Lu-ka 4
4
Chaak ap lêch lung
(Ma-thi-ơ 4:1-11; Mak 1:12,13)
1Brah Jê-sus bêêng bơm Brah Wêêng; Pang a daak glung Jô-đanh plơq siq u kươt Brah Wêêng liêu han teq u knông trenh sngat. 2Tu nei, Pang dol chaak ap lêch lung puôn jơt nar. Knông pal nar nei, Pang 'bưn sa ơơn; tơt nar khay tech nang nei Pang nh'hit. 3Chaak ap mor n'hai Pang: “Mơq 'bei laa Koon Brah Ưn, nei 'bei phrui tak lơh tmau au but nom ơơi!” 4Brah Jê-sus ơh: “Geh baak 'bian: ‘Bu nday rêh 'bưn geh dơơn chkhôm nom laang.’” 5Chaak ap liêu Pang hao, chong aan Pang leq sêch pal nggoor a swich teh knông di rbôông, 6u mor: “Hei a kươi aan 'bei leq sêch ch'bap kmheng u chring chraang bơl bu ri, đươm bu ja kươt ndơơp aan hei u hei êch aan 'bơơn nei aan. 7Bei nei, mơq 'bei smbah hei, nei leq sêch a kươi pơơn teq u 'bei.” 8Brah Jê-sus ơh “Geh baak 'bian:
‘Bei phrui tư wơơl Brah laa Brah Ưn 'bei,
U dơơn chôh di mbu Pang ei!’”
9Chaak ap kot liêu Pang tơt poh Jê-ru-sa-lem, dơih Pang lơ kưmbung nhi r'bưn u mor: “Mơq 'bei laa Koon Brah Ưn, phrui jroh chhak nơơm u su ơơi; 10đươm geh baak 'bian:
‘Brah a kươi tơmbơh aan bơl lênh brah kray nhjrang 'bei,
11Bơl yaang nei a kươi kơldơk 'bei lơ ti, ach jơng 'bei a chêh tmau pan!’”
12Brah Jê-sus ơh: “Geh baak lah: ‘'Bei khơơm tuul Brah, laa Brah Ưn 'bei.’” 13Di kươi nhôq leq troong lêch lung Pang 'bưn kươt, chaak ap lơơi du, kơp phrui nday.
Kênh kaar Brah Jê-sus ri tu kwaal Ga-li-lê
(4:14 – 9:50)
Brah chhuôr kne tu Na-sa-ret
(Ma-thi-ơ 13:53-58; Mak 6:1-6)
14Brah Jê-sus plơq siq kwaal Ga-li-lê knông dang kmheng Brah Wêêng, u saak baak Pang gưt lư jôm pal kwaal a gêêng. 15Pang kne knông pal nhi pơrgum, jôm bnih kot pơt wơơl Pang. 16Brah Jê-sus lôh poh Na-sa-ret, laa ktôk siêm chiêm Pang. Tênh rnđơơih, lap nar sa-'bat, Pang han nhi pơrgum, ta yoong jah chôôl. 17Geh bnih ndơơp aan Pang lnôn sm'bưt grnưt noor Ê-sai, Pang tak pơơk, wơng sau ktôk geh 'bian:
18“Brah Wêêng Brah ri gôq lơ Hei,
Đươm Pang ja lơơm pring aan Hei jah tơmbơh chhuôr Baak Sroong Klanh aan bnih l'ơơi.
19Pang ja maanh Hei jah tơmbơh bơl bnih dol groon kươt krôih,
Bnih tiah klông kươt aang mat,
Bnih dol pnđơơt kươt snôk sroong;
U tơmbơh snam aan smlaang Brah ri.”
