Maruko 15
15
kisayvang i ngawayan kani Pilato
(Matay 27.1-2, 11-14; Luka 23.1-5; Yohanē 18.28-38)
1a kazuwa wariyan semavalr, na ma'izang na rahan pakunamun mukasa kana ciyoro, na sinsi kana Sēsiyo, zi kana gikay mapiya mazayazayar, piya lra kemuret kanantu kinianganger kana kiyakarunan. tu dadikusaw i Yēsu nazu, urungaw, tuluzanay kani Pilato. 2kiyumalr i Pilato kantaw: <<maw u yawan kana Yodaya na trau ziyamaw?>>
temuvang i Yēsu: <<ninnu nirengay i ini.>>
3na ma'izang na rahan kokso kani Yēsu za sazu a lremak, 4i Pilato masalr ziya kiyumalr kani Yēsu marengay: <<na'uwi, kokso nazu kannu kemani kana sazu za pinamelriyan, 'azi u tatuvang ziyamaw?>>
5i Yēsu kemazu 'azi marengay za saya saya za ngay; salaw pakumelri i Pilato.
kisayvang za kiyanatrayan
(Matay 27.15-26; Luka 23.13-25; Yohanē 18.39--19.16)
6nu meredek ziya kana palalavat na wariyan mu, i Pilato paturus kanantu kiniyami na zinekalranan nantu niranger meretra' za sasa na inimeng. 7penauwa ulra a sasa mingadan kani Baraba, mukasa za papida kana tematengez zi pinatray za trau na kuwaatrengan pinukasa inimeng. 8a muwazuk na zinekalranan, kiyami kani Pilato za paturusanay za kakuwayanan muramawan kanazu za kemakuda kanini na lremak. 9kiyumalr i Pilato kanazu: <<maranger mu kaninku za muramawan kanmu zi meretra' kanantu yawan na Yodaya na trau ziyamaw?>> 10tatena' mu maw malrazam i Pilato, na ma'izang na rahan maw masepelr zi murung kani Yēsu zuwa temuluz veray kantaw.
11mawmu na tinuma'izang na rahan pusuwasuwan kana zinekalranan, maruwaruwa kiyami kani Pilato za muramawan kanazu zi meretra' kani Baraba. 12masalr ziya kiyumalr i Pilato kana zinekalranan: <<nu kemazu mu, nanmu kinakuwa <yawan i Yodaya na trau> izu na trau, ku i kuwadakudayaw awa?>>
13masalr ziya kematamuni 'emuy'uy nazu: <<trehetrehan i ziyuzika i intaw!>>
14kiyumalr i Pilato: <<a eman nantu kinakuda na kuwatreng ziyamaw?>>
puwapuwa kematamuni 'emuy'uy nazu: <<trehetrehan i ziyuzika i intaw!>>
15i Pilato tu marangeran ki'inavanava kana zinekalranan, zi venakevak meretra' kani Baraba veray kanazu, zi semeratr ziya melrepit lra kani Yēsu, zi tuluzanay kana trau mukuwa tremehetreha i ziyuzika.
temariyaeman kani Yēsu na hitay
(Matay 27.27-31; Yohanē 19.2-3)
16na hitay murung kani Yēsu musavak kana sotokfu i patraran. puwazukaw mapiya kana hitay. 17pukavang kani Yēsu kana pinalrahi na lrungpaw nazu, zi 'emupiz ziya za saya kana su'asu'ar za kavung, pukavung kantaw, 18kemazu zi semungal kantaw, marengay: <<na yawan i Yodaya na trau banzay!>> 19melak ziya kana 'uway melrepit kantaw i tranguru' nazu, temama kantaw, malrituzu semungal kantaw. 20piya lra temariyaeman mu, melapus kanantu lrungpaw na pinalrahi, zi tu pukavangay ziya kanantu kavang i intaw, kemazu zi murung kantaw pupatraran mukuwa tremehetreha i ziyuzika.
