Matáyoso 27
27
Bámábán Yésu aga Piláta
(15.1-2; Lúk 22.66; 23.1; Sáŋ 18.28)
1Tútútú na budúdúgu, bɔgɔ́gɔ gidigid na bagɔn bá gɛdɔŋ abásɔ́mb ká bɔɔ́n Yésu. 2Ɔbɔ́yɛd ká bágɔ́d Yésu, abáb naga ká béŋín wɔ́ aga ngɔ́mɔnɔ Piláta.
Nigú ná Yúdasa
3Yúdasa uméedú Yésu, anyɛ́ umáan ká bámáman gufudi Yésu anyɛ́ bámáasɔ́mb gɛsan, ubuála wɔ́ bɔbɛ giod agá ɔdɛm, uwɔb ká wóndínyí bɔgɔ́gɔ bɛkɔ́ŋ bá muonyi nitín na biát béméeŋín wɔ́. 4Uganyɛ gɔ́b ká: «Nsaal gɛfal anyɛ́ nségudú mɔnd wa kand gɛgua.» Ta anaány, bágányɛ ká: «Búgúgulɛ́ŋa! Búdigúdiála ta onkól!» 5Yúdasa guságɛ́dɛn imbámb isiány agá gians gá Gɔdányá, uwaám gá guabɛ́dɔ́ŋ. 6Bɔgɔ́gɔ gugɔ́l muonyi umuány bágányɛ ká: «Bisele bás dɛgɔdɛ́fánan bugaga bágual ká diág muonyi emue agá nukólóbóŋ ná gians gá Gɔdányá, gágual ká búnyɛ muonyi má manɔŋ.» 7Bámáal bɔ́mɔ́bɔ́n gá muonyi umuány, ɔbɔɔ́nd gus gá gunyonon benyi kɔ́ aga mɔnd umananá museny. 8Buád buanda gutɔ gusiám nɛ́nuán bábɛ́laná gus uguány ká: «Gús gá manɔŋ». 9Anaány gugál gá ibús yá Gɔdányá Selemí móobífuógídónyí, gúguɔyɔ ká: Ɔbɔ́gɔ́l imbámb sá muonyi nitín na siát; sínyá biɔŋɔ́n ɛbɛ́ baan bá Ísalayɛ́l mɔ́ɔbɔɔ́n ká bɔɔ́nd wɔ́. 10Béméŋín sɛ́ gá gúnam gus gá mɔnd umananá museny, gɔɔ́gɔ anyɛ́ Ɔgúnɔ́ mɔ́ɔŋɔyɛ́dɛ́n ká búbiál#27.10 Ɛmbɛ́dágɛ́dɛ́n eye gúbíbúlenyi na gugál gá Sakaliás 11.12-13 na gá Selemí 18.2-3; 19.1-2; 32.6-15.
Yésu aga Piláta
(Mál 15.2-15; Lúk 23.2-5,13-35; Sáŋ 18.28–19.16)
11Abában Yésu aga ngɔ́mɔnɔ. Ngɔ́mɔnɔ iyaány guófún wɔ́ ká: «Anyɛ ofuŋ wa Beyúdɛn e?» Yésu guodinyi ká: «Ɔguɔ́yɔ.» 12Udimondinyi ta buand gɔg gá iŋófúny sɛ́lɛ́ŋaná bɛ́sɔ́mɔnɔ bá bɔgɔ́gɔ na bagɔn bá gɛdɔŋ. 13Piláta ganyɛ gág gɔ́g ká: «Ɔdiguɔ́bɔɔn ɛduá sá móony gidigid esie sɛ́gɔ́lɛ́ŋana e?» 14Yésu uwelúŋ, ta guás wɔ́. Gúlúŋ uguány uguál ká ngɔ́mɔnɔ méŋeméŋ ta bɔ́guɔyɔ. 15Sig budɔmb bá guáŋɛ́g bá Beyudɛn, ngɔ́mɔnɔ mabá wémenyi gɛmbɔg ɛgɛ́ giŋi gá band sɔɔ́guɔyɛ́d ká wémi. 16Agá gɛsɛgɛl igiány gɔg, gigúmín gá gɛmbɔg bámáabá bábɛ́laan ká Yésu Balábasa#27.16 Iŋɔ́ŋɛ́n símodió sínsua diguɔ́yɔ ká: Yésu Balábasa, síguɔ́yɔ kɔɔ́kɔ ká Balábasa. mabá kɔ́. 