Markus 1
1
Yohanès Pembaptis naꞌèg-oglèkh Gah Allah
(Mat 3:1-12; Luk 3:1-18; Yoh 1:19-28)
1Doh lah Gah Méj tentang Yèsus Kristus, Kuwòt Allah. Gah Méj Eh doh nabemulak 2gerèk Nabi Yèsaya natulis bil naterèylòy Gah Allah nèng-nèng tòp: #Mal 3:1.
“Allah nachal, ‘Néh lah!
Yék imtèrꞌèn sènꞌòy nèng-nèng
rik namtèrlòy gah Yék,
supaye namtabéh nòng Hãk.’
3Mok kuy sènꞌòy nabeꞌèh-éh #Yès 40:3.
èn pantil gurun,
‘Tabéh lah nòng untok Tuhan!
Sèrjèkh lah nòng untok Rik Nak!’”
4Gerèk sènꞌòy nak lah, Yohanès nalãj èn pantil gurun. Dak nabebaptis ma sènꞌòy, dak naꞌèg-oglèkh gah nòm Allah. Anak Yohanès nachal ma sènꞌòy jajéh, “Los lah ma Allah bok agok teꞌèl dose wèl! Dak akal Allah naꞌampon dose nyob. Jok lah, yék ibaptis ma nyob sebab nyob chèn nyomhoh ma Allah.” 5Jajéh sènꞌòy umlãj nòm negerik Yudéya bok nòm kote Yèrusalèm untok mukeyòkh ma nèlchal Yohanès. Dak bil umꞌakuk dose um, Yohanès nabaptis ma umnak èn kelòj Òng Tibok Yordan. 6Nèglòg Yohanès nak rik umteꞌèl nòm sog unta, dak talik wakh eh nòm sèmpok, bok nèygéy eh beralang ròb madu seròkh. #2 Raj 1:8. 7Dak Yohanès naꞌoglèkh ma sènꞌòy jajéh, “Tok lamad wèl nalãj néy sènꞌòy bekuwase. Yék doh tok behakak imngèb-ngõb imtèg-teg talik kasod Eh pon, sebab Rik Nak jerok lebéh rayak nòm yék. 8Yék ibaptis ma nyob nòm òng, tapik Rik Nak akal nabaptis ma nyob nòm Ruway Kudus.”
Yohanès nabaptis ma Yèsus
(Mat 3:13-17; Luk 3:21-22)
9Bil nak Yèsus nalãj nòm kampong Nasarèt èn tèk Galiliya, dak èn anak Yohanès nabaptis ma Yèsus èn Òng Tibok Yordan. 10Bil Yèsus nahuwòl nòm òng nak, dak sejèkh nanéh langid#1:10 langid Atòw sorga napa-pog,#1:10 napa-pog Bahasa Yunani: cha-chèg. Perkataꞌan doh mok èn kelòj bab 15:38 bil langséh èn kelòj Dékh Tuhan nacha-chèg. dak anak nataw Ruway Kudus gerèk chèp kukur nabekabed èn balikh Yèsus. 11#Jen 22:2; En 2:7; Yès 42:1; Mat 3:17; 12:18; Mrk 9:7; Luk 3:22.Dak mok kuy Allah nachal nòm langid, “Hãk lah Kuwòt Yék rik isayèkh. Hãk hasèrnang ma hup Yék.”
Iblis natarèk ma Yèsus
(Mat 4:1-11; Luk 4:1-13)
12Èn anak Ruway Allah sejèkh natèrꞌèn Yèsus ma pantil gurun. 13Selamak empad puloh arik Yèsus nagel èn pantil gurun nak, dak Iblis#1:13 Iblis Ketuwe kenèmbek yel jèdhad. natarèk ma Yèsus. Dak mèn lawok kèjlaj mok èn anak keꞌjèk. Dak mèn melaykat#1:13 Melaykat Ruway-ruway rik umkèrjak untok Tuhan dak umhoh ma nènchèn Eh. umlãj umtulong ma Rik Nak.
