San Mateo 20
20
Jesuska yachachin mana asirtaypa yachachinata tarawak runakunamanta
1Yaya Diospa ali kamachinanka kan shuk chakrapa amunshina, shuk puncha tutamantastu llukshirka paypa chakranpi tarawak runakunata maskananpa. 2Kwintashkan washa paykunawa, rimarka, kankunata pagasha shuk puncha tuputa, chayta rimashpan kacharkaña chakranma. 3Tutamantalla kahushpan, chay patronka llukshishpan rikurka plasapi shuk runakunata mana tarawayukuna. 4Paykunata rimarka: “Riychi kankunapas chakraynima, Tarawashkaykichimanta alitami pagashkaykichi.” Paykunapas rirkakuna. 5Ña chawpi puncha kashpan kutikashka llukshirka, chasnallatata chishipipas llukshirka. 6Chaymanta kutikashka chishistupiña llukshishpan tarikrirka shuk runakunata mana tarawayuta, chaypi paykunata rimarka: “¿Imaraykutaya kankunaka yanka chishyashkankichi nima imata rurashpa?” 7Paykunaka aynirkakuna: “Nima pi ñukanchita maskashkachu”. Payka rimarka: “Kankunapas riychi, chakraynipi.”
8Ña tutayashpanña chay chakrapa amunka kayarka paypa tarawachik runanta: “Kayay tukuy tarawashka runakunata, paganaykipa tarawashkankunamanta. Kallarishpayki washa shamushkakunawa, tukuchinki puntiru shamushkakunawa.” 9Maykankunami paktarkakuna chishipi paykunapas pagay tukurkakuna chay tutamanta shamushkakunashina. 10Puntapi tarawashkakunaka yuyarirkakuna, ñukanchitaka ashwanta pagay tukushu, Chasna yuyarishpankunapas shuk puncha tarawashkankunamantalla pagay tukurkakuna. 11Pagay tukushkankuna washa, kallarirkakuna rimarinata chay chakra amuwa. 12Kasna rimashpa: “Kay washa shamushkakunaka tarawashkakuna shuk urastullata, paykunatapas pagashkanki ñukanchitashinalla, ñukanchika yankamanta parisishkanchi sanpayanata chaymanta inti rupachinatapas.”
13Chay amunka rimarka shuk paykunamantata: “Amigu, ñukaka manami kanta llullachihunichu. ¿Manachu kwintashkanchi tukuy puncha tarawashkaykirayku shuk puncha valishkata paganaynipa? 14Kayllami kan kullkikika. Apishpayki riy. Ñuka munashpaynimi kushkani chay washa shamushkata kantashina, 15¿Ñukapa kullkiniwa manachu atipani ruranata munashkaynita? ¿Piñarihunkichu ñuka ali shunku kashkaynirayku?”
16Chasna kashpan maykankunami kanahun puntiru chaykunami kankakuna washama, maykankunami kanahun washama paykunami kankakuna puntapi.
Jesuska kimsaynin kuti wañunanmanta kawsarinanmantapas rimarka
(Mr 10.32-34; Lc 18.31-34)
17Jesuska sikahushpan Jerusalenma, ñanpita rihushpan chunka ishkay disipulunkunata, chaynikstuma pushashpan rimarka:
18“Atipankichi rikunata, kunanka akuychi ñanpita Jerusalenma, chaypimi Karipa Wawantaka apishpa kunkakuna, saserdotekunapa apunkunata, chaymanta Moisespa killkashkanta yachachikkunatapas. Chaypiña paykunaka tantarishpankuna shuk yuyayllawa rimankakuna wañuchiwanankunapa. 19Chasna kunkakuna mana Judiukunata, payta asichishpa asutinkakuna, chaywasha kruspi klabankakuna. Chasna kashpanpas kimsa punchamantami kawsarinka.”
Santiagopa, Juanpa maman Jesusta tapurka shuk imata wawankunarayku rurananpa
(Mr 10.35-45)
20Chay ratulla Sebedeopa warmin ishkay wawankunawa Jesusta kayllayarkakuna. Kunkurishpa Jesuspa puntanpi tapurka shuk imata.
21Jesuska aynirka: “¿Imatata munanki?” Chay warmika aynirka: “Rimay wawaynikunata ali kamachinaykipi tiyarinankunapa, shukta kuskayki partima shuktaka llukiki partima.”
22Jesuska aynirka: “Kankunaka mana yachankichichu imatami tapuhunkichi. ¿Atipankichimachu upyanata chay pusillumanta maykanmantami ñukaka upyasha#20.22 Reyna valerapi riman: chasna bautisarishka kankichi chay bautismowa maykanwami ñuka kashkani bautisarishka.?” Paykunaka aynirkakuna: “Ari atipashumi.”