17Piláta guad guófun giŋi gá band gímábɛ́gɔ́sɛ́gán ány ká: «Gá band bándɛ ebe, na Yésu Balábasa, na Yésu bábɛ́laná ká Kilíse, ínɛn ányá e?» 18Piláta malɛnsaán bese na bese ká bémedú Yésu gá yaág. 19Gɛsɛgɛl umáabá ugélenyi Yésu agá kɔɔ́m gá nɛgál, agany wág gudúmínyí wɔ́ nsɔ́m ká: «Ebiétenyi gá buóny bá mɔnd uwaány alɛnsaan o, unyɛ mɔnd unyá osi. Gágual ká, nsɔ́bɛ́g na budug bá ínen agá ɛlɛmɛ gág gá busió.» 20Bɔgɔ́gɔ na bagɔn bá gɛdɔŋ ebédídígen giŋi gá band ká bɔ́yɛ́d ká bánɛnɛn bɔ́ Balábasa, bɔɔ́n Yésu 21Piláta guand gugɔ́l gugál uwófún ká: «Gá bándɛ ebe bándɛ, unúm nuambaná ínúnɛnɛn e?» Obóndinyi ká: «Balábasa.» 22Owófun bɔ́ ká: «Yaál nanyá gɔg na Yésu bábɛ́laná ká Kilíse e?» Beme wɔ́b obóndinyi ká: «Sánd wɔ́!» 23Uwófún bɔ́: «Kásɛ́ bɔbɛ unyá gual e?» Abábaan na busió na guánsa magɔ́gɔ́n bɔ́yɔ ká: «Sánd wɔ́ agá kolós!» 24Anyɛ́ Piláta maán ká ugúdúmbenyi gɛsɛgɛl gág gá gilé, ta anaány, band abábaan na busió na guánsa. Uwɔgɔ́l madɛ́ga, uwabɛ́sɔga ɛmbɔ́g agá busió bá giŋi gá band wɔyɔ ká: «Adɛnyá mbúny, edinúf mbúny! Bán ubuány, manɔŋ mág dɛgɔ́lɛ́ŋa!» 25Band gidigid obóndinyi ká: «Nsɛ́ manɔŋ mág dióndin, nás na baan bás!» 26Uwémínyi bɔ́ gɔg Balábasa. Umáal úmɔ́yɛd ká bégíde Yésu, uwabád guéŋin band abaány Yésu ká básánd wɔ́.
Musia gúsɛga Yésu
(Mál 15.16-20; Lúk 23.11; Sáŋ 19.2-3)
27Musia má Piláta guban Yésu agá ndáŋa ya ngɔ́mɔnɔ, ebébíbúlidenyi na musia múmodió, ebégéŋélidi Yésu. 28Ebéli wɔ́ bɛla, abaág wɔ́ gɛla gá guya lóoo;#27.28 Kaba lóoo: Na Nuɛlɛ́ka guamba guɔyɛd ká búnyɛ ka wa musia ma Balomɛ́ŋ. 29abánɔg ndanyá ya insánd abaág wɔ́ agá ɔduɔ́, obónd abaág wɔ́ nubal agá ɔmbɔ́g ɔnɛ́m; ebégunsen wɔ́ enú agá busió bág básɛ́ga wɔ́ bɔ́yɔ ká: «Ofuŋ wá Beyúdɛn, dimégubígélídi.» 30Ebétúnen wɔ́ bité, ɔbɔ́gɔ́lɔɔn nubal, ɔbɔ́gɔdɔɔn wɔ́ agá ɔduɔ́ nanɔ́. 31Bámaál bámáasɛga wɔ́, ebéli wɔ́ gɛla gá guya bámáag wɔ́, obóndi wɔ́ bɛla bág, abád gubaan wɔ́ ká básánd wɔ́.
