Ɓalɔma 16
16
Pɔlɔ ɔɓokuo ɓombi di di di
1Nakʉnda nenu animbiiso ɓɔ Foibe, gwa ata moi ngɨyeso, asalɨa kanisa ngɨyɔ Kenukulea, iɗo nɔgbɛ. 2Mʉtɛtɨeni akɔ ino yɔ Makwɔɓɨɨ kʉndʉ aka kanisa akɨa-ɔɔ. Mʉsalɨeni amati ɔ lɨpɨ lɔ angɨɔ ngɨangɔ, ngbinga muɓomu ngɨa a꞊ɓio suo-ɔɔ akʉnda ɓɔ mʉsalɨeni. Dɔ ɨyɔ, a꞉salɨa pɔngɔ ɓombi ɓaja, ɨhɔ nɛmɨ kʉtaa.
3Nɔɓokuo atɨ Pelesila nɔ Akila, ɓombi ngʉɓa takɔkɨa naɓɔ tɛa amati ɔ Yeso Klisito. 4Ambɔ ɓa꞉ɓʉmaa pɔngɔ ta maa, ɨɓɔ ahata heiso uɓei ngʉwɔsɛmɨ. Ɨmɨ, nanaɓɔ atosio ʉbɨba nɔgbɛ, nɔ, sɔkɔmʉ ta ɨmɨ nangana akɛ, nanaɓɔ atosio ʉbɨba. Makanisa maɓomu kɔ ɓombi ngʉɓa ɓangomu Ɓayuda, ka kʉ nayɔ atosio ʉbɨba. 5Nɔɓokuo kʉɔ kanisa ngɨa ajonokio amati ɔ ɨkáá ngɨyeɓo. Nɔɓokuo Epeneto, awai ngɨasɛmɨ ɔ ɓʉkʉnda, ɨya mombi ɔpɛɨ akɔbaya Klisito amati ɔ ihoi ngɨyɔ Ajia. 6Nɔɓokuo Malɨa, ɨyɔ ngɨa a꞉tʉmba pɔngɔ ɓuɓuto ngʉɓeno nɔgbɛ. 7Nɔɓokuo atɨ Andoloniko nɔ Yunia kʉtaa, ɨɓɔ ngʉɓa ɓa ɨfananja ngɨyɛsɛmɨ, ta꞉ɓio pɔngɔ naɓɔ aboloko. Ɨɓɔ, ɓa ɓatitima ɓɔta ɓɛmbɨanɨɛ ati ɔ ɓatitima ngaɓɔmɔ, nɔ kʉ ɨɓɔ akɛ, ɓa꞉báya Klisito apɛɨ asɛmɨ. 8Nɔɓokuo Amupuliato, ɨyɔ ngɨa, awai asɛmɨ ɔ ɓʉkʉnda amati ɔ Makwɔɓɨɨ. 9Nɔɓokuo atɨ Uluɓano, ɨya ta꞉kɨa nayɔ tɛa yɔ Klisito, nɔ Sitaki awai asɛmɨ ɔ ɓʉkʉnda. 10Nɔɓokuo Apele, ɨyɔ ngɨa, a꞉pananiso aɓʉmba, báya ngɨangɔ amati ɔ Klisito. Nɔɓokuo ambaja ɔ ɓombi ngʉɓɔ ɨfananja ngɨyɔ Alisotoloɓuelo. 11Nɔɓokuo Helodioni, ɨyɔ ngɨa, akɔ ɨfananja ngɨyɛsɛmɨ. Nɔɓokuo ɓombi ngʉɓa ɓa atɨ Nalikisi ambɛnɨ, ʉɓa, ɓa꞉báya Makwɔɓɨɨ bayanɨ. 12Nɔɓokuo atɨ Tilifina nɔ Tilifosa, ɓaya ɓeɓoi, ɨɓɔ, ɓa꞉tʉmba pɔngɔ ɓuɓuto amati ɔ tɛa ngɨyɔ Makwɔɓɨɨ. Nɔɓokuo Pelesila, awai ɔ ɓʉkʉnda ngɨa ata moi, ɨya akɔkɨa tɛa yɔ Makwɔɓɨɨ. 13Nɔɓokuo Lufo, ngɨa mombi ɔ tɛa ata ɓʉmʉ ɔ Makwɔɓɨɨ, nɔ inye, ɨya, akʉ ɨnaa. 14Nɔɓokuo atɨ Asiniklisto, nɔ Fulegoni, nɔ Helema, nɔ Pataloba, nɔ Helama, nɔ ɓanduku ngʉɓa ɓa ɨhɔ naɓɔ. 15Nɔɓokuo atɨ Filologo, nɔ Yulia, nɔ Nelea, nɔ manye ngɨa ata moi, nɔ Olimupa, nɔ ɓombi ɓɔ Asɔɓɨɨ ɓaɓomu ngʉɓa ɓajonokio ɨhɔ naɓɔ. 16Ɓieni kʉ akɔɓokwonoko nɔ, nɔ́naputono ati eno, nɔ ɓʉkʉnda ngʉɓɔ Klisito. Makanisa maɓomu ngʉkɔ Klisito kɔniɓokuo.
