Rô-ma 8
8
Baak rêh mhei knông Brah Wêêng
1Nei bei au, pal 'bơơn gôq knông Yaang Krist Jê-sus a kươi 'bưn geh kaap dôih hôm; 2đươm ch'bap Brah Wêêng ri baak rêh knông Yaang Krist Jê-sus ja tak krôih hei#8:2 hei: Knông m'baak plơơp 'bian ti laa hei; m'baak plơơp 'bian ti nday lah: bơl bơn. rlach ch'bap dôih 'baap ri u baak chhưt. 3Đươm ntil ơơn ch'bap 'bưn geh lơh kươt đươm pêêk pai lơh aan lhok lhơơi nei Brah Ưn ja lơh hơơi: Pang ja maanh Koon Pang na aanh pơih pêêk pai bei pêêk pai dôih 'baap jah ta rưh dôih 'baap; Pang ja pơrkat dôih 'baap knông pêêk pai, 4jah baak sêch song pa ch'bap êch joi kươt lơh sơp knông bơl bơn, laa pal bnih 'bưn rêh tênh pêêk pai, dôh rêh tênh Brah Wêêng. 5Ngan nei, pal 'bơơn rêh tênh pêêk pai nei chmlam teq u pal kaar pơơn pêêk pai; nha pal 'bơơn rêh tênh Brah Wêêng nei chmlam teq u pal kaar pơơn Brah Wêêng. 6Chmlam teq u Pêêk pai sot lgơơch baak chhưt, nha chmlam teq u Brah Wêêng sot lgơơch baak rêh u sroong boong; 7đươm chưt gơrninh wih teq u pêêk pai nei kmang n'hai Brah Ưn, đươm bu 'bưn chôh tênh ch'bap Brah Ưn ri; a ngan, bu 'bưn geh lpat jah chôh. 8Bnih êch rêh tênh pêêk pai nei 'bưn geh klanh chưt Brah Ưn.
9Dôh mơq Brah Wêêng Brah Ưn ri a ngan gôq knông oh bi nei oh bi 'bưn rêh tênh pêêk pai, baah rêh tênh Brah Wêêng; nha 'bơơn 'bưn geh Brah Wêêng Yaang Krist ri nei bnih nei 'bưn pơơn teq u Pang. 10Bei nei, mơq Yaang Krist gôq knông oh bi nei paich chhak jan oh bi chhưt knông dôih 'baap, chưt nuih oh bi nha rêh chkhôm baak sêch song#8:10 chưt nuih oh bi... baak sêch song: Paich laa Brah Wêêng laa baak rêh aan oh bi, đươm baak sêch song.. 11Mơq Brah Wêêng ri Yaang ja lơh Brah Jê-sus rêh kươi a ktôk chhưt gôq knông oh bi, nei Yaang ja lơh Yaang Krist rêh kươi a ktôk chhưt a kươi kot chkhôm Brah Wêêng Pang plah gôq knông oh bi baah ươn baak rêh aan chhak jan kmlơt chhưt oh bi ri.#I Kô 3:16.
12Ơi oh bi, bơl bơn 'bưn knđi pêêk pai jah rêh tênh pêêk pai. 13Đươm mơq oh bi rêh tênh pêêk pai nei phrui chhưt; dôh mơq oh bi chkhôm Brah Wêêng lơh aan chhưt kaar pêêk pai ri nei oh bi a kươi rêh. 14Đươm leq sêch pal 'bơơn kươt Brah Wêêng Brah Ưn ri têêk liêu kot laa koon Brah Ưn ri. 15Ngan bei nei, oh bi ja 'bưn sook chưt kmlơt lơh dêch jah khang rêh knông baak n'hông n'hing, dôh ja sook chưt kmlơt lơh koon siêm#8:15 lơh koon siêm: Bnih kươt chơp lơh koon geh jôm preh r'bup bei koon lgơơch. , u chkhôm nei, bơl bơn khuôl laah: “A-ba!#8:15 A-ba: Knông baak A-ram geh rơih lah Bươp. Bươp!”#Mak 14:36; Ga 4:6.#Ga 4:5-7. 16Nơơm Brah Wêêng lơh ndraanh n'hai chưt nuih bơl bơn laa bơl bơn laah koon sau Brah Ưn. 17Mơq lah koon sau nei bơl bơn kot laa bnih dơơn, đah lah bnih dơơn Brah Ưn ri đah lah bnih a dơơn teq u Yaang Krist; mơq bơl bơn a ngan pôl ơt rngiêl n'hai Pang nei bơl bơn a kươi pôl kươt chring chraang n'hai Pang.
