Luka 23
23
Kua Kave ia Iehu ki mua o Pilato
(Mat 27.1-2, 11-14; Mlk 15.1-5; Ioa 18.28-38)
1Na tutū uma loa ki luga te Taupulega kātoa, kua kave ia Iehu ki mua o Pilato, 2ma ko kinā na kāmata ai oi mōlia e kilātou ia Iehu kia Pilato. Na lea vē atu kilātou, “Na maua e kimātou te tino tēnei, e fakahehē e ia o mātou tagata. Na lea ki ei ke nahe totogia a lātou lāfoga kia Kaihala, ma ko ia ko te Mehia, ko he tupu.”
3Na lea atu ia Pilato kia Iehu, “Ko koe moni ko te tupu o tagata Iutaia?”
Na tali mai ia Iehu, “Ko tēnā lava e lea ai koe.”
4Oi na lea atu ai ia Pilato ki nā ohitāulaga pule ma te kaifenua, “E hēai he mea e kō kitea e tatau ai ke fakahala te tino tēnei.”
5Kae na fakaātili ai to lātou fīnau ma vē mai, “Kua fakaaogā e ia ana akoakoga, ke fakatupu ai te vevehi o tagata i Iutea kātoa. Na kāmata mai i Kalilaia, ma kua pa mai lava ki kinei.”
Kua Kave ia Iehu ki mua o Helota
6I te lagona atuga e Pilato o te mea tēnei, oi na fehili ai vē, “Ko te tagata tēnei ko he Kalilaia?” 7I te ia iloaga ko Iehu e hau i te itūmālō e pūlea e Helota, oi na uga ai e ia ki ei ia Iehu. Ko Helota foki nae i Ieluhalema i te taimi tēnā. 8Na fiafia lele ia Helota i te ia kiteaga o Iehu, ona na ia lagona nā tala e uiga kia te ia, ma kua leva lele te fia kikila ki ei. Ko Helota nae fofou ke ia kitea ni fakailoga e fai e Iehu. 9Ko te mea ia na lahi ai ana fehili na fai kia Iehu, kae e hēki tali lele ki ei ia Iehu. 10Na tutū atu ai ki mua nā ohitāulaga pule ma nā faiākoga o te Tūlāfono, kua fai a lātou mōliaga mamafa e uiga kia Iehu. 11Na fakatauemu ma fai kupu kino ia Helota ma ana fitafita kia Iehu; ma na fakakofu ai e kilātou i he kofuloloa mānaia, ma na toe uga ai kia Pilato. 12Ko te aho lava tēnā na toe lelei ai te vā o Helota ma Pilato; nae fai to lā vā lahi lele, ka ko hēki tupu te mea tēnei.
Kua Fakahala ia Iehu i te Oti
(Mat 27.15-26; Mlk 15.6-15; Ioa 18.39—19.16)
13Oi na fakapotopoto mai ai e Pilato nā ohitāulaga pule, nā takitaki o te Taupulega ma tagata, 14ma na lea vē atu ai kia te kilātou, “Na koutou kaumaia te tino tēnei kia te au, ma lea mai koutou, nae ia fakahehēa ia tagata. Nei, kua uma te kō hukehukea i mua o koutou, ma e hēai he mea kua kō maua ke hala ai ia i nā mea kua koutou mōlia ai. 15E hēki maua foki e Helota he mea ke fakahala ai, ma ko te ala ia kua ia toe uga maia ai kia te kitātou. E hēai he mea kua fai e te tino tēnei, e tatau ai ke tāmate. 16Ko te mea ia ka fakatonu ai e au ke kini, oi kua tatala ai ke fano.” 17#23.17 Ko iētahi tuhituhiga e fakaopōpo ki ei te fuaikupu e 17: I nā Kaiga Fakamanatu takitahi uma o te Pāheka, e māhani oi tatala e Pilato he pāgotā e fokotahi mo kilātou (kikila ki te Mlk 15.6)
18Kae na taufai kālalaga fakatahi uma atu te kaifenua, “Tāmate ia Iehu! Tatala mai ia Palapa kia te kimātou!” 19(Ko Palapa na falepuipui ona ko he vevehitū na tupu i te kakai, ma te tāmate tino.)