23Chaypiña Jesuska nirka: “Shutipata rimashpaka, atipankichi upyanata pusilluynimanta; chay tiyachinaynipa kuskayni parti, llukini parti chaytaka manami atipanichu kunata, chaykunaka ñami kanahun chay maykankunaraykumi Yayaynika wakaychashka”.
24Chay chunka kahushkakunaka uyashpankuna chayta piñarirkakuna, chay ishkay wawkikunata.
25Chaypiña Jesuska kayashpan rimarka: “Kankunaka yachankichi, kay allpapi kamachikkunaka winsinahun tukuyta, chaymanta chay sinchi yachayukunaka munashkankunata ruranahu.
26Kankuna puraka mana chasna kanan tiyanchu. Ashwan maykanmi, kankunamanta atun tukunayan, chayka kanan tiyan tukuyta yanapak. 27Maykanmi kankunamanta puntiru kanayan kanan tiyan shuk rantirishka, runashina. 28Kaychi Karipa Wawanshina. Mana shamushkachu sirvirishka kananpa, ashwan shamushkami sirvinanpa, chaymantapas kawsayninta kushpa achkakunata kishpichinanpa.”
Jesuska ishkay wiskukunata anpirka
(Mr 10.46-52; Lc 18.35-43)
29Paykunaka llukshishpankuna Jerikó llaktamanta, achka runakuna katirkakuna Jesusta. 30Ñanpi mayanpi tiyahurkakuna ishkay wiskukuna, uyashpankuna Jesusta pasahushkanta, kaparishpa rimarkakuna: “¡Yayayni, Davidpa wawan, llakichi ñukanchita!”
31Runakunaka rimarkakuna chunllayanankunapa, paykunaka ashwan sinchita kaparirkakuna: “¡Yayayni, Davidpa wawan, llakichi ñukanchita!”
32Chaypiña Jesuska chayllapi shayarirka, kayashpan wiskukunata tapurka: “¿Imatata munankichi kankunarayku ruranaynipa?”
33Chaypiña paykunaka aynirkakuna: “Yayayni, ¡ñawinchika paskarichun rikunanchipa!”
34Jesuska llakichishpan llankarka ñawinkunata. Chay ratulla paykunaka atiparkakuna rikunata, chasna katirkakuna Jesusta.
Právě zvoleno:
San Mateo 20: QUP_B
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 AIDIA
© 2025 Seed Company
San Mateo 20
20
Jesuska yachachin mana asirtaypa yachachinata tarawak runakunamanta
1Yaya Diospa ali kamachinanka kan shuk chakrapa amunshina, shuk puncha tutamantastu llukshirka paypa chakranpi tarawak runakunata maskananpa. 2Kwintashkan washa paykunawa, rimarka, kankunata pagasha shuk puncha tuputa, chayta rimashpan kacharkaña chakranma. 3Tutamantalla kahushpan, chay patronka llukshishpan rikurka plasapi shuk runakunata mana tarawayukuna. 4Paykunata rimarka: “Riychi kankunapas chakraynima, Tarawashkaykichimanta alitami pagashkaykichi.” Paykunapas rirkakuna. 5Ña chawpi puncha kashpan kutikashka llukshirka, chasnallatata chishipipas llukshirka. 6Chaymanta kutikashka chishistupiña llukshishpan tarikrirka shuk runakunata mana tarawayuta, chaypi paykunata rimarka: “¿Imaraykutaya kankunaka yanka chishyashkankichi nima imata rurashpa?” 7Paykunaka aynirkakuna: “Nima pi ñukanchita maskashkachu”. Payka rimarka: “Kankunapas riychi, chakraynipi.”
8Ña tutayashpanña chay chakrapa amunka kayarka paypa tarawachik runanta: “Kayay tukuy tarawashka runakunata, paganaykipa tarawashkankunamanta. Kallarishpayki washa shamushkakunawa, tukuchinki puntiru shamushkakunawa.” 9Maykankunami paktarkakuna chishipi paykunapas pagay tukurkakuna chay tutamanta shamushkakunashina. 10Puntapi tarawashkakunaka yuyarirkakuna, ñukanchitaka ashwanta pagay tukushu, Chasna yuyarishpankunapas shuk puncha tarawashkankunamantalla pagay tukurkakuna. 11Pagay tukushkankuna washa, kallarirkakuna rimarinata chay chakra amuwa. 12Kasna rimashpa: “Kay washa shamushkakunaka tarawashkakuna shuk urastullata, paykunatapas pagashkanki ñukanchitashinalla, ñukanchika yankamanta parisishkanchi sanpayanata chaymanta inti rupachinatapas.”
