Lu-ka 7
7
Brah Jê-sus tơmbah dêch kan bôôk raanh ri
(Ma-thi-ơ 8:5-13)
1Ja tơmbơh chhuôr jôm baak nei aan phung raih iat hơơi, Brah Jê-sus mưt u poh Ka-bê-na-um. 2Mbu kan bôôk raanh geh bnih dêch srlanh đat plah pơrtanh jjơk, dơơh chhưt. 3Tơt ttang mor teq u Brah Jê-sus, bu chkhôm pal raanh ttơơm Jo-thai dan Pang han tơmbah pơrtanh aan dêch nơơm. 4Bu lôh u Brah Jê-sus, dan jjuh laah: “Kan bôôk dip ngan aan Yau joq jraih 5đươm bu srlanh raih hei, u ja sun nhi pơrgum aan bơl bơn.” 6Bei nei, Brah Jê-sus han n'hai bu. Pang êch dơơh tơt nhi, kan bôôk raanh chkhôm bơl gnasaal nơơm lôh mor teq u Pang: “Brah ơi, 'bưn baanh bôôk Brah bei au laang, đươm hei 'bưn klanh dip jah wơơt Brah mưt u nhi. 7Hei kot gênh nơơm hei 'bưn klanh dip lôh n'hai Brah. Dơơn dan Ay lah di baak nei dêch hei a kươi kươt baaq. 8Đươm nơơm hei gôq a teh kmheng bnih nday, hei kot geh bơl lênh a teh kmheng hei. Hei maanh bnih au: ‘Han!’ nei bu han; maanh bnih nday: ‘Lôh!’ nei bu lôh; u maanh dêch hei ri: ‘Lơh kaar au!’ nei bu lơh.” 9Iat pal baak nei, Brah Jê-sus êêng aang teq u kan bôôk raanh, wih kươi laah phung raih han tênh Pang: “Hei lah bơl 'bei, knông raih I-sra-ên na, Hei kot 'bưn sau chưt jơrnơ 'bơơn bei au.” 10Bơl bnih kươt maanh han plơq siq nhi sau bnih dêch baaq pơrtanh hơơi.
Koon klau bnih dơur pndrau a poh Na-in
11Kơi nei 'bưn jook,#7:11 Kơi nei 'bưn jook: Knông m'baak plơơp 'bian ti laa Nar a ôi. Brah Jê-sus han tơt poh chôôl laa Na-in; geh ơk jơrnơ n'hai phung raih ơk han n'hai Pang. 12Tơt Pang han dơơh lpôông poh, bu nday mhei krôông krêêng sot di mbu bnih chhưt, laa koon klau mbu mei pndrau ri. Geh ơk bnih a poh nei han raan kmôôch n'hai mei. 13Brah sau u rklơh chưt gmaak mei mơ lah: “Khơơm nhim!” 14Pang han dơơh, buut teq u door, u bơl bnih krôông krêêng srung. Pang lah: “Ơi koon klau, Hei maanh 'bei kah kơơt.” 15Bnih chhưt kơndaal ta yoong u ptơơm mor. Brah Jê-sus ndơơp bu nei aan mei. 16Jôm bnih kot n'hông u pơt wơơl Brah Ưn laah: “Geh yaang grnưt noor ttih ja lôh sot klung bơl bơn, Brah Ưn ja chah nhjook raih Pang.” 17Baak au ha ngôôn jôm kwaal Ju-đê u pal kwaal a gêêng.
Ndroong ôp Jang Bap-tit ri
(Ma-thi-ơ 11:2-19)
18Bơl jơrnơ Jang ri chhuôr kươi aan bu leq sêch pal kaar nei. 19Bu khuôl baar du jơrnơ u maanh bu han mor teq n'hai Brah: “Yau geh laa Yaang phrui lôh, paich bơl hei nha phrui kơp yaang nday?” 20Bu lôh u Brah Jê-sus, ơh laah: “Jang Bap-tit maanh bơl hei han ôp Yau: ‘Yau geh laa Yaang phrui lôh, paich bơl hei nha phrui kơp yaang nday?’” 21Đươm bêl nei, Brah Jê-sus tơmbah ơk bnih pơrtanh, bnih khuynh, bnih dol chaak rup u tak lơh aan ơk bnih tiah kươt aang mat. 22Pang ơh teq u bu: “Phrui plơq siq chhuôr kươi aan Jang ơp ntil bơl 'bei ja sau u ttang: Bnih tiah kươt aang, bnih chook kươt han, bnih dưn kươt jrah, bnih têch kươt ttang, bnih chhưt kươt rêh kươi, bnih l'ơơi kươt iat Baak Sroong Klanh. 23Smlaang aan bnih êch 'bưn trơnih đươm u Hei!”
