Maruko 5
5
i Yēsu paka'inava kana kipalrar na trau
(Matay 8.28-34; Luka 8.26-39)
1mukuwa nazu i Galili kana danaw makakuwaziyu, tu pinidare'an i Gērasan na trau. 2a mulusu kana tamina i Yēsu mu kiretrevung za sasa a mupana kemay trevelran na trau; kipalrar ini na trau, 3kaazu i trevelran, iniyan za trau karuwa demikedikes kantaw, na kusali mu 'azi maruwa demadikus kantaw. 4na trau parepidan lra tu tra'etra'ay tu kuy zi na lima, mawmu tu tuketukaw na tra'etra' kana kuy, pilesaw puritru' na tra'etra' i lima. iniyan za trau za mikezang za ma'izang maruwa demepel kantaw. 5nu 'uninan lra nu 'aremeng lra mu kazu i trevelran zi i alalas 'emuy'uy pakirev i intaw, zi melak ziya kana varasa' meranak kanantu zazek i intaw.
6kemay dawilr mena'u kani Yēsu i intaw, zi pavekas zuwa, malrituzu kani Yēsu i ngawayan, 7kematamuni 'umuy'uy marengay: <<na maraitraitras na Viruwa i itras tu Alrak i Yēsu, kemuda zi zuwa u meringiza kaninku awa? temuzu' ku kana Viruwa i itras kiyami kannu, ipakaulep kaninku!>> (8kema marengay i intaw kanini na ngay mu 'alrana temuru lra kantaw marengay i Yēsu: <<na palrar, upana kemay kanizu na trau i zazek!>>)
9kiyumalr i Yēsu kantaw: <<i eman nu ngadan?>>
temuvang i intaw: <<ku ngadan i <ma'izang mulepun>, 'alrana salaw mi kazuwan!>> 10i intaw masasalr ziya kiyami kani Yēsu za 'aziya venawi puveruk kanazu i kanizu na kinazuwan.
11i dalrep kana panuwanun na zenan mu penauwa ulra mulepun a lriyung maaekan; 12na palrar mu kiyami kani Yēsu, marengay: <<pusavakaw mi kana lriyulriyung, pikazuwa mi kana lriyung i savakan a!>> 13paturus kanazu i Yēsu; zi na palrar mupana kamay kanizu na trau i zazek, musavak kana lriyulriyung; na mulepun na lriyung (kararuwa za zuwaya kuzulr) mulesak kana tengalr, musavak kana danaw, minatray lra kana zanum peniya.
14na purarikan kana lriyung na trau penusar lra mapiya; nazu mukuwa kana kazekalran zi i paliyus na zekalr pakalrazama kanini na lremak. mupatraran mapapiya zuwa mena'uwa za ulra a eman lremak. 15mukuwa kani Yēsu i kazu nazu, mena'u kanizu na kipalrar a aziyu ziyan kana lepun na palrar na trau kazu kemayan, mikavang lra, patezelr tu anger, zi salaw makakaud. 16na mena'u kanini na lremak tu pinakalrangan na trau mu, na nirehayan kana kipalrar izu na trau zi na lriyulriyung na lremak pakalrazamanay lra kana trau ziyan. 17zi kiyami nazu kani Yēsu za uveruk uwaday kanantu pinidare'an nazu.
18i Yēsu a muwaitras kana tamina mu, izu na kipalrar lra na trau mu zuwa kiyami kani Yēsu marengay: <<'alrazi pakurelrangaw ku kannu mukuwa.>>
19'azi muwai i Yēsu, mawmu marengay kantaw: <<uruma' i inu zi rengayu nu wadadiyan zi 'ali'an, kemudakuda melraman temara i Luzu kannu zi tu kinakuda kannu na lremak.>>
20muveruk lra izu na trau, kemirakaz i Dēkapulis na pinidare'an palenak kanantu kinakuda kantaw na lremak ni Yēsu; na kinger ziya na trau mu iniyan za 'azi mare'alav.
