Markus 12
12
Maŋgəla ata həji ma gamak ma kahəbar mpi ta da mavə
(Mat 21.33-46; Luk 20.9-19)
1A diwzha tə, dəba Yesu a azlapatana a magulakwakw Yahuda aagi abə maŋgəla: «Ala minja ŋgəɓ a ŋgəɓɓa mpi ta da mavə tə ka dagala, her a her bəza, ra i wəli ka aska ɗici, dzəɗaŋw a ꞌunanə la ka ana ala ma həbarə. A diwzha tə, pa a vəlatana mpi watsa aagi ka, a ra maɗalanə zlən aagi, tsaa kanda tə a ciwirha. 2Ndə mpi watsa aagi aa na ta, zlən a zlənha ala ma kaɗalanə zlən ara mahəbar mpi aagi, aska aagi a vəlanə mavəy tə. 3Kaw aa mbələ ana həji mahəbar mpi watsa aagi, mpeɗ mpeɗ aa mpeɗə bəza a heɗe a heɗe, gam aa gam aara, ra pataktak. 4A tsutsa, cina mpi, zlən a zlənha ala ma ɗalanə zlən minja, mahəbar mpi aagi kap a heɗe, dza aa vəlanə a ha, dəba aagi arə. 5Cina mpi zlən a zlənha ala minja a mamahkaɗ tə zhana, aŋtə, kpa aa dzə ka. Zlən a zlənha ndiɓi aagi zhana vərəm, ndə aa gəzl bəza aagi aka, ndə aa dzə ka aagi aka. 6Ala ma finha ara cina mpi ya, səy mbə tə ŋtaguleŋ tə, ndə a kamayə. Zlən a zlənatana kwakuɗaŋ tə, a deŋ ka ci: “Aagi ahawanə a mbə naka,” iy. 7Ama, mahəbar la mpi aagi, zlap aa zlap a walaŋ ta: “Tsakwa ana ma kaaɓin a zəm jak! Huni ndaha, kiyzaŋkwa a dzə ka, la mpi a aɓin a ɗa aŋtakwa!” 8Kaw aa mbəla mbə watsa, kpa aa dzə ka, fak aagi mci tə ka gədək abəra la mpi.» 9Yesu ɗiw a ɗiwzata, iŋgaya: «Ikwa ya, a aɗalzə ana cina la mpi abə həji watsa aagi avaŋga? A andaha a bazl mahəbar la mpi watsa aagi ka, a avəlanə la mpi tə ka a həji ndiɓi aagi. 10Ŋter, huni taya ma watsa a wəzaha a ɗerewal ma ghwaɗeɗe, səbakw akas:
Ŋkəɗaŋ ndə maꞌun jak aagi fak bəza,
sha ana ma bəw tə a mapaŋ.
11 Bay Madagal ma ɗalə,
sha ana ndə a ɗa səkən tsaɓan ma təwah ata nja takwa.»
12Magulakwakw Yahuda aagi kagas Yesu a mbələ, ara ndə a ɗa, aa kasənə, a dza maŋgəla watsa ata təmta. Ama, aa kaɗal ŋzliŋ ara həji aagi dagala, sha ana ndə aa mbasl ka, aa tsaa kanda ta.
Ŋtəra jamargwal a cina hayak
(Mat 22.15-22; Luk 20.20-26)
13Zlən aa zlənha Farisa ndiɓi aagi, abə həji ataa Haridus ndiɓi aagi, ara Yesu aska a sleŋanə kilŋga abə ɗiw ma. 14Tsaw aa ndaha, zlap aa zlapanə: «Masərək, ni kasən, hwa ghal ma ŋter, hwa kaɗal ŋzliŋ ara həji aagis. Hwa katsa ghala a taba həji aagis. Ama, ma ŋter ana ndə hwa kasərəkatana a həji aagi, andza ndə Bizlaf a kamayə. Ghalani, ma ma garagar takwa tapəlaŋkwa təf, a ŋtəranə jamargwal a cina hayak vəw, aŋghəw? Kadək, a həji a ŋtəranə vəw, aŋghəw?» 15Ama Yesu a kasən mbəɗku ta, zlap a zlapatana mbara: «Huni sleŋaka kilŋga ava? Huni daaka sulay ŋtaguleŋ, sa sarzə.» 16Leŋ aa daanə dala ŋtaɗ, Yesu ɗiw a ɗiwzata: «Wənək ma ndza a heɗe abə zləm ma ndza a ɗi, a heɗe a vaya?» «Ataa cina hayak,» aagiy abə aa zhinanə. 17Ama Yesu zlap a zlapatana: «Huni ŋtəranə a cina hayak ana səkən ma ɗa ataa cina hayak, azha huni vəlanə, a Bizlaf ana səkən ma ɗa ataa Bizlaf.» Dawna zhin ma tə, hak aa ghərəŋ ta a guɗaŋ.
