Mark 5
5
Konyux Lhasaq phux khüonyak jaq Jesu weq Meileq koh
(Matthew 8.28–34; Luke 8.26–39)
1Kum Galilee jie kaox Gerasenes ram gaankamx maqpeiq. 2Jesu lekhung manneq yu u phi goih e manggom kha manneq ngaipa kogenq lhasaq phux khüonyak jaq kophe pong. Gaga khüonyak maq kogenq lhasaq ram tei. 3Ku gunxlungx maq shongq. Aleq aoweq bix ko to yanguq phi khaxleq tham maq hazok; 4Chamleima thiba kotoq galomaq lhaq ji lhakmaq yanguq phe khaxleq tham babe, kotoq aogonx khax gaga tütle jark gale yanguq yaox tütpaq lhangnguq phinox ao khüonyak kebex ku lao a hazokkeqleq ku gongx. 5Angnyak angngai le ku gunxlungx maq geithungteq phaoq maq chingqgarkleq geithungteq ku weq ko tangtatoq longq nahphi gütleq kaamleq jong.
6Ku sisa koxleq tejuxmaq ku weq Jesu nganx; geithuphe ku phatleq lhaqkuh singleq ko muhthaoq maq bum; 7Geithungteq ngaox bohleq chingqgarkle günq, “Jesu eikhungpaq Younggan kosaq! Nangq nge ka mao chem lah a tue ü? Younggan münxmaq koi yeq yop je khumqleq günqnungeih, ka to thangxngax thaphaq!” 8Chamleima thiba Jesu weq kotoq, “Kogenq lhasaq agapaq khüonyak manneq paotah” leq günq.
9Jesu weq kotoq, “Naq aoleq münxnuq?”
Khüonyakkeq lox, “Kar münxnox ‘Mob’ Chamleixma thiba komx meilangle teu!” leq günq. 10Gapaq kahgan manneq kogenq lhasaq rammeq kum jangxleq tha paox phaleq Jesu to yop je khumqleq günq.
11Gaq jenmaq gükjongx kahsungq khaa maq shah kohleq tei. 12Lhasaq rammeq Jesu to günq, “Komx gük lheiqka paoxpha, geithungteq komx kumgeka paowao.” 13Kuweq kum paoxwa koh, kogenq lhasaqram khüonyak manne ngaix geithungteq gük jong maq nyep. Gük hingqanyix gonxle tipaq gükjongx rapleq ngaqnga khongqleq geithungteq gükkhüo yu phatleq rap jie maq singleq rix.
14Gük teipaq khüonyak ram phatleq paox, geithungteq thaogongxram ji Chingq mao khüonyak ram geithungteq chingqnyuq mao ram to gaankhongx. Chemngeihleq gato tux a khüonyak ram heih. 15Kum Jesu geto pei geithungteq kogenq lhasaq meilangle tipaq khüonyak nganx; khuq gunxle le khüonyak komei unneq jong le ngant, geithuphe kum rapleq gax. 16Aopangngeq koyingxmaq ngantnu; kummeq, kogenq lhasaq ji khüonyak geithungteq gük jux khüonyakram to günq.
17Geithuphe kum kahgan manneq yoyox maq paotah leq Jesu to kummeq günq.
18Geithuphe Jesu lekhung to zongq, kogenq lhasaq tipaq khüonyak jaq kotoq kih, “ka naq phe goixkhah!”
19Geithibao Jesu weq ku hagoix; geithungteq agaunneq, “Nümx kaixkaoq geka leihtah geithungteq Taihungpaq ginlhakkax aogonx monmok geithungteq aogonxleq banx gaga goix to günnan!” leq günq.
20Gapheimaq gapaq khüonyak leih geithungteq Decapolis gaankamx maq tepaq chingqnyuq banx to Jesu weq ko ginlhakkax champopogi ringq kuweq günleq pongx, aopangngeq gapaq ngaox tanx kum rap khampungxlob.