Baak kơndưng koon sau Brah Ưn ri
18Hei gênh laah pal ji rngiêl nar au 'bưn tpal jah pndang n'hai chring chraang nar a kươi a kươi kươt tơrsau aan bơl bơn. 19Đươm pai mrơt sang rmeh, a ngan cham kmbưng baak lôh tơt koon sau Brah Ưn ri. 20Pai mrơt ja dol ta pih baak khuich khwait, 'bưn geh rnđêch êêng, dôh đươm Yaang êch bu ta pih, n'hai kơndưng laah 21đươm pai mrơt au hơơi a kươi kot kươt dơrluh rlach chhak jan lơh dêch aan baak luôch lêêk, jah pôl dơơn baak snôk sroong knông chring chraang koon sau Brah Ưn ri. 22Đươm bơl bơn gưt laah leq sêch pai tơmbut kot chhong rmlơng u ji kôr aan tơt nar au; 23'bưn dơơn pai mrơt baah leq bơl bơn laa pal bnih geh Brah Wêêng laa play tơơm, kot chhong rmlơng knông chưt plah kơp ndưng kươt lơh koon siêm#8:23 kươt lơh koon siêm: Knông m'baak plơơp 'bian ti 'bưn geh pal sêr au. , laa baak đoh kwaai chhak jan bơl bơn.#II Kô 5:2-4. 24Knông baak kơndưng nei, bơl bơn kươt đoh. Dôh tơt ja sau kươt ntil nơơm kơndưng hôm 'bưn nh'ơơm laa kơndưng nha. Đươm 'bơơn leet kơndưng#8:24 kơndưng: Knông m'baak plơơp 'bian ti laa cham. teq u ntil nơơm ja sau? 25Dôh mơq teq kơndưng teq u ntil nơơm 'bưn sau nei bơl bơn khang pơrkhom kơp ndưng ntil nei. 26Kot bei nei, Brah Wêêng joq jraih baak lhok lhơơi bơl bơn ri, đươm bơl bơn 'bưn gưt phrui r'bon dan ntil ơơn aan dip, dôh nơơm Brah Wêêng nhôq pal baak choong rmlơng 'bưn mor sot dơng baak baah r'bon aan bơl bơn. 27Yaang mơq leq chưt bnih, gưt srlah gơrninh Brah Wêêng ri, đươm Brah Wêêng tênh rnđêch Brah Ưn baah ta r'bon aan bơl koon sơih.
28Bơl bơn gưt laah jôm baak ta sruôl pôl lơh thlay aan pal 'bơơn êch srlanh Brah Ưn#8:28 jôm baak ta sruôl pôl lơh thlay aan pal 'bơơn êch srlanh Brah Ưn: Knông m'baak plơơp 'bian ti laa aan bơl 'bơơn êch srlanh Brah Ưn, Pang ta sruôl jôm baak kươi klanh., nei laa aan pal bnih kươt khuôl tênh rnđêch Pang ri. 29Đươm pal bnih Pang ja gưt noor nei Pang kot waat ơơm aan bu but rkhơt bei ruup gui Koon Pang, jah Koon nei kươt lơh Koon bi 'boong kluung ơk oh bi. 30Nha bơl bnih Pang ja waat ơơm nei Pang kot ja khuôl chôôl, pal bnih Pang ja khuôl chôôl nei Pang kot ja chôôl sêch song, u pal bnih Pang ja chôôl sêch song nei Pang kot ja lơh aan chring chraang.
