ମାତିଉ 5
5
ଜିସୁ ହରୁତାୱା ଦାଲ୍ଲାନିକି ଗ୍ରାପନି
1ଜିସୁ ଏଗେଲ୍ ଦାଲ୍ଲାନିକି ହୁଡ଼ାନ୍ ହରୁଡ଼ିପେ ହାଜ୍ଜାନ୍ କକ୍ତେଞ୍ଜି, ଆଟେ ଏୱାଞ୍ଜି କକ୍ତାୱିଃଆଟି ତା ଗ୍ରାମ୍ୱାଗାଟାରି ତା ଟାକ୍କେ ୱାତେରି । 2ଏମ୍ୱାଟି ଜିସୁ ଏୱାରିକି ଗ୍ରାପନ୍ ମ୍ରାସ୍ତେଞ୍ଜି ।
ଏମ୍ବେନାରି ଦନ୍ୟଗାଟାରି
(ଲୁକ ୬:୨୦–୨୩)
3“ଏମ୍ୱେନାରି ଡିଙ୍ଗାଟି ପାଃନାନାରି ଏୱାରି ଦନ୍ୟ, ଇନାକି ସର୍ଗ ରାଜି ଏୱାର୍ତାଦି । 4କିରେଡ଼୍ ଆନ୍ ଡ଼ିନ୍ନି ଦାଲ୍ଲା ଦନ୍ୟ, ଇନାକି ମୁଲାପେନୁତାୱାଟି ଏୱାରି ମାତି ଆନେରି । 5ଲୁଙ୍ଗୁର୍ଗାଟାରି ଦନ୍ୟ, ଇନାକି ଏୱାରି ପୁର୍ତିତି ହକତ୍ଗାଟାରି ଆନେରି । 6ଦର୍ମ କାମା କିଅନ୍ ବାଗାଟି ହାକ୍କି ଅଟେ ଏସ୍କିଟି ମାନ୍ବନ୍ତି ଦାଲ୍ଲା ଦନ୍ୟ, ଇନାକି ଏୱାରିକି ସନ୍ତୁସ୍ଟ କିୱା ଆନେ । 7ପାପୁଅଲ୍ପନ୍ତି ଦାଲ୍ଲା ଦନ୍ୟ, ଇନାକି ମୁଲାପେନୁ ଏୱାରିକି ପାପୁଅଲ୍ନେଞ୍ଜି । 8ପିର୍ରି ହଡାଙ୍ଗ୍ ଗାଟାରି ଦନ୍ୟ, ଇନାକି ଏୱାରି ମୁଲାପେନୁନିକି ହୁଡ଼ିନେରି । 9ଲତୁ କିଅନ୍ତାରି ଦନ୍ୟ, ଇନାକି ଏୱାରି ମୁଲାପେନୁତି ମ୍ରିଃଏଞ୍ଜି ଇଞ୍ଜାନ୍ ପଙ୍ଗିନେରି । 10#୧ପି ୩:୧୪ଦର୍ମ କାମା ବାଗାଟି ବିହାନପୁ ପାଁଣ୍ଡିନ୍ନି ଦାଲ୍ଲା ଦନ୍ୟ, ଇନାକି ସର୍ଗ ରାଜି ଏୱାର୍ତାଦି । 11#୧ପି ୪:୧୪ଦାଲ୍ଲା ଜଦି ମିଙ୍ଗେ ନା ବାଗାଟି ଅଡ୍ଡିଦାନ୍ନେରି ଅଟେ ବିହାନପୁ ହିଆନେରି, ଆଟେ କଲଟି ମିଙ୍ଗେ ବିରୁଦି ଆନ୍ ହାବେତ୍ ଡ଼ଃଆନ୍ କାତା ୱେସ୍ତାନେରି, ଏହେଙ୍ଗ୍ ଆତେସି ମିରୁ ଦନ୍ୟ । 12#ପେରି ୭:୫୨ଗାପ୍ଚି ରାହାଙ୍ଗ୍ ଆନ୍ ବାସାଆଦୁ, ଇନାକି ସର୍ଗତାୱା ମି ବାଗା ଏଗେଲ୍ ପୁରସ୍କାର ମାନ୍ନେ । ଏହେଙ୍ଗିସି ଏୱାରି ମି କାହେ ୱାଚ୍ଚି ବାବବାଦିଙ୍ଗ୍ନିକି ୱାଡ଼େ ବିହାନପୁ ହିଆଚ୍ଚେରି ।”
ହାରୁ ଅଟେ ଅଲା
(ମାର୍କ ୪:୨୧; ୯:୫୦; ଲୁକ ୧୪:୩୪–୩୫; ୮:୧୬)
13 #
ମାର୍କ ୯:୫୦; ଲୁକ ୧୪:୩୪,୩୫ “ମିରୁ ପୁର୍ତିତି ହାରୁ ଡେହେଙ୍ଗ୍, ମତ୍ର ଏ ହାରୁତାୱା ଜଦି ହାରୁତି ନାଙ୍ଗୁ ବାସାଆଃଏ, ଇଚ୍ଚେସି ଏ ହାରୁତିଦି ଆଟେ ହାରୁ ଡେହେଙ୍ଗ୍ ନାଙ୍ଗୁ କିଅନ୍ ମୁପନ୍ ଆଃଏ । ଏଦି ଆଟେ ଇମ୍ୱିନ୍ କାମାତାୱା ଜୁଗ୍ୟ ଆଃଏ, ୱାର୍ରି କାଟ ତୁହ୍ପନ୍ ଆନେ, ଆଟେ ଦାଲ୍ଲା ଏଦା କାଟ୍କା ଡ଼ାହି ସ୍ଡିଚାନ୍ ହାନ୍ନେରି । 14#ଜହ ୮:୧୨; ୯:୫ମିରୁ ପୁର୍ତିତି ଅଲା ଡେହେଙ୍ଗ୍ । ହରୁ କୁଃଏଟି କ୍ଲେହାନ୍ନି ଗାଡ଼ାନାଜୁ ମ୍ରାଗାନ୍ ବାସାଆଅନ୍ ମୁଃଏ; 15#ମାର୍କ ୪:୨୧; ଲୁକ ୮:୧୬; ୧୧:୩୩ଆଟେ ଦାଲ୍ଲା ଡୁବ୍ବି ପ୍ରୁସାନ୍ ମାଡ଼ା ନେତେ ଇଟ୍ଟେରି, ମତ୍ର ଡୁବ୍ବି ମୁଣ୍ଡାତାୱା କିଟ୍ଟିନେରି, ଏମ୍ୱାଟି ଏ ଡୁବ୍ବିତି ଅଲା ଇଡ୍ଡୁତାୱା ମାନ୍ନି ହାବେ ଦାଲ୍ଲାନିକି ଅଲା ହିନେ । 16#୧ପି ୨:୧୨ଏହେଙ୍ଗିସି ମି ଅଲା ଦାଲ୍ଲା ନକେସି ପଙ୍ଗାକାଦି, ଇନିସ୍ ଏୱାରି ମି ନିଗ୍ଗା କାମା ହୁଡ଼ାନ୍ ମି ସର୍ଗତି ଆବାନିକି ଗଉରବ ହିନେରି ।”
ହାଜୁ କୁଲାଟି ଗ୍ରାପନି
(ମାତିଉ ୫:୧୭–୨୦)
17“ନାନୁ ମସାତି ହାଜୁ କି ବାବବାଦିଙ୍ଗ୍ତି ପୁତି ମ୍ରାପ୍କନ୍ ବାଗା ୱାମାଃଇ ଇଞ୍ଜାନ୍ ଏଲୁ କିଃଆଟୁ, ମ୍ରାପ୍କନ୍ ବାଗା ୱାହେଃଲ୍ଲାନୁ ମତ୍ର ସପଲ କିଅନ୍ ବାଗା ୱାମାଃଇ । 18#ଲୁକ ୧୬:୧୭ଇନାକି ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇମ୍ୱିନ୍ ଟିକ୍ନା ଜାଗ୍ଗୁ ଅଟେ ପୁର୍ତି ନାହେଡ୍ ଆଃଏ, ଆଟେ ଇ ହାବେତ୍ ଡୁଣ୍ଡେଲ୍ ଆଃଆନ୍ ଟିକ୍ନା ମସାତି ହାଜୁତାୱାଟି ରଣ୍ଡି ଅକ୍ୟର କି ରଣ୍ଡି ଟୁପା ୱାଡ଼େ ମ୍ରାଙ୍ଗେଏ । 19ଏଦାବାଗା ଏମ୍ୱେନାଞ୍ଜି ହାଜୁତି ହାବେତାୱାଟି ଡଟି ଆଗ୍ୟାଁତିଦି ମାନି ଆଃଏଞ୍ଜି ଅଟେ ଏଚିଡେହେଙ୍ଗ୍ ବିହି ଦାଲ୍ଲାନିକି ୱାଡ଼େ ଗ୍ରାପେନ୍ନେଞ୍ଜି, ଇଚ୍ଚେସି ଏୱାଞ୍ଜି ସର୍ଗ ରାଜିତାୱା ହାବେତାୱାଟି ଡଟି ଇଞ୍ଜାନ୍ ପଙ୍ଗିନେଞ୍ଜି; ମତ୍ର ଏମ୍ୱେନାଞ୍ଜି ଏ ହାଜୁ ହାବେ ପାଲ୍ନି ଆଇନ୍ନେଞ୍ଜି ଅଟେ ଏହେଙ୍ଗିସି ଗ୍ରାପେନ୍ନେଞ୍ଜି, ଇଚ୍ଚେସି ଏୱାଞ୍ଜି ସର୍ଗ ରାଜିତାୱା ବେର୍ରାନାଞ୍ଜି ଇଞ୍ଜାନ୍ ପଙ୍ଗିନେଞ୍ଜି । 20ଇନାକି ନାନୁ ମିଙ୍ଗେ ୱେସ୍ପିଞ୍ଜା, ମି ଦାର୍ମିକତା ସାସ୍ତ୍ରି ଅଟେ ପାରୁସିଙ୍ଗ୍ତି ଦାର୍ମିକତା ତାୱାଟି ଗାପ୍ଚି ଆଃଆତେସି ମିରୁ ଏଚ୍ଚେକ୍ୱାଡ଼େ ସର୍ଗ ରାଜିତାୱା ହଲ୍ବନ୍ ମୁଃଏରି ।”
ରାଗା କୁଲାଟି ଗ୍ରାପନି
(ଲୁକ ୧୨:୫୭–୫୯)
21“ମିରୁ ୱେଞ୍ଜାଞ୍ଜେରି ଜେ, ମା ଜୁଜୁଆକେଙ୍ଗ୍ନିକି ୱେସ୍ପା ଆଚ୍ଚେ, କୁଇଙ୍ଗ୍ନିକି ପାଃଗାଟୁ, ଆଟେ ଏମ୍ୱେନାଞ୍ଜିକି କୁଏଞ୍ଜିକି ପାଗିନେଞ୍ଜି, ଏୱାଞ୍ଜି ନିୟେ ଗର୍ରିତାୱା ଦଣ୍ଡ ପାଁନେଞ୍ଜି । 22ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ଏମ୍ୱେନାଞ୍ଜି ତା ଆମ୍ୱେସ୍ କି ଆଙ୍ଗିସ୍କାନିକି ରାଗା ଆନେଞ୍ଜି, ଏୱାଞ୍ଜି ନିୟେ ଗର୍ରିତାୱା ଦଣ୍ଡ ପାଁନେଞ୍ଜି । ଆଟେ ଏମ୍ୱେନାଞ୍ଜି ତା ଆମ୍ୱେସ୍ କି ଆଙ୍ଗିସ୍କାନିକି ଲେଜ୍ଜା କିନେଞ୍ଜି, ଏୱାଞ୍ଜି ବେର୍ ବିଚାର ଗର୍ରିତାୱା ଦଣ୍ଡ ପାଁନେଞ୍ଜି; ଆଟେ ଏମ୍ୱେନାଞ୍ଜି ତା ଆମ୍ୱେସ୍ କି ଆଙ୍ଗିସ୍କାନିକି ମୁର୍କଗାଟାଞ୍ଜି ଇଞ୍ଜାନ୍ ୱେସ୍ନେଞ୍ଜି, ଏୱାଞ୍ଜି ରିଞ୍ଜେନ୍ନି ନର୍କତାୱା ଦଣ୍ଡ ପାଁନେଞ୍ଜି । 23ଏଦାବାଗା, ଜଦି ବେଦିଇନ୍ଦା ନିନୁ ନି ନଇବେଦ୍ୟ ଅଇନି ତୁକାତାୱା ନି ବିରୁଦିଆଟି ନି ଆମ୍ବେସ୍ତି ଇନ୍ନି କାତା ମାନ୍ନେ ଇଞ୍ଜାନ୍ ଏଲୁ ଦିଆନେ, 24ଏହେଙ୍ଗ୍ ଆତେସି ଏ ବେଦି ନକେସ୍ ନି ନଇବେଦ୍ୟ ତୁହାନ୍ ନି ଆମ୍ୱେସ୍ ଟାକ୍କେ ହାଲ୍ମୁ, ଆଟେ କାହେ ନିନୁ ତା ଡ଼ାହି ଆଡ୍ଡାମୁ, ଏ ଡେଗ୍ଗା ୱାନାହି ନି ନଇବେଦ୍ୟ ଉଚ୍ଚର୍ଗ କିମୁ । 25ନି ସତ୍ରୁଗାଟାଞ୍ଜି ନିଙ୍ଗେ ବିଚାର ଗର୍ରିଇନ୍ଦା ଅୱିକିଞ୍ଜାନେଞ୍ଜି ଇଚ୍ଚେସି ତା କାହେ କାର୍ବେକ୍ ହାଜ୍ଜାନ୍ ନିନୁ ଏୱାଞ୍ଜ୍ ଡ଼ାହି ଆଡ୍ଡାମୁ, ଆଃଆତେସି ନି ସତ୍ରୁଗାଟାଞ୍ଜି ନିଙ୍ଗେ ବିଚାର କିଅନ୍ତାଞ୍ଜି କାଜ୍ଜୁତାୱା ସର୍ପି କିଆନେଞ୍ଜି, ଆଟେ ବିଚାର କିଅନ୍ତାଞ୍ଜି ନିଙ୍ଗେ ସିପେଙ୍ଗ୍ତି କାଜ୍ଜୁତାୱା ସର୍ପି କିଆନେଞ୍ଜି, ଆଟେ ସିପେଙ୍ଗ୍ ନିଙ୍ଗେ ବନ୍ଦି ଇଡ୍ଡୁତାୱା ଇଟ୍ଟାଦାନ୍ନେରି । 26ନାନୁ ନିଙ୍ଗେ ନିଜ୍ଜା ୱେସ୍ପିଞ୍ଜା, ନିନୁ ହାବେ ଟାକ୍କାଙ୍ଗ୍ ତେଃହାନ୍ ଟିକ୍ନା ଏ ଗର୍ରିତାୱାଟି ଇନିମିଡି ୱାଡ଼େ ହଚାନ୍ ୱାଅନ୍ ମୁଃଆ ।”