Yèsus natekèd kèrjak Eh naꞌèg-oglèkh Gah Allah
(Mat 4:12-22; Luk 4:14-15; 5:1-11)
14Pas nak Yèsus namak ma tèk Galiliya natèrlòy Gah Méj nòm Allah. Mase nak Rajak Hèrodès hòj najél ma Yohanès. 15#Mat 3:2.Yèsus nachal, “Mase eh hòj nalòy, Kerajaꞌan Allah hòj tilok. Los wèl ma Allah bok agok teꞌèl dose wèl, dak pechaye lah ma Gah Méj doh!”
Yèsus naꞌéd empad hèhoh rik mulak
(Mat 4:18-22; Luk 5:1-11)
16Bil Yèsus nachèb-chib èn béng Òng Pang Galiliya, Nanak nanéh ma wènar mèrpek rik bekenëh Simon ròb Andréas. Wènar nak wèbejalok kak èn òng pang nak, sebab kèrjak wèh bejalok kak. 17Yèsus nachal ma wènar nak, “Hoh lah ma Yék, bok Yék imtènglèkh ma kaꞌan kaꞌamjalok sènꞌòy supaye muhoh ma Yék.”#1:17 supaye muhoh ma Yék. Tèks asli Kitab: “jalok sènꞌòy” hék. 18Sejèkh wèperak jalok dak wèhoh ma Yèsus. 19Yèsus nachèb-chib wèl samak wènar nak. Yèsus nanéh mok nar mèrpek mòy wèl rik bekenëh Yakobus ròb Yohanès, kuwòt Sèbedius. Wènar nak wèbesayab jalok èn kelòj perahuk. 20Dak sejèkh Yèsus naꞌéd ma wènar mèrpek nak wèmjadik hèhoh Rik Nak keꞌjèk, dak anak wènar nak wèperak ma apak wèh ròb sènꞌòy gajik eh èn kelòj perahuk, dak wèhoh ma Yèsus.
Yèsus natèrhakh ma sènꞌòy rik sèd-sid yel jèdhad
(Mat 8:14-17; Luk 4:38-41)
21Dak umnak umwèk ma Kapernaum. Bil hòj nalòy Is Tenarak,#1:21 Is Tenarak Is tenujoh nak sènꞌòy Yahudi umbetarak nòm kèrjak um bok umsèmbaꞌyang. Yèsus namòj ma dékh senindol dak nabetènglèkh. 22Kenèmbek sènꞌòy rik umkèngyòkh umbèlꞌih ma chare natènglèkh nak bekuwase, tok samak ma guruk agama rik umbetènglèkh Hukom Tuhan. #Mat 7:28,29. 23Tok-tok èn kelòj dékh senindol nak mok sènꞌòy rik sèd-sid yel jèdhad namulak naꞌèh-éh, 24“Yèsus, sènꞌòy Nasarèt, ilok hamhey ma kandék? Ke hamterèyhõy ma kandék? Yék ilèkh Hãk nak chok: Hãk Rik Suchi nòm Allah!” 25Yèsus natèdchod ma yel nak, “Sengẽk! Huwòl lah nòm sènꞌòy doh.” 26Yel jèdhad nak nayoh kuwad geb èn esik sènꞌòy nak, nakaraw dak nahuwòl. 27Kenèmbek sènꞌòy umbèlꞌih geb, dak umcha-chal kaban rik um, “Ayah! Ilok che naꞌdoh? Tenènglèkh rik pay lah. Sènꞌòy doh bekuwase naꞌor ma yel jèdhad, dak yel jèdhad pon nataꞌãd ma Rik Nak!” 28Sènꞌòy rik umnèh-néh naꞌtèk géj umtèrjekh gah Yèsus ma kenèmbek tèk Galiliya.
