Lu-ka 10
10
Brah maanh poh jơt bnih jơrnơ han
1Kơi nei, Brah chong chôôl poh jơt jơrnơ nday#10:1 Knông m'baak plơơp 'bian ti laa poh jơt baar. u maanh phaa ndrôp muôi han noor Pang lap leq sêch pal poh u pal ktôk baah nơơm Pang a kươi han. 2Pang lah n'hai bu: “Khal kach nei lluh ngan, dôh bnih kach nei ndêq. Bei nei, phrui r'bon dan Brah khal kach maanh ơk bnih kach mưt u khal kach Pang ri.#Mat 9:37-38. 3Phrui han! Au, Hei maanh bơl 'bei han bei koon bưr han klung phung sôw bri.#Mat 10:16. 4Khơơm liêu thong prak, thong loom, sroom, u khơơm chah 'bơơn rgoq troong.#Mat 10:7-14; Mak 6:8-11; Lu 9:3-5. 5Mơq bơl 'bei mưt nhi êch, noor leq phrui mor: ‘Dan baak sroong boong gôq n'hai nhi au!’ 6Mơq nhi nei geh bnih dip jah a dơơn sroong boong nei baak sroong boong bơl 'bei ri a kươi kươt gôq knông bnih nei; mơq 'bưn, baak sroong boong nei a kươi plơq siq n'hai bơl 'bei. 7Phrui gôq lơơi nhi nei, sôông sa n'hai bu, đươm bnih bơ kaar dip prak lơh kaar nơơm. Khơơm teq nhi au han nhi nday.#I Kô 9:14; I Ti 5:18. 8Tơt bơl 'bei mưt u poh êch bu nday wơơt bơl 'bei, phrui sa griêng bu ja riêp aan bơl 'bei. 9Phrui tơmbah bnih tanh a nei u mor n'hai bu laah: ‘Nggoor Brah Ưn êch dơơh lôh bơl 'bei hơơi.’ 10Dôh tơt bơl 'bei mưt u poh baah bu 'bưn wơơt bơl 'bei, phrui han sot a gaaih troong u mor: 11‘Leq dơng pưn druih steh poh bơl 'bei ri ta pih a jơng, bơl hei kot tơrpôih jrah jah wal n'hai bơl 'bei; đươm bei nei, phrui gưt ntil au: Nggoor Brah Ưn êch dơơh lôh bơl 'bei hơơi.’#Kênh 13:51. 12Hei maanh bơl 'bei, tơt nar pơrkat, poh Sô-đôm a kươi dol phaat hôông huôih poh nei.#Mat 10:15; 11:24.
13Sđaai aan 'bei, poh Kô-ra-sin! Sđaai aan 'bei, poh Bêt-sai-đa! Đươm mơq pal chmlih chmleek ja lơh tênh klung bơl 'bei kươt lơh tênh tu poh Ti-rơ u poh Si-đôn, nei bu ja dook ao look, druôl bôh u teq lơi dôih a jook hơơi. 14Bei nei, tơt nar pơrkat, poh Ti-rơ u poh Si-đôn a kươi dol phaat hôông huôih bơl 'bei. 15Nha 'bei,
Poh Ka-bê-na-um, 'bei a kươi kươt lơơk prêh tơt trôôk?
'Bưn, 'bei a kươi dol krich tơt phaan!#10:15 phaan: Knông baak Hi-lap lah Hades, chong teq u ktôk bnih chhưt ri.
16'Bơơn iat bơl 'bei, nei laa iat Hei; 'bơơn teq lơơi bơl 'bei, nei laa teq lơơi Hei. 'Bơơn teq lơơi Hei, nei laa teq lơơi Yaang ja maanh Hei.”#Mat 10:40; Mak 9:37; Lu 9:48; Ja 13:20.