ଦାରିକାମା କୁଲାଟି ଗ୍ରାପନି
27“ମିରୁ ୱେଞ୍ଜାଞ୍ଜେରି ଜେ, ଇଦା ୱେସ୍ପା ଆଚ୍ଚେ, ମିରୁ ଦାରିକାମା କିଃଆଟୁ । 28ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ଜଦି ଏମ୍ୱେନାଞ୍ଜିକି ଇମ୍ୱିନ୍ କୁଆଲୁନିକି ଡ଼ଃଆନ୍ କାଡ଼୍କାଟି ହୁଡ଼ିନେଞ୍ଜି, ଏୱାଞ୍ଜି ଏଦା ଡ଼ାହି ତା ଏଲୁଟି ଦାରି ଆତେଞ୍ଜି । 29#ମାତି ୧୮:୯; ମାର୍କ ୯:୪୭ଆଟେ ମି ତିନ୍ନି କାନ୍ନୁ ଜଦି ମିଙ୍ଗେ ପାପ କାମା କିୱିକିଞ୍ଜାନେ, ଏହେଙ୍ଗ୍ ଆତେସି ଏଦା ୱେଚାନ୍ ତୁହ୍ଦୁ, ଇନାକି ମି ହାବେ ଗାଣ୍ଡି ନର୍କତାୱା ୱେଅନ୍ ତାୱାଟି ରଣ୍ଡି କାନ୍ନୁ ନାହେଡ୍ ଆଅନ୍ ମି ବାଗାଟି ଗାପ୍ଚି ନେହି ଆନେ । 30#ମାତି ୧୮:୮; ମାର୍କ ୯:୪୩ଆଟେ ମି ତିନ୍ନି କାଜ୍ଜୁ ଜଦି ମିଙ୍ଗେ ପାପ କାମା କିୱିକିଞ୍ଜାନେ, ଏହେଙ୍ଗ୍ ଆତେସି ଏଦା କ୍ରାଚାନ୍ ତୁହ୍ଦୁ, ଇନାକି ମି ମୁକ୍କେଲ୍ ଗାଣ୍ଡି ନର୍କତାୱା ୱେଅନ୍ ତାୱାଟି ରଣ୍ଡି କାଜ୍ଜୁ ନାହେଡ୍ ଆଅନି ମି ବାଗାଟି ଗାପ୍ଚି ନେହି ଆନେ ।”
ଜିସୁ ୱିଅର୍କିଚ୍ଚନ୍ତି କୁଲାଟି ଗ୍ରାପନ୍
(ମାତିଉ ୧୯:୯; ମାର୍କ ୧୦:୧୧–୧୨; ଲୁକ ୧୬:୧୮)
31 #
ମାତି ୧୯:୭; ମାର୍କ ୧୦:୪ “ଇ କାତା ୱାଡ଼େ ୱେସ୍ପା ଆନ୍ନେ ଜେ, ଏମ୍ୱେନାଞ୍ଜିକି ତା କୁଆଲୁନିକି ତୁହ୍ପିନ୍ନେଞ୍ଜି, ଏୱାଞ୍ଜି ତାଙ୍ଗେ ୱିଅର୍କିଚ୍ଚନ୍ତି ଆକୁ ହିପାକାଞ୍ଜି । 32#ମାତି ୧୯:୯; ମାର୍କ ୧୦:୧୧,୧୨; ଲୁକ ୧୬:୧୮; ୧କ ୭:୧୦,୧୧ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ଏମ୍ୱେନାଞ୍ଜିକି ତା କୁଆଲୁନିକି ଦାରିକାମା କୁଲାଟି ପିହାନ୍, ବିହି କୁଲା ବାଗାଟି ତୁହ୍ନ୍ନେଞ୍ଜି, ଇଚ୍ଚେସି ଏୱାଞ୍ଜି ତାଙ୍ଗେ ଦାରି କିୱି କିନ୍ନେଞ୍ଜି, ଆଟେ ଏମ୍ୱେନାଞ୍ଜିକି ତୁହାନ୍ନି କୁଆଲୁନିକି ବିବା ଆଇନ୍ନେଞ୍ଜି, ଏୱାଞ୍ଜି ଦାରି ଆଇନ୍ନେଞ୍ଜି ।”
ଜିସୁ ହାପ୍ପା କୁଲାଟି ଗ୍ରାପନି
33“ଆଟେ ମିରୁ ୱେଞ୍ଜାଞ୍ଜେରି ଜେ, ମା ଜୁଜୁଆକେଙ୍ଗିଆ ୱେସ୍ପା ଆଚ୍ଚେ, ମିରୁ କଲ ହାପ୍ପା କିଃଆଟୁ, ମତ୍ର ମି ହାପ୍ପା ହାବେ ଦାର୍ମୁ ବାଗାଟି ପାଲ୍ନି ଆଦେରି । 34#ଜାକୁ ୫:୧୨; ମାତି ୨୩:୨୨ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ଏଚ୍ଚେକ୍ୱାଡ଼େ ହାପ୍ପା କିଃଆଟୁ; ସର୍ଗତି ହାପ୍ପା କିଃଆଟୁ, ଇନାକି ଏଦି ମୁଲାପେନୁତି ଗାଦି, 35କି ପୁର୍ତିତି ହାପ୍ପା କିଃଆଟୁ, ଇନାକି ଏଦି ମୁଲାପେନୁତି କାଡୁ ଇଟ୍ଟା ଗର୍ରି; ଜିରୁସାଲମ ପାରୁଟି ହାପ୍ପା କିଃଆଟୁ, ଇନାକି ଏଦି ବେର୍ ରାଜେଞ୍ଜ୍ତି ଗାଡ଼ାନାଜୁ; 36ମି ତ୍ଲାଉ ଡିଗାନ୍ ହାପ୍ପା କିଃଆଟୁ, ଇନାକି ମିରୁ ରଣ୍ଡା ୱାଡ଼େ ତ୍ଲାଏର୍ ହୁକୁଲ୍ କି କାଲେ କିଅନ୍ତିକି ବଲ ହେଃଲ୍ଲେ । 37ମତ୍ର ମି ହାଁ କାତା ହାଁ ଆପାକାଦି, ଆଃଏ କାତା ଆଃଏ ଆପାକାଦି; ଇମ୍ୱାଟି ଗାପ୍ଚି କାତା ୱେସାନାହି ହାପ୍ପା କିତେସି ଏମ୍ବାଟି ଡ଼ଃଆନାଦି ପ୍ଲିନେ ।”
