Rô-ma 15
15
Ta Sruôl knông Brah
1Bơl bơn laa bnih kơndang phrui tung aanh pal chook trei bnih lhơơi ri, 'bưn geh dơơn gưt lơh klanh chưt nơơm bơn. 2Jôm bnih knông bơl bơn phrui lơh klanh chưt bnih a gêêng bơn jah jraih thlay u sun moon bu. 3Đươm Yaang Krist kot 'bưn lơh prơơi nuih nơơm bơn, bei geh baak 'bian: “Baak jam joot bơl bah lok laanh Pang ri ja khut lơ koon.” 4Pal ơơn ja kươt 'bian a khal hư kot chuôp kne bơl bơn, jah chkhôm baak pndol u trôih trôl Sm'bưt Brah ri baah bơl bơn geh baak kơndưng. 5R'bon dan Brah Ưn baak pndol ri u trôih trôl jraih oh bi rêh ta tưt n'hai tênh ryơơng Yaang Krist Jê-sus, 6jah oh bi nuih bei mlơm, di wiêm baah tư wơơl Brah Ưn, lah Bươp Brah bơl bơn ri laa Brah Jê-sus Krist.
7Bei nei, oh bi phrui chring chraang Brah Ưn ri baah ta chơp wơơt, kot bei Yaang Krist ja chơp wơơt oh bi. 8Hei dan mor, Yaang Krist ja đươm song klanh Brah Ưn ri baah but dêch pal bnih kươt kat pêêk ri, jah waat pal baak pơn ja ươn bơl yau yi, 9u lơh raih agaih tư wơơl Brah Ưn đươm baak gmaak Pang ri. Bei geh baak 'bian:
“Đươm nei, Koon a kươi chôh smbah chhak Brah lwah bơl raih
U tư wơơl saak Pang”
10u geh baak 'bian:
“Ơi raih agaih, phrui broh pôl n'hai raih Brah,”
11u laah:
“Ơi leq sêch raih agaih, phrui pơt wơơl Brah
U leq dơng raih phrui chôh smbah Pang!”
12Ê-sai kot mor:
“A Je-sê a kươi lôh di dria,
Lah Yaang kan bôôk raih agaih;
Raih agaih a kươi kơndưng ktôk Pang.”
13R'bon dan Brah Ưn laa tơrgut kơndưng lơh aan oh bi bêêng rlaai baak broh u sroong boong knông chưt jơrnơ, jah chkhôm dang kmheng Brah Wêêng ri, oh bi kươt a hơt a rơn kơndưng!
Baak ptut
(15:14–16:27)
Kaar Phao-lô ri
14Ơi oh bi, nơơm hei jơ jap laah oh bi ơơm khunh chưt srlanh bnih, bêêng baak gưt jhai, u geh lpat maanh buôi tơrnang nơơm. 15Đươm bei nei, knông khaak piyơ aan oh bi geh m'baak ktôk hei mor kơndang ir, nei êch laa jah pn'ak oh bi, đươm Brah Ưn ja ươn brêêng smlaang aan hei 16kươt lơh dêch Yaang Krist Jê-sus ri lwah bơl raih agaih, lơh kơrnan thwaai aan Baak Sroong Klanh Brah Ưn ri, jah raih agaih but griêng thwaai klanh chưt Brah, kươt lơh jrah đươm Brah Wêêng.
17Bei nei, knông Yaang Krist Jê-sus hei geh rơ kheet jah ha uôt teq u kaar brnơ jraih kaar Brah Ưn. 18Đươm hei 'bưn baanh mor ntil ơơn nday di gaaih ntil ơơn baah Yaang Krist ja lơh rlach hei jah lơh raih agaih chôh Pang. Dơng baak mor u kaar lơh, 19dơng dang kmheng chmlih chmleek ri, dơng kmheng Brah Wêêng [Brah Ưn ri],#15:19 [Brah Ưn ri]: Knông m'baak plơơp 'bian ti 'bưn geh pal sêr au. hei ja tơmbơh ngwi ngwaang Baak Sroong Klanh Yaang Krist ri jôm ktôk, a Jê-ru-sa-lem u kwaal dơơh aan tơt kwaal I-li-ri. 20Dôh kmbưng hei ri laa chhuôr Baak Sroong Klanh a pal ktôk baah saak Yaang Krist ndah kươt chhuôr tơt, jah 'bưn sun lơ pndơih bu nday ri, 21bei geh baak 'bian:
“Pal bnih ndah kươt chhuôr teq u Pang, a kươi sau Pang,
Pal bnih ndah iat teq u Pang, a kươi gưt jhai Pang.”
