San Marcos 1
1
Bawtisak Juan yachachirka
(Mt 3.1-12; Lc 3.1-18; Jn 1.19-28)
1Kaymi kan kallarinan ali shimi Yaya Diospa Wawan Jesukristumanta. 2Imashnami killkarka profeta Isaiaska:
“Ñuka kachahuni shuk shimita apakta kanpa puntaykipi,
payka alichanka ñanpikita.
3Shuk shimi sinchita kaparishpa riman chunlla chakishka allpapi:
‘¡Alichaychi Yayanchipa ñanpinta;
kuskanchaychi ñanpinta!’.”
4Juanka rikurirka chunlla chakishka allpapi, bawtisapayarka, chaymanta yachachipayarka bautismumanta alicharinankunapa uchankunamanta llakichirishka kananpa. 5Tukuy runakuna Judea allpamanta Jerusalén llaktamantapas rirkakuna Juanma. Chay yaku Jordanpi uchankunata rimarkakuna. Chasna rimashkankuna washa Juanka bautisarka paykunata. 6Juanpa churarinanka karka kamillupa willmanmanta. Sinturuyninka karka karamanta rurarishka. Mikupayarka chilikkunata, mapa mishkitapas. 7Yachachihushkanpi, Juanka rimapayarka: “Ñukamanta shamunkami shuk yapa poderyu. ¡Ñukaka nima atipanichu kumurinata paypa puntanpi santalianpa waskata paskanaynipa! 8Ñukaka yakuwami kankunata bawtisashkani. Ashwan payka kankunata Espíritu Santuwami bawtisanka”.
Juanka Jesusta bawtisarka
(Mt 3.13-17; Lc 3.21-22)
9Chay punchakunapi Jesuska kahurka Galilea allpapi shuk llakta Nasaret shutiyupi. Chaymanta pacha rirka Jordan yakuma. Chaypi Juanka payta bautisarka. 10Yakumanta llukshihushpan Jesuska, rikurka siluka paskarihushkanta. Chaypi rikurka Espirituka shamuhukta paypi shuk mukukushina. 11Chasnallapi silumanta pacha uyarirka shuk shimika kasna nishpa: “Kanmi kanki munashkayni Wawayni, kanmi sumakta kushichiwanki”.
Supayka Jesusta llullachinayarka
(Mt 4.1-11; Lc 4.1-13)
12Chasnallapi, Espirituka Jesusta aparka chunlla chakishka allpama. 13Chay allpapi Satanaska Jesusta llullachinayarka chusku chunka punchata. Chaypi achka manchaypa animalkuna chawpipi kahurka, ashwan angelkunaka payta kuyrashpa karkakuna.
Jesuska kallarirka yachachinata
(Mt 4.12-17; Lc 4.14-15)
14Juanta karselpi churashkankuna washa, Jesuska rirka Galileama Yaya Diospa suma ali shiminta yachachinanpa. 15Chaypi rimarka: “Ñami paktarishka Yaya Diospa rimashkan tinpuka. Ñami kallarihun Paypa ali kamachinanka kay allpapi. Chayrayku tukuy millaypa rurashkaykichita sakiychi. Yaya Diospa ali shimintaña kiriychi.”
Jesuska chusku challwak runakunata kayarka
(Mt 4.18-22; Lc 5.1-11)
16Jesuska Galilea kucha mayanpi rihushpan rikurka Simonta wawkin Andreswa kahushkata. Paykuna challwakunata apihurkakuna redinkunawa, challwata apikkuna kashkankunarayku. 17Chaypi Jesuska paykunata rimarka:
“Katiwaychi, ñuka kankunata yachachishkaykichi, runakunataña apinaykichipa”. 18Chay ratulla, paykunaka redinkunata sakishpankuna Jesustaña katirkakuna.
19Chaymanta astalla chay kucha mayanta rihushpankuna Jesuska rikurka Sebedeopa wawankunata Santiagota wawkin Juantapas, botinkunapi redinkunata rimintahukkunata. 20Chayratulla Jesuska paykunata kayarka. Paykunaka sakishpankuna yayan Sebedeota botipi shuk tarawak runakunawa pakta, Jesustaña katirkakuna.
Jesuska supay yaykushka runata anpirka
(Lc 4.31-37)
21Jesuska disipulunkunawa paktarkakuna Kafarnahunpi. Samana punchapi Jesuska rirka tantarina wasipi. Chaypi kallarirka yachachinata. 22Runaka mancharirkakuna yachachinanmanta. Yachachipayarka imashnami kanan tiyan tukuy yachaywa, mana Moisespa killkashkanta yachachikkunashinachu.