Yèsus natèrhakh ma belok babok Simon ròb jajéh sènꞌòy
(Mat 8:14-17; Luk 4:38-41)
29Yèsus ròb hèhoh-hèhoh Eh samak Yakobus ròb Yohanès umperak dékh senindol nak, dak umwèk sejèkh ma dékh Simon ròb Andréas. 30Belok babok Simon nabèd-bëd esik eh, dak nasèglòg èn dékh eh. Jadik bil umbeleh ma nak, umꞌoglèkh gah nèꞌjik eh nak ma Yèsus. 31Yèsus nawèk tilok dak nakuwòp ma tikh belok babok Simon, dak natulong natèrwòg. Dak bèd-bëd eh hòj hõy, dak nanak nabejamuk ma umnak. 32Mad is najelũd, hòj nambelayèg, sènꞌòy umꞌéd jajéh sènꞌòy jèk-jik bok rik umsèd-sid yel jèdhad ma Yèsus. 33Jajéh geb sènꞌòy rik umgèl-gel èn kote nak umherimung èn sòy rèngkak. 34Yèsus natèrhakh ma jajéh sènꞌòy rik umberagik-ragik chenèk, bok nakiron yel jèdhad. Tapik Yèsus tok naꞌèg-og ma yel-yel jèdhad nak muchèl-chal ilok-ilok, sebab yel-yel jèdhad umlèkh chok Rik Nak.
Yèsus naꞌèg-oglèkh Gah Méj Allah èn Galiliya
(Luk 4:42-44)
35Yèhyah is jakal nak, mad is tik tok bejuray, Yèsus nawòg tik chup dak naperak ma dékh nak. Dak nawèk ma béng kote ma tempad sèꞌngẽk sèngyõng nampèꞌtak. 36Simon ròb kéy-kéy eh umwòg, dak bil umnéh Yèsus tok mèk-mok, umwèk umka-kèk. 37Dak bil umtèrbuk ma Yèsus, umchal, “Guruk, jok lah, èk èmak. Jajéh sènꞌòy umkèk ma Hãk.” 38Tapik Yèsus nasaꞌod, “Èk mestik èmsèrjèkh nèbchib èh ma kampong gèhnih. Yék imtèrlòy gah doh ma nak keꞌjèk, sebab untok tujuwan nak lah Yék ilãj.” 39#Mat 4:23; 9:35.Kerek nak Yèsus nawèk ma kenèmbek belah Galiliya, dak nabetènglèkh èn dékh senindol bok nakiron ma yel jèdhad.
Yèsus natèrhakh néy sènꞌòy rik bechenèk sèmpok
(Mat 8:1-4; Luk 5:12-16)
40Mok néy sènꞌòy rik bechenèk sèmpok nalãj ma Yèsus, natud dak nasemany lèdbëd ma Yèsus namtulong ma rik nak: “Kalòw hachèn, boléh lah hamtèrhakh ma yék supaye yék imjadik méj wèl èn mad Tuhan.” 41Yèsus nakalõn ma rik nak, natadok tikh Eh napèk-pek ma sènꞌòy nak dak nachal, “Yék ichèn. Hakh lah bok jadik méj wèl!” 42Èn anak keꞌjèk chenèk eh hòj hõy, hòj nahakh. 43Yèsus naꞌor sènꞌòy nak namwèk dak nachal padat ma rik nak, 44“Keyòkh lah méj-méj: agok haꞌoglèkh gah doh ma chok-chok, tapik wèk lah ma imam Yahudi pèrnéh esik hãh nak hòj kemën-kemën nahakh. Kerek nak og lah jenamuk ma Allah, gerèk Musa#1:44 Musa Pemimpin sènꞌòy Yahudi manah anin tòp rik naꞌoglèkh Hukom Tuhan ma kaum Israꞌèl. naꞌor èn kelòj Hukom Tuhan, untok nambukti ma kenèmbek sènꞌòy hãk kemën-kemën hòj hahakh.” #Im 14:1-32. 45Tapik sènꞌòy nak nawèk naꞌèg-oglèkh gah nak ma lok-lok, sampéy Yèsus tok dapad nammòj ma bandar tèꞌlalah sebab sènꞌòy jajéh selaluk umlãj untok Yèsus namtèrhakh ma umnak. Sebab nak, Yèsus nagel èn béng bandar, èn tempad sèꞌngẽk. Tapik sènꞌòy tik umlãj keꞌjèk ma Rik Nak nòm lok-lok tempad.
