Matié 9
9
Yésus mééŋúkí kinsɛ́kɛlinɛ
(Mál 2.1-12; Lúk 5.17-25)
1Yésuse waamákat kɔk ó kitóóŋ, waasaapɛn asaá woond kɛ́ɛ́yɛ́ á pálɛ́k kisiɛ́n ɛ́ɛ́ Kafalanawúm. 2Waámána, póólin wɔ́ nɛ kinsɛ́kɛlinɛ kí insaás. Yésuse Wɛɛ́n pipíóndínyí ɔtɛ́m píɔ́p nɛɛyɛ́, ukanyi ɛ́ kinsɛ́kɛlinɛ ɛ́ɛ́: «píóndónyí ɔtɛ́m naamɛ muɔ́nɔ́ áámɛ, imákuyapɛ́n kááwɔ á pifal.» 3Pemenyí pikotí póond é kupííŋunye: «Mɔɔnd ewe áasikan Támbákɛ́ɛ!» 4Yésus ɛɛ́nɛn kuɛl kúɔ́p, ukanyi ɛ́ɛ́: «Kiákí nupínyúkúsanɛ́ káánɔ́ kí itɛ́m? 5Na kutián kinsɛ́kɛlinɛ: “Atúkɛn ɛndɛ” nɛ kuɛl kɛ́ɛ́yɛ́ ɛ́ɛ́: “Imákuyapɛ́n á pifal píáwu”, kiákí kɔ́ɔk kínyɛɛ́ muyu? 6Ɛ́ɛ́ núményi ɛ́ɛ́ Muɔ́nɔ́ u mɔɔnd ápian pukaaka ekue e kúúsí á kuyapinan pɛɛnd á pifal píɔ́p, kinsɛ́kɛlinɛ, yɛɛ́pí kááwɔ ɛ́ɛ́: Télímít, kɔ́l insaás yaawɔ ondó kuawɔ.» 7Mɔɔnd kakat weetélimit woond kɛ́ɛ́yɛ́ á nuya. 8Imbúl sí pɛɛnd ɛɛ́nɛn anakáánɛ́, pɔ́ɔ́p puumbíla, póond é kuekenyi Támbákɛ́ɛ nuúmu, ó pusíó ɛ́ɛ́ umeekí pɛɛnd nunamá nú pukaaka nukáánɛ́.
Yésus mápílikɛ́n Matié
(Mál 2.13-17; Lúk 5.27-32)
9Utápukana, Yésus mɛ́ɛ́n mɔɔnd, kisiɛ́n ɛ́ɛ́ Matié, ɔnyɔ́mbítɔ́n kɛ́ɛ́yɛ́ ɔ́ ninyɔ́lí ní puólí, é nitú lemfúé. Yésuse kɛ́ɛ́yɛ́ ɛ́ɛ́: «Ɔŋɔ́ káámɛ.» Matié tené, wɔɔŋ kɛ́ɛ́yɛ́. 10Pááyɔɔk ku Matié, páátáaŋ pɔ́. Yésus nyáan ɔlɔŋ no popíónyí pɛ́ɛ́yɛ́, no puólíkóoli pú petúúsí lemfúé na pafalfal. 11Pafalisiɛ́ŋ ɛ́ɛ́nɛn anakáánɛ́, pɔ́ ó popíónyí pɛ́ɛ́yɛ́ ɛ́ɛ́: «Kiákí oŋónyóonyí waanɔ́ nyáánɛ́ ne petúúsí lemfúé na pafalfal?» 12Wɔɔ́pɔn anakáánɛ́ Yésus kanyi ɛ́ɛ́: «Patipá pekilikile páambanɛ́ epúkí, maná epé pánúmanɛ́ɛ. 13Ánuupɔ́ kuopíónyitónyí epú ɔmfiɔ́ŋ ú Támbák ewe ɔ́ɔ́yɔɔnɛ́ɛ: Niɛ́nɔsúkɛ yaambanɛ́ɛ, pítipá pípíák. É kémuémue indimoól á kuasipílíkɛ́n pííndɛ́ndɛ́nɛ, maná pafalfal.»