23Chay tantarina wasipi runakuna chawpipi shuk supay yaykushka runa tiyarka. Chay runaka sinchita kaparirka:
24“Nasaret llaktamanta Jesús, ¿Imatataya munanki ñukanchiwa? ¿Shamushkankichu ñukanchita kastiganaykipa? ¡Ñuka yachani pimi kanki kanka! ¡Kan kanki Santu Yaya Diosmanta!”
25Jesuska sinchi shimiwa piñashpa rimarka:
“¡Chunllayay, llukshiy kay runamanta!”
26Chaypiña chay supayka kaparishpan chay runata sinchita chukchuchishpan tukuy ursanwa kaparishpa llukshirka chay runamanta. 27Tukuy kiparirkakuna mancharishka. Chaypi tapunakurkakuna shukwa shukwa: “¿Imataya kayka? ¿Kayka kan shuk mushu yachachina? ¡Sinchi yachaywa kamachin supaykunata, paykunaka rimashkanta kasunahun!” 28Chasna utkalla yacharkakuna Jesuspa rurashkanta tukuy Galilea allpapi.
Jesus anpin Pedropa swegranta
(Mt 8.14-15; Lc 4.38-39)
29Llukshishpankuna chay tantarina wasimanta, Jesuska rirka Santiagowa Juanwa, Simonpa, Andrespa, wasinpi. 30Chay wasipi Simonpa swegranka kalinturawa unkushka sirihurka. Jesuska yaykushpan chay wasipi, rimarkakuna unkushkanmanta. 31Jesuska kayllayashpan makinmanta apishpan, yanaparka atarinanpa. Chayratulla kalinturanka pasarirka, chaypiña payka sirvirka mikunata.
Jesuska achka unkushkakunata anpirka
(Mt 8.16-17; Lc 4.40-41)
32Ña inti yaykuhushkanpi runakunaka tukuy unkushkakunata, supay yaykushka runakunatapas apamurkakuna Jesusma. 33Tukuy chay llaktamanta tantarirkakuna wasi punkupi. 34Jesuska anpirka achka parisihukkunata chikan unkuyukunata, chaymantapas wichurka achka supaykunata. Chay supaykunaka riksishpankuna, Jesuska rimarka nima imata rimanankunapa.
Jesús yachachirka Galileapi
(Lc 4.42-44)
35Ña tutamantastu, kahushpanra amsara, Jesuska atarishpan rirka shuk parti chunllama Yayan Diosta mañananpa. 36Simón chaymanta paywa kahukkunapas kallarirkakuna maskanata. 37Tarishpankuna rimarkakuna:
“Tukuy runakunami kanta maskahunkuna”.
38Chaypiña Jesuska rimarka:
“Akuychi kuchu llaktakunama rishunchi chaymapas yachachinaynipa, chayraykumi shamushkani”.
39Chasna Jesuska purirka tukuy Galileata; yachachishpa tantarina wasikunapi chaymantapas runakunamanta supaykunata llukshichirka.
Jesuska shuk runata aycha ismuchik unkuymanta anpirka
(Mt 8.1-4; Lc 5.12-16)
40Shuk leprayu runa Jesusta kayllayarka, kunkurishpan paypa puntanpi rimarka: “Munashpaykika, anpiway”.
41Jesuska llakichirka payta, makinta chutachishpan, llankashpan rimarka: “Ari. Munanimi, ñami anpirishkanki”.
42Kay shimikunata Jesuska rimashpan, chay lepraka illayarka, chasna chay karika kiparirka anpirishka.
43Chay ratulla Jesuska rimarka rinanpa. Chasna rimashpan manara rihushpan sumakta kunarka.
44Jesuska rimarka: “Kuyrarinki nima pita kwintankichu. Ashwan rishpayki rikurikri saserdotema, apashpayki ofrendaykita Moiseska kamachishkanta, paykunata sirvinanpa testimuniushina”.
45Chay karika kutishpan, kallarirka kwintanata tukuy runakunata imashnami pasashka paywa, chasna kwintashpan manaña Jesuska atiparkañachu yaykunata kunkaylla nima shuk llaktapi, ashwan kiparipayarka karullapi, shuk parti chunllapi. Chasna kashpanpas runaka tukuy partimanta shamupayarkalla payma.
