Mɨkyananakɨa 28
28
Pɔlɔ akɔ uji wɔ Melita
1Ambise ngɨa ta꞉ɓwanaka-ɔɔ akɔ igwo, tɔ꞉tɛmbɨa tɨa ɓɔ uji ngʉwɔnanɨ weno ɓɔ Melita. 2Ɓombi ngʉɓɔ uji ngʉwɔnanɨ, ɓa꞉tɨkɨa iɗo nɔgbɛ. Ndʉ ʉgbaá wa꞉ɓio akɔneyo, tɨa kʉ nɔ sɛsʉ, kʉdɔ, ɓɔ꞉tɨwoliso isu ɓaɓomu anɔ ambamba ɔ dyaa yɛta ɨja ngɨyɛ ɓa꞉ɨgbɔnda. 3Tɨa ananɨ, Pɔlɔ ɔ꞉tʉpa ɨkaka yɔ ɓagbɛgbɛgbɛ, nɔ, ɔ꞉ɓʉmaya adyaa. Kʉdɔ, akumo ɓʉnja ngʉɓɔnanɨ, sɨɨ a꞉chwɛnɨa, nɔ, ɔ꞉kpakpanɨa aɨtakpa yɔ ɨkɔndɔ ngɨangɔ ga kpakpɨ. 4Angbinga ngɨa ɓombi ɓɔ uji ngʉwɔnanɨ ɓɛ꞉na-ɔɔ sɨɨ mʉkpakpanɨɛ akɔ ɨtakpa yɔ ɨkɔndɔ ngɨyɔ Pɔlɔ, ɓɔ꞉pʉnga yakanaka ati eɓo ɓɔ: «Mombi ngɨa, a ta mʉngwadeni kʉ ingono, dɔ, ɓʉngbingbii ngʉɓa ɓɔ mʉngʉ ɔ majɛjɛ, ɓangɔmʉ akʉnda ɓɔ ɨhɛa, gʉtʉ ndʉ ɔ꞉ɓwanakɨɔ ingwo alisini.» 5Yakamɛngana, Pɔlɔ ɔ꞉gbɨnya sɨɨ amati ɔ dyaa, nɔ sɔkɔmʉ ɔ꞉kana njɛnjɛa pɔ bele. 6Ɓombi ngʉɓa ɓɔmɔ ɓa꞉ɓio aɓɛtɨa ɓɔ, ɓɛ꞉na ndʉtʉ nayɔ amotoko, ga pɔ ɓɔ ahɔmʉana nɔ ingwo ta ɓɔ ngbengeɓe. Yakamɛngana, ndʉ ɓa꞉ɓɛtɨa ɓɔ ndɨɨ, ɓɛ꞉na ɓɔ ɨkyɛmʉ yɔ꞉mʉkɨɔmʉ pɔ mɛngana, kʉdɔ, ɓɔ꞉necho itungwio ngɨyeɓo nɔ ɓɔ꞉sugo tɨa ga a mamʉngʉ.
7Tinetine nɔ ʉmʉa ngʉwɔnanɨ, ya꞉ɓio nɔ ihoi yɔ ngama mʉngana ata mʉja amati ɔ uji ngʉwɔnanɨ, ino ɓɔ Pubilio. Ngama ngɨananɨ, a꞉tɨtɛtɛa nɔ ɓʉkʉnda, nɔ, ɔ꞉tɨsɨka ndʉ ɓabika ɓangɔ amati ɔ makwaa kaatʉ. 8Ɨsɛ ɔ Pubilio, a꞉ɓio ɓakwaɛ, ɨyɔ, akɔnɔ sɛsʉ, kʉ nɔ ʉhandʉ wɔ menike. Pɔlɔ ɔ꞉sa nayɔ anɨna, ɔ꞉mɨtɨa Asɔɓɨɨ, nɔ nayɔ anapɨa lɨkɔndɔ, kʉdɔ, ɔmʉheiso. 9Ambise ngɨananɨ, ɓombi ɓɔ ɓakaɓu nga ɓɔmɔ amati ɔ uji ngʉwɔnanɨ, ɓɛ꞉ka, nɔ, ɔ꞉ɓʉheiso ta ɓaɓomu. 10Ɓombi ngʉɓɔnanɨ, ɓa꞉tɨbibiso nɔgbɛ, nɔ tɨa akɔ angbinga ngɨa ta꞉ngwɨa-ɔɔ kyɛnda, anɨsa ɨngbaa nɔ lisini, ɓɔ꞉tinjo ɓayaka ɓaɓomu ngʉɓa ta꞉ɓio nɔ taa yɔngɔ, akyɛnda ngɨyeso.