Ʉpanʉ wɔ mupipio
17Inu ɓanduku, kanganakieni kanganakɨanɨ nɔ ɓombi ngʉɓa ɓakumoniso nagbonyonoko ati ɔ eno, nɔ ʉɓa, ɓakwisiso ɓombi ngʉɓa ɓa꞉báya ga ɓɨsɨana nɔ mapanʉ ngʉka ɓa꞉nɨpanɨa jɛnɛ inu. Nágbonyonokeni naɓɔ nagbonyonokoo. 18Dɔ, ɨkananja yɔ ɓombi ngʉɓɔnanɨ ɓangomu akyananakɨa Makweso Klisito, yakamɛngana, ɓakyananakɨa ta mamaa ngʉkeɓo ingainga. Nɔ, maduɓa ngʉkeɓo kɔta manjanja nɔ ʉka kɔ mʉjɛɛ, ɓapɛtaka ɓombi ngʉɓa ɓangɔmʉ nɔ yaka yɛta ɓɨɓɨ amati eɓo. 19Nanɨkwa ɨgyagya akʉʉ eno, dɔ, ɓombi ɓaɓomu ɓanɨmbɨa iɗo ɓɔ, inu nakɔkyananakɨa Makwɔɓɨɨ tanɨ. Yakamɛngana, nakʉnda ɓɔ ɓieni nɔ nɨmbɨmbanaka amati ɔ kyananaka manjanja, nɔ nátɨmatanakɨenimʉ nɔ ɓʉɓɨɓɨ. 20Yɔtukoo angbinga bele, Asɔɓɨɨ ngɨyɔ majɨɔ, a꞊mʉyechoo suo Sɨtanɨ ɛsɨ ɔ mɨtɨndɨ ngɨyeno ta yechoo.
Ɨjɨɔ ngɨyɔ Makweso Yeso yiɓio ɨhɔ nenu-ɛ!
21Tɨmɔtɛɔ, baya ɔ Asɔɓɨɨ, ngɨa takɨa tɛa ɨhɔ nayɔ, ɔnɨɓokuo kʉ ɓokuoni. Ɓombi ɓɔ ɨfananja ngɨyɛsɛmɨ atɨ Lukio, nɔ Yasɔnɨ, nɔ Sɔsɨpatɛlɨ, ɓɔnɨɓokuo kʉ ɓokuoni.
22Ɨmɨ Teletio, ngɨa na꞉tɛndakɨa pɔngɔ ubalʉa ngʉwa, nɔnɨɓokuo akɔ ino yɔ Makwɔɓɨɨ.
23Gayo ngɨa a꞉natɛtɨa, ɨya, kanisa muɓomu aɓijonokio pɔngɔ andɔngɔ, ɔnɨɓokuo kʉ ɓokuoni. Ɨlasɨtɔ mombi ɔ pɛmakɨa ɓagyɛgyɛ amati ɔ gʉlʉ, nɔ nduku eso Kwalato, ɓɔniɓokuo kʉ ɓokuoni.
