Luka 13
13
na 'azi muwaasalr mu kiyanatray
1a azu mu, i kazu ulra a trau marengay kani Yēsu, ulra papida i Galili na trau a patavang kana Viruwa i itras mu tu pinatrayaw ni Pilato. 2marengay i Yēsu: <<'alrana nanni na Galili na trau minatray za amelri kakiyanatrayan, marama'izang tu pinamelriyan nazu kana zuma i Galili na trau kema mu ziyamaw? 3marengaya ku kanmu, amelri; nu 'azi mu muwaasalr mu, kuwazu mu muelep za mararesan i likuzan. 4a mutrerev na Siloya atras na pinarahan mu na itre'tre' na papulu' zi wawalu na trau, marakuwatreng nazu kana zuma na kaazu i Yērusalem na trau kama mu ziyamaw? 5marengaya ku kanmu, amelri; nu 'azi mu muwaasalr mu, kuwazu minatray.>>
na paruwalruwan kana 'azi mivavuwa' na tepur na kawi
6kemazu mu, marengay i Yēsu kanazu a saya za paruwalruwan: <<ulra a trau kazu kanantu 'uma na budo i savakan semalem lra sarakazan kana tepur na kawi. maranger miya' za vuwa' kana kawi i itras, mawmu 'azi pakaatrevung. 7kemazu zi marengay kana pinailran kana 'uma: <na'ui, teluwa lra 'ami, maaya' ku tu vuwa' kanini na tepur na kawi i itras, 'azi ku atrevung za emaeman. eteku lra mu! karaeman puwavut 'emaraw za dare'?> 8marengay na pinailran kana 'uma: <tawki, puwariyay ziya za sa'ami, ku ziya papitawaw na dare' i paliyus, puwayay za zazaruk. 9nu mivuwa' nu mari'ami mu kuwazuyu lra; nu 'azi mu, eteku lra.> >>
paka'inava kana matrukulr na vavayan a katalaulepan na wari
10a katalaulepan na wari, i Yēsu kazu za waazukan ruma' panadam za trau. 11ulra sasa a vavayan kipalrar, kuwaleng lra za muketrep zi waluwa 'ami, kemazu matrukulr tu zakur, 'azi maruwa penatezelr matikezir. 12mena'u i Yēsu kantaw, zi venina kantaw, marengay kantaw: <<tainataw, nu kuwalengan muwaday lra kannu!>> 13i Yēsu demikes kantaw, payas patezelr tu zakur i intaw, zi semenay pulihu kana Viruwa i itras.
14na ma'izang kana waazukan ruma' mena'u kani Yēsu za paka'inava kana kuwalengan kana katalaulepan na wari, ka'ilremesan, marengay kana mapapiya: <<ulra ta nanema wariyan za kakiyakarun, nu paka'inava kana kuwalengan kazu kana nanema wari i savakan, zi amelri kazu nu katalaulepan na wari.>>
15temuvang i Luzu kantaw: <<ini na kitu'inavanava na trau a, kamelriya lra i inmu kazu kana katalaulepan na wari 'azi venakevak kana kazu i paekanan na hung, rova, kemezeng mukuwa pa'awa za zanum ziyamaw? 16ini na vavayan mu nintaw trungulran ni Aburaham, kidadikus kana satang za muketrep zi waluwa 'ami lra, kamelriya lra kana katalaulepan na wari 'azi vakevaken tu tra'etra' ziyamaw?>> 17ini tu ngay ni Yēsu salaw marekaaira mapiya nantu 'alra, mawmu na zinekalranan kasemangalan kanantu kinakudayan na kari'eri' na lremak ziya.
