मरकुस 16
16
ईसु मरीन पछु जीवतु हवे
(मत्ती 28:1-8; लुका 24:1-12; युहन्ना 20:1-10)
1जत्यार आरामेन दाहड़ु खत्तम हय गुयु, ती मरीयम मगदलनी, ने याकुबेन माय मरीयम ने सलोमी, गंदायण्यु मसालु ईसुन धड़ पर तेल लागाड़ने करीन मुल लेदी। 2हाप्तान पेहेले दाहड़े संदारे एगात जत्यार दाहड़ु उंग्यु, जे बायरा मसाण धड़े गुया 3ने ची आपसी-आपसी एक दीसरी सी कह्तेली की हामरे वाटे दगड़ा काजे मसाणेन बारनाम सी कुण छेटु करसे। 4जत्यार चे देख्या की दगड़ु गबड़ी रवलु चु दगड़ु मट्लु हतलु। 5मसाणेन मांहे गुय ती चे एक नांबला धवळा पुथल्या पेहरला जुवान माणुस काजे जेवड़े आंगे बठी रवलु देख्या। ने चे बायरा घाबरायन बीही गुया।
6चु तीनुक कह्यु, “बीहु मां तुहुंं ते ईसु नासरी काजे, तीनाक कुरुस पर चड़ावला चु छे। चु जीव उठ्यु। चु जां नी हय जाहां चे मेल्ला। 7बाकुन हय तुहुंं जावु, ने तेरा चेला ने पतरस सी कवजु की चु तुंद्रे सी पेहेल गलील जासे। जसु तुहुंंक पेहेल कह्लु की ईसु गलील ईलाकाम भेळु हवसे।”
8ज आखो सामळीन चे बायरा बेसका कापता ने घाबरायता जाय्न मसाण मां सी ढास#16:8 भाग पड़्या, ने चे कुय सी ईसुन बारामां नी कह्या, काहाकी चे बीही गुयला।
ईसु मरीयम मगदलनी काजे देखाव पड़े
(मत्ती 28:9,10; युहन्ना 20:11-18)
9हाप्तान पेहेले दाहड़े संदारे एगुत ईसु जीवतु हय्न पेहेल मरीयम मगदलनी काजे देखाव पड़्यु काहाकी हेरेम सी चु सात भुतड़ा नीकाळ्ळु। 10मरीयम मगदलनी जाय्न ईसुन साती दुखी हतला ने रड़ने बाजी रवला। तीनु काजे जाय्न कय की ईसु जीवतु हय गुयु। 11चे ज सामळ्या की ईसु जीवतु हय गुयु ने मरीयम तीनाक देखली छे, तेबी चे भुरसु नी कर्या।
ईसु दुय चेला काजे देखाव पड़े
(लुका 24:13-35)
12अळतेन तीनु चेला मायन दुय जणा गांव भीणी जाणे बाजी रवला जत्यार ईसु दुसरुत भातु तीनुक देखाव पड़्यु। 13चे दुय जणा बी दीसरा चेला काजे हीनी वातेन खबर कर्या, बाकुन चे तींद्रे पर बी भुरसु नी कर्या।
ईसु ग्यारे चेला काजे देखाव पड़े
(मत्ती 28:16-20; लुका 24:36-49; युहन्ना 20:19-23; नेवताळान काम 1:6-8)
14पछेन चे ग्यारे चेला रुटा खाणे बठी रवला, ती ईसु तीनुक बी देखाव पड़्यु, ईसु तींद्रु नी भुरसु करनेन ने भुरसु नी करनेन काठो मन हय गुयलो जाणीन ने तीनुक लड़तु जाय्न कह्यु, “जे मेसेक जीव उठीन बठु हवला देखला, तुहुंं तींद्री वात पर भुरसु काहा नी कर्या।” 15ने ईसु तीनुक कह्यु, “तुहुंं आखी कळी मां जावु ने आखा माणसे काजे खुस-खबरेन परचार करु। 16जे भुरसु करसे ने बपतीस्मा लेसे तींद्रुत छुटकारु हवसे, बाकुन जे भुरसु नी करसे तीनाक भगवानेन गुनाळु ठहरावसे। 17भुरसु करने वाळान जी सहलाणी रवसे की, चे मारे नाव सी भुतड़ान आत्मा काजे नीकाळसे ने नवली-नवली बुली बुलसे। 18कदी चे घड़सा धर लेसे ने दवा बी पी लेसे तेबी तीनुक काय बी नुकसाण नी हवे ने चे मांदला पर हात मेकसे ने चे वारु हय जासे।”
ईसुन सरगे हाकलाय जाणु
(लुका 24:50-53; नेवताळान काम 1:9-11)
19पछेन मालीक ईसु तींद्रे साते वात करीन पछेन सरग मां हाकलायन गुयु ने भगवानेन जेवड़्ये आंगे बठ गुयु। 20ने ईसुन चेला जागे-जागे जाय्न परचार कर्या ने मालीक तींद्रे#16:20 उनके साते काम करतु रयु ने मटा काम सी।
Právě zvoleno:
मरकुस 16: BSP25
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
The Bhilali Bible ©The Word for the World International and Bhilali Bhasha Samiti, Warvani, (M.P.) 2025.