20Ko Pilato na fofou ke tatala ia Iehu, ma ko te mea ia na toe tautala ai ki te kaifenua. 21Kae kua taukālalaga vē mai kilātou, “Fakahātaulo te tino tēnā! Fakahātaulo te tino tēnā!”
22Kua lea atu ia Pilato kia te kilātou, ko te fakatolu tēnei o taimi, “Aiheā, ko he holitūlāfono ā ta ia kua fai? E hēai he mea e fokotahi kua kō maua na fai e ia, e tatau ai ke tāmate! Ka fakatonu e au ke kini, oi tuku ai ke fano.”
23Kae kua taukālalaga leo lahi lava kilātou ke fakahātaulo ia Iehu, ma na iku lava na mālō te mea na fofou kilātou ki ei. 24Oi na fai ai loa e Pilato te fakahalaga o Iehu, e vē lava ko te mea na fofou ki ei te kaifenua. 25Na tatala fakahaoloto ai e ia te tino na fofou mai ki ei ia tagata, te tino tēia na falepuipui ona ko he vevehitū na tupu ma te tāmate tino, kae kua tuku atu ia Iehu ki te kaifenua ke kilātou faia kia te ia ho he mea lava na fofou kilātou ki ei.
Kua Fakahātaulo ia Iehu
(Mat 27.32-44; Mlk 15.21-32; Ioa 19.17-27)
26Na takitaki kehe ai ia Iehu e nā fitafita, ma na fetaui ai ma he tamāloa mai Kulene ko Himona tona igoa, nae āgai mai ki te kakai mai nā nuku i tua. Oi na tāofi ai e kilātou ia Himona, kua fakauta te hātaulo ki ona luga, ma na fakatonu ai ke amo e ia i tua o Iehu.
27E tokalahi te kaifenua na mulimuli kia Iehu; nae iei ai ni fafine nae faitatagi taukekē mo ia. 28Oi na liliu atu ai ia Iehu kua lea vē atu kia te kilātou, “Tamafafine e o Ieluhalema! Koutou nahe faitatagi mo au, kae faitatagi mo koutou lava ma autou fānau. 29Auā e hau nā aho ka lea vē ai nā tino, ‘Amutia nā fafine e hē manava ola, kilātou e hēki fānanau lele, ma e hēki fakahuhua lele e kilātou ni pepe!’ 30Ko te taimi tēnā ka lea atu ai ia tagata ki nā mauga, ‘Fakapakū ifo ki o mātou luga!’ ma lea vē atu ki nā tamā mauga, ‘Mumuni kimātou!’ #Hoh 10.8; Fkl 6.16 31Auā kāfai nā mea iēnei e fai i te taimi e ola ai te lākau, e vēhea ake nei la pe kāfai te lākau e mamago?”#23.31 Auā kāfai nā… lākau e mamago? Ko te fakakupuga tēnei e ono fakauiga vēnei: Kāfai nā mea tēnei e mafai ke tutupu kia te au, te lākau e ola, e vēhea ake nei la te mea ka pa ki ei koutou, te lākau e mamago?
32E toka lua iētahi tamāloa, ni pāgotā, na takitaki foki ki fafo ke tāmate fakatahi ma Iehu. 33Na tau atu kilātou ki he koga nae takua ko “Te Ulupoko,” oi na fakahātaulo ai e kilātou ia Iehu i kinā, fakatahi ma nā pāgotā e toka lua, ko tētahi i tona itū taumatau, ma tētahi i tona itū tauagavale. 34Oi na lea vē ake ai ia Iehu, “Te Tamana, fakamāgalo kō kilātou, auā e hē kilātou iloa te lātou mea e fai.”#23.34 Ko iētahi tuhituhiga tuai e hē i loto ai te fakakupuga Oi na lea vē ake ai ia Iehu, “Te Tamana… mea e fai.” #Hal 22.18
Oi na fai ai te lātou vili ke vāevae ai nā kofu o Iehu mo kilātou. 35Ma ko nā tino na tutū lava i kinā ma matamata; kae ko nā takitaki o Iutaia kua fai kupu fakatauemu kia Iehu. Na lea vē atu kilātou, “Na fakaola e ia iētahi tino, tuku vē la ke fakaola e ia, ia ia lava pe kāfai ko ia ko te Mehia kua filifilia e te Atua!” #Hal 22.7
36Na fakatauemu foki nā fitafita kia Iehu, ma na fōki ai e kilātou kia te ia he uaina taugōfie #Hal 69.21 37ma lea vē atu ai ki ei, “Kāfai koe ko te tupu o tagata Iutaia, fakaola la koe e koe lava!”
38I luga ake o ia, na tūhia ai nā kupu iēnei, “Ko te Tupu o Tagata Iutaia tēnei.”
39Ko tētahi o nā pāgotā na fakatāutau i kinā, kua fakatauemu kia Iehu ma lea vē atu ki ei, “E hē ko koe nei ko te Mehia? Fakaola la koe ma kimāua!”
40Ka ko tētahi pāgotā, kua muna vē atu ki tona hoa, “Ko koe e hē mataku i te Atua? Kua tutuha lava te fakahalaga o koe ma ia. 41Kae ko te fakahalaga o ki tāua e hako, auā kua maua lava e ki tāua te taui o a tā mea na fai; kae ko ia tēnei, e hēki iei hana mea hehē na fai.” 42Ma na lea vē atu ai kia Iehu, “Iehu, manatua mai kō au, kāfai koe e hau i tau pule tau Tupu!”
43Na tali atu ia Iehu ki ei, “E takutino atu e au kia te koe, i te aho nei, ko koe ka i Palataiho fakatahi ma au.”
Ko te Mate o Iehu
(Mat 27.45-56; Mlk 15.33-41; Ioa 19.28-30)
44-45I te taimi tēnā kua ta te hefulu lua i te aoauli, ma na pōulitia uma ai te fenua kātoa ke pa ki te tolu i te afiafi, ona ko te lā kua hē huhulu. Ma na haelua ai te kiepupuni i loto o te Mālumalu. #Eho 26.31-33 46Oi na kalaga leo lahi ai ia Iehu, “Te Tamana, ki nā lima o koe, e tuku atu e au ki ei toku agaga!” Na uma lava te lea vēnā atu, oi na tō ai loa tana mānava. #Hal 31.5
47Kua kitea atu e te takitakikau o te toka helau te mea kua tupu, oi na viviki ake ai ki te Atua, ma lea vē, “E hako lava, ko te tagata tēnei e hēai hana holitūlāfono!”
48I te kitea atuga o te mea tēnei e te kaifenua na tumu atu oi matamata, oi na olo uma ai ki o lātou kāiga, ma tatuki o lātou fatafata i te fakanoanoa. 49Ka ko nā tino uma nae kilātou iloa ia Iehu, e aofia ai nā fafine nae mulimuli kia te ia mai Kalilaia, nae tutū mamao mai, ma na kilātou kitea nā mea uma iēnei. #Luk 8.2-3
Ko te Tanuga o Iehu
(Mat 27.57-61; Mlk 15.42-47; Ioa 19.38-42)
50-51Nae iei he tamāloa nae igoa kia Iohefa mai Alimatea, he tamā kakai i Iutea. Ko he tino lelei ma fakaaloalogia, nae fakatalitali ma te amanaki, ke pa mai te Mālō o te Atua. E ui ko he tino nae i loto o te Taupulega, kae nae hē kau kia lātou fuafuaga ma a lātou tonu nae fai. 52Na fano te tino tēnei kia Pilato oi fakanoi ke kave e ia te tinooti o Iehu. 53Oi na tuku ifo ai e ia te tino o Iehu ki lalo, kua āfīfī i he kie lino, ma na tuku ai ki loto o he tugamau na keli ki loto o he itū mauga papa, ma ko hēki takoto lele he tino i loto. 54Ko te aho tēnei o Tāpenapenaga, ma kua tāli kāmata lele te Hāpati.
55Ko nā fafine nae mulimuli kia Iehu mai Kalilaia, na olo ma Iohefa ma na kitea e kilāua te tugamau, ma te tukuga ki loto o te tino o Iehu. 56Oi na toe foki ai ki te fale oi hāuni nā meamanogi ma nā lolo mo te tino o Iehu.#Eho 20.10; Teu 5.14
Ma na mālōlō ai kilātou i te Hāpati, e vē ona fakatonu mai e te Tūlāfono a Mohe.