Jairus Kosaqnyaq ji Jesu Khuqjunq to Makpaq Mihnyu Nya
(Matthew 9.18–26; Luke 8.40–56)
21Geithuphi Jesu jam jalheiq jie kaoka lekhung manneq leih; beenyusaq ko jenmaq heih; geithuphe ku jie nahma tei, 22Gama Jairus le münxpaq beeheihkamp eikhungpaq jaq pei, geithungteq kuweq Jesu to günq, Ku ko lhajongmaq lhaqkuh shongqleq bam; 23Geithungteq kuweq meilangleq kopong teihleq yuleq, “Kar saq naoki nya rixya shohleq kakleq tetao yoyomaq peikei geithungteq ko khüomaq naq lhak zanx pha, gama ku meiyao geithungteq komaq agang tiyaox!” leq günq.
24Geithuyaoxwe Jesu ko phi lhaqyongq. Beenyusaq kopheito goix geithungteq pangyungxthangmaq khüonyakkeq münx.
25Geithuphi mihnyu nya jaq ganglaoq banxbaayix ngoiyeleq harakkeq agie yinpaq nya jaq tei, 26gaga nya kaktuxpaqram meilangpheq pongx babe geithungteq komaq tipaq ngunq rap bakkeq leq kakjex shah babix hamei, meikha thuleixmaq segent leq paq teix. 27Jesu jux gaga nya e tanx, geithuphi beenyusaq tokphei manneq gaga nya pei, 28geithungteq kuweq ko lhongx lhongx ka gaga nya e aleq, “Koiyeq ku khuqjungq to shiqmak banox ka kak mei yaox” leq günq.
29Gaga nya e ko khuqjungq to tamx peileix ye ganyamaq yinleq tipaq agieq rak; geithuphe gaga nya e ku thangxngo manneq meitatoleq tingxleq pei. 30Gajux maq oh leq kumaoq gongx paoxpaq Jesu weq tingx, geithuphi beenyusaq lheiqka lableq lheileq kuweq, “Kar khuqjunq to aoweq makkuq?” leq günq.
31Ku Samsaram meq aga unxneq, “Naq jenmaq khüonyak gapong heihleq tiu; natoq aoweq makkuqleq beiq kih u?” leq lox.
32Geithibao aoweq makkuq ngeihle tingngathuq leimaq Jesu weq ngeihle tux. 33Kutoq chemngaile mihnyu nya e tingxleq pei geithuphe ga u we gaga nya yakjinyonle pei geithungteq ku lhajongmaq lhaqkuh shungxleq bam, geithungteq koyingx maq tepaq kutoq rapleq günq. 34Jesu weq gax nya to, “Kar saqnyaq, nangqngeq koyingteih u we naq mei taga. Chingqmeixmaq leihtah, geithungteq naq thangxnguq manne meixunx” leq lox.
35Mojux maq Jesu gingleq tei Jairus Kamp mao monxtanxpaq pei geithungteq kotoq, “Nasaq rixtaga chemleimaq honxnüoqpaq to thangxngax kohleq jongngu?” leq günq.
36Geithibao kummeq kotoq günqpaq ngaoxtoq Jesu weq mong hakoh,#5.36 Jesu weq mong hakoh; geihalhangba hanxmeileq hatanpaq. geithungteq kotoq, “Thagax koyingx gale teihunx” leq günq. 37Gapheimaq Jesu weq Peter, James geithungteq konao John ram tok to aobix kophi hagoix. 38Mojux maq kum meq eikhungpaq Kamp peiyungeihle khüonyakram hapging nyarkgingx phe meilangle Jesu weq ngant. 39Ku Kamp kha yu nyap geithungteq kum to, “Chamleimaq gagonxleq nümx mobpuq? Gaga naonyaq nox rix yu mantlhangq, kuno nguh u ngeih!” leq günq.
40Kum rap ku to yai, geithuphe ku e kum rap changx leq paox geithungteq naonyaq konyuq kopaq nyix ku Samqsaqram lah le nao mang toi le tipaq nyoiq to nyep. 41Ko lhak maq ku e naonyaq pai geithungteq aleq, “Talitha, koum” leppomaq, “Naosaq nya! Koi e natoq günqnungeih, rüoqwen!” leq günq.
42Gaga Naosaq nya peileix e rüoq geithungteq ngeihle kaamleq. Naonyaq chux banxbaanyix yalhang. Mojuxmaq gax ngant kum rappoq khampungxlob! 43Geithibao aga jux aotobix hagünnathu leimaq Jesu weq ngaoxhung koh, geithungteq kuweq, “Nao nya to shah je ying jagee jaq kohunx” leq günq.