Gɛsanda gá Yésu agá kolós
(Mál 15.21-32; Lúk 23.26-43; Sáŋ 19.16-24)
32Anɛ́ bámáamaán tísɔn, ebélumen na mɔnd omodió wa tísɔn wa Silɛ́n ɔfɛ́n ká Símune; ɔbɔ́yɛd gág gá bugaga ká úbɛ́dɔ́gɛn kolós wa Yésu. 33Abanaám agá kɔɔ́m bábɛ́laná Gologóta, anaány gúnyá kɔɔ́m gá ginkólóŋ kólóŋ gá ɔduɔ́. 34Ebéŋín wɔ́ magɛ́b bulény bulény na buanda bá gunua. Anyɛ́ umɔ́ɔlɔmɛ́dɛ́n mɔ́, uwen gusulugugi. 35Bámáal bámáasand wɔ́, abál ɛfɛdafɛda gá guafɛdan bɛla bág. 36Abád gulukumin ány gá gugégenyi wɔ́. 37Ɔduɔ́ wa buóny wá gɛgua gág mabá aŋágán agá ɔduɔ́ wág, búmabá buɔ́ŋɔ́n kɔ́ ká: «Yésu ewe, ofuŋ wá Beyúdɛn.» 38Bɛmbuánsɛl biándɛ mabá bɛsandán egúy na Yésu, gímoom agá ɔmbɔ́g ɔnɛ́m wág, gímodió ɔmbɔ́g adád, sig mɔnd a mabá gá waga kolós. 39Band bámáabá bádɔ́mbaan molókónyí ɛduá, básɛ́ga wɔ́; 40bɔ́yɔ ká: «Aŋuá agad gians gá Gɔdányá, afuág gɛ́ gá medug mádadɔ, bísódí aŋuá muát; ímábá anyɛ Mɔɔn wá Gɔdányá, ónd ésém agá kolós!» 41Boŋi bisele, na bɔgɔ́gɔ na bagɔn bá gɛdɔŋ másɛgá wɔ́ buanda búmoom bɔ́yɔ ká: 42«Úgusódonyi bɔsɔ́gɔ́, nsɛ́ úbísódi uwɔ́ muát, uwɔ́ ubiɔ́yɔnɔ́ ká unyɛ ofuŋ wa Ísalayɛ́la! Nsɛ́ úsém agá kolós nɛ́nuán, ány dɛgaguág ɛdɛm saás agagá. 43Umáag ɔdɛm wág aga Gɔdányá, nsɛ́ Gɔdányá sódi wɔ́ nɛ́nuán, ímábá ugúbíléne wɔ́, saá umɔyɛ́d ká: “Inyɛ mɔɔn wá Gɔdányá e!”» 44Nɛnama nímoom, ta bɛmbuánsɛl bámáasánd agá bokolós máasɛgá wɔ́.
Nigú na Yésu
(Mál 15.33-39; Lúk 23.44-48; Sáŋ 19.28-30)
45Mbíne iyedúmbi gugua aga gɛdɔŋ gidigid gá tólóf wa buɔ́s, gutɔ guám gá bɛsɛgɛl bɛ́dadɔ bá niɔ́b. 46Gá bɛsɛgɛl bɛ́dadɔ ibiány, Yésu uwánsɛ́d magɔ́gɔ́n ká: «Elóyi Elóyi, lama sabakatání#27.46 Eloyi Eloyi lama sakabatani nyɛ nualamayɛ́ŋ gugál umáabá ugála. Bámabá bábɛ́dága ká ibús Isayi umáabá ubɛ́lan.?» Anaány gúnyɛ ká: «Gɔdányá wám, Gɔdányá wám, amámbɛ́yɛ́bɛ́d gágiág e?» 47Gɛdam gá band gɛ́maábá kɔ́ ɔ́bɔɔn anaány, ɔbɔ́yɛd ká: «Ugúbɛ́laan Elí!» 48Kɔ́ na kɔ́, sɔ́gɔ́ ondodió gɔb na ɔdɛ́d, gueyubu giyugu agá magɛ́b mányá guáb, uwafaŋɛ́g gɛ́ agá nsónsó ya nɔbal, gudóŋinyi Yésu ká úbúwá. 49Bɔsɔ́gɔ́ bómodió ganyɛ ká: «Bídí dián ɔ́gɔ Elí#27.49 Elí aya nyɛ ibús yá Gɔdányá. gogúsósídí wɔ́!» 50Yésu guand guág nugogó magɔ́gɔ́n, uwáfaŋɛg ambak. 51Gá gɛsɛgɛl giád, gianta gá sanda gímáabá giádɔ́ná gians gá Gɔdányá biéns biándɛ igiédúmbi gusalɛg gudúm gɛmuaná, guám gɛmbádá#27.51 Sanda uwány mabá uwelegen band ká bádɛbaan kɔɔ́m gámábá gisele. Asiá ɔgɔn wa besiíd bidug bá Gɔdányá umábá ubíŋen kɔ́ gɛsɛgɛl gímóm gá yɔŋ ká wɔ́ŋɛ́n Gɔdányá gɛnɛnɛna gá busió bá bɛfal bá band bá Isalayɛ́l., gus uguébiéyidin, bidánydány ibiásalasal, 52bɛbɛl ibiébífune, bɛlɔŋ bá musámb má band giod umuányɔgaan aga ebeguén. 53Anyɛ́ Yésu máanyɔ́g aga ebeguén, abámaan agá bɛbɛl, ebébíŋén Yelúsalɛm tísɔn wa Gɔdányá, band giod abánaan bɔ́. 54Ɔgɔ́n wa musia na musia múmodió múmáabá múgégenyi Yésu máal na guán gus mébiéyídín na manda gidigid mámáabɛ́dɔ́mbána, gianta gá buwa igiádɛgɛn bɔ́, bágányɛ ká: «Meliŋítas, mɔnd ewe águbá Mɔɔn wa Gɔdányá.»