Pɔlɔ ɔɓɔyɔ anɔ Lɔma
11Ambise ɔ mayi kaatʉ, tɔ꞉ngwɨa kyɛnda nɔ masʉa wɔ mipo ngʉwɔ Alɛkɛjandɨlɨa, ʉwa, wa꞉chaniso ngbinga ngɨa ɔ sɛsʉ akɔ uji ngʉwɔnanɨ. Ɨɗa yɔ masʉa ngʉwɔnanɨ, ya꞉ɓio nɔ ino yɔ mapiyo, ɓamʉngʉ ɓɔ mʉjɛɛ ɓɔngɔ. 12Ndʉ ta꞉ɓɔya anɔ Sɨlakʉjɛ, tɔ꞉kɨa ananɨ makwaa kaatʉ. 13Anɨngwa ananɨ, ta꞉kpata tɨta mutii wɔ lisini, aɓɔya anɔ Legio. Nɔ, ikuɓa yɔngɔ mahuo ngʉka kɔ mʉdʉʉ kɔpʉnga huo, kʉdɔ ambise ɔ makwaa kapɨnɨ, tɔ꞉ɓɔya anɔ Pʉtɨɔlɨ. 14Ɓanduku amati ɔ báya ngʉɓa ta꞉ɓʉgbʉka amati ɔ gʉlʉ ngɨananɨ, ɓa꞉tɨta akwaa pɔsʉ mʉngana ɨhɔ naɓɔ. Ɨngbaa ngɨyɛ ta꞉ɓoya-ɔɔ anɔ Lɔma, ya꞉ɓio ɓanɨ. 15Ɓanduku amati ɔ báya anɨngwa anɔ Lɔma, ɓɔ꞉ka masaʉ ngʉkeso. Kʉdɔ, ɓɛ꞉ka nesu aɓɛtɨa asɔkɔ ngɨa ɔ Apio, nɔ ɓɔmɔ aɨda mɛngana, ino ɓɔ Lɨkáá Ɗietu lɔ Ɓabika. Ndʉ Pɔlɔ a꞉ɓɨna, ɔ꞉bibiso Asɔɓɨɨ nɔ ɔ꞉sɨka mʉtɨma wɔ iguegue. 16Ambise ngɨa ta꞉ɓɔya-ɔɔ anɔ Lɔma, ɓɔ꞉sɨa Pɔlɔ aɓio-sɨ ta mwana ɔngɔ anɔ anambamba, ɨhɔ nɔ Sʉda mʉngana nayɔ aɓeyoko.