Iŋówunín i kupíkoti
(Mál 2.18-22; Lúk 5.33-39)
14Kúúkɔ́ popíónyí pí Isáaŋ meépísíítín Yésuse, pɔ́ kɛ́ɛyi ɛ́ɛ́: «Kiákí naasɔ́ na Pafalisiɛ́ŋ tupíkotosíé, popíónyí pááwɔ tiɛlɛ́ nɔ?» 15wɔ́ kɔ́ɔ́p ɛ́ɛ́: «Paapílán ɔ nuɔ́ndɔ́n nyɛ kupá ká ambaŋɔ́ kisikɛl muɛ́t putɔ́mbí nyɛɛ́ embúl nɔɔpɔ́ á? Metúk óókoólon péényéŋínyé pɔ́ muɛ́t putɔ́mbí, akáánɛ́ pónyípíkotosié. 16Mɔɔnd tipá ukulat kiénsi kí kilaá kiikɔ́si é kiilunén; kiénsi kiikɔ́si kaná ɔkɔ́ɔ́kɛt kiilunén, kílafíkɛ́n ɔ́ɔmbɛt. 17Patipá páákan makɛ́p mɔɔkɔ́si é pilunú pí pipááŋ piɛlɛ́ɛ́ nɔ piyɔ, kati nɛ́ɛ písánɛk, makɛ́p óotik, aáyɛn na makɛ́p na pipááŋ. Páákaákan makɛ́p mɔɔkɔ́si á pipááŋ piikɔ́s, akáánɛ́ kɔk tuɛ́nɛkɛn meem máandɛ́.»
Yésus mééŋúkí akáandɔ́ umóónd uméényí ɔmbúl u atambatámb
(Mál 5.21-43; Lúk 8.40-56)
18Yésus mɛɛlɛ́ umaákála, atambatámb weepísííti, waakɔɔn wɔ́ iŋɔlɔpɛ, wɔ́ kɛ́ɛ́yɛ́ ɛ́ɛ́: «Ɔmbúl waamɛ mɛ́ɛ́kɛ́tɛ́ akásikan; maná kasitál wɔ́ imbɔ́k ukaná ɔsɔt.» 19Yésuse waatukɛn wɔɔŋ kɛ́ɛ́yɛ́ no popíónyí pɛ́ɛ́yɛ́. 20Akáandɔ́ mapá ké embúl ukáánɛ́ umaápíán kifɔɔ kí manɔ́ŋ ukanyi na kɛ́ɛ tuɔŋ túát na túandɛ́, weepísíítin Yésuse é kélém, weepíkíik kinyuŋa kíɛ́yɛ́. 21Akáandɔ́ ukáánɛ́ mɔpíɔ́yɔ́n kɛ́ɛ́yɛ́ kɔ́ ɔtɛ́m ɛ́ɛ́: «Índɛ insiekíik kukíik kinyuŋa kíɛ́yɛ́, iŋaná kuéŋuk.» 22Yésus mɛ́píkɛ́kɛ́lɛt, wɛɛ́nɛn wɔ́, wɔ́ kɛ́ɛ́yɛ́ ɛ́ɛ́: «Píkányɛ́k, ɔmbúl waamɛ! Pipióndinyí ɔtɛ́m píáwɔ mɔ́ɔ́kuɔkɔ́.» Akáandɔ́ weéŋuk nɔ niɔ́kɔ́tɔ́n. 23Yésus áámán á nuyá nú atambatámb, wɛɛ́nɛn potóŋí inselí ne embúl u pɛɛnd pépíkite, wɔ́ ɛ́ɛ́: 24«Ánuáman, ɔmbúl ewe timéékú, waápítiman.» Póond á kusikan wɔ. 25Pɛ́mɛɛlɛ́ péémenyi pɛɛnd kɔ́ ɔɔ́nd, Yésuse weepíkin weetukenyi ɔmbɔ́k ú muúŋayɔ́ akáandɔ́, ɔmbúl ukáánɛ́ wɛɛnyɔk. 26Niɔy nikáánɛ́ níásálamand ɛ́ mɛɛŋɛ́l kitikit.