kitrehetreh kana ziyuzika i Yēsu
(Matay 27.32-44; Luka 23.26-43; Yohanē 19.17-27)
21kazu i dadalan mu, kiretrevung za sasa a trau nazu, mingadan kani Simon, mawziyan kemay i zekalr zuwa i kazekalran, nazu pa'isel kantaw paruveli kani Yēsu semangalr kana ziyuzika, (i Simon maw a Kulinay na trau, i temamataw ni Alisanta zi i Rufus). 22nazu tu urungaw i Yēsu mukuwa kana saya na kinazuwan, i Golgota kema, tu pauwayan mu mawna <<ukaukakan na 'uma>>. 23kazu i kazu, melak kana zinaul za moyak na kutra pa'aw kani Yēsu nazu, mawmu 'azi 'emaw i Yēsu. 24kemazu zi tu trehetrehanay i Yēsu kana ziyuzika i itras nazu, zi karaivuivus, zi tu paniniyaw nantu kavang lra. 25a 'emanamanan iwaya tuki mu, nazu tu trehetrehanay kana ziyuzika i Yēsu. 26nantu pinamelriyan na kamepang vinavalray: <<yawan i Yodaya na trau.>> 27a azu na zazuwa na malemu kuwaatrengan na trau tu pakurelranganay kani Yēsu tremehetreh i ziyuzika nazu, na sasa kazu i tarawalran kantaw, na sasa kazu i tarawiri kantaw.#15.27 ulra pidaya na awatranan lulun puwayay za 28 vatras <<nu kemani, tu nirengay na Sēsiyo <i intaw puwayaraw za pimamelriyan i savak> mu uwasay lra.>> (na'u kana Luka 22.37 vatras)
29na makalrang i kazu na trau mu semiri kani Yēsu, malingaling marengay: <<is, i inu na aivas kana vangesar ruma', teluwa wariyan aasalr parahan mu! 30harem ulusu kemay kana ziyuzika, venaawa u kannu i inu a!>>
31na ma'izang na rahan zi na sinsi kana Sēsiyo mu mararesan karalikeliked kantaw, zi mazayazayar: <<venaaw lra kana trau i intaw, mawmu 'azi pakavaaw kantaw i intaw! 32i Kiristo, yawan na Iseraēl a, harem ulusu kemay kana ziyuzika, pana'uway mi, zi pakutatena' mi!>>
na ipakurelrang kani Yēsu itrehetreh i ziyuzika na trau mu mararesan semiri maselru kantaw.
na kiyanatray ni Yēsu
(Matay 27.45-56; Luka 23.44-49; Yohanē 19.28-30)
33a kare'alriyan mu, 'emaremeng i dare' peniya, kararuwa teluwa tuki tu kasawariyan. 34palru lra za teluwa tuki, kematamuni 'emuy'uy i Yēsu: <<Ēloi, Ēloi, lramasapaketani?>> tu pauwayan maw: <<nanku Viruwa i itras, nanku Viruwa i itras, kemuda zi 'ematelr u kaninku ziyamaw?>>
35na matikezir i trapingiran na trau ulra papida a kinger lra, marengay: <<kingeri i inu, venavina kani Ēliya i intaw!>> 36ulra a sasa pavekas mukuwa, na tinimusan kana 'aresem na kutra na takumulr tu vetevetanay kana 'uway i itras, pudalrepaw kanantu udung ni Yēsu, marengay: <<ngangara, mena'uwa ta kani Ēliya za zazuwa nay meretra' pulrusu kantaw nay!>>
37kematamuni 'emuy'uy paresan i Yēsu, zi mureput lra na iyaengaz.
