Mark 8
8
Jesu weq Hingq Begix to Juh
(Matthew 15.32–39)
1Gajuxmaq oh le Chambix amungq beenyusaq heih geithuphix kum maq shah athuq jajage hateix. Jesu weq ko Samqsaqram kogitoq nyark kung teq; 2“Aga khüonyakram ginlhakkax kaq yoyotao, chamleixmaqthibaq kum kaq phi nyih aram ngoi ye leq jongngungqtaoq, geithibao aleq shah athuq jajage mantteix. 3Koi yeq kum to hajuh e paoxbanox kum kamq juxmaq nonxnga leq toiyaox, chamleixmaqthibaq kum kokao lümlaoq manneq peiyuq” leq günq.
4Ko Samqsaqrammeq, “Aga phihphoyo maq aoweq agonxnyuq khüonyakram ginxlhakka phonx ne leq aomaoq an tak zokka?” leq lox.
5Gajuxmaq Jesuweq kum to kih, “nümx maq an aogonx titao?”
Kummeq lox, “ankhaox ananth” titao.
6Kuweq beenyusaq to kahyo maq jongngantxleq günq. Gapheimaq kuweq ünkhüox ananth to lah, Younggan to münxboh koh, Gaga pakjitak, geithungteq beenyusaq to tantna kuweq Samqsaqram to koh; geithuphi kummeq galeq ringq. 7Kum maq Chambix nyah sisateix. Gaq ginlhakkax bix Jesuweq münxboh koh geithungteq Samqsaqram to gagabix tantnathuq ginlhakkax günq. 8Geithuphi kum khüonyakram rappeq shahleq kum gomq phonx, geithungteq kummeq chaxpaq kokhih haiq tuxbaq kamb ananth münxneqleq bangx. 9Geithuphi khüonyakram hingq begix gonxleq teix, gamanq pheimaq kuweq kum paoxwa koh. 10Geithungteq peileix yeq ko Samsaram phi lekhung to zongq geithungteq Dalmanutha gaankamx to paox.
Pharase Rammeq Kahhonxangmanx Jux Kih
(Matthew 16.1–4)
11 #
Mat 12.38; Luk 11.16 Pharase ram kokao pei geithungteq Jesu phi gingngax yax. Kummeq kotoq tonlamq maq tue, geithuphix angkhüo maoq kahhonxangmanx jaq ringqkeileq kummeq kotoq günq. 12#Mat 12.39; Luk 11.29 Geithibabix Jesu rueleq mongpüok: “Chamleixmaq agax yinx maoqram meq kahhonxangmanx kih ü? Koyingxmaq koi yeq nümx to günnyuxngeih. Agapaq yinjijenmaq kahhonxangmanx jajage mant hox waox!” ku weq günq.
13Gapheimaq ku weq kum tahoungteq lekhung to zongq, geithungteq jalheiq gotnyu kaoka tox a gang.
Pharase Ram Phushum ji Herod
(Matthew 16.5–12)
14Samqsaqrammeq an lah athu lakleq tah, geithungteq kum lekhung maq zongqnguq juxmaq ankhüox jaagax jaq teix. 15Geithuphix #Luk 12.1 Jesu weq kum to, “Künting ngathuq ngaox, tux leq günqnan geithungteq pharase ram mao phushum ji Herod angam mao phushum ginxlhakka nümx” leq ku weq günq.
16Kum bamaq agaunxneq jaqjaq phi gingleq, “Kim maq jajage an hatikoiyeq ku weq aga ngaox günqnu” leq günq.
17Kummeq cham ngaox günleq Jesu weq tingx, geithuphi, “An hatipaq jux nümxmeq chamleixmaq gingnguq? Nümxmeq kopong yaox hatak geihalhangba mant ngantjea? Nümx mong gojikeaganye? 18#Mrk 4.12 Nümx maq mik ti ü nümx meq hangantnu jea? Nümx maq nax ti ü nümx meq hatanxnu jea? Nümx meq teihlehatak ku jea? 19Mojuxmaq koiyeq hingq anyax ü ginlhakkax ankhaox anyax woq ga pakleq khih? kojaxkonax nümx meq kamb aogonx heihtaoq?” kuweq kum to kih.
Kum me lox, “Kamb Banxbaanyix,” leq.
20Geithungteq, Jesu weq “Mojuxmaq koiyeq an ananth to khüonyak hingq begix ginxlhakka khih, jaxpaq kokhih kamb aobiq nümx meq tonq tao?” leq kih.
Kum meq kotoq lox, kamb “ananth.”
