Matius 28
28
Allah natèrwòg Yèsus nòm kènbes
(Mrk 16:1-10; Luk 24:1-12; Yoh 20:1-10)
1Hòj sòj Is Tenarak, bil arik Ahad yèhyah tik chup, Maria Magdaléna ròb Maria rik mòy wèlos wèmnéh ma kubor Yèsus. 2Dak tok-tok nabelakuk gempah bumi rik kuwad geb! Melaykat Tuhan nataw nòm sorga, nakèrléh batuk cherèntekh nòm sòy guwok kubor nak, dak nagel èn balikh batuk nak. 3Mad melaykat nak nachelakh gemèrlãb gerèk kilat, dak nèglòg eh beyug gerèk saji. 4Mèn askah rik umbejagak èn anak pon umtukh geb, sampéy umnak umkerokh dak umkelek umsèljok gerèk sènꞌòy kèsbes.
5Melaykat nak nachal ma wènar bèꞌbok naꞌtèk, “Agok tukh! Yék ilèkh kaꞌan kèk Yèsus, rik umkèrbes èn palok salib nak. 6Yèsus tok mèk-mok èn anuh. Nanak hòj nawòg nòm kènbes, tehad gerèk hòj nachal hatòp. Jok, néh lah ma tempad umsèrlòg mayad Eh hatòp. 7Dak puꞌdoh hès lah wèk bok oglèkh ma mèn hèhoh Eh: ‘Yèsus hòj nawòg nòm kènbes! Dak puꞌdoh Rik Nak nawèk ma Galiliya nèng-nèng nòm nyob. Èn anak nyob akal nyob néh ma Rik Nak.’” Dak melaykat nachal wèl ma wènar nak, “Belekh lah akal ilok rik yék hòj ichal ma kaꞌan!”
8Jadik wèh bèꞌbok nak hès wèperak nòm kubor nak. Wènar nak wègahmak wètukh, tapik wèꞌadés geb keꞌjèk, dak wèdabal untok wèmꞌoglèkh ma hèhoh-hèhoh Yèsus.
9Bil tik wèbedabal, tok-tok Yèsus nalãj natèrbuk ma wènar nak dak nachal, “Selamad!” Wènar nak wèwèk tilok ma Rik Nak, wètud wèkuwòp ma jukh Eh bok wèsindol ma Rik Nak. 10Dak Yèsus nachal ma wènar nak, “Agok tukh! Wèk lah oglèkh ma kéy-kéy Yéh supaye muwèk ma Galiliya; èn anak umnak akal umnéh ma Yék.”
Mèn pemimpin Yahudi umꞌor mèn askah musèꞌlok tentang nègwòg Yèsus
11Asoh wènar bèꞌbok nak tik wècha-chib, maròp-maròp sènꞌòy nòm mèn askah rik bejagak èn kubor naꞌtèk umlos ma kote dak umꞌoglèkh ma mèn ketuwe imam kenèmbek rik hòj nabelakuk. 12Jadik mèn ketuwe imam nak umbeterabuk samak mèn tèꞌtak sènꞌòy Yahudi, dak umꞌachag untok muꞌog duid rik ibuk ma mèn askah nak, 13dak umꞌor ma umnak, “Nyob haros nyomchal ma sènꞌòy mòy gerèk doh: ‘Mèn hèhoh Yèsus nak umlãj bil gagid layèg dak umseyèj mayad Eh nak bil kandék tik kisèglòg.’ 14Dak agok id lah — kalòw mok sènꞌòy umripod gah nak ma menterik rayak, kandék akal kichèrmun ma rik nak supaye tok nabehukom ma nyob.”
15Jadik mèn askah umterime duid nak dak umꞌèg-oglèkh cherite bèj-bòj rik mèn pemimpin Yahudi hòj umꞌor ma umnak. Dak cherite nak tik umterèngjekh èn kaum sènꞌòy Yahudi sampéy puꞌdoh.
Yèsus naꞌor ma mèn hèhoh Eh muwèk bok muꞌèg-oglèkh Gah Méj ma kenèmbek kaum
(Mrk 16:14-18; Luk 24:36-49; Yoh 20:19-23; Tèn 1:6-8)
16Nòm kerek nak sebelas hèhoh Yèsus umwèk ma pok èn tèk Galiliya, gerèk rik Yèsus hòj naꞌor ma umnak hatòp.#Mat 26:32; Mrk 14:28. 17Dak èn anak umnéh ma Yèsus, dak umsindol ma Rik Nak. Tapik mok èn umnak sènꞌòy rik tik umꞌèd-id. 18Dak Yèsus nalãj tilok ma umnak dak nachal, “Allah hòj naꞌog ma Yék kenèmbek kuwase èn sorga bok èn bumi. 19Jadik, wèk lah ma kenèmbek kaum dak tènglèkh ma umnak mujadik hèhoh Yék. Baptis lah ma umnak èn kelòj kenëh Apak, Kuwòt, ròb Ruway Kudus.#Tèn 1:8. 20Dak tènglèkh lah ma umnak muhoh ma kenèmbek rik hòj Yék iꞌor ma nyob. Belekh lah, Yék selaluk mok samak nyob, sampéy ma sèj-sòj bilok.”