[ 24Ɨjɨɔ ngɨyɔ Makweso Yeso Klisito yiɓio ɨhɔ nenu ɓaɓomu-ɛɛ! Ya ɓanɨ.]
Ʉbɨba wɔ mupipio
25Asɔɓɨɨ ɨsɨka ʉbɨba! Ɨyɔ ngɨa, anɔ ʉpanʉ nenu aninjo angu amati ɔ báya, akɔkpatanakɨa nɔ Ɨsaʉ yɛta Iɗo ngɨyɛ nɛ꞉ka nayo aɓɨakɨa akʉʉ ɔ Yeso Klisito. Ya ɨngbaa akɔ Ɨsaʉ yɛta Iɗo ngɨyɛnɛnɨ, ɨyɛ, Asɔɓɨɨ a-ɔɔ apananiso aɓʉmba yaka yɔ ɓaɗi ngɨyɛ ya꞉ɓio jɛnɛ ɨnayanɨɛ anɨngwa kʉ pɛɨ. 26Yakamɛngana, ɨtakɨtakɨ ngɨyɛ, mabii ngʉkɔ magbɛ kɔ Asɔɓɨɨ, kapananiso yaka yɔ ɓaɗi ngɨyɛnɛnɨ tɨta aɓʉmba, akɔ ɓombi ɓaɓomu. Asɔɓɨɨ ngɨyɔ mago nɔ mago e꞉njo jɛnɛ ʉpanʉ ngʉwɔnanɨ, ɓɔ dɔ ɓombi ɓaɓomu ɓɨmʉbaya, nɔ, ɓɔkyananakɨa mapanʉ ngʉkangɔ. 27Ta Asɔɓɨɨ nangana akɛ anɔ nɨmbɨmbɨanaka iɓomu. Ʉbɨba akɔ ɨyɔ, ɨngbaa akɔ Yeso Klisito amati ɔ mago nɔ mago-ɛ! Ya ɓanɨ.
Právě zvoleno:
Ɓalɔma 16: buuN
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2021, Wycliffe Bible Translators, Inc.
Ɓalɔma 16
16
Pɔlɔ ɔɓokuo ɓombi di di di
1Nakʉnda nenu animbiiso ɓɔ Foibe, gwa ata moi ngɨyeso, asalɨa kanisa ngɨyɔ Kenukulea, iɗo nɔgbɛ. 2Mʉtɛtɨeni akɔ ino yɔ Makwɔɓɨɨ kʉndʉ aka kanisa akɨa-ɔɔ. Mʉsalɨeni amati ɔ lɨpɨ lɔ angɨɔ ngɨangɔ, ngbinga muɓomu ngɨa a꞊ɓio suo-ɔɔ akʉnda ɓɔ mʉsalɨeni. Dɔ ɨyɔ, a꞉salɨa pɔngɔ ɓombi ɓaja, ɨhɔ nɛmɨ kʉtaa.