38na ipalingez na inuwan kana vangesar ruma' mu, kemay i itras palru i lusu musilra' parekazuwa. 39na kazu matikezir i ngawayan kana ziyuzika a sasa na ma'izang kana hitay, mena'u kani Yēsu za 'emuy'uy#15.39 ulra pidaya na awatranan lulun iniyan za <<'emuy'uy>>. zi minatray na nirekudayan, zi marengay: <<ini na trau mu tatena' za tu Alrak na Viruwa i itras.>>
40ulra ziya papida na vavayan kemay dawilr mena'una'u; i savak ulra na Motara i Maliya, zi ulra ziya Maliya i tainataw ni Yakob na makiteng zi Yosēf, ulra ziya i Salomē. 41i Yēsu kazu ziya i Galili mu kurelrang lra nazu kantaw, kikarun kantaw. ulra ziya za zuma kazuwan na vavayan kurelrang kani Yēsu zuwa i Yērusalem.
iyatrevelr kani Yēsu
(Matay 27.59-61; Luka 23.50-56; Yohanē 19.38-42)
42-43a karaurauv mu, i Alimatay na trau i Yosēf zuwa lra; i intaw maw a salaw kinaira za trau a giing, penakasa talrima za mula'esiya kanantu pinitrepa mikezang na Viruwa i itras. izu na wari maw a kapadangan na wari (mawna katalaulepan na wari a pakangawayan za saya wari). i Yosēf kema'uringetr mukuwa kirepana'uwa kani Pilato, kiyami kantaw za aepetran melrasez kanantu zazek ni Yēsu. 44kinger i Pilato za minatray lra i Yēsu mu, salaw maherareher. tu pazuwayaw na ma'izang kana hitay, kiyumalr kantaw za sawariyan lra nay tu kininatrayan ni Yēsu#15.44 ulra pidaya na awatranan lulun iniyan za <<sawariyan>>.. 45nu maw kituluz kemay kana ma'izang kana hitay za ngay mu, zi tu verayanay kani Yosēf nantu zazek ni Yēsu i Pilato. 46tremima' za muwa na inuwan i Yosēf, pulusuwaw tu zazek ni Yēsu, manay kana muwa na inuwan temulre'ay meliputr, tra'anay kana kinerutran za danapan a saya na trevelran, zi tu kulukulungaw ziya a saya varasa', metrav kana sulray na trevelran. 47na Motara i Maliya zi i tainataw ni Yosēf i Maliya mu kazu milran mena'una'u kana niretra'an kani Yēsu na kinazuwan.
Právě zvoleno:
Maruko 15: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Maruko 15
15
kisayvang i ngawayan kani Pilato
(Matay 27.1-2, 11-14; Luka 23.1-5; Yohanē 18.28-38)
1a kazuwa wariyan semavalr, na ma'izang na rahan pakunamun mukasa kana ciyoro, na sinsi kana Sēsiyo, zi kana gikay mapiya mazayazayar, piya lra kemuret kanantu kinianganger kana kiyakarunan. tu dadikusaw i Yēsu nazu, urungaw, tuluzanay kani Pilato. 2kiyumalr i Pilato kantaw: <<maw u yawan kana Yodaya na trau ziyamaw?>>
temuvang i Yēsu: <<ninnu nirengay i ini.>>
3na ma'izang na rahan kokso kani Yēsu za sazu a lremak, 4i Pilato masalr ziya kiyumalr kani Yēsu marengay: <<na'uwi, kokso nazu kannu kemani kana sazu za pinamelriyan, 'azi u tatuvang ziyamaw?>>
5i Yēsu kemazu 'azi marengay za saya saya za ngay; salaw pakumelri i Pilato.
kisayvang za kiyanatrayan
(Matay 27.15-26; Luka 23.13-25; Yohanē 18.39--19.16)
6nu meredek ziya kana palalavat na wariyan mu, i Pilato paturus kanantu kiniyami na zinekalranan nantu niranger meretra' za sasa na inimeng. 7penauwa ulra a sasa mingadan kani Baraba, mukasa za papida kana tematengez zi pinatray za trau na kuwaatrengan pinukasa inimeng. 8a muwazuk na zinekalranan, kiyami kani Pilato za paturusanay za kakuwayanan muramawan kanazu za kemakuda kanini na lremak. 9kiyumalr i Pilato kanazu: <<maranger mu kaninku za muramawan kanmu zi meretra' kanantu yawan na Yodaya na trau ziyamaw?>> 10tatena' mu maw malrazam i Pilato, na ma'izang na rahan maw masepelr zi murung kani Yēsu zuwa temuluz veray kantaw.