Bơl jơrnơ plơq siq
(Ma-thi-ơ 11:25-27; 13:16,17)
17Poh jơt baar#10:17 Poh jơt baar: Knông m'baak plơơp 'bian ti laa Poh jơt. jơrnơ broh s'bai plơq siq mor laah: “Brah ơi, knông saak Brah, bơl chaak phrui dol chôh ring bơl hei.” 18Brah Jê-sus lah n'hai bu: “Hei ja sau Sa-tan jưr a trôôk ti đau bei kao liêk. 19Au, Hei ja ươn bơl 'bei ch'bap kmheng jah jaq tơl pi bêh, sdui u jôm kmheng bơl ch'ươk a mat teh paang jơng. 'Bưn ntil ơơn lơh khuich bơl 'bei kươt. 20Đươm bei nei, khơơm broh đươm bơl chaak chôh bơl 'bei, baah phrui broh đươm chhak bơl 'bei ja kươt 'bian lơ trôôk.”
Baak Sroong Klanh kươt tơrsau aan bnih lơ mư 'bei koon drêên
(Ma-thi-ơ 11:25-27; 13:16-17)
21Laap bêl nei, Brah Jê-sus broh s'bai knông Brah Wêêng u mor lah: “Ơi Bươp laa Brah trôôk n'hai teh ri! Koon pơt wơơl Bươp đươm Bươp ja pôn pal ntil au n'hai bnih jhai blau n'hai bnih jhai rpech prêh baah tơrsau aan drêên ksei! Ngan bei nei, ơi Bươp, đươm ntil au klanh rnđêch Bươp. 22Bươp ja ndơơp jôm ntil aan Koon. Agaih Bươp, 'bưn 'bơơn gưt Koon; agaih Koon u bnih êch Koon êch tơrsau nei kot 'bưn 'bơơn gưt Bươp.”#Ja 3:35; 10:15. 23Ja nei Pang wih kươi mak bơl jơrnơ baah lah êêng: “Smlaang aan pi mat kươt sau ntil bơl 'bei sau! 24Đươm Hei lah bơl 'bei, geh ơk grnưt noor u snđach brah kmbưng sau ntil bơl 'bei sau baah 'bưn kươt sau, kmbưng iat ntil bơl 'bei iat dôh 'bưn iat kươt.”
Pn'geh ruk teq u bnih Sa-ma-ri l'ut l'ok
25Khal nei, geh di mbu yau rpach ta yoong ôp jah tuul Brah Jê-sus laah: “Ơi Yau, hei phrui lơh ơơn jah kươt a dơơn baak rêh yoot yôw?”#Mat 22:35-40; Mak 12:28-34. 26Pang ơh: “Knông ch'bap geh 'bian ntil ơơn? 'Bei chôôl u gưt bei êch?” 27Bnih nei ơh: “'Bei phrui leq chưt, leq wêêng yaang, leq kmlang, leq chưt gơrninh baah chuh srlanh Brah laa Brah Ưn 'bei; u srlanh bnih a gêêng bei nơơm bơn na.” 28Brah Jê-sus lah: “'Bei ơh dip mơt. Phrui lơh ntil nei 'bei a kươi kươt rêh.”