Munyon ma Yésu
(Mál 15.40-47; Lúk 23.49-56; Sáŋ 19.25,38-42)
55Bagánd giod mabá enéné bálɛ́ŋa; bémedúm gúládaan Yésu gutɔ guédúm Galilé, bámabá bédúgúne wɔ́. 56Ɔgɔ́b gá ɔlɔŋɔ, Maliá wa tísɔn wa Magadala, na Maliá inyódió Sáka na Yɔ́sɛba, na inyódió wa baan bá Sebedé. 57Niɔ́b máal ná gugua, ɛnɔ́m ya mɔnd wa tísɔn wa Alimaté ɔfɛ́n ká Yɔ́sɛba gusiám, umábá sɔ́n ɔfɔ́nɔfɔ́n wá Yésu. 58Uwɔb aga Piláta uwonoófún wɔ́ gɛlɔŋ gá Yésu. Piláta uwéŋin niíd ká béŋin Yɔ́sɛba gɛlɔŋ. 59Anyɛ́ Yɔ́sɛba mɔ́ɔgɔ́l gɛlɔŋ, uwemúŋe gɛ́ na giéns gá gɛla gɛgɔ́s, 60uwanaág gɛ́ agá gɛbɛl gɛgɔ́s bɔ́mɔ́ɔfɔ́gílɔ́ agá nɛdany, uwefuug nibíŋínín ná gɛbɛl na gianta gá nɛdany, uwadɔ́mb. 61Na Maliá wa Magadalá, na Maliá omodió mabá ány ilukié agá busió bá gɛbɛl.
Ɔgɛ́g wá gɛbɛl
62Mémbelibéli wa buɔ́s búládaná bɛbiándɛ́n bá Sábát, bɔgɔ́gɔ, na Bafalisiɛ́ŋ abáb aga Piláta, 63bágányɛ gág ká: «Ɔgúnɔ́gɔ́n, didibiélídi ká ɔsɔ́bɔ́sɔ́b ewe mɔyɛ́d anyɛ́ umábá umányá gúsɔ́dɔɔn ká: “Agá gélem gá medug mádadɔ, uganyɔg aga ebeguén#27.63 Alɛ́ŋɛ́d 16.21.” 64Éŋín niíd ká gɛbɛl bɛ́bɛ́dɛ́gaan guám medug mádadɔ, eményi, bafɔ́nɔfɔ́n bág gesúgúdenyi gusiéb gɛlɔŋ bɔ́yɔɔn band ká: “Úguanyɔg aga ebeguén.” Igiány gɛsɔbɔ gadɔ́mb gá nsua.» 65Piláta ganyɛ gɔ́b ká: «Ɛ́nɛ́, musia umuány, ánɔ́b núdág ɔgɛ́g; nuál ká bégégenyi gɛbɛl anyɛ́ nubílénené.» 66Abáb gɔg gá guadág ɔgɛ́g wa gɛbɛl, abáfɛl nɛdany ná nibíŋínín, abádág musia gá ɔgɛ́g.
