Mata 24
24
Yesu a kaghal ghurəm jak kwakus
(Mrk 13.1-4; Luk 21.5-7)
1Ndə Yesu a ndaa tə a bəza a jak kwakus, aska a nda tə, kərəɗ aa kərəɗha ana magəli tə aagi, aska a ghalanə, ꞌun jak kwakus. 2Mbara azha, leŋ Yesu a ji zlap, iŋgaya: «Huni kagəra səkən watsə aagi tiwtiw vəw? Sa zlapahuni, a ɗa ŋter: Kwa a kaafinha a ɗi, ana ŋkəɗaŋ ma dzərəzl aka watsə aagi akas, tiwtiw a aghurəm tə.»
Səkən ma kaaghal kəɗaŋ manahayak
(Mrk 13.5-13; Luk 21.8-19)
3Ndə Yesu tandza ka aha dawən Uliv magəli tə aagi tsaw aa ndaha a ɗiwzə ata paŋ gagagha ta, aa ɗiwzə, aagi iŋgaya: «Ghalani, səkən watsa a aɗal azha vepe? Abə shiŋ səkən tə veme ma kaaghal ndaa kwa abə kəɗaŋ manahayak?» aagiy.
4Yesu zhin a zhinatana, iŋgaya: Huni mbəla ŋkwaɓ, ara aagi abaɗahuni ka. 5Ara ndə a ɗa, həji aagi vərəm andaha ata zləm naka, azha aagi azlap: Sa, sa Kərist, aagiy. Aagi abaɗ həji aagi bəza vərəm. 6Huni azlima zlap ma ndza ata ghəm ma huk aagi abə ma gədək abəra huni ci, huni mbəla ŋkwaɓ, huni ɗiw a ɗal ŋzliŋ ana hunis. Ara ndə a ɗa, səkən watsa aagi tiwtiw aagi pew bəza kwagwa, azha kəɗaŋ manahayak awli kwagwa. 7Həji ma ndza a hayak ndiɓi aagi, aagi aɗa ghəm abə həji ma ndza a hayak minja aagi zhana, hayak bay minja a aɗa ghəm abə hayak bay minja zhana, a hayak aagi dagala, mintish a aɗal, hayak a anaana. 8Ama, səkən watsə aagi tiwtiw, aa ɗa diw yaka andza ndə wala a kaɗiw a kambəw.
9«Azha, həji aagi avəlahuni ka a ra a həji aagi, aska aagi sahuni yaka, azha aagi abazlahuni ka. Həji aagi ma ŋkula sən Bizlaf aagi aŋkalzə nja kuni mavəy zləm naka. 10Ma vah watsa, həji aagi vərəm ana ma kaandəv ta aagi, aagi ambasl ɗal awa ka, aagi aber ha ta ata ha ta. Aa kaazlar nja səku. 11Həji ma ɗaf ma ma gamak zla aagi vərəm, aagi andaha, zhana aagi abaɗ həji aagi ka vərəm. 12Ara ndə a ɗa, gamak a vas a fəl, ci, mayha ataa həji vərəm a ashif tə. 13Ama, ala ma kaasəw bəza a gwar ata kəɗaŋ tə, a aɗa reh. 14Ma wiyə ma təwah ataa Bay watsa, a aghal tə dzəsl a manahayak, aska həji ma ŋkula sən Bizlaf aagi azlima zlap watsa. Azha, a tsutsa abə a andaha ana kəɗaŋ manahayak,» iy.