Ɗiw ma ata zhinha a bəza a jiɓ
(Mat 22.23-33; Luk 20.27-40)
18Həji Saduki ndiɓi aagi, tsaw aa ndaha ara Yesu. Təmta ana ma kazlap, həji kazhinha a bəza a jiɓ səku, aagiy. Ɗiw aa ɗiwzə andza watsə: 19«Masərək, Musa taŋtirani ma ma garagar ka: Andza ala tamca tə, tambəwha mbə abə wala tə akas, andza zliŋgin aka, kula a ji wala tə, aska a mbəwanə shiŋ aka a zliŋgin ma mca tə. 20Həji ndiɓi aagi ŋshiliɗ, ata zliŋgin ta. Madagal leŋ a ji wala, mca a mca tə, tambəwha abə sha akas. 21Magbak tə, ji a ji wala watsa, mca a mca tə, tambəwha abə sha akas. Andza ikwa abə zliŋgin ta mamahkaɗ, 22aa ŋshiliɗ ta ta, aa taji wala watsa, ama kwa ala ma mbəwha mbə abə wala watsa akas. A diwzha ta tiwtiw, wala watsa mca a mca tə yəm. 23Ma vah ta ndaa a bəza a jiɓ, ndə həji ma bazl ta aagi aa kaaɓin a ndaa ta a bəza, wala watsa a aɓin a ɗa ataa vaya? Ara ndə a ɗa, həji ma ŋshiliɗ watsa aagi, aa taji tiwtiw!» 24Yesu zhin a zhinatana: «Huni tawəɗ kuni, ara ndə a ɗa, kwa huni kasən ma Bizlaf ma ŋtirayas, kwa dagal Bizlaf. 25Ndə həji aagi kandaa ta a bəza a jiɓ, mawəl aagi abə wali, aa kaaji kusəm akas, ama, aagi andza andza matəf Bizlaf ma ndza a wəzlaf aagi. 26Ataa ndaha həji ma bazl ta aagi a bəza a jiɓ meni, huni tayazə ɗerewal ataa Musa ma kazlap ata kwahu ma kaba a jigiɗ aka wəra? Həji kayə, Bizlaf tazlapanə a Musa: “Sa Bizlaf ataa Ibərahima, Bizlaf ataa Isiyaku, Bizlaf ataa Yakuba.” 27Taɗa, Bizlaf ataa həji ma bazl ta aagis, ama, ataa həji ma ndza abə nja aagi. Ikwa ci, huni tawəɗ kuni ŋter.»
Ma ma dzawadzaw ma dagal
(Mat 22.34-40; Luk 10.25-28)
28Masərək ma ma garagar minja, tazlima aa kadza səbakw, azha tagəra Yesu tazhinatana bəza təwah a Saduki aagi, kərəɗ a kərəɗha abəra Yesu, dəba a aɗiwzə: «A ɗa madagal ma ndza a taba ma ma dzawadzaw aagi ya, ma ndza a vata?» 29Yesu zhin a zhinanə: «Tsakwa ana ma ma dzawadzaw ma dagal: Tehzə katkadək, Isərayila! Bay Madagal ana Bizlaf takwa, sha ana Bay Madagal ŋtaguleŋ tə. 30Hwa amay Bizlaf ma dagal kwa abə ꞌunəf kwa tiwtiw, abə kushaŋ kwa tiwtiw, abə deŋ ŋkwaɓ kwa tiwtiw, abə ɓərɓər kwa tiwtiw. 31Tsakwa ana magbak tə: Hwa amay masliji kwa andza ndə hwa kamay ha kwa. Ma ma dzawadzaw ma dəy aha ma gbak watsə aagi kwa akas.» 32Masərək ma ma garagar zlap a zlapanə a Yesu azha: «Kadək, Masərək! Səkən ndə hwa ghalə a ɗa ŋter: Bay Madagal sha ana Bizlaf ŋtaɗ tə, kwa Bizlaf minja akas, səy sha ŋtaɗ tə. 33Həji amayə abə ꞌunəf takwa tiwtiw, abə deŋ ŋkwaɓ takwa tiwtiw abə ɓərɓər takwa tiwtiw, abə may masliji takwa aagi andza ndə həji kamay ha takwa. Watsa dəy aha səkən ŋgas ndə ala kamsanə a Bizlaf abə takun ndə a kaɗalanə.» 34Yesu a gəra ya, tazhinanə bəza a heɗe a heɗe abə ŋkwaɓ, zlap a zlapanə: «Hwa gədək abə Bay Bizlaf akas.» A diwzha tə, kwa ala ma kaɗiwzə ma ara aka zhanas.