ୱ୍ଡେପ୍ଚ୍ଚି ନାଣ୍ଡନ୍ତି କୁଲାଟି ଗ୍ରାପନି
(ଲୁକ ୬:୨୯–୩୦)
38“ମିରୁ ୱେଞ୍ଜାଞ୍ଜେରି ଜେ, ଇଦା ୱେସ୍ପା ଆଚ୍ଚେ, କାନ୍ନୁ ବାଗାଟି କାନ୍ନୁ ଅଟେ ପାଡ୍ଡୁ ବାଗାଟି ପାଡ୍ଡୁ; 39ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ଦୁସ୍ଟଗାଟାଞ୍ଜିକି ୱ୍ଡେପ୍ଚ୍ଚିନାଣ୍ଡାଃଟୁ, ମତ୍ର ଏମ୍ୱେନାଞ୍ଜି ମିଙ୍ଗେ ରକଟ୍ ୱାଡୁତି ପିତେଲ୍ତାୱା ୱେତାନେଞ୍ଜି, ଏୱାଞ୍ଜିକି ଅଟେ ରକଟ୍ତି ପିତେଲ୍ ୱାଡ଼େ ତସାହିଦୁ । 40ଆଟେ ଜଦି ଏମ୍ୱେନାଞ୍ଜି ମି ଡ଼ାହି କ୍ଲେଲିଆନାହି ନିୟେ ଗର୍ରିତାୱା ମି ଗତାଙ୍ଗ୍ ମିଞ୍ଜାନ୍ ଅନେଞ୍ଜି, ତାଙ୍ଗେ ଚେଦର୍ ୱାଡ଼େ ହିଦୁ । 41ଆଟେ ଏମ୍ୱେନାଞ୍ଜିକି ମିଙ୍ଗେ ର କିଲ ମିଟର ହାଲ୍ବନ୍ତିକି ବାଦ୍ୟ କିଆତେସି ତା ଡ଼ାହି ରି କିଲ ମିଟର ହାଜ୍ଜୁ । 42ଏମ୍ୱେନାଞ୍ଜି ମିଙ୍ଗେ ୱ୍ରିହ୍ତାନେଞ୍ଜି, ଏୱାଞ୍ଜିକି ହିଦୁ, ଆଟେ ଏମ୍ୱେନାଞ୍ଜି ମି ତାୱାଟି ରିଡ଼ା ଅନ୍ତିକି ମନ କିତେସି, ଏୱାଞ୍ଜିକି ଆଃଏ କିଃଆଟୁ ।”
ସତ୍ରୁନିକି ଜେଡା କିଅନ୍ତି କୁଲାଟି ଗ୍ରାପନି
(ଲୁକ ୬:୨୭–୨୮; ଲୁକ ୬:୩୨–୩୬)
43“ମିରୁ ୱେଞ୍ଜାଞ୍ଜେରି ଜେ, ଇଦା ୱେସ୍ପା ଆଚ୍ଚେ, ମି ହଡ଼୍ଗି ଦାଲ୍ଲାନିକି ଜେଡା କିଦୁ ଅଟେ ମି ସତ୍ରୁନିକି ସ୍ରିଞ୍ଜାଟୁ । 44ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ମି ସତ୍ରୁଙ୍ଗ୍ନିକି ଜେଡା କିଦୁ, ଆଟେ ଏମ୍ୱେନାରି ମିଙ୍ଗେ ବିହାନପୁ ହିଞ୍ଜାନେରି, ଏୱାର୍ ବାଗାଟି ପ୍ରାତ୍ନା କିଦୁ, 45ଇହିଙ୍ଗିସି କିତେସି ମିରୁ ମି ସର୍ଗତି ଆବାତି ବଦାଙ୍ଗ୍ ଆଦେରି । ଏୱାଞ୍ଜ୍ ତ ଡ଼ଃଆନାରି ଅଟେ ନେହାର୍ କୁଃଏଟି ତା ୱେଲା ହପେନ୍ନେଞ୍ଜି, ଆଟେ ଦାର୍ମିକ ଅଟେ ଅଦର୍ମଗାଟାରି କୁଃଏଟି ପିଜ୍ଜୁ ରିୱି କିନ୍ନେଞ୍ଜି । 46ଆଟେ ଏମ୍ୱେନାରି ମିଙ୍ଗେ ଜେଡା କିଞ୍ଜାନେରି, ଏୱାରିକି ଜେଡା କିତେସି ମିରୁ ଇନ୍ନି ପୁରସ୍କାର ପାଁଣ୍ଡେରି ? ସିସ୍ଟୁଅନ୍ତାରି ୱାଡ଼େ ଇନ୍ନା ଏଦା କିହେଃଲ୍ଲେରି ? 47ଆଟେ ମିରୁ ଜଦି ୱାର୍ରି ମି ମି ଆମ୍ୱେସାଙ୍ଗାନିକି ଜୁହାରି କିଞ୍ଜେରି, ଏହେଙ୍ଗ୍ ଆତେସି ମିରୁ ଇନ୍ନି ବେର୍ କାମା କିଞ୍ଜେରି ? ଇନାକି ଅନଜିହୁଦି ଦାଲ୍ଲା ୱାଡ଼େ ଇହିଙ୍ଗିସି କିନ୍ନେରି । 48ଏଦାବାଗା ସର୍ଗତି ମି ଆବା ଇନିମିଡି ହାବେତ୍ କୁଲାତାୱା ସିଦ୍ଦଗାଟାଞ୍ଜି ମିରୁ ୱାଡ଼େ ଏହେଙ୍ଗିସି ହାବେତ୍ କୁଲାତାୱା ସିଦ୍ଦ ଆଦୁ ।”
Právě zvoleno:
ମାତିଉ 5: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 5