3Nɔɓokuo atɨ Pelesila nɔ Akila, ɓombi ngʉɓa takɔkɨa naɓɔ tɛa amati ɔ Yeso Klisito. 4Ambɔ ɓa꞉ɓʉmaa pɔngɔ ta maa, ɨɓɔ ahata heiso uɓei ngʉwɔsɛmɨ. Ɨmɨ, nanaɓɔ atosio ʉbɨba nɔgbɛ, nɔ, sɔkɔmʉ ta ɨmɨ nangana akɛ, nanaɓɔ atosio ʉbɨba. Makanisa maɓomu kɔ ɓombi ngʉɓa ɓangomu Ɓayuda, ka kʉ nayɔ atosio ʉbɨba. 5Nɔɓokuo kʉɔ kanisa ngɨa ajonokio amati ɔ ɨkáá ngɨyeɓo. Nɔɓokuo Epeneto, awai ngɨasɛmɨ ɔ ɓʉkʉnda, ɨya mombi ɔpɛɨ akɔbaya Klisito amati ɔ ihoi ngɨyɔ Ajia. 6Nɔɓokuo Malɨa, ɨyɔ ngɨa a꞉tʉmba pɔngɔ ɓuɓuto ngʉɓeno nɔgbɛ. 7Nɔɓokuo atɨ Andoloniko nɔ Yunia kʉtaa, ɨɓɔ ngʉɓa ɓa ɨfananja ngɨyɛsɛmɨ, ta꞉ɓio pɔngɔ naɓɔ aboloko. Ɨɓɔ, ɓa ɓatitima ɓɔta ɓɛmbɨanɨɛ ati ɔ ɓatitima ngaɓɔmɔ, nɔ kʉ ɨɓɔ akɛ, ɓa꞉báya Klisito apɛɨ asɛmɨ. 8Nɔɓokuo Amupuliato, ɨyɔ ngɨa, awai asɛmɨ ɔ ɓʉkʉnda amati ɔ Makwɔɓɨɨ. 9Nɔɓokuo atɨ Uluɓano, ɨya ta꞉kɨa nayɔ tɛa yɔ Klisito, nɔ Sitaki awai asɛmɨ ɔ ɓʉkʉnda. 10Nɔɓokuo Apele, ɨyɔ ngɨa, a꞉pananiso aɓʉmba, báya ngɨangɔ amati ɔ Klisito. Nɔɓokuo ambaja ɔ ɓombi ngʉɓɔ ɨfananja ngɨyɔ Alisotoloɓuelo. 11Nɔɓokuo Helodioni, ɨyɔ ngɨa, akɔ ɨfananja ngɨyɛsɛmɨ. Nɔɓokuo ɓombi ngʉɓa ɓa atɨ Nalikisi ambɛnɨ, ʉɓa, ɓa꞉báya Makwɔɓɨɨ bayanɨ. 12Nɔɓokuo atɨ Tilifina nɔ Tilifosa, ɓaya ɓeɓoi, ɨɓɔ, ɓa꞉tʉmba pɔngɔ ɓuɓuto amati ɔ tɛa ngɨyɔ Makwɔɓɨɨ. Nɔɓokuo Pelesila, awai ɔ ɓʉkʉnda ngɨa ata moi, ɨya akɔkɨa tɛa yɔ Makwɔɓɨɨ. 13Nɔɓokuo Lufo, ngɨa mombi ɔ tɛa ata ɓʉmʉ ɔ Makwɔɓɨɨ, nɔ inye, ɨya, akʉ ɨnaa. 14Nɔɓokuo atɨ Asiniklisto, nɔ Fulegoni, nɔ Helema, nɔ Pataloba, nɔ Helama, nɔ ɓanduku ngʉɓa ɓa ɨhɔ naɓɔ. 15Nɔɓokuo atɨ Filologo, nɔ Yulia, nɔ Nelea, nɔ manye ngɨa ata moi, nɔ Olimupa, nɔ ɓombi ɓɔ Asɔɓɨɨ ɓaɓomu ngʉɓa ɓajonokio ɨhɔ naɓɔ. 16Ɓieni kʉ akɔɓokwonoko nɔ, nɔ́naputono ati eno, nɔ ɓʉkʉnda ngʉɓɔ Klisito. Makanisa maɓomu ngʉkɔ Klisito kɔniɓokuo.
Ʉpanʉ wɔ mupipio
17Inu ɓanduku, kanganakieni kanganakɨanɨ nɔ ɓombi ngʉɓa ɓakumoniso nagbonyonoko ati ɔ eno, nɔ ʉɓa, ɓakwisiso ɓombi ngʉɓa ɓa꞉báya ga ɓɨsɨana nɔ mapanʉ ngʉka ɓa꞉nɨpanɨa jɛnɛ inu. Nágbonyonokeni naɓɔ nagbonyonokoo. 18Dɔ, ɨkananja yɔ ɓombi ngʉɓɔnanɨ ɓangomu akyananakɨa Makweso Klisito, yakamɛngana, ɓakyananakɨa ta mamaa ngʉkeɓo ingainga. Nɔ, maduɓa ngʉkeɓo kɔta manjanja nɔ ʉka kɔ mʉjɛɛ, ɓapɛtaka ɓombi ngʉɓa ɓangɔmʉ nɔ yaka yɛta ɓɨɓɨ amati eɓo. 19Nanɨkwa ɨgyagya akʉʉ eno, dɔ, ɓombi ɓaɓomu ɓanɨmbɨa iɗo ɓɔ, inu nakɔkyananakɨa Makwɔɓɨɨ tanɨ. Yakamɛngana, nakʉnda ɓɔ ɓieni nɔ nɨmbɨmbanaka amati ɔ kyananaka manjanja, nɔ nátɨmatanakɨenimʉ nɔ ɓʉɓɨɓɨ. 20Yɔtukoo angbinga bele, Asɔɓɨɨ ngɨyɔ majɨɔ, a꞊mʉyechoo suo Sɨtanɨ ɛsɨ ɔ mɨtɨndɨ ngɨyeno ta yechoo.