21Geithuphi Ku weq kum to, “Nümx meq aleq to ngoiyeleq manttingx zoknye?” leq günq.
Bethsaida maq Mikzüwkpaq Jaq Jesu weq Meileq Koh
22Geithuphi Kum Bethsaida to pei mikzüwkpaq khüonyak jaq Jesu geto goixleq pei, geithungteq khüonyak ram meq kotoq tamxphaleq shomxjito. 23Jesu weq mikzüwkpaq lhakmaq tamx geithungteq khungx manneq goixlepao. Geithungteq mojuxmaq kuweq khüonyak mik to chuhon phi thonx Jesu lhak keq kotoq tamx geithungteq, “Nangqngeq jajage ngantya?” leq kih.
24Khüonyakpa eq ngoq leq tux geithungteq, “Koiyeq khüonyakram nganttao, geithibao kum pün yaoyao leq kamqmuq nganttao” leq ku weq günq.
25Jesu weq Chambix khüonyak mik to tamx, aleq gapaq khüonyakkeq tinglingqleq tux, ko mik keq ngantzok geithungteq kuweq pangqge hünmeileq ngant. 26Gaphaimaq Jesu weq ku Kamp ka leih a koh, “Geithibao nokmaq thanyap” ngaoxhung koh.
Peter yeq Jesu nox Messiah Ngeihleq Loxpaq
(Matthew 16.13–20; Luke 9.18–21)
27Gapheimaq Jesu geithungteq ko Samqsaqram Caesarea Philippi jen mao chingq jaq to paox. Lüm ba maq ku weq Samqsaqram to, “ka to günkei khüonyak ram meq ka aoleq günqtaoq?” leq kih.
28 #
Mrk 6.14,15; Luk 9.7,8 Kum meq, “Kokao weq nox Baptixpa Johnleq günq tao” “kokao weq naq nox ashipaqram beemaoq jaqleq günq juxmaq, kokao weq naq nox Elijah; lhanggaleq günqtaoq” leq lox.
29 #
Jhn 6.68,69 “Geithibanox nümx meq beiqyenxneq Kaq aoleq günqtaoq?” leq ku weq kih.
“Naq nox Messiah” leq Peter yeq lox.
30Gapheimaq Jesu weq, “agajux aotobix thagünyoleq,” kum to ngaox kohleq günq.
Jesu weq Ku Thangxngathuq ji Rixyathuq jux Günq
(Matthew 16.21–28; Luke 9.22–27)
31Gaphaimaq Jesu weq ko Samqsaqram to, “khüonyak kosaq meilangleq thangxngaox, geithungteq nyakmei ram, eikhung gamxpaq ram geithungteq ngaoxhung nüoparam meq mant lah ao, ku langxngaox, geithungteq nyih aram günt aram phaimaq jamq gangleq leihaoq,” leq nüowa kokigang. 32Ku weq kum to ngaix leq günq. Geithuphi Peter yeq ku goix leq paoxoungte shih ayaq. 33Geithuphi Jesu nongleq leih, ko samqsaqram to tuxoungteq, Peter to, “kaishih ka manneq yantah. Nangqngeq teihpaq nox khüonyakram mong teihlhangga geithibabix Younggan mongteih mantlhangq!” leq shihleq ku weq günq.
34 #
Mat 10.38; Luk 14.27 Gapheimaq Jesu weq benyuqsa geithungteq ko Samqsaqram ku geto nyark. Geithuphi, “kokao kaphei to goixya tuebanox kum meq maxmax lakkünx geithungteq kum meq lakteiq pailah geithungteq kaphei to goixkei. 35#Mat 10.39; Luk 17.33; Jhn 12.25Chamleixma thibaq aoweq maxmax agang gangngax tux ü ngeihleq ku mah ao; geithibao aoweq ka ginxlhakka geithungteq gaanrangx komei ginxlhakka maxmax agang mah a koh, ku gangngaox. 36Khüonyak keq kahgannyuq rap mokkungte maxmax agang mah a kohbaq kum meq cham konyei takka? Koyingx maq mant takkaox! 37Gamaq ku weq agang jamq tak kathuq ginxlhakka jajage mantteix. 38Chamleixma thiba khüonyak kokao weq ka ginxlhakka, geithungteq gapaq nyuxjishakpa yinx maq ka ngaox ginxlhakka, thagün banox, mojuxmaq koyaoq paq angkhüo monxtanx param phi kopaq miktuxthantaq mei maq ku yuxwaox ngeihleq khüonyak kosaq eq ku thagün naqkoh aox” leq ku weq kum to günq.