5
ଜିସୁ ହରୁତାୱା ଦାଲ୍ଲାନିକି ଗ୍ରାପନି
1ଜିସୁ ଏଗେଲ୍ ଦାଲ୍ଲାନିକି ହୁଡ଼ାନ୍ ହରୁଡ଼ିପେ ହାଜ୍ଜାନ୍ କକ୍ତେଞ୍ଜି, ଆଟେ ଏୱାଞ୍ଜି କକ୍ତାୱିଃଆଟି ତା ଗ୍ରାମ୍ୱାଗାଟାରି ତା ଟାକ୍କେ ୱାତେରି । 2ଏମ୍ୱାଟି ଜିସୁ ଏୱାରିକି ଗ୍ରାପନ୍ ମ୍ରାସ୍ତେଞ୍ଜି ।
ଏମ୍ବେନାରି ଦନ୍ୟଗାଟାରି
(ଲୁକ ୬:୨୦–୨୩)
3“ଏମ୍ୱେନାରି ଡିଙ୍ଗାଟି ପାଃନାନାରି ଏୱାରି ଦନ୍ୟ, ଇନାକି ସର୍ଗ ରାଜି ଏୱାର୍ତାଦି । 4କିରେଡ଼୍ ଆନ୍ ଡ଼ିନ୍ନି ଦାଲ୍ଲା ଦନ୍ୟ, ଇନାକି ମୁଲାପେନୁତାୱାଟି ଏୱାରି ମାତି ଆନେରି । 5ଲୁଙ୍ଗୁର୍ଗାଟାରି ଦନ୍ୟ, ଇନାକି ଏୱାରି ପୁର୍ତିତି ହକତ୍ଗାଟାରି ଆନେରି । 6ଦର୍ମ କାମା କିଅନ୍ ବାଗାଟି ହାକ୍କି ଅଟେ ଏସ୍କିଟି ମାନ୍ବନ୍ତି ଦାଲ୍ଲା ଦନ୍ୟ, ଇନାକି ଏୱାରିକି ସନ୍ତୁସ୍ଟ କିୱା ଆନେ । 7ପାପୁଅଲ୍ପନ୍ତି ଦାଲ୍ଲା ଦନ୍ୟ, ଇନାକି ମୁଲାପେନୁ ଏୱାରିକି ପାପୁଅଲ୍ନେଞ୍ଜି । 8ପିର୍ରି ହଡାଙ୍ଗ୍ ଗାଟାରି ଦନ୍ୟ, ଇନାକି ଏୱାରି ମୁଲାପେନୁନିକି ହୁଡ଼ିନେରି । 9ଲତୁ କିଅନ୍ତାରି ଦନ୍ୟ, ଇନାକି ଏୱାରି ମୁଲାପେନୁତି ମ୍ରିଃଏଞ୍ଜି ଇଞ୍ଜାନ୍ ପଙ୍ଗିନେରି । 10#୧ପି ୩:୧୪ଦର୍ମ କାମା ବାଗାଟି ବିହାନପୁ ପାଁଣ୍ଡିନ୍ନି ଦାଲ୍ଲା ଦନ୍ୟ, ଇନାକି ସର୍ଗ ରାଜି ଏୱାର୍ତାଦି । 11#୧ପି ୪:୧୪ଦାଲ୍ଲା ଜଦି ମିଙ୍ଗେ ନା ବାଗାଟି ଅଡ୍ଡିଦାନ୍ନେରି ଅଟେ ବିହାନପୁ ହିଆନେରି, ଆଟେ କଲଟି ମିଙ୍ଗେ ବିରୁଦି ଆନ୍ ହାବେତ୍ ଡ଼ଃଆନ୍ କାତା ୱେସ୍ତାନେରି, ଏହେଙ୍ଗ୍ ଆତେସି ମିରୁ ଦନ୍ୟ । 12#ପେରି ୭:୫୨ଗାପ୍ଚି ରାହାଙ୍ଗ୍ ଆନ୍ ବାସାଆଦୁ, ଇନାକି ସର୍ଗତାୱା ମି ବାଗା ଏଗେଲ୍ ପୁରସ୍କାର ମାନ୍ନେ । ଏହେଙ୍ଗିସି ଏୱାରି ମି କାହେ ୱାଚ୍ଚି ବାବବାଦିଙ୍ଗ୍ନିକି ୱାଡ଼େ ବିହାନପୁ ହିଆଚ୍ଚେରି ।”
ହାରୁ ଅଟେ ଅଲା
(ମାର୍କ ୪:୨୧; ୯:୫୦; ଲୁକ ୧୪:୩୪–୩୫; ୮:୧୬)
13 #
ମାର୍କ ୯:୫୦; ଲୁକ ୧୪:୩୪,୩୫ “ମିରୁ ପୁର୍ତିତି ହାରୁ ଡେହେଙ୍ଗ୍, ମତ୍ର ଏ ହାରୁତାୱା ଜଦି ହାରୁତି ନାଙ୍ଗୁ ବାସାଆଃଏ, ଇଚ୍ଚେସି ଏ ହାରୁତିଦି ଆଟେ ହାରୁ ଡେହେଙ୍ଗ୍ ନାଙ୍ଗୁ କିଅନ୍ ମୁପନ୍ ଆଃଏ । ଏଦି ଆଟେ ଇମ୍ୱିନ୍ କାମାତାୱା ଜୁଗ୍ୟ ଆଃଏ, ୱାର୍ରି କାଟ ତୁହ୍ପନ୍ ଆନେ, ଆଟେ ଦାଲ୍ଲା ଏଦା କାଟ୍କା ଡ଼ାହି ସ୍ଡିଚାନ୍ ହାନ୍ନେରି । 14#ଜହ ୮:୧୨; ୯:୫ମିରୁ ପୁର୍ତିତି ଅଲା ଡେହେଙ୍ଗ୍ । ହରୁ କୁଃଏଟି କ୍ଲେହାନ୍ନି ଗାଡ଼ାନାଜୁ ମ୍ରାଗାନ୍ ବାସାଆଅନ୍ ମୁଃଏ; 15#ମାର୍କ ୪:୨୧; ଲୁକ ୮:୧୬; ୧୧:୩୩ଆଟେ ଦାଲ୍ଲା ଡୁବ୍ବି ପ୍ରୁସାନ୍ ମାଡ଼ା ନେତେ ଇଟ୍ଟେରି, ମତ୍ର ଡୁବ୍ବି ମୁଣ୍ଡାତାୱା କିଟ୍ଟିନେରି, ଏମ୍ୱାଟି ଏ ଡୁବ୍ବିତି ଅଲା ଇଡ୍ଡୁତାୱା ମାନ୍ନି ହାବେ ଦାଲ୍ଲାନିକି ଅଲା ହିନେ । 16#୧ପି ୨:୧୨ଏହେଙ୍ଗିସି ମି ଅଲା ଦାଲ୍ଲା ନକେସି ପଙ୍ଗାକାଦି, ଇନିସ୍ ଏୱାରି ମି ନିଗ୍ଗା କାମା ହୁଡ଼ାନ୍ ମି ସର୍ଗତି ଆବାନିକି ଗଉରବ ହିନେରି ।”
