Mark 12
12
Gureak Kah Teiqparam maq Ngaox Leppaq
(Matthew 21.33–46; Luke 20.9–19)
1Geithuphi Jesu weq kum to ngaox leppaq maq günq: “Ginlhak jaqmaq gureak kah kah paq khüonyak jaqleq teix, Kah ngeihleq paan güi, gureak naktak gom thaoq geithungteq gaantux po jaq güi, gaphei maq kah teiqparam lhak maq gureak kah tahoungteq gunq to pao. 2Mojux maq gureak khaiq yathuq jux ngoi, koshoitamx lah a thuq ginxlhakka kah teiqparam geyuh zapaq jaq pongx. 3Geithibaoq kah teiqparam meq zapaq lüoq, kotoq phet, geithungteq akungx maq kunt naq koh. 4Gapheimaq Kamp popaq e kum geyuh amungq zapaq jaq jaiq, kahteiqpaqram meq kokhaoq kax phet geithungteq thagün naxkoh. 5Kopopaq e amungq zapaq jaq pongx, geithuphi kum meq gajei langx, gamanq maq maxmungram meilangleq ku weq pongx; kokao to phet kokao langx. 6Atanox jaq jagaleq chax geithungteq gaga nox ko monglungxsaq. Ku weq aleq günq, ‘koi yeq tingxngungtaoq kummeq agatopanox oxji am keox.’ Gapheimaq koka a ku weq kah teiparam geyuh kosaq kanx. 7Geithibaoq, kah teiparam meq aga unxneq jaqjaq phi kanxgungx, ‘Aganox kopopaq kosaq, kei kimmeq ku langx khah, geithungteq kim ko chaamhaiq a lheixkhah!’ 8Geithuphi kummeq ku lah geithungteq ku langx, geithungteq komang gureak kah kaileq jark.”
9Jesu weq, “Geithibanox gureak kah kopopaq e chamringngax?” leq kih. “Ku peiyaox geithungteq kah teiparam langxngaox geithungteq gureak kah amungq ram to koh ao. 10Koyingx maq nümx meq laiq ngaox iex yuq ya nye?
“ ‘Kamp güi param meq jampopogeq longq halah
gaga paq kampthongx longqnyuq wa lheix;
11Aganox Taihung nge ringqpaq,
aganox komx mik thaomaq khampungxlop phangxpaq!’ ” leq günq.
12Jehudiram eikhung rammeq Jesu lüoq a ngang Chamleixma thiba aga ngaoxlep nox kumtoq tokjilei leq günqnu leq kummeq tingx. Geithibao kum beenyusaq thox gax geithuphi ku tahoungteq kum yanleq pao.
Heix Kohpaq jux Kihpaq
(Matthew 22.15–22; Luke 20.20–26)
13Gapheimaq kummeq pharase ram kokao geithungteq Herod samqsaqram Jesu geto ngaox maq kopüohkopün kappaq thuq ginlhakkax pongx. 14Kum kogitoq pei geithungteq, “Nüopa kommeq tingxtao, naq koyingx günqpaq khüonyak. Khüonyakram me jam teih gaginlhak kax naq mong mant thangx. Chamleixma thiba kotok meiyuram ginlhakkax nang nge mong mant koh, geithibao nang nge koyingxpaq Younggan lüm nüoqtao. Komx to sugünq tux Roman angampaq to heix koh a thuq komx ngaoxhung hashao ü jea? Kuto hakoh a ji koh a?” leq kih.
15Geithibabix Jesu weq kum honx tingx geithungteq, “Chemleimathebaq nümxmeq kaq to tongannuq? ka a tunq ngunq jaq lahleq peiketux geithungteq koi yeq tuxleq gannaox” leq lox.
16Kum meq lahleq pei geithungteq kuweq kum to henx, “Agamaq ao lhax geithungteq ao münx titao?”
“Angampaq leq” kum meq lox.
17Geithuphi Jesu weq, “Geithibanox champopogi Angampaq ginlhak gaga Angampaq a koh unx, geithungteq champopogi Younggan ginlhak gaga Younggan naq koh unx” leq günq.
Geithuphi kum kotoq meilangleq khampungxlop.
