Yohanē 6
6
i Yēsu pakavetreker kana lruwatra kuzulr na trau
(Matay 14.13-21; Maruko 6.30-44; Luka 9.10-17)
1melavat lra za pida wariyan, melavat i Yēsu kana Galili danaw (zi kinuwa ziya a Tibēriya danaw). 2ulra salepun a trau kurelrang kantaw, 'alrana mena'u lra nazu kanantu karepalripalri na paka'inava kana kuwalengan. 3i Yēsu paseki muzenan, mukasa kanantu temakesi kemayan i kazu. 4a azu meraredek lra tu palalavat na wariyan i Yodaya na trau. 5teme'ang i Yēsu, mena'u za salepun a trau zuwa i ngawayan kantaw, zi marengay kani Filip: <<auwa ta i iyan tremima'a za aekanan, maruwaya paekan pavetreker kananni na trau awa?>> 6marengay i intaw kanini na ngay mu maw patatalram kani Filip; malrazam lra i intaw za kuwadakudayan.
7temuvang i Filip: <<arusay nu melak za zuwaya leman ginpiya mukuwa tremima'a za pang mu, zi 'azi karuwa kanazu kurisaesa mekan za makiteng!>>
8zuma a sasa na temakesi, maw i waditaw ni Simon Pētēro i Antēlē, mungawayan marengay: 9<<i kani ulra a sasa alrak miinurung za lruwatra na dadawanan na emi na pang zi zuwaya na vulraw, mawmu kemuda maruwa panini veray kananni kana kazuwan na trau?>>
10patalru i Yēsu kanazu; <<kayan kuwayu mapiya.>> (i kazu sazu a tralun.) kemayan mapiya, mawmau na ma'inayan, kararuwa za lruwatra kuzulr. 11i Yēsu melak kana pang, 'emaperez semungal lra, zi panini veray kana kemayan na trau, na vulraw kuwaniyaw panini lra; pakirungetr mekan nazu. 12a piya mekan nazu mu, patalru i Yēsu kana temakesi: <<azuku na sama' na karekitekiteng, iraranak.>> 13na karekitekiteng kana lruwatra na pang, mawna inekan mapiya na sama', epetraw melrasez, na mukasa peniya muavak matemuy za muketrep zi zuwaya 'arayan.
14mena'u mapiya kani Yēsu tu pinupana na karepalripalri, zi marengay: <<ini na trau 'azika'azi maw izu na zazuwa i punapunan na patralritralri!>> 15malrazam i Yēsu kanazu za kakezeng kantaw, pa'isel putu ayawan kantaw, zi masalr mukuwa muwalikiya sasa i zenan lra.
makawang i itras kana zanum
(Matay 14.22-33; Maruko 6.45-52)
16a karaurauv lra, tu temakesi ni Yēsu zuwa kana danaw i ngaydiran, 17muitras kana tamina, tremepa i makakuwaziyu i kaitrasan i Kabēnum mahuwahu. 'aremeng lra a azu, 'azi ziya meredek i Yēsu kanazu i kazu. 18maherareher za, venali pakirev, pakirev ma'izang na kelun. 19'emiwa'iwas na temakesi, kararuwa makawang za lruwatra, nanema kiro, mena'u kani Yēsu kazu i itras kana zanum tremepa kana tamina kemakawang mukuwani, zi makakaud. 20marengay i Yēsu kanazu: <<maw i inku, ikakaud!>> 21kemani zi semangal lra nazu kiyatrevung kantaw puitras kana tamina; na tamina payas meredek kanantu auwayan.
maaya' na zinekalranan kani Yēsu
22kazuwa wari, na muvilin i makakuwaziyu kana danaw na salepun na trau mena'u i kazu mawmau a saya makiteng na tamina; malrazam nazu kani Yēsu za 'azi mukasa kana temakesi muitras kana tamina, zi mawna temakesi na mukuwa. 23ulra a pidaya kemay Tibēriya zuwa na makiteng na tamina maziyazi i ngaydiran kana danaw, mawna 'emaperez semungal i Luzu zi panini veray kana pang paekan za trau mapiya kanizu na kinazuwan i dalrep. 24nanni na mulepun na trau marulrazam za i Yēsu zi tu temakesi iniyan i kazu mapiya, zi muitras kana tamina mukuwa i Kabēnum miya'a kantaw.
i Yēsu maw aekanen za uwavaawan
25nazu atrevung lra kani Yēsu i makakuwaziyu kana danaw, kiyumalr kantaw: <<sinsi, meredek u aidan i kani?>>
26temuvang i Yēsu: <<penatezelra ku marengay, maaya' mu kaninku, amelri 'alrana mena'u lra za karepalripalri, a mawna mekan vetreker kana pang lra. 27amanan maulep kana kuwaatreng na aekanan, pakirungetr kanizu na uwaepetr vaaw munayun na aekanan. ini na aekanan mawna Alrak na trau na vaveray kanmu, 'alrana i Ama na Viruwa i itras piya lra demepu i zazek kana Alrak na trau.>>
28zi kiyumalr nazu: <<kikaruna mi za eman zi mawna kikarun kanantu kiyakarunan na Viruwa i itras?>>
29temuvang i Yēsu: <<pakutatena' kanantu ipazuwa kanizu na sasa, ini maw nantu pakiyakarun kanmu na Viruwa i itras.>>
30marengay ziya nazu: <<nu kemazu mu, malrazam u pupana za eman karepalripalri, maruwaya mi mena'u zi pakutatena' kannu? a eman nannu kiyakarunan ziyamaw? 31niyam temuwamuwan kazu i alalas mekan lra kana mana, penauwa kamawan kanantu vinavalrayan i Sēsiyo: <i intaw kemay i itras veray za aekanan paekan kanazu.> >>
32marengay i Yēsu: <<penazangala ku marengay kanmu, i Mosē 'azi veray kanmu za kemay i itras na aekanan;#6.32 <<i Mosē 'azi veray kanmu kemay i itras za akanan>> karuwa marengay za <<i Mosē na i veray kanmu mu, amelri na kemay itras na akanen>>. na kemay i itras na tatena' na aekanan maw i Amalri na veray kanmu. 33'alrana Viruwa i itras tu iyaveray na aekanan mawna kemay i itras mulusu, veray za uwavaawan i punapunan kanizu na sasa.>>
34marengay nazu: <<sinsi, 'alrazi karayasay mi veray kanini na aekanan!>>
35marengay i Yēsu kanazu: <<maw ku na aekanan kana uwavaawan. na zuwa kaninku i kani mu, 'azi kasavelaw munayun; na pakutatena' kaninku mu, 'azi ka'aw munayun. 36mawmu marengay ku lra kanmu, mena'u mu lra kaninku, kemazu 'azi pakutatena'. 37na iyaveray ziya ni Amalri kaninku na trau mu zazuwa kaninku i kani mapiya. na zuwa kaninku i kani mu, 'azi ku 'emazi kantaw; 38'alrana mulusu ku kemay i itras, amelri ipakalrang kananku nirangeran kemakuda, a mawna miturus ku kanantu nirangeran kanizu na pazuwa kaninku. 39tu nirangeran izu na pazuwa kaninku mu mawna: tu iyaveray kaninku na trau, arusay za sasa mu 'azi ku palremesi nazu, a maw na parevaaw kanazu nu uwaludusan na wari. 40'alrana tu nirangeran na Temama mu mawna kituluza za uwavaawan munayun na mena'u ziya kana Alrak zi pakutatena' kantaw na trau; nu waludusan na wari, ku i parevaaw nazu.>>
41na Yodaya na trau 'alrana marengay i Yēsu: <<maw ku na kemay i itras zuwa na aekanan>>, zi tremakatrakaw mazayazayar: 42<<ini na trau mu amelri alrak ni Yosēf i Yēsu ziyamaw? malrazam mi kanantu ma'izangan. harem i intaw maruwaruwa marengay za i intaw maw na mulusu kemay i itras!>>
43marengay i Yēsu: <<amanan za mulrek mazayazayar i inmu. 44nu amelri izu na pazuwa kaninku i Amalri na kemezeng za trau, zi iniyan za trau karuwa zuwa kaninku i kani; na zuwa kaninku i kani mu, nu uwaludusan na wari ku i parevaaw nazu. 45na valray na patralritralri marengay lra: <kipanadama na trau mapiya kana Viruwa i itras.> na mukinger ziya kani Amalri zi kituluz kanantu ipanadam mu, zazuwa mapiya kaninku i kani. 46ini amelri za ulra i eman na mena'u lra kani Amalri kama, mawmau na zuwa kemay kana Viruwa i itras izu na sasa na mena'u lra. 47penazangala ku marengay kanmu, na pakutatena' na trau mu ulra a uwavaawan munayun. 