Tiw Kərist abə Dawda
(Mat 22.41-46; Luk 20.41-44)
35A tsutsa, ndə Yesu a kasərəkatana səkən aagi a jak kwakus Bizlaf, dəba a aɗiwzə ma watsə: «Masərək ma ma garagar aagi aa sən a zlap ya: “Kərist a ɗa shiŋ Dawda,” aagiy avaŋga? 36Ara ndə Dawda a zlap abə ha tə, ndə Miɗ ma ghwaɗeɗe a ŋtsukazə, iŋgaya:
Bizlaf Bay Madagal tazlapanə a Bay Madagal naka:
Ndaha a ndza ka ata guva zəm naka,
a vaŋ ata ndə sa wanahu həji jaga kwa aagi ka aska ŋgas kwa.
37Dawda abə ha tə, a yə abə Bay Madagal naka. Ikwa azha ya, Kərist a sən a ɗa shiŋ Dawda avaŋga?» Həji aagi kateh ma ataa Yesu abə ɓas.
Mbəla ŋkwaɓ ara masərək ma ma garagar aagi
(Mat 23.1-36; Luk 20.45-47)
38Tsakwa ana ma ndə a kasərəkatana a həji aagi tiwtiw, iŋgaya: «Huni mbəla ŋkwaɓ, ara masərək ma ma garagar aagi, ma kaciwir abə rəkuts ma cap cap ndə sləf a heɗe aagi, aa may a həji aagi a zlapatana abə haw ata la ndə həji aagi kadzam. 39Aa may la ndza ma ndza atama a jak ta tarha Yahuda aagi, abə la ndza ndə sləf a heɗe ata la zəm səkən. 40Aa ji səkən ma ndza ara wali wədə aagi tiwtiw, zhana aa tarha jiŋ aska həji aagi asənata. Dawna sha, guma ta a aɗa dəy aha ataa həji ndiɓi aagi ara Bizlaf.»
Səkən ndə wala wədə ndə titikw a vəlanə a Bizlaf
(Luk 21.1-4)
41Ka Yesu a ndza tə ka atama, ata la ndə həji aagi kavəla səkən a jak kwakus Bizlaf, tsa kasarata ndə aa kadaazə. Vərəm ana həji ma ŋtsəɓaŋtsəɓ aagi kavəla dala dagala. 42Wala wədə ndə titikw tsaw a ndaha, pa a tsa ɓərzləm dala ma fashiɗ gbak, ndə sləf ɓəraŋ a heɗe. 43A tsutsa, Yesu ya a ya magəli tə aagi, zlap a zlapatana, iŋgaya: «Sa zlapahuni ŋter: Səkən ndə wala wədə ndə titikw watsə a tsəzə dəy aha həji ma tsa dala a səkən ta tsak dala aagi tiwtiw. 44Ara ndə a ɗa, həji ndiɓi aagi, aa vəla ma kajik ikwa ana ndə aa daazə a wəzaha a səkən ŋtsəɓ ta aagi. Ama sha ana aŋtə, abə titikw tə, tavəla ma ndza ara tiwtiw, sha ana ma ndza ara gagagha aska a lam ha tə abə sha.»
