Maliko 2
2
Yesu akumuhonya mnt'hu aholole
Matayo 9:1,8; Luka 5:17,26
1Ivo zifosile siku ndodo, Yesu akabwela kuna dibululu da Kapelinaumu na want'hu wakamanya kuwa Yesu kabwela hant'hu akalile akukala. 2Wakeza want'hu wengi wakammemela hadi haulwivi hakawa habule nyafasi yakufosela. Chipindi icho Yesu kakala akuwalongela want'hu nt'hume za Mulungu. 3Wakeingila want'hu wanne wakalile wampapa mtamu aholole wakamgala kwa Yesu. 4Ivo hawadahile kumgala mtamu iyo haguhi na Yesu kwa vila kukala na want'hu wengi. Ivo wakakwela mdigulu na wakatobola toli kuchanya hant'hu hala akalile Yesu. Wakamtelemsa mnt'hu iyo aholole kuno wamgoneza mchilago. 5Yesu ivo aonile vila wakumtogola akamulongela ila mtamu aholole, “Mbuyangu nikuhalavila zambi zako.”
6Wamwenga wa wafunza Malagilizo ya Musa wakalile hant'hu hala wakaiuza muna myoyo yawe, 7“Akudahaze mnt'hu ino kulonga mbuli gesa zino? Akuitenda yeye Mulungu. Kwavila Mulungu adumwe ndo akudaha kumuhalavila mnt'hu zambi.”
8Ahoaho, Yesu akayamanya yala yose wakalile wakuyagesa mimyoyo yawe akawalongela, “Hangi mkugesa ivo? 9Vino mbuli ili ihuhile kutendeka kwa mnt'hu ino alohole? Kumulongela zambi zako zihalavigwa egu kumulongela timalala usole chilago chako wite? 10Mbali huwalongelani kuwa nie Mwana wa Mnt'hu nina udahi wa kuwahalavila want'hu zambi.” Kamala akamulongela ila mnt'hu ahololile, 11“Timalala sola chilago chako na wite ukaya kumwako!”
12Ahoaho akeinuka na akasola chilago chake akasegela. Want'hu wose wakakangawala na wakamdenk'helela Mulungu wakalonga, “Hachinawahi kuona mbuli gesa ino.”
Yesu akumtanga Lawi amkole
Matayo 9:9,13; Luka 5:27,32
13Yesu kaita kaidi mnk'handa nk'handa mwa ziwa Galilaya. Want'hu wengi wakamwitila nae akandusa kuwafunza. 14Ivo akalile akufosa akamuona Lawi mwana wa Alifayo kakala hant'hu hakuduganyila kodi. Yesu akamulongela, “Nikole!” Lawi akatimalala na kumkola.
15Kamala Yesu akakala adye ndia muikaya ya Lawi kwa vila want'hu wengi wakala wakumkola ivo waduganya kodi wengi wakalile wakumanyika watenda zambi wakala wakudya hamwenga nae na wanahina wake. 16Aho hakala na wamwenga wa wafunza Malagilizo wakalile Mafalisayo ivo wamuonile Yesu akudya na watenda zambi na waduganya kodi wakawalongela wanahina wake, “Hangi akudya hamwenga na wakumanyikana ni watenda zambi na waduganya kodi?”
17Yesu ivo awahulikile akawalongela, “Wagima hawakulonda mulaguzi mbali watamu ndo wakulonda walaguzi. Sizile kuwatanga want'hu wadamane kulongozi kwa Mulungu mbali watendile zambi.”
Yesu akulinganiza mafuzo yahaluse na yachomwaka
Matayo 9:14,19; Luka 5:33,39
18Wanahina wa Yohana Mbatizi na Mafalisayo wakala wakuleka kudya. Ivo elo want'hu wamwenga wakaita na kumuuza Yesu, “Wanahina wa Yohana na Mafalisayo wakala wakuleka kudya mbali hangi wanahina wako hawakuleka kudya?”
