Yohanē 19
19
1kemazu zi, semeratr i Pilato za urungu i Yēsu kema, lrepitaw lra. 2na hitay mimanay kana su'asu'ar 'emupiz ziya saya kana kavung pukavung i tranguru' kantaw, zi tu pukavangay ziya kana pinalrahi na lrungpaw. 3mungawayan nazu marengay kantaw: <<na yawan i Yodaya na trau banzay!>> zi semelretra' kantaw.
4mupatraran ziya i Pilato marengay kana zinekalranan: <<'inava! ku pupanayaw i intaw, malrazama mu, 'azi ku pakaaya' za ulra a eman tu pinamelriyan.>> 5zi mupana i Yēsu, mikavung kana su'ar, mikavang kana pinalrahi na lrungpaw. marengay i Pilato kanazu: <<na'uwi! i ini na trau!>>
6nazu na ma'izang na rahan zi na ki'alra'alra kana vangesar ruma' a mena'u kani Yēsu, tamuni 'emuy'uy: <<trehetrehan i ziyuzika i intaw! trehetrehan i ziyuzika i intaw!>>
marengay i Pilato kanazu: <<urungu i inmu trehetrehan i ziyuzika mu! 'azi ku pakaaya' za ulra za eman tu pinamelriyan.>>
7marengay na zinekalranan: <<ulra niyam kuret, kurelranganay kanizu na kuret maw piyanatrain i intaw, 'alrana marengay i intaw maw ku za Alrak na Viruwa i itras kema.>>
8kinger i Pilato za kemani marengay nazu, puwapuwa makaud. 9masalr ziya mukuwa kana sotokfu i intaw, kiyumalr kani Yēsu: <<zuwa u kemay i iyan?>>
mawmu 'azi temuvang i Yēsu. 10marengay i Pilato kantaw: <<'azi u tatuvang kaninku ziyamaw? kalralrazam u, ulra ku kezang puveruk kannu, zi ulra ku kezang tremehetreh kannu i ziyuzika.>>
11marengay i Yēsu: <<mawmau nu veray za kezang kannu na Viruwa i itras, zi ulra lra nu kezang kemakuda kaninku. semeneng, na temuluz kaninku kannu izu na trau, maraaluzun lra tu pinamelriyan.>>
12kinger kanini na ngay i Pilato, marekamaranger puveruk kani Yēsu. mawmu 'emuy'uy na zinekalranan marengay: <<nu puverukaw i intaw mu, amelri u lra tu 'ali'an na Hongti! i eman na yawan ku kema i intaw mu, maw i eman na 'alra na Hongti.>>
13kinger kanazu za marengay kanini na ngay i Pilato, zi murung kani Yēsu mupatraran, kazu kana kinuwa za <<tinalasiyu na patraran>> (tu ngay kana Hēburu i Kabata kinuwa) i kazu kisayvang. 14a azu wari maw na kapadangan kana palalavat na wariyan, karuwa lra za kare'alriyan, marenay kana zinekalranan i Pilato: <<na'uwi! nanmu yawan.>>
15zi 'emuy'uy nazu: <<pinatrayu i intaw! pinatrayu i intaw! trehetrehan i ziyuzika i intaw!>>
kiyumalr i Pilato kanazu: <<maranger mu kaninku tremehetreh kananmu yawan i ziyuzika ziyamaw?>>
temuvang na ma'izang na rahan: <<mawmau na Hongti i Roma maw niyam yawan!>>
16kemazu zi i Pilato tu tuluzanay kanazu patrehetreh i ziyuzika kani Yēsu.
i Yēsu kitrehetreh i ziyuzika
(Matay 27.32-44; Maruko 15.21-32; Luka 23.26-43)
tu urungaw i Yēsu nazu. 17mupatraran i Yēsu, semangalr kanantu ziyuzika i intaw, meredek lra i <<ukaukakan na 'uma>> (tu ngay na Hēburu i Golgota). 18kazu i kazu, tu trehetrehanay i intaw kana ziyuzika nazu; nazu tremehetreh ziyan za zuma a zazuwa, sasa kazu i sannin, kazu i paduk i Yēsu. 19venavalray a saya za kamepang i Pilato, pakarun za trau patrehetreh i ziyuzika i itras. kana kamepang vinavalray za: <<Nazalē na trau i Yēsu, yawan i Yodaya na trau.>> 20kazuwan a trau mena'u kanini na kamepang tu vinavalrayan, 'alrana tu kinitrehetrehan i ziyuzika ni Yēsu na kinazuwan 'azi adawilr kana kazekalran; pauwnung ini na kamepang mu vinavalray za Hēburu, Latin, zi na Gilisiya marekatelu valray. 21na ma'izang na rahan kana Yodaya na trau marengay kani Pilato: <<'alrazi ivavalrayi za <yawan i Yodaya na trau>, vavalrayi za <ini na trau yawan ku i Yodaya na trau kema i intaw>.>>
22temuvang i Pilato: <<ku vinavalray, 'azi aasalren!>>
23na hitay tu trehetrehanay i Yēsu kana ziyuzika mu, melak kanantu kaytu parekapataw, karesaesa na trau. zi melak ziya kanantu pakesavak; ini na pakesavak 'azi trinai', maw na tininun kana saya na inuwan. 24semeneng, mazayazayar na hitay: <<amanan ta silra'aw, maivusa ta, i eman na ateka.>> i ini penauwa pula'esi lra kanantu nirengay na Sēsiyo:
nazu tu karasepasepadaw ku kaytu lra,
zi karaivuivus kananku pakesavak.
na hitay tena' lra kemakuda kana kemani na lremak.
25na matikezir i trapingiran kana ziyuzika ni Yēsu mu, ulra i tainataw ni Yēsu, ivautaw ni tainataw, 'azin ni Kelopas i Maliya, zi na Motara i Maliya. 26i Yēsu mena'u kani tainataw zi kanantu kinalraman na temakesi matikezir i trapingiran, zi kema marengay kani tainataw: <<ina, na'uwi, nu alrak!>>
27kemazu zi, i intaw marengay ziya kanizu na temakesi: <<na'uwi, i taina!>> kemay a azu, izu na temakesi tu pilralrangaw i tainataw ni Yēsu mukuwa pikazu kanantu ruma'.
na kiyanatrayan ni Yēsu
(Matay 27.45-56; Maruko 15.33-41; Luka 23.44-49)
28malrazam i Yēsu za mula'esi lra peniya na lremak, muramawan papula'esi kana ngay i Sēsiyo, zi marengay: <<'aw ku.>>
29i kazu ulra a saya ngelrulr, inavak za matemuy kana 'aresem na kutra; zi melak kana takumulr nazu tu zeremanay kana 'aresem na kutra, tu vetevetanay kana tratrulin i itras, zi tu puwayanay kanantu udung. 30temalram lra i Yēsu, marengay: <<mula'esi lra!>>
kemazu zi mihelrep tu tranguru', zi mureput lra na iyaengaz.
kiilrus i valava
31a azu maw kapadangan na wari, maw na raredek na katalaulepan na wari maw a ma'izang na wariyan; tu yawan na Yodaya na trau muramawan za 'aziya kazu a inulid muvilin kana ziyuzika i itras nu katalaulepan na wari, zi mukuwa kiyamiya kani Pilato papauwa za trau paritru' kanantu kuy nazu na pinasavung, zi akutraw na minatray na zazek pusaninin. 32kiseratr na hitay mukuwa, na pinukasa kani Yēsu itrehetreh kana ziyuzika na ngangaway na trau zi na sasa tu kuy ritru'aw peniya. 33mudalrep kani Yēsu nazu, mena'u kantaw za minatray lra, zi 'azi meritru' kanantu kuy. 34mawmu, ulra a sasa hitay manay za trulrah milrus kanantu valava, payas mudadara' zi mupana a zanum. (35i ini maw na pamatra mena'u kanini na lremak na trau katalrimayan na uwasay, malrazam za tatena' tu uwasay i intaw, maruwaya mu pakutatena'.) 36'alrana ini na ngay papula'esi kana nirengay na Sēsiyo: <<arusay 'azi karuwa meritru' za sasaya kanantu ukak.>> 37ulra zuma a saya ngay kana Sēsiyo marengay: <<nazu marangar menau' kanantu inilrus na trau.>>
iyatrevelr ni Yēsu
(Matay 27.57-61; Maruko 15.42-47; Luka 23.50-56)
38melavat lra kananni na lremak mu, ulra a sasa i Alimatay na trau i Yosēf mukuwa kiyamiya kani Pilato, za muwai paelak kanantu zazek ni Yēsu. (i Yosēf maw temakesi ni Yēsu, maw na makaud kanantu kemakezeng na Yodaya na trau, zi makaud kikalrazam za trau.) i Pilato muwai paturus kanantu kiniyaami, zi i Yosēf melak kanantu zazek ni Yēsu muveruk.
39izu na aziyu ziyan kazu za 'aremengan zuwa kirepana'uwa kani Yēsu i Nikotēmu marelrang kani Yosēf mukuwa. i intaw murung kana zinaulan za moyak zi na pakaulringulr, kararuwa za makatelun koking. 40nazu zazuwa manay kana pinuwayan za pakauwalringulr na muwa na inuwan meliputr temulre'ay kanantu zazek ni Yēsu; i ini mu nintaw kakuwayanan nu trematrevelr i Yodaya na trau. 41kazu kana trinehetrehan kani Yēsu i ziyuzika na kinazuwan ulra a saya 'uma, i savak ulra a saya 'azi ziyan trinevelr za trau a vekal na trevelran. 42'alrana azu kana wari penauwa maw a kapadangan na wari kana Yodaya na trau, adalrep izu na trevelran, zi tu trevelraw i Yēsu i kazu nazu.
Právě zvoleno:
Yohanē 19: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Yohanē 19
19
1kemazu zi, semeratr i Pilato za urungu i Yēsu kema, lrepitaw lra. 2na hitay mimanay kana su'asu'ar 'emupiz ziya saya kana kavung pukavung i tranguru' kantaw, zi tu pukavangay ziya kana pinalrahi na lrungpaw. 3mungawayan nazu marengay kantaw: <<na yawan i Yodaya na trau banzay!>> zi semelretra' kantaw.
4mupatraran ziya i Pilato marengay kana zinekalranan: <<'inava! ku pupanayaw i intaw, malrazama mu, 'azi ku pakaaya' za ulra a eman tu pinamelriyan.>> 5zi mupana i Yēsu, mikavung kana su'ar, mikavang kana pinalrahi na lrungpaw. marengay i Pilato kanazu: <<na'uwi! i ini na trau!>>
6nazu na ma'izang na rahan zi na ki'alra'alra kana vangesar ruma' a mena'u kani Yēsu, tamuni 'emuy'uy: <<trehetrehan i ziyuzika i intaw! trehetrehan i ziyuzika i intaw!>>
marengay i Pilato kanazu: <<urungu i inmu trehetrehan i ziyuzika mu! 'azi ku pakaaya' za ulra za eman tu pinamelriyan.>>