Phao-lô riap chah nhjook Rô-ma
22Nei laa rơ kheet ja ơk wưt pơrkhaang hei tơt nhjook oh bi.#Rô 1:13. 23Dôh bei au knông pal kwaal au 'bưn nh'ơơm ktôk aan hei hôm; huôih nha, ja ơk snam au, hei ndưng lôh nhjook oh bi đat. 24Hei kơndưng a kươi yeh nhjook oh bi tênh troong han Tay Ban Nha; u di kươi sau broh chưt đươm kươt gôq n'hai oh bi nar khay, hei a kươi chkhôm oh bi liêu hei rlach tôw. 25Dôh bei au, hei han Jê-ru-sa-lem jah jraih kaar bơl koon sơih;#I Kô 16:1-4. 26đươm bnih Ma-sê-đô-ni-a u A-chai broh chưt ta pơrgum jah jraih pal bnih pngot knông nak bơl koon sơih a Jê-ru-sa-lem. 27Bu broh chưt lơh kaar nei, dôh a ngan bu kot knđi bơl bnih nei nha; đươm mơq bnih agaih ja kươt ta toon griêng grau wêêng yaang, nei bu kot phrui liêu griêng grau griêng mlơ baah joq jraih kơơi.#I Kô 9:11. 28Đươm bei nei, di kươi lơh luôih kaar au, nei laa tơt ja tacheq pal griêng mlơ aan bu hôm, hei a kươi han troong, yeh nhjook oh bi ja nei han Tay Ban Nha. 29Hei gưt tơt yeh nhjook oh bi, hei a kươi lôh u brêêng smlaang ơk mbơl Yaang Krist ri.
30Ơi oh bi, đươm Brah bơl bơn laa Brah Jê-sus Krist u baak srlanh đươm Brah Wêêng, hei dan jjuh oh bi phrui pôl hei ta lơh knông baak r'bon dan baah oh bi đươm hei tơmbơh teq u Brah Ưn, 31jah hei kươt rôih rlach pal bah 'bưn jơ knông kwaal Ju-đê, u kaar hei ri khal tơt Jê-ru-sa-lem a kươi kươt bơl koon sơih sook. 32Bei nei, mơq klanh rnđêch Brah Ưn, hei awap broh s'bai lôh u oh bi u pôl kươt rlu rlơk u oh bi. 33R'bon dan Brah Ưn sroong boong gôq n'hai leq sêch oh bi! A-men.
Právě zvoleno:
Rô-ma 15: SBL2024
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.
Rô-ma 15
15
Ta Sruôl knông Brah
1Bơl bơn laa bnih kơndang phrui tung aanh pal chook trei bnih lhơơi ri, 'bưn geh dơơn gưt lơh klanh chưt nơơm bơn. 2Jôm bnih knông bơl bơn phrui lơh klanh chưt bnih a gêêng bơn jah jraih thlay u sun moon bu. 3Đươm Yaang Krist kot 'bưn lơh prơơi nuih nơơm bơn, bei geh baak 'bian: “Baak jam joot bơl bah lok laanh Pang ri ja khut lơ koon.” 4Pal ơơn ja kươt 'bian a khal hư kot chuôp kne bơl bơn, jah chkhôm baak pndol u trôih trôl Sm'bưt Brah ri baah bơl bơn geh baak kơndưng. 5R'bon dan Brah Ưn baak pndol ri u trôih trôl jraih oh bi rêh ta tưt n'hai tênh ryơơng Yaang Krist Jê-sus, 6jah oh bi nuih bei mlơm, di wiêm baah tư wơơl Brah Ưn, lah Bươp Brah bơl bơn ri laa Brah Jê-sus Krist.
7Bei nei, oh bi phrui chring chraang Brah Ưn ri baah ta chơp wơơt, kot bei Yaang Krist ja chơp wơơt oh bi. 8Hei dan mor, Yaang Krist ja đươm song klanh Brah Ưn ri baah but dêch pal bnih kươt kat pêêk ri, jah waat pal baak pơn ja ươn bơl yau yi, 9u lơh raih agaih tư wơơl Brah Ưn đươm baak gmaak Pang ri. Bei geh baak 'bian:
“Đươm nei, Koon a kươi chôh smbah chhak Brah lwah bơl raih
U tư wơơl saak Pang”
10u geh baak 'bian:
“Ơi raih agaih, phrui broh pôl n'hai raih Brah,”
11u laah:
“Ơi leq sêch raih agaih, phrui pơt wơơl Brah
U leq dơng raih phrui chôh smbah Pang!”
12Ê-sai kot mor:
“A Je-sê a kươi lôh di dria,
Lah Yaang kan bôôk raih agaih;
Raih agaih a kươi kơndưng ktôk Pang.”