13Chay amunka rimarka shuk paykunamantata: “Amigu, ñukaka manami kanta llullachihunichu. ¿Manachu kwintashkanchi tukuy puncha tarawashkaykirayku shuk puncha valishkata paganaynipa? 14Kayllami kan kullkikika. Apishpayki riy. Ñuka munashpaynimi kushkani chay washa shamushkata kantashina, 15¿Ñukapa kullkiniwa manachu atipani ruranata munashkaynita? ¿Piñarihunkichu ñuka ali shunku kashkaynirayku?”
16Chasna kashpan maykankunami kanahun puntiru chaykunami kankakuna washama, maykankunami kanahun washama paykunami kankakuna puntapi.
Jesuska kimsaynin kuti wañunanmanta kawsarinanmantapas rimarka
(Mr 10.32-34; Lc 18.31-34)
17Jesuska sikahushpan Jerusalenma, ñanpita rihushpan chunka ishkay disipulunkunata, chaynikstuma pushashpan rimarka:
18“Atipankichi rikunata, kunanka akuychi ñanpita Jerusalenma, chaypimi Karipa Wawantaka apishpa kunkakuna, saserdotekunapa apunkunata, chaymanta Moisespa killkashkanta yachachikkunatapas. Chaypiña paykunaka tantarishpankuna shuk yuyayllawa rimankakuna wañuchiwanankunapa. 19Chasna kunkakuna mana Judiukunata, payta asichishpa asutinkakuna, chaywasha kruspi klabankakuna. Chasna kashpanpas kimsa punchamantami kawsarinka.”
Santiagopa, Juanpa maman Jesusta tapurka shuk imata wawankunarayku rurananpa
(Mr 10.35-45)
20Chay ratulla Sebedeopa warmin ishkay wawankunawa Jesusta kayllayarkakuna. Kunkurishpa Jesuspa puntanpi tapurka shuk imata.
21Jesuska aynirka: “¿Imatata munanki?” Chay warmika aynirka: “Rimay wawaynikunata ali kamachinaykipi tiyarinankunapa, shukta kuskayki partima shuktaka llukiki partima.”
22Jesuska aynirka: “Kankunaka mana yachankichichu imatami tapuhunkichi. ¿Atipankichimachu upyanata chay pusillumanta maykanmantami ñukaka upyasha#20.22 Reyna valerapi riman: chasna bautisarishka kankichi chay bautismowa maykanwami ñuka kashkani bautisarishka.?” Paykunaka aynirkakuna: “Ari atipashumi.”
23Chaypiña Jesuska nirka: “Shutipata rimashpaka, atipankichi upyanata pusilluynimanta; chay tiyachinaynipa kuskayni parti, llukini parti chaytaka manami atipanichu kunata, chaykunaka ñami kanahun chay maykankunaraykumi Yayaynika wakaychashka”.
24Chay chunka kahushkakunaka uyashpankuna chayta piñarirkakuna, chay ishkay wawkikunata.
25Chaypiña Jesuska kayashpan rimarka: “Kankunaka yachankichi, kay allpapi kamachikkunaka winsinahun tukuyta, chaymanta chay sinchi yachayukunaka munashkankunata ruranahu.
26Kankuna puraka mana chasna kanan tiyanchu. Ashwan maykanmi, kankunamanta atun tukunayan, chayka kanan tiyan tukuyta yanapak. 27Maykanmi kankunamanta puntiru kanayan kanan tiyan shuk rantirishka, runashina. 28Kaychi Karipa Wawanshina. Mana shamushkachu sirvirishka kananpa, ashwan shamushkami sirvinanpa, chaymantapas kawsayninta kushpa achkakunata kishpichinanpa.”
Jesuska ishkay wiskukunata anpirka
(Mr 10.46-52; Lc 18.35-43)
29Paykunaka llukshishpankuna Jerikó llaktamanta, achka runakuna katirkakuna Jesusta. 30Ñanpi mayanpi tiyahurkakuna ishkay wiskukuna, uyashpankuna Jesusta pasahushkanta, kaparishpa rimarkakuna: “¡Yayayni, Davidpa wawan, llakichi ñukanchita!”
31Runakunaka rimarkakuna chunllayanankunapa, paykunaka ashwan sinchita kaparirkakuna: “¡Yayayni, Davidpa wawan, llakichi ñukanchita!”
32Chaypiña Jesuska chayllapi shayarirka, kayashpan wiskukunata tapurka: “¿Imatata munankichi kankunarayku ruranaynipa?”
33Chaypiña paykunaka aynirkakuna: “Yayayni, ¡ñawinchika paskarichun rikunanchipa!”
34Jesuska llakichishpan llankarka ñawinkunata. Chay ratulla paykunaka atiparkakuna rikunata, chasna katirkakuna Jesusta.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 AIDIA
© 2025 Seed Company