Yaka ma dagal
(Mrk 13.14-23; Luk 21.20-24)
15Yesu iŋgaya: «Huni kaagəra Səkən ma dadawər ma gamak, a kaandza ata la ma ghwaɗeɗe, andza ndə ala ma ɗaf ma ndə a zlimazə ara Bizlaf Daniyel a zlap. Azha, ala ma kaya ma watsə, mazlima! 16A tsutsa azha, həji ma kaandza a hayak Yahudiya aagi mashi a ha bərla aagi. 17Ala ma ndza a wəzəm, a ha jak tə, a ɗiw a tadukha a kwar səkən tə ma ndza a jak watsa aagis. 18Zhana, ala ma ndza a damə, a la tə, a ɗiw a zhinha a wata tə, a kwar rəkuts tə aagis. 19Dadawər ata huni, huni wali ma kaandza abə dəməs aagi, abə wali ndə wəzhi ata ŋꞌwa aagi ma vah watsa! 20Huni tar Bizlaf ara ndə, vah ta shi kuni watsa a kaaɗal, ata ŋtəra lahlah, aka səku ma vah ta nəp Yahuda aagi. 21Ara ndə a ɗa, ma vah watsa, yaka a aɗa dəy a guɗaŋ, yaka ma va a ŋkula ɗalzə kusəm, ꞌwa aka ata diw baha manahayak a gwar akacihwa, a kaazhin a lima ikwa andza sha ana shiŋ yaka watsa tep səku. 22Andza vah watsa, Bizlaf tahahay wan bəza aka səku ya, kwa ala ma kaareh akas, ama Bizlaf taɗazə wan bəza a mən aska həji ma dəmadəm aagi areh ta.
23Andza ala tazlapahuni azha, iŋgaya: “Taŋzə Kərist, a ɗi!” aka səku: “Tsa a ŋge tsakwa!” huni ɗiw a ji ma təs. 24Ara ndə a ɗa, kərist ma gamak aagi abə həji ma ɗaf ma ma ma gamak aagi andaha, aagi aɗal tsaɓan ma dagal dagal ndə həji ŋkula va a gərazata aagi, aska a baɗ həji aagi, kwa ndə Bizlaf a dəmata aagi tiwtiw andza a kaɗal. 25Huni tehzə katkadək, sa ghalahuni bəza kwagwa.»
Ndaha Mbə həji ma dəgnak
(Mrk 13.24-31; Luk 17.23-24; 21.25-31)
26«Andza azha, həji aagi aa zlapahuni: “Huni taŋzə, Kərist a damə!” huni ɗiw a ndas. Aka səku andza ala tazlapahuni: “Huni taŋzə, tsa kaɓah a ɗi!” huni ɗiw a ji ma təs. 27Ara ndə a ɗa, a ndza andza sasən manavan ma kaweɗ la, ma ndza a wəzlaf, ꞌwa aka ata la mbirha pish a gwar ata la ndəv pish, ana ndaha Mbə həji ma dəgnak. 28Ara ndə a ɗa, la ndə səkən a mca a tsutsa ana ndə zləbiy aagi kaadzam a tsutsa.
29A tsutsa a tsutsa, a diwzha vah yaka watsa aagi abə pish a abəw tə a ləvaŋ, ŋtəra a kaazhin a ɓal akas, gəmzla aagi andəvha a wəzəm a wəzlaf, azha ɓərɓər ma ndza a wəzəm a wəzlaf aagi akusah. 30Azha, shiŋ səkən ma kaaghal ndaha Mbə həji ma dəgnak a apayha a wəzlaf. Azha, ndəɓ həji ma ndza a manahayak aagi tiwtiw, aagi aza ra ama, a ha, aagi agəra Mbə həji ma dəgnak a kandaha ata gwazlavay ma ndza a wəzəm a wəzlaf abə ɓərɓər ma dagal abə sləf ma dagal. 31Azha, a azlən matəf tə aagi abə teteŋ ma dagal, a ŋge ata la ndekw manahayak ma ŋfaɗ aagi tiwtiw, aagi adzamha həji ndə a dəmata aagi tiwtiw.»
