̈ܶܐ ܕܠܰܬܺܝܡܺܝ ܒܽܗ̄ܘ ܒܶܝܬ̥ ܫܶܥܝܳܐ ܓ̥ܰܠܰܒܶܐ ܫܓ̥ܺܝܫ̈ܶܐ ܗ̄ܘܰܝܢܶܝ: ܗ݄ܢ ܐ݄ܡّܺܪ̱ܝ ܗ̄ܘܰܘ̱ ܡܶܕܶܐ، ܘܗ݄ܢ ܡܰܙܥܩܺܝ ܗ̄ܘܰܘ̱ ܡܶܕܶܐ ܚܪܶܢܳܐ، ܡܺܐܝܕ̥ܶܗ ܕܓ̥ܰܠܰܒܶܐ ܡ݄ܢّܶܗ ܠ݄ܐ ܐܕ̥ܥܺܝ ܗ̄ܘܰܘ̱ ܠܡ݄ܢ ܠܰܬܺܝܡܺܝ. 33ܘܽܗ̄ܘ ܥܰܡܳܐ ܝܽܘܕ̥ܳܝܳܐ ܕܟ݄ܬ ܗ̄ܘܰܐ ܬܰܡܳܐ ܡܰܩ݄ܡّܶܗ ܠܚܰܕ̱ ܡ݄ܢّܶܗ ܓܰܒ̥ܪܳܐ ܝܽܘܕ̥ܳܝܳܐ ܕ݄ܐܫܡܶܗ ܐܰܠܶܟܣܰܢܕܪܳܘܣ. ܘܩܰܝ݄ܡ ܪܡ݄ܙ ܠܶܗ ܒܺܐܝܕ̥ܶܗ ܘܰܐܒ݄ܥ ܕܣܳܝ݄ܡ ܡܰܦܬܰܚ ܦܶܡܳܐ ܩ݄ܕ̱ܡ ܗ̄ܽܘ ܥܰܡܳܐ. 34ܘܺܗ̄ܝ ܢܰܩܠܐ ܕܰܐܕ̥ܺܝܥܺܝ ܕܟ݄ܬ ܝܳܐ ܝܽܘܕ̥ܳܝܳܐ، ܡܰܙܥܰܩّܶܗ ܟܽܘܠّܶܗ ܒܚܰܕ̱ ܩܳܠܳܐ ܗܳܠ ܠܬܰܪܬܶܝ ܫܳܥ̈ܶܐ: ”ܪܰܒܬ̥ܳܐ ܝܳܐ ܐܰܪܛܶܡܺܝܣ ܕܰܗ̄ܢ ܐܶܦܶܣܳܝ̈ܶܐ.“ 35ܘܽܗ̄ܘ ܪܺܝܫܳܐ ܕܺܗ̄ܝ ܡܕ̥ܺܝܢ̱ܬܳܐ ܡܰܟܠܺܝ ܠܶܗ ܘܐܡ݄ܪ ܠܶܗ: ”ܝܰܐ ܓܰܒܪ̈ܶܐ ܐܶܦܶܣܳܝ̈ܶܐ، ܡܰܢܝܳܐ ܡܰܗ̄ܢ ܢܳܫ̈ܶܐ ܕܠ݄ܐ ܟܳܐܕ̥݄ܥ ܠܺܗ̄ܝ ܡܕ̥ܺܝܢ̱ܬܳܐ ܕܰܗ̄ܢ ܐܶܦܶܣܳܝ̈ܶܐ ܢܳܛܽܘܪܬܳܐ ܝܳܐ ܠܽܗ̄ܘ ܗܰܝܟܠܳܐ ܕܰܐܪܛܶܡܺܝܣ ܪܰܒܬ̥ܳܐ ܘܠܽܗ̄ܘ ܨܰܠܡܰܝܕ̥ܰܗ ܕܢܰܚ݄ܬ ܡܺܗ̄ܝ ܫܡܰܝܳܐ. 36ܡܰܗ̄ܘܟ̥ܰܐ، ܡܩܰܒ݄ܠ ܕܰܗ̄ܬ̥ܶܐ ܢܳܫܳܐ ܠܰܝܒܶܗ ܡ݄ܫܓ̥݄ܠ. ܘ݄ܟܠܳܙ݄ܡ ܕܫܳܠܺܝܬܽܘ ܘܠܳܐ ܣܰܝܡܺܝܬܽܘ ܡܶܕܶܐ ܒܣܽܘܪܗܳܒܳܐ. 37ܥܰܠ ܕܡܰܡܛܰܠܟ̥ܽܘ ܗ̄ܰܓّܰܒ̥ܪ̈ܰܢܺܝ، ܠܳܐ ܗܰܝܟ̈ܠܶܐ ܓܢܽܒّ̥ܶܗ ܘܠܳܐ ܡܨܰܥܰܪّܶܗ ܠܺܗ̄ܝ ܐܰܠܳܗܬܰܝܕ̥ܰܢ. 38ܘܶܐܢ ܗܰܢܳܐ ܕܺܡܺܝܛܪܺܝܳܘܣ ܘܰܚّܰܒ̥ܪ̈ܳܢܶܐ ܕܽܗ̄ܘ ܥܒ̥ܳܕܰܝܕ̥ܶܗ ܟ݄ܬّܶܗ ܕܺܝܢܳܐ ܥܰܡ ܢܳܫܳܐ، ܟܰܐܠܶܗ ܗ̄ܽܘ ܫܰܠܺܝܛܳܐ ܒܺܗ̄ܝ ܡܕ̥ܺܝܢ̱ܬܳܐ، ܘܡܳܪ̈ܶܐ ܕܫܽܘܓ̥ܠܳܢ̈ܶܐ ܢܶܝ، ܛܪܳܐ ܡܩܰܕܡܺܝ ܘܕܰܝܢܺܝ ܚܰܕ̱ ܥܰܡ ܚܰܕ̱. 39ܘܶܐܢ ܡܶܕܶܐ ܚܪܶܢܳܐ ܟ݄ܐܒܥܺܝܬܽܘ، ܒܺܗ̄ܝ ܕܽܘܟܬ̥ܳܐ ܕܗܺܝܒ̥ܳܐ ܡܽܗ̄ܘ ܢܳܡܽܘܣܳܐ ܠ݄ܟܢܽܘܫܝܳܐ ܓܡ݄ܫܪܶܐ. 40ܥܰܠ ܕܳܐܥܕܳܐ ܣܬܶܝ ܒܩܶܢܛܳܐ (ܙܽܘܥܬ̥ܳܐ) ܟܩܰܝܡܺܝܢܰܐ، ܓܕ݄ܐܡّܺܪ̱ܝ ܐܰܥܠܰܢ ܕܣ݄ܡ ܠܰܢ ܫܓ̥ܽܘܫܝܳܐ، ܘܠ݄ܐ ܟܳܗ̄ܘܶܐ ܠܰܢ ܡܰܦܬܰܚ ܦܶܡܳܐ ܕ݄ܠܡ݄ܢ ܠܰܬܺܝܡܺܝܢܰܐ ܐܰܕܝܰܘܡܰܐ ܥܰܠ ܡܶܕܶܐ ܒܰܛܺܝܠܳܐ ܘܣ݄ܡ ܠܰܢ ܫܓ̥ܽܘܫܝܳܐ ܕܠܳܐ ܥܶܠܬ̥ܳܐ.“ 41ܘܒ݄ܬ̥݄ܪ ܕܐܡ݄ܪ ܠܶܗ ܗܰܢܺܝ، ܫܪܶܐ ܠܶܗ ܠܽܗ̄ܘ ܟܶܢܫܳܐ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation