Евангелле паводле Мацвея Раздзел 28
Раздзел 28
1 #
Мк. 16:1; Лк. 24:1; Ян. 20:1 А позна пасля суботы, на досвітку першага дня ад суботы прыйшла Марыя Магдалена і другая Марыя паглядзець магілу.
2 #
Мк. 16:5; Лк. 24:4; Ян. 20:12 І вось, страшна затрэслася зямля; бо Анёл Госпадаў сышоў з неба, і, падышоўшы, адваліў камень ад дзвярэй, і сядзеў на ім.
3 #
Ян. 20:12; Адкр. 10:1 А выгляд яго быў – як маланка, і адзенне яго – як снег белае.
4 #
Адкр. 1:17
Ад страху перад ім затрымцелі вартаўнікі і сталі, як мёртвыя.
5 #
Мк. 16:6
А Анёл, адказваючы, сказаў жанчынам: «Не бойцеся; бо ведаю, што вы шукаеце Ісуса, Які быў укрыжаваны.
6Няма Яго тут, бо Ён уваскрос, як сказаў. Ідзіце і паглядзіце на месца, дзе Госпад быў пакладзены.
7 #
Мк. 14:28; Дзеі 1:3 Ды хутчэй ідзіце, скажыце вучням Яго: “Ён уваскрос з мёртвых і, вось, раней вас ідзе ў Галілею; там Яго ўбачыце”. Вось, я сказаў вам».
8І, выйшаўшы хутка з магілы, са страхам і вялікаю радасцю пабеглі яны, каб паведаміць вучням Яго.
9І калі яны ішлі апавясціць вучняў Яго, вось, Ісус сустрэў іх, кажучы: «Радуйцеся!» Яны ж падышлі, і ўпалі да ног Яго, і пакланіліся Яму.
10 #
Ян. 20:17
Тады гаворыць ім Ісус: «Не бойцеся. Ідзіце, абвясціце братам Маім, каб пайшлі ў Галілею, і там Мяне ўбачаць».
11А калі яны адышлі, вось, некаторыя з вартаўнікоў прыйшлі ў горад і паведамілі першасвятарам пра ўсё, што здарылася.
12Тыя ж сабраліся са старэйшынамі і, учыніўшы раду, далі жаўнерам даволі грошай,
13кажучы: «Паведамляйце: “Вучні Яго прыйшлі ноччу і выкралі Яго, пакуль мы спалі”.
14 #
Дзеі 12:19
А калі пра гэта дачуецца правіцель, мы яго пераканаем і пазбавім вас пакарання».
15Яны тады, узяўшы грошы, зрабілі, як іх навучылі. І пашырылася слова гэтае сярод юдэяў аж да сённяшняга дня.
16 #
Мк. 14:28
А адзінаццаць вучняў пайшлі ў Галілею, на гару, куды ім загадаў Ісус.
17 #
Ян. 20:24
І, убачыўшы Яго, пакланіліся Яму; а некаторыя сумняваліся.
18 #
Ян. 3:35; 1Кар. 15:27; Плп. 2:9; 1Пёт. 3:22; Адкр. 19:6 Ісус жа, падышоўшы да іх, загаварыў, кажучы: «Дадзена Мне ўся ўлада на небе і на зямлі.
19 #
Мк. 16:15; Лк. 24:47 Дык ідзіце і навучайце ўсе народы, хрысцячы іх у імя Айца, і Сына, і Святога Духа,
20навучаючы іх выконваць усё, што Я вам перадаў. І вось, Я з вамі ва ўсе дні аж да сканчэння веку». Амін.
Právě zvoleno:
Евангелле паводле Мацвея Раздзел 28: ББЧ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© МХРБ «Біблейскае таварыства ў Рэспубліцы Беларусь», 2017