32Yesu iŋgaya: Huni zlima maŋgəla ma ndza ata shikiɗ: Ndə huni kagəra maram tə aagi huslhusl, zhana ndə a kadza vajiɗ, huni kazlap, huni iŋgaya: «Ŋtəra nda a damə, taa tə,» huniy. 33Ikwa yəm, ndə huni kaagəra səkən watsa aagi, huni sən ka ya, Mbə həji ma dəgnak slaɓ a ndaha, huk a majak kuni. 34Sa zlapahuni, a ɗa ŋter: Həji ma ndza a ɗi akacihwa aagi, aa kaagwar a bazl ta tiwtiw abə a ndaha ɗal ana səkən watsa aagis. 35La ma ndza a wəzlaf abə la ma ndza ata hayak, aagi asafay ta, ama, ma naka aagi kaasafay akas.
Kwa ala ma kasən kəɗaŋ manahayak akas
(Mrk 13.32-37; Luk 17.26, 30-34-36)
36«Azha, vah watsa, abə ler watsa, kwa ala ma kasənə akas. Kwa matəf Bizlaf aagi, kwa Mbə həji ma dəgnak, ama Vava ŋtaguleŋ tə ana ma kasənə. 37Səkən ma pew a va Nuhu, a azhin a ɗal ikwa ma vah ndə Mbə həji ma dəgnak a kaandaha. 38Ara ndə a ɗa, vah watsa tiɗa ndə, yəm awli a zlaɗ la, həji aagi kazəm səkən, aa kasaɓa səkən ta aagi, aa kanda a wata dəma, aa kavəla hildimi ta aagi a dimi, a gwar ata vah ndə Nuhu a taf tə a gəlmbə. 39Kwa aa kaɗal ŋzliŋ ara səkən minja akas, a gwar ata vah ndə yəm ma dagal a ndaha a zlaɗata bəza tiwtiw. Ikwa abə a aɗal ana vah ndə Mbə həji ma dəgnak a kaandaha. 40Azha, həji gbak a damə a la, ŋtaguleŋ a ji tə, minja a aɗa mba ka. 41Wali gbak aa kaashin ata ŋvən ma ŋtaguleŋ, ŋtaguleŋ a aji tə, minja a aɗa mba ka. 42Huni ndza abə nja ara ndə a ɗa, huni kasən vah ndə Bay Madagal kuni a kaandahas. 43Huni teh ma watsə katkadək. Andza a ɗa cina jak a kasən ler ndə ŋhil a kaandaha a wata tə a ŋhil abə zaɗə ya, həna a wan abə nja, azha a kaapəlanə təf a ŋhil a nda fətuk jak tə akas. 44Sha ana ndə a ɗa, huni tə, huni sla kusəm aka, kala pish, ara ndə a ɗa, Mbə həji ma dəgnak a andaha ata ler ndə deŋ kuni a ŋkula ndza a heɗe,» iy.
Ala ma ɗal zlən ma təwah
(Luk 12.42-46)
45«Ala ma ɗal zlən abə ŋkwaɓ azha, a heɗe a heɗe, ala ndə, cina jak tatsəz ka, a sar nja ata həji ma ndza a wata aagi zhana a vəlatana səkən zəm teete andza ndə aa mayə vaya? 46Ɓas ara ala ma ɗal zlən watsa, ndə cina jak a kazhinha a gəra, a kaləm abə zlən tə. 47Sa zlapahuni, a ɗa ŋter: Cina jak a atsəz ka aha səkən tə aagi tiwtiw. 48Ama, andza ala ma gamak, ma ɗal zlən, a kazlap a ꞌunəf tə: “Cina jak naka a kazhinha slaɓ akas,” iy. 49Azha, tsa kanda tə a gəzl həji ndə, aa kaɗal zlən abə təmta, tsa kazəmɓa səkən tə, tsa kasa səkən abə həji ŋhuz aagi. 50Cina jak ataa ala ma ɗal zlən watsa, peteŋ, taa tə ata vah ndə a ŋkula sənə abə ler ndə a ŋkula sənə. 51A agam ala watsa aara, yaka tə a ɗa ma ŋtaguleŋ abə həji ŋgwashŋgwash aagi, ala watsa a ahan, zhana a aɓam zliɗeŋ,» iy.