Yésus mééŋúkí pepútepute páandɛ́
27Aná Yésus maáyuúkán, pepútepute páandɛ́ pɔ́ɔŋ kɛ́ɛ́yɛ́, pɔ́ɔyɔn wɔ́ ekelú mɛnɛ́mɛnɛ́ɛ ɛ́ɛ́: «Túɛ́n ɔsɔk, kinɔ́k kí Tafíit!» 28Umɛɛlɛ́ upíken á kiansi, pepútepute pakáánɛ́ péépísíítin wɔ, wɔ́ kɔ́ɔ́p ɛ́ɛ́: «Nuópíondonyi ɔtɛ́m káámɛ ɛ́ɛ́ inyɛ pɛ́kuɛl púú á?» Pɔ́ kɛ́ɛ́yɛ́ ɛ́ɛ́: «Ɛ́ɛ́ɛ, Ɔkɔ́n.» 29Yésuse weekíik pɔ́ ké eŋís, wɔ́ kɔ́ɔ́p ɛ́ɛ́: «Ɛ́nyɛɛ́ púpíɛl káánɔ́ ó pipíóndínyí ɔtɛ́m káámɛ.» 30Eŋís yé pepútepute wɛɛ́, póond ɛ́ kuɛ́nɛn. Yésuse weekínditin pɔ́ɔ ɛ́ɛ́: «Énupíkeŋényésí ɛ́ɛ́ mɔɔnd timenyí!» 31Pɔ́ kɔk, pááman, péésélemendi niɔy é kiénsi kí kúúsí kikáánɛ́ kitikit.
Yésus mééŋúkí kindikélítíe
(Lúk 11.14-15)
32Pepútepute mɛɛlɛ́ pákanyɛɛ́ kuáman, póólin Yésuse ne kindikélítíe kímaápá nɔ kilɔk kí kiliíndítíe. 33Yésus kúúŋa kilɔk kí kiliínditíe, kindikélítíe kíond á kukála. Imbúl sí pɛɛnd síónd é kusímile, síɔ́yɔ ɛ́ɛ́: «Tumapási tutiɛ́n puandá anɛ ɔ́ kitɔŋ kí Isilayɛ́ɛl!» 34Maná, Pafalisiɛ́ŋ pɔ́ pɔ́ɔ́yɔ ɛ́ɛ́: «Ɔkɔ́n u pilɔk pí piliíndítíe weekenyée wɔ́ pukaaka pú kukúúŋa pɛ́ɛ.»
Yésuse ni imbúl sí kati ekííkée
(Mál 6.6b34; Lúk 10.2)
35Yésus pɔŋɔ papálɛ́k nɔ pitɔŋ kitikit, woónyonyi á piansi pí imbísókólí, ukéme insɔ́m yi indámb i Pufuŋ pú Támbák; weéŋukesi manúma no mokóndi kitikit. 36Wɛɛ́nɛn imbúl sí pɛɛnd, Yésuse waapia niɛ́nɔsúkɛ, á kiákí ɛ́ɛ́ pámapá paándán, pápúndupɔnd ɛlɛɛ́ pitúúmbɛ́ɛ pítiányípá ne ekííkí. 37Yésus kanyi ó popíónyí pɛ́ɛ́yɛ́ ɛ́ɛ́: «Niok nyɛ kutek, peelímoólí paayɔ́;» 38ónupísókólónyí muɛ́t niok ɛ́ɛ́ útɔm peelímoólí kɛ́ɛ́yɛ́ ó niok.