48maw ku na aekanan kana uwavaawan. 49nanmu temuwamuwan kazu i alalas mekan za mana mu, minanatray lra; 50muwmu izu na zuwa kemay i itras na aekanan maw a nu mekan lra na trau mu 'azi kiyanatray. 51maw ku na zuwa kemay i itras izu na veray za aekanan za uwavaawan; na mekan kanini na aekanan na trau mu 'azi kiyanatray munayun. ku vaveray kana trau na aekanan maw nanku zazek, maruwaya melak za uwavaawan na trau i punapunan zi isunan.>>
52ini na ngay mu kazu kana Yodaya na trau i savakan mureha za pakirev za pasakisakiyan. marengay nazu: <<ini na trau kuwadakuda paekan kanantu zazek kanta awa?>>
53marengay i Yēsu kanazu: <<penazangala ku marengay kanmu, nu 'azi mu mekan kanantu zazek kana Alrak na trau, 'emaw kanantu dara', zi iniyan mu za tatena' na uwavaawan. 54mekan kananku zazek, 'emaw kananku dara', zi ulra a uwavaawan munayun; nu uwaludusan na wari ku i parevaaw i intaw. 55ku zazek maw a tatena' za aekanan, ku dara' maw a tatena' na 'a'awan. 56izu na mekan kananku zazek, 'emaw kananku dara' mu, marayas kazu kananku uwavaawan i savakan, zi kemazu kazu ku kanantu uwavaawan. 57na vaaw munayun i Amalri pazuwa kaninku, kemazu pakalrang ku kantaw zi vaaw. mararesan, na mekan kananku zazek na trau mu pakalrang kaninku zi vaaw. 58i ini mu mawna zuwa kemay i itras na aekanan; izu na mekan kanini na aekanan mu, uwavaaw munayun. ini na aekanan 'azi kamawan tu inekan kananmu temuwamuwan, mekan nazu mu, minanatray lra.>>
59nanni na ngay maw i Yēsu a kazu i Kabēnum kana waazukan ruma' panadam za trau tu nirengay.
na vaaw munayun na ngay
60ulra papida na temakesi kinger kananni na ngay, zi marengay: <<ini na ipanadam salaw kakuwalrengan lra, i eman na maruwa putralinga ziyamaw?>>
61i Yēsu malrazam kanantu temakesi za mulrek mazayazayar kanini na lremak, zi marengay kanazu: <<ini na ngay temelak kananmu pakutatena'an ziyamaw? 62anu mena'u mu kana Alrak na trau za mukaitrasan mareveliyas kanantu kinazuwan, zi kuwadakuda mu ziya awa? 63na veray kana trau za uwavaawan mu maw na Vangesar Lu'em, na zazek mu iniyan za pauwayan; ku nirengay kanmu na ngay mu mawna veray za uwavaawan na Vangesar Lu'em. 64mawmu, kanmu i savakan ulra a trau 'azi pakutatena'.>> (malrazam lra i Yēsu kani eman na 'azi pakutatena', i eman na naniwan kantaw.) 65marengay ziya i intaw: <<mawna kemani, marengay ku lra kanmu, nu amelri iputrepa na kemay kani Amalri, iniyan za trau karuwa zuwa kaninku i kani.>>
66kemay kani, na kurelrang kantaw na trau i savakan mu ulra a papida kiruwaday muveruk, 'azi lra kurekasa kantaw. 67zi kiyumalr i Yēsu kanantu sito na papulu' zi zazuwa: <<i inmu mu? kiruwaaday mu muveruk ziyamaw?>>
68temuvang i Simon Pētēro: <<Luzu a, ulra nu ivary na vaaw munayun na ngay, kuwarelrang mi ziya kani eman awa? 69pakutena' mi, pawnung malrazam kannu za maw na zuwa kemay kana Viruwa i itras na kinavangesar.>>
70marengay i Yēsu: <<amelri ku palimi' lra kanmu na papulu' zi zazuwa ziyamaw? mawmu kanmu i savakan ulra a sasa a palrar!>> 71ini na ngay ni Yēsu maw mararengay kana Iskaliotē na trau i Simon tu alrak i Yoda. i Yoda maw na papulu' zi zazuwa na sito a sasa, mawna i likuzan lra na naniwan kantaw na trau.
