Mathāi 7
7
Mī Rui Ril Nō Ro
Lk 6:37-38, 41-42
1 #
Lk 6:37; Rōm 14:4; 1Ko 4:5; Zak 4:11-12 “Mī rui ril u nō ro, rui anrila nei om u nōkna ranga. 2#Izk 35:11; Mk 4:24; Lk 6:38; Rōm 2:1Rui nei ril u ang dēna, na chung una rui anrila om in ti. Ankhīna nei mang dēn u le han na chung u nā'm ankhīna om u na ti. 3Hontin mo na paruol mita ranoktē om chu nei mū thei a, tenchu na mita thingpēk āom chu nei poisak nōk? 4Hontin mo na paruol kōma, ‘Na mita ranoktē ha na kelpē rong,’ nei ti thei? Entā, na mita thingpēk a om ni mak mo? 5O nang phuozekām, na mita thingpēk āom ha kel mānsa tānla, hatuka na paruol mita ranoktē ākel rang chu anthiang vanga mu thei na ti.
6“Ui ngāi kōma neinun ānthiang chu pēk u nō ro. Vok ngāi matona lunglū dēnga pei u nō ro. Hanōkten chu a ke thuoia ā thin u'n tia, na tiang una hong kīr a, na hong thēt chit u'n ti.
Zong Ro, Ārok ro, Ātōk ro.
Lk 11:9-13
7 #
1Rē 3:5; Zn 14:13-14; Zak 1:5-8; 1Zn 3:22 “Zong u ro, anpēka om u na ti. Ravān u ro, man u'n na ti. Atōk u ro, na rang una anlonga om in ti. 8#Chn 8:17; Zer 29:12-13Asik chu tūkareng āzong takin a man chachak. Tūkareng ānrok takin a mū chachak. Tūkareng āntōk takin a ranga anlonga om in ti. 9Ole na kār una hin tū mo a nāipasalin vāipōltāp zong sela, lung āpēk rang nā ni u? 10Ole ngā zong sela, tū mo marūl āpēk rang nā ni u? 11#Zak 1:17Nangni misalui ngāi luo mana, na nāi u ngāi kōma neinun āsa āpēk na riat u ten, anvāna na Pā u vāngin chu, ama kōma āzong ngāi chu ituk neinun āsa mo ei pēk rang ni? 12#Lk 6:31; Rōm 13:8-10; Gal 5:14Hasikhan, mī'n na chung una ei thō rang nei zōt u anga mi chungā'm thō u ro. Asik chu hiva hi Dānbū lē deari ngāi manchūna a ni.
Makot Anchīp lē Makot Āāi
Lk 13:24
13 #
Lk 13:24; Zn 10:7, 9 “Makot anchīpa lūt u ro. Asik chu makot āāi lē lampui alianin anpeina tiang a ruoi chachak. Havana ālūt chu ātampā a ni. 14Asik chu makot anchīp lē lampui antakin damna tiang a ruoi chachak. Hava lampui ātok chu mi alaktē kēng.
Thingkung lē a Mara ngāi
Lk 6:43-44
15 #
Zer 23:16; Lk 6:26; Kui 20:29; 2Pe 2:1; 1Zn 4:1; Anl 16:13 “Deari rothol ngāi, beramul ansila na kōma āhong ngāi ātā anrēng u ro. Tenchu asūng una chu ngelang vonchām u kēng. 16#Lk 6:44; Zak 3:12Amāni chu a marā nātā riat len thei u'n na ti. Mī'n lingkem kung ātā theirapom marā mo a kham ngāi? Ole mī'n rambōrei kung ātā theichang marā mo a kham ngāi? 17Hantin dēn han, thingkung asā dōrāna marā sā anrā na, tenchu thingkung asiata marā siat anrā na. 18#Lk 6:43Thingkung āsāna marā siat anrā ngāi mak. Thingkung āsiatā'm marā sā anrā ngāi mak. 19Thingkung tin marā sā anrālui dōra chu antuka, moia ei ānpei a ni. 20Hasikhan, amāni chu a marā nātā riatthei u'n na ti.
Na Riat u Mak Ung
21 #
Hos 8:2; Zn 13:13; Rōm 2:13; Zak 1:22; 1Zn 3:18 “ ‘Puma, Puma,’ a na ti dōra, vānram ei lūt rang tina ni mak. Tenchu ka Pā anvāna om ei zōt āthō ngāi rong kēng ālūt rang. 22#Lk 10:20; 1Ko 13:1-3Hava nikhuo tika chu mi tamtakin, ‘Puma, Puma, koinī'n na raminga dēchong na lei ril ni mak mo? Na raminga raluoi ngāi na lei razūl ni mak mo? Na raminga tichangbui sin na lei thō ni mak mo?’ la ti u'n ti. 23#Sām 6:8; Lk 13:25-27Hava tika han a kōm u na, na riat u ngāi mak ung. ‘Nangni dān akhēl ngāi, ka kōm ātā ankhāia sē u ro,’ tīna la puong ka ting.
Mihian lē Okanang Insinpū Ngāi
Lk 6:47-49
24 #
Zak 1:22-25
“Hasikhan, tūkareng hiva ka chong ngāi a riat a, āthō tak chu, lungpui chunga in a sin mihian le mankhī ka ting. 25Roti a hong āchul a, tiliansāng a hong a, thīnthī'n a hong sēm a, hava in chu a hong suk a. Lungpui chunga bul ei phun sika masiam thei mak a. 26Tenchu, tūkareng hiva ka chong ngāi a riat a, āthō nōk tak chu, siatsāi chunga in a sin āmopā ang a ni. 27Roti a hong āchul a, tiliansāng a hong a, thīnthī'n a hong sēm a, hava in ha a hong suk a, a chiam a. Ei chiamna chu a siat sabak a.”
Isuo'n Raluoiin ei Sūr Anni ei Mandamna
28 #
Mk 1:22; Lk 4:32; Zn 7:46 Isuo'n hiva chong ngāi a ril suona, ei manchūna chu mipui ngāi a boi a mandong u na. 29Asik chu amā'n dānmīnchūpū ngāi anga niluia, ningneina dōn sabaka amāni chu a manchū na.
Bible in Ranglong, © Bibles International, the Bible society of Baptist Mid-Missions, 2024.