Právě zvoleno:
Luka 23: TOKU
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Society New Zealand Charitable Trust
Luka 23
23
Kua Kave ia Iehu ki mua o Pilato
(Mat 27.1-2, 11-14; Mlk 15.1-5; Ioa 18.28-38)
1Na tutū uma loa ki luga te Taupulega kātoa, kua kave ia Iehu ki mua o Pilato, 2ma ko kinā na kāmata ai oi mōlia e kilātou ia Iehu kia Pilato. Na lea vē atu kilātou, “Na maua e kimātou te tino tēnei, e fakahehē e ia o mātou tagata. Na lea ki ei ke nahe totogia a lātou lāfoga kia Kaihala, ma ko ia ko te Mehia, ko he tupu.”
3Na lea atu ia Pilato kia Iehu, “Ko koe moni ko te tupu o tagata Iutaia?”
Na tali mai ia Iehu, “Ko tēnā lava e lea ai koe.”
4Oi na lea atu ai ia Pilato ki nā ohitāulaga pule ma te kaifenua, “E hēai he mea e kō kitea e tatau ai ke fakahala te tino tēnei.”
5Kae na fakaātili ai to lātou fīnau ma vē mai, “Kua fakaaogā e ia ana akoakoga, ke fakatupu ai te vevehi o tagata i Iutea kātoa. Na kāmata mai i Kalilaia, ma kua pa mai lava ki kinei.”
Kua Kave ia Iehu ki mua o Helota
6I te lagona atuga e Pilato o te mea tēnei, oi na fehili ai vē, “Ko te tagata tēnei ko he Kalilaia?” 7I te ia iloaga ko Iehu e hau i te itūmālō e pūlea e Helota, oi na uga ai e ia ki ei ia Iehu. Ko Helota foki nae i Ieluhalema i te taimi tēnā. 8Na fiafia lele ia Helota i te ia kiteaga o Iehu, ona na ia lagona nā tala e uiga kia te ia, ma kua leva lele te fia kikila ki ei. Ko Helota nae fofou ke ia kitea ni fakailoga e fai e Iehu. 9Ko te mea ia na lahi ai ana fehili na fai kia Iehu, kae e hēki tali lele ki ei ia Iehu. 10Na tutū atu ai ki mua nā ohitāulaga pule ma nā faiākoga o te Tūlāfono, kua fai a lātou mōliaga mamafa e uiga kia Iehu. 11Na fakatauemu ma fai kupu kino ia Helota ma ana fitafita kia Iehu; ma na fakakofu ai e kilātou i he kofuloloa mānaia, ma na toe uga ai kia Pilato. 12Ko te aho lava tēnā na toe lelei ai te vā o Helota ma Pilato; nae fai to lā vā lahi lele, ka ko hēki tupu te mea tēnei.
Kua Fakahala ia Iehu i te Oti
(Mat 27.15-26; Mlk 15.6-15; Ioa 18.39—19.16)
13Oi na fakapotopoto mai ai e Pilato nā ohitāulaga pule, nā takitaki o te Taupulega ma tagata, 14ma na lea vē atu ai kia te kilātou, “Na koutou kaumaia te tino tēnei kia te au, ma lea mai koutou, nae ia fakahehēa ia tagata. Nei, kua uma te kō hukehukea i mua o koutou, ma e hēai he mea kua kō maua ke hala ai ia i nā mea kua koutou mōlia ai. 15E hēki maua foki e Helota he mea ke fakahala ai, ma ko te ala ia kua ia toe uga maia ai kia te kitātou. E hēai he mea kua fai e te tino tēnei, e tatau ai ke tāmate. 16Ko te mea ia ka fakatonu ai e au ke kini, oi kua tatala ai ke fano.” 17#23.17 Ko iētahi tuhituhiga e fakaopōpo ki ei te fuaikupu e 17: I nā Kaiga Fakamanatu takitahi uma o te Pāheka, e māhani oi tatala e Pilato he pāgotā e fokotahi mo kilātou (kikila ki te Mlk 15.6)
18Kae na taufai kālalaga fakatahi uma atu te kaifenua, “Tāmate ia Iehu! Tatala mai ia Palapa kia te kimātou!” 19(Ko Palapa na falepuipui ona ko he vevehitū na tupu i te kakai, ma te tāmate tino.)