Právě zvoleno:
Yohanē 6: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Yohanē 6
6
i Yēsu pakavetreker kana lruwatra kuzulr na trau
(Matay 14.13-21; Maruko 6.30-44; Luka 9.10-17)
1melavat lra za pida wariyan, melavat i Yēsu kana Galili danaw (zi kinuwa ziya a Tibēriya danaw). 2ulra salepun a trau kurelrang kantaw, 'alrana mena'u lra nazu kanantu karepalripalri na paka'inava kana kuwalengan. 3i Yēsu paseki muzenan, mukasa kanantu temakesi kemayan i kazu. 4a azu meraredek lra tu palalavat na wariyan i Yodaya na trau. 5teme'ang i Yēsu, mena'u za salepun a trau zuwa i ngawayan kantaw, zi marengay kani Filip: <<auwa ta i iyan tremima'a za aekanan, maruwaya paekan pavetreker kananni na trau awa?>> 6marengay i intaw kanini na ngay mu maw patatalram kani Filip; malrazam lra i intaw za kuwadakudayan.
7temuvang i Filip: <<arusay nu melak za zuwaya leman ginpiya mukuwa tremima'a za pang mu, zi 'azi karuwa kanazu kurisaesa mekan za makiteng!>>
8zuma a sasa na temakesi, maw i waditaw ni Simon Pētēro i Antēlē, mungawayan marengay: 9<<i kani ulra a sasa alrak miinurung za lruwatra na dadawanan na emi na pang zi zuwaya na vulraw, mawmu kemuda maruwa panini veray kananni kana kazuwan na trau?>>
10patalru i Yēsu kanazu; <<kayan kuwayu mapiya.>> (i kazu sazu a tralun.) kemayan mapiya, mawmau na ma'inayan, kararuwa za lruwatra kuzulr. 11i Yēsu melak kana pang, 'emaperez semungal lra, zi panini veray kana kemayan na trau, na vulraw kuwaniyaw panini lra; pakirungetr mekan nazu. 12a piya mekan nazu mu, patalru i Yēsu kana temakesi: <<azuku na sama' na karekitekiteng, iraranak.>> 13na karekitekiteng kana lruwatra na pang, mawna inekan mapiya na sama', epetraw melrasez, na mukasa peniya muavak matemuy za muketrep zi zuwaya 'arayan.
14mena'u mapiya kani Yēsu tu pinupana na karepalripalri, zi marengay: <<ini na trau 'azika'azi maw izu na zazuwa i punapunan na patralritralri!>> 15malrazam i Yēsu kanazu za kakezeng kantaw, pa'isel putu ayawan kantaw, zi masalr mukuwa muwalikiya sasa i zenan lra.
makawang i itras kana zanum
(Matay 14.22-33; Maruko 6.45-52)
16a karaurauv lra, tu temakesi ni Yēsu zuwa kana danaw i ngaydiran, 17muitras kana tamina, tremepa i makakuwaziyu i kaitrasan i Kabēnum mahuwahu. 'aremeng lra a azu, 'azi ziya meredek i Yēsu kanazu i kazu. 18maherareher za, venali pakirev, pakirev ma'izang na kelun. 19'emiwa'iwas na temakesi, kararuwa makawang za lruwatra, nanema kiro, mena'u kani Yēsu kazu i itras kana zanum tremepa kana tamina kemakawang mukuwani, zi makakaud. 20marengay i Yēsu kanazu: <<maw i inku, ikakaud!>> 21kemani zi semangal lra nazu kiyatrevung kantaw puitras kana tamina; na tamina payas meredek kanantu auwayan.
maaya' na zinekalranan kani Yēsu
22kazuwa wari, na muvilin i makakuwaziyu kana danaw na salepun na trau mena'u i kazu mawmau a saya makiteng na tamina; malrazam nazu kani Yēsu za 'azi mukasa kana temakesi muitras kana tamina, zi mawna temakesi na mukuwa. 23ulra a pidaya kemay Tibēriya zuwa na makiteng na tamina maziyazi i ngaydiran kana danaw, mawna 'emaperez semungal i Luzu zi panini veray kana pang paekan za trau mapiya kanizu na kinazuwan i dalrep. 24nanni na mulepun na trau marulrazam za i Yēsu zi tu temakesi iniyan i kazu mapiya, zi muitras kana tamina mukuwa i Kabēnum miya'a kantaw.
i Yēsu maw aekanen za uwavaawan
25nazu atrevung lra kani Yēsu i makakuwaziyu kana danaw, kiyumalr kantaw: <<sinsi, meredek u aidan i kani?>>
26temuvang i Yēsu: <<penatezelra ku marengay, maaya' mu kaninku, amelri 'alrana mena'u lra za karepalripalri, a mawna mekan vetreker kana pang lra. 27amanan maulep kana kuwaatreng na aekanan, pakirungetr kanizu na uwaepetr vaaw munayun na aekanan. ini na aekanan mawna Alrak na trau na vaveray kanmu, 'alrana i Ama na Viruwa i itras piya lra demepu i zazek kana Alrak na trau.>>
28zi kiyumalr nazu: <<kikaruna mi za eman zi mawna kikarun kanantu kiyakarunan na Viruwa i itras?>>
29temuvang i Yēsu: <<pakutatena' kanantu ipazuwa kanizu na sasa, ini maw nantu pakiyakarun kanmu na Viruwa i itras.>>
30marengay ziya nazu: <<nu kemazu mu, malrazam u pupana za eman karepalripalri, maruwaya mi mena'u zi pakutatena' kannu? a eman nannu kiyakarunan ziyamaw? 31niyam temuwamuwan kazu i alalas mekan lra kana mana, penauwa kamawan kanantu vinavalrayan i Sēsiyo: <i intaw kemay i itras veray za aekanan paekan kanazu.> >>
32marengay i Yēsu: <<penazangala ku marengay kanmu, i Mosē 'azi veray kanmu za kemay i itras na aekanan;#6.32 <<i Mosē 'azi veray kanmu kemay i itras za akanan>> karuwa marengay za <<i Mosē na i veray kanmu mu, amelri na kemay itras na akanen>>. na kemay i itras na tatena' na aekanan maw i Amalri na veray kanmu. 33'alrana Viruwa i itras tu iyaveray na aekanan mawna kemay i itras mulusu, veray za uwavaawan i punapunan kanizu na sasa.>>
34marengay nazu: <<sinsi, 'alrazi karayasay mi veray kanini na aekanan!>>
35marengay i Yēsu kanazu: <<maw ku na aekanan kana uwavaawan. na zuwa kaninku i kani mu, 'azi kasavelaw munayun; na pakutatena' kaninku mu, 'azi ka'aw munayun. 36mawmu marengay ku lra kanmu, mena'u mu lra kaninku, kemazu 'azi pakutatena'. 37na iyaveray ziya ni Amalri kaninku na trau mu zazuwa kaninku i kani mapiya. na zuwa kaninku i kani mu, 'azi ku 'emazi kantaw; 38'alrana mulusu ku kemay i itras, amelri ipakalrang kananku nirangeran kemakuda, a mawna miturus ku kanantu nirangeran kanizu na pazuwa kaninku. 39tu nirangeran izu na pazuwa kaninku mu mawna: tu iyaveray kaninku na trau, arusay za sasa mu 'azi ku palremesi nazu, a maw na parevaaw kanazu nu uwaludusan na wari. 40'alrana tu nirangeran na Temama mu mawna kituluza za uwavaawan munayun na mena'u ziya kana Alrak zi pakutatena' kantaw na trau; nu waludusan na wari, ku i parevaaw nazu.>>
41na Yodaya na trau 'alrana marengay i Yēsu: <<maw ku na kemay i itras zuwa na aekanan>>, zi tremakatrakaw mazayazayar: 42<<ini na trau mu amelri alrak ni Yosēf i Yēsu ziyamaw? malrazam mi kanantu ma'izangan. harem i intaw maruwaruwa marengay za i intaw maw na mulusu kemay i itras!>>
43marengay i Yēsu: <<amanan za mulrek mazayazayar i inmu. 44nu amelri izu na pazuwa kaninku i Amalri na kemezeng za trau, zi iniyan za trau karuwa zuwa kaninku i kani; na zuwa kaninku i kani mu, nu uwaludusan na wari ku i parevaaw nazu. 45na valray na patralritralri marengay lra: <kipanadama na trau mapiya kana Viruwa i itras.> na mukinger ziya kani Amalri zi kituluz kanantu ipanadam mu, zazuwa mapiya kaninku i kani. 46ini amelri za ulra i eman na mena'u lra kani Amalri kama, mawmau na zuwa kemay kana Viruwa i itras izu na sasa na mena'u lra. 47penazangala ku marengay kanmu, na pakutatena' na trau mu ulra a uwavaawan munayun. 48maw ku na aekanan kana uwavaawan. 49nanmu temuwamuwan kazu i alalas mekan za mana mu, minanatray lra; 50muwmu izu na zuwa kemay i itras na aekanan maw a nu mekan lra na trau mu 'azi kiyanatray. 51maw ku na zuwa kemay i itras izu na veray za aekanan za uwavaawan; na mekan kanini na aekanan na trau mu 'azi kiyanatray munayun. ku vaveray kana trau na aekanan maw nanku zazek, maruwaya melak za uwavaawan na trau i punapunan zi isunan.>>
52ini na ngay mu kazu kana Yodaya na trau i savakan mureha za pakirev za pasakisakiyan. marengay nazu: <<ini na trau kuwadakuda paekan kanantu zazek kanta awa?>>
53marengay i Yēsu kanazu: <<penazangala ku marengay kanmu, nu 'azi mu mekan kanantu zazek kana Alrak na trau, 'emaw kanantu dara', zi iniyan mu za tatena' na uwavaawan. 54mekan kananku zazek, 'emaw kananku dara', zi ulra a uwavaawan munayun; nu uwaludusan na wari ku i parevaaw i intaw. 55ku zazek maw a tatena' za aekanan, ku dara' maw a tatena' na 'a'awan. 56izu na mekan kananku zazek, 'emaw kananku dara' mu, marayas kazu kananku uwavaawan i savakan, zi kemazu kazu ku kanantu uwavaawan. 57na vaaw munayun i Amalri pazuwa kaninku, kemazu pakalrang ku kantaw zi vaaw. mararesan, na mekan kananku zazek na trau mu pakalrang kaninku zi vaaw. 58i ini mu mawna zuwa kemay i itras na aekanan; izu na mekan kanini na aekanan mu, uwavaaw munayun. ini na aekanan 'azi kamawan tu inekan kananmu temuwamuwan, mekan nazu mu, minanatray lra.>>
59nanni na ngay maw i Yēsu a kazu i Kabēnum kana waazukan ruma' panadam za trau tu nirengay.
na vaaw munayun na ngay
60ulra papida na temakesi kinger kananni na ngay, zi marengay: <<ini na ipanadam salaw kakuwalrengan lra, i eman na maruwa putralinga ziyamaw?>>
61i Yēsu malrazam kanantu temakesi za mulrek mazayazayar kanini na lremak, zi marengay kanazu: <<ini na ngay temelak kananmu pakutatena'an ziyamaw? 62anu mena'u mu kana Alrak na trau za mukaitrasan mareveliyas kanantu kinazuwan, zi kuwadakuda mu ziya awa? 63na veray kana trau za uwavaawan mu maw na Vangesar Lu'em, na zazek mu iniyan za pauwayan; ku nirengay kanmu na ngay mu mawna veray za uwavaawan na Vangesar Lu'em. 64mawmu, kanmu i savakan ulra a trau 'azi pakutatena'.>> (malrazam lra i Yēsu kani eman na 'azi pakutatena', i eman na naniwan kantaw.) 65marengay ziya i intaw: <<mawna kemani, marengay ku lra kanmu, nu amelri iputrepa na kemay kani Amalri, iniyan za trau karuwa zuwa kaninku i kani.>>
66kemay kani, na kurelrang kantaw na trau i savakan mu ulra a papida kiruwaday muveruk, 'azi lra kurekasa kantaw. 67zi kiyumalr i Yēsu kanantu sito na papulu' zi zazuwa: <<i inmu mu? kiruwaaday mu muveruk ziyamaw?>>
68temuvang i Simon Pētēro: <<Luzu a, ulra nu ivary na vaaw munayun na ngay, kuwarelrang mi ziya kani eman awa? 69pakutena' mi, pawnung malrazam kannu za maw na zuwa kemay kana Viruwa i itras na kinavangesar.>>
70marengay i Yēsu: <<amelri ku palimi' lra kanmu na papulu' zi zazuwa ziyamaw? mawmu kanmu i savakan ulra a sasa a palrar!>> 71ini na ngay ni Yēsu maw mararengay kana Iskaliotē na trau i Simon tu alrak i Yoda. i Yoda maw na papulu' zi zazuwa na sito a sasa, mawna i likuzan lra na naniwan kantaw na trau.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023