19Yesu akawalongela, “Habule mnt'hu akudaha kuwalongela watafi wa msola mke waleke kudya kuno msola akawa ahamwenga nao.” 20Mbali chipindi nachifike cha msola mke kuhalavigwa hagati yao na chikafika chipindi icho ndo nawaleke kudya 21Yesu akawalongela kwa mlinganyo uno, “Habule mnt'hu akulonda kukant'ha kibandikizi kulawa mumwenda mpya na kukisonela muu mwenda usakale. Ukashona kila kimpya kikubananga ula mwenda usakalena hala hatoboke hakuongezekela. 22Habule mnt'hu akulonda kugela divai mpya muna imihaya ya baha isakale na akagela ila divai mpya naivitule ivo imihaya ya baha isakale ikuvitula na divai naitike na imihaya iyo naitulike. Mbali divai mpya ikugeligwa muna imihaya ya baha ya haluse.”
Yesu ndo Mndewa wa siku ya Humulo
Matayo 12:1,8; Luka 6:15
23Ivo wakalile wakufosa muna imigunda siku ya Humulo dya Wayahudi wanahina wake Yesu wakala wakukwanyula vint'hu gesa uhemba. 24Mafalisayo wakamuuza Yesu, “Lola hangi wanahina wako wakutenda mbuli zilemesigwe kutendigwa muna isiku ya Humulo?”
25Yesu akawalongela, “Vino hamsomile Mandiko Yanank'hane, kila atendile Daudi na wayage ivo akalile na nzala? 26Vila Daudi aingilile muikaya ya Mulungu na kudya migate ilavigwe nt'hambiko kwa Mulungu. Mbuli ino ilawila vila Abinatali ivo akalile Mlava nt'hambiko mkulu. Na walava nt'hambiko muhala ndo wakulondigwa kudya migate iyo. Mbali Daudi kaidya na akawenk'ha na wayage.”
27Ivo elo, Yesu akawalongela, “Siku ya Humulo iikwa kwa ajili ya kuwataza want'hu na sio kuwatenda want'hu kuwa watwana wa siku ya Humulo. 28Nie Mwana wa Mnt'hu ndo Mndewa wa Humulo.”
Právě zvoleno:
Maliko 2: DBV
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
The New Testament in Dowe @The Word for The World International and Dowe Language translation. All rights reserved.
Maliko 2
2
Yesu akumuhonya mnt'hu aholole
Matayo 9:1,8; Luka 5:17,26
1Ivo zifosile siku ndodo, Yesu akabwela kuna dibululu da Kapelinaumu na want'hu wakamanya kuwa Yesu kabwela hant'hu akalile akukala. 2Wakeza want'hu wengi wakammemela hadi haulwivi hakawa habule nyafasi yakufosela. Chipindi icho Yesu kakala akuwalongela want'hu nt'hume za Mulungu. 3Wakeingila want'hu wanne wakalile wampapa mtamu aholole wakamgala kwa Yesu. 4Ivo hawadahile kumgala mtamu iyo haguhi na Yesu kwa vila kukala na want'hu wengi. Ivo wakakwela mdigulu na wakatobola toli kuchanya hant'hu hala akalile Yesu. Wakamtelemsa mnt'hu iyo aholole kuno wamgoneza mchilago. 5Yesu ivo aonile vila wakumtogola akamulongela ila mtamu aholole, “Mbuyangu nikuhalavila zambi zako.”
6Wamwenga wa wafunza Malagilizo ya Musa wakalile hant'hu hala wakaiuza muna myoyo yawe, 7“Akudahaze mnt'hu ino kulonga mbuli gesa zino? Akuitenda yeye Mulungu. Kwavila Mulungu adumwe ndo akudaha kumuhalavila mnt'hu zambi.”
8Ahoaho, Yesu akayamanya yala yose wakalile wakuyagesa mimyoyo yawe akawalongela, “Hangi mkugesa ivo? 9Vino mbuli ili ihuhile kutendeka kwa mnt'hu ino alohole? Kumulongela zambi zako zihalavigwa egu kumulongela timalala usole chilago chako wite? 10Mbali huwalongelani kuwa nie Mwana wa Mnt'hu nina udahi wa kuwahalavila want'hu zambi.” Kamala akamulongela ila mnt'hu ahololile, 11“Timalala sola chilago chako na wite ukaya kumwako!”