24Tơt bơl ndraanh Jang ri ja han hơơi, Brah Jê-sus ptơơm mor n'hai phung raih teq u Jang laah: “Bơl 'bei han mơq ơơn ktôk trenh sngat? Di tơơm taoruôi dol chaal khôm lônh pan? 25Bơl 'bei sot mơq ntil ơơn? Geh lah jah mơq bnih dook ao khunh khwaan pan? Tôw, bơl bnih dook ao khunh khwaan u khunh snôk nei gôq knông nhi snđach! 26Bei nei, bơl 'bei nha han mơq pi ơơn dơq? Di mbu grnưt noor pan? Dip, Hei lah n'hai bơl 'bei, nha huôih leq grnưt noor nha. 27Geh baak 'bian teq u bnih nei laah:
‘Au, Hei maanh ndraanh Hei han di mat Koon,
Bnih a kươi kwaih troong noor aan Koon.’
28Hei lah n'hai bơl 'bei, knông bơl bnih đươm kươt dơur đôh laa, 'bưn geh 'bơơn jah rluôt huôih Jang Bap-tit; dôh bnih dêq đat knông nggoor Brah Ưn nha prêh đing huôih bu nei.” 29Leq phung raih u bơl bnih nhôq prak ja dol bap-tem Jang ri iat Pang chhuôr kot mơq gưt Brah Ưn laa sêch song.#Mat 21:32; Lu 3:12. 30Dôh bnih Pha-ri-si u bơl yau rpach 'bưn dol Jang lơh bap-tem nei bu teq lơơi ndroong Brah Ưn ri ơn aan bu. 31“Bei nei, Hei a kươi pn'geh pndang bơl bnih klap au n'hai pi ơơn, u bơl bu bei 'bơơn? 32Bu bei koon drêên gôq agaih pơsaar, ơl ta khuôl u mor:
‘Bơl hei khôm tơrnêt dôh bơl gnasaal 'bưn njroh rơm,
Bơl hei tapơt baak rmlơng dôh bơl gnasaal 'bưn nhim ngliêng.’
33Đươm Jang Bap-tit ja lôh, 'bưn sa nom, 'bưn ôn bih nei bơl 'bei lah: ‘Bu nei dol chaak rup.’ 34Nha Koon Bnih lôh, sôông u ôn nei bơl 'bei leet lah: ‘Tôw, nei laa bnih sơ ôp sa sơ ôp ôn, gnasaal bnih nhôq prak ri u bơl geh dôih.’ 35Dôh baak jhai rpech kươt koh roong chkhôm play kao#7:35 S'bt: chkhôm koon sau. bu ri.”