Právě zvoleno:
Matié 9: yav
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2026, CABTAL
Matié 9
9
Yésus mééŋúkí kinsɛ́kɛlinɛ
(Mál 2.1-12; Lúk 5.17-25)
1Yésuse waamákat kɔk ó kitóóŋ, waasaapɛn asaá woond kɛ́ɛ́yɛ́ á pálɛ́k kisiɛ́n ɛ́ɛ́ Kafalanawúm. 2Waámána, póólin wɔ́ nɛ kinsɛ́kɛlinɛ kí insaás. Yésuse Wɛɛ́n pipíóndínyí ɔtɛ́m píɔ́p nɛɛyɛ́, ukanyi ɛ́ kinsɛ́kɛlinɛ ɛ́ɛ́: «píóndónyí ɔtɛ́m naamɛ muɔ́nɔ́ áámɛ, imákuyapɛ́n kááwɔ á pifal.» 3Pemenyí pikotí póond é kupííŋunye: «Mɔɔnd ewe áasikan Támbákɛ́ɛ!» 4Yésus ɛɛ́nɛn kuɛl kúɔ́p, ukanyi ɛ́ɛ́: «Kiákí nupínyúkúsanɛ́ káánɔ́ kí itɛ́m? 5Na kutián kinsɛ́kɛlinɛ: “Atúkɛn ɛndɛ” nɛ kuɛl kɛ́ɛ́yɛ́ ɛ́ɛ́: “Imákuyapɛ́n á pifal píáwu”, kiákí kɔ́ɔk kínyɛɛ́ muyu? 6Ɛ́ɛ́ núményi ɛ́ɛ́ Muɔ́nɔ́ u mɔɔnd ápian pukaaka ekue e kúúsí á kuyapinan pɛɛnd á pifal píɔ́p, kinsɛ́kɛlinɛ, yɛɛ́pí kááwɔ ɛ́ɛ́: Télímít, kɔ́l insaás yaawɔ ondó kuawɔ.» 7Mɔɔnd kakat weetélimit woond kɛ́ɛ́yɛ́ á nuya. 8Imbúl sí pɛɛnd ɛɛ́nɛn anakáánɛ́, pɔ́ɔ́p puumbíla, póond é kuekenyi Támbákɛ́ɛ nuúmu, ó pusíó ɛ́ɛ́ umeekí pɛɛnd nunamá nú pukaaka nukáánɛ́.
Yésus mápílikɛ́n Matié
(Mál 2.13-17; Lúk 5.27-32)
9Utápukana, Yésus mɛ́ɛ́n mɔɔnd, kisiɛ́n ɛ́ɛ́ Matié, ɔnyɔ́mbítɔ́n kɛ́ɛ́yɛ́ ɔ́ ninyɔ́lí ní puólí, é nitú lemfúé. Yésuse kɛ́ɛ́yɛ́ ɛ́ɛ́: «Ɔŋɔ́ káámɛ.» Matié tené, wɔɔŋ kɛ́ɛ́yɛ́. 10Pááyɔɔk ku Matié, páátáaŋ pɔ́. Yésus nyáan ɔlɔŋ no popíónyí pɛ́ɛ́yɛ́, no puólíkóoli pú petúúsí lemfúé na pafalfal. 11Pafalisiɛ́ŋ ɛ́ɛ́nɛn anakáánɛ́, pɔ́ ó popíónyí pɛ́ɛ́yɛ́ ɛ́ɛ́: «Kiákí oŋónyóonyí waanɔ́ nyáánɛ́ ne petúúsí lemfúé na pafalfal?» 12Wɔɔ́pɔn anakáánɛ́ Yésus kanyi ɛ́ɛ́: «Patipá pekilikile páambanɛ́ epúkí, maná epé pánúmanɛ́ɛ. 13Ánuupɔ́ kuopíónyitónyí epú ɔmfiɔ́ŋ ú Támbák ewe ɔ́ɔ́yɔɔnɛ́ɛ: Niɛ́nɔsúkɛ yaambanɛ́ɛ, pítipá pípíák. É kémuémue indimoól á kuasipílíkɛ́n pííndɛ́ndɛ́nɛ, maná pafalfal.»