29Dôh bu nei êch tơrsau nơơm laa sêch song mơ ơh n'hai Brah Jê-sus: “'Bơơn laa bnih a gêêng hei?” 30Brah Jê-sus ơh: “Geh di mbu a poh Jê-ru-sa-lem jưr poh Jê-ri-kô a glơm teq u ti bơl ttung. Bơl bu doh leq khôw ao u pơm sơmboong ja nei lơơi du, teq êêng bnih nei chhưt l'bai rêh l'bai. 31Bei au, geh di mbu yau thwaai a chuôp han troong jưr troong nei, sau bnih alơh nei han het rlach mak tôw troong. 32Rkhat bei nei, geh di mbu Lê-wi han tơt ktôk nei, sau hơơi kot het rlach mak tôw troong baah han. 33Dôh geh mbu bnih Sa-ma-ri han troong, han dơơh sau bnih alơh nei rklơh chưt gmaak 34nei yeh drơh, pơih pring u bih lơơm teq u ktôk lap, puut kươi, ja nei kơldơk bnih alơh hao pai griêng nơơm ri u liêu ktôk drơm jah som ei. 35Nar a ôi, bu pơih baar đơ-ni-ê ndơơp aan nnơơm nhi drơm u mor: ‘Phrui som ei bnih au, mơq wait huôih dơq, tơt plơq siq hei a kươi rmal lơơi.’ 36Tênh 'bei gênh, knông pei du nei, 'bơơn laa bnih a gêêng teq u bơl dol ttung?” 37Yau rpach ơh: “Nei laa bnih ja tơrsau chưt gmaak teq u bnih alơh.” Brah Jê-sus lah: “Phrui han, lơh tênh bei nei.”
Ma-thê u Ma-ri
38Han troong pôl n'hai bơl jơrnơ, Brah Jê-sus yeh teq u di poh dêq tôw. Geh mbu dơur chhak laa Ma-thê wơơt Pang mưt u nhi nơơm.#Ja 11:1. 39Bu geh oh ur chhak laa Ma-ri gôq a teh jơng Brah jah iat chmlam baak Pang. 40Nha Ma-thê nei bơp yoot teq u kaar bơ, mơ bu lôh mor n'hai Pang: “Brah ơi, oh hei ja teq 'brơih hei lơh kaar mbu êêng, Brah 'bưn sau laang? Dan Brah maanh bu jraih hei!” 41Brah ơh: “Ơi Ma-thê, Ma-thê, 'bei a gênh u rhơq rpơq teq u ơk kaar; 42dôh dơơn geh di kaar klanh ei. Ma-ri ja sach kaar klanh huôih leq, laa kaar a kươi 'bưn 'bơơn piit nhôq kươt mei ri.”
Právě zvoleno:
Lu-ka 10: SBL2024
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.
Lu-ka 10
10
Brah maanh poh jơt bnih jơrnơ han
1Kơi nei, Brah chong chôôl poh jơt jơrnơ nday#10:1 Knông m'baak plơơp 'bian ti laa poh jơt baar. u maanh phaa ndrôp muôi han noor Pang lap leq sêch pal poh u pal ktôk baah nơơm Pang a kươi han. 2Pang lah n'hai bu: “Khal kach nei lluh ngan, dôh bnih kach nei ndêq. Bei nei, phrui r'bon dan Brah khal kach maanh ơk bnih kach mưt u khal kach Pang ri.#Mat 9:37-38. 3Phrui han! Au, Hei maanh bơl 'bei han bei koon bưr han klung phung sôw bri.#Mat 10:16. 4Khơơm liêu thong prak, thong loom, sroom, u khơơm chah 'bơơn rgoq troong.#Mat 10:7-14; Mak 6:8-11; Lu 9:3-5. 5Mơq bơl 'bei mưt nhi êch, noor leq phrui mor: ‘Dan baak sroong boong gôq n'hai nhi au!’ 6Mơq nhi nei geh bnih dip jah a dơơn sroong boong nei baak sroong boong bơl 'bei ri a kươi kươt gôq knông bnih nei; mơq 'bưn, baak sroong boong nei a kươi plơq siq n'hai bơl 'bei. 7Phrui gôq lơơi nhi nei, sôông sa n'hai bu, đươm bnih bơ kaar dip prak lơh kaar nơơm. Khơơm teq nhi au han nhi nday.#I Kô 9:14; I Ti 5:18. 8Tơt bơl 'bei mưt u poh êch bu nday wơơt bơl 'bei, phrui sa griêng bu ja riêp aan bơl 'bei. 9Phrui tơmbah bnih tanh a nei u mor n'hai bu laah: ‘Nggoor Brah Ưn êch dơơh lôh bơl 'bei hơơi.’ 10Dôh tơt bơl 'bei mưt u poh baah bu 'bưn wơơt bơl 'bei, phrui han sot a gaaih troong u mor: 11‘Leq dơng pưn druih steh poh bơl 'bei ri ta pih a jơng, bơl hei kot tơrpôih jrah jah wal n'hai bơl 'bei; đươm bei nei, phrui gưt ntil au: Nggoor Brah Ưn êch dơơh lôh bơl 'bei hơơi.’#Kênh 13:51. 12Hei maanh bơl 'bei, tơt nar pơrkat, poh Sô-đôm a kươi dol phaat hôông huôih poh nei.#Mat 10:15; 11:24.