Ɨjɨɔ ngɨyɔ Makweso Yeso yiɓio ɨhɔ nenu-ɛ!
21Tɨmɔtɛɔ, baya ɔ Asɔɓɨɨ, ngɨa takɨa tɛa ɨhɔ nayɔ, ɔnɨɓokuo kʉ ɓokuoni. Ɓombi ɓɔ ɨfananja ngɨyɛsɛmɨ atɨ Lukio, nɔ Yasɔnɨ, nɔ Sɔsɨpatɛlɨ, ɓɔnɨɓokuo kʉ ɓokuoni.
22Ɨmɨ Teletio, ngɨa na꞉tɛndakɨa pɔngɔ ubalʉa ngʉwa, nɔnɨɓokuo akɔ ino yɔ Makwɔɓɨɨ.
23Gayo ngɨa a꞉natɛtɨa, ɨya, kanisa muɓomu aɓijonokio pɔngɔ andɔngɔ, ɔnɨɓokuo kʉ ɓokuoni. Ɨlasɨtɔ mombi ɔ pɛmakɨa ɓagyɛgyɛ amati ɔ gʉlʉ, nɔ nduku eso Kwalato, ɓɔniɓokuo kʉ ɓokuoni.
[ 24Ɨjɨɔ ngɨyɔ Makweso Yeso Klisito yiɓio ɨhɔ nenu ɓaɓomu-ɛɛ! Ya ɓanɨ.]
Ʉbɨba wɔ mupipio
25Asɔɓɨɨ ɨsɨka ʉbɨba! Ɨyɔ ngɨa, anɔ ʉpanʉ nenu aninjo angu amati ɔ báya, akɔkpatanakɨa nɔ Ɨsaʉ yɛta Iɗo ngɨyɛ nɛ꞉ka nayo aɓɨakɨa akʉʉ ɔ Yeso Klisito. Ya ɨngbaa akɔ Ɨsaʉ yɛta Iɗo ngɨyɛnɛnɨ, ɨyɛ, Asɔɓɨɨ a-ɔɔ apananiso aɓʉmba yaka yɔ ɓaɗi ngɨyɛ ya꞉ɓio jɛnɛ ɨnayanɨɛ anɨngwa kʉ pɛɨ. 26Yakamɛngana, ɨtakɨtakɨ ngɨyɛ, mabii ngʉkɔ magbɛ kɔ Asɔɓɨɨ, kapananiso yaka yɔ ɓaɗi ngɨyɛnɛnɨ tɨta aɓʉmba, akɔ ɓombi ɓaɓomu. Asɔɓɨɨ ngɨyɔ mago nɔ mago e꞉njo jɛnɛ ʉpanʉ ngʉwɔnanɨ, ɓɔ dɔ ɓombi ɓaɓomu ɓɨmʉbaya, nɔ, ɓɔkyananakɨa mapanʉ ngʉkangɔ. 27Ta Asɔɓɨɨ nangana akɛ anɔ nɨmbɨmbɨanaka iɓomu. Ʉbɨba akɔ ɨyɔ, ɨngbaa akɔ Yeso Klisito amati ɔ mago nɔ mago-ɛ! Ya ɓanɨ.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2021, Wycliffe Bible Translators, Inc.