alrak na vavayan ni Yēru zi na kuwaleng kana maiviv na vavayan
(Matay 9.18-26; Luka 8.40-56)
21muitras ziya kana tamina i Yēsu melavat kana danaw i kaziyu; kana danaw i ngaydiran kazu a mulepun a trau muparazuk kantaw i ngawayan. 22i kazu tu ma'izang kana waazukan ruma' na mingadan kani Yēru, kemazu zuwa lra. i intaw a mena'u kani Yēsu mu payas miherupu i kakuyan kantaw, 23penakasa pakirungetr kiyami kantaw: <<ku alrak na vavayan kuwaleng pakirev uri kiyanatray lra, 'alrazi alamu i inu dikesi i intaw, paka'inava kantaw, venaaw kantaw!>>
24zi kurelrang kantaw mukasa mukuwa i Yēsu. kazuwan na trau kurelrang kantaw mukuwa, 'emetre'etr kantaw.
25i kazu ulra a sasa vavayan kuwaleng lra za muketrep zi zuwaya 'ami za maiviv, 26kina'u lra za kazuwan kana ising, salaw lra kalramalraman kanantu nanayan, mukipiya lra tu piniemanan; mawmu 'azi paru'inava nantu kuwalengan, muveliyas marapakirev kana wariwari ziya. 27mikiningeran lra kanantu lremak ni Yēsu i intaw, semeneng kurezaul kana trau i savakan, mukuwa kani Yēsu i likuzan, semihiyu kanantu kavang, 28kemianger: <<nu semihiyu ku kanantu kavang mu, 'azika'azi 'inava.>>
29tu kuwalengan na maiviv payas maziyazi, marulrazam za 'inava lra tu kuwalengan. 30payas malrazam i Yēsu za ulra kezang kemay kanantu zazek mupana, zi marepiles i savakan kana trau, marengay: <<i eman na semihiyu kananku kavang?>>
31temuvang nantu temakesi: <<na'uwi i inu, kemani kana kazuwan na trau 'emetre'etr kannu, kemuda zi kiyumalr u za i eman na semihiyu kannu?>>
32kemazu zi i Yēsu mena'una'u i paliyuliyus, maranger malrazam za i eman na semihiyu kantaw. 33izu na vavayan malrazam kana mureha kantaw i intaw i zazek na lremak, zi herareheran zuwa malrituzuwa i kakuyan kani Yēsu, penatezelr marengay kana nirekudayan ziya. 34marengay kantaw i Yēsu: <<alrak, nannu pakutatena'an venaaw lra kannu! ping-an uruma' lra mu, iniyan lra nu kuwalengan.>>
35a mararengay ziya i Yēsu kanini na ngay mu, ulra a trau kemay kanantu ruma' na ma'izang kana waazukan ruma' mahelrahelr zuwa, marengay kani Yēru: <<minatray lra nannu alrak na vavayan, amanan lra pakavangavang kani sinsi ziyamaw?>>
36'azi meli'i#5.36 <<'azi meli'i>> karuwa marengay za <<kinger lra i Yēsu>>. kanantu nirengay nazu i Yēsu, kema marengay kana ma'izang i waazukan ruma': <<ikakaud, pakarasa pakutatena'!>> 37kemazu zi pilralrangaw i Pētēro, Yakob, zi i waditaw ni Yakob i Yohanē salrangan mukuwa, 'azi pakurelrang kana zuma na trau. 38meredek nazu kanantu ruma' na ma'izang kana waazukan ruma', i Yēsu mena'u za mutriyur mapiya, trematrangis pakirev. 39musavak i Yēsu kema marengay kanazu: <<kemuda zi veri'awan trematrangis mu awa? 'azi minatray na alrak, mawna trurin alrupe' lra.>>
40semiri laliked kantaw nazu mapiya, zi venawi pupatraran kanazu i Yēsu, mawmau tu ma'izangan na alrak zi tu temakesi na tatelu kurelrang kantaw musavak kanantu kiya'ezengan kana alrak na vavayan. 41kemezeng kanantu lima kana alrak na vavayan i intaw, marengay kantaw: <<talita, kumi!>> tu pauwayan mu mawna <<ivi', patalru ku kannu, karahan!>>
42na alrak na vavayan payas marahan makawang (a azu mu muketrep zi zuwaya 'ami lra i intaw). ini na lremak salaw paherareher kana mapapiya! 43i Yēsu penazangal patalru kanazu amanan pakalrazam kana trau, zi patalru ziya veray za aekanen paekan kana alrak.