13Sđaai aan 'bei, poh Kô-ra-sin! Sđaai aan 'bei, poh Bêt-sai-đa! Đươm mơq pal chmlih chmleek ja lơh tênh klung bơl 'bei kươt lơh tênh tu poh Ti-rơ u poh Si-đôn, nei bu ja dook ao look, druôl bôh u teq lơi dôih a jook hơơi. 14Bei nei, tơt nar pơrkat, poh Ti-rơ u poh Si-đôn a kươi dol phaat hôông huôih bơl 'bei. 15Nha 'bei,
Poh Ka-bê-na-um, 'bei a kươi kươt lơơk prêh tơt trôôk?
'Bưn, 'bei a kươi dol krich tơt phaan!#10:15 phaan: Knông baak Hi-lap lah Hades, chong teq u ktôk bnih chhưt ri.
16'Bơơn iat bơl 'bei, nei laa iat Hei; 'bơơn teq lơơi bơl 'bei, nei laa teq lơơi Hei. 'Bơơn teq lơơi Hei, nei laa teq lơơi Yaang ja maanh Hei.”#Mat 10:40; Mak 9:37; Lu 9:48; Ja 13:20.
Bơl jơrnơ plơq siq
(Ma-thi-ơ 11:25-27; 13:16,17)
17Poh jơt baar#10:17 Poh jơt baar: Knông m'baak plơơp 'bian ti laa Poh jơt. jơrnơ broh s'bai plơq siq mor laah: “Brah ơi, knông saak Brah, bơl chaak phrui dol chôh ring bơl hei.” 18Brah Jê-sus lah n'hai bu: “Hei ja sau Sa-tan jưr a trôôk ti đau bei kao liêk. 19Au, Hei ja ươn bơl 'bei ch'bap kmheng jah jaq tơl pi bêh, sdui u jôm kmheng bơl ch'ươk a mat teh paang jơng. 'Bưn ntil ơơn lơh khuich bơl 'bei kươt. 20Đươm bei nei, khơơm broh đươm bơl chaak chôh bơl 'bei, baah phrui broh đươm chhak bơl 'bei ja kươt 'bian lơ trôôk.”
Baak Sroong Klanh kươt tơrsau aan bnih lơ mư 'bei koon drêên
(Ma-thi-ơ 11:25-27; 13:16-17)
21Laap bêl nei, Brah Jê-sus broh s'bai knông Brah Wêêng u mor lah: “Ơi Bươp laa Brah trôôk n'hai teh ri! Koon pơt wơơl Bươp đươm Bươp ja pôn pal ntil au n'hai bnih jhai blau n'hai bnih jhai rpech prêh baah tơrsau aan drêên ksei! Ngan bei nei, ơi Bươp, đươm ntil au klanh rnđêch Bươp. 22Bươp ja ndơơp jôm ntil aan Koon. Agaih Bươp, 'bưn 'bơơn gưt Koon; agaih Koon u bnih êch Koon êch tơrsau nei kot 'bưn 'bơơn gưt Bươp.”#Ja 3:35; 10:15. 23Ja nei Pang wih kươi mak bơl jơrnơ baah lah êêng: “Smlaang aan pi mat kươt sau ntil bơl 'bei sau! 24Đươm Hei lah bơl 'bei, geh ơk grnưt noor u snđach brah kmbưng sau ntil bơl 'bei sau baah 'bưn kươt sau, kmbưng iat ntil bơl 'bei iat dôh 'bưn iat kươt.”