na paruwalruwan kana 'apiyar na karasina
(Matay 13.31-33; Maruko 4.30-32)
18marengay i Yēsu: <<na kanatal na Viruwa i itras kamawan za eman nay? melaka ku za eman paruwalru awa? 19kamawan tu 'apiyar na karasina, ulra a trau tu salemanay kanantu 'uma i intaw. ma'izang lra na karasina mu, mutu saya kawi, arusay na 'ayam kazu kanantu sa'az i itras demaway za ruvu.>>
na paruwalruwan kana paresasemak
(Matay 13.33)
20marengay ziya i Yēsu: <<melaka ku za eman paruwalru kanantu kanatal na Viruwa i itras awa? 21i intaw kamawan kana paresasemak, ulra a vavayan melak zi tu puwayanay kana makapetelr vising na 'emu i savakan, paresemakaw peniya na ininu' na 'emu.>>
sa'utr na sulray
(Matay 7.13-14, 21-23)
22i Yēsu makalrang sazu za zekazekalr, tremepa mukuwa i Yērusalem, pananadam za trau i dadalan. 23ulra a trau kiyumalr kantaw: <<Luzu a, na kivaaw na trau 'azi kazuwan ziyamaw?>>
24temuvang i Yēsu kanazu: <<pakirungetra mu musavak kemay kana sa'utr na sulray. marengaya ku kanmu, ulra kazuwan a trau maranger musavak, mawmu 'azi pakausavak. 25mengangara palru za marahan na miraruma' 'emalrev kana 'alrevan, zi kazu mu lra matikezir i patraran kana sulray tremunetrun kana 'alrevan, marengay: <sinsi, 'alrazi truwalray mi ziya!> tatuvang i intaw: <'azi ku malrazam za zuwa mu kemay i iyan!> 26rarengay mu za: <kurekasa mi lra a aziyu ziyan kannu mekan tremekel; kazu u kananiyam dadalan panadam lra kaniyam.> 27mawmu, rarengay i intaw: <marengaya ku kanmu, 'azi ku malrazam za zuwa mu kemay i iyan. inmu nanni na kemuwaatreng na trau, uveruk a!> 28mena'u mu kani Aburaham, Isak, Yakob, zi na patralritralri ulra kazu kanantu kanatal na Viruwa i itras mapiya, zi azu mu kivawi mu kazu i patraran, tratrangis mu, pakakaratr za walri lra! 29kemay lauz zaya kedet 'ami makaiyaiyan ziya ulra a trau zazuwa kurekasaya kanantu semasaharan kana kanatal na Viruwa i itras. 30nazu na i likuzan mu, uri kaazu i ngawayan; na i ngawayan mu, uri kaazu i likuzan.>>
muramawan kani Yērusalem trematrangis
(Matay 23.37-39)
31maw a azu, ulra a papida na Palisay na trau zuwa kirepana'uwa kani Yēsu, marengay kantaw: <<uveruk i kani uwa kana zuma na kinazuwan, 'alrana maranger pinatray kannu i Hērodē.>>
32temuvang i Yēsu kanazu marengay: <<uwa rengayu izu na kungkung i inmu: <na'uwi! harem zi nu 'emanan vavawi ku kana palrar zi paka'inava kana kuwalengan, katelu wari parekipiya ku kananku kiyakarunan.> 33ara kemaniya mu, harem kana wari, nu 'emanan, nu dadaman, 'azi ku ka'azi mungawayan kemakawang, 'alrana patralritralri nu kipinatray i makapanayan i Yērusalem kana zuma na kinazuwan mu pamelri.