Právě zvoleno:
San Marcos 1: QUP_B
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 AIDIA
© 2025 Seed Company
San Marcos 1
1
Bawtisak Juan yachachirka
(Mt 3.1-12; Lc 3.1-18; Jn 1.19-28)
1Kaymi kan kallarinan ali shimi Yaya Diospa Wawan Jesukristumanta. 2Imashnami killkarka profeta Isaiaska:
“Ñuka kachahuni shuk shimita apakta kanpa puntaykipi,
payka alichanka ñanpikita.
3Shuk shimi sinchita kaparishpa riman chunlla chakishka allpapi:
‘¡Alichaychi Yayanchipa ñanpinta;
kuskanchaychi ñanpinta!’.”
4Juanka rikurirka chunlla chakishka allpapi, bawtisapayarka, chaymanta yachachipayarka bautismumanta alicharinankunapa uchankunamanta llakichirishka kananpa. 5Tukuy runakuna Judea allpamanta Jerusalén llaktamantapas rirkakuna Juanma. Chay yaku Jordanpi uchankunata rimarkakuna. Chasna rimashkankuna washa Juanka bautisarka paykunata. 6Juanpa churarinanka karka kamillupa willmanmanta. Sinturuyninka karka karamanta rurarishka. Mikupayarka chilikkunata, mapa mishkitapas. 7Yachachihushkanpi, Juanka rimapayarka: “Ñukamanta shamunkami shuk yapa poderyu. ¡Ñukaka nima atipanichu kumurinata paypa puntanpi santalianpa waskata paskanaynipa! 8Ñukaka yakuwami kankunata bawtisashkani. Ashwan payka kankunata Espíritu Santuwami bawtisanka”.
Juanka Jesusta bawtisarka
(Mt 3.13-17; Lc 3.21-22)
9Chay punchakunapi Jesuska kahurka Galilea allpapi shuk llakta Nasaret shutiyupi. Chaymanta pacha rirka Jordan yakuma. Chaypi Juanka payta bautisarka. 10Yakumanta llukshihushpan Jesuska, rikurka siluka paskarihushkanta. Chaypi rikurka Espirituka shamuhukta paypi shuk mukukushina. 11Chasnallapi silumanta pacha uyarirka shuk shimika kasna nishpa: “Kanmi kanki munashkayni Wawayni, kanmi sumakta kushichiwanki”.
Supayka Jesusta llullachinayarka
(Mt 4.1-11; Lc 4.1-13)
12Chasnallapi, Espirituka Jesusta aparka chunlla chakishka allpama. 13Chay allpapi Satanaska Jesusta llullachinayarka chusku chunka punchata. Chaypi achka manchaypa animalkuna chawpipi kahurka, ashwan angelkunaka payta kuyrashpa karkakuna.
Jesuska kallarirka yachachinata
(Mt 4.12-17; Lc 4.14-15)
14Juanta karselpi churashkankuna washa, Jesuska rirka Galileama Yaya Diospa suma ali shiminta yachachinanpa. 15Chaypi rimarka: “Ñami paktarishka Yaya Diospa rimashkan tinpuka. Ñami kallarihun Paypa ali kamachinanka kay allpapi. Chayrayku tukuy millaypa rurashkaykichita sakiychi. Yaya Diospa ali shimintaña kiriychi.”
Jesuska chusku challwak runakunata kayarka
(Mt 4.18-22; Lc 5.1-11)
16Jesuska Galilea kucha mayanpi rihushpan rikurka Simonta wawkin Andreswa kahushkata. Paykuna challwakunata apihurkakuna redinkunawa, challwata apikkuna kashkankunarayku. 17Chaypi Jesuska paykunata rimarka:
“Katiwaychi, ñuka kankunata yachachishkaykichi, runakunataña apinaykichipa”. 18Chay ratulla, paykunaka redinkunata sakishpankuna Jesustaña katirkakuna.
19Chaymanta astalla chay kucha mayanta rihushpankuna Jesuska rikurka Sebedeopa wawankunata Santiagota wawkin Juantapas, botinkunapi redinkunata rimintahukkunata. 20Chayratulla Jesuska paykunata kayarka. Paykunaka sakishpankuna yayan Sebedeota botipi shuk tarawak runakunawa pakta, Jesustaña katirkakuna.
Jesuska supay yaykushka runata anpirka
(Lc 4.31-37)
21Jesuska disipulunkunawa paktarkakuna Kafarnahunpi. Samana punchapi Jesuska rirka tantarina wasipi. Chaypi kallarirka yachachinata. 22Runaka mancharirkakuna yachachinanmanta. Yachachipayarka imashnami kanan tiyan tukuy yachaywa, mana Moisespa killkashkanta yachachikkunashinachu.