12Ahoaho akeinuka na akasola chilago chake akasegela. Want'hu wose wakakangawala na wakamdenk'helela Mulungu wakalonga, “Hachinawahi kuona mbuli gesa ino.”
Yesu akumtanga Lawi amkole
Matayo 9:9,13; Luka 5:27,32
13Yesu kaita kaidi mnk'handa nk'handa mwa ziwa Galilaya. Want'hu wengi wakamwitila nae akandusa kuwafunza. 14Ivo akalile akufosa akamuona Lawi mwana wa Alifayo kakala hant'hu hakuduganyila kodi. Yesu akamulongela, “Nikole!” Lawi akatimalala na kumkola.
15Kamala Yesu akakala adye ndia muikaya ya Lawi kwa vila want'hu wengi wakala wakumkola ivo waduganya kodi wengi wakalile wakumanyika watenda zambi wakala wakudya hamwenga nae na wanahina wake. 16Aho hakala na wamwenga wa wafunza Malagilizo wakalile Mafalisayo ivo wamuonile Yesu akudya na watenda zambi na waduganya kodi wakawalongela wanahina wake, “Hangi akudya hamwenga na wakumanyikana ni watenda zambi na waduganya kodi?”
17Yesu ivo awahulikile akawalongela, “Wagima hawakulonda mulaguzi mbali watamu ndo wakulonda walaguzi. Sizile kuwatanga want'hu wadamane kulongozi kwa Mulungu mbali watendile zambi.”
Yesu akulinganiza mafuzo yahaluse na yachomwaka
Matayo 9:14,19; Luka 5:33,39
18Wanahina wa Yohana Mbatizi na Mafalisayo wakala wakuleka kudya. Ivo elo want'hu wamwenga wakaita na kumuuza Yesu, “Wanahina wa Yohana na Mafalisayo wakala wakuleka kudya mbali hangi wanahina wako hawakuleka kudya?”
19Yesu akawalongela, “Habule mnt'hu akudaha kuwalongela watafi wa msola mke waleke kudya kuno msola akawa ahamwenga nao.” 20Mbali chipindi nachifike cha msola mke kuhalavigwa hagati yao na chikafika chipindi icho ndo nawaleke kudya 21Yesu akawalongela kwa mlinganyo uno, “Habule mnt'hu akulonda kukant'ha kibandikizi kulawa mumwenda mpya na kukisonela muu mwenda usakale. Ukashona kila kimpya kikubananga ula mwenda usakalena hala hatoboke hakuongezekela. 22Habule mnt'hu akulonda kugela divai mpya muna imihaya ya baha isakale na akagela ila divai mpya naivitule ivo imihaya ya baha isakale ikuvitula na divai naitike na imihaya iyo naitulike. Mbali divai mpya ikugeligwa muna imihaya ya baha ya haluse.”
Yesu ndo Mndewa wa siku ya Humulo
Matayo 12:1,8; Luka 6:15
23Ivo wakalile wakufosa muna imigunda siku ya Humulo dya Wayahudi wanahina wake Yesu wakala wakukwanyula vint'hu gesa uhemba. 24Mafalisayo wakamuuza Yesu, “Lola hangi wanahina wako wakutenda mbuli zilemesigwe kutendigwa muna isiku ya Humulo?”
25Yesu akawalongela, “Vino hamsomile Mandiko Yanank'hane, kila atendile Daudi na wayage ivo akalile na nzala? 26Vila Daudi aingilile muikaya ya Mulungu na kudya migate ilavigwe nt'hambiko kwa Mulungu. Mbuli ino ilawila vila Abinatali ivo akalile Mlava nt'hambiko mkulu. Na walava nt'hambiko muhala ndo wakulondigwa kudya migate iyo. Mbali Daudi kaidya na akawenk'ha na wayage.”
27Ivo elo, Yesu akawalongela, “Siku ya Humulo iikwa kwa ajili ya kuwataza want'hu na sio kuwatenda want'hu kuwa watwana wa siku ya Humulo. 28Nie Mwana wa Mnt'hu ndo Mndewa wa Humulo.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
The New Testament in Dowe @The Word for The World International and Dowe Language translation. All rights reserved.