20Pang lôôn sm'bưt, plơq aan bnih jraih lơh ryơơng, ja nei gôq u teh. Jôm bnih knông nhi pơrgum chmlam mơq Pang. 21Pang ptơơm mor n'hai bu: “Nar au baak Sm'bưt Brah bơl 'bei ja iat kươt dip plak.” 22Jôm bnih kot lơh ndraanh klanh teq u Pang, u êêng aang di mat pal baak bêêng preh smlaang lôh a wiêm Pang. Bu ôp: “Bnih au 'bưn dip laa koon Jô-sep laang?” 23Pang lah: “Ngan bơl 'bei êch mor n'hai Hei baak krop krênh au: ‘Ơi yau kơrya, phrui tơmbah êêng chhak nơơm! Jôm ntil bơl hei ttang ay ja lơh tu poh Ka-bê-na-um, phrui lơh tu au, ktôk lgơơch ay.’” 24Pang kươi lah: “A ngan, Hei lah bơl 'bei, 'bưn di mbu grnưt noor êch kươt sook tu ktôk lgơơch nơơm.#Ja 4:44. 25A ngan, Hei lah bơl 'bei, knông klap Ê-li, khal trôôk dol tang jap knông pei snam prau khay, leq di kwaal dol jơl pngot nh'hit ttih, u knông raih I-sra-ên kot geh ơk mei pndrau. 26Đươm bei nei, Ê-li 'bưn kươt maanh lôh u di mbu 'bơơn knông nak bu, dơơn di mbu mei pndrau gôq Sa-rep-ta, kwaal Si-đôn. 27Knông klap grnưt noor Ê-li-sê, a I-sra-ên kot geh ơk bnih pơrtanh dưn; dôh 'bưn di mbu 'bơơn knông bu kươt jrah, dơơn di mbu Na-a-man, bnih Si-ri.” 28Jôm bnih knông nhi pơrgum ttang pal baak nei, nei hao nuih. 29Bu ta yoong têêk Pang sot agaih poh, liêu Pang hao lơ bnơm, ktôk bu nday sun poh, jah jang Pang u teh. 30Dôh Pang het rlach bu u han ktôk nday.
Brah prơh chaak
(Mak 1:21-28)
31Pang jưr poh Ka-bê-na-um, klung kwaal Ga-li-lê, u chhuôr kne knông nar sa-'bat. 32Jôm bnih kot êêng aang teq u baak kne Pang ri đươm baak Pang sơp bêêng kmheng.#Mat 7:28-29. 33Knông nhi pơrgum geh di mbu bnih dol chaak rup n'hai wêêng 'bưn jrah, bu troh mơh: “Jê-sus bnih Na-sa-ret! 34Bơl hei n'hai Ay geh ta dơơh ơơn? Ay lôh jah lưm luôch bơl hei neh? Hei gưt Ay laa 'bơơn, lah Yaang Jrah Brah Ưn ri!” 35Dôh Brah Jê-sus gmhaar preet bu: “Rngơt ơơi, u phrui sot rlach bnih au!” Chaak kơndaal mrah a kơq bnih nei klung phung ơk, hơơi lơơi rlach baah 'bưn lơh ơơn khuich sak tơt bu nei. 36Jôm bnih kot n'hông, mor tơrnang nơơm: “Baak preh ơơn bei nei? Bu nei pơih kmheng n'hai kmlang baah maanh aan bơl wêêng 'bưn jrah u bơl bu phrui sot rlach.” 37Saak baak Pang gưt lư jôm pal kwaal rlum.
Brah tơmbah mei pôw Phi-e-rơ ri
(Ma-thi-ơ 8:14-17; Mak 1:29-34)
38Brah Jê-sus lơơi nhi pơrgum, mưt nhi Si-môn. Mei pôw Si-môn plah pơrtanh jjơk; bu nday dan Pang tơmbah pơrtanh aan mei nei. 39Pang lôh kêt chhak teq u mak mei ur, sngaanh pơrtanh u pơrtanh lơơi rlach mei ur. Kơndaal mei ur kah kơơt u jraih kaar jôm bnih.
Brah lơh pal chmlih chmleek u tơmbơh chhuôr Baak Sroong Klanh
(Mak 1:35-39)
40Tơt mat nar nhơp, bu nday liêu bơl bnih geh ơk ntil pơrtanh lôh u Pang. Pang dơih koon ti lơ di mbu muôi u tơmbah aan bu. 41Bơl chaak kot sot rlach ơk bnih u troh tih: “Pang laa Koon Brah Ưn!” Dôh Pang têh gmhaar u 'bưn aan ch'bap bơl bu mor, đươm bơl bu gưt Pang laa Yaang Krist. 42Mhei brung aang, Pang han mưt u ktôk sngat. Phung raih han wơng Pang; tơt a mơp hơơi, bu khom 'bưn aan Pang du, 'bưn aan lơơi rlach bu. 43Dôh Pang lah n'hai bu: “Hei kot phrui tơmbơh Baak Sroong Klanh nggoor Brah Ưn ri aan pal poh nday nha, đươm Hei kươt maanh lôh u ndroong nei.” 44Bei nei, Pang tơmbơh chhuôr knông pal nhi pơrgum kwaal Ju-đê.
Právě zvoleno:
Lu-ka 4: SBL2024
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.