Iŋówunín i kupíkoti
(Mál 2.18-22; Lúk 5.33-39)
14Kúúkɔ́ popíónyí pí Isáaŋ meépísíítín Yésuse, pɔ́ kɛ́ɛyi ɛ́ɛ́: «Kiákí naasɔ́ na Pafalisiɛ́ŋ tupíkotosíé, popíónyí pááwɔ tiɛlɛ́ nɔ?» 15wɔ́ kɔ́ɔ́p ɛ́ɛ́: «Paapílán ɔ nuɔ́ndɔ́n nyɛ kupá ká ambaŋɔ́ kisikɛl muɛ́t putɔ́mbí nyɛɛ́ embúl nɔɔpɔ́ á? Metúk óókoólon péényéŋínyé pɔ́ muɛ́t putɔ́mbí, akáánɛ́ pónyípíkotosié. 16Mɔɔnd tipá ukulat kiénsi kí kilaá kiikɔ́si é kiilunén; kiénsi kiikɔ́si kaná ɔkɔ́ɔ́kɛt kiilunén, kílafíkɛ́n ɔ́ɔmbɛt. 17Patipá páákan makɛ́p mɔɔkɔ́si é pilunú pí pipááŋ piɛlɛ́ɛ́ nɔ piyɔ, kati nɛ́ɛ písánɛk, makɛ́p óotik, aáyɛn na makɛ́p na pipááŋ. Páákaákan makɛ́p mɔɔkɔ́si á pipááŋ piikɔ́s, akáánɛ́ kɔk tuɛ́nɛkɛn meem máandɛ́.»
Yésus mééŋúkí akáandɔ́ umóónd uméényí ɔmbúl u atambatámb
(Mál 5.21-43; Lúk 8.40-56)
18Yésus mɛɛlɛ́ umaákála, atambatámb weepísííti, waakɔɔn wɔ́ iŋɔlɔpɛ, wɔ́ kɛ́ɛ́yɛ́ ɛ́ɛ́: «Ɔmbúl waamɛ mɛ́ɛ́kɛ́tɛ́ akásikan; maná kasitál wɔ́ imbɔ́k ukaná ɔsɔt.» 19Yésuse waatukɛn wɔɔŋ kɛ́ɛ́yɛ́ no popíónyí pɛ́ɛ́yɛ́. 20Akáandɔ́ mapá ké embúl ukáánɛ́ umaápíán kifɔɔ kí manɔ́ŋ ukanyi na kɛ́ɛ tuɔŋ túát na túandɛ́, weepísíítin Yésuse é kélém, weepíkíik kinyuŋa kíɛ́yɛ́. 21Akáandɔ́ ukáánɛ́ mɔpíɔ́yɔ́n kɛ́ɛ́yɛ́ kɔ́ ɔtɛ́m ɛ́ɛ́: «Índɛ insiekíik kukíik kinyuŋa kíɛ́yɛ́, iŋaná kuéŋuk.» 22Yésus mɛ́píkɛ́kɛ́lɛt, wɛɛ́nɛn wɔ́, wɔ́ kɛ́ɛ́yɛ́ ɛ́ɛ́: «Píkányɛ́k, ɔmbúl waamɛ! Pipióndinyí ɔtɛ́m píáwɔ mɔ́ɔ́kuɔkɔ́.» Akáandɔ́ weéŋuk nɔ niɔ́kɔ́tɔ́n. 23Yésus áámán á nuyá nú atambatámb, wɛɛ́nɛn potóŋí inselí ne embúl u pɛɛnd pépíkite, wɔ́ ɛ́ɛ́: 24«Ánuáman, ɔmbúl ewe timéékú, waápítiman.» Póond á kusikan wɔ. 25Pɛ́mɛɛlɛ́ péémenyi pɛɛnd kɔ́ ɔɔ́nd, Yésuse weepíkin weetukenyi ɔmbɔ́k ú muúŋayɔ́ akáandɔ́, ɔmbúl ukáánɛ́ wɛɛnyɔk. 26Niɔy nikáánɛ́ níásálamand ɛ́ mɛɛŋɛ́l kitikit.