Právě zvoleno:
Mark 8: NTCYB25
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 The Word for the World International
Mark 8
8
Jesu weq Hingq Begix to Juh
(Matthew 15.32–39)
1Gajuxmaq oh le Chambix amungq beenyusaq heih geithuphix kum maq shah athuq jajage hateix. Jesu weq ko Samqsaqram kogitoq nyark kung teq; 2“Aga khüonyakram ginlhakkax kaq yoyotao, chamleixmaqthibaq kum kaq phi nyih aram ngoi ye leq jongngungqtaoq, geithibao aleq shah athuq jajage mantteix. 3Koi yeq kum to hajuh e paoxbanox kum kamq juxmaq nonxnga leq toiyaox, chamleixmaqthibaq kum kokao lümlaoq manneq peiyuq” leq günq.
4Ko Samqsaqrammeq, “Aga phihphoyo maq aoweq agonxnyuq khüonyakram ginxlhakka phonx ne leq aomaoq an tak zokka?” leq lox.
5Gajuxmaq Jesuweq kum to kih, “nümx maq an aogonx titao?”
Kummeq lox, “ankhaox ananth” titao.
6Kuweq beenyusaq to kahyo maq jongngantxleq günq. Gapheimaq kuweq ünkhüox ananth to lah, Younggan to münxboh koh, Gaga pakjitak, geithungteq beenyusaq to tantna kuweq Samqsaqram to koh; geithuphi kummeq galeq ringq. 7Kum maq Chambix nyah sisateix. Gaq ginlhakkax bix Jesuweq münxboh koh geithungteq Samqsaqram to gagabix tantnathuq ginlhakkax günq. 8Geithuphi kum khüonyakram rappeq shahleq kum gomq phonx, geithungteq kummeq chaxpaq kokhih haiq tuxbaq kamb ananth münxneqleq bangx. 9Geithuphi khüonyakram hingq begix gonxleq teix, gamanq pheimaq kuweq kum paoxwa koh. 10Geithungteq peileix yeq ko Samsaram phi lekhung to zongq geithungteq Dalmanutha gaankamx to paox.
Pharase Rammeq Kahhonxangmanx Jux Kih
(Matthew 16.1–4)
11 #
Mat 12.38; Luk 11.16 Pharase ram kokao pei geithungteq Jesu phi gingngax yax. Kummeq kotoq tonlamq maq tue, geithuphix angkhüo maoq kahhonxangmanx jaq ringqkeileq kummeq kotoq günq. 12#Mat 12.39; Luk 11.29 Geithibabix Jesu rueleq mongpüok: “Chamleixmaq agax yinx maoqram meq kahhonxangmanx kih ü? Koyingxmaq koi yeq nümx to günnyuxngeih. Agapaq yinjijenmaq kahhonxangmanx jajage mant hox waox!” ku weq günq.
13Gapheimaq ku weq kum tahoungteq lekhung to zongq, geithungteq jalheiq gotnyu kaoka tox a gang.
Pharase Ram Phushum ji Herod
(Matthew 16.5–12)
14Samqsaqrammeq an lah athu lakleq tah, geithungteq kum lekhung maq zongqnguq juxmaq ankhüox jaagax jaq teix. 15Geithuphix #Luk 12.1 Jesu weq kum to, “Künting ngathuq ngaox, tux leq günqnan geithungteq pharase ram mao phushum ji Herod angam mao phushum ginxlhakka nümx” leq ku weq günq.
16Kum bamaq agaunxneq jaqjaq phi gingleq, “Kim maq jajage an hatikoiyeq ku weq aga ngaox günqnu” leq günq.
17Kummeq cham ngaox günleq Jesu weq tingx, geithuphi, “An hatipaq jux nümxmeq chamleixmaq gingnguq? Nümxmeq kopong yaox hatak geihalhangba mant ngantjea? Nümx mong gojikeaganye? 18#Mrk 4.12 Nümx maq mik ti ü nümx meq hangantnu jea? Nümx maq nax ti ü nümx meq hatanxnu jea? Nümx meq teihlehatak ku jea? 19Mojuxmaq koiyeq hingq anyax ü ginlhakkax ankhaox anyax woq ga pakleq khih? kojaxkonax nümx meq kamb aogonx heihtaoq?” kuweq kum to kih.
Kum me lox, “Kamb Banxbaanyix,” leq.
20Geithungteq, Jesu weq “Mojuxmaq koiyeq an ananth to khüonyak hingq begix ginxlhakka khih, jaxpaq kokhih kamb aobiq nümx meq tonq tao?” leq kih.
Kum meq kotoq lox, kamb “ananth.”