34<<Yērusalem a, Yērusalem a, pinatray u lra kana patralritralri, zi melak u ziya za varasa' pinatray kana Viruwa i itras kanantu ipazuwa kanmu i kani na pakarunan! parepidapidan ku i'elaw kanannu lralrak, kamawan kana taina na terukuk tu kepekepaw puwazuk na siyusiyuwan kanantu pakepak i makalusu. mawmu 'azi mu muwai! 35na'uwi lra mu, nanmu ruma' uri utu alalas. marengay ku kanmu, kemay harem 'azi mu lra nana'u kaninku, palru za kema mu marengay: <kiyalriman kana Viruwa i itras veray za ka'inavayan kana pakalrang za ngadan ni Luzu zi zuwa i izu na sasa!> >>
Právě zvoleno:
Luka 13: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Luka 13
13
na 'azi muwaasalr mu kiyanatray
1a azu mu, i kazu ulra a trau marengay kani Yēsu, ulra papida i Galili na trau a patavang kana Viruwa i itras mu tu pinatrayaw ni Pilato. 2marengay i Yēsu: <<'alrana nanni na Galili na trau minatray za amelri kakiyanatrayan, marama'izang tu pinamelriyan nazu kana zuma i Galili na trau kema mu ziyamaw? 3marengaya ku kanmu, amelri; nu 'azi mu muwaasalr mu, kuwazu mu muelep za mararesan i likuzan. 4a mutrerev na Siloya atras na pinarahan mu na itre'tre' na papulu' zi wawalu na trau, marakuwatreng nazu kana zuma na kaazu i Yērusalem na trau kama mu ziyamaw? 5marengaya ku kanmu, amelri; nu 'azi mu muwaasalr mu, kuwazu minatray.>>
na paruwalruwan kana 'azi mivavuwa' na tepur na kawi
6kemazu mu, marengay i Yēsu kanazu a saya za paruwalruwan: <<ulra a trau kazu kanantu 'uma na budo i savakan semalem lra sarakazan kana tepur na kawi. maranger miya' za vuwa' kana kawi i itras, mawmu 'azi pakaatrevung. 7kemazu zi marengay kana pinailran kana 'uma: <na'ui, teluwa lra 'ami, maaya' ku tu vuwa' kanini na tepur na kawi i itras, 'azi ku atrevung za emaeman. eteku lra mu! karaeman puwavut 'emaraw za dare'?> 8marengay na pinailran kana 'uma: <tawki, puwariyay ziya za sa'ami, ku ziya papitawaw na dare' i paliyus, puwayay za zazaruk. 9nu mivuwa' nu mari'ami mu kuwazuyu lra; nu 'azi mu, eteku lra.> >>
paka'inava kana matrukulr na vavayan a katalaulepan na wari
10a katalaulepan na wari, i Yēsu kazu za waazukan ruma' panadam za trau. 11ulra sasa a vavayan kipalrar, kuwaleng lra za muketrep zi waluwa 'ami, kemazu matrukulr tu zakur, 'azi maruwa penatezelr matikezir. 12mena'u i Yēsu kantaw, zi venina kantaw, marengay kantaw: <<tainataw, nu kuwalengan muwaday lra kannu!>> 13i Yēsu demikes kantaw, payas patezelr tu zakur i intaw, zi semenay pulihu kana Viruwa i itras.
14na ma'izang kana waazukan ruma' mena'u kani Yēsu za paka'inava kana kuwalengan kana katalaulepan na wari, ka'ilremesan, marengay kana mapapiya: <<ulra ta nanema wariyan za kakiyakarun, nu paka'inava kana kuwalengan kazu kana nanema wari i savakan, zi amelri kazu nu katalaulepan na wari.>>
15temuvang i Luzu kantaw: <<ini na kitu'inavanava na trau a, kamelriya lra i inmu kazu kana katalaulepan na wari 'azi venakevak kana kazu i paekanan na hung, rova, kemezeng mukuwa pa'awa za zanum ziyamaw? 16ini na vavayan mu nintaw trungulran ni Aburaham, kidadikus kana satang za muketrep zi waluwa 'ami lra, kamelriya lra kana katalaulepan na wari 'azi vakevaken tu tra'etra' ziyamaw?>> 17ini tu ngay ni Yēsu salaw marekaaira mapiya nantu 'alra, mawmu na zinekalranan kasemangalan kanantu kinakudayan na kari'eri' na lremak ziya.
na paruwalruwan kana 'apiyar na karasina
(Matay 13.31-33; Maruko 4.30-32)
18marengay i Yēsu: <<na kanatal na Viruwa i itras kamawan za eman nay? melaka ku za eman paruwalru awa? 19kamawan tu 'apiyar na karasina, ulra a trau tu salemanay kanantu 'uma i intaw. ma'izang lra na karasina mu, mutu saya kawi, arusay na 'ayam kazu kanantu sa'az i itras demaway za ruvu.>>
na paruwalruwan kana paresasemak
(Matay 13.33)
20marengay ziya i Yēsu: <<melaka ku za eman paruwalru kanantu kanatal na Viruwa i itras awa? 21i intaw kamawan kana paresasemak, ulra a vavayan melak zi tu puwayanay kana makapetelr vising na 'emu i savakan, paresemakaw peniya na ininu' na 'emu.>>
sa'utr na sulray
(Matay 7.13-14, 21-23)
22i Yēsu makalrang sazu za zekazekalr, tremepa mukuwa i Yērusalem, pananadam za trau i dadalan. 23ulra a trau kiyumalr kantaw: <<Luzu a, na kivaaw na trau 'azi kazuwan ziyamaw?>>
24temuvang i Yēsu kanazu: <<pakirungetra mu musavak kemay kana sa'utr na sulray. marengaya ku kanmu, ulra kazuwan a trau maranger musavak, mawmu 'azi pakausavak. 25mengangara palru za marahan na miraruma' 'emalrev kana 'alrevan, zi kazu mu lra matikezir i patraran kana sulray tremunetrun kana 'alrevan, marengay: <sinsi, 'alrazi truwalray mi ziya!> tatuvang i intaw: <'azi ku malrazam za zuwa mu kemay i iyan!> 26rarengay mu za: <kurekasa mi lra a aziyu ziyan kannu mekan tremekel; kazu u kananiyam dadalan panadam lra kaniyam.> 27mawmu, rarengay i intaw: <marengaya ku kanmu, 'azi ku malrazam za zuwa mu kemay i iyan. inmu nanni na kemuwaatreng na trau, uveruk a!> 28mena'u mu kani Aburaham, Isak, Yakob, zi na patralritralri ulra kazu kanantu kanatal na Viruwa i itras mapiya, zi azu mu kivawi mu kazu i patraran, tratrangis mu, pakakaratr za walri lra! 29kemay lauz zaya kedet 'ami makaiyaiyan ziya ulra a trau zazuwa kurekasaya kanantu semasaharan kana kanatal na Viruwa i itras. 30nazu na i likuzan mu, uri kaazu i ngawayan; na i ngawayan mu, uri kaazu i likuzan.>>
muramawan kani Yērusalem trematrangis
(Matay 23.37-39)
31maw a azu, ulra a papida na Palisay na trau zuwa kirepana'uwa kani Yēsu, marengay kantaw: <<uveruk i kani uwa kana zuma na kinazuwan, 'alrana maranger pinatray kannu i Hērodē.>>
32temuvang i Yēsu kanazu marengay: <<uwa rengayu izu na kungkung i inmu: <na'uwi! harem zi nu 'emanan vavawi ku kana palrar zi paka'inava kana kuwalengan, katelu wari parekipiya ku kananku kiyakarunan.> 33ara kemaniya mu, harem kana wari, nu 'emanan, nu dadaman, 'azi ku ka'azi mungawayan kemakawang, 'alrana patralritralri nu kipinatray i makapanayan i Yērusalem kana zuma na kinazuwan mu pamelri.
34<<Yērusalem a, Yērusalem a, pinatray u lra kana patralritralri, zi melak u ziya za varasa' pinatray kana Viruwa i itras kanantu ipazuwa kanmu i kani na pakarunan! parepidapidan ku i'elaw kanannu lralrak, kamawan kana taina na terukuk tu kepekepaw puwazuk na siyusiyuwan kanantu pakepak i makalusu. mawmu 'azi mu muwai! 35na'uwi lra mu, nanmu ruma' uri utu alalas. marengay ku kanmu, kemay harem 'azi mu lra nana'u kaninku, palru za kema mu marengay: <kiyalriman kana Viruwa i itras veray za ka'inavayan kana pakalrang za ngadan ni Luzu zi zuwa i izu na sasa!> >>
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023