Právě zvoleno:
Mark 5: NTCYB25
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 The Word for the World International
Mark 5
5
Konyux Lhasaq phux khüonyak jaq Jesu weq Meileq koh
(Matthew 8.28–34; Luke 8.26–39)
1Kum Galilee jie kaox Gerasenes ram gaankamx maqpeiq. 2Jesu lekhung manneq yu u phi goih e manggom kha manneq ngaipa kogenq lhasaq phux khüonyak jaq kophe pong. Gaga khüonyak maq kogenq lhasaq ram tei. 3Ku gunxlungx maq shongq. Aleq aoweq bix ko to yanguq phi khaxleq tham maq hazok; 4Chamleima thiba kotoq galomaq lhaq ji lhakmaq yanguq phe khaxleq tham babe, kotoq aogonx khax gaga tütle jark gale yanguq yaox tütpaq lhangnguq phinox ao khüonyak kebex ku lao a hazokkeqleq ku gongx. 5Angnyak angngai le ku gunxlungx maq geithungteq phaoq maq chingqgarkleq geithungteq ku weq ko tangtatoq longq nahphi gütleq kaamleq jong.
6Ku sisa koxleq tejuxmaq ku weq Jesu nganx; geithuphe ku phatleq lhaqkuh singleq ko muhthaoq maq bum; 7Geithungteq ngaox bohleq chingqgarkle günq, “Jesu eikhungpaq Younggan kosaq! Nangq nge ka mao chem lah a tue ü? Younggan münxmaq koi yeq yop je khumqleq günqnungeih, ka to thangxngax thaphaq!” 8Chamleima thiba Jesu weq kotoq, “Kogenq lhasaq agapaq khüonyak manneq paotah” leq günq.
9Jesu weq kotoq, “Naq aoleq münxnuq?”
Khüonyakkeq lox, “Kar münxnox ‘Mob’ Chamleixma thiba komx meilangle teu!” leq günq. 10Gapaq kahgan manneq kogenq lhasaq rammeq kum jangxleq tha paox phaleq Jesu to yop je khumqleq günq.
11Gaq jenmaq gükjongx kahsungq khaa maq shah kohleq tei. 12Lhasaq rammeq Jesu to günq, “Komx gük lheiqka paoxpha, geithungteq komx kumgeka paowao.” 13Kuweq kum paoxwa koh, kogenq lhasaqram khüonyak manne ngaix geithungteq gük jong maq nyep. Gük hingqanyix gonxle tipaq gükjongx rapleq ngaqnga khongqleq geithungteq gükkhüo yu phatleq rap jie maq singleq rix.
14Gük teipaq khüonyak ram phatleq paox, geithungteq thaogongxram ji Chingq mao khüonyak ram geithungteq chingqnyuq mao ram to gaankhongx. Chemngeihleq gato tux a khüonyak ram heih. 15Kum Jesu geto pei geithungteq kogenq lhasaq meilangle tipaq khüonyak nganx; khuq gunxle le khüonyak komei unneq jong le ngant, geithuphe kum rapleq gax. 16Aopangngeq koyingxmaq ngantnu; kummeq, kogenq lhasaq ji khüonyak geithungteq gük jux khüonyakram to günq.
17Geithuphe kum kahgan manneq yoyox maq paotah leq Jesu to kummeq günq.
18Geithuphe Jesu lekhung to zongq, kogenq lhasaq tipaq khüonyak jaq kotoq kih, “ka naq phe goixkhah!”
19Geithibao Jesu weq ku hagoix; geithungteq agaunneq, “Nümx kaixkaoq geka leihtah geithungteq Taihungpaq ginlhakkax aogonx monmok geithungteq aogonxleq banx gaga goix to günnan!” leq günq.
20Gapheimaq gapaq khüonyak leih geithungteq Decapolis gaankamx maq tepaq chingqnyuq banx to Jesu weq ko ginlhakkax champopogi ringq kuweq günleq pongx, aopangngeq gapaq ngaox tanx kum rap khampungxlob.
