Ɓalɔma 13
13
Akyananakɨa ʉpanʉ wɔ ɓangama
1Yɔsisekio ɓɔ mombi nangana nangana, ɨkyananakɨa mapanʉ ngʉkɔ ɓangama ngʉɓa ɓanesu akanga, dɔ, ɓʉngama ɓuɓomu ɓanɨngwa ta atɨ Asɔɓɨɨ, nɔ kʉ ɨyɔ akɛ, anapɨa ɓangama ngʉɓa ɓakyɛndakiso ɨkʉmbʉ. 2Kʉɓanɨ, mombi ngɨa angɔmʉ akumo ɓangama, akɔɓundo ʉpanʉ ngʉwa Asɔɓɨɨ ɛ꞉maiso. Nɔ ɓombi ngʉɓa ɓakɔɓundo ʉpanʉ, ɓahatanaka mʉkɔmbʉ akʉʉ eɓo ɓakʉɓɔngɔ. 3Dɔ, ɓombi ngʉɓa ɓakɨa yaka yɛta iɗo, ɓangɔkwananamʉ aɓio nɔ ʉɓá nɔ ɓangama. Yakamɛngana, ta ɓombi ɓɔta ɓɨɓɨ akɛ, ɓakɨa nɔ ʉɓá nɔ ɓangama. Wa ndɨ akʉnda ɓɔ watɨɓiomʉ nɔ ʉɓá nɔ ɓangama? Ɛɛ, kɨa gɔ yaka yɛta iɗo, kʉdɔ, ɓangama ɓanabɨba bɨbanɨ. 4Ɨɓɔ ɓangama, ɓakyananakɨa Asɔɓɨɨ, dɔ ʉwɛ, ɓio ta iɗo. Yakamɛngana, wɔkɨeni ɓʉɓɨɓɨ, wɔkwananɔ ta ɓio nɔ ʉɓá, dɔ ɨyɔ ngama, anɔ ʉpanʉ nɔwɛ akyananaka. Iyɔ, akyananakɨa Asɔɓɨɨ ngɨa akyɔkio mʉkɔmbʉ wɔ ɓombi ngʉɓa ɓakɔkɨa ɓʉɓɨɓɨ. 5Tɨa kʉɓanɨ, yɔkwananɔ akumo ɓangama, sɔkɔmʉ ta akumo mʉkɔmbʉ wɔ Asɔɓɨɨ, yakamɛngana, anʉka kʉwɔ iso ngɨyɛ yachwɛa amati ɔ mʉtɨma.
6Yaka ngɨyɛ ná-ɔɔ alipa manjanja, ɨyɔ mɛngana kʉ ɨyɛnɛnɨ. Dɔ, ɨɓɔ ɓangama, ɓakyananakɨa Asɔɓɨɨ iɗo, amati ɔ tɛa ngɨyɛnɛnɨ a꞉ɓinjo. 7Injeni mombi nangana nangana ɨkyɛmʉ ngɨyɛ nɔ́sisekio nayɔ anɨnjo: injeni manjanja kʉ amombi ɔ manjanja, nɔ takɨsɨ kʉ amombi ɔ ɓatakɨsɨ. Nɔ, kumeni mombi ngia nɔ́sisekio nayo akumo, nɔ, bibiseni mombi ngɨa ɔsisekio nɔ ʉbɨba.
Aɓio amati ɔɔ ɓʉkʉnda
8Nátɨɓiomʉ nɔ uɓu wɔ mombi pɔ mʉngana, yɔɓienimʉ ta uɓu wɔ ɓʉkʉnda ngʉɓa nɔ́sisekio aɓio naɓo ati eno. Mombi ngɨa anɔ ɓʉkʉnda nɔ ɓangɛ, akɔkyananakɨa ʉpanʉ nɔ ingono. 9Dɔ, amati ɔ mapanʉ ya꞉tɛndanakɨa ɓɔ: «Watɨkɨamʉ ɓuso, watɨwamʉ mombi, watiɓomʉ, watɨtatanɨamʉ ɨkyɛmʉ yɔ mombi.» Mapanʉ ngʉkɔnanɨ maɓomu nɔ ʉka kɔmɔ kʉtaa, kamɔmanɨa ta amati ɔ ʉpanʉ mʉngana: «Kʉnda mangɛ kʉndʉ wakʉndana ʉwɛ, makwɔngɔ.»#popoko Chw 20:13-17; Tngw 5:17-21; Ɓlw 19:18 10Mombi ngɨa anɔ ɓʉkʉnda nɔ mangɛ, angɔmʉkɨamʉ yaka yɛta ɓɨɓɨ. Kʉɓanɨ, ɨngbaa yɔ kyananakɨa mapanʉ nɔ ingono, ya ingainga ɓʉkʉnda.
Aɓio ɓɔndanɛ akɔ tɔwa yɔ Klisito
11Kɨɛni ɓanɨ, dɔ, nánɨmbɨa iɗo ɓɔ angbinga ngɨa ta amati ɔngɔ akɛ, a tanɨ. Ya tɨa angbinga akɔ inu, ajʉkana akɔ tɔɔ, dɔ, ɨtakɨtakɨ ngɨyɛ, ɓʉhɛa ɓa tɨa tinene nesu nɔgbɛ akɔchana angbinga ngɨa ta꞉baya jɛnɛ-ɔɔ. 12Ɓisi ɓɔta ɓiye ɓɔjio tɨa jioni, nɔ ɓisi ɓɔta ɓʉyɛ ɓa tɨa tinene. Kʉɓanɨ, tɨsɨaneni nɔ mʉkyananakɨa wɔ naɓutu, tɨa sɨananɨ. Nɔ tɔsɨka tɨta lɨɗɔkɔ lɔ ɗite, ngɨlɛ lɔ ɓisi ɓɔta ɓʉyɛ. 13Tiɓieni nɔ mʉkyananakɨa wɔta uɗo, ʉwa, wɔsisekio nɔ ɓisi ɓɔta ɓʉyɛ. Tɨpɛmanakɨeni nɔ mʉgbʉmʉ, nɔ ɨdamʉ, nɔ muso, nɔ ɓʉjɛka, nɔ mangoi, tɨa kʉ nɔ imi. 14Yakamɛngana, ɓieni ngbanga ndʉ Makwɔɓɨɨ Yeso Klisito. Nɔ, nátɨsɨamʉ mʉsasa wɔ ndʉtʉ nenu anɨfa ɓubaya.
Právě zvoleno:
Ɓalɔma 13: buuN
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2021, Wycliffe Bible Translators, Inc.
Ɓalɔma 13
13
Akyananakɨa ʉpanʉ wɔ ɓangama
1Yɔsisekio ɓɔ mombi nangana nangana, ɨkyananakɨa mapanʉ ngʉkɔ ɓangama ngʉɓa ɓanesu akanga, dɔ, ɓʉngama ɓuɓomu ɓanɨngwa ta atɨ Asɔɓɨɨ, nɔ kʉ ɨyɔ akɛ, anapɨa ɓangama ngʉɓa ɓakyɛndakiso ɨkʉmbʉ. 2Kʉɓanɨ, mombi ngɨa angɔmʉ akumo ɓangama, akɔɓundo ʉpanʉ ngʉwa Asɔɓɨɨ ɛ꞉maiso. Nɔ ɓombi ngʉɓa ɓakɔɓundo ʉpanʉ, ɓahatanaka mʉkɔmbʉ akʉʉ eɓo ɓakʉɓɔngɔ. 3Dɔ, ɓombi ngʉɓa ɓakɨa yaka yɛta iɗo, ɓangɔkwananamʉ aɓio nɔ ʉɓá nɔ ɓangama. Yakamɛngana, ta ɓombi ɓɔta ɓɨɓɨ akɛ, ɓakɨa nɔ ʉɓá nɔ ɓangama. Wa ndɨ akʉnda ɓɔ watɨɓiomʉ nɔ ʉɓá nɔ ɓangama? Ɛɛ, kɨa gɔ yaka yɛta iɗo, kʉdɔ, ɓangama ɓanabɨba bɨbanɨ. 4Ɨɓɔ ɓangama, ɓakyananakɨa Asɔɓɨɨ, dɔ ʉwɛ, ɓio ta iɗo. Yakamɛngana, wɔkɨeni ɓʉɓɨɓɨ, wɔkwananɔ ta ɓio nɔ ʉɓá, dɔ ɨyɔ ngama, anɔ ʉpanʉ nɔwɛ akyananaka. Iyɔ, akyananakɨa Asɔɓɨɨ ngɨa akyɔkio mʉkɔmbʉ wɔ ɓombi ngʉɓa ɓakɔkɨa ɓʉɓɨɓɨ. 5Tɨa kʉɓanɨ, yɔkwananɔ akumo ɓangama, sɔkɔmʉ ta akumo mʉkɔmbʉ wɔ Asɔɓɨɨ, yakamɛngana, anʉka kʉwɔ iso ngɨyɛ yachwɛa amati ɔ mʉtɨma.