11mawmu na tinuma'izang na rahan pusuwasuwan kana zinekalranan, maruwaruwa kiyami kani Pilato za muramawan kanazu zi meretra' kani Baraba. 12masalr ziya kiyumalr i Pilato kana zinekalranan: <<nu kemazu mu, nanmu kinakuwa <yawan i Yodaya na trau> izu na trau, ku i kuwadakudayaw awa?>>
13masalr ziya kematamuni 'emuy'uy nazu: <<trehetrehan i ziyuzika i intaw!>>
14kiyumalr i Pilato: <<a eman nantu kinakuda na kuwatreng ziyamaw?>>
puwapuwa kematamuni 'emuy'uy nazu: <<trehetrehan i ziyuzika i intaw!>>
15i Pilato tu marangeran ki'inavanava kana zinekalranan, zi venakevak meretra' kani Baraba veray kanazu, zi semeratr ziya melrepit lra kani Yēsu, zi tuluzanay kana trau mukuwa tremehetreha i ziyuzika.
temariyaeman kani Yēsu na hitay
(Matay 27.27-31; Yohanē 19.2-3)
16na hitay murung kani Yēsu musavak kana sotokfu i patraran. puwazukaw mapiya kana hitay. 17pukavang kani Yēsu kana pinalrahi na lrungpaw nazu, zi 'emupiz ziya za saya kana su'asu'ar za kavung, pukavung kantaw, 18kemazu zi semungal kantaw, marengay: <<na yawan i Yodaya na trau banzay!>> 19melak ziya kana 'uway melrepit kantaw i tranguru' nazu, temama kantaw, malrituzu semungal kantaw. 20piya lra temariyaeman mu, melapus kanantu lrungpaw na pinalrahi, zi tu pukavangay ziya kanantu kavang i intaw, kemazu zi murung kantaw pupatraran mukuwa tremehetreha i ziyuzika.
kitrehetreh kana ziyuzika i Yēsu
(Matay 27.32-44; Luka 23.26-43; Yohanē 19.17-27)
21kazu i dadalan mu, kiretrevung za sasa a trau nazu, mingadan kani Simon, mawziyan kemay i zekalr zuwa i kazekalran, nazu pa'isel kantaw paruveli kani Yēsu semangalr kana ziyuzika, (i Simon maw a Kulinay na trau, i temamataw ni Alisanta zi i Rufus). 22nazu tu urungaw i Yēsu mukuwa kana saya na kinazuwan, i Golgota kema, tu pauwayan mu mawna <<ukaukakan na 'uma>>. 23kazu i kazu, melak kana zinaul za moyak na kutra pa'aw kani Yēsu nazu, mawmu 'azi 'emaw i Yēsu. 24kemazu zi tu trehetrehanay i Yēsu kana ziyuzika i itras nazu, zi karaivuivus, zi tu paniniyaw nantu kavang lra. 25a 'emanamanan iwaya tuki mu, nazu tu trehetrehanay kana ziyuzika i Yēsu. 26nantu pinamelriyan na kamepang vinavalray: <<yawan i Yodaya na trau.>> 27a azu na zazuwa na malemu kuwaatrengan na trau tu pakurelranganay kani Yēsu tremehetreh i ziyuzika nazu, na sasa kazu i tarawalran kantaw, na sasa kazu i tarawiri kantaw.#15.27 ulra pidaya na awatranan lulun puwayay za 28 vatras <<nu kemani, tu nirengay na Sēsiyo <i intaw puwayaraw za pimamelriyan i savak> mu uwasay lra.>> (na'u kana Luka 22.37 vatras)
29na makalrang i kazu na trau mu semiri kani Yēsu, malingaling marengay: <<is, i inu na aivas kana vangesar ruma', teluwa wariyan aasalr parahan mu! 30harem ulusu kemay kana ziyuzika, venaawa u kannu i inu a!>>
31na ma'izang na rahan zi na sinsi kana Sēsiyo mu mararesan karalikeliked kantaw, zi mazayazayar: <<venaaw lra kana trau i intaw, mawmu 'azi pakavaaw kantaw i intaw! 32i Kiristo, yawan na Iseraēl a, harem ulusu kemay kana ziyuzika, pana'uway mi, zi pakutatena' mi!>>
na ipakurelrang kani Yēsu itrehetreh i ziyuzika na trau mu mararesan semiri maselru kantaw.