Lu-ka 4
4
Chaak ap lêch lung
(Ma-thi-ơ 4:1-11; Mak 1:12,13)
1Brah Jê-sus bêêng bơm Brah Wêêng; Pang a daak glung Jô-đanh plơq siq u kươt Brah Wêêng liêu han teq u knông trenh sngat. 2Tu nei, Pang dol chaak ap lêch lung puôn jơt nar. Knông pal nar nei, Pang 'bưn sa ơơn; tơt nar khay tech nang nei Pang nh'hit. 3Chaak ap mor n'hai Pang: “Mơq 'bei laa Koon Brah Ưn, nei 'bei phrui tak lơh tmau au but nom ơơi!” 4Brah Jê-sus ơh: “Geh baak 'bian: ‘Bu nday rêh 'bưn geh dơơn chkhôm nom laang.’” 5Chaak ap liêu Pang hao, chong aan Pang leq sêch pal nggoor a swich teh knông di rbôông, 6u mor: “Hei a kươi aan 'bei leq sêch ch'bap kmheng u chring chraang bơl bu ri, đươm bu ja kươt ndơơp aan hei u hei êch aan 'bơơn nei aan. 7Bei nei, mơq 'bei smbah hei, nei leq sêch a kươi pơơn teq u 'bei.” 8Brah Jê-sus ơh “Geh baak 'bian:
‘Bei phrui tư wơơl Brah laa Brah Ưn 'bei,
U dơơn chôh di mbu Pang ei!’”
9Chaak ap kot liêu Pang tơt poh Jê-ru-sa-lem, dơih Pang lơ kưmbung nhi r'bưn u mor: “Mơq 'bei laa Koon Brah Ưn, phrui jroh chhak nơơm u su ơơi; 10đươm geh baak 'bian:
‘Brah a kươi tơmbơh aan bơl lênh brah kray nhjrang 'bei,
11Bơl yaang nei a kươi kơldơk 'bei lơ ti, ach jơng 'bei a chêh tmau pan!’”
12Brah Jê-sus ơh: “Geh baak lah: ‘'Bei khơơm tuul Brah, laa Brah Ưn 'bei.’” 13Di kươi nhôq leq troong lêch lung Pang 'bưn kươt, chaak ap lơơi du, kơp phrui nday.
Kênh kaar Brah Jê-sus ri tu kwaal Ga-li-lê
(4:14 – 9:50)
Brah chhuôr kne tu Na-sa-ret
(Ma-thi-ơ 13:53-58; Mak 6:1-6)
14Brah Jê-sus plơq siq kwaal Ga-li-lê knông dang kmheng Brah Wêêng, u saak baak Pang gưt lư jôm pal kwaal a gêêng. 15Pang kne knông pal nhi pơrgum, jôm bnih kot pơt wơơl Pang. 16Brah Jê-sus lôh poh Na-sa-ret, laa ktôk siêm chiêm Pang. Tênh rnđơơih, lap nar sa-'bat, Pang han nhi pơrgum, ta yoong jah chôôl. 17Geh bnih ndơơp aan Pang lnôn sm'bưt grnưt noor Ê-sai, Pang tak pơơk, wơng sau ktôk geh 'bian:
18“Brah Wêêng Brah ri gôq lơ Hei,
Đươm Pang ja lơơm pring aan Hei jah tơmbơh chhuôr Baak Sroong Klanh aan bnih l'ơơi.
19Pang ja maanh Hei jah tơmbơh bơl bnih dol groon kươt krôih,
Bnih tiah klông kươt aang mat,
Bnih dol pnđơơt kươt snôk sroong;
U tơmbơh snam aan smlaang Brah ri.”