Rix ü manneq Gangleq Leihpaq jux Kihpaq
(Matthew 22.23–33; Luke 20.27–40)
18 #
Lümp 23.8
Sadducees ram kokao Jesu geto pei rix ü manneq khüonyak gangleq mant leihleq günqpaq ram kum lhangnguq. 19Kummeq günq “Nüopa, komx ginlhakkax Mosa e agapaq ngaoxhung gox, ‘ku sanyuq tahoungteq khüonyak jaq rix geithibao kosaq mopuh e tah gaga thaxnyuq konao e lah ao, geithuphi rixpaq ginlhakkax kosaq a lhangngaox.’ 20Ginlhak jaqmaq ko jei ko nao ram ananthle tei jeilhong peiq e sanyuq lah naosaq mopuh e rix. 21Gapheimaq anyixyu pei ye gaga thanyuq lah geithibao naosaq hatix e Rix, aram mupaq naohenneq bix gagawox lah geithibao ga jaunx nox tei; 22Geithungteq, ko jeiqnaoram ananth rappoiq ye mihnyunya gax jaq lah, rappo waq naosaq hati ye Rixlebak. Koka a thaxnyu nyabix rix. 23Aleq, gangleq leihpaq nyih rixpaq ram rap leq gangleq leih ao ngeih leq, gaga nya ao sanyuq waq leih yax? Chamleima thiba kum ananth rap poi yeq ku lahphei” leq kummeq günq.
24Jesu weq kum to, “Nümxmeq aogonx pün nu gaga! geithungteq chemleimaq gaga nümxmeq tingxya? aga chemleimaq thibanox nümxmeq laingaox galeq halhangba Younggan gongx mant tingx. 25Chamleima thibaq mojuxmaq rixyu manneq gangleq leih ü ngeihleq, kum angkhüo monxtanx param manneq galeq jong ngaox, geithungteq saqlahnyuqlamq mant tiyaox. 26Geithibabix rixpaqram gangleq leih a thuq jux: Mosa laiq maq günqyanxtam jux nümx meq mant iexjea? Chamleixma thiba agamaq aga unxneq gox Younggan neq Mosa to günq, ‘Ka Abraham Younggan, Issac Younggan geithungteq Jacob Younggan.’ 27Ku nox rixpaqram Younggan mantlhangq, geithibabix agangram Younggan. Nümxmeq meilang pünleqtitao!” leq günq.
Sibohpaq Ngaoxhung
(Matthew 22.34–40; Luke 10.25–28)
28 #
Luk 10.25–28
Ngaoxhung nüopa jaq pei geithungteq kum jaqjaq phi gingpaq tanx. Sadducees ramto Jesuweq jamei yeq lox paq ku weq ngant, geithuphi ku peileq aga unxneq, rappoq beemaoq: “Jampopoge ngaoxhung kopongngax se lhangnguq?” leq kih.
29Jesu weq, “A gapaq meilangleq kopong, ‘Israel ram, tanxlah! Taihungpaq kim Younggan jaq galeq Taihungpaq.#12.29 kim Younggan jaq galeq Taihungpaq; geihalhangba Taihungpaq gax kim younggan, ku gax Taihungpaq. 30Geithungteq Taihungpaq naq Younggan to mongkha rappeq, geithungteq Lhasaq rappeq, geithungteq naq juteih rappoiq ye geithungteq naq gongx rappoiq ye lung lah.’ 31Anyixyupaq ngaoxhung aga, ‘Nangqngeq naq tamxgeqto mamax toqwenneq lung lah.’ Aganyix phi sebohpaq ngaoxhung amungq manttingeih” leq lox.
32Ngaoxhung nüopa yeq Jesu to, “shaotaoq Taihungpaq! nangq nge günq nyux jaq unxne Taihungpaq jaq gale Younggan geithungteq ko tokto amungq Younggan mant tei aganox koyingx. 33Geithuphix khüonyakkeq ku mongkha rappoiq ye ku tingxlelahpaq ko gongx rappeq Younggan to lung ngaox geithungteq kuweq mamax tamxgeqto kuto wenneq lung lah. Amungq rünmok lahleq peileq Younggan to shomxmuq khünxtonoq aga nyix ngaoxhung tamxpaq semei” leq günq.
34Ku weq tingxleq loxpaq Jesu weq tingxngax zok, geithungteq ku weq kotoq, “Younggan angchingq phix naq panga kooleq mantteix” leq günq.
Gapheimaq aoweq bix Jesu to ngaox henxnaq mong nge halhom.
Messiah jux Kihpaq?
(Matthew 22.41–46; Luke 20.41–44)
35Geithibao mojuxmaq Shomxkamp maq Jesu weq honxnüoq leq teix, ku to, “Ngaoxhung nüoparam meq Messiah nox David kosaq ngeihleq beiqyenneq günq nyux? 36Koyaoq lhaxsa e David goix paoxleq aleq günq,
“ ‘Taihungpaq e ka Taihungpaq to günq,
koi yeq naq garam naq lhaq phang maq motham mothamleq
Kar lhakmei lheiqmaq jongtah.’