Právě zvoleno:
Matáyoso 27: MMU2
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
CABTAL
Matáyoso 27
27
Bámábán Yésu aga Piláta
(15.1-2; Lúk 22.66; 23.1; Sáŋ 18.28)
1Tútútú na budúdúgu, bɔgɔ́gɔ gidigid na bagɔn bá gɛdɔŋ abásɔ́mb ká bɔɔ́n Yésu. 2Ɔbɔ́yɛd ká bágɔ́d Yésu, abáb naga ká béŋín wɔ́ aga ngɔ́mɔnɔ Piláta.
Nigú ná Yúdasa
3Yúdasa uméedú Yésu, anyɛ́ umáan ká bámáman gufudi Yésu anyɛ́ bámáasɔ́mb gɛsan, ubuála wɔ́ bɔbɛ giod agá ɔdɛm, uwɔb ká wóndínyí bɔgɔ́gɔ bɛkɔ́ŋ bá muonyi nitín na biát béméeŋín wɔ́. 4Uganyɛ gɔ́b ká: «Nsaal gɛfal anyɛ́ nségudú mɔnd wa kand gɛgua.» Ta anaány, bágányɛ ká: «Búgúgulɛ́ŋa! Búdigúdiála ta onkól!» 5Yúdasa guságɛ́dɛn imbámb isiány agá gians gá Gɔdányá, uwaám gá guabɛ́dɔ́ŋ. 6Bɔgɔ́gɔ gugɔ́l muonyi umuány bágányɛ ká: «Bisele bás dɛgɔdɛ́fánan bugaga bágual ká diág muonyi emue agá nukólóbóŋ ná gians gá Gɔdányá, gágual ká búnyɛ muonyi má manɔŋ.» 7Bámáal bɔ́mɔ́bɔ́n gá muonyi umuány, ɔbɔɔ́nd gus gá gunyonon benyi kɔ́ aga mɔnd umananá museny. 8Buád buanda gutɔ gusiám nɛ́nuán bábɛ́laná gus uguány ká: «Gús gá manɔŋ». 9Anaány gugál gá ibús yá Gɔdányá Selemí móobífuógídónyí, gúguɔyɔ ká: Ɔbɔ́gɔ́l imbámb sá muonyi nitín na siát; sínyá biɔŋɔ́n ɛbɛ́ baan bá Ísalayɛ́l mɔ́ɔbɔɔ́n ká bɔɔ́nd wɔ́. 10Béméŋín sɛ́ gá gúnam gus gá mɔnd umananá museny, gɔɔ́gɔ anyɛ́ Ɔgúnɔ́ mɔ́ɔŋɔyɛ́dɛ́n ká búbiál#27.10 Ɛmbɛ́dágɛ́dɛ́n eye gúbíbúlenyi na gugál gá Sakaliás 11.12-13 na gá Selemí 18.2-3; 19.1-2; 32.6-15.
Yésu aga Piláta
(Mál 15.2-15; Lúk 23.2-5,13-35; Sáŋ 18.28–19.16)
11Abában Yésu aga ngɔ́mɔnɔ. Ngɔ́mɔnɔ iyaány guófún wɔ́ ká: «Anyɛ ofuŋ wa Beyúdɛn e?» Yésu guodinyi ká: «Ɔguɔ́yɔ.» 12Udimondinyi ta buand gɔg gá iŋófúny sɛ́lɛ́ŋaná bɛ́sɔ́mɔnɔ bá bɔgɔ́gɔ na bagɔn bá gɛdɔŋ. 13Piláta ganyɛ gág gɔ́g ká: «Ɔdiguɔ́bɔɔn ɛduá sá móony gidigid esie sɛ́gɔ́lɛ́ŋana e?» 14Yésu uwelúŋ, ta guás wɔ́. Gúlúŋ uguány uguál ká ngɔ́mɔnɔ méŋeméŋ ta bɔ́guɔyɔ. 15Sig budɔmb bá guáŋɛ́g bá Beyudɛn, ngɔ́mɔnɔ mabá wémenyi gɛmbɔg ɛgɛ́ giŋi gá band sɔɔ́guɔyɛ́d ká wémi. 16Agá gɛsɛgɛl igiány gɔg, gigúmín gá gɛmbɔg bámáabá bábɛ́laan ká Yésu Balábasa#27.16 Iŋɔ́ŋɛ́n símodió sínsua diguɔ́yɔ ká: Yésu Balábasa, síguɔ́yɔ kɔɔ́kɔ ká Balábasa. mabá kɔ́. 