Právě zvoleno:
Mata 24: GOU
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Mata 24
24
Yesu a kaghal ghurəm jak kwakus
(Mrk 13.1-4; Luk 21.5-7)
1Ndə Yesu a ndaa tə a bəza a jak kwakus, aska a nda tə, kərəɗ aa kərəɗha ana magəli tə aagi, aska a ghalanə, ꞌun jak kwakus. 2Mbara azha, leŋ Yesu a ji zlap, iŋgaya: «Huni kagəra səkən watsə aagi tiwtiw vəw? Sa zlapahuni, a ɗa ŋter: Kwa a kaafinha a ɗi, ana ŋkəɗaŋ ma dzərəzl aka watsə aagi akas, tiwtiw a aghurəm tə.»
Səkən ma kaaghal kəɗaŋ manahayak
(Mrk 13.5-13; Luk 21.8-19)
3Ndə Yesu tandza ka aha dawən Uliv magəli tə aagi tsaw aa ndaha a ɗiwzə ata paŋ gagagha ta, aa ɗiwzə, aagi iŋgaya: «Ghalani, səkən watsa a aɗal azha vepe? Abə shiŋ səkən tə veme ma kaaghal ndaa kwa abə kəɗaŋ manahayak?» aagiy.
4Yesu zhin a zhinatana, iŋgaya: Huni mbəla ŋkwaɓ, ara aagi abaɗahuni ka. 5Ara ndə a ɗa, həji aagi vərəm andaha ata zləm naka, azha aagi azlap: Sa, sa Kərist, aagiy. Aagi abaɗ həji aagi bəza vərəm. 6Huni azlima zlap ma ndza ata ghəm ma huk aagi abə ma gədək abəra huni ci, huni mbəla ŋkwaɓ, huni ɗiw a ɗal ŋzliŋ ana hunis. Ara ndə a ɗa, səkən watsa aagi tiwtiw aagi pew bəza kwagwa, azha kəɗaŋ manahayak awli kwagwa. 7Həji ma ndza a hayak ndiɓi aagi, aagi aɗa ghəm abə həji ma ndza a hayak minja aagi zhana, hayak bay minja a aɗa ghəm abə hayak bay minja zhana, a hayak aagi dagala, mintish a aɗal, hayak a anaana. 8Ama, səkən watsə aagi tiwtiw, aa ɗa diw yaka andza ndə wala a kaɗiw a kambəw.
9«Azha, həji aagi avəlahuni ka a ra a həji aagi, aska aagi sahuni yaka, azha aagi abazlahuni ka. Həji aagi ma ŋkula sən Bizlaf aagi aŋkalzə nja kuni mavəy zləm naka. 10Ma vah watsa, həji aagi vərəm ana ma kaandəv ta aagi, aagi ambasl ɗal awa ka, aagi aber ha ta ata ha ta. Aa kaazlar nja səku. 11Həji ma ɗaf ma ma gamak zla aagi vərəm, aagi andaha, zhana aagi abaɗ həji aagi ka vərəm. 12Ara ndə a ɗa, gamak a vas a fəl, ci, mayha ataa həji vərəm a ashif tə. 13Ama, ala ma kaasəw bəza a gwar ata kəɗaŋ tə, a aɗa reh. 14Ma wiyə ma təwah ataa Bay watsa, a aghal tə dzəsl a manahayak, aska həji ma ŋkula sən Bizlaf aagi azlima zlap watsa. Azha, a tsutsa abə a andaha ana kəɗaŋ manahayak,» iy.