Srlanh Brah Ưn ri knông Brah Jê-sus Krist
31Bei nei, bơl bơn a kươi mor ơơn teq u pal kaar au? Mơq Brah Ưn dơk a mat bơl bơn nei nha 'bơơn kmang n'hai bơl bơn? 32Pang ja 'bưn khwaich Koon nơơm, dôh đươm leq sêch bơl bơn baah ndơơp Koon nei aan, nei Pang leet 'bưn ươn jôm baak pôl n'hai Koon nei aan bơl bơn laang? 33'Bơơn a kươi pnđing bơl bnih kươt Brah Ưn sach sal tơt baah Brah Ưn laa Yaang chôôl sêch song pal bnih nei? 34'Bơơn a kươi laa bnih pơrkat bu tơt baah Yaang Krist Jê-sus laa Yaang ja chhưt u kot ja rêh kươi, Yaang plah gôq mak ma Brah Ưn u tak r'bon aan bơl bơn? 35'Bơơn a kươi kơrleet bơl bơn rlach baak srlanh Yaang Krist ri? Geh lah r'baak, kro rngiêl, nhôp kơt, nh'hit nh'hiêr, si rôôk si rơơi, ring, paich laa pêh taak 'bưn? 36Bei geh baak 'bian:
“Đươm u Brah baah bơl hei dol lưm rêêng nar;
Bơl koon dol mơq bei pi bưr liêu han lơh pai.”
37Mat baah kơơi, knông jôm baak nei bơl bơn chkhôm Yaang êch srlanh nơơm baah jn'ah. 38Đươm hei gưt jap laah paich baak chhưt, baak rêh, bơl lênh brah, bơl kan ttih, kaar nar au, kaar nar a kơơi, bơl dang kmheng, 39prêh, jru, paich di pai tơmbut ơơn kot 'bưn geh kơrleet bơl bơn rlach baak srlanh Brah Ưn ri knông Yaang Krist Jê-sus, Brah bơl bơn.
Právě zvoleno:
Rô-ma 8: SBL2024
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.
Rô-ma 8
8
Baak rêh mhei knông Brah Wêêng
1Nei bei au, pal 'bơơn gôq knông Yaang Krist Jê-sus a kươi 'bưn geh kaap dôih hôm; 2đươm ch'bap Brah Wêêng ri baak rêh knông Yaang Krist Jê-sus ja tak krôih hei#8:2 hei: Knông m'baak plơơp 'bian ti laa hei; m'baak plơơp 'bian ti nday lah: bơl bơn. rlach ch'bap dôih 'baap ri u baak chhưt. 3Đươm ntil ơơn ch'bap 'bưn geh lơh kươt đươm pêêk pai lơh aan lhok lhơơi nei Brah Ưn ja lơh hơơi: Pang ja maanh Koon Pang na aanh pơih pêêk pai bei pêêk pai dôih 'baap jah ta rưh dôih 'baap; Pang ja pơrkat dôih 'baap knông pêêk pai, 4jah baak sêch song pa ch'bap êch joi kươt lơh sơp knông bơl bơn, laa pal bnih 'bưn rêh tênh pêêk pai, dôh rêh tênh Brah Wêêng. 5Ngan nei, pal 'bơơn rêh tênh pêêk pai nei chmlam teq u pal kaar pơơn pêêk pai; nha pal 'bơơn rêh tênh Brah Wêêng nei chmlam teq u pal kaar pơơn Brah Wêêng. 6Chmlam teq u Pêêk pai sot lgơơch baak chhưt, nha chmlam teq u Brah Wêêng sot lgơơch baak rêh u sroong boong; 7đươm chưt gơrninh wih teq u pêêk pai nei kmang n'hai Brah Ưn, đươm bu 'bưn chôh tênh ch'bap Brah Ưn ri; a ngan, bu 'bưn geh lpat jah chôh. 8Bnih êch rêh tênh pêêk pai nei 'bưn geh klanh chưt Brah Ưn.