6Yaka ngɨyɛ ná-ɔɔ alipa manjanja, ɨyɔ mɛngana kʉ ɨyɛnɛnɨ. Dɔ, ɨɓɔ ɓangama, ɓakyananakɨa Asɔɓɨɨ iɗo, amati ɔ tɛa ngɨyɛnɛnɨ a꞉ɓinjo. 7Injeni mombi nangana nangana ɨkyɛmʉ ngɨyɛ nɔ́sisekio nayɔ anɨnjo: injeni manjanja kʉ amombi ɔ manjanja, nɔ takɨsɨ kʉ amombi ɔ ɓatakɨsɨ. Nɔ, kumeni mombi ngia nɔ́sisekio nayo akumo, nɔ, bibiseni mombi ngɨa ɔsisekio nɔ ʉbɨba.
Aɓio amati ɔɔ ɓʉkʉnda
8Nátɨɓiomʉ nɔ uɓu wɔ mombi pɔ mʉngana, yɔɓienimʉ ta uɓu wɔ ɓʉkʉnda ngʉɓa nɔ́sisekio aɓio naɓo ati eno. Mombi ngɨa anɔ ɓʉkʉnda nɔ ɓangɛ, akɔkyananakɨa ʉpanʉ nɔ ingono. 9Dɔ, amati ɔ mapanʉ ya꞉tɛndanakɨa ɓɔ: «Watɨkɨamʉ ɓuso, watɨwamʉ mombi, watiɓomʉ, watɨtatanɨamʉ ɨkyɛmʉ yɔ mombi.» Mapanʉ ngʉkɔnanɨ maɓomu nɔ ʉka kɔmɔ kʉtaa, kamɔmanɨa ta amati ɔ ʉpanʉ mʉngana: «Kʉnda mangɛ kʉndʉ wakʉndana ʉwɛ, makwɔngɔ.»#popoko Chw 20:13-17; Tngw 5:17-21; Ɓlw 19:18 10Mombi ngɨa anɔ ɓʉkʉnda nɔ mangɛ, angɔmʉkɨamʉ yaka yɛta ɓɨɓɨ. Kʉɓanɨ, ɨngbaa yɔ kyananakɨa mapanʉ nɔ ingono, ya ingainga ɓʉkʉnda.
Aɓio ɓɔndanɛ akɔ tɔwa yɔ Klisito
11Kɨɛni ɓanɨ, dɔ, nánɨmbɨa iɗo ɓɔ angbinga ngɨa ta amati ɔngɔ akɛ, a tanɨ. Ya tɨa angbinga akɔ inu, ajʉkana akɔ tɔɔ, dɔ, ɨtakɨtakɨ ngɨyɛ, ɓʉhɛa ɓa tɨa tinene nesu nɔgbɛ akɔchana angbinga ngɨa ta꞉baya jɛnɛ-ɔɔ. 12Ɓisi ɓɔta ɓiye ɓɔjio tɨa jioni, nɔ ɓisi ɓɔta ɓʉyɛ ɓa tɨa tinene. Kʉɓanɨ, tɨsɨaneni nɔ mʉkyananakɨa wɔ naɓutu, tɨa sɨananɨ. Nɔ tɔsɨka tɨta lɨɗɔkɔ lɔ ɗite, ngɨlɛ lɔ ɓisi ɓɔta ɓʉyɛ. 13Tiɓieni nɔ mʉkyananakɨa wɔta uɗo, ʉwa, wɔsisekio nɔ ɓisi ɓɔta ɓʉyɛ. Tɨpɛmanakɨeni nɔ mʉgbʉmʉ, nɔ ɨdamʉ, nɔ muso, nɔ ɓʉjɛka, nɔ mangoi, tɨa kʉ nɔ imi. 14Yakamɛngana, ɓieni ngbanga ndʉ Makwɔɓɨɨ Yeso Klisito. Nɔ, nátɨsɨamʉ mʉsasa wɔ ndʉtʉ nenu anɨfa ɓubaya.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2021, Wycliffe Bible Translators, Inc.