Yaka ma dagal
(Mrk 13.14-23; Luk 21.20-24)
15Yesu iŋgaya: «Huni kaagəra Səkən ma dadawər ma gamak, a kaandza ata la ma ghwaɗeɗe, andza ndə ala ma ɗaf ma ndə a zlimazə ara Bizlaf Daniyel a zlap. Azha, ala ma kaya ma watsə, mazlima! 16A tsutsa azha, həji ma kaandza a hayak Yahudiya aagi mashi a ha bərla aagi. 17Ala ma ndza a wəzəm, a ha jak tə, a ɗiw a tadukha a kwar səkən tə ma ndza a jak watsa aagis. 18Zhana, ala ma ndza a damə, a la tə, a ɗiw a zhinha a wata tə, a kwar rəkuts tə aagis. 19Dadawər ata huni, huni wali ma kaandza abə dəməs aagi, abə wali ndə wəzhi ata ŋꞌwa aagi ma vah watsa! 20Huni tar Bizlaf ara ndə, vah ta shi kuni watsa a kaaɗal, ata ŋtəra lahlah, aka səku ma vah ta nəp Yahuda aagi. 21Ara ndə a ɗa, ma vah watsa, yaka a aɗa dəy a guɗaŋ, yaka ma va a ŋkula ɗalzə kusəm, ꞌwa aka ata diw baha manahayak a gwar akacihwa, a kaazhin a lima ikwa andza sha ana shiŋ yaka watsa tep səku. 22Andza vah watsa, Bizlaf tahahay wan bəza aka səku ya, kwa ala ma kaareh akas, ama Bizlaf taɗazə wan bəza a mən aska həji ma dəmadəm aagi areh ta.
23Andza ala tazlapahuni azha, iŋgaya: “Taŋzə Kərist, a ɗi!” aka səku: “Tsa a ŋge tsakwa!” huni ɗiw a ji ma təs. 24Ara ndə a ɗa, kərist ma gamak aagi abə həji ma ɗaf ma ma ma gamak aagi andaha, aagi aɗal tsaɓan ma dagal dagal ndə həji ŋkula va a gərazata aagi, aska a baɗ həji aagi, kwa ndə Bizlaf a dəmata aagi tiwtiw andza a kaɗal. 25Huni tehzə katkadək, sa ghalahuni bəza kwagwa.»
Ndaha Mbə həji ma dəgnak
(Mrk 13.24-31; Luk 17.23-24; 21.25-31)
26«Andza azha, həji aagi aa zlapahuni: “Huni taŋzə, Kərist a damə!” huni ɗiw a ndas. Aka səku andza ala tazlapahuni: “Huni taŋzə, tsa kaɓah a ɗi!” huni ɗiw a ji ma təs. 27Ara ndə a ɗa, a ndza andza sasən manavan ma kaweɗ la, ma ndza a wəzlaf, ꞌwa aka ata la mbirha pish a gwar ata la ndəv pish, ana ndaha Mbə həji ma dəgnak. 28Ara ndə a ɗa, la ndə səkən a mca a tsutsa ana ndə zləbiy aagi kaadzam a tsutsa.
29A tsutsa a tsutsa, a diwzha vah yaka watsa aagi abə pish a abəw tə a ləvaŋ, ŋtəra a kaazhin a ɓal akas, gəmzla aagi andəvha a wəzəm a wəzlaf, azha ɓərɓər ma ndza a wəzəm a wəzlaf aagi akusah. 30Azha, shiŋ səkən ma kaaghal ndaha Mbə həji ma dəgnak a apayha a wəzlaf. Azha, ndəɓ həji ma ndza a manahayak aagi tiwtiw, aagi aza ra ama, a ha, aagi agəra Mbə həji ma dəgnak a kandaha ata gwazlavay ma ndza a wəzəm a wəzlaf abə ɓərɓər ma dagal abə sləf ma dagal. 31Azha, a azlən matəf tə aagi abə teteŋ ma dagal, a ŋge ata la ndekw manahayak ma ŋfaɗ aagi tiwtiw, aagi adzamha həji ndə a dəmata aagi tiwtiw.»