37Davidteq kolailaitoq ‘Taihungpaq’ leq nyark geithibanox beiqyenneq Messiah David kosaq a lheixyax?” leq günq.
Ngaoxhung Nüoparam to Jesu weq Ngaoxkax Koh
(Matthew 23.1–36; Luke 20.45–47)
Beenyusaq e Jesu ngaox henx meiqleq tanx. 38Ku weq nüo juxmaq aga unxneq, “Ngaoxhung nüopa ram aopangngeq pümlob lüoq gunxleq kamq geithungteq chingq yangx maq kum to ojisho pato lung, 39Ao weq beeheih Kamp maq aorayx Kamp maq janxjongx komei to lung, kum ginlhakkax küntinglah. 40Kum meq thaxnyuq ram to meilangleq roonyai geithungteq kum Kamp to pei, gapheimaq ko tokka hox waqthu ginlhakkax lüoqleq angphung! kum ginlhakkax thangxshih kohpaq segentnuq paq a lhangngaox!” leq günq.
Thaxnyuq Nya e Shomxjito Paq
(Luke 21.1–4)
41Jesu Shomxkamp ngunq haixpaq gum jen maq, beenyusaq e ngunq beiqyenneq koh taoleq tuxleq jong. Lungngangq ram meq ngunq meilangleq kohleq tahpaq ngant; 42Gapheimaq taishih thaxnyuq nya jaq pei geithungteq kuweq khapsanq phaxkhaq anyixleq koh. 43Ku weq Samqsaqram goih e nyark geithungteq kum to, “Koyingx maq koi yeq nümx to günqnu ngeih ngunq koh paq lungmaq aga taishih thaxnyuq nya e rappoq phi seloiqleq kohoungqtao. 44Chemleimathibaq amungq rammeq kummaq tipaq mao lahleq jaxpaq galeq pha, geithibabix aga taishih thaxnyuq nya e komaq aogonx tei gaga rapleq phaoungtao” leq günq.
Právě zvoleno:
Mark 12: NTCYB25
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 The Word for the World International
Mark 12
12
Gureak Kah Teiqparam maq Ngaox Leppaq
(Matthew 21.33–46; Luke 20.9–19)
1Geithuphi Jesu weq kum to ngaox leppaq maq günq: “Ginlhak jaqmaq gureak kah kah paq khüonyak jaqleq teix, Kah ngeihleq paan güi, gureak naktak gom thaoq geithungteq gaantux po jaq güi, gaphei maq kah teiqparam lhak maq gureak kah tahoungteq gunq to pao. 2Mojux maq gureak khaiq yathuq jux ngoi, koshoitamx lah a thuq ginxlhakka kah teiqparam geyuh zapaq jaq pongx. 3Geithibaoq kah teiqparam meq zapaq lüoq, kotoq phet, geithungteq akungx maq kunt naq koh. 4Gapheimaq Kamp popaq e kum geyuh amungq zapaq jaq jaiq, kahteiqpaqram meq kokhaoq kax phet geithungteq thagün naxkoh. 5Kopopaq e amungq zapaq jaq pongx, geithuphi kum meq gajei langx, gamanq maq maxmungram meilangleq ku weq pongx; kokao to phet kokao langx. 6Atanox jaq jagaleq chax geithungteq gaga nox ko monglungxsaq. Ku weq aleq günq, ‘koi yeq tingxngungtaoq kummeq agatopanox oxji am keox.’ Gapheimaq koka a ku weq kah teiparam geyuh kosaq kanx. 7Geithibaoq, kah teiparam meq aga unxneq jaqjaq phi kanxgungx, ‘Aganox kopopaq kosaq, kei kimmeq ku langx khah, geithungteq kim ko chaamhaiq a lheixkhah!’ 8Geithuphi kummeq ku lah geithungteq ku langx, geithungteq komang gureak kah kaileq jark.”
9Jesu weq, “Geithibanox gureak kah kopopaq e chamringngax?” leq kih. “Ku peiyaox geithungteq kah teiparam langxngaox geithungteq gureak kah amungq ram to koh ao. 10Koyingx maq nümx meq laiq ngaox iex yuq ya nye?
“ ‘Kamp güi param meq jampopogeq longq halah
gaga paq kampthongx longqnyuq wa lheix;
11Aganox Taihung nge ringqpaq,
aganox komx mik thaomaq khampungxlop phangxpaq!’ ” leq günq.
12Jehudiram eikhung rammeq Jesu lüoq a ngang Chamleixma thiba aga ngaoxlep nox kumtoq tokjilei leq günqnu leq kummeq tingx. Geithibao kum beenyusaq thox gax geithuphi ku tahoungteq kum yanleq pao.
Heix Kohpaq jux Kihpaq
(Matthew 22.15–22; Luke 20.20–26)
13Gapheimaq kummeq pharase ram kokao geithungteq Herod samqsaqram Jesu geto ngaox maq kopüohkopün kappaq thuq ginlhakkax pongx. 14Kum kogitoq pei geithungteq, “Nüopa kommeq tingxtao, naq koyingx günqpaq khüonyak. Khüonyakram me jam teih gaginlhak kax naq mong mant thangx. Chamleixma thiba kotok meiyuram ginlhakkax nang nge mong mant koh, geithibao nang nge koyingxpaq Younggan lüm nüoqtao. Komx to sugünq tux Roman angampaq to heix koh a thuq komx ngaoxhung hashao ü jea? Kuto hakoh a ji koh a?” leq kih.
15Geithibabix Jesu weq kum honx tingx geithungteq, “Chemleimathebaq nümxmeq kaq to tongannuq? ka a tunq ngunq jaq lahleq peiketux geithungteq koi yeq tuxleq gannaox” leq lox.
16Kum meq lahleq pei geithungteq kuweq kum to henx, “Agamaq ao lhax geithungteq ao münx titao?”
“Angampaq leq” kum meq lox.
17Geithuphi Jesu weq, “Geithibanox champopogi Angampaq ginlhak gaga Angampaq a koh unx, geithungteq champopogi Younggan ginlhak gaga Younggan naq koh unx” leq günq.
Geithuphi kum kotoq meilangleq khampungxlop.
Rix ü manneq Gangleq Leihpaq jux Kihpaq
(Matthew 22.23–33; Luke 20.27–40)
18 #
Lümp 23.8
Sadducees ram kokao Jesu geto pei rix ü manneq khüonyak gangleq mant leihleq günqpaq ram kum lhangnguq. 19Kummeq günq “Nüopa, komx ginlhakkax Mosa e agapaq ngaoxhung gox, ‘ku sanyuq tahoungteq khüonyak jaq rix geithibao kosaq mopuh e tah gaga thaxnyuq konao e lah ao, geithuphi rixpaq ginlhakkax kosaq a lhangngaox.’ 20Ginlhak jaqmaq ko jei ko nao ram ananthle tei jeilhong peiq e sanyuq lah naosaq mopuh e rix. 21Gapheimaq anyixyu pei ye gaga thanyuq lah geithibao naosaq hatix e Rix, aram mupaq naohenneq bix gagawox lah geithibao ga jaunx nox tei; 22Geithungteq, ko jeiqnaoram ananth rappoiq ye mihnyunya gax jaq lah, rappo waq naosaq hati ye Rixlebak. Koka a thaxnyu nyabix rix. 23Aleq, gangleq leihpaq nyih rixpaq ram rap leq gangleq leih ao ngeih leq, gaga nya ao sanyuq waq leih yax? Chamleima thiba kum ananth rap poi yeq ku lahphei” leq kummeq günq.
24Jesu weq kum to, “Nümxmeq aogonx pün nu gaga! geithungteq chemleimaq gaga nümxmeq tingxya? aga chemleimaq thibanox nümxmeq laingaox galeq halhangba Younggan gongx mant tingx. 25Chamleima thibaq mojuxmaq rixyu manneq gangleq leih ü ngeihleq, kum angkhüo monxtanx param manneq galeq jong ngaox, geithungteq saqlahnyuqlamq mant tiyaox. 26Geithibabix rixpaqram gangleq leih a thuq jux: Mosa laiq maq günqyanxtam jux nümx meq mant iexjea? Chamleixma thiba agamaq aga unxneq gox Younggan neq Mosa to günq, ‘Ka Abraham Younggan, Issac Younggan geithungteq Jacob Younggan.’ 27Ku nox rixpaqram Younggan mantlhangq, geithibabix agangram Younggan. Nümxmeq meilang pünleqtitao!” leq günq.