21Geithuphi Ku weq kum to, “Nümx meq aleq to ngoiyeleq manttingx zoknye?” leq günq.
Bethsaida maq Mikzüwkpaq Jaq Jesu weq Meileq Koh
22Geithuphi Kum Bethsaida to pei mikzüwkpaq khüonyak jaq Jesu geto goixleq pei, geithungteq khüonyak ram meq kotoq tamxphaleq shomxjito. 23Jesu weq mikzüwkpaq lhakmaq tamx geithungteq khungx manneq goixlepao. Geithungteq mojuxmaq kuweq khüonyak mik to chuhon phi thonx Jesu lhak keq kotoq tamx geithungteq, “Nangqngeq jajage ngantya?” leq kih.
24Khüonyakpa eq ngoq leq tux geithungteq, “Koiyeq khüonyakram nganttao, geithibao kum pün yaoyao leq kamqmuq nganttao” leq ku weq günq.
25Jesu weq Chambix khüonyak mik to tamx, aleq gapaq khüonyakkeq tinglingqleq tux, ko mik keq ngantzok geithungteq kuweq pangqge hünmeileq ngant. 26Gaphaimaq Jesu weq ku Kamp ka leih a koh, “Geithibao nokmaq thanyap” ngaoxhung koh.
Peter yeq Jesu nox Messiah Ngeihleq Loxpaq
(Matthew 16.13–20; Luke 9.18–21)
27Gapheimaq Jesu geithungteq ko Samqsaqram Caesarea Philippi jen mao chingq jaq to paox. Lüm ba maq ku weq Samqsaqram to, “ka to günkei khüonyak ram meq ka aoleq günqtaoq?” leq kih.
28 #
Mrk 6.14,15; Luk 9.7,8 Kum meq, “Kokao weq nox Baptixpa Johnleq günq tao” “kokao weq naq nox ashipaqram beemaoq jaqleq günq juxmaq, kokao weq naq nox Elijah; lhanggaleq günqtaoq” leq lox.
29 #
Jhn 6.68,69 “Geithibanox nümx meq beiqyenxneq Kaq aoleq günqtaoq?” leq ku weq kih.
“Naq nox Messiah” leq Peter yeq lox.
30Gapheimaq Jesu weq, “agajux aotobix thagünyoleq,” kum to ngaox kohleq günq.
Jesu weq Ku Thangxngathuq ji Rixyathuq jux Günq
(Matthew 16.21–28; Luke 9.22–27)
31Gaphaimaq Jesu weq ko Samqsaqram to, “khüonyak kosaq meilangleq thangxngaox, geithungteq nyakmei ram, eikhung gamxpaq ram geithungteq ngaoxhung nüoparam meq mant lah ao, ku langxngaox, geithungteq nyih aram günt aram phaimaq jamq gangleq leihaoq,” leq nüowa kokigang. 32Ku weq kum to ngaix leq günq. Geithuphi Peter yeq ku goix leq paoxoungte shih ayaq. 33Geithuphi Jesu nongleq leih, ko samqsaqram to tuxoungteq, Peter to, “kaishih ka manneq yantah. Nangqngeq teihpaq nox khüonyakram mong teihlhangga geithibabix Younggan mongteih mantlhangq!” leq shihleq ku weq günq.
34 #
Mat 10.38; Luk 14.27 Gapheimaq Jesu weq benyuqsa geithungteq ko Samqsaqram ku geto nyark. Geithuphi, “kokao kaphei to goixya tuebanox kum meq maxmax lakkünx geithungteq kum meq lakteiq pailah geithungteq kaphei to goixkei. 35#Mat 10.39; Luk 17.33; Jhn 12.25Chamleixma thibaq aoweq maxmax agang gangngax tux ü ngeihleq ku mah ao; geithibao aoweq ka ginxlhakka geithungteq gaanrangx komei ginxlhakka maxmax agang mah a koh, ku gangngaox. 36Khüonyak keq kahgannyuq rap mokkungte maxmax agang mah a kohbaq kum meq cham konyei takka? Koyingx maq mant takkaox! 37Gamaq ku weq agang jamq tak kathuq ginxlhakka jajage mantteix. 38Chamleixma thiba khüonyak kokao weq ka ginxlhakka, geithungteq gapaq nyuxjishakpa yinx maq ka ngaox ginxlhakka, thagün banox, mojuxmaq koyaoq paq angkhüo monxtanx param phi kopaq miktuxthantaq mei maq ku yuxwaox ngeihleq khüonyak kosaq eq ku thagün naqkoh aox” leq ku weq kum to günq.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 The Word for the World International