20Ko Pilato na fofou ke tatala ia Iehu, ma ko te mea ia na toe tautala ai ki te kaifenua. 21Kae kua taukālalaga vē mai kilātou, “Fakahātaulo te tino tēnā! Fakahātaulo te tino tēnā!”
22Kua lea atu ia Pilato kia te kilātou, ko te fakatolu tēnei o taimi, “Aiheā, ko he holitūlāfono ā ta ia kua fai? E hēai he mea e fokotahi kua kō maua na fai e ia, e tatau ai ke tāmate! Ka fakatonu e au ke kini, oi tuku ai ke fano.”
23Kae kua taukālalaga leo lahi lava kilātou ke fakahātaulo ia Iehu, ma na iku lava na mālō te mea na fofou kilātou ki ei. 24Oi na fai ai loa e Pilato te fakahalaga o Iehu, e vē lava ko te mea na fofou ki ei te kaifenua. 25Na tatala fakahaoloto ai e ia te tino na fofou mai ki ei ia tagata, te tino tēia na falepuipui ona ko he vevehitū na tupu ma te tāmate tino, kae kua tuku atu ia Iehu ki te kaifenua ke kilātou faia kia te ia ho he mea lava na fofou kilātou ki ei.
Kua Fakahātaulo ia Iehu
(Mat 27.32-44; Mlk 15.21-32; Ioa 19.17-27)
26Na takitaki kehe ai ia Iehu e nā fitafita, ma na fetaui ai ma he tamāloa mai Kulene ko Himona tona igoa, nae āgai mai ki te kakai mai nā nuku i tua. Oi na tāofi ai e kilātou ia Himona, kua fakauta te hātaulo ki ona luga, ma na fakatonu ai ke amo e ia i tua o Iehu.
27E tokalahi te kaifenua na mulimuli kia Iehu; nae iei ai ni fafine nae faitatagi taukekē mo ia. 28Oi na liliu atu ai ia Iehu kua lea vē atu kia te kilātou, “Tamafafine e o Ieluhalema! Koutou nahe faitatagi mo au, kae faitatagi mo koutou lava ma autou fānau. 29Auā e hau nā aho ka lea vē ai nā tino, ‘Amutia nā fafine e hē manava ola, kilātou e hēki fānanau lele, ma e hēki fakahuhua lele e kilātou ni pepe!’ 30Ko te taimi tēnā ka lea atu ai ia tagata ki nā mauga, ‘Fakapakū ifo ki o mātou luga!’ ma lea vē atu ki nā tamā mauga, ‘Mumuni kimātou!’ #Hoh 10.8; Fkl 6.16 31Auā kāfai nā mea iēnei e fai i te taimi e ola ai te lākau, e vēhea ake nei la pe kāfai te lākau e mamago?”#23.31 Auā kāfai nā… lākau e mamago? Ko te fakakupuga tēnei e ono fakauiga vēnei: Kāfai nā mea tēnei e mafai ke tutupu kia te au, te lākau e ola, e vēhea ake nei la te mea ka pa ki ei koutou, te lākau e mamago?
32E toka lua iētahi tamāloa, ni pāgotā, na takitaki foki ki fafo ke tāmate fakatahi ma Iehu. 33Na tau atu kilātou ki he koga nae takua ko “Te Ulupoko,” oi na fakahātaulo ai e kilātou ia Iehu i kinā, fakatahi ma nā pāgotā e toka lua, ko tētahi i tona itū taumatau, ma tētahi i tona itū tauagavale. 34Oi na lea vē ake ai ia Iehu, “Te Tamana, fakamāgalo kō kilātou, auā e hē kilātou iloa te lātou mea e fai.”#23.34 Ko iētahi tuhituhiga tuai e hē i loto ai te fakakupuga Oi na lea vē ake ai ia Iehu, “Te Tamana… mea e fai.” #Hal 22.18
Oi na fai ai te lātou vili ke vāevae ai nā kofu o Iehu mo kilātou. 35Ma ko nā tino na tutū lava i kinā ma matamata; kae ko nā takitaki o Iutaia kua fai kupu fakatauemu kia Iehu. Na lea vē atu kilātou, “Na fakaola e ia iētahi tino, tuku vē la ke fakaola e ia, ia ia lava pe kāfai ko ia ko te Mehia kua filifilia e te Atua!” #Hal 22.7
36Na fakatauemu foki nā fitafita kia Iehu, ma na fōki ai e kilātou kia te ia he uaina taugōfie #Hal 69.21 37ma lea vē atu ai ki ei, “Kāfai koe ko te tupu o tagata Iutaia, fakaola la koe e koe lava!”