Sibohpaq Ngaoxhung
(Matthew 22.34–40; Luke 10.25–28)
28 #
Luk 10.25–28
Ngaoxhung nüopa jaq pei geithungteq kum jaqjaq phi gingpaq tanx. Sadducees ramto Jesuweq jamei yeq lox paq ku weq ngant, geithuphi ku peileq aga unxneq, rappoq beemaoq: “Jampopoge ngaoxhung kopongngax se lhangnguq?” leq kih.
29Jesu weq, “A gapaq meilangleq kopong, ‘Israel ram, tanxlah! Taihungpaq kim Younggan jaq galeq Taihungpaq.#12.29 kim Younggan jaq galeq Taihungpaq; geihalhangba Taihungpaq gax kim younggan, ku gax Taihungpaq. 30Geithungteq Taihungpaq naq Younggan to mongkha rappeq, geithungteq Lhasaq rappeq, geithungteq naq juteih rappoiq ye geithungteq naq gongx rappoiq ye lung lah.’ 31Anyixyupaq ngaoxhung aga, ‘Nangqngeq naq tamxgeqto mamax toqwenneq lung lah.’ Aganyix phi sebohpaq ngaoxhung amungq manttingeih” leq lox.
32Ngaoxhung nüopa yeq Jesu to, “shaotaoq Taihungpaq! nangq nge günq nyux jaq unxne Taihungpaq jaq gale Younggan geithungteq ko tokto amungq Younggan mant tei aganox koyingx. 33Geithuphix khüonyakkeq ku mongkha rappoiq ye ku tingxlelahpaq ko gongx rappeq Younggan to lung ngaox geithungteq kuweq mamax tamxgeqto kuto wenneq lung lah. Amungq rünmok lahleq peileq Younggan to shomxmuq khünxtonoq aga nyix ngaoxhung tamxpaq semei” leq günq.
34Ku weq tingxleq loxpaq Jesu weq tingxngax zok, geithungteq ku weq kotoq, “Younggan angchingq phix naq panga kooleq mantteix” leq günq.
Gapheimaq aoweq bix Jesu to ngaox henxnaq mong nge halhom.
Messiah jux Kihpaq?
(Matthew 22.41–46; Luke 20.41–44)
35Geithibao mojuxmaq Shomxkamp maq Jesu weq honxnüoq leq teix, ku to, “Ngaoxhung nüoparam meq Messiah nox David kosaq ngeihleq beiqyenneq günq nyux? 36Koyaoq lhaxsa e David goix paoxleq aleq günq,
“ ‘Taihungpaq e ka Taihungpaq to günq,
koi yeq naq garam naq lhaq phang maq motham mothamleq
Kar lhakmei lheiqmaq jongtah.’
37Davidteq kolailaitoq ‘Taihungpaq’ leq nyark geithibanox beiqyenneq Messiah David kosaq a lheixyax?” leq günq.
Ngaoxhung Nüoparam to Jesu weq Ngaoxkax Koh
(Matthew 23.1–36; Luke 20.45–47)
Beenyusaq e Jesu ngaox henx meiqleq tanx. 38Ku weq nüo juxmaq aga unxneq, “Ngaoxhung nüopa ram aopangngeq pümlob lüoq gunxleq kamq geithungteq chingq yangx maq kum to ojisho pato lung, 39Ao weq beeheih Kamp maq aorayx Kamp maq janxjongx komei to lung, kum ginlhakkax küntinglah. 40Kum meq thaxnyuq ram to meilangleq roonyai geithungteq kum Kamp to pei, gapheimaq ko tokka hox waqthu ginlhakkax lüoqleq angphung! kum ginlhakkax thangxshih kohpaq segentnuq paq a lhangngaox!” leq günq.
Thaxnyuq Nya e Shomxjito Paq
(Luke 21.1–4)
41Jesu Shomxkamp ngunq haixpaq gum jen maq, beenyusaq e ngunq beiqyenneq koh taoleq tuxleq jong. Lungngangq ram meq ngunq meilangleq kohleq tahpaq ngant; 42Gapheimaq taishih thaxnyuq nya jaq pei geithungteq kuweq khapsanq phaxkhaq anyixleq koh. 43Ku weq Samqsaqram goih e nyark geithungteq kum to, “Koyingx maq koi yeq nümx to günqnu ngeih ngunq koh paq lungmaq aga taishih thaxnyuq nya e rappoq phi seloiqleq kohoungqtao. 44Chemleimathibaq amungq rammeq kummaq tipaq mao lahleq jaxpaq galeq pha, geithibabix aga taishih thaxnyuq nya e komaq aogonx tei gaga rapleq phaoungtao” leq günq.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 The Word for the World International