Málákuse 4
4
Nsab ya mɔnd umeébuénén imbu
(Mat 13.1-15; Lúk 8.4-10)
1Yésu guand gubanyɛg gufúnyifunyi band agá gɛsál gá manáŋ abɔ́sa wa Galilé. Gianta gá giŋi gá band igiábɛ́gɔ́sɛ́d agág gá buáy, nɛnama nínyá ká uwabɔ́lɛ́g agá gilu, uwelukumin kɔ́. Gímabá agá manáŋ abɔ́sa, band agá nsɔ́l. 2Umefúnyifúnyi bɔ́ manda giod agá insab. Wɔyɔ gɔ́b agá gufúnyifunyi gág ká: 3«Ɔ́nubɛ́dɔ́lɛ́gɛ́n, mɔnd omodió máab gá guebuénén imbu. 4Anɛ́ umáabá wuúl úfámaán sɛ́, símodió isíaguanan agá masiá má nŋili, munoni umuúl, umuɔ́sɔbɔɔn sɛ́. 5Símodió isíaguanan agá anságáy kɔɔ́m insán diábáná nsɔ́b, isiedúmbi gusɔɔ́g gágual insán dɛmabá giod. 6Ɔɔ́ny máal úgányá gúlánsa, uwébegesi sɛ́, isiákɔ́d, gágual ká sɛ́dɛmabianan ɛŋaŋa giod. 7Símodió isiánaguánán agá bigud bá insánd. Bigud ibiány ibiágɔm, ibiamányɛ́gɛnɛn imbu isiány símɔ́ɔsɔɔ́g, isiɔ́lɔb ta guóm. 8Símodió sɔ́n isiágua agá ginɔ́g gá gus. Isíebumug, isíagɔm, isióm biínd: ebie éŋen insamɔ nitín na siát, esíné etín ádadɔ, esíné éné nɔgɔn.» 9Yésu guɔ́yɛ́kɛnɛn ká: «Mɔnd unyá na idú sá guɔ́b, wɔɔ́b!» 10Giŋi gá band máal na gusánɛ́g, band bɔ́mɔ́ɔbɔ́ŋ Yésu ɔlɔŋ na báta na bándɛ ebédúm guófoon wɔ́ iŋófúnyi agá giáy gɛ́lɛ́ŋaná insab. 11Uganyɛ gɔ́b ká: «Banuá, bégunúlínsí niɔs ná bufuŋ bá Gɔdányá; bɔsɔ́gɔ́ bádiábáná nasɔ, buanda gidigid nyɛ nsab nsaba, 12anaány ká,
bányɛ́ bágɔ́lɛ́ŋa bese na bese bádián,
bɔ́bɛ́dɔ́lɛ́gɔɔn bese na bese, bádɛ́sɔ́ŋɔ́n
bámásɔ́ŋɔ́nɔ, bágabɛ́gɔ́ŋɔ́n ɛdɛm, Gɔdányá nɛnɛn bɔ́.»#4.12 Búnyɛ buɔ́ŋɔ́n agá mbɔbɔnɔ ya Ibús Isáyas 6.9-10
13Uwɔ́yɛ́kɛnɛn ká: «Ɔ́gɔ nudɛmaásɔ́ŋɔ́n nsab eye, nanyá nuganɔ́sɔ́ŋɔ́n síndodió e?
Gubúlún gá nsab
(Mat 13.18-23; Lúk 8.11-15)
14«“Mɔnd gúbuenen” Ndág ya Nsɔ́m. 15Bomodió band nyɛ anyɛ “masiá má nŋili” kɔɔ́m Ndág ya Nsɔ́m máaguá: Anyɛ́ bɔ́mɔ́nuɔ́b, Sátan oól kɔ́ na kɔ́, wéli Ndág ya Nsɔ́m bésseégubu ɔgɔbɔ́. 16Bóndodi nyɛ anyɛ “anságáy”, anyɛ́ bɔ́mɔ́nuɔ́b Ndág ya nsɔ́m, bédúmbi gugɔ́l yɛ́ na bɛdɔdɛn, 17gɔg, gágual ká Ndág ya nsɔ́m mányɛ ɛdɛluá ɛŋaŋa ɔgɔbɔ́, buád buanda guádáb gɔ́b nyá gá mɔɔn wá gɛsɛgɛl. Gigúl meyú mánuánɛ́gɛ, ta ká bámábiá nusésídényi góbusió bá Ndág ya Nsɔ́m, bábɛ́yɛ́bɛd guádáb gɔ́b fiaŋɔfiaŋ 18Síndodi imbu isiágua kɔɔ́m ɔgɔ́ “bigud bá insánd” máabá. Kɔɔ́m gád gányá band bɔ́bɛ́dɔ́lɛ́gɔnɔ́ Ndág ya Nsɔ́m 19gɔg ká, iŋágɛ́nɛn sá gus, bɔnɛ́m búnéŋeniné na gubísésidenyi anama gidigid bíŋínin bɔ́, manda amaány gidigid nyɛɛ́n Ndág ya Nsɔ́m ɛyɛ́ bɔ́mɔ́ɔbɛ́dɔ́lɛ́gɔɔ́n, idióm biínd. 20Síndodi imbu maguánán agá “ginɔ́g gá gus”: Gɛ́gɛ́ gínyá band bɔ́mɔ́ɔb Ndág ya Nsɔ́m, abáadáb yɛ́, oboóm biínd: “ebie nitín na biát, ebíné etín ádadɔ, ebíné éné nɔgɔn”.»
Nsab ya lámba na ya nuged
(Mat 5.15–10.26; Lúk 8.16-18; 11.33; 6.38)
21Agá gélem ány, Yésu ganyɛ gɔ́b ká: «Báguágaan lámba yoóg ká bégíndigin wɔ́ na ɔlɔngɔ e, ɔ́gɔ ká bɔ́sɛg wɔ́ agá buúŋúsisi e? Saá bágúdága wɔ́ agá gɛdálɛ́nɛ e? 22Buanda gidigid búnyá agá niɔs gadambɔg, búnyá buɔsɛ́gɔ́n gɔbiɔ́sɔn. 23Mɔnd unyá na idú sá gɔ́b, wɔ́b!» 24Uganyɛ gɔ́b sɔ́n ká: «Nubɛ́nyáŋanyaŋ na moóny ɔmɔ́ nubɛ́dɔ́lɛ́gɔnɔ́! Gɔdányá gúgedenyi buanda ubú unuéŋené na nuged ɔnɔ́ nugedenyé na nɔ́, na bɛdálág. 25Gágual ká mɔnd ubiananá, bɔ́gɔɔ́yɛ́kɛnɛn wɔ́. Udiábiánáná, bénuéli ta ɛdádámɔ unyá na yɛ́#4.25 Yésu guámba guɔyɛd ká: ewe ugɔ́lɔnɔ́ gɛsɛgɛl na gugál gág, ubiágan makányá gá guɔ́bɔn gɔ́, Gɔdányá gal ká wɔ́bɔn gú gudúmbídenyi, ewe udiɔ́gɔ́lɔ́nɔ́ gɛsɛgɛl, Gɔdányá geéli tá mɔɔn wa gɔ́b ɔwɔ́ baan yá na wɔ́..»
Nsab ya bisɔɔ́gɔsɔɔ́gɔ
26Uwɔb nobusió uganyɛ ká: «Bufuŋ bá Gɔdányá nyɛ anyɛ buóny búbiɔ́yɔnɔ́ agá nsab eye ká: mɔnd mafámaán imbu agág gá gisién. 27Ta ubɛ́dɛ́maan, ta ubá nŋanyuá, ta na budug ta na buɔ́s, imbu ság gúbumugeen, sɛ́gɔ́maan, udɛlɛnsɛ anyɛ́ búbiálaná. 28Gús guúgú muát gúsógonyó magɔ́nɛd: Ndiín ákɛn, biínd ládɛ́gɛn, insamɔ súgúdenyi. 29Insamɔ mágɔ́nɛ́n, mɔnd áb gá guaya gigúl máman gueg.»
Nsab ya ansánsamɔ
(Mat 13.31-32; Lúk 13.18-19)
30«Uganyɛ sɔ́n ká: Dɛnyɛ bégúgedi Bufuŋ bá Gɔdányá na giág e, na nsab inúm e? 31Búgúbɛ́fuáganan ombu wá bɔgɔnɛ́d búmodió bábɛ́laná mutálad; ombu uwaány nyɛ ményi siɔdɛ́dɛ́dɛ́dɛd gɔdɔ́mb imbu sa gus gidigid; 32ámágɔ́n wɔ́, úgúguman giod, gɔdɔ́mb magɔ́nɛd má gisién móndodió, údúmé bianta bá bɛgas, nɛnama nɛ́nyá ká, munoni nyɛ́ bágúfuága aŋana yɔ́b kɔ́.»
33Na insab giod anyɛ eye Yésu méefúnyifúnyi band Ndág ya Nsɔ́m, agá edény wá sigi mɔnd a máabá bagual wɔɔ́b. 34Ta buɔ́s udimefúnyifunyi bɔ́ kand insaba, gɔg ká, gigúl umɔ́nulɔbɛ́n ɔwɔ́ eŋényé na bafɔ́nɔfɔ́n bág, wanɔnan bɔ́ buanda gidigid.
Yésu mélúŋi gianta gá ofufuny
(Mat 8.18,23-27; Lúk 8.22-25)
35Na niɔ́b ná buád buɔ́s, Yésu ganyɛ gá bafɔ́nɔfɔ́n bág ká: «Nsɛ́ díyɔɔg negúné wa manáŋ abúsa.» 36abátɛɛ́n giŋi gá band, ɔbɔ́nɔfuɔ́gɛ́n wɔ́ agá gilu ɛgɛ́ umáabá gá gɛ́, abádɔ́mb. Band abábɔ́lɛ́gaan agá bilu bímodió bɛ́máabá egúy naga, abálád wɔ́. 37Agá gélem ány, gianta gá ofufuny igiábanyɛg gufuŋe, binób bɛ́yɔ́gan bɛ́guanan agá gilu nagadá, guám anyɛ́ madɛ́ga máal mófuógi gɛ́. 38Ɔwɔ́, umabá agá gélem gá gilu ubɛ́dɛ́man, ɔduɔ́ wág mabá adálán agá nŋáda. Bafɔ́nɔfɔ́n bág guenyi wɔ́, bágányɛ gág ká: «Ofúnyifúny, búdɛgúguala buanda dɛ́máfɔ́f e?» 39Uwanyɔg, uwánsɛ́dɛn ofufuny, uganyɛ gá manáŋ abúsa ká: «lúŋu! Pɔ́!» Kɔ́ na kɔ́, ufufunyi uwélúŋ, kɔɔ́m egélúŋ yéménéméné. 40Uganyɛ gɔ́b ká: «Gá giág nudagiminana e, numányɛ nudɛbiá giondiɔdɛ́mɔ́ e?» 41Gianta gá buwa igiádɛgɛn bɔ́, ebédúm guɔyɔ bɔ́bɔ́ na bɔ́bɔ́ gɔg ká: «Kás bɔ́bɔnd ebué, ta ofufuny, ta manáŋ abúsa álaná wɔ́ ɛŋɔ́bɛnɔ e?»
Právě zvoleno:
Málákuse 4: MMU2
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
CABTAL
Málákuse 4
4
Nsab ya mɔnd umeébuénén imbu
(Mat 13.1-15; Lúk 8.4-10)
1Yésu guand gubanyɛg gufúnyifunyi band agá gɛsál gá manáŋ abɔ́sa wa Galilé. Gianta gá giŋi gá band igiábɛ́gɔ́sɛ́d agág gá buáy, nɛnama nínyá ká uwabɔ́lɛ́g agá gilu, uwelukumin kɔ́. Gímabá agá manáŋ abɔ́sa, band agá nsɔ́l. 2Umefúnyifúnyi bɔ́ manda giod agá insab. Wɔyɔ gɔ́b agá gufúnyifunyi gág ká: 3«Ɔ́nubɛ́dɔ́lɛ́gɛ́n, mɔnd omodió máab gá guebuénén imbu. 4Anɛ́ umáabá wuúl úfámaán sɛ́, símodió isíaguanan agá masiá má nŋili, munoni umuúl, umuɔ́sɔbɔɔn sɛ́. 5Símodió isíaguanan agá anságáy kɔɔ́m insán diábáná nsɔ́b, isiedúmbi gusɔɔ́g gágual insán dɛmabá giod. 6Ɔɔ́ny máal úgányá gúlánsa, uwébegesi sɛ́, isiákɔ́d, gágual ká sɛ́dɛmabianan ɛŋaŋa giod. 7Símodió isiánaguánán agá bigud bá insánd. Bigud ibiány ibiágɔm, ibiamányɛ́gɛnɛn imbu isiány símɔ́ɔsɔɔ́g, isiɔ́lɔb ta guóm. 8Símodió sɔ́n isiágua agá ginɔ́g gá gus. Isíebumug, isíagɔm, isióm biínd: ebie éŋen insamɔ nitín na siát, esíné etín ádadɔ, esíné éné nɔgɔn.» 9Yésu guɔ́yɛ́kɛnɛn ká: «Mɔnd unyá na idú sá guɔ́b, wɔɔ́b!» 10Giŋi gá band máal na gusánɛ́g, band bɔ́mɔ́ɔbɔ́ŋ Yésu ɔlɔŋ na báta na bándɛ ebédúm guófoon wɔ́ iŋófúnyi agá giáy gɛ́lɛ́ŋaná insab. 11Uganyɛ gɔ́b ká: «Banuá, bégunúlínsí niɔs ná bufuŋ bá Gɔdányá; bɔsɔ́gɔ́ bádiábáná nasɔ, buanda gidigid nyɛ nsab nsaba, 12anaány ká,
bányɛ́ bágɔ́lɛ́ŋa bese na bese bádián,
bɔ́bɛ́dɔ́lɛ́gɔɔn bese na bese, bádɛ́sɔ́ŋɔ́n
bámásɔ́ŋɔ́nɔ, bágabɛ́gɔ́ŋɔ́n ɛdɛm, Gɔdányá nɛnɛn bɔ́.»#4.12 Búnyɛ buɔ́ŋɔ́n agá mbɔbɔnɔ ya Ibús Isáyas 6.9-10
13Uwɔ́yɛ́kɛnɛn ká: «Ɔ́gɔ nudɛmaásɔ́ŋɔ́n nsab eye, nanyá nuganɔ́sɔ́ŋɔ́n síndodió e?
Gubúlún gá nsab
(Mat 13.18-23; Lúk 8.11-15)
14«“Mɔnd gúbuenen” Ndág ya Nsɔ́m. 15Bomodió band nyɛ anyɛ “masiá má nŋili” kɔɔ́m Ndág ya Nsɔ́m máaguá: Anyɛ́ bɔ́mɔ́nuɔ́b, Sátan oól kɔ́ na kɔ́, wéli Ndág ya Nsɔ́m bésseégubu ɔgɔbɔ́. 16Bóndodi nyɛ anyɛ “anságáy”, anyɛ́ bɔ́mɔ́nuɔ́b Ndág ya nsɔ́m, bédúmbi gugɔ́l yɛ́ na bɛdɔdɛn, 17gɔg, gágual ká Ndág ya nsɔ́m mányɛ ɛdɛluá ɛŋaŋa ɔgɔbɔ́, buád buanda guádáb gɔ́b nyá gá mɔɔn wá gɛsɛgɛl. Gigúl meyú mánuánɛ́gɛ, ta ká bámábiá nusésídényi góbusió bá Ndág ya Nsɔ́m, bábɛ́yɛ́bɛd guádáb gɔ́b fiaŋɔfiaŋ 18Síndodi imbu isiágua kɔɔ́m ɔgɔ́ “bigud bá insánd” máabá. Kɔɔ́m gád gányá band bɔ́bɛ́dɔ́lɛ́gɔnɔ́ Ndág ya Nsɔ́m 19gɔg ká, iŋágɛ́nɛn sá gus, bɔnɛ́m búnéŋeniné na gubísésidenyi anama gidigid bíŋínin bɔ́, manda amaány gidigid nyɛɛ́n Ndág ya Nsɔ́m ɛyɛ́ bɔ́mɔ́ɔbɛ́dɔ́lɛ́gɔɔ́n, idióm biínd. 20Síndodi imbu maguánán agá “ginɔ́g gá gus”: Gɛ́gɛ́ gínyá band bɔ́mɔ́ɔb Ndág ya Nsɔ́m, abáadáb yɛ́, oboóm biínd: “ebie nitín na biát, ebíné etín ádadɔ, ebíné éné nɔgɔn”.»
Nsab ya lámba na ya nuged
(Mat 5.15–10.26; Lúk 8.16-18; 11.33; 6.38)
21Agá gélem ány, Yésu ganyɛ gɔ́b ká: «Báguágaan lámba yoóg ká bégíndigin wɔ́ na ɔlɔngɔ e, ɔ́gɔ ká bɔ́sɛg wɔ́ agá buúŋúsisi e? Saá bágúdága wɔ́ agá gɛdálɛ́nɛ e? 22Buanda gidigid búnyá agá niɔs gadambɔg, búnyá buɔsɛ́gɔ́n gɔbiɔ́sɔn. 23Mɔnd unyá na idú sá gɔ́b, wɔ́b!» 24Uganyɛ gɔ́b sɔ́n ká: «Nubɛ́nyáŋanyaŋ na moóny ɔmɔ́ nubɛ́dɔ́lɛ́gɔnɔ́! Gɔdányá gúgedenyi buanda ubú unuéŋené na nuged ɔnɔ́ nugedenyé na nɔ́, na bɛdálág. 25Gágual ká mɔnd ubiananá, bɔ́gɔɔ́yɛ́kɛnɛn wɔ́. Udiábiánáná, bénuéli ta ɛdádámɔ unyá na yɛ́#4.25 Yésu guámba guɔyɛd ká: ewe ugɔ́lɔnɔ́ gɛsɛgɛl na gugál gág, ubiágan makányá gá guɔ́bɔn gɔ́, Gɔdányá gal ká wɔ́bɔn gú gudúmbídenyi, ewe udiɔ́gɔ́lɔ́nɔ́ gɛsɛgɛl, Gɔdányá geéli tá mɔɔn wa gɔ́b ɔwɔ́ baan yá na wɔ́..»