Pɔlɔ ɔɓɨakɨɔ ʉpanʉ anɔ Lɔma
17Ambise ɔ makwaa kaatʉ, Pɔlɔ e꞉soko ɓatataɓasie ɓɔ Ɓayuda ngʉɓa ɓa꞉ɓio ɨkʉmbʉ anɔ Lɔma. Ndʉ, ɓa꞉mɔmanɨa ɔ꞉ɓusigio ɓɔ: «Inu ɓanduku, gʉtʉ ndʉ na꞉kɨamʉ ɨkyɛmʉ yɛta ɓɨɓɨ pɔ mɛngana, amapanʉ ngʉkeso, nɔ aɨfananja ngɨyeso, ɓa꞉nafa anɔ Yelusalɛma, nɔ, ɓa꞉nenjo alɨkɔndɔ lɔ Ɓalɔma. 18Ɓalɔma ɓɔ꞉naɓokokiso, nɔ, ɓa꞉ɓio akʉnda nɛmɨ aɓoo, dɔ, ɓɛ꞉namʉ ɨkyɛmʉ pɔ mɛngana amati asɛmɨ, ɨyɛ, yɔsisekio nɔ ingwo. 19Yakamɛngana, sɔkɔmʉ Ɓayuda ɓɨ꞉baya. Kʉdɔ, ɨmɨ nɛta anijoo apɛɨ ɔ ngama ata mʉja ngɨyɔ Ɓalɔma, sɔkɔmʉ pɛpɛ ɓɔ dɔ nakʉnda chɔngɨa ɨfananja ngɨyɛsɛmɨ. 20Ɨsɨ yɔ yaka ngɨyɛ, nɔɓio akʉnda nenu anɨna, nɔ nenu anʉngakɨa, ɨyɔ, ɨyɛnɛnɨ. Ya akʉʉ ɔ yaka yɔ mombi ngɨa Ɓaɨsalaɛlɛ ɓa꞉napɨa-ɔɔ mʉtɨma, ɨyɛ, na-ɔɔ mʉsangɛ nɔ ɓaselegeni.» 21Kʉdɔ, ɓɔ꞉mutosio ɓɔ: «Tɛnɨanɨamʉ nɔ ʉbalʉa pɔ mʉngana akʉʉ asɔɔ, anɨngwa anɔ Yudɛa, nɔ mombi pɔ mʉngana ati ɔ ɓanduku ɓeso, ɔ꞉kɔngwɔmʉ inani, anɨka nɔ ɨsaʉ, pɔ nesu anʉngɨa yaka yɛta ɓɨɓɨ akʉʉ asɔɔ. 22Yakamɛngana, takʉnda ɓɔ atɨngakɨa-sɨ yaka ngɨyɛ wa nayɔ, dɔ, tanɨmbɨa iɗo ɓɔ, ʉmʉa uɓomu, ɓangɔmʉ akʉnda ɨtandɛ ngɨyɛ wa amati ɔngɔ.»
23Ɓatataɓasie ngʉɓɔnanɨ, ɓɔ꞉chwa ɓisi mʉngana ngʉɓa ɓa꞊jonokio suo-ɔɔ nɔ atɨ Pɔlɔ. Nɔ ɓisi ngʉɓɔnanɨ, ɓɛ꞉ka tɨa ɓaja nɔgbɛ, akɔ ɨda ngɨyɛ a꞉ɓio-ɔɔ. Pɔlɔ ɔ꞉ɓʉkwananakisio yaka nɔ ɔ꞉ɓʉngakɨa Ɨsaʉ yɔ ɓʉngama ngʉɓa Asɔɓɨɨ, anɨngwa nekuɓa aɓɔya nɛpasɨ. Ɨngbaa akɔ mapanʉ ngʉkɔ Musa, nɔ lɨtaɓʉ ngɨlɔ Magbɛ, Pɔlɔ ɔɓʉngakɨa yaka akʉʉ ɔ Yeso nɔ angu, ɓɔ dɔ ɓɨbaya. 24Ɓɔmɔ ɓɔ꞉baya yaka ngɨyɛ a꞉ɓio anʉngaka, yakamɛngana, ɓɔmɔ sɔkɔmʉ ɓɨ꞉baya. 25Ɨyɛ ndʉ, ɓa꞉ɓio tɨa anajana, ɓa꞉ɓiomʉ ɓata anʉkana iɗo ati eɓo. Kʉdɔ, Pɔlɔ a꞉ɓusigio ɓɔ: «Ambɔ gɔ ta ingono, ɨyɛ, Mʉtɨma wɔ ta Tu wa꞉yakɨa ɓatʉngwanʉ ngʉɓeno, ɨngbaa akɔ ɨgbɛ Isaya! 26A꞉sugo ɓɔ:
‹Sa anʉngɨa ɨfananja ngɨyɛ ɓɔ,
nɔ́꞊ka sina iɗo, yakamɛngana nángɔpemisomʉ.
Ná꞊kanga sina iɗo, yakamɛngana ná꞊ngɛnamʉ.
27Dɔ, ɨfananja ngɨyɛ ya tɨa mʉtɨma doudou,
ɓa꞉dɨkpanakɨa machwei, nɔ,
ɓɔ꞉kweyo mesu,
dɔ, mesu katɨnamʉ, nɔ, machwei katʉkamʉ kʉɓanɨ.
Mʉtɨma watipemisomʉ yaka
nɔ ɓatɨnatanamʉ iyani andamɨ,
ɓɔ dɔ niɓuheiso.›»#popoko Isa 6:9-10
28Pɔlɔ ɔ꞉matɨa ɓata ɓɔ: «Ɛɛ! Ɨmbɨeni dɔ iɗo ɓɔ Asɔɓɨɨ ɔ꞉tʉmɔ ɨsaʉ ngɨyɛ ɓʉhɛa, tɨa atɨ ɓombi ngʉɓa ɓangɔmʉ Ɓayuda. Ɨɓɔ, ɓa꞊yʉka sina ʉkanɨ.» [ 29Ndʉ ɓɔ꞉ka yaka ngɨyɛnɛnɨ, ɓɔ꞉sa tɨta chwiso pasi ata ɓʉmʉ ati eɓo.]
30Pɔlɔ a꞉kwaa mago kapɨnɨ amati ɔ ɨkáá ngɨyɛ a꞉ɓinjekio-ɔɔ ɓagyɛgyɛ, ayaka yɔngɔ. Nɔ, a꞉ɓio atɛtɨa ɓombi ɓaɓomu ngʉɓa ɓa꞉ɓɨka nayɔ akanga. 31Ɨyɔ, a꞉ɓio akɔɓɨakɨa ɓʉngama ngʉɓa Asɔɓɨɨ, nɔ, apanɨa ɨsaʉ yɔ Makwɔɓɨɨ Yeso Klisito nɔ angu, sɔkɔmʉ nɔ ɨkyɛmʉ ngɨyɛ yamunengyo.
Právě zvoleno:
Mɨkyananakɨa 28: buuN
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2021, Wycliffe Bible Translators, Inc.
Mɨkyananakɨa 28
28
Pɔlɔ akɔ uji wɔ Melita
1Ambise ngɨa ta꞉ɓwanaka-ɔɔ akɔ igwo, tɔ꞉tɛmbɨa tɨa ɓɔ uji ngʉwɔnanɨ weno ɓɔ Melita. 2Ɓombi ngʉɓɔ uji ngʉwɔnanɨ, ɓa꞉tɨkɨa iɗo nɔgbɛ. Ndʉ ʉgbaá wa꞉ɓio akɔneyo, tɨa kʉ nɔ sɛsʉ, kʉdɔ, ɓɔ꞉tɨwoliso isu ɓaɓomu anɔ ambamba ɔ dyaa yɛta ɨja ngɨyɛ ɓa꞉ɨgbɔnda. 3Tɨa ananɨ, Pɔlɔ ɔ꞉tʉpa ɨkaka yɔ ɓagbɛgbɛgbɛ, nɔ, ɔ꞉ɓʉmaya adyaa. Kʉdɔ, akumo ɓʉnja ngʉɓɔnanɨ, sɨɨ a꞉chwɛnɨa, nɔ, ɔ꞉kpakpanɨa aɨtakpa yɔ ɨkɔndɔ ngɨangɔ ga kpakpɨ. 4Angbinga ngɨa ɓombi ɓɔ uji ngʉwɔnanɨ ɓɛ꞉na-ɔɔ sɨɨ mʉkpakpanɨɛ akɔ ɨtakpa yɔ ɨkɔndɔ ngɨyɔ Pɔlɔ, ɓɔ꞉pʉnga yakanaka ati eɓo ɓɔ: «Mombi ngɨa, a ta mʉngwadeni kʉ ingono, dɔ, ɓʉngbingbii ngʉɓa ɓɔ mʉngʉ ɔ majɛjɛ, ɓangɔmʉ akʉnda ɓɔ ɨhɛa, gʉtʉ ndʉ ɔ꞉ɓwanakɨɔ ingwo alisini.» 5Yakamɛngana, Pɔlɔ ɔ꞉gbɨnya sɨɨ amati ɔ dyaa, nɔ sɔkɔmʉ ɔ꞉kana njɛnjɛa pɔ bele. 6Ɓombi ngʉɓa ɓɔmɔ ɓa꞉ɓio aɓɛtɨa ɓɔ, ɓɛ꞉na ndʉtʉ nayɔ amotoko, ga pɔ ɓɔ ahɔmʉana nɔ ingwo ta ɓɔ ngbengeɓe. Yakamɛngana, ndʉ ɓa꞉ɓɛtɨa ɓɔ ndɨɨ, ɓɛ꞉na ɓɔ ɨkyɛmʉ yɔ꞉mʉkɨɔmʉ pɔ mɛngana, kʉdɔ, ɓɔ꞉necho itungwio ngɨyeɓo nɔ ɓɔ꞉sugo tɨa ga a mamʉngʉ.
7Tinetine nɔ ʉmʉa ngʉwɔnanɨ, ya꞉ɓio nɔ ihoi yɔ ngama mʉngana ata mʉja amati ɔ uji ngʉwɔnanɨ, ino ɓɔ Pubilio. Ngama ngɨananɨ, a꞉tɨtɛtɛa nɔ ɓʉkʉnda, nɔ, ɔ꞉tɨsɨka ndʉ ɓabika ɓangɔ amati ɔ makwaa kaatʉ. 8Ɨsɛ ɔ Pubilio, a꞉ɓio ɓakwaɛ, ɨyɔ, akɔnɔ sɛsʉ, kʉ nɔ ʉhandʉ wɔ menike. Pɔlɔ ɔ꞉sa nayɔ anɨna, ɔ꞉mɨtɨa Asɔɓɨɨ, nɔ nayɔ anapɨa lɨkɔndɔ, kʉdɔ, ɔmʉheiso. 9Ambise ngɨananɨ, ɓombi ɓɔ ɓakaɓu nga ɓɔmɔ amati ɔ uji ngʉwɔnanɨ, ɓɛ꞉ka, nɔ, ɔ꞉ɓʉheiso ta ɓaɓomu. 10Ɓombi ngʉɓɔnanɨ, ɓa꞉tɨbibiso nɔgbɛ, nɔ tɨa akɔ angbinga ngɨa ta꞉ngwɨa-ɔɔ kyɛnda, anɨsa ɨngbaa nɔ lisini, ɓɔ꞉tinjo ɓayaka ɓaɓomu ngʉɓa ta꞉ɓio nɔ taa yɔngɔ, akyɛnda ngɨyeso.
Pɔlɔ ɔɓɔyɔ anɔ Lɔma
11Ambise ɔ mayi kaatʉ, tɔ꞉ngwɨa kyɛnda nɔ masʉa wɔ mipo ngʉwɔ Alɛkɛjandɨlɨa, ʉwa, wa꞉chaniso ngbinga ngɨa ɔ sɛsʉ akɔ uji ngʉwɔnanɨ. Ɨɗa yɔ masʉa ngʉwɔnanɨ, ya꞉ɓio nɔ ino yɔ mapiyo, ɓamʉngʉ ɓɔ mʉjɛɛ ɓɔngɔ. 12Ndʉ ta꞉ɓɔya anɔ Sɨlakʉjɛ, tɔ꞉kɨa ananɨ makwaa kaatʉ. 13Anɨngwa ananɨ, ta꞉kpata tɨta mutii wɔ lisini, aɓɔya anɔ Legio. Nɔ, ikuɓa yɔngɔ mahuo ngʉka kɔ mʉdʉʉ kɔpʉnga huo, kʉdɔ ambise ɔ makwaa kapɨnɨ, tɔ꞉ɓɔya anɔ Pʉtɨɔlɨ. 14Ɓanduku amati ɔ báya ngʉɓa ta꞉ɓʉgbʉka amati ɔ gʉlʉ ngɨananɨ, ɓa꞉tɨta akwaa pɔsʉ mʉngana ɨhɔ naɓɔ. Ɨngbaa ngɨyɛ ta꞉ɓoya-ɔɔ anɔ Lɔma, ya꞉ɓio ɓanɨ. 15Ɓanduku amati ɔ báya anɨngwa anɔ Lɔma, ɓɔ꞉ka masaʉ ngʉkeso. Kʉdɔ, ɓɛ꞉ka nesu aɓɛtɨa asɔkɔ ngɨa ɔ Apio, nɔ ɓɔmɔ aɨda mɛngana, ino ɓɔ Lɨkáá Ɗietu lɔ Ɓabika. Ndʉ Pɔlɔ a꞉ɓɨna, ɔ꞉bibiso Asɔɓɨɨ nɔ ɔ꞉sɨka mʉtɨma wɔ iguegue. 16Ambise ngɨa ta꞉ɓɔya-ɔɔ anɔ Lɔma, ɓɔ꞉sɨa Pɔlɔ aɓio-sɨ ta mwana ɔngɔ anɔ anambamba, ɨhɔ nɔ Sʉda mʉngana nayɔ aɓeyoko.
Pɔlɔ ɔɓɨakɨɔ ʉpanʉ anɔ Lɔma
17Ambise ɔ makwaa kaatʉ, Pɔlɔ e꞉soko ɓatataɓasie ɓɔ Ɓayuda ngʉɓa ɓa꞉ɓio ɨkʉmbʉ anɔ Lɔma. Ndʉ, ɓa꞉mɔmanɨa ɔ꞉ɓusigio ɓɔ: «Inu ɓanduku, gʉtʉ ndʉ na꞉kɨamʉ ɨkyɛmʉ yɛta ɓɨɓɨ pɔ mɛngana, amapanʉ ngʉkeso, nɔ aɨfananja ngɨyeso, ɓa꞉nafa anɔ Yelusalɛma, nɔ, ɓa꞉nenjo alɨkɔndɔ lɔ Ɓalɔma. 18Ɓalɔma ɓɔ꞉naɓokokiso, nɔ, ɓa꞉ɓio akʉnda nɛmɨ aɓoo, dɔ, ɓɛ꞉namʉ ɨkyɛmʉ pɔ mɛngana amati asɛmɨ, ɨyɛ, yɔsisekio nɔ ingwo. 19Yakamɛngana, sɔkɔmʉ Ɓayuda ɓɨ꞉baya. Kʉdɔ, ɨmɨ nɛta anijoo apɛɨ ɔ ngama ata mʉja ngɨyɔ Ɓalɔma, sɔkɔmʉ pɛpɛ ɓɔ dɔ nakʉnda chɔngɨa ɨfananja ngɨyɛsɛmɨ. 20Ɨsɨ yɔ yaka ngɨyɛ, nɔɓio akʉnda nenu anɨna, nɔ nenu anʉngakɨa, ɨyɔ, ɨyɛnɛnɨ. Ya akʉʉ ɔ yaka yɔ mombi ngɨa Ɓaɨsalaɛlɛ ɓa꞉napɨa-ɔɔ mʉtɨma, ɨyɛ, na-ɔɔ mʉsangɛ nɔ ɓaselegeni.» 21Kʉdɔ, ɓɔ꞉mutosio ɓɔ: «Tɛnɨanɨamʉ nɔ ʉbalʉa pɔ mʉngana akʉʉ asɔɔ, anɨngwa anɔ Yudɛa, nɔ mombi pɔ mʉngana ati ɔ ɓanduku ɓeso, ɔ꞉kɔngwɔmʉ inani, anɨka nɔ ɨsaʉ, pɔ nesu anʉngɨa yaka yɛta ɓɨɓɨ akʉʉ asɔɔ. 22Yakamɛngana, takʉnda ɓɔ atɨngakɨa-sɨ yaka ngɨyɛ wa nayɔ, dɔ, tanɨmbɨa iɗo ɓɔ, ʉmʉa uɓomu, ɓangɔmʉ akʉnda ɨtandɛ ngɨyɛ wa amati ɔngɔ.»
23Ɓatataɓasie ngʉɓɔnanɨ, ɓɔ꞉chwa ɓisi mʉngana ngʉɓa ɓa꞊jonokio suo-ɔɔ nɔ atɨ Pɔlɔ. Nɔ ɓisi ngʉɓɔnanɨ, ɓɛ꞉ka tɨa ɓaja nɔgbɛ, akɔ ɨda ngɨyɛ a꞉ɓio-ɔɔ. Pɔlɔ ɔ꞉ɓʉkwananakisio yaka nɔ ɔ꞉ɓʉngakɨa Ɨsaʉ yɔ ɓʉngama ngʉɓa Asɔɓɨɨ, anɨngwa nekuɓa aɓɔya nɛpasɨ. Ɨngbaa akɔ mapanʉ ngʉkɔ Musa, nɔ lɨtaɓʉ ngɨlɔ Magbɛ, Pɔlɔ ɔɓʉngakɨa yaka akʉʉ ɔ Yeso nɔ angu, ɓɔ dɔ ɓɨbaya. 24Ɓɔmɔ ɓɔ꞉baya yaka ngɨyɛ a꞉ɓio anʉngaka, yakamɛngana, ɓɔmɔ sɔkɔmʉ ɓɨ꞉baya. 25Ɨyɛ ndʉ, ɓa꞉ɓio tɨa anajana, ɓa꞉ɓiomʉ ɓata anʉkana iɗo ati eɓo. Kʉdɔ, Pɔlɔ a꞉ɓusigio ɓɔ: «Ambɔ gɔ ta ingono, ɨyɛ, Mʉtɨma wɔ ta Tu wa꞉yakɨa ɓatʉngwanʉ ngʉɓeno, ɨngbaa akɔ ɨgbɛ Isaya! 26A꞉sugo ɓɔ:
‹Sa anʉngɨa ɨfananja ngɨyɛ ɓɔ,
nɔ́꞊ka sina iɗo, yakamɛngana nángɔpemisomʉ.
Ná꞊kanga sina iɗo, yakamɛngana ná꞊ngɛnamʉ.
27Dɔ, ɨfananja ngɨyɛ ya tɨa mʉtɨma doudou,
ɓa꞉dɨkpanakɨa machwei, nɔ,
ɓɔ꞉kweyo mesu,
dɔ, mesu katɨnamʉ, nɔ, machwei katʉkamʉ kʉɓanɨ.
Mʉtɨma watipemisomʉ yaka
nɔ ɓatɨnatanamʉ iyani andamɨ,
ɓɔ dɔ niɓuheiso.›»#popoko Isa 6:9-10
28Pɔlɔ ɔ꞉matɨa ɓata ɓɔ: «Ɛɛ! Ɨmbɨeni dɔ iɗo ɓɔ Asɔɓɨɨ ɔ꞉tʉmɔ ɨsaʉ ngɨyɛ ɓʉhɛa, tɨa atɨ ɓombi ngʉɓa ɓangɔmʉ Ɓayuda. Ɨɓɔ, ɓa꞊yʉka sina ʉkanɨ.» [ 29Ndʉ ɓɔ꞉ka yaka ngɨyɛnɛnɨ, ɓɔ꞉sa tɨta chwiso pasi ata ɓʉmʉ ati eɓo.]
30Pɔlɔ a꞉kwaa mago kapɨnɨ amati ɔ ɨkáá ngɨyɛ a꞉ɓinjekio-ɔɔ ɓagyɛgyɛ, ayaka yɔngɔ. Nɔ, a꞉ɓio atɛtɨa ɓombi ɓaɓomu ngʉɓa ɓa꞉ɓɨka nayɔ akanga. 31Ɨyɔ, a꞉ɓio akɔɓɨakɨa ɓʉngama ngʉɓa Asɔɓɨɨ, nɔ, apanɨa ɨsaʉ yɔ Makwɔɓɨɨ Yeso Klisito nɔ angu, sɔkɔmʉ nɔ ɨkyɛmʉ ngɨyɛ yamunengyo.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2021, Wycliffe Bible Translators, Inc.