Právě zvoleno:
Markus 12: GOU
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Markus 12
12
Maŋgəla ata həji ma gamak ma kahəbar mpi ta da mavə
(Mat 21.33-46; Luk 20.9-19)
1A diwzha tə, dəba Yesu a azlapatana a magulakwakw Yahuda aagi abə maŋgəla: «Ala minja ŋgəɓ a ŋgəɓɓa mpi ta da mavə tə ka dagala, her a her bəza, ra i wəli ka aska ɗici, dzəɗaŋw a ꞌunanə la ka ana ala ma həbarə. A diwzha tə, pa a vəlatana mpi watsa aagi ka, a ra maɗalanə zlən aagi, tsaa kanda tə a ciwirha. 2Ndə mpi watsa aagi aa na ta, zlən a zlənha ala ma kaɗalanə zlən ara mahəbar mpi aagi, aska aagi a vəlanə mavəy tə. 3Kaw aa mbələ ana həji mahəbar mpi watsa aagi, mpeɗ mpeɗ aa mpeɗə bəza a heɗe a heɗe, gam aa gam aara, ra pataktak. 4A tsutsa, cina mpi, zlən a zlənha ala ma ɗalanə zlən minja, mahəbar mpi aagi kap a heɗe, dza aa vəlanə a ha, dəba aagi arə. 5Cina mpi zlən a zlənha ala minja a mamahkaɗ tə zhana, aŋtə, kpa aa dzə ka. Zlən a zlənha ndiɓi aagi zhana vərəm, ndə aa gəzl bəza aagi aka, ndə aa dzə ka aagi aka. 6Ala ma finha ara cina mpi ya, səy mbə tə ŋtaguleŋ tə, ndə a kamayə. Zlən a zlənatana kwakuɗaŋ tə, a deŋ ka ci: “Aagi ahawanə a mbə naka,” iy. 7Ama, mahəbar la mpi aagi, zlap aa zlap a walaŋ ta: “Tsakwa ana ma kaaɓin a zəm jak! Huni ndaha, kiyzaŋkwa a dzə ka, la mpi a aɓin a ɗa aŋtakwa!” 8Kaw aa mbəla mbə watsa, kpa aa dzə ka, fak aagi mci tə ka gədək abəra la mpi.» 9Yesu ɗiw a ɗiwzata, iŋgaya: «Ikwa ya, a aɗalzə ana cina la mpi abə həji watsa aagi avaŋga? A andaha a bazl mahəbar la mpi watsa aagi ka, a avəlanə la mpi tə ka a həji ndiɓi aagi. 10Ŋter, huni taya ma watsa a wəzaha a ɗerewal ma ghwaɗeɗe, səbakw akas:
Ŋkəɗaŋ ndə maꞌun jak aagi fak bəza,
sha ana ma bəw tə a mapaŋ.
11 Bay Madagal ma ɗalə,
sha ana ndə a ɗa səkən tsaɓan ma təwah ata nja takwa.»
12Magulakwakw Yahuda aagi kagas Yesu a mbələ, ara ndə a ɗa, aa kasənə, a dza maŋgəla watsa ata təmta. Ama, aa kaɗal ŋzliŋ ara həji aagi dagala, sha ana ndə aa mbasl ka, aa tsaa kanda ta.
Ŋtəra jamargwal a cina hayak
(Mat 22.15-22; Luk 20.20-26)
13Zlən aa zlənha Farisa ndiɓi aagi, abə həji ataa Haridus ndiɓi aagi, ara Yesu aska a sleŋanə kilŋga abə ɗiw ma. 14Tsaw aa ndaha, zlap aa zlapanə: «Masərək, ni kasən, hwa ghal ma ŋter, hwa kaɗal ŋzliŋ ara həji aagis. Hwa katsa ghala a taba həji aagis. Ama, ma ŋter ana ndə hwa kasərəkatana a həji aagi, andza ndə Bizlaf a kamayə. Ghalani, ma ma garagar takwa tapəlaŋkwa təf, a ŋtəranə jamargwal a cina hayak vəw, aŋghəw? Kadək, a həji a ŋtəranə vəw, aŋghəw?» 15Ama Yesu a kasən mbəɗku ta, zlap a zlapatana mbara: «Huni sleŋaka kilŋga ava? Huni daaka sulay ŋtaguleŋ, sa sarzə.» 16Leŋ aa daanə dala ŋtaɗ, Yesu ɗiw a ɗiwzata: «Wənək ma ndza a heɗe abə zləm ma ndza a ɗi, a heɗe a vaya?» «Ataa cina hayak,» aagiy abə aa zhinanə. 17Ama Yesu zlap a zlapatana: «Huni ŋtəranə a cina hayak ana səkən ma ɗa ataa cina hayak, azha huni vəlanə, a Bizlaf ana səkən ma ɗa ataa Bizlaf.» Dawna zhin ma tə, hak aa ghərəŋ ta a guɗaŋ.