38I luga ake o ia, na tūhia ai nā kupu iēnei, “Ko te Tupu o Tagata Iutaia tēnei.”
39Ko tētahi o nā pāgotā na fakatāutau i kinā, kua fakatauemu kia Iehu ma lea vē atu ki ei, “E hē ko koe nei ko te Mehia? Fakaola la koe ma kimāua!”
40Ka ko tētahi pāgotā, kua muna vē atu ki tona hoa, “Ko koe e hē mataku i te Atua? Kua tutuha lava te fakahalaga o koe ma ia. 41Kae ko te fakahalaga o ki tāua e hako, auā kua maua lava e ki tāua te taui o a tā mea na fai; kae ko ia tēnei, e hēki iei hana mea hehē na fai.” 42Ma na lea vē atu ai kia Iehu, “Iehu, manatua mai kō au, kāfai koe e hau i tau pule tau Tupu!”
43Na tali atu ia Iehu ki ei, “E takutino atu e au kia te koe, i te aho nei, ko koe ka i Palataiho fakatahi ma au.”
Ko te Mate o Iehu
(Mat 27.45-56; Mlk 15.33-41; Ioa 19.28-30)
44-45I te taimi tēnā kua ta te hefulu lua i te aoauli, ma na pōulitia uma ai te fenua kātoa ke pa ki te tolu i te afiafi, ona ko te lā kua hē huhulu. Ma na haelua ai te kiepupuni i loto o te Mālumalu. #Eho 26.31-33 46Oi na kalaga leo lahi ai ia Iehu, “Te Tamana, ki nā lima o koe, e tuku atu e au ki ei toku agaga!” Na uma lava te lea vēnā atu, oi na tō ai loa tana mānava. #Hal 31.5
47Kua kitea atu e te takitakikau o te toka helau te mea kua tupu, oi na viviki ake ai ki te Atua, ma lea vē, “E hako lava, ko te tagata tēnei e hēai hana holitūlāfono!”
48I te kitea atuga o te mea tēnei e te kaifenua na tumu atu oi matamata, oi na olo uma ai ki o lātou kāiga, ma tatuki o lātou fatafata i te fakanoanoa. 49Ka ko nā tino uma nae kilātou iloa ia Iehu, e aofia ai nā fafine nae mulimuli kia te ia mai Kalilaia, nae tutū mamao mai, ma na kilātou kitea nā mea uma iēnei. #Luk 8.2-3
Ko te Tanuga o Iehu
(Mat 27.57-61; Mlk 15.42-47; Ioa 19.38-42)
50-51Nae iei he tamāloa nae igoa kia Iohefa mai Alimatea, he tamā kakai i Iutea. Ko he tino lelei ma fakaaloalogia, nae fakatalitali ma te amanaki, ke pa mai te Mālō o te Atua. E ui ko he tino nae i loto o te Taupulega, kae nae hē kau kia lātou fuafuaga ma a lātou tonu nae fai. 52Na fano te tino tēnei kia Pilato oi fakanoi ke kave e ia te tinooti o Iehu. 53Oi na tuku ifo ai e ia te tino o Iehu ki lalo, kua āfīfī i he kie lino, ma na tuku ai ki loto o he tugamau na keli ki loto o he itū mauga papa, ma ko hēki takoto lele he tino i loto. 54Ko te aho tēnei o Tāpenapenaga, ma kua tāli kāmata lele te Hāpati.
55Ko nā fafine nae mulimuli kia Iehu mai Kalilaia, na olo ma Iohefa ma na kitea e kilāua te tugamau, ma te tukuga ki loto o te tino o Iehu. 56Oi na toe foki ai ki te fale oi hāuni nā meamanogi ma nā lolo mo te tino o Iehu.#Eho 20.10; Teu 5.14
Ma na mālōlō ai kilātou i te Hāpati, e vē ona fakatonu mai e te Tūlāfono a Mohe.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Society New Zealand Charitable Trust