20Pang lôôn sm'bưt, plơq aan bnih jraih lơh ryơơng, ja nei gôq u teh. Jôm bnih knông nhi pơrgum chmlam mơq Pang. 21Pang ptơơm mor n'hai bu: “Nar au baak Sm'bưt Brah bơl 'bei ja iat kươt dip plak.” 22Jôm bnih kot lơh ndraanh klanh teq u Pang, u êêng aang di mat pal baak bêêng preh smlaang lôh a wiêm Pang. Bu ôp: “Bnih au 'bưn dip laa koon Jô-sep laang?” 23Pang lah: “Ngan bơl 'bei êch mor n'hai Hei baak krop krênh au: ‘Ơi yau kơrya, phrui tơmbah êêng chhak nơơm! Jôm ntil bơl hei ttang ay ja lơh tu poh Ka-bê-na-um, phrui lơh tu au, ktôk lgơơch ay.’” 24Pang kươi lah: “A ngan, Hei lah bơl 'bei, 'bưn di mbu grnưt noor êch kươt sook tu ktôk lgơơch nơơm.#Ja 4:44. 25A ngan, Hei lah bơl 'bei, knông klap Ê-li, khal trôôk dol tang jap knông pei snam prau khay, leq di kwaal dol jơl pngot nh'hit ttih, u knông raih I-sra-ên kot geh ơk mei pndrau. 26Đươm bei nei, Ê-li 'bưn kươt maanh lôh u di mbu 'bơơn knông nak bu, dơơn di mbu mei pndrau gôq Sa-rep-ta, kwaal Si-đôn. 27Knông klap grnưt noor Ê-li-sê, a I-sra-ên kot geh ơk bnih pơrtanh dưn; dôh 'bưn di mbu 'bơơn knông bu kươt jrah, dơơn di mbu Na-a-man, bnih Si-ri.” 28Jôm bnih knông nhi pơrgum ttang pal baak nei, nei hao nuih. 29Bu ta yoong têêk Pang sot agaih poh, liêu Pang hao lơ bnơm, ktôk bu nday sun poh, jah jang Pang u teh. 30Dôh Pang het rlach bu u han ktôk nday.
Brah prơh chaak
(Mak 1:21-28)
31Pang jưr poh Ka-bê-na-um, klung kwaal Ga-li-lê, u chhuôr kne knông nar sa-'bat. 32Jôm bnih kot êêng aang teq u baak kne Pang ri đươm baak Pang sơp bêêng kmheng.#Mat 7:28-29. 33Knông nhi pơrgum geh di mbu bnih dol chaak rup n'hai wêêng 'bưn jrah, bu troh mơh: “Jê-sus bnih Na-sa-ret! 34Bơl hei n'hai Ay geh ta dơơh ơơn? Ay lôh jah lưm luôch bơl hei neh? Hei gưt Ay laa 'bơơn, lah Yaang Jrah Brah Ưn ri!” 35Dôh Brah Jê-sus gmhaar preet bu: “Rngơt ơơi, u phrui sot rlach bnih au!” Chaak kơndaal mrah a kơq bnih nei klung phung ơk, hơơi lơơi rlach baah 'bưn lơh ơơn khuich sak tơt bu nei. 36Jôm bnih kot n'hông, mor tơrnang nơơm: “Baak preh ơơn bei nei? Bu nei pơih kmheng n'hai kmlang baah maanh aan bơl wêêng 'bưn jrah u bơl bu phrui sot rlach.” 37Saak baak Pang gưt lư jôm pal kwaal rlum.
Brah tơmbah mei pôw Phi-e-rơ ri
(Ma-thi-ơ 8:14-17; Mak 1:29-34)
38Brah Jê-sus lơơi nhi pơrgum, mưt nhi Si-môn. Mei pôw Si-môn plah pơrtanh jjơk; bu nday dan Pang tơmbah pơrtanh aan mei nei. 39Pang lôh kêt chhak teq u mak mei ur, sngaanh pơrtanh u pơrtanh lơơi rlach mei ur. Kơndaal mei ur kah kơơt u jraih kaar jôm bnih.
Brah lơh pal chmlih chmleek u tơmbơh chhuôr Baak Sroong Klanh
(Mak 1:35-39)
40Tơt mat nar nhơp, bu nday liêu bơl bnih geh ơk ntil pơrtanh lôh u Pang. Pang dơih koon ti lơ di mbu muôi u tơmbah aan bu. 41Bơl chaak kot sot rlach ơk bnih u troh tih: “Pang laa Koon Brah Ưn!” Dôh Pang têh gmhaar u 'bưn aan ch'bap bơl bu mor, đươm bơl bu gưt Pang laa Yaang Krist. 42Mhei brung aang, Pang han mưt u ktôk sngat. Phung raih han wơng Pang; tơt a mơp hơơi, bu khom 'bưn aan Pang du, 'bưn aan lơơi rlach bu. 43Dôh Pang lah n'hai bu: “Hei kot phrui tơmbơh Baak Sroong Klanh nggoor Brah Ưn ri aan pal poh nday nha, đươm Hei kươt maanh lôh u ndroong nei.” 44Bei nei, Pang tơmbơh chhuôr knông pal nhi pơrgum kwaal Ju-đê.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.