na kiyanatray ni Yēsu
(Matay 27.45-56; Luka 23.44-49; Yohanē 19.28-30)
33a kare'alriyan mu, 'emaremeng i dare' peniya, kararuwa teluwa tuki tu kasawariyan. 34palru lra za teluwa tuki, kematamuni 'emuy'uy i Yēsu: <<Ēloi, Ēloi, lramasapaketani?>> tu pauwayan maw: <<nanku Viruwa i itras, nanku Viruwa i itras, kemuda zi 'ematelr u kaninku ziyamaw?>>
35na matikezir i trapingiran na trau ulra papida a kinger lra, marengay: <<kingeri i inu, venavina kani Ēliya i intaw!>> 36ulra a sasa pavekas mukuwa, na tinimusan kana 'aresem na kutra na takumulr tu vetevetanay kana 'uway i itras, pudalrepaw kanantu udung ni Yēsu, marengay: <<ngangara, mena'uwa ta kani Ēliya za zazuwa nay meretra' pulrusu kantaw nay!>>
37kematamuni 'emuy'uy paresan i Yēsu, zi mureput lra na iyaengaz.
38na ipalingez na inuwan kana vangesar ruma' mu, kemay i itras palru i lusu musilra' parekazuwa. 39na kazu matikezir i ngawayan kana ziyuzika a sasa na ma'izang kana hitay, mena'u kani Yēsu za 'emuy'uy#15.39 ulra pidaya na awatranan lulun iniyan za <<'emuy'uy>>. zi minatray na nirekudayan, zi marengay: <<ini na trau mu tatena' za tu Alrak na Viruwa i itras.>>
40ulra ziya papida na vavayan kemay dawilr mena'una'u; i savak ulra na Motara i Maliya, zi ulra ziya Maliya i tainataw ni Yakob na makiteng zi Yosēf, ulra ziya i Salomē. 41i Yēsu kazu ziya i Galili mu kurelrang lra nazu kantaw, kikarun kantaw. ulra ziya za zuma kazuwan na vavayan kurelrang kani Yēsu zuwa i Yērusalem.
iyatrevelr kani Yēsu
(Matay 27.59-61; Luka 23.50-56; Yohanē 19.38-42)
42-43a karaurauv mu, i Alimatay na trau i Yosēf zuwa lra; i intaw maw a salaw kinaira za trau a giing, penakasa talrima za mula'esiya kanantu pinitrepa mikezang na Viruwa i itras. izu na wari maw a kapadangan na wari (mawna katalaulepan na wari a pakangawayan za saya wari). i Yosēf kema'uringetr mukuwa kirepana'uwa kani Pilato, kiyami kantaw za aepetran melrasez kanantu zazek ni Yēsu. 44kinger i Pilato za minatray lra i Yēsu mu, salaw maherareher. tu pazuwayaw na ma'izang kana hitay, kiyumalr kantaw za sawariyan lra nay tu kininatrayan ni Yēsu#15.44 ulra pidaya na awatranan lulun iniyan za <<sawariyan>>.. 45nu maw kituluz kemay kana ma'izang kana hitay za ngay mu, zi tu verayanay kani Yosēf nantu zazek ni Yēsu i Pilato. 46tremima' za muwa na inuwan i Yosēf, pulusuwaw tu zazek ni Yēsu, manay kana muwa na inuwan temulre'ay meliputr, tra'anay kana kinerutran za danapan a saya na trevelran, zi tu kulukulungaw ziya a saya varasa', metrav kana sulray na trevelran. 47na Motara i Maliya zi i tainataw ni Yosēf i Maliya mu kazu milran mena'una'u kana niretra'an kani Yēsu na kinazuwan.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023