Jairus Kosaqnyaq ji Jesu Khuqjunq to Makpaq Mihnyu Nya
(Matthew 9.18–26; Luke 8.40–56)
21Geithuphi Jesu jam jalheiq jie kaoka lekhung manneq leih; beenyusaq ko jenmaq heih; geithuphe ku jie nahma tei, 22Gama Jairus le münxpaq beeheihkamp eikhungpaq jaq pei, geithungteq kuweq Jesu to günq, Ku ko lhajongmaq lhaqkuh shongqleq bam; 23Geithungteq kuweq meilangleq kopong teihleq yuleq, “Kar saq naoki nya rixya shohleq kakleq tetao yoyomaq peikei geithungteq ko khüomaq naq lhak zanx pha, gama ku meiyao geithungteq komaq agang tiyaox!” leq günq.
24Geithuyaoxwe Jesu ko phi lhaqyongq. Beenyusaq kopheito goix geithungteq pangyungxthangmaq khüonyakkeq münx.
25Geithuphi mihnyu nya jaq ganglaoq banxbaayix ngoiyeleq harakkeq agie yinpaq nya jaq tei, 26gaga nya kaktuxpaqram meilangpheq pongx babe geithungteq komaq tipaq ngunq rap bakkeq leq kakjex shah babix hamei, meikha thuleixmaq segent leq paq teix. 27Jesu jux gaga nya e tanx, geithuphi beenyusaq tokphei manneq gaga nya pei, 28geithungteq kuweq ko lhongx lhongx ka gaga nya e aleq, “Koiyeq ku khuqjungq to shiqmak banox ka kak mei yaox” leq günq.
29Gaga nya e ko khuqjungq to tamx peileix ye ganyamaq yinleq tipaq agieq rak; geithuphe gaga nya e ku thangxngo manneq meitatoleq tingxleq pei. 30Gajux maq oh leq kumaoq gongx paoxpaq Jesu weq tingx, geithuphi beenyusaq lheiqka lableq lheileq kuweq, “Kar khuqjunq to aoweq makkuq?” leq günq.
31Ku Samsaram meq aga unxneq, “Naq jenmaq khüonyak gapong heihleq tiu; natoq aoweq makkuqleq beiq kih u?” leq lox.
32Geithibao aoweq makkuq ngeihle tingngathuq leimaq Jesu weq ngeihle tux. 33Kutoq chemngaile mihnyu nya e tingxleq pei geithuphe ga u we gaga nya yakjinyonle pei geithungteq ku lhajongmaq lhaqkuh shungxleq bam, geithungteq koyingx maq tepaq kutoq rapleq günq. 34Jesu weq gax nya to, “Kar saqnyaq, nangqngeq koyingteih u we naq mei taga. Chingqmeixmaq leihtah, geithungteq naq thangxnguq manne meixunx” leq lox.
35Mojux maq Jesu gingleq tei Jairus Kamp mao monxtanxpaq pei geithungteq kotoq, “Nasaq rixtaga chemleimaq honxnüoqpaq to thangxngax kohleq jongngu?” leq günq.
36Geithibao kummeq kotoq günqpaq ngaoxtoq Jesu weq mong hakoh,#5.36 Jesu weq mong hakoh; geihalhangba hanxmeileq hatanpaq. geithungteq kotoq, “Thagax koyingx gale teihunx” leq günq. 37Gapheimaq Jesu weq Peter, James geithungteq konao John ram tok to aobix kophi hagoix. 38Mojux maq kum meq eikhungpaq Kamp peiyungeihle khüonyakram hapging nyarkgingx phe meilangle Jesu weq ngant. 39Ku Kamp kha yu nyap geithungteq kum to, “Chamleimaq gagonxleq nümx mobpuq? Gaga naonyaq nox rix yu mantlhangq, kuno nguh u ngeih!” leq günq.
40Kum rap ku to yai, geithuphe ku e kum rap changx leq paox geithungteq naonyaq konyuq kopaq nyix ku Samqsaqram lah le nao mang toi le tipaq nyoiq to nyep. 41Ko lhak maq ku e naonyaq pai geithungteq aleq, “Talitha, koum” leppomaq, “Naosaq nya! Koi e natoq günqnungeih, rüoqwen!” leq günq.
42Gaga Naosaq nya peileix e rüoq geithungteq ngeihle kaamleq. Naonyaq chux banxbaanyix yalhang. Mojuxmaq gax ngant kum rappoq khampungxlob! 43Geithibao aga jux aotobix hagünnathu leimaq Jesu weq ngaoxhung koh, geithungteq kuweq, “Nao nya to shah je ying jagee jaq kohunx” leq günq.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 The Word for the World International