माथ 4
4
हाहाङकाररे जिसुवाक् बिडा़उ
(मा़र १:१२-१३; लु ४:१-१३)
1खान जिसु दो सायतान ठेन बिडा़उ ओचोक् ला़गित्, सोनोत जिउ होतेते हाहाङकारतेये इदि ओचोयेना।#इबरिको 2:18; 4:15 2आर उनि दो पोनगेल सिञ आर पोनगेल ञिंदा़इ उपा़सकेत् खान रेङगेच्केदेया। 3खानगे बिडा़विच् दो हेच्सोरकातेये मेतादेया, “जुदि इसोररेन होपोन कान खानेम, मा मेनमे जेमोन नोवाको धिरि पिठा़ होयोक्।”
4मेनखान जिसुइ रोड़ रुवा़ड़ादेया “ओल आकाना पिठा़ मोतोते मानवा दो जिवेत् बाको ताहेना, मेनखान इसोराक् मोचा खोन ओडोकोक् कान मित्के मित् काथातेगे जिवेत्को ताहेना।”#देउतरोनोमि ८:३ 5खानगे सायतान दो उनि सोनोत नागराहा जेरुसालेमतेये इदिकेदेते कोयजोङ ओड़ाक् रेयाक् चोट चुड़ा़रेये तेङगोकेदेया, 6आरे मेतादेया, “जुदि इसोररेन होपोन कान खानेम, मा नोंडे खोन लातारते दोन गोत्काक्मे,” एनते ओल आकाना,
“आच्रेन दुतको आम रेयाङे हुकुमाकोवा,
आर ओनको दो तितेको सेपेञमेया,
जेमोन धिरिरे जाङगा आलोम बाजावक्।”#सेरेञको 91:11,12
7जिसुइ मेतादेया “आरहों ओल आकाना, प्रोभु आमरेन इसोर दो आलोम बिडा़वेया।”#देउतरोनोमि 6:16
8आरहों सायतान दो मित्टेन आ़डि उसुल बुरुते उनि इदिकेदेते धा़रति रेयाक् सानाम राजोसटि आर ओनाको रेयाक् ठोनोके उदुक्आदेया,#१ जोहान 2:15-17 9आरे मेतादेया “नोवाको जोतो आमिञ एमामा, खा़जुक ओमबाक्काते इञेम सेवावा़ञ।” 10खानगे जिसु दो उनिये मेतादेया, “मेन फाराकोक्मे, सायतान। एनते ओलआकाना, प्रोभु आमरेन इसोर डोबोक्आयमे, उनि एसकारगे देवा सेवावायमे।”#देउतरोनोमि 6:13 11खानगे सायतान दो उनिये बा़गियादेया, आर ञेलपे, दुतको हेच्कातेको साप्सोरादेया।
गा़लिलरे जिसुवाक् पोरचार का़मि एहोप्
(मा़र १:१४-१५; लु ४:१४-१५)
12आदो जोहाने सोपरोत ओचोयेने आँजोमकेत् खान जिसु दो गा़लिलतेये चालावेना।#माथाय 14:3; मा़रकुस 6:17; लुक 3:19,20 13आर नासारेत बा़गिकाते गा़लिल दोरयाँव आड़े रेयाक् काफारना़हुमरे सेनकातेये बेरेलेना, ओना दो सा़बुलोन आर नाफथा़लि टोठारे ताहेंकाना।#जोहान 2:12 14जेमोन जेसाया ना़बि होतेते रोड़लेनाक् पुरा़उक् एनकाथाय,
15सा़बुलोन रेयाक् टोठा आर नाफथा़लि रेयाक् टोठा,
दोरयाँव सेन, जोरदान ओनपारोम,
जिहुदि बाहरेरेन होड़कोवाक् गा़लिल,#जेसाया 9:1,2
16ञुतरे दुड़ुप् आकान ताहेंकान होड़ दो माराङ मारसालको ञेलकेदा,
“मोरोन रेयाक् ञुत जायगारे दुड़ुप् आकान ताहेंकान होड़को दो मित्टेच् मारसाल राकाप्आत्कोवा।”
17उन खोन जिसु दो पोरचार आर मेमेने एहोप्केदा, “का़इको खोन मोन आ़चुरतापे, एनते सेरमा राज दो सोर आकाना।” #माथाय 3:2
जिसुरेन पा़हिल चेलाको होहो ओचोक्कान
(मा़र १:१६-२०; लु ५:१-११)
18जिसु गा़लिल दोरयाँव आड़े आड़ेतेये दाड़ान कान ताहेंकानरे बार बोयहा, पातरासको मेताय सिमोन आर उनिरेन बोयहा आ़न्द्रियासे ञेलकेत्किना, दोरयाँवरे झा़लि लेक्बदा कान उनकिन दो एनते केंवटाकिन ताहेंकाना। 19आरे मेतात्किना, “देला इञ तायोमते आदो मानवा सासाप् केंवटाञ होय ओचोबेना।” 20उनकिन दो साटमेनते झा़लिको बा़गियात्तेकिन पाँजाकेदेया। 21आर ओंडे खोन सेन लाहाकाते आर बार बोयहा, साबदायरेन होपोन जाकब आर उनिरेन बोयहा जोहाने ञेलकेत्किना, आ़किन आपात साबदाय साँवते ला़उका़रे आकोवाक् झा़लि जुजुतकान, आरे होहोवात्किना। 22आर उनकिन दो साटमेनते ला़उका़ आर आपात्तेत् बा़गियादेते उनिकिन पाँजाकेदेया।
गा़लिलरे जिसुवाक् पोरचार आर बोक्गे का़मिको
(लु ६:१७-१९)
23आदो जिसु गोटा गा़लिल दिसा़म दाँड़ाँ दाँड़ाँते ओनकोवाक् सुना़गोगकोरेये चेत्आकोकान आर राजोसटि रेयाक् भागे सोमबाते पोरचाराकोकान, आर दिसा़म होड़को तालारे सानाम लेकान दुखा़लिको आर सानाम लेकान रुवा़ हासोये बोगेयेत्ताको ताहेंकाना।#माथाय 9:35; मा़रकुस 1:39 24आर उनियाक् उना़न दो गोटा सुरिया़रे डामडाहेयेना, आर जोतो दुखा़लिको उनि ठेनको आ़गुकेत्कोवा, आ़डि लेकान रोग बिघिनान आर सासेतोक्को, भुत चापाड़को, हा़ना़क् गुजुक्को आर मित्काड़गोच्को, आरे बोगेकेत्कोवा। 25आर आ़डि गादेल होड़को पाँजा इदिकेदेया, गा़लिलरेन, देकापोलिसरेन, जेरुसालेमरेन, जिहुदा़रेन आर जोरदान ओन पारोमरेनको।
Právě zvoleno:
माथ 4: NTSPt25
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
The New Testament Books in Santhali Language © The Word for the World International and Santhali Translation Project, Nepal, 2025