Nsab ya bisɔɔ́gɔsɔɔ́gɔ
26Uwɔb nobusió uganyɛ ká: «Bufuŋ bá Gɔdányá nyɛ anyɛ buóny búbiɔ́yɔnɔ́ agá nsab eye ká: mɔnd mafámaán imbu agág gá gisién. 27Ta ubɛ́dɛ́maan, ta ubá nŋanyuá, ta na budug ta na buɔ́s, imbu ság gúbumugeen, sɛ́gɔ́maan, udɛlɛnsɛ anyɛ́ búbiálaná. 28Gús guúgú muát gúsógonyó magɔ́nɛd: Ndiín ákɛn, biínd ládɛ́gɛn, insamɔ súgúdenyi. 29Insamɔ mágɔ́nɛ́n, mɔnd áb gá guaya gigúl máman gueg.»
Nsab ya ansánsamɔ
(Mat 13.31-32; Lúk 13.18-19)
30«Uganyɛ sɔ́n ká: Dɛnyɛ bégúgedi Bufuŋ bá Gɔdányá na giág e, na nsab inúm e? 31Búgúbɛ́fuáganan ombu wá bɔgɔnɛ́d búmodió bábɛ́laná mutálad; ombu uwaány nyɛ ményi siɔdɛ́dɛ́dɛ́dɛd gɔdɔ́mb imbu sa gus gidigid; 32ámágɔ́n wɔ́, úgúguman giod, gɔdɔ́mb magɔ́nɛd má gisién móndodió, údúmé bianta bá bɛgas, nɛnama nɛ́nyá ká, munoni nyɛ́ bágúfuága aŋana yɔ́b kɔ́.»
33Na insab giod anyɛ eye Yésu méefúnyifúnyi band Ndág ya Nsɔ́m, agá edény wá sigi mɔnd a máabá bagual wɔɔ́b. 34Ta buɔ́s udimefúnyifunyi bɔ́ kand insaba, gɔg ká, gigúl umɔ́nulɔbɛ́n ɔwɔ́ eŋényé na bafɔ́nɔfɔ́n bág, wanɔnan bɔ́ buanda gidigid.
Yésu mélúŋi gianta gá ofufuny
(Mat 8.18,23-27; Lúk 8.22-25)
35Na niɔ́b ná buád buɔ́s, Yésu ganyɛ gá bafɔ́nɔfɔ́n bág ká: «Nsɛ́ díyɔɔg negúné wa manáŋ abúsa.» 36abátɛɛ́n giŋi gá band, ɔbɔ́nɔfuɔ́gɛ́n wɔ́ agá gilu ɛgɛ́ umáabá gá gɛ́, abádɔ́mb. Band abábɔ́lɛ́gaan agá bilu bímodió bɛ́máabá egúy naga, abálád wɔ́. 37Agá gélem ány, gianta gá ofufuny igiábanyɛg gufuŋe, binób bɛ́yɔ́gan bɛ́guanan agá gilu nagadá, guám anyɛ́ madɛ́ga máal mófuógi gɛ́. 38Ɔwɔ́, umabá agá gélem gá gilu ubɛ́dɛ́man, ɔduɔ́ wág mabá adálán agá nŋáda. Bafɔ́nɔfɔ́n bág guenyi wɔ́, bágányɛ gág ká: «Ofúnyifúny, búdɛgúguala buanda dɛ́máfɔ́f e?» 39Uwanyɔg, uwánsɛ́dɛn ofufuny, uganyɛ gá manáŋ abúsa ká: «lúŋu! Pɔ́!» Kɔ́ na kɔ́, ufufunyi uwélúŋ, kɔɔ́m egélúŋ yéménéméné. 40Uganyɛ gɔ́b ká: «Gá giág nudagiminana e, numányɛ nudɛbiá giondiɔdɛ́mɔ́ e?» 41Gianta gá buwa igiádɛgɛn bɔ́, ebédúm guɔyɔ bɔ́bɔ́ na bɔ́bɔ́ gɔg ká: «Kás bɔ́bɔnd ebué, ta ofufuny, ta manáŋ abúsa álaná wɔ́ ɛŋɔ́bɛnɔ e?»
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
CABTAL