9Dôh mơq Brah Wêêng Brah Ưn ri a ngan gôq knông oh bi nei oh bi 'bưn rêh tênh pêêk pai, baah rêh tênh Brah Wêêng; nha 'bơơn 'bưn geh Brah Wêêng Yaang Krist ri nei bnih nei 'bưn pơơn teq u Pang. 10Bei nei, mơq Yaang Krist gôq knông oh bi nei paich chhak jan oh bi chhưt knông dôih 'baap, chưt nuih oh bi nha rêh chkhôm baak sêch song#8:10 chưt nuih oh bi... baak sêch song: Paich laa Brah Wêêng laa baak rêh aan oh bi, đươm baak sêch song.. 11Mơq Brah Wêêng ri Yaang ja lơh Brah Jê-sus rêh kươi a ktôk chhưt gôq knông oh bi, nei Yaang ja lơh Yaang Krist rêh kươi a ktôk chhưt a kươi kot chkhôm Brah Wêêng Pang plah gôq knông oh bi baah ươn baak rêh aan chhak jan kmlơt chhưt oh bi ri.#I Kô 3:16.
12Ơi oh bi, bơl bơn 'bưn knđi pêêk pai jah rêh tênh pêêk pai. 13Đươm mơq oh bi rêh tênh pêêk pai nei phrui chhưt; dôh mơq oh bi chkhôm Brah Wêêng lơh aan chhưt kaar pêêk pai ri nei oh bi a kươi rêh. 14Đươm leq sêch pal 'bơơn kươt Brah Wêêng Brah Ưn ri têêk liêu kot laa koon Brah Ưn ri. 15Ngan bei nei, oh bi ja 'bưn sook chưt kmlơt lơh dêch jah khang rêh knông baak n'hông n'hing, dôh ja sook chưt kmlơt lơh koon siêm#8:15 lơh koon siêm: Bnih kươt chơp lơh koon geh jôm preh r'bup bei koon lgơơch. , u chkhôm nei, bơl bơn khuôl laah: “A-ba!#8:15 A-ba: Knông baak A-ram geh rơih lah Bươp. Bươp!”#Mak 14:36; Ga 4:6.#Ga 4:5-7. 16Nơơm Brah Wêêng lơh ndraanh n'hai chưt nuih bơl bơn laa bơl bơn laah koon sau Brah Ưn. 17Mơq lah koon sau nei bơl bơn kot laa bnih dơơn, đah lah bnih dơơn Brah Ưn ri đah lah bnih a dơơn teq u Yaang Krist; mơq bơl bơn a ngan pôl ơt rngiêl n'hai Pang nei bơl bơn a kươi pôl kươt chring chraang n'hai Pang.
Baak kơndưng koon sau Brah Ưn ri
18Hei gênh laah pal ji rngiêl nar au 'bưn tpal jah pndang n'hai chring chraang nar a kươi a kươi kươt tơrsau aan bơl bơn. 19Đươm pai mrơt sang rmeh, a ngan cham kmbưng baak lôh tơt koon sau Brah Ưn ri. 20Pai mrơt ja dol ta pih baak khuich khwait, 'bưn geh rnđêch êêng, dôh đươm Yaang êch bu ta pih, n'hai kơndưng laah 21đươm pai mrơt au hơơi a kươi kot kươt dơrluh rlach chhak jan lơh dêch aan baak luôch lêêk, jah pôl dơơn baak snôk sroong knông chring chraang koon sau Brah Ưn ri. 22Đươm bơl bơn gưt laah leq sêch pai tơmbut kot chhong rmlơng u ji kôr aan tơt nar au; 23'bưn dơơn pai mrơt baah leq bơl bơn laa pal bnih geh Brah Wêêng laa play tơơm, kot chhong rmlơng knông chưt plah kơp ndưng kươt lơh koon siêm#8:23 kươt lơh koon siêm: Knông m'baak plơơp 'bian ti 'bưn geh pal sêr au. , laa baak đoh kwaai chhak jan bơl bơn.#II Kô 5:2-4. 24Knông baak kơndưng nei, bơl bơn kươt đoh. Dôh tơt ja sau kươt ntil nơơm kơndưng hôm 'bưn nh'ơơm laa kơndưng nha. Đươm 'bơơn leet kơndưng#8:24 kơndưng: Knông m'baak plơơp 'bian ti laa cham. teq u ntil nơơm ja sau? 25Dôh mơq teq kơndưng teq u ntil nơơm 'bưn sau nei bơl bơn khang pơrkhom kơp ndưng ntil nei. 26Kot bei nei, Brah Wêêng joq jraih baak lhok lhơơi bơl bơn ri, đươm bơl bơn 'bưn gưt phrui r'bon dan ntil ơơn aan dip, dôh nơơm Brah Wêêng nhôq pal baak choong rmlơng 'bưn mor sot dơng baak baah r'bon aan bơl bơn. 27Yaang mơq leq chưt bnih, gưt srlah gơrninh Brah Wêêng ri, đươm Brah Wêêng tênh rnđêch Brah Ưn baah ta r'bon aan bơl koon sơih.