7marengay na zinekalranan: <<ulra niyam kuret, kurelranganay kanizu na kuret maw piyanatrain i intaw, 'alrana marengay i intaw maw ku za Alrak na Viruwa i itras kema.>>
8kinger i Pilato za kemani marengay nazu, puwapuwa makaud. 9masalr ziya mukuwa kana sotokfu i intaw, kiyumalr kani Yēsu: <<zuwa u kemay i iyan?>>
mawmu 'azi temuvang i Yēsu. 10marengay i Pilato kantaw: <<'azi u tatuvang kaninku ziyamaw? kalralrazam u, ulra ku kezang puveruk kannu, zi ulra ku kezang tremehetreh kannu i ziyuzika.>>
11marengay i Yēsu: <<mawmau nu veray za kezang kannu na Viruwa i itras, zi ulra lra nu kezang kemakuda kaninku. semeneng, na temuluz kaninku kannu izu na trau, maraaluzun lra tu pinamelriyan.>>
12kinger kanini na ngay i Pilato, marekamaranger puveruk kani Yēsu. mawmu 'emuy'uy na zinekalranan marengay: <<nu puverukaw i intaw mu, amelri u lra tu 'ali'an na Hongti! i eman na yawan ku kema i intaw mu, maw i eman na 'alra na Hongti.>>
13kinger kanazu za marengay kanini na ngay i Pilato, zi murung kani Yēsu mupatraran, kazu kana kinuwa za <<tinalasiyu na patraran>> (tu ngay kana Hēburu i Kabata kinuwa) i kazu kisayvang. 14a azu wari maw na kapadangan kana palalavat na wariyan, karuwa lra za kare'alriyan, marenay kana zinekalranan i Pilato: <<na'uwi! nanmu yawan.>>
15zi 'emuy'uy nazu: <<pinatrayu i intaw! pinatrayu i intaw! trehetrehan i ziyuzika i intaw!>>
kiyumalr i Pilato kanazu: <<maranger mu kaninku tremehetreh kananmu yawan i ziyuzika ziyamaw?>>
temuvang na ma'izang na rahan: <<mawmau na Hongti i Roma maw niyam yawan!>>
16kemazu zi i Pilato tu tuluzanay kanazu patrehetreh i ziyuzika kani Yēsu.
i Yēsu kitrehetreh i ziyuzika
(Matay 27.32-44; Maruko 15.21-32; Luka 23.26-43)
tu urungaw i Yēsu nazu. 17mupatraran i Yēsu, semangalr kanantu ziyuzika i intaw, meredek lra i <<ukaukakan na 'uma>> (tu ngay na Hēburu i Golgota). 18kazu i kazu, tu trehetrehanay i intaw kana ziyuzika nazu; nazu tremehetreh ziyan za zuma a zazuwa, sasa kazu i sannin, kazu i paduk i Yēsu. 19venavalray a saya za kamepang i Pilato, pakarun za trau patrehetreh i ziyuzika i itras. kana kamepang vinavalray za: <<Nazalē na trau i Yēsu, yawan i Yodaya na trau.>> 20kazuwan a trau mena'u kanini na kamepang tu vinavalrayan, 'alrana tu kinitrehetrehan i ziyuzika ni Yēsu na kinazuwan 'azi adawilr kana kazekalran; pauwnung ini na kamepang mu vinavalray za Hēburu, Latin, zi na Gilisiya marekatelu valray. 21na ma'izang na rahan kana Yodaya na trau marengay kani Pilato: <<'alrazi ivavalrayi za <yawan i Yodaya na trau>, vavalrayi za <ini na trau yawan ku i Yodaya na trau kema i intaw>.>>
22temuvang i Pilato: <<ku vinavalray, 'azi aasalren!>>
23na hitay tu trehetrehanay i Yēsu kana ziyuzika mu, melak kanantu kaytu parekapataw, karesaesa na trau. zi melak ziya kanantu pakesavak; ini na pakesavak 'azi trinai', maw na tininun kana saya na inuwan. 24semeneng, mazayazayar na hitay: <<amanan ta silra'aw, maivusa ta, i eman na ateka.>> i ini penauwa pula'esi lra kanantu nirengay na Sēsiyo:
nazu tu karasepasepadaw ku kaytu lra,
zi karaivuivus kananku pakesavak.
na hitay tena' lra kemakuda kana kemani na lremak.
25na matikezir i trapingiran kana ziyuzika ni Yēsu mu, ulra i tainataw ni Yēsu, ivautaw ni tainataw, 'azin ni Kelopas i Maliya, zi na Motara i Maliya. 26i Yēsu mena'u kani tainataw zi kanantu kinalraman na temakesi matikezir i trapingiran, zi kema marengay kani tainataw: <<ina, na'uwi, nu alrak!>>
27kemazu zi, i intaw marengay ziya kanizu na temakesi: <<na'uwi, i taina!>> kemay a azu, izu na temakesi tu pilralrangaw i tainataw ni Yēsu mukuwa pikazu kanantu ruma'.
na kiyanatrayan ni Yēsu
(Matay 27.45-56; Maruko 15.33-41; Luka 23.44-49)
28malrazam i Yēsu za mula'esi lra peniya na lremak, muramawan papula'esi kana ngay i Sēsiyo, zi marengay: <<'aw ku.>>
29i kazu ulra a saya ngelrulr, inavak za matemuy kana 'aresem na kutra; zi melak kana takumulr nazu tu zeremanay kana 'aresem na kutra, tu vetevetanay kana tratrulin i itras, zi tu puwayanay kanantu udung. 30temalram lra i Yēsu, marengay: <<mula'esi lra!>>
kemazu zi mihelrep tu tranguru', zi mureput lra na iyaengaz.
kiilrus i valava
31a azu maw kapadangan na wari, maw na raredek na katalaulepan na wari maw a ma'izang na wariyan; tu yawan na Yodaya na trau muramawan za 'aziya kazu a inulid muvilin kana ziyuzika i itras nu katalaulepan na wari, zi mukuwa kiyamiya kani Pilato papauwa za trau paritru' kanantu kuy nazu na pinasavung, zi akutraw na minatray na zazek pusaninin. 32kiseratr na hitay mukuwa, na pinukasa kani Yēsu itrehetreh kana ziyuzika na ngangaway na trau zi na sasa tu kuy ritru'aw peniya. 33mudalrep kani Yēsu nazu, mena'u kantaw za minatray lra, zi 'azi meritru' kanantu kuy. 34mawmu, ulra a sasa hitay manay za trulrah milrus kanantu valava, payas mudadara' zi mupana a zanum. (35i ini maw na pamatra mena'u kanini na lremak na trau katalrimayan na uwasay, malrazam za tatena' tu uwasay i intaw, maruwaya mu pakutatena'.) 36'alrana ini na ngay papula'esi kana nirengay na Sēsiyo: <<arusay 'azi karuwa meritru' za sasaya kanantu ukak.>> 37ulra zuma a saya ngay kana Sēsiyo marengay: <<nazu marangar menau' kanantu inilrus na trau.>>
iyatrevelr ni Yēsu
(Matay 27.57-61; Maruko 15.42-47; Luka 23.50-56)
38melavat lra kananni na lremak mu, ulra a sasa i Alimatay na trau i Yosēf mukuwa kiyamiya kani Pilato, za muwai paelak kanantu zazek ni Yēsu. (i Yosēf maw temakesi ni Yēsu, maw na makaud kanantu kemakezeng na Yodaya na trau, zi makaud kikalrazam za trau.) i Pilato muwai paturus kanantu kiniyaami, zi i Yosēf melak kanantu zazek ni Yēsu muveruk.
39izu na aziyu ziyan kazu za 'aremengan zuwa kirepana'uwa kani Yēsu i Nikotēmu marelrang kani Yosēf mukuwa. i intaw murung kana zinaulan za moyak zi na pakaulringulr, kararuwa za makatelun koking. 40nazu zazuwa manay kana pinuwayan za pakauwalringulr na muwa na inuwan meliputr temulre'ay kanantu zazek ni Yēsu; i ini mu nintaw kakuwayanan nu trematrevelr i Yodaya na trau. 41kazu kana trinehetrehan kani Yēsu i ziyuzika na kinazuwan ulra a saya 'uma, i savak ulra a saya 'azi ziyan trinevelr za trau a vekal na trevelran. 42'alrana azu kana wari penauwa maw a kapadangan na wari kana Yodaya na trau, adalrep izu na trevelran, zi tu trevelraw i Yēsu i kazu nazu.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023