Ɗiw ma ata zhinha a bəza a jiɓ
(Mat 22.23-33; Luk 20.27-40)
18Həji Saduki ndiɓi aagi, tsaw aa ndaha ara Yesu. Təmta ana ma kazlap, həji kazhinha a bəza a jiɓ səku, aagiy. Ɗiw aa ɗiwzə andza watsə: 19«Masərək, Musa taŋtirani ma ma garagar ka: Andza ala tamca tə, tambəwha mbə abə wala tə akas, andza zliŋgin aka, kula a ji wala tə, aska a mbəwanə shiŋ aka a zliŋgin ma mca tə. 20Həji ndiɓi aagi ŋshiliɗ, ata zliŋgin ta. Madagal leŋ a ji wala, mca a mca tə, tambəwha abə sha akas. 21Magbak tə, ji a ji wala watsa, mca a mca tə, tambəwha abə sha akas. Andza ikwa abə zliŋgin ta mamahkaɗ, 22aa ŋshiliɗ ta ta, aa taji wala watsa, ama kwa ala ma mbəwha mbə abə wala watsa akas. A diwzha ta tiwtiw, wala watsa mca a mca tə yəm. 23Ma vah ta ndaa a bəza a jiɓ, ndə həji ma bazl ta aagi aa kaaɓin a ndaa ta a bəza, wala watsa a aɓin a ɗa ataa vaya? Ara ndə a ɗa, həji ma ŋshiliɗ watsa aagi, aa taji tiwtiw!» 24Yesu zhin a zhinatana: «Huni tawəɗ kuni, ara ndə a ɗa, kwa huni kasən ma Bizlaf ma ŋtirayas, kwa dagal Bizlaf. 25Ndə həji aagi kandaa ta a bəza a jiɓ, mawəl aagi abə wali, aa kaaji kusəm akas, ama, aagi andza andza matəf Bizlaf ma ndza a wəzlaf aagi. 26Ataa ndaha həji ma bazl ta aagi a bəza a jiɓ meni, huni tayazə ɗerewal ataa Musa ma kazlap ata kwahu ma kaba a jigiɗ aka wəra? Həji kayə, Bizlaf tazlapanə a Musa: “Sa Bizlaf ataa Ibərahima, Bizlaf ataa Isiyaku, Bizlaf ataa Yakuba.” 27Taɗa, Bizlaf ataa həji ma bazl ta aagis, ama, ataa həji ma ndza abə nja aagi. Ikwa ci, huni tawəɗ kuni ŋter.»