28Bơl bơn gưt laah jôm baak ta sruôl pôl lơh thlay aan pal 'bơơn êch srlanh Brah Ưn#8:28 jôm baak ta sruôl pôl lơh thlay aan pal 'bơơn êch srlanh Brah Ưn: Knông m'baak plơơp 'bian ti laa aan bơl 'bơơn êch srlanh Brah Ưn, Pang ta sruôl jôm baak kươi klanh., nei laa aan pal bnih kươt khuôl tênh rnđêch Pang ri. 29Đươm pal bnih Pang ja gưt noor nei Pang kot waat ơơm aan bu but rkhơt bei ruup gui Koon Pang, jah Koon nei kươt lơh Koon bi 'boong kluung ơk oh bi. 30Nha bơl bnih Pang ja waat ơơm nei Pang kot ja khuôl chôôl, pal bnih Pang ja khuôl chôôl nei Pang kot ja chôôl sêch song, u pal bnih Pang ja chôôl sêch song nei Pang kot ja lơh aan chring chraang.
Srlanh Brah Ưn ri knông Brah Jê-sus Krist
31Bei nei, bơl bơn a kươi mor ơơn teq u pal kaar au? Mơq Brah Ưn dơk a mat bơl bơn nei nha 'bơơn kmang n'hai bơl bơn? 32Pang ja 'bưn khwaich Koon nơơm, dôh đươm leq sêch bơl bơn baah ndơơp Koon nei aan, nei Pang leet 'bưn ươn jôm baak pôl n'hai Koon nei aan bơl bơn laang? 33'Bơơn a kươi pnđing bơl bnih kươt Brah Ưn sach sal tơt baah Brah Ưn laa Yaang chôôl sêch song pal bnih nei? 34'Bơơn a kươi laa bnih pơrkat bu tơt baah Yaang Krist Jê-sus laa Yaang ja chhưt u kot ja rêh kươi, Yaang plah gôq mak ma Brah Ưn u tak r'bon aan bơl bơn? 35'Bơơn a kươi kơrleet bơl bơn rlach baak srlanh Yaang Krist ri? Geh lah r'baak, kro rngiêl, nhôp kơt, nh'hit nh'hiêr, si rôôk si rơơi, ring, paich laa pêh taak 'bưn? 36Bei geh baak 'bian:
“Đươm u Brah baah bơl hei dol lưm rêêng nar;
Bơl koon dol mơq bei pi bưr liêu han lơh pai.”
37Mat baah kơơi, knông jôm baak nei bơl bơn chkhôm Yaang êch srlanh nơơm baah jn'ah. 38Đươm hei gưt jap laah paich baak chhưt, baak rêh, bơl lênh brah, bơl kan ttih, kaar nar au, kaar nar a kơơi, bơl dang kmheng, 39prêh, jru, paich di pai tơmbut ơơn kot 'bưn geh kơrleet bơl bơn rlach baak srlanh Brah Ưn ri knông Yaang Krist Jê-sus, Brah bơl bơn.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.