17Piláta guad guófun giŋi gá band gímábɛ́gɔ́sɛ́gán ány ká: «Gá band bándɛ ebe, na Yésu Balábasa, na Yésu bábɛ́laná ká Kilíse, ínɛn ányá e?» 18Piláta malɛnsaán bese na bese ká bémedú Yésu gá yaág. 19Gɛsɛgɛl umáabá ugélenyi Yésu agá kɔɔ́m gá nɛgál, agany wág gudúmínyí wɔ́ nsɔ́m ká: «Ebiétenyi gá buóny bá mɔnd uwaány alɛnsaan o, unyɛ mɔnd unyá osi. Gágual ká, nsɔ́bɛ́g na budug bá ínen agá ɛlɛmɛ gág gá busió.» 20Bɔgɔ́gɔ na bagɔn bá gɛdɔŋ ebédídígen giŋi gá band ká bɔ́yɛ́d ká bánɛnɛn bɔ́ Balábasa, bɔɔ́n Yésu 21Piláta guand gugɔ́l gugál uwófún ká: «Gá bándɛ ebe bándɛ, unúm nuambaná ínúnɛnɛn e?» Obóndinyi ká: «Balábasa.» 22Owófun bɔ́ ká: «Yaál nanyá gɔg na Yésu bábɛ́laná ká Kilíse e?» Beme wɔ́b obóndinyi ká: «Sánd wɔ́!» 23Uwófún bɔ́: «Kásɛ́ bɔbɛ unyá gual e?» Abábaan na busió na guánsa magɔ́gɔ́n bɔ́yɔ ká: «Sánd wɔ́ agá kolós!» 24Anyɛ́ Piláta maán ká ugúdúmbenyi gɛsɛgɛl gág gá gilé, ta anaány, band abábaan na busió na guánsa. Uwɔgɔ́l madɛ́ga, uwabɛ́sɔga ɛmbɔ́g agá busió bá giŋi gá band wɔyɔ ká: «Adɛnyá mbúny, edinúf mbúny! Bán ubuány, manɔŋ mág dɛgɔ́lɛ́ŋa!» 25Band gidigid obóndinyi ká: «Nsɛ́ manɔŋ mág dióndin, nás na baan bás!» 26Uwémínyi bɔ́ gɔg Balábasa. Umáal úmɔ́yɛd ká bégíde Yésu, uwabád guéŋin band abaány Yésu ká básánd wɔ́.
Musia gúsɛga Yésu
(Mál 15.16-20; Lúk 23.11; Sáŋ 19.2-3)
27Musia má Piláta guban Yésu agá ndáŋa ya ngɔ́mɔnɔ, ebébíbúlidenyi na musia múmodió, ebégéŋélidi Yésu. 28Ebéli wɔ́ bɛla, abaág wɔ́ gɛla gá guya lóoo;#27.28 Kaba lóoo: Na Nuɛlɛ́ka guamba guɔyɛd ká búnyɛ ka wa musia ma Balomɛ́ŋ. 29abánɔg ndanyá ya insánd abaág wɔ́ agá ɔduɔ́, obónd abaág wɔ́ nubal agá ɔmbɔ́g ɔnɛ́m; ebégunsen wɔ́ enú agá busió bág básɛ́ga wɔ́ bɔ́yɔ ká: «Ofuŋ wá Beyúdɛn, dimégubígélídi.» 30Ebétúnen wɔ́ bité, ɔbɔ́gɔ́lɔɔn nubal, ɔbɔ́gɔdɔɔn wɔ́ agá ɔduɔ́ nanɔ́. 31Bámaál bámáasɛga wɔ́, ebéli wɔ́ gɛla gá guya bámáag wɔ́, obóndi wɔ́ bɛla bág, abád gubaan wɔ́ ká básánd wɔ́.