Mei dơur dôih 'baap kươt ta krôih
36Di mbu bnih Pha-ri-si siêr Brah Jê-sus sôông sa n'hai nơơm bu. Pang mưt u nhi bnih Pha-ri-si nei gôq teq u bliêng. 37Geh mbu mei dơur dôih 'baap a poh nei ttang mor Pang plah gôq sa tu nhi bnih Pha-ri-si, mơ liêu tơt di kwah bluk dơơm bêêng pring chhơm. 38Mei ta yoong mak kươi, ktôk jơng Brah Jê-sus baah nhim, daak mat yuk suh leq jơng Pang; ja nei mei pơih chhok nơơm bu jah jhut, phêp jơng Pang, u hao lơơm pring chhơm.#Mat 26:7; Mak 14:3; Ja 12:3. 39Bnih Pha-ri-si ja siêr Pang dơơh, sau bei nei, gênh ruk: “Mơq bnih au a ngan laa grnưt noor, jap gưt mei dơur ja buut tơt chhak nơơm nei laa 'bơơn, pơơn snơ bnih êch, đươm mei lah ur dôih 'baap.” 40Brah Jê-sus lah n'hai bu: “Ơi Si-môn, Hei geh pal baak êch mor n'hai 'bei.” Bu ơh: “Dan Yau mor ơơi.” 41Pang lah: “Mbu nnơơm knđi geh baar du knđi: Mbu bnih knđi pram riêng đơ-ni-ê,#7:41 Mơq baak rơih gôq Mat 18:28. bnih tôw knđi pram jơt. 42Đươm baar du kot 'bưn geh ơơn jah kah, mơ nnơơm knđi krôih aan leq baar du. Bei nei, knông baar du nei, 'bơơn srlanh nnơơm knđi huôih?” 43Si-môn ơh: “Hei gênh laa bnih ja kươt nnơơm krôih knđi ơk huôih.” Brah Jê-sus lah: “'Bei waach dip mơt.” 44Pang wih kươi mak mei dơur u lah n'hai Si-môn: “'Bei sau mei dơur au 'bưn? Hei mưt nhi 'bei, 'bei 'bưn aan daak jah rao jơng; dôh ruh au ja pơih daak mat yuk suh jơng Hei, ja nei pơih chhok nơơm baah jhut. 45'Bei 'bưn phêp Hei, dôh a bơh Hei mưt u nhi 'bei, ruh au phêp jơng Hei yoot. 46'Bei 'bưn lơơm pring aan Hei, dôh ruh au pơih pring chhơm jah lơơm jơng Hei. 47Nei mơ, Hei maanh 'bei, dôih 'baap mei dơur au ơk đat, dôh ja kươt krôih leq, mơ ruh nei êch srlanh ơk; nha bnih kươt krôih ndêq nei êch srlanh ndêq.” 48Ja nei Pang lah teq u mei dơur: “Dôih 'baap 'bei ja kươt krôih.” 49Bơl bnih gôq pôl bliêng n'hai Pang mor tơrnang nơơm: “Bnih au laa 'bơơn baah geh kmheng krôih dôih?” 50Dôh Pang lah teq u mei dơur: “Chưt jơrnơ 'bei ri ja đoh 'bei; phrui han sroong boong.”
Právě zvoleno:
Lu-ka 7: SBL2024
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.
Lu-ka 7
7
Brah Jê-sus tơmbah dêch kan bôôk raanh ri
(Ma-thi-ơ 8:5-13)
1Ja tơmbơh chhuôr jôm baak nei aan phung raih iat hơơi, Brah Jê-sus mưt u poh Ka-bê-na-um. 2Mbu kan bôôk raanh geh bnih dêch srlanh đat plah pơrtanh jjơk, dơơh chhưt. 3Tơt ttang mor teq u Brah Jê-sus, bu chkhôm pal raanh ttơơm Jo-thai dan Pang han tơmbah pơrtanh aan dêch nơơm. 4Bu lôh u Brah Jê-sus, dan jjuh laah: “Kan bôôk dip ngan aan Yau joq jraih 5đươm bu srlanh raih hei, u ja sun nhi pơrgum aan bơl bơn.” 6Bei nei, Brah Jê-sus han n'hai bu. Pang êch dơơh tơt nhi, kan bôôk raanh chkhôm bơl gnasaal nơơm lôh mor teq u Pang: “Brah ơi, 'bưn baanh bôôk Brah bei au laang, đươm hei 'bưn klanh dip jah wơơt Brah mưt u nhi. 7Hei kot gênh nơơm hei 'bưn klanh dip lôh n'hai Brah. Dơơn dan Ay lah di baak nei dêch hei a kươi kươt baaq. 8Đươm nơơm hei gôq a teh kmheng bnih nday, hei kot geh bơl lênh a teh kmheng hei. Hei maanh bnih au: ‘Han!’ nei bu han; maanh bnih nday: ‘Lôh!’ nei bu lôh; u maanh dêch hei ri: ‘Lơh kaar au!’ nei bu lơh.” 9Iat pal baak nei, Brah Jê-sus êêng aang teq u kan bôôk raanh, wih kươi laah phung raih han tênh Pang: “Hei lah bơl 'bei, knông raih I-sra-ên na, Hei kot 'bưn sau chưt jơrnơ 'bơơn bei au.” 10Bơl bnih kươt maanh han plơq siq nhi sau bnih dêch baaq pơrtanh hơơi.