ହାଜୁ କୁଲାଟି ଗ୍ରାପନି
(ମାତିଉ ୫:୧୭–୨୦)
17“ନାନୁ ମସାତି ହାଜୁ କି ବାବବାଦିଙ୍ଗ୍ତି ପୁତି ମ୍ରାପ୍କନ୍ ବାଗା ୱାମାଃଇ ଇଞ୍ଜାନ୍ ଏଲୁ କିଃଆଟୁ, ମ୍ରାପ୍କନ୍ ବାଗା ୱାହେଃଲ୍ଲାନୁ ମତ୍ର ସପଲ କିଅନ୍ ବାଗା ୱାମାଃଇ । 18#ଲୁକ ୧୬:୧୭ଇନାକି ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇମ୍ୱିନ୍ ଟିକ୍ନା ଜାଗ୍ଗୁ ଅଟେ ପୁର୍ତି ନାହେଡ୍ ଆଃଏ, ଆଟେ ଇ ହାବେତ୍ ଡୁଣ୍ଡେଲ୍ ଆଃଆନ୍ ଟିକ୍ନା ମସାତି ହାଜୁତାୱାଟି ରଣ୍ଡି ଅକ୍ୟର କି ରଣ୍ଡି ଟୁପା ୱାଡ଼େ ମ୍ରାଙ୍ଗେଏ । 19ଏଦାବାଗା ଏମ୍ୱେନାଞ୍ଜି ହାଜୁତି ହାବେତାୱାଟି ଡଟି ଆଗ୍ୟାଁତିଦି ମାନି ଆଃଏଞ୍ଜି ଅଟେ ଏଚିଡେହେଙ୍ଗ୍ ବିହି ଦାଲ୍ଲାନିକି ୱାଡ଼େ ଗ୍ରାପେନ୍ନେଞ୍ଜି, ଇଚ୍ଚେସି ଏୱାଞ୍ଜି ସର୍ଗ ରାଜିତାୱା ହାବେତାୱାଟି ଡଟି ଇଞ୍ଜାନ୍ ପଙ୍ଗିନେଞ୍ଜି; ମତ୍ର ଏମ୍ୱେନାଞ୍ଜି ଏ ହାଜୁ ହାବେ ପାଲ୍ନି ଆଇନ୍ନେଞ୍ଜି ଅଟେ ଏହେଙ୍ଗିସି ଗ୍ରାପେନ୍ନେଞ୍ଜି, ଇଚ୍ଚେସି ଏୱାଞ୍ଜି ସର୍ଗ ରାଜିତାୱା ବେର୍ରାନାଞ୍ଜି ଇଞ୍ଜାନ୍ ପଙ୍ଗିନେଞ୍ଜି । 20ଇନାକି ନାନୁ ମିଙ୍ଗେ ୱେସ୍ପିଞ୍ଜା, ମି ଦାର୍ମିକତା ସାସ୍ତ୍ରି ଅଟେ ପାରୁସିଙ୍ଗ୍ତି ଦାର୍ମିକତା ତାୱାଟି ଗାପ୍ଚି ଆଃଆତେସି ମିରୁ ଏଚ୍ଚେକ୍ୱାଡ଼େ ସର୍ଗ ରାଜିତାୱା ହଲ୍ବନ୍ ମୁଃଏରି ।”
ରାଗା କୁଲାଟି ଗ୍ରାପନି
(ଲୁକ ୧୨:୫୭–୫୯)
21“ମିରୁ ୱେଞ୍ଜାଞ୍ଜେରି ଜେ, ମା ଜୁଜୁଆକେଙ୍ଗ୍ନିକି ୱେସ୍ପା ଆଚ୍ଚେ, କୁଇଙ୍ଗ୍ନିକି ପାଃଗାଟୁ, ଆଟେ ଏମ୍ୱେନାଞ୍ଜିକି କୁଏଞ୍ଜିକି ପାଗିନେଞ୍ଜି, ଏୱାଞ୍ଜି ନିୟେ ଗର୍ରିତାୱା ଦଣ୍ଡ ପାଁନେଞ୍ଜି । 22ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ଏମ୍ୱେନାଞ୍ଜି ତା ଆମ୍ୱେସ୍ କି ଆଙ୍ଗିସ୍କାନିକି ରାଗା ଆନେଞ୍ଜି, ଏୱାଞ୍ଜି ନିୟେ ଗର୍ରିତାୱା ଦଣ୍ଡ ପାଁନେଞ୍ଜି । ଆଟେ ଏମ୍ୱେନାଞ୍ଜି ତା ଆମ୍ୱେସ୍ କି ଆଙ୍ଗିସ୍କାନିକି ଲେଜ୍ଜା କିନେଞ୍ଜି, ଏୱାଞ୍ଜି ବେର୍ ବିଚାର ଗର୍ରିତାୱା ଦଣ୍ଡ ପାଁନେଞ୍ଜି; ଆଟେ ଏମ୍ୱେନାଞ୍ଜି ତା ଆମ୍ୱେସ୍ କି ଆଙ୍ଗିସ୍କାନିକି ମୁର୍କଗାଟାଞ୍ଜି ଇଞ୍ଜାନ୍ ୱେସ୍ନେଞ୍ଜି, ଏୱାଞ୍ଜି ରିଞ୍ଜେନ୍ନି ନର୍କତାୱା ଦଣ୍ଡ ପାଁନେଞ୍ଜି । 23ଏଦାବାଗା, ଜଦି ବେଦିଇନ୍ଦା ନିନୁ ନି ନଇବେଦ୍ୟ ଅଇନି ତୁକାତାୱା ନି ବିରୁଦିଆଟି ନି ଆମ୍ବେସ୍ତି ଇନ୍ନି କାତା ମାନ୍ନେ ଇଞ୍ଜାନ୍ ଏଲୁ ଦିଆନେ, 24ଏହେଙ୍ଗ୍ ଆତେସି ଏ ବେଦି ନକେସ୍ ନି ନଇବେଦ୍ୟ ତୁହାନ୍ ନି ଆମ୍ୱେସ୍ ଟାକ୍କେ ହାଲ୍ମୁ, ଆଟେ କାହେ ନିନୁ ତା ଡ଼ାହି ଆଡ୍ଡାମୁ, ଏ ଡେଗ୍ଗା ୱାନାହି ନି ନଇବେଦ୍ୟ ଉଚ୍ଚର୍ଗ କିମୁ । 25ନି ସତ୍ରୁଗାଟାଞ୍ଜି ନିଙ୍ଗେ ବିଚାର ଗର୍ରିଇନ୍ଦା ଅୱିକିଞ୍ଜାନେଞ୍ଜି ଇଚ୍ଚେସି ତା କାହେ କାର୍ବେକ୍ ହାଜ୍ଜାନ୍ ନିନୁ ଏୱାଞ୍ଜ୍ ଡ଼ାହି ଆଡ୍ଡାମୁ, ଆଃଆତେସି ନି ସତ୍ରୁଗାଟାଞ୍ଜି ନିଙ୍ଗେ ବିଚାର କିଅନ୍ତାଞ୍ଜି କାଜ୍ଜୁତାୱା ସର୍ପି କିଆନେଞ୍ଜି, ଆଟେ ବିଚାର କିଅନ୍ତାଞ୍ଜି ନିଙ୍ଗେ ସିପେଙ୍ଗ୍ତି କାଜ୍ଜୁତାୱା ସର୍ପି କିଆନେଞ୍ଜି, ଆଟେ ସିପେଙ୍ଗ୍ ନିଙ୍ଗେ ବନ୍ଦି ଇଡ୍ଡୁତାୱା ଇଟ୍ଟାଦାନ୍ନେରି । 26ନାନୁ ନିଙ୍ଗେ ନିଜ୍ଜା ୱେସ୍ପିଞ୍ଜା, ନିନୁ ହାବେ ଟାକ୍କାଙ୍ଗ୍ ତେଃହାନ୍ ଟିକ୍ନା ଏ ଗର୍ରିତାୱାଟି ଇନିମିଡି ୱାଡ଼େ ହଚାନ୍ ୱାଅନ୍ ମୁଃଆ ।”