Ma ma dzawadzaw ma dagal
(Mat 22.34-40; Luk 10.25-28)
28Masərək ma ma garagar minja, tazlima aa kadza səbakw, azha tagəra Yesu tazhinatana bəza təwah a Saduki aagi, kərəɗ a kərəɗha abəra Yesu, dəba a aɗiwzə: «A ɗa madagal ma ndza a taba ma ma dzawadzaw aagi ya, ma ndza a vata?» 29Yesu zhin a zhinanə: «Tsakwa ana ma ma dzawadzaw ma dagal: Tehzə katkadək, Isərayila! Bay Madagal ana Bizlaf takwa, sha ana Bay Madagal ŋtaguleŋ tə. 30Hwa amay Bizlaf ma dagal kwa abə ꞌunəf kwa tiwtiw, abə kushaŋ kwa tiwtiw, abə deŋ ŋkwaɓ kwa tiwtiw, abə ɓərɓər kwa tiwtiw. 31Tsakwa ana magbak tə: Hwa amay masliji kwa andza ndə hwa kamay ha kwa. Ma ma dzawadzaw ma dəy aha ma gbak watsə aagi kwa akas.» 32Masərək ma ma garagar zlap a zlapanə a Yesu azha: «Kadək, Masərək! Səkən ndə hwa ghalə a ɗa ŋter: Bay Madagal sha ana Bizlaf ŋtaɗ tə, kwa Bizlaf minja akas, səy sha ŋtaɗ tə. 33Həji amayə abə ꞌunəf takwa tiwtiw, abə deŋ ŋkwaɓ takwa tiwtiw abə ɓərɓər takwa tiwtiw, abə may masliji takwa aagi andza ndə həji kamay ha takwa. Watsa dəy aha səkən ŋgas ndə ala kamsanə a Bizlaf abə takun ndə a kaɗalanə.» 34Yesu a gəra ya, tazhinanə bəza a heɗe a heɗe abə ŋkwaɓ, zlap a zlapanə: «Hwa gədək abə Bay Bizlaf akas.» A diwzha tə, kwa ala ma kaɗiwzə ma ara aka zhanas.
Tiw Kərist abə Dawda
(Mat 22.41-46; Luk 20.41-44)
35A tsutsa, ndə Yesu a kasərəkatana səkən aagi a jak kwakus Bizlaf, dəba a aɗiwzə ma watsə: «Masərək ma ma garagar aagi aa sən a zlap ya: “Kərist a ɗa shiŋ Dawda,” aagiy avaŋga? 36Ara ndə Dawda a zlap abə ha tə, ndə Miɗ ma ghwaɗeɗe a ŋtsukazə, iŋgaya:
Bizlaf Bay Madagal tazlapanə a Bay Madagal naka:
Ndaha a ndza ka ata guva zəm naka,
a vaŋ ata ndə sa wanahu həji jaga kwa aagi ka aska ŋgas kwa.
37Dawda abə ha tə, a yə abə Bay Madagal naka. Ikwa azha ya, Kərist a sən a ɗa shiŋ Dawda avaŋga?» Həji aagi kateh ma ataa Yesu abə ɓas.
Mbəla ŋkwaɓ ara masərək ma ma garagar aagi
(Mat 23.1-36; Luk 20.45-47)
38Tsakwa ana ma ndə a kasərəkatana a həji aagi tiwtiw, iŋgaya: «Huni mbəla ŋkwaɓ, ara masərək ma ma garagar aagi, ma kaciwir abə rəkuts ma cap cap ndə sləf a heɗe aagi, aa may a həji aagi a zlapatana abə haw ata la ndə həji aagi kadzam. 39Aa may la ndza ma ndza atama a jak ta tarha Yahuda aagi, abə la ndza ndə sləf a heɗe ata la zəm səkən. 40Aa ji səkən ma ndza ara wali wədə aagi tiwtiw, zhana aa tarha jiŋ aska həji aagi asənata. Dawna sha, guma ta a aɗa dəy aha ataa həji ndiɓi aagi ara Bizlaf.»
Səkən ndə wala wədə ndə titikw a vəlanə a Bizlaf
(Luk 21.1-4)
41Ka Yesu a ndza tə ka atama, ata la ndə həji aagi kavəla səkən a jak kwakus Bizlaf, tsa kasarata ndə aa kadaazə. Vərəm ana həji ma ŋtsəɓaŋtsəɓ aagi kavəla dala dagala. 42Wala wədə ndə titikw tsaw a ndaha, pa a tsa ɓərzləm dala ma fashiɗ gbak, ndə sləf ɓəraŋ a heɗe. 43A tsutsa, Yesu ya a ya magəli tə aagi, zlap a zlapatana, iŋgaya: «Sa zlapahuni ŋter: Səkən ndə wala wədə ndə titikw watsə a tsəzə dəy aha həji ma tsa dala a səkən ta tsak dala aagi tiwtiw. 44Ara ndə a ɗa, həji ndiɓi aagi, aa vəla ma kajik ikwa ana ndə aa daazə a wəzaha a səkən ŋtsəɓ ta aagi. Ama sha ana aŋtə, abə titikw tə, tavəla ma ndza ara tiwtiw, sha ana ma ndza ara gagagha aska a lam ha tə abə sha.»
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas