Yohanē 3
3
i Yēsu zi i Nikotēmu
1ulra a sasa Palisay na trau, mingadan kani Nikotēmu, maw yawan kana Yodaya na trau. 2zuwa kirepana'uwa kani Yēsu a 'aremeng i intaw, marengay: <<sinsi, malrazam mi kannu a sinsi za maw kemay kana Viruwa i itras. nu pinupana na karepalripalri, nu amelri ulra kurekasa na Viruwa i itras mu, iniyan a trau za karuwa.>>
3temuvang i Yēsu: <<penazangala ku marengay kannu, a trau anu 'azi masalr pinialrak#3.3 <<a trau anu 'azi masalr pinialrak>> karuwa marengay za <<a trau nu 'azi kitulruz za vukalr uwavaawan kemay kana Viruwa i itras>> (<<masalr>> na venavalray kana Gilisiya na ngay ulra ziya za <<i itras>> za pauwayan). mu 'azi karuwa mena'u kana kanatal na Viruwa i itras za mula'esi.>>
4kiyumalr i Nikotēmu: <<na dawadawan lra kuwadakuda masalr pinialrak? i intaw karuwa ziya musavak kana tiyalr ni tainataw zi masalr pinialrak ziyamaw?>>
5temuvang i Yēsu: <<penazangala ku marengay kannu, na trau nu 'azi pinialrak kemay kana zanum zi na Vangesar Lu'em, zi 'azi karuwa mutu zinekalranan kana kanatal na Viruwa i itras. 6na zazek za trau mu pinialrak za ma'izangan, tu tinavawan mu pinialrak kana Vangesar Lu'em. 7amanan za 'alrana kema ku marengay <ika'azi masalr pinialrak i inmu#3.7 <<ika'azi masalr pinialrak i inmu>> karuwa marengay za <<i inmu ika'azi kitulruz za vekal uwavaawan kemay kana Viruwa i itras>>.> zi maherareher. 8na vali makaiyaiyan venali, kinger u kanantu lrengaw, mawmu 'azi malrazam za zuwa kemay i iyan, piyaiyan mukuwa. na pinialrak ziyan kemay kana Vangesar Lu'em, kuwaazu maw kemani.>>
9kiyumalr i Nikotēmu: <<kemudakuda ulra kemani na lremak?>>
10temuvang i Yēsu: <<a sinsi u kana Iseraēl, arusay ini na lremak 'azi u malrazam ziyamaw? 11penazangala ku marengay kanmu, mazayazayar mi zaniyam kinalrazam, uwasay mi kananiyam nina'uwan; mawmu 'azi mu muwai kituluz kananiyam uwasay. 12marengay ku kanmu na kireeman kani punapunan na lremak mu, 'azi mu ziya pakutatena', nu marengay ku lra kana lremak i itras mu, kuwadakuda mu pakutatena' ziyamaw? 13mawmau na kemay i itras mulusu na Alrak na trau, iniyan ziya za trau za mukuwa lra i itras.>>
14penauwa kamawan kani Mosē a kazu i alalas puitras kana do na unan, na Alrak na trau kemazu 'azika'azi kipuitras, 15kituluza na pakutatena' ziya kantaw na trau kana munayun na uwavaawan. 16na Viruwa i itras kemazu kana lraman kana trau i punapunan, arusay za verayanay tu Alrak na misasa, 'aziya matrepu na pakutatena' ziya kantaw na trau, muveliyas kituluz kana munayun na uwavaawan. 17'alrana Viruwa i itras pazuwa kanantu Alrak i punapunan, amelri zuwa pupamelriya za trau i punapunan, a maw na pakalrang kantaw zuwa venaawa za trau i punapunan.
18na pakutatena' kana Alrak na trau 'azi kipupamelri; na 'azi kiputatena' na trau mu pupamelriyanay lra, 'alrana 'azi kiputatena' kanantu Alrak na misasa kana Viruwa i itras i intaw. 19zuwa i punapunan na senan, i punapunan na trau 'alrana tu paelrangan na kuwatreng, 'azi sahar kana senan zi sahar kana 'aremeng; nazu kipupamelri tu nirehayan maw i kani. 20na pimamelri mu, awiles kana senan mapiya, 'azi muwadalrep kana senan, 'alrana makakaud za kurena'u tu paelrangan na kuwatreng. 21mawmu, izu na miturus kana tatena' vati kikarun mu, muwadalrep kana senan, maruwa pakurena'u kanantu kinakudayan ziya mawna initurus kanantu nirangeran na Viruwa i itras.
i Yēsu zi i Yohanē
22i likuzan lra kanini na lremak, i Yēsu zi na temakesi mukuwa i Yodaya kana pinidare'an. i intaw zi nazu kikazu i kazu za pidawariyan, pawnung semuwap. 23i Yohanē kazu i Ainon 'azi maredawilr i Salim semasuwap; 'alrana sazu a zanum i kazu, mukuwa i kazu kisuwap na trau mapiya. 24(a azu 'azi ziyan muimeng i Yohanē.)
25a papida tu temakesi ni Yohanē zi sasa na Yodaya na trau masakisaki kana pauwayan za kiyarungetran. 26mukuwa kirepana'uwa kani Yohanē nazu, marengay kantaw: <<sinsi, na'uwi, a aziyu ziyan mukasa kannu kazu i makakuwaziyu kana Yorudan zinanuman, uwasay u kantaw kanizu na sasa, harem ulra semasuwap, mukuwa maaya' kantaw mapiya lra!>>
27marengay i Yohanē: <<nu amelri ulra tu pakasahar na Viruwa i itras, iniyan za trau za maruwa kiveray za eman. 28marengay ku lra, amelri ku i Kiristo; maw ku a pinakarun kazu i ngawayan kantaw. ini na ngay karuwa mu uwasay kaninku. 29na mi'a'azin kana vulavulayan maw na pinakaetim na ma'inayan; tu 'ali'an na pakaetim na ma'inayan kazu i trapingiran matikezir kiyangekinger, a kinger kanantu lrengaw na pakaetim na ma'inayan mu kasemangalan mapiya. mararesan, patulre'ay ku misemangalan lra. 30'azika'azi marekakerevat i intaw, mawmu 'azi ku ka'azi marekamuwalehetr.>>
na zuwa kemay i itras izu na sasa
31izu na zuwa kemay i itras maw na semalaw za eman ziyan; izu na zuwa kemay i dare' maw na muravak i dare', tu nirengay kuwaazu maw na lremak i dare'. izu na zuwa kemay i itras mu maw na semalaw za eman ziyan. 32uwasay kanantu nina'uwan kiningeran i intaw, mawmu iniyan za trau kituluz kanantu i uwasay. 33izu na kituluz kanantu i uwasay mu, uwasay lra kana Viruwa i itras maw a tatena'. 34tu pinakarun kana Viruwa i itras izu na sasa palalenak kanantu ngay kana Viruwa i itras, 'alrana Viruwa i itras iniyan za paalruwan veray kantaw kana Vangesar Lu'em. 35i Ama lraman kana Alrak, tu tuluzanay lra kanantu lima na eman ziyan. 36na pakutatena' kana Alrak mu, ulra uwavaawan za munayun; na 'azi pakutatena' kana Alrak mu, iniyan kana tatena' za uwavaawan, pawnung tu pasavung na Viruwa i itras 'azi uwaaday kantaw patari velretreng.
Právě zvoleno:
Yohanē 3: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Yohanē 3
3
i Yēsu zi i Nikotēmu
1ulra a sasa Palisay na trau, mingadan kani Nikotēmu, maw yawan kana Yodaya na trau. 2zuwa kirepana'uwa kani Yēsu a 'aremeng i intaw, marengay: <<sinsi, malrazam mi kannu a sinsi za maw kemay kana Viruwa i itras. nu pinupana na karepalripalri, nu amelri ulra kurekasa na Viruwa i itras mu, iniyan a trau za karuwa.>>
3temuvang i Yēsu: <<penazangala ku marengay kannu, a trau anu 'azi masalr pinialrak#3.3 <<a trau anu 'azi masalr pinialrak>> karuwa marengay za <<a trau nu 'azi kitulruz za vukalr uwavaawan kemay kana Viruwa i itras>> (<<masalr>> na venavalray kana Gilisiya na ngay ulra ziya za <<i itras>> za pauwayan). mu 'azi karuwa mena'u kana kanatal na Viruwa i itras za mula'esi.>>
4kiyumalr i Nikotēmu: <<na dawadawan lra kuwadakuda masalr pinialrak? i intaw karuwa ziya musavak kana tiyalr ni tainataw zi masalr pinialrak ziyamaw?>>
5temuvang i Yēsu: <<penazangala ku marengay kannu, na trau nu 'azi pinialrak kemay kana zanum zi na Vangesar Lu'em, zi 'azi karuwa mutu zinekalranan kana kanatal na Viruwa i itras. 6na zazek za trau mu pinialrak za ma'izangan, tu tinavawan mu pinialrak kana Vangesar Lu'em. 7amanan za 'alrana kema ku marengay <ika'azi masalr pinialrak i inmu#3.7 <<ika'azi masalr pinialrak i inmu>> karuwa marengay za <<i inmu ika'azi kitulruz za vekal uwavaawan kemay kana Viruwa i itras>>.> zi maherareher. 8na vali makaiyaiyan venali, kinger u kanantu lrengaw, mawmu 'azi malrazam za zuwa kemay i iyan, piyaiyan mukuwa. na pinialrak ziyan kemay kana Vangesar Lu'em, kuwaazu maw kemani.>>
9kiyumalr i Nikotēmu: <<kemudakuda ulra kemani na lremak?>>
10temuvang i Yēsu: <<a sinsi u kana Iseraēl, arusay ini na lremak 'azi u malrazam ziyamaw? 11penazangala ku marengay kanmu, mazayazayar mi zaniyam kinalrazam, uwasay mi kananiyam nina'uwan; mawmu 'azi mu muwai kituluz kananiyam uwasay. 12marengay ku kanmu na kireeman kani punapunan na lremak mu, 'azi mu ziya pakutatena', nu marengay ku lra kana lremak i itras mu, kuwadakuda mu pakutatena' ziyamaw? 13mawmau na kemay i itras mulusu na Alrak na trau, iniyan ziya za trau za mukuwa lra i itras.>>
14penauwa kamawan kani Mosē a kazu i alalas puitras kana do na unan, na Alrak na trau kemazu 'azika'azi kipuitras, 15kituluza na pakutatena' ziya kantaw na trau kana munayun na uwavaawan. 16na Viruwa i itras kemazu kana lraman kana trau i punapunan, arusay za verayanay tu Alrak na misasa, 'aziya matrepu na pakutatena' ziya kantaw na trau, muveliyas kituluz kana munayun na uwavaawan. 17'alrana Viruwa i itras pazuwa kanantu Alrak i punapunan, amelri zuwa pupamelriya za trau i punapunan, a maw na pakalrang kantaw zuwa venaawa za trau i punapunan.
18na pakutatena' kana Alrak na trau 'azi kipupamelri; na 'azi kiputatena' na trau mu pupamelriyanay lra, 'alrana 'azi kiputatena' kanantu Alrak na misasa kana Viruwa i itras i intaw. 19zuwa i punapunan na senan, i punapunan na trau 'alrana tu paelrangan na kuwatreng, 'azi sahar kana senan zi sahar kana 'aremeng; nazu kipupamelri tu nirehayan maw i kani. 20na pimamelri mu, awiles kana senan mapiya, 'azi muwadalrep kana senan, 'alrana makakaud za kurena'u tu paelrangan na kuwatreng. 21mawmu, izu na miturus kana tatena' vati kikarun mu, muwadalrep kana senan, maruwa pakurena'u kanantu kinakudayan ziya mawna initurus kanantu nirangeran na Viruwa i itras.
i Yēsu zi i Yohanē
22i likuzan lra kanini na lremak, i Yēsu zi na temakesi mukuwa i Yodaya kana pinidare'an. i intaw zi nazu kikazu i kazu za pidawariyan, pawnung semuwap. 23i Yohanē kazu i Ainon 'azi maredawilr i Salim semasuwap; 'alrana sazu a zanum i kazu, mukuwa i kazu kisuwap na trau mapiya. 24(a azu 'azi ziyan muimeng i Yohanē.)
25a papida tu temakesi ni Yohanē zi sasa na Yodaya na trau masakisaki kana pauwayan za kiyarungetran. 26mukuwa kirepana'uwa kani Yohanē nazu, marengay kantaw: <<sinsi, na'uwi, a aziyu ziyan mukasa kannu kazu i makakuwaziyu kana Yorudan zinanuman, uwasay u kantaw kanizu na sasa, harem ulra semasuwap, mukuwa maaya' kantaw mapiya lra!>>
27marengay i Yohanē: <<nu amelri ulra tu pakasahar na Viruwa i itras, iniyan za trau za maruwa kiveray za eman. 28marengay ku lra, amelri ku i Kiristo; maw ku a pinakarun kazu i ngawayan kantaw. ini na ngay karuwa mu uwasay kaninku. 29na mi'a'azin kana vulavulayan maw na pinakaetim na ma'inayan; tu 'ali'an na pakaetim na ma'inayan kazu i trapingiran matikezir kiyangekinger, a kinger kanantu lrengaw na pakaetim na ma'inayan mu kasemangalan mapiya. mararesan, patulre'ay ku misemangalan lra. 30'azika'azi marekakerevat i intaw, mawmu 'azi ku ka'azi marekamuwalehetr.>>
na zuwa kemay i itras izu na sasa
31izu na zuwa kemay i itras maw na semalaw za eman ziyan; izu na zuwa kemay i dare' maw na muravak i dare', tu nirengay kuwaazu maw na lremak i dare'. izu na zuwa kemay i itras mu maw na semalaw za eman ziyan. 32uwasay kanantu nina'uwan kiningeran i intaw, mawmu iniyan za trau kituluz kanantu i uwasay. 33izu na kituluz kanantu i uwasay mu, uwasay lra kana Viruwa i itras maw a tatena'. 34tu pinakarun kana Viruwa i itras izu na sasa palalenak kanantu ngay kana Viruwa i itras, 'alrana Viruwa i itras iniyan za paalruwan veray kantaw kana Vangesar Lu'em. 35i Ama lraman kana Alrak, tu tuluzanay lra kanantu lima na eman ziyan. 36na pakutatena' kana Alrak mu, ulra uwavaawan za munayun; na 'azi pakutatena' kana Alrak mu, iniyan kana tatena' za uwavaawan, pawnung tu pasavung na Viruwa i itras 'azi uwaaday kantaw patari velretreng.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023