ଦାରିକାମା କୁଲାଟି ଗ୍ରାପନି
27“ମିରୁ ୱେଞ୍ଜାଞ୍ଜେରି ଜେ, ଇଦା ୱେସ୍ପା ଆଚ୍ଚେ, ମିରୁ ଦାରିକାମା କିଃଆଟୁ । 28ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ଜଦି ଏମ୍ୱେନାଞ୍ଜିକି ଇମ୍ୱିନ୍ କୁଆଲୁନିକି ଡ଼ଃଆନ୍ କାଡ଼୍କାଟି ହୁଡ଼ିନେଞ୍ଜି, ଏୱାଞ୍ଜି ଏଦା ଡ଼ାହି ତା ଏଲୁଟି ଦାରି ଆତେଞ୍ଜି । 29#ମାତି ୧୮:୯; ମାର୍କ ୯:୪୭ଆଟେ ମି ତିନ୍ନି କାନ୍ନୁ ଜଦି ମିଙ୍ଗେ ପାପ କାମା କିୱିକିଞ୍ଜାନେ, ଏହେଙ୍ଗ୍ ଆତେସି ଏଦା ୱେଚାନ୍ ତୁହ୍ଦୁ, ଇନାକି ମି ହାବେ ଗାଣ୍ଡି ନର୍କତାୱା ୱେଅନ୍ ତାୱାଟି ରଣ୍ଡି କାନ୍ନୁ ନାହେଡ୍ ଆଅନ୍ ମି ବାଗାଟି ଗାପ୍ଚି ନେହି ଆନେ । 30#ମାତି ୧୮:୮; ମାର୍କ ୯:୪୩ଆଟେ ମି ତିନ୍ନି କାଜ୍ଜୁ ଜଦି ମିଙ୍ଗେ ପାପ କାମା କିୱିକିଞ୍ଜାନେ, ଏହେଙ୍ଗ୍ ଆତେସି ଏଦା କ୍ରାଚାନ୍ ତୁହ୍ଦୁ, ଇନାକି ମି ମୁକ୍କେଲ୍ ଗାଣ୍ଡି ନର୍କତାୱା ୱେଅନ୍ ତାୱାଟି ରଣ୍ଡି କାଜ୍ଜୁ ନାହେଡ୍ ଆଅନି ମି ବାଗାଟି ଗାପ୍ଚି ନେହି ଆନେ ।”
ଜିସୁ ୱିଅର୍କିଚ୍ଚନ୍ତି କୁଲାଟି ଗ୍ରାପନ୍
(ମାତିଉ ୧୯:୯; ମାର୍କ ୧୦:୧୧–୧୨; ଲୁକ ୧୬:୧୮)
31 #
ମାତି ୧୯:୭; ମାର୍କ ୧୦:୪ “ଇ କାତା ୱାଡ଼େ ୱେସ୍ପା ଆନ୍ନେ ଜେ, ଏମ୍ୱେନାଞ୍ଜିକି ତା କୁଆଲୁନିକି ତୁହ୍ପିନ୍ନେଞ୍ଜି, ଏୱାଞ୍ଜି ତାଙ୍ଗେ ୱିଅର୍କିଚ୍ଚନ୍ତି ଆକୁ ହିପାକାଞ୍ଜି । 32#ମାତି ୧୯:୯; ମାର୍କ ୧୦:୧୧,୧୨; ଲୁକ ୧୬:୧୮; ୧କ ୭:୧୦,୧୧ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ଏମ୍ୱେନାଞ୍ଜିକି ତା କୁଆଲୁନିକି ଦାରିକାମା କୁଲାଟି ପିହାନ୍, ବିହି କୁଲା ବାଗାଟି ତୁହ୍ନ୍ନେଞ୍ଜି, ଇଚ୍ଚେସି ଏୱାଞ୍ଜି ତାଙ୍ଗେ ଦାରି କିୱି କିନ୍ନେଞ୍ଜି, ଆଟେ ଏମ୍ୱେନାଞ୍ଜିକି ତୁହାନ୍ନି କୁଆଲୁନିକି ବିବା ଆଇନ୍ନେଞ୍ଜି, ଏୱାଞ୍ଜି ଦାରି ଆଇନ୍ନେଞ୍ଜି ।”
ଜିସୁ ହାପ୍ପା କୁଲାଟି ଗ୍ରାପନି
33“ଆଟେ ମିରୁ ୱେଞ୍ଜାଞ୍ଜେରି ଜେ, ମା ଜୁଜୁଆକେଙ୍ଗିଆ ୱେସ୍ପା ଆଚ୍ଚେ, ମିରୁ କଲ ହାପ୍ପା କିଃଆଟୁ, ମତ୍ର ମି ହାପ୍ପା ହାବେ ଦାର୍ମୁ ବାଗାଟି ପାଲ୍ନି ଆଦେରି । 34#ଜାକୁ ୫:୧୨; ମାତି ୨୩:୨୨ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ଏଚ୍ଚେକ୍ୱାଡ଼େ ହାପ୍ପା କିଃଆଟୁ; ସର୍ଗତି ହାପ୍ପା କିଃଆଟୁ, ଇନାକି ଏଦି ମୁଲାପେନୁତି ଗାଦି, 35କି ପୁର୍ତିତି ହାପ୍ପା କିଃଆଟୁ, ଇନାକି ଏଦି ମୁଲାପେନୁତି କାଡୁ ଇଟ୍ଟା ଗର୍ରି; ଜିରୁସାଲମ ପାରୁଟି ହାପ୍ପା କିଃଆଟୁ, ଇନାକି ଏଦି ବେର୍ ରାଜେଞ୍ଜ୍ତି ଗାଡ଼ାନାଜୁ; 36ମି ତ୍ଲାଉ ଡିଗାନ୍ ହାପ୍ପା କିଃଆଟୁ, ଇନାକି ମିରୁ ରଣ୍ଡା ୱାଡ଼େ ତ୍ଲାଏର୍ ହୁକୁଲ୍ କି କାଲେ କିଅନ୍ତିକି ବଲ ହେଃଲ୍ଲେ । 37ମତ୍ର ମି ହାଁ କାତା ହାଁ ଆପାକାଦି, ଆଃଏ କାତା ଆଃଏ ଆପାକାଦି; ଇମ୍ୱାଟି ଗାପ୍ଚି କାତା ୱେସାନାହି ହାପ୍ପା କିତେସି ଏମ୍ବାଟି ଡ଼ଃଆନାଦି ପ୍ଲିନେ ।”