Yésus mééŋúkí pepútepute páandɛ́
27Aná Yésus maáyuúkán, pepútepute páandɛ́ pɔ́ɔŋ kɛ́ɛ́yɛ́, pɔ́ɔyɔn wɔ́ ekelú mɛnɛ́mɛnɛ́ɛ ɛ́ɛ́: «Túɛ́n ɔsɔk, kinɔ́k kí Tafíit!» 28Umɛɛlɛ́ upíken á kiansi, pepútepute pakáánɛ́ péépísíítin wɔ, wɔ́ kɔ́ɔ́p ɛ́ɛ́: «Nuópíondonyi ɔtɛ́m káámɛ ɛ́ɛ́ inyɛ pɛ́kuɛl púú á?» Pɔ́ kɛ́ɛ́yɛ́ ɛ́ɛ́: «Ɛ́ɛ́ɛ, Ɔkɔ́n.» 29Yésuse weekíik pɔ́ ké eŋís, wɔ́ kɔ́ɔ́p ɛ́ɛ́: «Ɛ́nyɛɛ́ púpíɛl káánɔ́ ó pipíóndínyí ɔtɛ́m káámɛ.» 30Eŋís yé pepútepute wɛɛ́, póond ɛ́ kuɛ́nɛn. Yésuse weekínditin pɔ́ɔ ɛ́ɛ́: «Énupíkeŋényésí ɛ́ɛ́ mɔɔnd timenyí!» 31Pɔ́ kɔk, pááman, péésélemendi niɔy é kiénsi kí kúúsí kikáánɛ́ kitikit.
Yésus mééŋúkí kindikélítíe
(Lúk 11.14-15)
32Pepútepute mɛɛlɛ́ pákanyɛɛ́ kuáman, póólin Yésuse ne kindikélítíe kímaápá nɔ kilɔk kí kiliíndítíe. 33Yésus kúúŋa kilɔk kí kiliínditíe, kindikélítíe kíond á kukála. Imbúl sí pɛɛnd síónd é kusímile, síɔ́yɔ ɛ́ɛ́: «Tumapási tutiɛ́n puandá anɛ ɔ́ kitɔŋ kí Isilayɛ́ɛl!» 34Maná, Pafalisiɛ́ŋ pɔ́ pɔ́ɔ́yɔ ɛ́ɛ́: «Ɔkɔ́n u pilɔk pí piliíndítíe weekenyée wɔ́ pukaaka pú kukúúŋa pɛ́ɛ.»
Yésuse ni imbúl sí kati ekííkée
(Mál 6.6b34; Lúk 10.2)
35Yésus pɔŋɔ papálɛ́k nɔ pitɔŋ kitikit, woónyonyi á piansi pí imbísókólí, ukéme insɔ́m yi indámb i Pufuŋ pú Támbák; weéŋukesi manúma no mokóndi kitikit. 36Wɛɛ́nɛn imbúl sí pɛɛnd, Yésuse waapia niɛ́nɔsúkɛ, á kiákí ɛ́ɛ́ pámapá paándán, pápúndupɔnd ɛlɛɛ́ pitúúmbɛ́ɛ pítiányípá ne ekííkí. 37Yésus kanyi ó popíónyí pɛ́ɛ́yɛ́ ɛ́ɛ́: «Niok nyɛ kutek, peelímoólí paayɔ́;» 38ónupísókólónyí muɛ́t niok ɛ́ɛ́ útɔm peelímoólí kɛ́ɛ́yɛ́ ó niok.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2026, CABTAL