मरकुस 16
16
ईसु मरीन पछु जीवतु हवे
(मत्ती 28:1-8; लुका 24:1-12; युहन्ना 20:1-10)
1जत्यार आरामेन दाहड़ु खत्तम हय गुयु, ती मरीयम मगदलनी, ने याकुबेन माय मरीयम ने सलोमी, गंदायण्यु मसालु ईसुन धड़ पर तेल लागाड़ने करीन मुल लेदी। 2हाप्तान पेहेले दाहड़े संदारे एगात जत्यार दाहड़ु उंग्यु, जे बायरा मसाण धड़े गुया 3ने ची आपसी-आपसी एक दीसरी सी कह्तेली की हामरे वाटे दगड़ा काजे मसाणेन बारनाम सी कुण छेटु करसे। 4जत्यार चे देख्या की दगड़ु गबड़ी रवलु चु दगड़ु मट्लु हतलु। 5मसाणेन मांहे गुय ती चे एक नांबला धवळा पुथल्या पेहरला जुवान माणुस काजे जेवड़े आंगे बठी रवलु देख्या। ने चे बायरा घाबरायन बीही गुया।
6चु तीनुक कह्यु, “बीहु मां तुहुंं ते ईसु नासरी काजे, तीनाक कुरुस पर चड़ावला चु छे। चु जीव उठ्यु। चु जां नी हय जाहां चे मेल्ला। 7बाकुन हय तुहुंं जावु, ने तेरा चेला ने पतरस सी कवजु की चु तुंद्रे सी पेहेल गलील जासे। जसु तुहुंंक पेहेल कह्लु की ईसु गलील ईलाकाम भेळु हवसे।”
8ज आखो सामळीन चे बायरा बेसका कापता ने घाबरायता जाय्न मसाण मां सी ढास#16:8 भाग पड़्या, ने चे कुय सी ईसुन बारामां नी कह्या, काहाकी चे बीही गुयला।
ईसु मरीयम मगदलनी काजे देखाव पड़े
(मत्ती 28:9,10; युहन्ना 20:11-18)
9हाप्तान पेहेले दाहड़े संदारे एगुत ईसु जीवतु हय्न पेहेल मरीयम मगदलनी काजे देखाव पड़्यु काहाकी हेरेम सी चु सात भुतड़ा नीकाळ्ळु। 10मरीयम मगदलनी जाय्न ईसुन साती दुखी हतला ने रड़ने बाजी रवला। तीनु काजे जाय्न कय की ईसु जीवतु हय गुयु। 11चे ज सामळ्या की ईसु जीवतु हय गुयु ने मरीयम तीनाक देखली छे, तेबी चे भुरसु नी कर्या।
ईसु दुय चेला काजे देखाव पड़े
(लुका 24:13-35)
12अळतेन तीनु चेला मायन दुय जणा गांव भीणी जाणे बाजी रवला जत्यार ईसु दुसरुत भातु तीनुक देखाव पड़्यु। 13चे दुय जणा बी दीसरा चेला काजे हीनी वातेन खबर कर्या, बाकुन चे तींद्रे पर बी भुरसु नी कर्या।
ईसु ग्यारे चेला काजे देखाव पड़े
(मत्ती 28:16-20; लुका 24:36-49; युहन्ना 20:19-23; नेवताळान काम 1:6-8)
14पछेन चे ग्यारे चेला रुटा खाणे बठी रवला, ती ईसु तीनुक बी देखाव पड़्यु, ईसु तींद्रु नी भुरसु करनेन ने भुरसु नी करनेन काठो मन हय गुयलो जाणीन ने तीनुक लड़तु जाय्न कह्यु, “जे मेसेक जीव उठीन बठु हवला देखला, तुहुंं तींद्री वात पर भुरसु काहा नी कर्या।” 15ने ईसु तीनुक कह्यु, “तुहुंं आखी कळी मां जावु ने आखा माणसे काजे खुस-खबरेन परचार करु। 16जे भुरसु करसे ने बपतीस्मा लेसे तींद्रुत छुटकारु हवसे, बाकुन जे भुरसु नी करसे तीनाक भगवानेन गुनाळु ठहरावसे। 17भुरसु करने वाळान जी सहलाणी रवसे की, चे मारे नाव सी भुतड़ान आत्मा काजे नीकाळसे ने नवली-नवली बुली बुलसे। 18कदी चे घड़सा धर लेसे ने दवा बी पी लेसे तेबी तीनुक काय बी नुकसाण नी हवे ने चे मांदला पर हात मेकसे ने चे वारु हय जासे।”
ईसुन सरगे हाकलाय जाणु
(लुका 24:50-53; नेवताळान काम 1:9-11)
19पछेन मालीक ईसु तींद्रे साते वात करीन पछेन सरग मां हाकलायन गुयु ने भगवानेन जेवड़्ये आंगे बठ गुयु। 20ने ईसुन चेला जागे-जागे जाय्न परचार कर्या ने मालीक तींद्रे#16:20 उनके साते काम करतु रयु ने मटा काम सी।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
The Bhilali Bible ©The Word for the World International and Bhilali Bhasha Samiti, Warvani, (M.P.) 2025.