ୱ୍ଡେପ୍ଚ୍ଚି ନାଣ୍ଡନ୍ତି କୁଲାଟି ଗ୍ରାପନି
(ଲୁକ ୬:୨୯–୩୦)
38“ମିରୁ ୱେଞ୍ଜାଞ୍ଜେରି ଜେ, ଇଦା ୱେସ୍ପା ଆଚ୍ଚେ, କାନ୍ନୁ ବାଗାଟି କାନ୍ନୁ ଅଟେ ପାଡ୍ଡୁ ବାଗାଟି ପାଡ୍ଡୁ; 39ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ଦୁସ୍ଟଗାଟାଞ୍ଜିକି ୱ୍ଡେପ୍ଚ୍ଚିନାଣ୍ଡାଃଟୁ, ମତ୍ର ଏମ୍ୱେନାଞ୍ଜି ମିଙ୍ଗେ ରକଟ୍ ୱାଡୁତି ପିତେଲ୍ତାୱା ୱେତାନେଞ୍ଜି, ଏୱାଞ୍ଜିକି ଅଟେ ରକଟ୍ତି ପିତେଲ୍ ୱାଡ଼େ ତସାହିଦୁ । 40ଆଟେ ଜଦି ଏମ୍ୱେନାଞ୍ଜି ମି ଡ଼ାହି କ୍ଲେଲିଆନାହି ନିୟେ ଗର୍ରିତାୱା ମି ଗତାଙ୍ଗ୍ ମିଞ୍ଜାନ୍ ଅନେଞ୍ଜି, ତାଙ୍ଗେ ଚେଦର୍ ୱାଡ଼େ ହିଦୁ । 41ଆଟେ ଏମ୍ୱେନାଞ୍ଜିକି ମିଙ୍ଗେ ର କିଲ ମିଟର ହାଲ୍ବନ୍ତିକି ବାଦ୍ୟ କିଆତେସି ତା ଡ଼ାହି ରି କିଲ ମିଟର ହାଜ୍ଜୁ । 42ଏମ୍ୱେନାଞ୍ଜି ମିଙ୍ଗେ ୱ୍ରିହ୍ତାନେଞ୍ଜି, ଏୱାଞ୍ଜିକି ହିଦୁ, ଆଟେ ଏମ୍ୱେନାଞ୍ଜି ମି ତାୱାଟି ରିଡ଼ା ଅନ୍ତିକି ମନ କିତେସି, ଏୱାଞ୍ଜିକି ଆଃଏ କିଃଆଟୁ ।”
ସତ୍ରୁନିକି ଜେଡା କିଅନ୍ତି କୁଲାଟି ଗ୍ରାପନି
(ଲୁକ ୬:୨୭–୨୮; ଲୁକ ୬:୩୨–୩୬)
43“ମିରୁ ୱେଞ୍ଜାଞ୍ଜେରି ଜେ, ଇଦା ୱେସ୍ପା ଆଚ୍ଚେ, ମି ହଡ଼୍ଗି ଦାଲ୍ଲାନିକି ଜେଡା କିଦୁ ଅଟେ ମି ସତ୍ରୁନିକି ସ୍ରିଞ୍ଜାଟୁ । 44ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ମି ସତ୍ରୁଙ୍ଗ୍ନିକି ଜେଡା କିଦୁ, ଆଟେ ଏମ୍ୱେନାରି ମିଙ୍ଗେ ବିହାନପୁ ହିଞ୍ଜାନେରି, ଏୱାର୍ ବାଗାଟି ପ୍ରାତ୍ନା କିଦୁ, 45ଇହିଙ୍ଗିସି କିତେସି ମିରୁ ମି ସର୍ଗତି ଆବାତି ବଦାଙ୍ଗ୍ ଆଦେରି । ଏୱାଞ୍ଜ୍ ତ ଡ଼ଃଆନାରି ଅଟେ ନେହାର୍ କୁଃଏଟି ତା ୱେଲା ହପେନ୍ନେଞ୍ଜି, ଆଟେ ଦାର୍ମିକ ଅଟେ ଅଦର୍ମଗାଟାରି କୁଃଏଟି ପିଜ୍ଜୁ ରିୱି କିନ୍ନେଞ୍ଜି । 46ଆଟେ ଏମ୍ୱେନାରି ମିଙ୍ଗେ ଜେଡା କିଞ୍ଜାନେରି, ଏୱାରିକି ଜେଡା କିତେସି ମିରୁ ଇନ୍ନି ପୁରସ୍କାର ପାଁଣ୍ଡେରି ? ସିସ୍ଟୁଅନ୍ତାରି ୱାଡ଼େ ଇନ୍ନା ଏଦା କିହେଃଲ୍ଲେରି ? 47ଆଟେ ମିରୁ ଜଦି ୱାର୍ରି ମି ମି ଆମ୍ୱେସାଙ୍ଗାନିକି ଜୁହାରି କିଞ୍ଜେରି, ଏହେଙ୍ଗ୍ ଆତେସି ମିରୁ ଇନ୍ନି ବେର୍ କାମା କିଞ୍ଜେରି ? ଇନାକି ଅନଜିହୁଦି ଦାଲ୍ଲା ୱାଡ଼େ ଇହିଙ୍ଗିସି କିନ୍ନେରି । 48ଏଦାବାଗା ସର୍ଗତି ମି ଆବା ଇନିମିଡି ହାବେତ୍ କୁଲାତାୱା ସିଦ୍ଦଗାଟାଞ୍ଜି ମିରୁ ୱାଡ଼େ ଏହେଙ୍ଗିସି ହାବେତ୍ କୁଲାତାୱା ସିଦ୍ଦ ଆଦୁ ।”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0