Právě zvoleno:
Maruko 5: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Maruko 5
5
i Yēsu paka'inava kana kipalrar na trau
(Matay 8.28-34; Luka 8.26-39)
1mukuwa nazu i Galili kana danaw makakuwaziyu, tu pinidare'an i Gērasan na trau. 2a mulusu kana tamina i Yēsu mu kiretrevung za sasa a mupana kemay trevelran na trau; kipalrar ini na trau, 3kaazu i trevelran, iniyan za trau karuwa demikedikes kantaw, na kusali mu 'azi maruwa demadikus kantaw. 4na trau parepidan lra tu tra'etra'ay tu kuy zi na lima, mawmu tu tuketukaw na tra'etra' kana kuy, pilesaw puritru' na tra'etra' i lima. iniyan za trau za mikezang za ma'izang maruwa demepel kantaw. 5nu 'uninan lra nu 'aremeng lra mu kazu i trevelran zi i alalas 'emuy'uy pakirev i intaw, zi melak ziya kana varasa' meranak kanantu zazek i intaw.
6kemay dawilr mena'u kani Yēsu i intaw, zi pavekas zuwa, malrituzu kani Yēsu i ngawayan, 7kematamuni 'umuy'uy marengay: <<na maraitraitras na Viruwa i itras tu Alrak i Yēsu, kemuda zi zuwa u meringiza kaninku awa? temuzu' ku kana Viruwa i itras kiyami kannu, ipakaulep kaninku!>> (8kema marengay i intaw kanini na ngay mu 'alrana temuru lra kantaw marengay i Yēsu: <<na palrar, upana kemay kanizu na trau i zazek!>>)
9kiyumalr i Yēsu kantaw: <<i eman nu ngadan?>>
temuvang i intaw: <<ku ngadan i <ma'izang mulepun>, 'alrana salaw mi kazuwan!>> 10i intaw masasalr ziya kiyami kani Yēsu za 'aziya venawi puveruk kanazu i kanizu na kinazuwan.
11i dalrep kana panuwanun na zenan mu penauwa ulra mulepun a lriyung maaekan; 12na palrar mu kiyami kani Yēsu, marengay: <<pusavakaw mi kana lriyulriyung, pikazuwa mi kana lriyung i savakan a!>> 13paturus kanazu i Yēsu; zi na palrar mupana kamay kanizu na trau i zazek, musavak kana lriyulriyung; na mulepun na lriyung (kararuwa za zuwaya kuzulr) mulesak kana tengalr, musavak kana danaw, minatray lra kana zanum peniya.
14na purarikan kana lriyung na trau penusar lra mapiya; nazu mukuwa kana kazekalran zi i paliyus na zekalr pakalrazama kanini na lremak. mupatraran mapapiya zuwa mena'uwa za ulra a eman lremak. 15mukuwa kani Yēsu i kazu nazu, mena'u kanizu na kipalrar a aziyu ziyan kana lepun na palrar na trau kazu kemayan, mikavang lra, patezelr tu anger, zi salaw makakaud. 16na mena'u kanini na lremak tu pinakalrangan na trau mu, na nirehayan kana kipalrar izu na trau zi na lriyulriyung na lremak pakalrazamanay lra kana trau ziyan. 17zi kiyami nazu kani Yēsu za uveruk uwaday kanantu pinidare'an nazu.
18i Yēsu a muwaitras kana tamina mu, izu na kipalrar lra na trau mu zuwa kiyami kani Yēsu marengay: <<'alrazi pakurelrangaw ku kannu mukuwa.>>
19'azi muwai i Yēsu, mawmu marengay kantaw: <<uruma' i inu zi rengayu nu wadadiyan zi 'ali'an, kemudakuda melraman temara i Luzu kannu zi tu kinakuda kannu na lremak.>>
20muveruk lra izu na trau, kemirakaz i Dēkapulis na pinidare'an palenak kanantu kinakuda kantaw na lremak ni Yēsu; na kinger ziya na trau mu iniyan za 'azi mare'alav.