Gɛsanda gá Yésu agá kolós
(Mál 15.21-32; Lúk 23.26-43; Sáŋ 19.16-24)
32Anɛ́ bámáamaán tísɔn, ebélumen na mɔnd omodió wa tísɔn wa Silɛ́n ɔfɛ́n ká Símune; ɔbɔ́yɛd gág gá bugaga ká úbɛ́dɔ́gɛn kolós wa Yésu. 33Abanaám agá kɔɔ́m bábɛ́laná Gologóta, anaány gúnyá kɔɔ́m gá ginkólóŋ kólóŋ gá ɔduɔ́. 34Ebéŋín wɔ́ magɛ́b bulény bulény na buanda bá gunua. Anyɛ́ umɔ́ɔlɔmɛ́dɛ́n mɔ́, uwen gusulugugi. 35Bámáal bámáasand wɔ́, abál ɛfɛdafɛda gá guafɛdan bɛla bág. 36Abád gulukumin ány gá gugégenyi wɔ́. 37Ɔduɔ́ wa buóny wá gɛgua gág mabá aŋágán agá ɔduɔ́ wág, búmabá buɔ́ŋɔ́n kɔ́ ká: «Yésu ewe, ofuŋ wá Beyúdɛn.» 38Bɛmbuánsɛl biándɛ mabá bɛsandán egúy na Yésu, gímoom agá ɔmbɔ́g ɔnɛ́m wág, gímodió ɔmbɔ́g adád, sig mɔnd a mabá gá waga kolós. 39Band bámáabá bádɔ́mbaan molókónyí ɛduá, básɛ́ga wɔ́; 40bɔ́yɔ ká: «Aŋuá agad gians gá Gɔdányá, afuág gɛ́ gá medug mádadɔ, bísódí aŋuá muát; ímábá anyɛ Mɔɔn wá Gɔdányá, ónd ésém agá kolós!» 41Boŋi bisele, na bɔgɔ́gɔ na bagɔn bá gɛdɔŋ másɛgá wɔ́ buanda búmoom bɔ́yɔ ká: 42«Úgusódonyi bɔsɔ́gɔ́, nsɛ́ úbísódi uwɔ́ muát, uwɔ́ ubiɔ́yɔnɔ́ ká unyɛ ofuŋ wa Ísalayɛ́la! Nsɛ́ úsém agá kolós nɛ́nuán, ány dɛgaguág ɛdɛm saás agagá. 43Umáag ɔdɛm wág aga Gɔdányá, nsɛ́ Gɔdányá sódi wɔ́ nɛ́nuán, ímábá ugúbíléne wɔ́, saá umɔyɛ́d ká: “Inyɛ mɔɔn wá Gɔdányá e!”» 44Nɛnama nímoom, ta bɛmbuánsɛl bámáasánd agá bokolós máasɛgá wɔ́.
Nigú na Yésu
(Mál 15.33-39; Lúk 23.44-48; Sáŋ 19.28-30)
45Mbíne iyedúmbi gugua aga gɛdɔŋ gidigid gá tólóf wa buɔ́s, gutɔ guám gá bɛsɛgɛl bɛ́dadɔ bá niɔ́b. 46Gá bɛsɛgɛl bɛ́dadɔ ibiány, Yésu uwánsɛ́d magɔ́gɔ́n ká: «Elóyi Elóyi, lama sabakatání#27.46 Eloyi Eloyi lama sakabatani nyɛ nualamayɛ́ŋ gugál umáabá ugála. Bámabá bábɛ́dága ká ibús Isayi umáabá ubɛ́lan.?» Anaány gúnyɛ ká: «Gɔdányá wám, Gɔdányá wám, amámbɛ́yɛ́bɛ́d gágiág e?» 47Gɛdam gá band gɛ́maábá kɔ́ ɔ́bɔɔn anaány, ɔbɔ́yɛd ká: «Ugúbɛ́laan Elí!» 48Kɔ́ na kɔ́, sɔ́gɔ́ ondodió gɔb na ɔdɛ́d, gueyubu giyugu agá magɛ́b mányá guáb, uwafaŋɛ́g gɛ́ agá nsónsó ya nɔbal, gudóŋinyi Yésu ká úbúwá. 49Bɔsɔ́gɔ́ bómodió ganyɛ ká: «Bídí dián ɔ́gɔ Elí#27.49 Elí aya nyɛ ibús yá Gɔdányá. gogúsósídí wɔ́!» 50Yésu guand guág nugogó magɔ́gɔ́n, uwáfaŋɛg ambak. 51Gá gɛsɛgɛl giád, gianta gá sanda gímáabá giádɔ́ná gians gá Gɔdányá biéns biándɛ igiédúmbi gusalɛg gudúm gɛmuaná, guám gɛmbádá#27.51 Sanda uwány mabá uwelegen band ká bádɛbaan kɔɔ́m gámábá gisele. Asiá ɔgɔn wa besiíd bidug bá Gɔdányá umábá ubíŋen kɔ́ gɛsɛgɛl gímóm gá yɔŋ ká wɔ́ŋɛ́n Gɔdányá gɛnɛnɛna gá busió bá bɛfal bá band bá Isalayɛ́l., gus uguébiéyidin, bidánydány ibiásalasal, 52bɛbɛl ibiébífune, bɛlɔŋ bá musámb má band giod umuányɔgaan aga ebeguén. 53Anyɛ́ Yésu máanyɔ́g aga ebeguén, abámaan agá bɛbɛl, ebébíŋén Yelúsalɛm tísɔn wa Gɔdányá, band giod abánaan bɔ́. 54Ɔgɔ́n wa musia na musia múmodió múmáabá múgégenyi Yésu máal na guán gus mébiéyídín na manda gidigid mámáabɛ́dɔ́mbána, gianta gá buwa igiádɛgɛn bɔ́, bágányɛ ká: «Meliŋítas, mɔnd ewe águbá Mɔɔn wa Gɔdányá.»