Koon klau bnih dơur pndrau a poh Na-in
11Kơi nei 'bưn jook,#7:11 Kơi nei 'bưn jook: Knông m'baak plơơp 'bian ti laa Nar a ôi. Brah Jê-sus han tơt poh chôôl laa Na-in; geh ơk jơrnơ n'hai phung raih ơk han n'hai Pang. 12Tơt Pang han dơơh lpôông poh, bu nday mhei krôông krêêng sot di mbu bnih chhưt, laa koon klau mbu mei pndrau ri. Geh ơk bnih a poh nei han raan kmôôch n'hai mei. 13Brah sau u rklơh chưt gmaak mei mơ lah: “Khơơm nhim!” 14Pang han dơơh, buut teq u door, u bơl bnih krôông krêêng srung. Pang lah: “Ơi koon klau, Hei maanh 'bei kah kơơt.” 15Bnih chhưt kơndaal ta yoong u ptơơm mor. Brah Jê-sus ndơơp bu nei aan mei. 16Jôm bnih kot n'hông u pơt wơơl Brah Ưn laah: “Geh yaang grnưt noor ttih ja lôh sot klung bơl bơn, Brah Ưn ja chah nhjook raih Pang.” 17Baak au ha ngôôn jôm kwaal Ju-đê u pal kwaal a gêêng.
Ndroong ôp Jang Bap-tit ri
(Ma-thi-ơ 11:2-19)
18Bơl jơrnơ Jang ri chhuôr kươi aan bu leq sêch pal kaar nei. 19Bu khuôl baar du jơrnơ u maanh bu han mor teq n'hai Brah: “Yau geh laa Yaang phrui lôh, paich bơl hei nha phrui kơp yaang nday?” 20Bu lôh u Brah Jê-sus, ơh laah: “Jang Bap-tit maanh bơl hei han ôp Yau: ‘Yau geh laa Yaang phrui lôh, paich bơl hei nha phrui kơp yaang nday?’” 21Đươm bêl nei, Brah Jê-sus tơmbah ơk bnih pơrtanh, bnih khuynh, bnih dol chaak rup u tak lơh aan ơk bnih tiah kươt aang mat. 22Pang ơh teq u bu: “Phrui plơq siq chhuôr kươi aan Jang ơp ntil bơl 'bei ja sau u ttang: Bnih tiah kươt aang, bnih chook kươt han, bnih dưn kươt jrah, bnih têch kươt ttang, bnih chhưt kươt rêh kươi, bnih l'ơơi kươt iat Baak Sroong Klanh. 23Smlaang aan bnih êch 'bưn trơnih đươm u Hei!”
24Tơt bơl ndraanh Jang ri ja han hơơi, Brah Jê-sus ptơơm mor n'hai phung raih teq u Jang laah: “Bơl 'bei han mơq ơơn ktôk trenh sngat? Di tơơm taoruôi dol chaal khôm lônh pan? 25Bơl 'bei sot mơq ntil ơơn? Geh lah jah mơq bnih dook ao khunh khwaan pan? Tôw, bơl bnih dook ao khunh khwaan u khunh snôk nei gôq knông nhi snđach! 26Bei nei, bơl 'bei nha han mơq pi ơơn dơq? Di mbu grnưt noor pan? Dip, Hei lah n'hai bơl 'bei, nha huôih leq grnưt noor nha. 27Geh baak 'bian teq u bnih nei laah:
‘Au, Hei maanh ndraanh Hei han di mat Koon,
Bnih a kươi kwaih troong noor aan Koon.’
28Hei lah n'hai bơl 'bei, knông bơl bnih đươm kươt dơur đôh laa, 'bưn geh 'bơơn jah rluôt huôih Jang Bap-tit; dôh bnih dêq đat knông nggoor Brah Ưn nha prêh đing huôih bu nei.” 29Leq phung raih u bơl bnih nhôq prak ja dol bap-tem Jang ri iat Pang chhuôr kot mơq gưt Brah Ưn laa sêch song.#Mat 21:32; Lu 3:12. 30Dôh bnih Pha-ri-si u bơl yau rpach 'bưn dol Jang lơh bap-tem nei bu teq lơơi ndroong Brah Ưn ri ơn aan bu. 31“Bei nei, Hei a kươi pn'geh pndang bơl bnih klap au n'hai pi ơơn, u bơl bu bei 'bơơn? 32Bu bei koon drêên gôq agaih pơsaar, ơl ta khuôl u mor:
‘Bơl hei khôm tơrnêt dôh bơl gnasaal 'bưn njroh rơm,
Bơl hei tapơt baak rmlơng dôh bơl gnasaal 'bưn nhim ngliêng.’
33Đươm Jang Bap-tit ja lôh, 'bưn sa nom, 'bưn ôn bih nei bơl 'bei lah: ‘Bu nei dol chaak rup.’ 34Nha Koon Bnih lôh, sôông u ôn nei bơl 'bei leet lah: ‘Tôw, nei laa bnih sơ ôp sa sơ ôp ôn, gnasaal bnih nhôq prak ri u bơl geh dôih.’ 35Dôh baak jhai rpech kươt koh roong chkhôm play kao#7:35 S'bt: chkhôm koon sau. bu ri.”
Mei dơur dôih 'baap kươt ta krôih
36Di mbu bnih Pha-ri-si siêr Brah Jê-sus sôông sa n'hai nơơm bu. Pang mưt u nhi bnih Pha-ri-si nei gôq teq u bliêng. 37Geh mbu mei dơur dôih 'baap a poh nei ttang mor Pang plah gôq sa tu nhi bnih Pha-ri-si, mơ liêu tơt di kwah bluk dơơm bêêng pring chhơm. 38Mei ta yoong mak kươi, ktôk jơng Brah Jê-sus baah nhim, daak mat yuk suh leq jơng Pang; ja nei mei pơih chhok nơơm bu jah jhut, phêp jơng Pang, u hao lơơm pring chhơm.#Mat 26:7; Mak 14:3; Ja 12:3. 39Bnih Pha-ri-si ja siêr Pang dơơh, sau bei nei, gênh ruk: “Mơq bnih au a ngan laa grnưt noor, jap gưt mei dơur ja buut tơt chhak nơơm nei laa 'bơơn, pơơn snơ bnih êch, đươm mei lah ur dôih 'baap.” 40Brah Jê-sus lah n'hai bu: “Ơi Si-môn, Hei geh pal baak êch mor n'hai 'bei.” Bu ơh: “Dan Yau mor ơơi.” 41Pang lah: “Mbu nnơơm knđi geh baar du knđi: Mbu bnih knđi pram riêng đơ-ni-ê,#7:41 Mơq baak rơih gôq Mat 18:28. bnih tôw knđi pram jơt. 42Đươm baar du kot 'bưn geh ơơn jah kah, mơ nnơơm knđi krôih aan leq baar du. Bei nei, knông baar du nei, 'bơơn srlanh nnơơm knđi huôih?” 43Si-môn ơh: “Hei gênh laa bnih ja kươt nnơơm krôih knđi ơk huôih.” Brah Jê-sus lah: “'Bei waach dip mơt.” 44Pang wih kươi mak mei dơur u lah n'hai Si-môn: “'Bei sau mei dơur au 'bưn? Hei mưt nhi 'bei, 'bei 'bưn aan daak jah rao jơng; dôh ruh au ja pơih daak mat yuk suh jơng Hei, ja nei pơih chhok nơơm baah jhut. 45'Bei 'bưn phêp Hei, dôh a bơh Hei mưt u nhi 'bei, ruh au phêp jơng Hei yoot. 46'Bei 'bưn lơơm pring aan Hei, dôh ruh au pơih pring chhơm jah lơơm jơng Hei. 47Nei mơ, Hei maanh 'bei, dôih 'baap mei dơur au ơk đat, dôh ja kươt krôih leq, mơ ruh nei êch srlanh ơk; nha bnih kươt krôih ndêq nei êch srlanh ndêq.” 48Ja nei Pang lah teq u mei dơur: “Dôih 'baap 'bei ja kươt krôih.” 49Bơl bnih gôq pôl bliêng n'hai Pang mor tơrnang nơơm: “Bnih au laa 'bơơn baah geh kmheng krôih dôih?” 50Dôh Pang lah teq u mei dơur: “Chưt jơrnơ 'bei ri ja đoh 'bei; phrui han sroong boong.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.