alrak na vavayan ni Yēru zi na kuwaleng kana maiviv na vavayan
(Matay 9.18-26; Luka 8.40-56)
21muitras ziya kana tamina i Yēsu melavat kana danaw i kaziyu; kana danaw i ngaydiran kazu a mulepun a trau muparazuk kantaw i ngawayan. 22i kazu tu ma'izang kana waazukan ruma' na mingadan kani Yēru, kemazu zuwa lra. i intaw a mena'u kani Yēsu mu payas miherupu i kakuyan kantaw, 23penakasa pakirungetr kiyami kantaw: <<ku alrak na vavayan kuwaleng pakirev uri kiyanatray lra, 'alrazi alamu i inu dikesi i intaw, paka'inava kantaw, venaaw kantaw!>>
24zi kurelrang kantaw mukasa mukuwa i Yēsu. kazuwan na trau kurelrang kantaw mukuwa, 'emetre'etr kantaw.
25i kazu ulra a sasa vavayan kuwaleng lra za muketrep zi zuwaya 'ami za maiviv, 26kina'u lra za kazuwan kana ising, salaw lra kalramalraman kanantu nanayan, mukipiya lra tu piniemanan; mawmu 'azi paru'inava nantu kuwalengan, muveliyas marapakirev kana wariwari ziya. 27mikiningeran lra kanantu lremak ni Yēsu i intaw, semeneng kurezaul kana trau i savakan, mukuwa kani Yēsu i likuzan, semihiyu kanantu kavang, 28kemianger: <<nu semihiyu ku kanantu kavang mu, 'azika'azi 'inava.>>
29tu kuwalengan na maiviv payas maziyazi, marulrazam za 'inava lra tu kuwalengan. 30payas malrazam i Yēsu za ulra kezang kemay kanantu zazek mupana, zi marepiles i savakan kana trau, marengay: <<i eman na semihiyu kananku kavang?>>
31temuvang nantu temakesi: <<na'uwi i inu, kemani kana kazuwan na trau 'emetre'etr kannu, kemuda zi kiyumalr u za i eman na semihiyu kannu?>>
32kemazu zi i Yēsu mena'una'u i paliyuliyus, maranger malrazam za i eman na semihiyu kantaw. 33izu na vavayan malrazam kana mureha kantaw i intaw i zazek na lremak, zi herareheran zuwa malrituzuwa i kakuyan kani Yēsu, penatezelr marengay kana nirekudayan ziya. 34marengay kantaw i Yēsu: <<alrak, nannu pakutatena'an venaaw lra kannu! ping-an uruma' lra mu, iniyan lra nu kuwalengan.>>
35a mararengay ziya i Yēsu kanini na ngay mu, ulra a trau kemay kanantu ruma' na ma'izang kana waazukan ruma' mahelrahelr zuwa, marengay kani Yēru: <<minatray lra nannu alrak na vavayan, amanan lra pakavangavang kani sinsi ziyamaw?>>
36'azi meli'i#5.36 <<'azi meli'i>> karuwa marengay za <<kinger lra i Yēsu>>. kanantu nirengay nazu i Yēsu, kema marengay kana ma'izang i waazukan ruma': <<ikakaud, pakarasa pakutatena'!>> 37kemazu zi pilralrangaw i Pētēro, Yakob, zi i waditaw ni Yakob i Yohanē salrangan mukuwa, 'azi pakurelrang kana zuma na trau. 38meredek nazu kanantu ruma' na ma'izang kana waazukan ruma', i Yēsu mena'u za mutriyur mapiya, trematrangis pakirev. 39musavak i Yēsu kema marengay kanazu: <<kemuda zi veri'awan trematrangis mu awa? 'azi minatray na alrak, mawna trurin alrupe' lra.>>
40semiri laliked kantaw nazu mapiya, zi venawi pupatraran kanazu i Yēsu, mawmau tu ma'izangan na alrak zi tu temakesi na tatelu kurelrang kantaw musavak kanantu kiya'ezengan kana alrak na vavayan. 41kemezeng kanantu lima kana alrak na vavayan i intaw, marengay kantaw: <<talita, kumi!>> tu pauwayan mu mawna <<ivi', patalru ku kannu, karahan!>>
42na alrak na vavayan payas marahan makawang (a azu mu muketrep zi zuwaya 'ami lra i intaw). ini na lremak salaw paherareher kana mapapiya! 43i Yēsu penazangal patalru kanazu amanan pakalrazam kana trau, zi patalru ziya veray za aekanen paekan kana alrak.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023