Pn'geh ruk teq u bnih Sa-ma-ri l'ut l'ok
25Khal nei, geh di mbu yau rpach ta yoong ôp jah tuul Brah Jê-sus laah: “Ơi Yau, hei phrui lơh ơơn jah kươt a dơơn baak rêh yoot yôw?”#Mat 22:35-40; Mak 12:28-34. 26Pang ơh: “Knông ch'bap geh 'bian ntil ơơn? 'Bei chôôl u gưt bei êch?” 27Bnih nei ơh: “'Bei phrui leq chưt, leq wêêng yaang, leq kmlang, leq chưt gơrninh baah chuh srlanh Brah laa Brah Ưn 'bei; u srlanh bnih a gêêng bei nơơm bơn na.” 28Brah Jê-sus lah: “'Bei ơh dip mơt. Phrui lơh ntil nei 'bei a kươi kươt rêh.”
29Dôh bu nei êch tơrsau nơơm laa sêch song mơ ơh n'hai Brah Jê-sus: “'Bơơn laa bnih a gêêng hei?” 30Brah Jê-sus ơh: “Geh di mbu a poh Jê-ru-sa-lem jưr poh Jê-ri-kô a glơm teq u ti bơl ttung. Bơl bu doh leq khôw ao u pơm sơmboong ja nei lơơi du, teq êêng bnih nei chhưt l'bai rêh l'bai. 31Bei au, geh di mbu yau thwaai a chuôp han troong jưr troong nei, sau bnih alơh nei han het rlach mak tôw troong. 32Rkhat bei nei, geh di mbu Lê-wi han tơt ktôk nei, sau hơơi kot het rlach mak tôw troong baah han. 33Dôh geh mbu bnih Sa-ma-ri han troong, han dơơh sau bnih alơh nei rklơh chưt gmaak 34nei yeh drơh, pơih pring u bih lơơm teq u ktôk lap, puut kươi, ja nei kơldơk bnih alơh hao pai griêng nơơm ri u liêu ktôk drơm jah som ei. 35Nar a ôi, bu pơih baar đơ-ni-ê ndơơp aan nnơơm nhi drơm u mor: ‘Phrui som ei bnih au, mơq wait huôih dơq, tơt plơq siq hei a kươi rmal lơơi.’ 36Tênh 'bei gênh, knông pei du nei, 'bơơn laa bnih a gêêng teq u bơl dol ttung?” 37Yau rpach ơh: “Nei laa bnih ja tơrsau chưt gmaak teq u bnih alơh.” Brah Jê-sus lah: “Phrui han, lơh tênh bei nei.”
Ma-thê u Ma-ri
38Han troong pôl n'hai bơl jơrnơ, Brah Jê-sus yeh teq u di poh dêq tôw. Geh mbu dơur chhak laa Ma-thê wơơt Pang mưt u nhi nơơm.#Ja 11:1. 39Bu geh oh ur chhak laa Ma-ri gôq a teh jơng Brah jah iat chmlam baak Pang. 40Nha Ma-thê nei bơp yoot teq u kaar bơ, mơ bu lôh mor n'hai Pang: “Brah ơi, oh hei ja teq 'brơih hei lơh kaar mbu êêng, Brah 'bưn sau laang? Dan Brah maanh bu jraih hei!” 41Brah ơh: “Ơi Ma-thê, Ma-thê, 'bei a gênh u rhơq rpơq teq u ơk kaar; 42dôh dơơn geh di kaar klanh ei. Ma-ri ja sach kaar klanh huôih leq, laa kaar a kươi 'bưn 'bơơn piit nhôq kươt mei ri.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.