Právě zvoleno:
Matius 28: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 28
28
Allah natèrwòg Yèsus nòm kènbes
(Mrk 16:1-10; Luk 24:1-12; Yoh 20:1-10)
1Hòj sòj Is Tenarak, bil arik Ahad yèhyah tik chup, Maria Magdaléna ròb Maria rik mòy wèlos wèmnéh ma kubor Yèsus. 2Dak tok-tok nabelakuk gempah bumi rik kuwad geb! Melaykat Tuhan nataw nòm sorga, nakèrléh batuk cherèntekh nòm sòy guwok kubor nak, dak nagel èn balikh batuk nak. 3Mad melaykat nak nachelakh gemèrlãb gerèk kilat, dak nèglòg eh beyug gerèk saji. 4Mèn askah rik umbejagak èn anak pon umtukh geb, sampéy umnak umkerokh dak umkelek umsèljok gerèk sènꞌòy kèsbes.
5Melaykat nak nachal ma wènar bèꞌbok naꞌtèk, “Agok tukh! Yék ilèkh kaꞌan kèk Yèsus, rik umkèrbes èn palok salib nak. 6Yèsus tok mèk-mok èn anuh. Nanak hòj nawòg nòm kènbes, tehad gerèk hòj nachal hatòp. Jok, néh lah ma tempad umsèrlòg mayad Eh hatòp. 7Dak puꞌdoh hès lah wèk bok oglèkh ma mèn hèhoh Eh: ‘Yèsus hòj nawòg nòm kènbes! Dak puꞌdoh Rik Nak nawèk ma Galiliya nèng-nèng nòm nyob. Èn anak nyob akal nyob néh ma Rik Nak.’” Dak melaykat nachal wèl ma wènar nak, “Belekh lah akal ilok rik yék hòj ichal ma kaꞌan!”
8Jadik wèh bèꞌbok nak hès wèperak nòm kubor nak. Wènar nak wègahmak wètukh, tapik wèꞌadés geb keꞌjèk, dak wèdabal untok wèmꞌoglèkh ma hèhoh-hèhoh Yèsus.
9Bil tik wèbedabal, tok-tok Yèsus nalãj natèrbuk ma wènar nak dak nachal, “Selamad!” Wènar nak wèwèk tilok ma Rik Nak, wètud wèkuwòp ma jukh Eh bok wèsindol ma Rik Nak. 10Dak Yèsus nachal ma wènar nak, “Agok tukh! Wèk lah oglèkh ma kéy-kéy Yéh supaye muwèk ma Galiliya; èn anak umnak akal umnéh ma Yék.”
Mèn pemimpin Yahudi umꞌor mèn askah musèꞌlok tentang nègwòg Yèsus
11Asoh wènar bèꞌbok nak tik wècha-chib, maròp-maròp sènꞌòy nòm mèn askah rik bejagak èn kubor naꞌtèk umlos ma kote dak umꞌoglèkh ma mèn ketuwe imam kenèmbek rik hòj nabelakuk. 12Jadik mèn ketuwe imam nak umbeterabuk samak mèn tèꞌtak sènꞌòy Yahudi, dak umꞌachag untok muꞌog duid rik ibuk ma mèn askah nak, 13dak umꞌor ma umnak, “Nyob haros nyomchal ma sènꞌòy mòy gerèk doh: ‘Mèn hèhoh Yèsus nak umlãj bil gagid layèg dak umseyèj mayad Eh nak bil kandék tik kisèglòg.’ 14Dak agok id lah — kalòw mok sènꞌòy umripod gah nak ma menterik rayak, kandék akal kichèrmun ma rik nak supaye tok nabehukom ma nyob.”
15Jadik mèn askah umterime duid nak dak umꞌèg-oglèkh cherite bèj-bòj rik mèn pemimpin Yahudi hòj umꞌor ma umnak. Dak cherite nak tik umterèngjekh èn kaum sènꞌòy Yahudi sampéy puꞌdoh.
Yèsus naꞌor ma mèn hèhoh Eh muwèk bok muꞌèg-oglèkh Gah Méj ma kenèmbek kaum
(Mrk 16:14-18; Luk 24:36-49; Yoh 20:19-23; Tèn 1:6-8)
16Nòm kerek nak sebelas hèhoh Yèsus umwèk ma pok èn tèk Galiliya, gerèk rik Yèsus hòj naꞌor ma umnak hatòp.#Mat 26:32; Mrk 14:28. 17Dak èn anak umnéh ma Yèsus, dak umsindol ma Rik Nak. Tapik mok èn umnak sènꞌòy rik tik umꞌèd-id. 18Dak Yèsus nalãj tilok ma umnak dak nachal, “Allah hòj naꞌog ma Yék kenèmbek kuwase èn sorga bok èn bumi. 19Jadik, wèk lah ma kenèmbek kaum dak tènglèkh ma umnak mujadik hèhoh Yék. Baptis lah ma umnak èn kelòj kenëh Apak, Kuwòt, ròb Ruway Kudus.#Tèn 1:8. 20Dak tènglèkh lah ma umnak muhoh ma kenèmbek rik hòj Yék iꞌor ma nyob. Belekh lah, Yék selaluk mok samak nyob, sampéy ma sèj-sòj bilok.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.