13R'bon dan Brah Ưn laa tơrgut kơndưng lơh aan oh bi bêêng rlaai baak broh u sroong boong knông chưt jơrnơ, jah chkhôm dang kmheng Brah Wêêng ri, oh bi kươt a hơt a rơn kơndưng!
Baak ptut
(15:14–16:27)
Kaar Phao-lô ri
14Ơi oh bi, nơơm hei jơ jap laah oh bi ơơm khunh chưt srlanh bnih, bêêng baak gưt jhai, u geh lpat maanh buôi tơrnang nơơm. 15Đươm bei nei, knông khaak piyơ aan oh bi geh m'baak ktôk hei mor kơndang ir, nei êch laa jah pn'ak oh bi, đươm Brah Ưn ja ươn brêêng smlaang aan hei 16kươt lơh dêch Yaang Krist Jê-sus ri lwah bơl raih agaih, lơh kơrnan thwaai aan Baak Sroong Klanh Brah Ưn ri, jah raih agaih but griêng thwaai klanh chưt Brah, kươt lơh jrah đươm Brah Wêêng.
17Bei nei, knông Yaang Krist Jê-sus hei geh rơ kheet jah ha uôt teq u kaar brnơ jraih kaar Brah Ưn. 18Đươm hei 'bưn baanh mor ntil ơơn nday di gaaih ntil ơơn baah Yaang Krist ja lơh rlach hei jah lơh raih agaih chôh Pang. Dơng baak mor u kaar lơh, 19dơng dang kmheng chmlih chmleek ri, dơng kmheng Brah Wêêng [Brah Ưn ri],#15:19 [Brah Ưn ri]: Knông m'baak plơơp 'bian ti 'bưn geh pal sêr au. hei ja tơmbơh ngwi ngwaang Baak Sroong Klanh Yaang Krist ri jôm ktôk, a Jê-ru-sa-lem u kwaal dơơh aan tơt kwaal I-li-ri. 20Dôh kmbưng hei ri laa chhuôr Baak Sroong Klanh a pal ktôk baah saak Yaang Krist ndah kươt chhuôr tơt, jah 'bưn sun lơ pndơih bu nday ri, 21bei geh baak 'bian:
“Pal bnih ndah kươt chhuôr teq u Pang, a kươi sau Pang,
Pal bnih ndah iat teq u Pang, a kươi gưt jhai Pang.”
Phao-lô riap chah nhjook Rô-ma
22Nei laa rơ kheet ja ơk wưt pơrkhaang hei tơt nhjook oh bi.#Rô 1:13. 23Dôh bei au knông pal kwaal au 'bưn nh'ơơm ktôk aan hei hôm; huôih nha, ja ơk snam au, hei ndưng lôh nhjook oh bi đat. 24Hei kơndưng a kươi yeh nhjook oh bi tênh troong han Tay Ban Nha; u di kươi sau broh chưt đươm kươt gôq n'hai oh bi nar khay, hei a kươi chkhôm oh bi liêu hei rlach tôw. 25Dôh bei au, hei han Jê-ru-sa-lem jah jraih kaar bơl koon sơih;#I Kô 16:1-4. 26đươm bnih Ma-sê-đô-ni-a u A-chai broh chưt ta pơrgum jah jraih pal bnih pngot knông nak bơl koon sơih a Jê-ru-sa-lem. 27Bu broh chưt lơh kaar nei, dôh a ngan bu kot knđi bơl bnih nei nha; đươm mơq bnih agaih ja kươt ta toon griêng grau wêêng yaang, nei bu kot phrui liêu griêng grau griêng mlơ baah joq jraih kơơi.#I Kô 9:11. 28Đươm bei nei, di kươi lơh luôih kaar au, nei laa tơt ja tacheq pal griêng mlơ aan bu hôm, hei a kươi han troong, yeh nhjook oh bi ja nei han Tay Ban Nha. 29Hei gưt tơt yeh nhjook oh bi, hei a kươi lôh u brêêng smlaang ơk mbơl Yaang Krist ri.
30Ơi oh bi, đươm Brah bơl bơn laa Brah Jê-sus Krist u baak srlanh đươm Brah Wêêng, hei dan jjuh oh bi phrui pôl hei ta lơh knông baak r'bon dan baah oh bi đươm hei tơmbơh teq u Brah Ưn, 31jah hei kươt rôih rlach pal bah 'bưn jơ knông kwaal Ju-đê, u kaar hei ri khal tơt Jê-ru-sa-lem a kươi kươt bơl koon sơih sook. 32Bei nei, mơq klanh rnđêch Brah Ưn, hei awap broh s'bai lôh u oh bi u pôl kươt rlu rlơk u oh bi. 33R'bon dan Brah Ưn sroong boong gôq n'hai leq sêch oh bi! A-men.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.