23Chay tantarina wasipi runakuna chawpipi shuk supay yaykushka runa tiyarka. Chay runaka sinchita kaparirka:
24“Nasaret llaktamanta Jesús, ¿Imatataya munanki ñukanchiwa? ¿Shamushkankichu ñukanchita kastiganaykipa? ¡Ñuka yachani pimi kanki kanka! ¡Kan kanki Santu Yaya Diosmanta!”
25Jesuska sinchi shimiwa piñashpa rimarka:
“¡Chunllayay, llukshiy kay runamanta!”
26Chaypiña chay supayka kaparishpan chay runata sinchita chukchuchishpan tukuy ursanwa kaparishpa llukshirka chay runamanta. 27Tukuy kiparirkakuna mancharishka. Chaypi tapunakurkakuna shukwa shukwa: “¿Imataya kayka? ¿Kayka kan shuk mushu yachachina? ¡Sinchi yachaywa kamachin supaykunata, paykunaka rimashkanta kasunahun!” 28Chasna utkalla yacharkakuna Jesuspa rurashkanta tukuy Galilea allpapi.
Jesus anpin Pedropa swegranta
(Mt 8.14-15; Lc 4.38-39)
29Llukshishpankuna chay tantarina wasimanta, Jesuska rirka Santiagowa Juanwa, Simonpa, Andrespa, wasinpi. 30Chay wasipi Simonpa swegranka kalinturawa unkushka sirihurka. Jesuska yaykushpan chay wasipi, rimarkakuna unkushkanmanta. 31Jesuska kayllayashpan makinmanta apishpan, yanaparka atarinanpa. Chayratulla kalinturanka pasarirka, chaypiña payka sirvirka mikunata.
Jesuska achka unkushkakunata anpirka
(Mt 8.16-17; Lc 4.40-41)
32Ña inti yaykuhushkanpi runakunaka tukuy unkushkakunata, supay yaykushka runakunatapas apamurkakuna Jesusma. 33Tukuy chay llaktamanta tantarirkakuna wasi punkupi. 34Jesuska anpirka achka parisihukkunata chikan unkuyukunata, chaymantapas wichurka achka supaykunata. Chay supaykunaka riksishpankuna, Jesuska rimarka nima imata rimanankunapa.
Jesús yachachirka Galileapi
(Lc 4.42-44)
35Ña tutamantastu, kahushpanra amsara, Jesuska atarishpan rirka shuk parti chunllama Yayan Diosta mañananpa. 36Simón chaymanta paywa kahukkunapas kallarirkakuna maskanata. 37Tarishpankuna rimarkakuna:
“Tukuy runakunami kanta maskahunkuna”.
38Chaypiña Jesuska rimarka:
“Akuychi kuchu llaktakunama rishunchi chaymapas yachachinaynipa, chayraykumi shamushkani”.
39Chasna Jesuska purirka tukuy Galileata; yachachishpa tantarina wasikunapi chaymantapas runakunamanta supaykunata llukshichirka.
Jesuska shuk runata aycha ismuchik unkuymanta anpirka
(Mt 8.1-4; Lc 5.12-16)
40Shuk leprayu runa Jesusta kayllayarka, kunkurishpan paypa puntanpi rimarka: “Munashpaykika, anpiway”.
41Jesuska llakichirka payta, makinta chutachishpan, llankashpan rimarka: “Ari. Munanimi, ñami anpirishkanki”.
42Kay shimikunata Jesuska rimashpan, chay lepraka illayarka, chasna chay karika kiparirka anpirishka.
43Chay ratulla Jesuska rimarka rinanpa. Chasna rimashpan manara rihushpan sumakta kunarka.
44Jesuska rimarka: “Kuyrarinki nima pita kwintankichu. Ashwan rishpayki rikurikri saserdotema, apashpayki ofrendaykita Moiseska kamachishkanta, paykunata sirvinanpa testimuniushina”.
45Chay karika kutishpan, kallarirka kwintanata tukuy runakunata imashnami pasashka paywa, chasna kwintashpan manaña Jesuska atiparkañachu yaykunata kunkaylla nima shuk llaktapi, ashwan kiparipayarka karullapi, shuk parti chunllapi. Chasna kashpanpas runaka tukuy partimanta shamupayarkalla payma.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 AIDIA
© 2025 Seed Company