Právě zvoleno:
Markus 1: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Markus 1
1
Yohanès Pembaptis naꞌèg-oglèkh Gah Allah
(Mat 3:1-12; Luk 3:1-18; Yoh 1:19-28)
1Doh lah Gah Méj tentang Yèsus Kristus, Kuwòt Allah. Gah Méj Eh doh nabemulak 2gerèk Nabi Yèsaya natulis bil naterèylòy Gah Allah nèng-nèng tòp: #Mal 3:1.
“Allah nachal, ‘Néh lah!
Yék imtèrꞌèn sènꞌòy nèng-nèng
rik namtèrlòy gah Yék,
supaye namtabéh nòng Hãk.’
3Mok kuy sènꞌòy nabeꞌèh-éh #Yès 40:3.
èn pantil gurun,
‘Tabéh lah nòng untok Tuhan!
Sèrjèkh lah nòng untok Rik Nak!’”
4Gerèk sènꞌòy nak lah, Yohanès nalãj èn pantil gurun. Dak nabebaptis ma sènꞌòy, dak naꞌèg-oglèkh gah nòm Allah. Anak Yohanès nachal ma sènꞌòy jajéh, “Los lah ma Allah bok agok teꞌèl dose wèl! Dak akal Allah naꞌampon dose nyob. Jok lah, yék ibaptis ma nyob sebab nyob chèn nyomhoh ma Allah.” 5Jajéh sènꞌòy umlãj nòm negerik Yudéya bok nòm kote Yèrusalèm untok mukeyòkh ma nèlchal Yohanès. Dak bil umꞌakuk dose um, Yohanès nabaptis ma umnak èn kelòj Òng Tibok Yordan. 6Nèglòg Yohanès nak rik umteꞌèl nòm sog unta, dak talik wakh eh nòm sèmpok, bok nèygéy eh beralang ròb madu seròkh. #2 Raj 1:8. 7Dak Yohanès naꞌoglèkh ma sènꞌòy jajéh, “Tok lamad wèl nalãj néy sènꞌòy bekuwase. Yék doh tok behakak imngèb-ngõb imtèg-teg talik kasod Eh pon, sebab Rik Nak jerok lebéh rayak nòm yék. 8Yék ibaptis ma nyob nòm òng, tapik Rik Nak akal nabaptis ma nyob nòm Ruway Kudus.”
Yohanès nabaptis ma Yèsus
(Mat 3:13-17; Luk 3:21-22)
9Bil nak Yèsus nalãj nòm kampong Nasarèt èn tèk Galiliya, dak èn anak Yohanès nabaptis ma Yèsus èn Òng Tibok Yordan. 10Bil Yèsus nahuwòl nòm òng nak, dak sejèkh nanéh langid#1:10 langid Atòw sorga napa-pog,#1:10 napa-pog Bahasa Yunani: cha-chèg. Perkataꞌan doh mok èn kelòj bab 15:38 bil langséh èn kelòj Dékh Tuhan nacha-chèg. dak anak nataw Ruway Kudus gerèk chèp kukur nabekabed èn balikh Yèsus. 11#Jen 22:2; En 2:7; Yès 42:1; Mat 3:17; 12:18; Mrk 9:7; Luk 3:22.Dak mok kuy Allah nachal nòm langid, “Hãk lah Kuwòt Yék rik isayèkh. Hãk hasèrnang ma hup Yék.”
Iblis natarèk ma Yèsus
(Mat 4:1-11; Luk 4:1-13)
12Èn anak Ruway Allah sejèkh natèrꞌèn Yèsus ma pantil gurun. 13Selamak empad puloh arik Yèsus nagel èn pantil gurun nak, dak Iblis#1:13 Iblis Ketuwe kenèmbek yel jèdhad. natarèk ma Yèsus. Dak mèn lawok kèjlaj mok èn anak keꞌjèk. Dak mèn melaykat#1:13 Melaykat Ruway-ruway rik umkèrjak untok Tuhan dak umhoh ma nènchèn Eh. umlãj umtulong ma Rik Nak.
Yèsus natekèd kèrjak Eh naꞌèg-oglèkh Gah Allah
(Mat 4:12-22; Luk 4:14-15; 5:1-11)
14Pas nak Yèsus namak ma tèk Galiliya natèrlòy Gah Méj nòm Allah. Mase nak Rajak Hèrodès hòj najél ma Yohanès. 15#Mat 3:2.Yèsus nachal, “Mase eh hòj nalòy, Kerajaꞌan Allah hòj tilok. Los wèl ma Allah bok agok teꞌèl dose wèl, dak pechaye lah ma Gah Méj doh!”
Yèsus naꞌéd empad hèhoh rik mulak
(Mat 4:18-22; Luk 5:1-11)
16Bil Yèsus nachèb-chib èn béng Òng Pang Galiliya, Nanak nanéh ma wènar mèrpek rik bekenëh Simon ròb Andréas. Wènar nak wèbejalok kak èn òng pang nak, sebab kèrjak wèh bejalok kak. 17Yèsus nachal ma wènar nak, “Hoh lah ma Yék, bok Yék imtènglèkh ma kaꞌan kaꞌamjalok sènꞌòy supaye muhoh ma Yék.”#1:17 supaye muhoh ma Yék. Tèks asli Kitab: “jalok sènꞌòy” hék. 18Sejèkh wèperak jalok dak wèhoh ma Yèsus. 19Yèsus nachèb-chib wèl samak wènar nak. Yèsus nanéh mok nar mèrpek mòy wèl rik bekenëh Yakobus ròb Yohanès, kuwòt Sèbedius. Wènar nak wèbesayab jalok èn kelòj perahuk. 20Dak sejèkh Yèsus naꞌéd ma wènar mèrpek nak wèmjadik hèhoh Rik Nak keꞌjèk, dak anak wènar nak wèperak ma apak wèh ròb sènꞌòy gajik eh èn kelòj perahuk, dak wèhoh ma Yèsus.
Yèsus natèrhakh ma sènꞌòy rik sèd-sid yel jèdhad
(Mat 8:14-17; Luk 4:38-41)
21Dak umnak umwèk ma Kapernaum. Bil hòj nalòy Is Tenarak,#1:21 Is Tenarak Is tenujoh nak sènꞌòy Yahudi umbetarak nòm kèrjak um bok umsèmbaꞌyang. Yèsus namòj ma dékh senindol dak nabetènglèkh. 22Kenèmbek sènꞌòy rik umkèngyòkh umbèlꞌih ma chare natènglèkh nak bekuwase, tok samak ma guruk agama rik umbetènglèkh Hukom Tuhan. #Mat 7:28,29. 23Tok-tok èn kelòj dékh senindol nak mok sènꞌòy rik sèd-sid yel jèdhad namulak naꞌèh-éh, 24“Yèsus, sènꞌòy Nasarèt, ilok hamhey ma kandék? Ke hamterèyhõy ma kandék? Yék ilèkh Hãk nak chok: Hãk Rik Suchi nòm Allah!” 25Yèsus natèdchod ma yel nak, “Sengẽk! Huwòl lah nòm sènꞌòy doh.” 26Yel jèdhad nak nayoh kuwad geb èn esik sènꞌòy nak, nakaraw dak nahuwòl. 27Kenèmbek sènꞌòy umbèlꞌih geb, dak umcha-chal kaban rik um, “Ayah! Ilok che naꞌdoh? Tenènglèkh rik pay lah. Sènꞌòy doh bekuwase naꞌor ma yel jèdhad, dak yel jèdhad pon nataꞌãd ma Rik Nak!” 28Sènꞌòy rik umnèh-néh naꞌtèk géj umtèrjekh gah Yèsus ma kenèmbek tèk Galiliya.
Yèsus natèrhakh ma belok babok Simon ròb jajéh sènꞌòy
(Mat 8:14-17; Luk 4:38-41)
29Yèsus ròb hèhoh-hèhoh Eh samak Yakobus ròb Yohanès umperak dékh senindol nak, dak umwèk sejèkh ma dékh Simon ròb Andréas. 30Belok babok Simon nabèd-bëd esik eh, dak nasèglòg èn dékh eh. Jadik bil umbeleh ma nak, umꞌoglèkh gah nèꞌjik eh nak ma Yèsus. 31Yèsus nawèk tilok dak nakuwòp ma tikh belok babok Simon, dak natulong natèrwòg. Dak bèd-bëd eh hòj hõy, dak nanak nabejamuk ma umnak. 32Mad is najelũd, hòj nambelayèg, sènꞌòy umꞌéd jajéh sènꞌòy jèk-jik bok rik umsèd-sid yel jèdhad ma Yèsus. 33Jajéh geb sènꞌòy rik umgèl-gel èn kote nak umherimung èn sòy rèngkak. 34Yèsus natèrhakh ma jajéh sènꞌòy rik umberagik-ragik chenèk, bok nakiron yel jèdhad. Tapik Yèsus tok naꞌèg-og ma yel-yel jèdhad nak muchèl-chal ilok-ilok, sebab yel-yel jèdhad umlèkh chok Rik Nak.
Yèsus naꞌèg-oglèkh Gah Méj Allah èn Galiliya
(Luk 4:42-44)
35Yèhyah is jakal nak, mad is tik tok bejuray, Yèsus nawòg tik chup dak naperak ma dékh nak. Dak nawèk ma béng kote ma tempad sèꞌngẽk sèngyõng nampèꞌtak. 36Simon ròb kéy-kéy eh umwòg, dak bil umnéh Yèsus tok mèk-mok, umwèk umka-kèk. 37Dak bil umtèrbuk ma Yèsus, umchal, “Guruk, jok lah, èk èmak. Jajéh sènꞌòy umkèk ma Hãk.” 38Tapik Yèsus nasaꞌod, “Èk mestik èmsèrjèkh nèbchib èh ma kampong gèhnih. Yék imtèrlòy gah doh ma nak keꞌjèk, sebab untok tujuwan nak lah Yék ilãj.” 39#Mat 4:23; 9:35.Kerek nak Yèsus nawèk ma kenèmbek belah Galiliya, dak nabetènglèkh èn dékh senindol bok nakiron ma yel jèdhad.
Yèsus natèrhakh néy sènꞌòy rik bechenèk sèmpok
(Mat 8:1-4; Luk 5:12-16)
40Mok néy sènꞌòy rik bechenèk sèmpok nalãj ma Yèsus, natud dak nasemany lèdbëd ma Yèsus namtulong ma rik nak: “Kalòw hachèn, boléh lah hamtèrhakh ma yék supaye yék imjadik méj wèl èn mad Tuhan.” 41Yèsus nakalõn ma rik nak, natadok tikh Eh napèk-pek ma sènꞌòy nak dak nachal, “Yék ichèn. Hakh lah bok jadik méj wèl!” 42Èn anak keꞌjèk chenèk eh hòj hõy, hòj nahakh. 43Yèsus naꞌor sènꞌòy nak namwèk dak nachal padat ma rik nak, 44“Keyòkh lah méj-méj: agok haꞌoglèkh gah doh ma chok-chok, tapik wèk lah ma imam Yahudi pèrnéh esik hãh nak hòj kemën-kemën nahakh. Kerek nak og lah jenamuk ma Allah, gerèk Musa#1:44 Musa Pemimpin sènꞌòy Yahudi manah anin tòp rik naꞌoglèkh Hukom Tuhan ma kaum Israꞌèl. naꞌor èn kelòj Hukom Tuhan, untok nambukti ma kenèmbek sènꞌòy hãk kemën-kemën hòj hahakh.” #Im 14:1-32. 45Tapik sènꞌòy nak nawèk naꞌèg-oglèkh gah nak ma lok-lok, sampéy Yèsus tok dapad nammòj ma bandar tèꞌlalah sebab sènꞌòy jajéh selaluk umlãj untok Yèsus namtèrhakh ma umnak. Sebab nak, Yèsus nagel èn béng bandar, èn tempad sèꞌngẽk. Tapik sènꞌòy tik umlãj keꞌjèk ma Rik Nak nòm lok-lok tempad.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.