Munyon ma Yésu
(Mál 15.40-47; Lúk 23.49-56; Sáŋ 19.25,38-42)
55Bagánd giod mabá enéné bálɛ́ŋa; bémedúm gúládaan Yésu gutɔ guédúm Galilé, bámabá bédúgúne wɔ́. 56Ɔgɔ́b gá ɔlɔŋɔ, Maliá wa tísɔn wa Magadala, na Maliá inyódió Sáka na Yɔ́sɛba, na inyódió wa baan bá Sebedé. 57Niɔ́b máal ná gugua, ɛnɔ́m ya mɔnd wa tísɔn wa Alimaté ɔfɛ́n ká Yɔ́sɛba gusiám, umábá sɔ́n ɔfɔ́nɔfɔ́n wá Yésu. 58Uwɔb aga Piláta uwonoófún wɔ́ gɛlɔŋ gá Yésu. Piláta uwéŋin niíd ká béŋin Yɔ́sɛba gɛlɔŋ. 59Anyɛ́ Yɔ́sɛba mɔ́ɔgɔ́l gɛlɔŋ, uwemúŋe gɛ́ na giéns gá gɛla gɛgɔ́s, 60uwanaág gɛ́ agá gɛbɛl gɛgɔ́s bɔ́mɔ́ɔfɔ́gílɔ́ agá nɛdany, uwefuug nibíŋínín ná gɛbɛl na gianta gá nɛdany, uwadɔ́mb. 61Na Maliá wa Magadalá, na Maliá omodió mabá ány ilukié agá busió bá gɛbɛl.
Ɔgɛ́g wá gɛbɛl
62Mémbelibéli wa buɔ́s búládaná bɛbiándɛ́n bá Sábát, bɔgɔ́gɔ, na Bafalisiɛ́ŋ abáb aga Piláta, 63bágányɛ gág ká: «Ɔgúnɔ́gɔ́n, didibiélídi ká ɔsɔ́bɔ́sɔ́b ewe mɔyɛ́d anyɛ́ umábá umányá gúsɔ́dɔɔn ká: “Agá gélem gá medug mádadɔ, uganyɔg aga ebeguén#27.63 Alɛ́ŋɛ́d 16.21.” 64Éŋín niíd ká gɛbɛl bɛ́bɛ́dɛ́gaan guám medug mádadɔ, eményi, bafɔ́nɔfɔ́n bág gesúgúdenyi gusiéb gɛlɔŋ bɔ́yɔɔn band ká: “Úguanyɔg aga ebeguén.” Igiány gɛsɔbɔ gadɔ́mb gá nsua.» 65Piláta ganyɛ gɔ́b ká: «Ɛ́nɛ́, musia umuány, ánɔ́b núdág ɔgɛ́g; nuál ká bégégenyi gɛbɛl anyɛ́ nubílénené.» 66Abáb gɔg gá guadág ɔgɛ́g wa gɛbɛl, abáfɛl nɛdany ná nibíŋínín, abádág musia gá ɔgɛ́g.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
CABTAL