32Yesu iŋgaya: Huni zlima maŋgəla ma ndza ata shikiɗ: Ndə huni kagəra maram tə aagi huslhusl, zhana ndə a kadza vajiɗ, huni kazlap, huni iŋgaya: «Ŋtəra nda a damə, taa tə,» huniy. 33Ikwa yəm, ndə huni kaagəra səkən watsa aagi, huni sən ka ya, Mbə həji ma dəgnak slaɓ a ndaha, huk a majak kuni. 34Sa zlapahuni, a ɗa ŋter: Həji ma ndza a ɗi akacihwa aagi, aa kaagwar a bazl ta tiwtiw abə a ndaha ɗal ana səkən watsa aagis. 35La ma ndza a wəzlaf abə la ma ndza ata hayak, aagi asafay ta, ama, ma naka aagi kaasafay akas.
Kwa ala ma kasən kəɗaŋ manahayak akas
(Mrk 13.32-37; Luk 17.26, 30-34-36)
36«Azha, vah watsa, abə ler watsa, kwa ala ma kasənə akas. Kwa matəf Bizlaf aagi, kwa Mbə həji ma dəgnak, ama Vava ŋtaguleŋ tə ana ma kasənə. 37Səkən ma pew a va Nuhu, a azhin a ɗal ikwa ma vah ndə Mbə həji ma dəgnak a kaandaha. 38Ara ndə a ɗa, vah watsa tiɗa ndə, yəm awli a zlaɗ la, həji aagi kazəm səkən, aa kasaɓa səkən ta aagi, aa kanda a wata dəma, aa kavəla hildimi ta aagi a dimi, a gwar ata vah ndə Nuhu a taf tə a gəlmbə. 39Kwa aa kaɗal ŋzliŋ ara səkən minja akas, a gwar ata vah ndə yəm ma dagal a ndaha a zlaɗata bəza tiwtiw. Ikwa abə a aɗal ana vah ndə Mbə həji ma dəgnak a kaandaha. 40Azha, həji gbak a damə a la, ŋtaguleŋ a ji tə, minja a aɗa mba ka. 41Wali gbak aa kaashin ata ŋvən ma ŋtaguleŋ, ŋtaguleŋ a aji tə, minja a aɗa mba ka. 42Huni ndza abə nja ara ndə a ɗa, huni kasən vah ndə Bay Madagal kuni a kaandahas. 43Huni teh ma watsə katkadək. Andza a ɗa cina jak a kasən ler ndə ŋhil a kaandaha a wata tə a ŋhil abə zaɗə ya, həna a wan abə nja, azha a kaapəlanə təf a ŋhil a nda fətuk jak tə akas. 44Sha ana ndə a ɗa, huni tə, huni sla kusəm aka, kala pish, ara ndə a ɗa, Mbə həji ma dəgnak a andaha ata ler ndə deŋ kuni a ŋkula ndza a heɗe,» iy.
Ala ma ɗal zlən ma təwah
(Luk 12.42-46)
45«Ala ma ɗal zlən abə ŋkwaɓ azha, a heɗe a heɗe, ala ndə, cina jak tatsəz ka, a sar nja ata həji ma ndza a wata aagi zhana a vəlatana səkən zəm teete andza ndə aa mayə vaya? 46Ɓas ara ala ma ɗal zlən watsa, ndə cina jak a kazhinha a gəra, a kaləm abə zlən tə. 47Sa zlapahuni, a ɗa ŋter: Cina jak a atsəz ka aha səkən tə aagi tiwtiw. 48Ama, andza ala ma gamak, ma ɗal zlən, a kazlap a ꞌunəf tə: “Cina jak naka a kazhinha slaɓ akas,” iy. 49Azha, tsa kanda tə a gəzl həji ndə, aa kaɗal zlən abə təmta, tsa kazəmɓa səkən tə, tsa kasa səkən abə həji ŋhuz aagi. 50Cina jak ataa ala ma ɗal zlən watsa, peteŋ, taa tə ata vah ndə a ŋkula sənə abə ler ndə a ŋkula sənə. 51A agam ala watsa aara, yaka tə a ɗa ma ŋtaguleŋ abə həji ŋgwashŋgwash aagi, ala watsa a ahan, zhana a aɓam zliɗeŋ,» iy.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas